Volume 5 / Part 1 — PREFACE. (continued 6)

When Kalaepuni saw that the two were bent on killing him he called out: “I am going to kill you two.” He then began to turn and twist out of the rocks until he had freed himself. When the old people saw that they would get killed if Kalaepuni could get to the top, the old man ran away. When the old woman saw this she called out: “Are you going to run away? Is it not best to continue the fight until the enemy is killed? Do you suppose that you could save yourself by running? You will get killed if you run and you will get killed if you stay, for with this great strength none will ever escape.” With all this the old man kept on running and he never once turned back. The old woman, however, kept on rolling down the rocks till one happened to strike Kalaepuni on the head killing him. Ma keia hana a na elemakule ia Kalaepuni, olelo aku o Kalaepuni: “E make ana olua ia’u.” Oni ae la o Kalaepuni mai loko ae o na pohaku paakiki, a hemo ae la, ike na elemakule, e make ana laua ia Kalaepuni ke pii ae i luna, nolaila, holo aku la ka elemakule kane. Kahea aku ka wahine: “O ka holo ka kau, kai no o ka hoomanawanui ae a make ka enemi, alaila, pono, a holo aku oe pakele, e holo no, a e make no, e noho no a e make no, o ka ikaika auanei keia e pakele ai ke holo aku.” Ma keia olelo a ka wahine, aohe hoolohe mai o ke kane, o ka holo loa, aohe maliu mai i ka olelo a ka wahine, aka, hoomanawanui no ka wahine i ke kiola ana i ka pohaku, pa iho la ka lae o Kalaepuni i ka pohaku, a make iho la.

CHAPTER II. Relating to Kalaehina. MOKUNA II. NO KALAEHINA.

We can see in the above story that Kalaepuni must have been a very brave and fearless man and also that he was very powerful. In this chapter we will speak of his younger brother Kalaehina. Before the death of Kalaepuni at Keanapou, on Kahoolawe, and while he was still king of Hawaii in place of Keawenuiaumi, he ordered the people from one end of Kona to the other to go with Kalaehina and haul down canoes at Kapua, a place in South Kona next to Kau. In this expedition Kalaehina was placed in charge. There were as many canoes as there were minor districts in Kona. When they arrived at the place where the canoes were lying, there were six of them, there being six minor districts in Kona, Kalaehina then said to the people: “Ye servants of my older brother, Kalaepuni, hear me: the district that will get its canoe down to the shore first, its people shall be the favorites of Kalaepuni.” Ua maopopo ia kakou ma ka nana ana i ko Kalaepuni kaao, he kanaka koa loa ia a me ka makau ole, he kanaka ikaika loa, a ma keia kaao ana, no kona muli iho, oia o Kalaehina. Mamua ae o ka make ana o Kalaepuni ma Keanapou, i Kahoolawe, ia Kalaepuni e noho ana ma ko Keawenuiaumi noho ana alii, o Hawaii. Kena aku la o Kalaepuni i na kanaka, mai kela pea a keia pea o Kona, e hele me Kalaehina i ke kauo waa ma Kapua, aia ia wahi ma Kona Hema, e pili ana me Kau. Ma keia hele ana, ua hoonoho ia o Kalaehina i luna nui maluna o na mea a pau loa, e like me ka nui o na waa a me na okana o Kona. A hiki lakou i kahi o na waa e waiho ana, eono waa, eono okana, olelo aku o Kalaehina i kana olelo kuahaua: “E na makaainana o kuu kaikuaana, o Kalaepuni, e hoolohe mai oukou, o ka okana e hiki e ana kana waa i kai, alaila, e lilo ia mau kanaka i punahele na Kalaepuni.”

Kauo aku la ka okana mua i ka lakou waa, a hiki ma kekahi kipapali, o Nawaahookui ka inoa, eono iwilei kona kiekie, pela no ka hana a pau na waa eono, aohe waa i hiki loa i kai. Nolaila, haalele lakou i na waa, a hoi aku la a hiki i mua o Kalaepuni, ninau mai la o Kalaepuni: “Auhea na waa?” Olelo aku o Kalaehina: “Ua kauo mai nei makou a kahi i haalele aku nei, he wahi kipapali, aia i laila kahi i ili ai na waa a eono.” A lohe o Kalaepuni, huhu loa iho la ia i kona kaikaina, olelo aku la: “Aole anei au i hoonoho aku ia oe i luna maluna o na kanaka a pau, a no ke aha la oe i hooponopono ole ai e like me ka’u olelo ia oe? Nolaila, o oe hookahi ke pii e kauo mai i na waa, o na kanaka a pau e noho lakou aole make pii, a i hiki ole na waa ia oe, alaila, kau ia oe i kanaka no ka heiau.”

