ARCHIVIO DI STATO DI NAPOLI Registri Angioini, n. 262, f. 82 r. e t. 31 Maggio 1327, X.ª Indizione.
Reading edition
Carolus Illustris Ierusalem et Sicilie Regis Roberti primogenitus Dux Calabrie ac eius Vicarius Generalis Raimundo Russo de Cathania Thesaurario et familiari nostro salutem et dilecionem sinceram. Volentes magistro Cicco de Esculo quem in phisicum et familiarem nostrum duximus diebus non longe preteritis retinendum gagia sicut aliis nostris phisicis exhiberi fidelitati tue presentium tenore expresse jubemus quatenus eidem magistro Cicco, quousque fuerimus in partibus Tuscie vel alibi extra Regnum gagia ad racionem de uncis auri tribus et postquam in Regnum feliciter redierimus dante domino ad racionem de unciis auri duabus ponderis generalis per mensem a die duodecimo proximo preteriti mensis martij uius X.e Indictionis usque nunc simul et semel et deinde in antea de mensei in mensem nostro durante beneplacito de pecunia camere nostre sistente et futura per manus tuas solvere et exhibere procures apodixas ab eodem magistro Cicco de his que sibi propterea solveris suis vicibus recepturus ordinacione seu mandato quocum que contrario facto et in antea faciendo eciam si de illo vel aliqua ejus clausula esset in presentibus expressa mencio facienda execucione presencium non obstante. Datum Florencie en nostre cambre anno domini MCCCXXVII die ultimo maij dicte X.e Indictionis.
Cuius auctoritate mandati.
Die ultimo madij X.e indicionis Florencie solute sunt magistro Cicco de Esculo phisico et familiari prefati domini ducis pro gagiis suis ultimorum dierum XVIII proximo preterite mensis martii ac mensis Aprilis et presentis madij uius anni decime Indicionis ad racionem de uncis tribus in argento per mensem extra regnum pro uncis VII et tarenis XXIV reductis ad florenos auri ad predictam racionem auri........ floreni XXIII et solidi XXVIII.
Eodem die solute sunt notario nicolao de Alifia Regie ac ducalis cancellerie notario pro gagiis suis et unius scriptoris sui presentis mensis madij pro unciis III tarenis XXVI et granis V in argento reductis ut supra ....... floreni XVI solidi XXXVIIII denari VIII.
Eodem die ibidem solute sunt notario mactheo de scuccula Regie et ducalis cancellerie notario pro gagiis suis et unius scriptoris sui presentis mensis madij pro uncis III tarenis XXVI et granis V in argento reductis ut supra auri ..... floreni XVI solidi XXXVIIII denari VIII.
Que tota predicta pecunia soluta et liberata. Infra predictum mensem madij uius X.e Indicionis personis prescriptis pro Gagiis corum temporis predistincta est ut supra dici particulariter continetur auri florenorum quindecim milia contingentem quatuor solidos quinquaginta novem et denarios decem.