VI. Ixcoçauhqui icuic.
Reading edition
Huiya tzonimolco notauane ye namech maya pinauhtiz, tetemoca ye namech maya pinauhtiz.
Xonca mecatla notecua icçotl mimilcatoc chicueyocan naualcalli nauali temoquetlaya.
Huiya tzonimolco cuicotipeuhque, aya tzonimolco cuicotipeuhque, aya iztleica naual moquizcauia, iztlauan naual moquizca.
Huia tzonimolco maceualli maya temacouia, oya tonaqui, oya tonaqui maceualli, maya temacouiya.
Huiya tzonimolco xoxolcuicatl cacauantoc ya ayouica mocuiltonoaci tontecuitl moteicnelil mauiztli.
Huiya ciuatontla xatenonotza, ayyauhcalcatl quiyauatla, xatenonotza.
Var. 2. Xoncan mecatlan notechoan. 3. Iztleica (for iztlauan). 6. Ia ayiauhcalcatl.