When Kalaehina heard the command given him by his older brother he was much frightened, for he believed that he was unable to get the canoes down. He, however, began to study the matter and all that night and the next day he spent in making plans as to how to overcome this most difficult matter. After at last hitting on a plan he went up to the place where the canoes were lying, took a look at them and proceeded to Kau. When he arrived in Kau he deceived the people, saying: “Ye people of Kau, the king, Kalaepuni has given me orders to tell you to go and haul the canoes down to the beach.” When the people heard this they all started for Kapua. Upon arriving at the place, the people lifted up the canoes, carried them to a place from where they could be dragged to the beach and placed in the sea; five of them were then paddled to Keauhou, where Kalaepuni was stopping, while Kalaehina followed behind with the other canoe on his back, coming by the upper road to Kainaliu. When Kalaepuni saw this he praised his younger brother for being so strong. A lohe o Kalaehina i keia mau olelo a kona kaikuaana, makau loa iho la ia, i ka hiki ole o na waa ia ia, noonoo iho la ia mai ka po a ao, mai ke ao a po, hele aku la ia a kahi o na waa i waiho ai, nana iho la a haalele, hele aku la ia a hiki i Kau. Malaila o Kalaehina i olelo ai me ka hoopunipuni, penei kana mau olelo i ko Kau poe: “E na kanaka o Kau nei, i kauoha mai nei ke ’lii, o Kalaepuni ia’u, e olelo aku ia oukou, e hele e kauo i na waa.” A lohe na kanaka i keia olelo a Kalaehina, ia manawa, akoakoa koke mai lakou a kahi o na waa i kau ai, oia o Kapua. Hapai ae la na kanaka i na waa a kahi kupono e kauo ai, a lana i loko o ke kai. Hoe ia aku la elima waa ma ka moana, a hiki i Keauhou, kahi a Kalaepuni e noho ana, hookahi waa mahope me Kalaehina. O ia waa i koe mahope, auamo ae la o Kalaehina a hele mai la mauka a hiki i Kainaliu, auamo aku la o Kalaehina a hiki imua o Kalaepuni kona kaikuaana, mahalo iho la o Kalaepuni i kona kaikaina no ka ikaika loa i ke amo waa.

When the day of celebration of Kalaepuni arrived the king displayed his brother’s strength in the presence of all the people. Kalaehina took up one of the six canoes and threw it into the sea as though it was a spear, without much effort. A few days after this Kalaehina saw the king’s chief steward chopping firewood, he picked up a stick of wood and struck it with his head, breaking the stick into small bits, thus making the hard ohia appear as nothing. A hiki mai ka la hookahakaha o ke ’lii o Kalaepuni, ia la i hoike ai o Kalaehina i kona ikaika i mua o na mea a pau loa. Lalau iho la ia hookahi waa o na waa eono i kauo ia mai ai, a pahee aku la i loko o ke kai, me he ihe la, a me he mea ole la ia ia. Nana aku la o Kalaehina i na aipuupuu a ke ’lii, e kaka wahie ana, lalau iho la ia hookahi pauku wahie, a hahau iho la i kona poo, a okaoka liilii loa, lilo iho la ka paa o ka ohia i mea ole.

No keia ikaika o Kalaehina, olelo mai o Kalaepuni: “E kuu kaikaina, pomaikai kaua, i ko kaua ikaika nui. Lilo ae nei au i alii no Hawaii nei ma kuu ikaika, e aho e holo oe i Maui e luku i na pua alii o laila, a e noho alii ma ko Kamalalawalu wahi.” Ae aku o Kalaehina i ka olelo a kona kaikuaana, a Kalaepuni, noho iho la ia a hala na la kapu heiau o Hawaii, a hala ia, holo aku la ia i Maui.

A hiki o Kalaehina ma Hana i Maui, ia wa, he aha mokomoko ka ke ’lii o Maui, a Kamalalawalu ma ka puu o Kauiki, e akoakoa ana na kanaka he lehulehu, me ka puloulou kapu o ke ’lii, ae aku la o Kalaehina maluna o ia kapu, lalau iho la i ka puloulou, a lilo i mea ole i loko o kona mau lima. A ike o Kamalalawalu ke ’lii i keia mau hana a Kalaehina, kena ae la ia i ka lehulehu, e lele maluna o Kalaehina a pepehi. A makaukau ka lima o ka lehulehu e pepehi ia Kalaehina, ia wa o Kalaehina i pulumi ai me kona mau lima i na kanaka, e like me na naonao liilii loa, e kuolo ia ana, pela ka hana ana o Kalaehina ia lakou. Ma keia hana a Kalaehina, ua makau o Kamalalawalu, a mahuka aku la a noho ma ka punawai o Waianapanapa, aia ia wahi ma Honokolani ma Hana a hiki i keia la.

Lilo ae la o Kalaehina i alii no Maui, ma ko Kamalalawalu noho alii ana, kui aku la keia kaulana mai Hawaii a Niihau, i ka ikaika o Kalaehina a me kona noho alii ana no Maui ma kahi o Kamalalawalu.

Legend of Kapakohana. Kaao no Kapakohana.

Oia ko Kauai kanaka ikaika loa, a oia ke noho ana ma ko Ola wahi, ko Kauai alii nui. A lohe oia i ko Kalaehina ikaika, makemake iho la oia e holo mai e hakaka me Kalaehina. Holo mai la ia mai Kauai mai a pae ma Oahu, mai Oahu mai a pae ma Honuaula i Maui, kau na waa i laila, hele aku la mauka a hiki i Kipahulu, ahiahi iho la, moe malaila, i kau hale kamaaina.

