ICALABING-ISANG DIGMA
Reading edition
Sila rin.
JOSEFO.—¡Hayo na! ñgayon din! ... Icao ay magsuot
ng gayac Arcangel, príncipe ng Dios
ng upang magligtas ang boong tugatog
sa bala ng Mauser at mga dayucdoc.
(
susu-utan
)
CHITO.—Sa aquin ay bagay ang gayac na ito.
KALINT.—Di nababagay sa iyong pagcatauo.
CHITO.—¿Baquin baga hindi ibig na catoto?...
KALINT.—Dahil sa caduagan at icao'y tatacbó,
sa siclab ng gato at haguing ng bala
at sa maaamuy baho ng pulborá
lalo kung sacsaquin ng macacabaca.
CHITO.—¿Di baga talos mo na di nagugulat
sa tonog ng culog at ningning ng quidlat
at di natatacot sa macacalamas
na may itác, pusil at anomang tabac?
KALINT.—(
Sa calahatang tauo
) Matindi ang cábag nitong si catoto!...
at masamang hañgin ang na sa sa ulo!
CHITO.—Ng iyong masuboc mga sinabi co damputin ang pusil ...
subuquing totoo!...
KALINT.—Ibig mo
CHITO.—Subuquin cung iyong tatablan ng tagá at sacsac at balang
maañgal.
KALINT.—Cung lumilipad na iyong mga bagang mangyayari caya muli pang
mabuhay?
CHITO.—Huag ang catauan ang iyong subuquin
cung mayroon tacot hinayang sa aquin
ang iyong unayan ng tagang madiin
itong baluti co na may anting-anting.
At cung hindi tablan ng taga at sacsac
ay iyong barilin ng sa boong dahas
ng upang matalos ang buti cong hauac
at ng maniuala ang macamamalas.
KALINT.—Tignan co! tignan co! aquing susubuquin
ang daluping ito na lubhang magaling
ng nawa'y mahaui ang dauag sa bañgin
na nacasusucal sa iyong panimdim.
(
Tatabanan ang pusil at ang dalupi ay ilalagay na mabuti at saca gagauaran ng putoc. Pagcahaui ng tunog ay tataua at sasayao si Chito sa pagcat hindi tinablan.
)
CHITO.—Cahiman mag-ubos ang galing at buti
hindi magcacagahi ang pagcalalaqui
di magugutlian ang taglay na puri
di masusugatan ang pagcabayani.
KALINT.—Diyata! diyata! hindi co tatablan
ang daluping itong ualang cabuluhan
asahan catoto abó na ñgang tunay
itong baluti mong pinacacamaha.
(
Muling gagauin ang pagsuboc, pasayao at pagtaua ni Chito.
)
LUSINO.—Aco ñga! aco ñga! ang iyang susuboc sa anting-anting mong
pina-iimbulog.
CHITO.—Sa iyo'y sucat na ang galing sa bucboc at mulá sa lamgam,
maliit na lamok.
(
Itatago yaon, hahalinhan ng ibang balut at sa pagpipilit ni Lusino na yan din ang caniyang masuboc ay aabutin ng pagbababa nang telon.
)