Volume 6 / Part 2 — Ke Koolau o Wailua.
Reading edition
Ka waiopua makani o Wailua,
I huliia e ke kai, awahia ka wai,
Awahia ka lau ai me ka lau hau,
Pala ka ha, ka ai o Makaukiu.
He kiu ka pua kukui na ka makani, 5.
He elele hooholo na ke koolau.
Ke kuehu mai la iuka o Kapehu,
Ike ke kanaka, kahea, ualo makani!
Ke kipaku mai la i ka waa e hele e—
Holo newa ka lau maia, 10.
Ka pua hau i pili aloha me ka mokihi i ka wai,
Maalo pulelo i ka wai o Maluaka,
Ke aka o ua makani kaili hoa la,
Kaili ino ka lau Maluakele,
Lala lawe i ka hoa kanaka la, lilo, 15.
Koe aku ka u me ka manao iloko.
Ke apo hewa la no i ke one,
Uwe wale iho no i Moomooiki e.
He hoomooolelo na ke kuhiwale,
Aole ae ma ka waha e hewa ai, 20.
E hewa pono ai la hoi au e ke ’loha.
Owau ka ke ’loha i luaiele,
Ua kuewa i ke ala me ka waimaka.
Aohe wa ua uku hoi i ke hale,
Hewa au e— 25.