Ninau mai la kamaaina: “Mahea kau wahi hele? A mai hea mai nei oe.” Olelo aku keia: “Mai Kauai mai nei au, e hele ana i ka makaikai a hiki i Hana a puni o Maui nei, alaila, hoi ia Kauai.” I mai na kamaaina: “Minamina wale ko kanaka maikai, i ka make i ke ’lii huhu o makou, ia Kalaehina, e aho e hoi oe.” I aku o Kapakohana: “He huhu no ka ia i ka mea hele malie ma ke alanui.” “Ae, he huhu no, he oi kela o ke kanaka huhu a me ka ikaika, ua noke ia na ’lii a me na koa, aohe puko momona ia ia, a ua mahuka ke ’lii o makou, o Kamalalawalu a holo, no ka makau.” Ninau aku o Kapakohana: “Heaha na hoailona ikaika ona a oukou i ike ai?” “Eia, e hiki ia ia e huhuki i na laau nunui e ulu ana, a e hiki ia ia e kaka i kana wahie ma kona poo (me he koi la ka oi), ke lohi ke kaka ana o na aipuupuu. Ina he la koele, aohe pane leo, aohe walaau, nolaila kau ka weli i na kanaka a pau nona, oia la i lohe oe.” I aku o Kapakohana: “Aohe hoi ha he ikaika, he ikaika huhuki laau wale iho la no, ehia auanei au puupuu holo ia.” I mai na kamaaina: “Aole oe e pakele, he ikaika auanei kela a kana mai.” Olelo aku o Kapakohana i na kamaaina: “Ina e aa mai ia ia’u e hakaka maua, lealea loa au.”

Moe iho la lakou a ao ia po, hele aku la o Kapakohana a hiki ma Kaiwiopele i Hana, ma keia hele ana o Kapakohana, hahai pu aku la na kamaaina o kona hale i moe ai, e ike i ko laua hakaka ana.

A hiki o Kapakohana i mua o Kalaehina, nana mai la o Kalaehina a ike he kanaka e hoea aku ana i mua ona. Kahea mai la o Kalaehina, me ka leo nui: “E nahae auanei! E nahae auanei!” Ia manawa a Kalaehina i kahea ai, ke aloha nei ka lehulehu ia Kapakohana i ka make ia Kalaehina. A hiki o Kapakohana i mua o ke alo o Kalaehina a me na kanaka mahiai, nana aku la ia, aohe pane leo, aohe walaau, no ka mea, ua kau o Kalaehina i ke kanawai, no ka walaau. Ia wa, makaukau o Kalaehina e hopu ia Kapakohana, a ike o Kapakohana ia anehenehe o Kalaehina, e hopu ia ia, kahea aku la ia i na kanaka koele, ua oki ke koele.

Ia manawa, lele mai la o Kalaehina a hopu ia Kapakohana, paa iho la, e puliki aku ana o Kapakohana ia Kalaehina paa loa, no ka mea, o ia ka Kapakohana mea makaukau loa. Ia manawa hakoko laua me ka ikaika loa, maluna, malalo, malalo, maluna, a aneane e pau ke aho o Kapakohana. I loko o ko laua wa e hakoko ana, noonoo iho la o Kapakohana, hookahi mea pono ia ia, e hooke ia Kalaehina, i ka pali kahakai o Kaihalulu e kokoke la i Kapueokahi ma Hana. A kupono laua maluna pono o ka pali o Kaihalulu, lele pu aku la laua a elua i ka pali, a nalo i loko o ke kai, a mahope, ea mai la o Kapakohana, ua make o Kalaehina. Lawe pu mai la o Kapakohana i ke a auwae o Kalaehina a hoike ae la i na kanaka o uka, maopopo iho la, ua make o Kalaehina.

Mahope o ka make ana o Kalaehina, lilo ae la o Kamalalawalu i alii no Maui, e like me kona ano mamua. O na kanaka o Hana, kaohi mai la lakou ia Kapakohana e noho i alii no lakou, e like me Kalaehina, hoole aku o Kapakohana.

A few days after the death of Kalaehina, Kapakohana returned by way of Honuaula to the place where his canoe was moored, boarded it and he set out for Molokai landing at the Kalaau point, where he spent the night. Early the next day he again set out and landed at Ulukou in Waikiki; from this place he continued on his way and by night of the same day he landed at Pokai, in Waianae. On the next morning he again set out and by dusk he entered the mouth of the Wailua river, in Kauai, where he landed. Alaila, hoi aku la o Kapakohana, a loaa na waa ona ma Honuaula e kau ana, ee aku la ia a holo i ka moana, a pae ma Molokai, i ka lae o Kalaau, moe a ao ae, holo a pae mai ma Waikiki i Ulukou. Ia po a kau i Pokai ma Waianae, moe a kupono ka la, holo aku la a molehulehu, komo ma Wailua i Kauai, a pae aku la i uka.

Ia lakou e makaukau ana e paina, hiki ana ka olohe aikanaka o Hanakapiai, e hele ana e ai i kanaka o Wailua. A ike o Kapakohana i ka olohe, olelo aku la ia: “Ea, heaha kau o onei o ka hele ana mai, aole oe i ike, owau ko Kauai nei kanaka ikaika i ka hakaka, a heaha kou mea i makau ole ai i ka hele maanei?” Olelo mai ka olohe: “Aole au i ike ia oe, a me kou ikaika aole hoi au i hele mai e hoolohe i kau olelo, he hana okoa ko’u mea i hiki mai ai ianei.” Ninau aku o Kapakohana: “Heaha ia hana au?” Wahi a ka olohe: “O kuu ai aku ia ia oe a pau, o kuu nau aku i ko iwi a waliwali, a okaoka, a lehu.” I aku o Kapakohana: “Ua makaukau wau ia mau mea au e olelo mai la.” Ia wa, lalau o Kapakohana i ka olohe, me ka puliki a paa loa i kona kino, aka, he mea ole ia i ka olohe. Ma keia hakoko ana, ua paa loa o Kapakohana i ka olohe, a ua pau loa kona aho, a kokoke e nawaliwali o Kapakohana, nolaila, nonoi aku o Kapakohana: “E hoaikane kaua, he mea kipa ka hale, he mea ai na kalo moa.”

