Volume 6 / Part 2 — He Kanikau no Kalaiulumoku.
Reading edition
O kapu kama ia’u e, ehia kama,
O ke kama ia kama Kahiki-a-ka-lana,
O kekahi kama ia a Kiha,
O ke kama ia hanau mai Akalani.
O ko lani oe o Ka-lau-loa-ia-iku. 5.
O Kauhi oe, o Kauhi a’u, a Kama.
O Kamalalawalu a’u a Kiha i hanau,
O Kiha ia o ka uli manauea,
E Kiha e ka uli, e ka manauae ea.
E Kamalalalua ia o Kama, e ka halalalu ia Kama ke hele, 10.
E Kama, e Kaila, e Kalalahai,
E ka hakihaki apana i mua i Malaehaakoa.
I ko oa e kihi kama Halelea,
Kamanuena a Kawelo, Kaweloaikanaka.
He maka ia no ka haku maka paweo, 15.
He maka kapu ia no Kalanikukuma.
Ka kaikuaana o Keilelalahai,
O Aanuikani-a-weke no Kona, no Koolau,
Akolu lakou a ka haku maka paweo i hanau.
Nona ka polo pea i Hihimanu 20.
I kau aku ai ka pea a huia
Ka polo pea a Kealohi kanaka maikai,
Kealohi kai ka wai loaa ka hema a Kealohi,
Keawe a Kealohi no kona koolua wahine a Umi,
Ke kuku Kailimoku, na Keawe no i hanau na ’lii 25.
I ka pale kohiana.
O ke kohiana polua io Haona,
O ka haona mai po hapai.
He ao e io Haka, io Hakaola,
O ke koo ola i koo ai kapu Kawelo, 30.
O ke ’lii nona ka hakikili
Haki apana apana i Holoholoku ke kapu.
O ke kapu mai hoano e hoomehameha,
O ka pehea hoi o na leo kawakawa i ka po;
I lani ka eloelo i ka lele mai polua 35.
Io nahae nahae mai o lele.
I na pu kolukolu i ke kolukolu ia iku lani;
O lani e i oa, e hoi e.
O ke nahili au nana ia o kihele,
O ka hele i o uilani ke maemae aku la, 40.
Ka lau aloha o Hoohila, kuu pua,
Manao i ka wai ke lana la, ke lana wale nei a’u, aole oe.
Auhea oe? eia’u, eia’u la ua he—mo kuu lima,
Ua huea kuu hipuu makamae,
Ua minamina au e imi, 45.
Kaua e imi hoi, a e nini mai oe i kuu nahoahoa,
I ka napele o kuu poo i ka eha, ua eha au e.