ICAPITONG DIGMA
Reading edition
Si Dámasa'y dudulog cay Lusino at cay Kalingtong
DÁMASA.—¡Catoto at casi! ... ¡batis ng biyaya
¡aco ay haguisan ng ilang balita!...
Ng tungcol sa digma na nacalingatong
sa parang at bundoc at loob ng nayon
na dili umano cayo'y nañga gahol
at nañgahirapan ... caya nag si urong.
Sa bulaos, sapa at ibang cublihan
ng usang mailap na tubo sa parang
caya may nagtago sa gubat-gubatan
at lubhang pañganib nasapit ng buhay.
LUSINO.—Cung yao'y totoo! ñguni ng magalit
ang lahat ng cawal ay muling nag balic
at saca hinabol ang mga balauis
hangang sa S. Juan sila'y inihatid.
At sa catunayan ay aquing nacuha
reló ng capitan, at sable ni Peña
gayon ang patupat, mariquit na pipa
saca ang bursigueng macapal ang suela.
BETENG.—Lahat mong sinabi'y ualang cabuluhan
sa aquing na cuha na sadyang mainam
tigni at mambisa ang na sa catauan
puno ng galletas ibang cabuhayan.
Ang lahat ng bulsa na paliguid-liguid
sa aquing catauan ay siguic na siguic
tignan at may lata, tinapay, matamis
at may medalla pang sa dibdib pang sabit.
Bucod pa ang pipa, itso't cigarillo
tabacong
Insular
at anis del mono
bucod ang salapi at papel de Banco
bucod ang peseta't bucod ang mamiso.
DÁMASA.—Cung gayon catoto aco'y balatuhan
ng mabibili sa pabañgo,t, suclay
saca sa banquete postiso,t, pamaypay.
BETENG.—Ayaw aco, ayaw!
DÁMASA.—Aco'y iyong bigyan.
BETENG.—Ayaw aco, ayaw!
LUSINO.—Bigyan na
KALINT.—Bigyan na
BETENG.—Bigyan co ng ano
LUSINO.—Bigyan mo ng cuarta
BETENG.—Ayaw! ayaw! ayaw aco
LUSINO.—Ayaw ca ñga ba
BETENG.—Aba at nagalit ... toma!
DÁMASA.—Ayaw co na.
(
Uulit-ulitin ang toma at ayaw co na
)