At this request the hairless cannibal of Hanakapiai agreed to be friends and allowed Kapakohana to get up and to cease the combat. Thinking that Kapakohana was honest in his intentions the robber cannibal became careless at nights and grew less watchful. One night while he was fast asleep, Kapakohana and two forties of his men came and surrounded the house of the cannibal with nets and ropes and prepared to catch him. Ma keia olelo a Kapakohana, ua hookuu ka olohe aikanaka o Hanakapiai ia Kapakohana, manao iho la ka olohe, he olelo oiaio keia a Kapakohana, walewale kona manao, a hemahema kona moe ana i ka po. Ia ia e moe ana, ala mai la o Kapakohana me kona mau kanaka elua kanaha, a hoopuni i ka hale me ka upena, a me na kaula he nui loa a me na kanaka e makaukau ana e hopu i ka olohe, ia lakou e makaukau ana e hoopuni i ka upena.

Ala mai la ka olohe, a noho i luna, me ka noonoo i kona moe ana, lohe aku la ia i ka nehe o na kanaka a me ka halulu, kiei aku la ia a ike, he upena ka mea e hana ia nei mawaho, lele ae la ia a luna o ka hale, wawahi ae la ma kaupoku, a hemo ae la ke poo ma waho. Lele aku la ia a kau luna o ka lala kukui, noho iho la hoolohe i ka leo a me ke kamumu, e olelo ana o Kapakohana. “E makaukau oukou a pupuhi ae ke ahi, i pau ka olohe aikanaka.” A lohe ka olohe i keia olelo, i iho la ia: “Make oukou ia’u. E ai aku ana au ia oukou a pau loa, mai ka mea nui a ka mea liilii.” Lele iho la ua olohe nei, mai luna iho a lalo, kokolo aku la keia a kokoke, lalau aku la hookahi kanaka, pau ae la i ka ai ia, lalau hou alua kanaka, pau hou no i ka ai ia. Pela no ka ai ana a ka olohe, a loaa o Kapakohana lele aku ana ka olohe ai, e lele mai ana o Kapakohana, paa i ka puu o ka olohe, pela laua i noke ai a kokoke e napoo ka la i lalo o ke kai, paa ka olohe a hina iho la i lalo o ka honua. Lalau aku la o Kapakohana i kana laau palau a hoomoe ma ka hono o ka olohe, elua hana ana peia, haalele ka olohe, i ka la i ka mea mahana, a make iho la ia.

Poalo ae la o Kapakohana i na maka o ka olohe, i mea kupalu mano, lole ae la i na iwi i mea kau paipu, a o ke kino okoa hoi, kaumaha ia aku la na ke ’kua i luna o ka heiau. Pela i pau ai ke kaua ana o Kapakohana me ka olohe.

Legend of Kapunohu. He Kaao no Kapunohu.

No Kukuipahu i Kohala o Kapunohu, o Kukuipahu ke kaikoeke, o Kanikaa ke ’kua, o Hoomaoe ka lawaia. He kanaka lawaia o Hoomaoe, ia ia e iho ai i ka lawaia a hoi mai me na ia he umi, halawai laua me ke ’kua, o Kanikaa ka inoa. Ninau aku o Kanikaa ia Hoomaoe: “Kani ka hoe? Ai wale i ka ia, loaa aku la ka ia.” I aku o Hoomaoe: “He ia no.” “Ehia ia?” Wahi a Kanikaa. “He umi ia.” “Na’u kekahi ia.” Haawi mai la o Hoomaoe. Pela no ke noi ana a Kanikaa a pau na ia he umi. Ma keia nonoi ana a Kanikaa ia Hoomaoe, ua maopopo ia ia he kanaka lokomaikai o Hoomaoe, nolaila, olelo aku o Kanikaa ia ia: “I kii mai nei au ia oe e ai, a no ko lokomaikai launa ole ia’u, nolaila, ola oe ia’u, a lilo no hoi au i akua nou.”

Mahope o laila, hele aku la o Kanikaa i ka pahee me kana ihe o Kanikawi. Ia ia e pahee ana, a holo ka ihe i ke kahua pahee, ia wa o Kapunohu i lalau ai i ka ihe a holo, me ka mama loa. A ike o Kanikaa ua lilo kana ihe ia Kapunohu, alualu aku la ia me ka manao e pepehi a make o Kapunohu, ma keia hahai ana ia Kapunohu, hiki laua i Kawaihae uka, a komo o Kapunohu i loko o ka lua, komo o Kanikaa i loko o ka lua, puka o Kapunohu i waho, pela ko laua hana ana a hoaikane laua. Nolaila, ma keia hana ana pela, ua kapaia ia wahi o Kaholeiwai a hiki i keia la. Eia ke ano; he wahi hakaka o ka makani maoli me ka naulu, e hiki i ka makani hikina ke pa mai a hiki i laila, aole e hiki ke lele ma ke komohana o Kaholeiwai, a pa aku, pela hoi ka naulu, aole e hiki ia ia ke nee ma ka hikina o Kaholeiwai. Nolaila, ua kaulana ia wahi mai kahiko loa mai a hiki i keia la, a ke mau nei no ko laua hakaka ana a hiki i keia la, a mau loa aku no.

