OMA ARVO.
Reading edition
(Jaakko Juteini: Suomalaisten arvo.)
Arvohai se meilgi lienöö omas muas täs armahas, vaikka halla vil'l'an vienöö, tyhjä liikkuu lippahas. Elo kazvaa kyndäjäizel, arvo toimen täyttäjäizel! Frallalalalalalallaa.
Da kui poiga aunukslaine häingi lähtöö liikkehel, jo tua korbi kol'l'akkaine kuaduu suurel rutškehel. Häin on lauhkie, lauhakkaine, toven toimis roihakkaine! Frallala…
Wain jo opin dorogoilgi Aunukses on astujie, kandelehil, laululoilgi laulajie da soittajie. Valgevus on vierähtännyh, hengi oigie helkähtännyh. Frallala…
A tua meijän armahaine, neitšykäine Aunuksen, kuin on silmä kiirakkaine, kuin on rožat ruskiet sen! Hänel luondo laulajaine, syväin hellä, hiilavaine! Frallala…