ICALIMANG DIGMA
Reading edition
Josefo, Lusino at Kalintong
JOSEFO.—Dahil sa balita na biglang lumago sa pitak ng dibdib at na
abang puso.
LUSINO.—Ang magaling nito tayo ay gumaua
muog na mataas, matibay na cuta
sa tabi ng daan at piling ng langca
ng may pañgublihan ating mga digma.
Ng hindi mañganib sa tunog ng canyon
añgil ng mauser, siclab ng remington
sadyang pagtibayin at sa mga burol
ay may daang lihim na di manunuynoy.
JOSEFO.—Maiguing acala.
LUSINO.—Caya ang magaling
barreta at pala ñgayon din ay cunin
sa
Real batería
, at, ang unang hucayin
ang baybaying yaon. (
ituturo
)
JOSEFO.—Dito ipapaling
Pagcat may lusutang bañgin at batisan
sa luasan at hulo, sa caliua,t, canan
at may mga cahoy na lubhang malabay
na macalililim at may tatanauan.
Caya ang mainam ay mayroong isa
sa cahoy na ito na may larga-vista
ng upang mamalas at caniyang maquita
lahat ng darating na macacabaca.
Ang tatanod dito ay cung bababa man
ay pahahalili sa isang matapang
na di natatacot sa mga asuang
diwata at tictic, nuno,t, mangcuculam.
LUSINO.—Cun gayon catoto iyong ipag-utos sa mga bataang ganap na
sumunod.