When Kanikaa and Kapunohu became friends, Kapunohu kept Kanikaa’s spear, Kanikawi, and Kanikaa became the god of Kapunohu. Ma keia launa ana o Kanikaa me Kapunohu, ua lilo ia Kapunohu ka ihe a Kanikaa, o Kanikawi, a ua lilo no hoi o Kanikaa he ’kua no Kapunohu.

Hoi aku la o Kapunohu a noho me kona kaikuahine, ka wahine a Kukuipahu, ke ’lii o Kohala, noho iho la, a hiki i ka wa ai o ke kakahiaka, i mai la ke kaikuahine o Kapunohu, o hele mamua e ai me ko kaikoeke, no ka mea he ai kapu. A hiki o Kapunohu i mua, lalau aku la ia i ke poi wai holoi a holoi iho la i na lima. Ia Kapunohu e holoi ana i na lima, ninau aku la o Kukuipahu: “Holoi ka lima, heaha koalaala o ka ai ana?” I aku o Kapunohu: “I hea ia ae nei hoi.” Ia wa, ninau ae la o Kukuipahu ia loko o ka hale, mai kela aoao a keia aoao: “E! Kela kala, o keia kala, e kahuwai, i kahea ia aku nei anei oinei e hele mai e ai?” Hoole mai la o loko o ka hale: “Aole, hilahila wale.” Pa iho la keia olelo ia Kapunohu, hilahila loa, hoi aku la o Kapunohu a ke kaikuahine olelo, a pau ia, hele aku la o Kapunohu me ka huhu a manao ino i ke kaikoeke.

Pii aku la o Kapunohu a hiki i uka o ia aina, e ku ana ka lalani wiliwili, he laau nunui ia me he kukui la kona kino, ke nui ame ke kiekie, he laau oluolu no nae, aole paakiki loa e like me ke kukui. Ia wa, hoao o Kapunohu i kona ikaika i ka hou ihe, holoholo aku la ia me kana ihe a pahu aku la, komo aku la kana ihe i loko o na wiliwili a pau loa, ua olelo ia, elua lau wiliwili e ku ana ma ka lalani ana i pahu ai, a o ia mau wiliwili kai pukapuka ia Kapunohu, i ka pahu kookahi ana i ka ihe.

A pau keia hana a Kapunohu, pii aku la ia a loaa elua mau elemakule e mahiai ana i ke alanui, o Nahuluaina ko laua aina e mahiai ana. Olelo aku o Kapunohu ia laua: “E na elemakule, e holo olua me na lepa elua, me ko olua mama loa, a kahi a olua e kukulu ai, o ka palena ia o ko olua aina.” O na inoa o ua mau elemakule nei, o Pioholowai kekahi, a o Kukuikiikii kekahi, hopu iho la laua i na lepa, a holo aku la me ka mama loa. Ma keia holo ana o laua, pau e ko Pioholowai aho, a kukulu koke i kana lepa, nolaila pokole kona wahi, a kapaia ka mokuna o ia aina, o Pioholowai a hiki i keia la, mamuli o kona inoa. O Kukuikiikii, kela loa kona mama i mua, a nui kona aina, kukulu ia iho la kana lepa, a ua kapa ia ia wahi o Kukuikiikii a hiki i keia la, mamuli o ka inoa o ka elemakule ahai lepa. Nolaila, ua waiho mumuku na aina o Hualoa 1, Hualoa 2, Kealahewa 1, Kealahewa 2, Kealahewa 3, Hukiaa 1, Hukiaa 2, Kokoiki 1, Kokoiki 2, Puuepa 1, Puuepa 2, Kapakai, Upolu, Honoipu, Puakea 1, Puakea 2, Puakea 3, Kamilo. Pela ke ano o kela mau aina a hiki i keia la, aole i hiki loa i ke kuahiwi, e like me na aina e ae o Kohala.

Hele aku la o Kapunohu a hiki i Waiaoopu ma Halaula, he wahine ia, noho iho la me ia ekolu la, malaila aku, a hiki i Puaiole ma Aamakao, he wahine ia, elua la me ia, malaila aku a hiki i Niulii, he ’lii ia no ia aoao o Kohala, mai ka pali o Awini a ka pali o Wainaia, kona wahi, a mai Wainaia, a Kahua ko Kukuipahu wahi ia, oia ko laila alii. Ua nui kahi o Kohala ia Kukuipahu, a uuku hoi kahi ia Niulii. Nolaila, he kaua iwaena o laua i na la a pau loa, a o ia ke kumu o Kapunohu i hele ai a ma ko Niulii aoao, i make o Kukuipahu ia ia, no ka ukiuki i ka hoohilahila ana ia ia.

Before Kapunohu arrived at the king’s place it grew quite dark. He went down the Opuowao gulch, which is next to Makapala and climbed the next rise, called Kohepalapala, next to Niulii and then down a little hollow called Kaha. When Kapunohu arrived at this place he saw the daughters of Niulii bathing. The first was named Neue and the younger one was called Keawehala. Kapunohu looked at the two girls and they looked at him. Kapunohu was a handsome man and his whole body was without blemish. So the girls, too, were beautiful to look upon. A hiki aku la o Kapunohu i ka wa ahiahi koena liula, iho aku la ia ma Opuowao, e pili la me Makapala, a pii aku o Kohepalapala ia kahawai, e pili la me Niulii, he wahi oawa o Kaha, ka inoa. Hiki aku la o Kapunohu i laila, e auau ana na kaikamahine a Niulii i laila. O Neue ka mua, o Keawehala ka muli, nana aku la o Kapunohu ia laua, nana mai la laua ia Kapunohu, he kanaka maikai o Kapunohu ma kona kino a puni, aohe kina, a pela no hoi na wahine.

