US SPRAKE
Reading edition
As Fries, moat min mei Fryslân ’t hâlde, Wy dwaen ek ljeaver neat as dat; It goede en skiene fen ’t alâlde, Biwarje w’as ús greatste skat. It echte Fryske yn praet en dwaen, Bilieven moat net fen ’e baen.
Wy romme op ús moaije sprake, En hawwe der mei op in boel. De tael fen heit, mem, beppe en pake, ’t Petear yn ’t Frysk komt oan ’t gefoel. Der prate w’yn, der bidde w’yn, Us tael giet djip, is mear as skyn.