Volume 6 / Part 2 — Mele Inoa no Kihapiilani.
Reading edition
Na Kamakahelei.
Kihapiilani a Piilani, i hanau Kamakaalaneo.
O Kihapiilani Kamakahalanalana;
Hi halanalakea o Kihapiilani,
Ka pua kahuli olini onini i ka lae,
E Kahuli hoi ha nei ko Kiha ili. 5.
Ko Kiha kahiko i kapa aku ai
He keokeo mai la, he hemolele nei Kauhi.
Ko Kauhi kahiko i kapa aku ai
O Kaeokulani ka ili ha’oha’o,
Ke kahuli mai la ua eleele, 10.
He ili ia no Kauhikea;
Pua ia no Kauhikea;
O Namakaikaluluokalani,
O ka pula ia o ka poopoo.
E pau ai ka nonanona ula, 15.
O ke koele wai ia o ke kahawai
E nanake ai ka lau laau i kai,
O ka ia hakihaki ia i ke kiholo.
E kamumu ai ka lea i ka maka,
E holo kakekake ai ke aho i ka lima. 20.
O Kawelo makua lua o Kakuihewa.
O Kanaloa o Loewa ia ’lii ka hua.
O Pahia o Kaili, ma ka nana elua ia,
O ka hua a Kama i hane, na lani ka hua.
O Kalewanuu, o Kalewalani elua ia, 25.
O Kama, o Laaloa ka hua,
O ka hua o Kupaeeli, eli kupa i lani,
O ka eeli eli o kupaukupa ka ai, kahele le,
O ka ai, ai, ai o kihalale
I kani ouou o kihalale. 30.
O ka ili kalakala, ili nakolokolo
Kua-ka ke kani,
He kani kupaukolo, kupaukolo.
Ka leo o ka manu.
Ka lupo o Kiwaa, 35.
O Kiwaa ka manu e—.
E kau, e ake, e kau pono ka lele,
Ka lupe o Kiwaa.
Ku Kawelo, ku mai ka lani!
Ku Kiha, ku ka kalani Hooneenuu, 40.
Ke ’lii o ka uaua pali paa;
Pali kahakoa, pali aku la na ’lii;
Pali kahakoa, pali aku la i ke kapu.
A nui, a nui ke kapu o Kauhikea.
O Kauhi, o Kama o Kamalalawalu, 45.
O Kamalalawalu ka lani halala hoae ke ’lii.
Halala auna mai ke kapu,
Auna mai ke kapu, anna ka moe.
O kawilioho o ka lani nui ke ’lii—e;
O ke ’lii ia e mamalu ai ke kapu, 50.
O ka wahine o ka lua koi.
Mamala ehaeha o kalani,
O ke koi puulele hanaoi, puulele hanaoi.
Laielohelohe ke—
Laielohelohe a Kalamakua, 55.
O ka pali eleku ia i ku i ke ki’eki’e
Makau weweli i ke kapu o ke ’lii.
O Piilani o Kawau Kaohele ke—
O Kaohele lani a Lono,
O ka lau hua komo o ke kahulihuli, 60.
O Kalani kuihono i ka moku,
Mawaho no ka lani e—,
Maloko no ka lani haku,
Mawaho no ka lani haawi mai,
Maloko no ka lani haku, 65.
Mawaho ma ke kuapa na’lii,
He pahu na ’lii no ke kapu.
He hoailona o na lii.
He kahuna o ka lani.
Ke ’kua o Maui hai mai he kapu 70.
Mailoko mai o ke kapu o Kaeokulani haku no;
Mailoko o Keaka Poomaihelani;
Mailoko o Keaka Kuailanimamao.
O ka wahine ia, o ka wahine kea.
A ke ahi, a mai ke ahi, 75.
A ke kapu, a mai ke kapu,
A ka wela, a mai ka wela.
O ka wela o Keawe;
O ka hahana o Lono;
O ka hahana o na lani nui koikoi; 80.
O ke kukai ana o na lani nui loloa;
O Keawekekahialiiokamoku;
Ku ku mai na lani nui loloa.
Me he pali waiahu la ka makaokao,
He kapu o Kaneikauaiwilani. 85.
A nui a nui o Kalani;
Ka meemee lani, ka mee lani;
Ka ihi kapu a Kuihewa,
O Kawelo nui a Peekoaakalana;
O Kawelo ka mahamaha ia; 90.
O Kawelo aole i paa i ka lananuu;
O ka pae Kawelo a Kawelo i ka wai;
O ka pae Kawelo i Moemoeakuha.
Iuka ka hiu o Kawelo i Konolea,
Ke loli la ke poo o Kawelo i kai 95.
I Kanolele i Muliwaiolena ka maka o Kawelo;
O ka maka, o ke kino, o ke poo i uka ke oho;
O ke oho ua hihia;
Ua hihia ke oho he kuna;
He kuna ke oho he kuna moe wai. 100.
He kuna loa ke oho o ka mokihe ula a Kane
E holo ana i Moanaliha,
I ke one lau ena a Kane.
O ka ihe nui lalahai.
O ka lalahai o Kaihe. 105.
O Kuholani, kupuna o Lupaikini.
He pai ka lani he olohe,
He ilio olohe o Kamalalawalu,
He mau maka e like Kauhilonohonua,
E like Kauhi e like o Piilani. 110.
Ewalu o Kalanikaumaka o Wakea.
O ka lua ia o ka moana hohonu,
E pala pu ai o ka ihu i ke kapu.
E kokohi ai ka eha naunau ke ku’i;
E kunewanewa ai hina ia Kama; 115.
I ku i ke oki, iaea i poho e Ku.
Eia Ku kaili auaualena.
O ka ili o moano, maka ele Kawelo,
He wawae oo i ka hope ka hae,
E kolili ai ka huelo, kowili koko, 120.
Ko i haea i Hakau na ilio alii.
O Keaka, o Keaka Poomaihelani,
O Keaka ma’i uha-kikili, Hala Kawelo.
O koa maka ea o Ku,
O Kuaiwa lani, o Aikanaka, 125.
O ka Aikanaka oe o Kamakaholani.
O ka ili i kalakala, i kalakala e,
I hookala oi mawaho.
O Kealohi Kikaupea,
Ka pea o Hoohila, 130.
O na maka oi o Kawelo elua,
O ka oi o ka puhi kakalawela,
I ae ka puhi ili paka, ili omole,
O na mole kapu o ka hola awahia
I hukiia, i uuina, 135.
I mohai pono mai, mai ka piko o Mano;
Mai ka piko o Hiwa, o Hiwa-kau-maka.