Part 1 — XLVI. JOHN CROW AND FOWL-HAWK.

One day Fowl-hawk go to John Crow yard an' tell him that him fe come have a walk with me to a country for something promise there to me.

"One day I go out an' in my way I pass a river. As I come to the river I meet Fowl. Him ask me to help him up, an' the baby any time him born I must come for it. Well my dear sir, the baby born; an' when I go, Fowl say him never make a promise with me. Look you, sir, if you see the picny, nice fresh fe we mouth, an' a no the one, but him hab more. So you will get a good bag of fresh, but the country danger home."

John Crow say:—"Me yerry dat place hab bad name, me no want go."

Hawk say:—"You too fool, we a man! we'll get 'way, me son, if them want to catch we. When me go dé the first time me go slam in a Fowl yard. Me an' him stay a whole day a quarrel, an' me no dead. Come, me good friend, make we go."

Them start.

Them fly an' fly till them get over the country.

Hawk say:—"Brother John, we get over the place. Look down yonder, look fresh!"

John Crow say:—"Me no go down dé."

Hawk say:—"A so! you too fool! Come make we go down little more."

Them go down till them pitch on a tree.

Hawk say:—"Brother, you see them better. I da go sing make them know say me a come."

John Crow say:—"If them yerry you, dem no will kill we!"

"No, all time me go down me an' Fowl a good friend, no mo' the little quarrel we have."

Hawk call out:—"See me ya me da come, me da come to the bargain, me da come, come; twillinky twing ping ya, me da come."

Fowl hear, tell him picny dem fe go hide.

So Dog was a gunner man, an' him an' Fowl a good friend, for Fowl always give him good treatment.

So Fowl go an' tell Dog say:—"Danger! hawk a come fe me daughter, so me a beg you fe come a yard an' shot him fe me when him come."

Dog come, an' him an' Fowl hide.

Hawk said to John Crow:—"Come make we go down."

John Crow say "No."

Hawk say:—"Hungry will burn you back."

John Crow say:—"Me no trust, me wi' wait 'pon God leisure."

Hawk say:—"All time you wait 'pon God fe give you you will never get; no see me a man no wait 'pon no man? Me go look what me know me want, but me if I get anyt'ing I never give you little piece self, you foolish fellow you! I gone."

Hawk start the singing again going down:—"See me ya, me da come, twillinky twing ping ya."

By Hawk get down Dog hit him bam.

Hawk dead.

John Crow laugh "Ha ha! let me pull me rusty bosom shirt an' put on me gown an' go down to see what do that fellah."

John Crow go down.

As him get on Fowl-hawk find that him was dead him say:—"Tank God, ha, ha!"

John Crow dig out the two eye and say:—"A this eye the fellah take a see," an' put it in his pocket an' turn on eating.

Dog look, an' say to Fowl:—"You finish with that one, so, sister, any time them come you send an' call me. I can't stop, I am very vex. I send out my son yesterday an' Puss meet him on the road an' beat him an' take 'way the money that I give him to give Brother Monkey. Him tell me son say him have a old grudge fe me an' him can't get to beat me, so him will beat all me picny. So, sister, I ha da go home, will be blue fire when I catch Puss."

When Dog go to Puss yard an' call him, Dog ask Puss for a drink of water an' a piece of fire.

Puss say:—"Go 'way from me gate, I know whé you come about."

Dog say:—"Ah, me man, will be blue fire!"

Puss gate was lock, for Puss have company the day. This company was Rabbit.

Dog say:—"I want to see you."

Puss say:—"Go 'way I tell you, you mout' long like a devil fork."

Dog broke the gate an' go in.

Puss lock up his house, an' stay inside an' cuss Dog till Dog has to go home.

An' Monkey say him will get the money from Puss for them is good friend.

So Dog go home to his yard an' have a hatred for Puss till death.

Jack Mantora me no choose any.

NOTES.

help him up, with his head-load.

fresh, fresh meat.

a no the one, etc., he has not only one, he has several.

danger home, is very dangerous.

over the country, over the place.

see me ya, etc., see me here, I am coming.

twillingky twing ping ya, a good imitation of the Hawk's vengeful shriek. Strong accent on the ya.

bam, French a, English m, imitating the discharge of the gun.

what do that fellah, what has befallen that fellow.