Volume 6 / Part 2 — He Kanikau no Pe’ape’a.
Reading edition
He kanikau aloha keia,
Nou hoi la e Peapeamakawalu,
Kamakauahoa.
Kau mea ’loha i nalo aku la.
O ku palena nui a Haho, 5.
O kama luaia o Palena,
O Holaniku a Kaihe ka makua.
Ka ukali hope, ka puaa kau i ke aolewa,
O Kaohelelani a Lono, na hoa hele,
Ka ukali o ka hope, 10.
O ka hookualana ana o kahi e
Ekolu lakou e ahu nei,
Haalele i ka moku i ka aina,
O Hana keia, akahi o loaa,
O Hana, aina ua lani haahaa, 15.
Lanakila nei o Kauiki, mauna i ka lani,
O Kapueokahi, o Mokuhono i kai o Kaihalulu,
O Manianiaula, o Hamaalewa o Kauiki,
Mauna i ka lani, ka mauna i ka paipai,
Hale o ka lani i hele aku la, 20.
E o ia nei o Kamakauahoa o Kepanila.
O kau-hai-paku ka hoi
Hoi makani o Kamakauahoa,
Kau mea ’loha i nalo aku la,
E uwe oe, e helu au o Kumukoa aku, o ka lani. 25.
I aha oe i welawela ai i punini ai oe.
Hele ka hoa o ke kaikunane,
O olua ia a Neau, mai loko o ka hale pupuu hookahi nei.
Akahi no ka ke aloha,
Ka paumako ia oukou, 30.
E ahu i ka wai o Punahoa,
Nau ka e moe ke na wai,
Ka wai halana kiowai a ka ua,
I hookio ia e ka ua apuakea.
E ka makani koholalele nei. 35.
O oe anei kahi anoai?
Ka ua wawahi i luna o ka hala,
Ka hala mai Akiu a Honokalani
Ka ulunahele hala o Akiola,
Ka’u mea ’loha i nalo aku la, 40.
He aloha la ko’u e noho aku nei,
He maeele no ka lima ia oe,
Aloha ka-lani, e aloha ka-lani,
Aloha ka-lani i hele aku nei,
Ua ahi ka-lani, 45.
Ua momoku ka ili,
Ua mea e ka lani, ua kino akua,
Ua kino lau, kino lau pahaohao.
Ua haona ke kino o ka lani i ke akua.
Ka lani, akua hou o Koolau. 50.
I hoi i ka lulu o Kapueokahi.
Ka poe hanehane i Kaiakahauli,
Ka kini noho kahakai o Nanualele.
O ka lani, ke ’kua o Hakipalunuau,
O ka pua na Laka, 55.
O Laka o Hakipalunu, ke kama kuakahi,
Ka poe i moe i ka wai o Punahoa.
I moe i ka wai auanu ka ili,
Ka’u mea ’loha i nalo aku la,
He aloha ko’u e noho aku nei, 60.
He maeele no ka lima.