De mensura cerae et metalli in operibus fusilibus.
Reading edition
In fundendis operibus cuius ponderis metallum quodlibet ad certum cerae pondus respondere debeat.
Ad cerae unciam unam stagni unciae VII et denarii XVII, aeris albi unciae VIII et denarii XVI, aeris cypri … unciae VIIII et denarii III, argenti unciae X et denarii XII, plumbi unciae XII et denarii VI, auri unciae XVIIII et denarii VIII.
Item si cerae fuerit libra, stagni VII librae et unciae X et denarii IIII mittendi sunt, quia quot uncias cera habuerit, tot VII uncias et XVII denarios stagni pondus habere debebit. et ideo si cerae fuerit libra, id est XII unciae, duodecies VII unciae stagni, quae faciunt VII libras, et duodecies XVII denarii mittendi sunt, qui faciunt CCIIII denarios, id est uncias X et denarios IIII.
si fuerit cerae libra, aeris albi librae VIII sumendae sunt et duodecies XVI denarii, quod sunt CXCII denarii, qui faciunt uncias VIIII et denarios XII.
in libram cerae aeris cypri librae VIIII et denarii XII mittendi sunt.
sic in libram cerae auricalci librae VIIII et duodecies tres denarii, qui faciunt unciam unam et denarios XVI.
contra libram cerae argenti librae X et duodecies XII denarii.
simili modo in libram cerae plumbi librae XII et duodecies VI denarii mittendi sunt.
in auri fusione contra libram cerae auri librae XVIIII et duodecies octo denarii, quod sunt unciae IIII et denarii XVI.
VITRUVII DE ARCHITECTURA