RELOGIO FERMO[1]
Reading edition
RELOGIO FERMO[1]
Se ga fermà el relogio là in saleta; A le sete e tre quarti el s'à fermà; A l'alegro tic-tac no dava reta: Desso, tasendo, che tristezza el fa!
Quel sôn pareva farme compagnia: Quanta, senza de lu, malinconia!
Quel sôn me dava vita e bon umor, Tic e tac el bateva col mio cuor.
'Desso, co sto silenzio, me par squasi D'essar solo, soleto, abandonà; E me par sia sta i ultimi quei basi Che za tempo, Nineta, ti m'à dà.
Su i to' lavri ghe gera, sa, Nineta, Quel tristo fredo che ghe xe in saleta!
Pareva el fogo del to amor stuà….[2] Come el relogio, in peto el cuor fermà!…
[1] relogio fermo = orologio fermo.
[2] stuà = spento.