Comment sigismonde receut la coupe d'or ou estoit le cueur de son loyal amy guisgard et la responce qu'elle fist au serviteur
Leonardo Bruni translation
Ad quam postquam patera est delata &c.
Sigismunde la coupe d'or receut Puis descouvrit le present trespiteux De son amy le cueur bien aperceut En le voyant fut son cueur doloureux Car transpercé fut d'ung dart perilleux Noircy de dueil de regret empenné De desespoir triste & calamiteux Estoit le fer qui son cueur a navré
Itaque ad famulum &c.
Palle devint tout son sang remua Puis se tourna envers le serviteur Et luy dist vers mon seigneur t'en va En luy disant qu'il a fau son honneur De avoir en or ensevely le cueur Du plus loyal amant qui fust en vie Tel sepulcre pour sa grande valeur Doit il avoir je le te certiffye
In hoc quidem decenter factum est &c.
J'ay aperceu tousjours par cy devant La charité que mon pere a vers moy Jusques cy m'a esté favorisant Mais oncquez mes ne fist chose de quoy Plus me tienge tenue sur ma foy Que en sepulcre d'or avoir ce cueur mis Du plus loyal de la meilleure foy Que oncques dieu fist cela je te pluvis