Nolaila, ninau mai la na wahine: “Mahea mai oe?” “Maanei mai nei no.” “Aole o onei kanaka elike me oe, mahea mai oe?” “Mawaho mai nei au ma na ilima mai.” “Ae, he oiaio ia, a o ko olelo maanei mai nei, aole. A e hele ana oe o hea?” “E hele ana au e makaikai maanei aku.” “Ae, hele oe a hea moe?” “A kahi no e make hiamoe ai na maka, alaila, hiamoe.” Wahi a na kaikamahine: “Aole e piapia ko maka ianei e moe ai.” “I ke aha hoi, ina ua pono ia i ko olua noonoo ana.” “Ua pono no, e hoi kakou.” A hiki lakou i ka hale, e noho ana o Niulii me kana wahine o Kawaikapu, he wahine maikai ia ma ka nana aku.

At sight of the young man, Niulii inquired: “Who is the third person?” The daughters replied: “A stranger that belongs to us. We were bathing when he came along, and being late we brought him home for the night and he can resume his journey tomorrow.” Niulii then said: “You should take him as your husband, you two women,” so Kapunohu took the two girls as his wives and made his home with the king, Niulii. A few days after this Niulii prepared for battle, and Kapunohu was made the general of all the forces of Niulii.

Ninau mai la o Niulii: “Owai ko oukou kolu?” I aku na kaikamahine: “He malihini na maua, e auau ana maua, ku ana keia, a no ka poeleele, hoihoi mai nei maua ia ia i ka hale nei e moe ai a ao hele aku.” I mai o Niulii: “O ka olua kane ia, o olua na wahine.” Moe iho la lakou a ao ae, hoonoho iho la o Niulii i ke kaua. Lilo ae la o Kapunohu i alihikaua no na koa a pau o Niulii. Hele mai la ke kaua a hiki i Wainaia maluna aku, o Piauwai ia wahi, loaa ko Kukuipahu alihikaua o Kaluakanaka ka inoa, i laila hoouka ke kaua, ma keia hoouka ana, hee ko Kaluakanaka aoao ia Kapunohu. Nee hope mai la ke kaua, a hala ka pali o Wainaia, a Iole, Ainakea, kupono i Hinakahua, ma Kapaau, i laila o Kukuipahu me ka poe o ke kaua. Alaila, o o na ihe, hou aku a hou mai, i laila o Kapunohu i hou ai i ka ihe ana o Kanikawi, nehe ka lau o ke ko, owe ka lau o ka manienie, ku ke ehu o ka lepo i luna, hookahi no pahu ana i ka ihe, ewalu lau kanaka i ku a make, mahope o laila ua nawaliwali ka ihe, ahulau iho la na kanaka i ka make. Lawe ae la o Kapunohu i ka ahuula a me ka mahiole, make iho la o Kukuipahu, a me na kanaka he lehulehu, o ke koena, hee aku la a hiki i Lamakee ma Kaauhuhu, loaa aku la ia Kapunohu i laila, hoouka hou.

I laila la oili mai o Paopele, he koa ikaika ia, eono puali o kana laau palau, o Keolewa ka inoa, pulu ka welau o luna i ka ua awa, pau ka loa o ke ahupuaa mai ke kuahiwi a ke kai, ke hoomoe ia ma ka loa, paa ke kukuna o ka la, lulu ka makani o ka hikina, he umi lau kanaka nana e amo, alaila hiki. Iaia e ku ana i ke kahua o Lamakee, komo mai ka makau ia Kapunohu, no ka nui o ko Paopele kino ke nana aku, nolaila, pane iho o Kanikaa ke ’kua ia o Kapunohu: “Mai makau oe i ka hekili nui i ka lani, aohe ikaika. O kau ka pahu i ka ihe ia Kanikawi, o ka’u ke nahu.” Mahope o keia olelo ana a Kanikaa, e nahu iho ana o Kanikaa ma ke kua o Paopele, lilo o Paopele i laila, e pahu iho ana o Kapunohu i ka ihe, ku o Paopele, halulu ana i lalo a make iho la. Nolaila, kaulana o Lamakee a hiki i keia la, no ka make ana o Paopele ke kanaka koa ia Kapunohu, nolaila, hee aku la ke kaua a hiki i Kaluaowilinau ma Puuepa, pela a hiki i Upolu, a Puakea, a Kamilo, koe, kahi a na elemakule i kukulu lepa ai. Nolaila, o Kukuipahu kekahi o na ahupuaa nui o Kohala, a hiki i keia la, mamuli o ka hana a kela mau elemakule. Puni ae la ka aina o Kohala ia Niulii, a oia wale no ke ’lii o Kohala puni ia wa.

