PARA EL REY.
Reading edition
Oyd, que dise mi mote Syempre vençen seguidores, Non puedo vençer amores. Desque fuí conquistador Del mundo et començé, De todo fuy vençedor, Sola vos fuerte fallé, Por quien pago el escote, Que gosé de vençedores, É non puedo vençer amores. Que vuestra virtud es tanta, Mesclada con grand bellesa, Que á todo el mundo espanta Vuestra gracia et gentilesa; Mi cuerpo en arras y dote Rescebid, pues con dolores Non puedo vençer amores.
