Volume 6 / Part 2 — He Kanikau i Kona Uhane.
Reading edition
Na Niau.
O ka uhane kanaka ole, kou inoa.
Hele ke aka o ka uhane a hoi mai,
E aloha ae ana a’u i ko’u hoa.
He aloha ka hoi kau ka nanai,
Aloha wale kuu uhane kino wailua. 5.
Elua ka maua e noho nei,
Aole a’u i ike aku oia kekahi,
Ua kii ka ilaila e kalohe ai,
Auhea ane oe?
Ai kapakapaku, ai kookoona, 10.
Heaha la ka’u hala nui, e ke ’kua,
I ai kuia paha a’u, i ai aia,
I ai aia ia’u, e lakou nei.
O ka hala ia la e Kaneikawaieola,
E ola e, e ola hoi a’u la, ko pulapula, 15.
Mai nana lea mai oe ia’u
E kahea aku no wau, e o mai oe.
E ku’u kino akua i ka lani,
E Kane, e lapa ka uila, e kui ka hekili.
E nei ka honua. 20.
Ola no wau, ua ike kuu akua,
Ke holoi mai nei; pau ka poino,
Make ka eu, ke kalohe e o, e puka.
Loaa iho nei oe he eu nukupuu,
O ka nuku eueu, e make no ia, 25.
Ka puali eu, ka ououkuono e make no ia.
E ola Niau i ke ao malama,
O Pele ko Hawaii, owau keia.
He kalaku a’u la, he okalakala,
E kala, e eueke. 30.
E kala aku ana a’u e ueueke,
E ueke aku ana au i kona poino,
Hemo ka ai ku, hemo ka ai-a,
E ku i kela, e lono i ka uweke,
Kala wekea i ka lili, 35.
Wekea i ka hala.
He aha la ka hala?
He hala i’a paha?
He hala ai paha?
He hala kapa paha? 40.
He hala malo paha?
O ka hala ia i lili ai Kahai,
E lili Kahai, ka pu maleolani—e ka lani e.
O ka mea nana i lawe o kuu maunu,
E i ae oe e make ia, e e make ia e. 45.