ICASAMPUNG DIGMA
Reading edition
Sila rin, saca si Tibó at ang cawal.
TIBÓ.—Inyo pong dalauin ang cuta at muog na lubhang mainam ang
pagcacaayos.
JOSEFO.—¿Tunay?
TIBÓ.—Tanauin mo po at macalulugod ang taas at capal, catulad ng
gulod.
JOSEFO.—Cung gayon ay bigyan ng hitso't tabaco
ang lahat ng cawal na doo'y dumaló
dalhan pa ng alac na na sa sa frasco
Jerez, Manzanilla at anis del mono.
(
Ipagcacaloob sa cawal ang lahat ng itó
)
TIBÓ.—Salamat! salamat!
KAWAL.—Mabuhay! mabuhay! ang ating pañgulo at bunying general!...
KALINT.—Hayo sumulong na! ang pagsusunuran ang inyong gagauin
magpacailan man.
JOSEFO.—Yamang na bañgon na ang muog at cuta
ng magcacapatid na aba at duc-ha
sa awa ng Dios at Poong daquila
na dunong tumiñgi't paham cumaliñga.
Tayo namang lahat magtica't manalig
sa lahat ng santos at mga angeles
ng upang abutin ang pita at nais
sa dacong ibayo ng mga pañganib.
LUSINO.—Ang lalong mabuti tayo ay maghalal
isang pintacasing madadalañginan
sa lahat ng oras at sa paglalaban
ay iadya nauá sa mga caauay.
JOSEFO.—Cung gayon ang dapat ang ibunyi natin
angel ng príncipeng San Miguel Arcangel
ang siyang ihayag sa puso't panimdin
at siyang daiñgan saan man pumaling.
Sa pagcat ang tapang ng principeng bunyi
sa lañgit at lupa ay di nagsagabi
at sa paglilincod sa Hari ng hari
palalong si Luzbel ay inalugami.
Sa hirap, sa hapis at sa caabaan
at pinagpagdusa caloloua,t, catauan
sa alab ng apuy at sa casanaan
punong sinusunod noong mga hunghang.
Na mga demonio.
KALINT.—¡Mabuti!...
LUSINO.—¡Magaling!...
KALINT.—Maigueng pasiya ... at sa anting-anting na aquing iniñgat ...
na aayon mandin!... ang magandang atas dapat nating sundin.
JOSEFO.—Cun ang pasiya co ang paaayunan
si Chito ang ating suutan't gayacan
sa pagcat ang sabi at uica sa tanan
siya'y may daluping pinanghahauacan.
Na cun ga totoo ating masusuboc
sa paquiquibaca at paquiquihamoc
sa loob at labas ng alin mang muog.
CHITO.—Sa bundoc, sa bayan, sa lupa't sa dagat
cun sa aquing galíng sila'y magugulat
sa hacbang, sa uacsí, sa acma't pagdilat
ng dalauang mata ... ! yao na ang quidlat.
Na aquing dalupi at ang anting-anting
cun siyang umiral ay lalong magaling
dahil sa itaas, boong pañgonorio
ay malalaro cong catulad ng hañgin.
KALINT.—Marahil totoo,t may catotohanan ang mga sinabi nitong
caibigan.
LUSINO.—Ng ating masuboc ñgayon din suutan saca paliparing tulad ng
asuang.