A pau ke kaua ana, holo mai la o Kapunohu, me ke ’kua ona o Kanikaa, a me kana laau palau o Kanikawi, i Oahu nei i kona kaikuahine, oia ka wahine a Olopana. Kau mai la ia ma ka waa mai Kohala mai a kau i Keanapou i Kahoolawe, moe a ao, holo mai la a pae ma Kahalepalaoa, i Lanai, mai laila mai a Kaluakoi i Molokai pae, a hala ia, ma laila mai a pae ma ka lae o Makapuu, Kailua, Koolau. E noho ana ke kaikuahine i laila, o Konahuanui ka inoa, ike mai la ia Kapunohu, uwe iho la laua a pau, i aku ke kaikuahine: “Aohe ai moa, he pololi, he ai no aia i waena. A o ko kaikoeke hoi o Olopana, aia no i ka mahiai me na kanaka.” I aku o Kapunohu: “E hele kaua e kuhikuhi oe ia’u i ka mala ai.” Hele aku la laua a hiki, kuhikuhi mai la ke kaikuahine, ewalu loi kalo nui, a hoi aku la ke kaikuahine.

Kapunohu then set to work and pulled up all the taro in the eight patches, tied the taro into bundles and carried the whole lot in his two arms to the house, each arm holding the taro of four patches. When Kapunohu arrived at the house with the taro his sister looked on and said: “What an idea! I should think you would pull up but one patch, but here you have pulled up all the patches.” Kapunohu replied: “This will give us plenty of food; we will not be required to get it in small quantities.” Kapunohu then picked up his spear, Kanikawi, broke off the point and started the fire. When the fire lit, he took some of the taro and cut it up and threw the pieces into the fire and in this way used the taro for firewood. Because of this action of Kapunohu, the saying, “the hard taro of Waiahole,” is known from Hawaii to Niihau. When Olopana saw what Kapunohu had done, he began to scheme, that with the use of Kapunohu he would be able to conquer the whole of Oahu, as he and Kakuhihewa, the king of the Kona side of Oahu, were on bad terms. Through the advice of his priest, Olopana was made doubly sure that Kapunohu was a very strong and brave man and was fearless and willing to meet all comers. Therefore Olopana made Kapunohu the commander-in-chief of his forces and urged upon him to go and fight Kakuhihewa. In this battle Kakuhihewa was slain by Kapunohu and the whole of Oahu came under the rule of Olopana. Noke aku la o Kapunohu i ka huhuki a pau na loi ai ewalu, ku ae la ke ahu o ka ai ma kapa, noke aku ana o Kapunohu i ka huhui a paa, hoo i ka ai i na lima, ma o a ma o, o ka aumaka iho la no ia o ke amo ana a hiki i ka hale, ua like me aha loi ai ma kela lima keia lima. A hiki o Kapunohu i ka hale me ka ai, nana mai la ke kaikuahine a olelo mai la: “Ka haha! Kupanaha oe! Kai no o ka huhuki ae nei kau hookahi loi, eia ka o ka huhuki no kau a pau loa.” I aku o Kapunohu: “Nui hoi paha ka ai, aole e kii liilii.” Lalau aku la o Kapunohu i kana ihe ia Kanikawi, a hahaki ae la i ka maka, a hoa iho la i ke ahi, a a ke ahi, lalau aku la i ke kalo a kolikoli, kiola aku la i loko o ke ahi, a mai la ke ahi, pela no kana hana mau ana, a lilo iho la ke kalo i wahie no ke ahi. Nolaila, ma keia hana ana a Kapunohu, ua kapaia “kalo paa o Waiahole,” he olelo kaulana loa ia mai Hawaii a Niihau. A ike o Olopana i keia mau hana a Kapunohu, noonoo iho la ia, oia, ke kanaka e puni ai o Oahu nei ia ia, no ka mea, e noho kue ana laua o Kakuhihewa ke ’lii o Kona nei. Maopopo iho la ia Olopana ma kona lohe i ka olelo a kana kahuna, he kanaka koa ikaika loa o Kapunohu, he kanaka makau ole, he kanaka aa i mua o ka lehulehu. Nolaila, hoolilo aku la o Olopana ia Kapunohu i alihikaua nona, e hele e kaua me Kakuhihewa, ma keia kaua ana, ua make o Kakuhihewa ia Kapunohu, a lilo o Oahu nei a puni ia Olopana.

A make o Olopana, haalele iho la o Kapunohu ia Oahu nei, holo aku la ia ma ka waa a pae ma Poki i Waimea, Kauai, hele aku la ia malaila aku, a hiki i Wahiawa, malaila aku a Lawai i Koloa noho. I laila o Kemamo kahi i noho ai, he koa ia, he kanaka ikaika i ka maa ala, aohe ona lua ma ia hana o ka lima hema kona oi loa, e hiki ia ia ke maa i ka ala hookahi, i na mile eono, a i ka hiku o ka mile, pio ka ikaika o ka ala. Aole he kanaka aa o Kauai, e hakaka me Kemamo aole alii, aole koa. Nolaila, ua makau loa ia ka hele ana mai Koloa aku a Nawiliwili, aole hiki i ko Koolau ke hele mai maanei o Nawiliwili a pela ko Kona nei, aole hiki ke hele aku ma o o Koloa. No ka mea, e noho ana o Kemamo ma waena o Koloa a me Nawiliwili, me kana wahine o Waialeale.

