LOPE DE STÚÑIGA.
Reading edition
Sennora, grand sinrason Me feçistes en buena fe, Condennarme syn por qué. Todo hombre se enamora Á fin de ser amado; É por ser yo enamorado, Vos amé á vos, sennora, Et segund paresce agora, Aunque yo vos de mí, Condenaysme sin por qué. Ruego á los amadores Que aman syn ser amados, Que syentan los mis cuydados É plangan los mis dolores; Pues saben que son amores Que syempre mudan la fe É condenan syn por qué.
Fyn.
Vuestra muy linda figura Yo siempre desearé, Pues de vos me cativé.