DE CARVAJAL.
Reading edition
nota LXIII
¿Quién se podria alegrar, Sy vos, que teneys poder, Non quereys iamas querer La mi cuyta remediar? Esperança tanto larga Me fase pensar enganno, Quien padesce vida amarga Cada dia l’es un anno, Esperando meiorar Todavía ver peor, Quanto más presto meior, Es la tal vida dexar. Fuerte m’es la despedida, Mas quedar es muy dannoso, Quanto más luenga partida Tanto más so perdidoso, Vos desid, sy reparar Vos plase mi cruda quexa, Que esperança áun non me dexa De vos poder apartar.