When Kapunohu arrived at Lawai he was entertained that night by some of the people of the place, and on the next day he prepared to continue on his journey. When he was ready to start, the people said: “You must not go by this way or you will get killed by our great warrior.” Kapunohu then asked: “Who is this warrior?” “Kemamo.” “In what is his strength?” “He is very skilful in the use of the sling. He never misses a shot, and the strength of his flying stone will go over five miles. Therefore you must not go for you will get killed.” Kapunohu said: “Then he is not strong. The sling is only a plaything for the boys of our place and it is not considered of any consequence.” These remarks made by Kapunohu were carried around until they reached Kemamo; so Kemamo made the remark: “Yes, this is the first time that my strength in the use of the sling has been denied. Well and good; if he desires to come and test as which of us is the stronger, let him come on.” When Kapunohu heard this, he went out to meet Kemamo. Upon seeing Kapunohu, Kemamo asked: “Are you the man that has said that I have no strength in the use of the sling?” Kapunohu replied: “Yes, I am the man. It is because these people said that you are very skilful in the use of the sling, so I said, that it is the plaything with the small boys at our place.” A hiki o Kapunohu i laila, moe iho la ia a ao ae, i kau hale kamaaina, hoeu ae la o Kapunohu e hele, olelo mai kamaaina: “Mai hele oe, o make auanei oe i ke koa o makou nei.” Ninau aku o Kapunohu: “Owai ia koa?” “O Kemamo.” “Pehea kona ikaika?” “He maa ala kona ikaika, aole e hala ka ala ke lele mai, aole hoi e nawaliwali i na mile elima, nolaila mai hele oe, o make auanei.” I aku o Kapunohu: “Aole hoi ha he ikaika, he mea paani ka maa ala, na ko makou kamalii mai lewalewa, a he mea ikaika ole no.” No keia olelo a Kapunohu, kaulana aku la ia a lohe o Kemamo, i iho o Kemamo: “Ae, akahi mea nana i hoole kuu maa, oia, ina he manao kona e hele mai e hoike i na ikaika o maua, e hele mai no.” A lohe o Kapunohu, hele aku la ia a hiki, i mai la o Kemamo: “Ea! O oe ke kanaka nana i hoole kuu ala?” I aku o Kapunohu: “Ae, owau no, no ka olelo mai a lakou nei, he ikaika oe i ka maa i ka ala. Nolaila, olelo aku au, he mea paani ia na ko makou kamalii mai lewalewa.”

When Kemamo heard this he became very angry toward Kapunohu and said: “What will the stranger bet on the proposition?” Kapunohu replied: “My life will be my stake.” “Yes,” said Kemamo, “and what else?” Kapunohu replied: “That is all a traveler takes with him. If you beat me my life shall be forfeited, and if I should beat you your life shall be forfeited.” Kemamo agreed to this and the bet was declared made. Kemamo then said: “The course over which we shall compete in throwing the stone with the sling, shall be from Koloa to Moloaa in Koolau. We must make our throws over these points and toward Moloaa; whoever throws the greatest distance beyond Moloaa wins.” Kapunohu replied: “Yes, I will agree to that, but I am going to use my spear while you use your sling.” Kemamo agreed to this. Kemamo then asked: “Who shall take the first chance? Shall it be the stranger, or shall it be the native son?” Kapunohu answered: “Let the native son take the first chance and the stranger the last.” A lohe o Kemamo, huhu iho la ia ia Kapunohu, a olelo mai la: “E! Heaha kau pili, e ka malihini?” I aku o Kapunohu: “O na iwi ka’u pili.” Ae mai o Kemamo: “Ae, a heaha hou ae?” I aku keia: “O ka waiwai iho la no ia a kamahele o na iwi, ina wau e eo, alaila make au, a ina hoi oe e eo, make oe ia’u.” Ae mai la o Kemamo: “Ae ua mau ia pili ana.” Olelo aku o Kemamo: “O ka pahu a kaua, e ku ai a maa, mai Koloa a Moloaa i Koolau ka pahu ia ma waena o laila ka kaua hana, a i puka ma o o Moloaa eo kekahi o kaua.” Ae aku la o Kapunohu. I aku nae o Kapunohu: “O ka’u hana i ike o ka pahee, malaila no wau, o kau hana hoi i ike o ka maa, malaila no oe.” Ae mai la o Kemamo. I aku o Kemamo: “Ia wai mua, i kamaaina paha, i ka malihini paha?” I aku o Kemamo: “I kamaaina ka mua, he hope ka ka malihini.”

Kemamo was therefore beaten and the conditions of their bet were carried out. Kapunohu became thereby king of Kauai.

Ia wa, maa o Kemamo a pau eono maila, a i ka hiku nawaliwali, pela ka nawe hele ana a hiki i Anahola waiho, ilaila loaa i ke kukini mama o Kauai, o Kawaikuauhoe kona inoa. Pahee o Kapunohu i kana ihe, holo aku la kana ihe mai Koloa aku a Niumalu, o ka malu o ka la i ka ihe a Kapunohu, kapaia ia aina o Niumalu a hiki i keia la. Mailaila aku ka holo ana, a hiki i Kawelowai mauka o Wailua, nolaila kela inoa, e pili la, o Kawelowai, a me Waiehu, no ke komo ana o ka ihe i loko o ka wai, a lele hou, mailaila aku a Kalalea i Anahola, o ia kela puka e hamama ala a hiki i keia la, malaila aku a hiki i Moloaa, malaila aku a Waiakalua a Kalihikai maalili ka ihe, a Hanalei pau ka holo o ka ihe. A eo ae la o Kemamo hooko ia ka laua pili, a lilo ae la o Kapunohu i alii no Kauai.