L'Eventail satyrique[177], fait par le nouveau Theophile[178], avec une apologie pour la satyre.
Reading edition
M.DC.XXVIII.
Si le grave censeur de Rome Vivoit en ce temps où nous sommes, On ne verroit tant d'hospitaux, Tant de gueux, tant de courtisanes, Tant d'abus, tant de mœurs profanes, Tant de cocus et maquereaux.
Encor, si de ces braveries On en voyoit des rencheries, Il n'y auroit un seul cocu; Mais elles gaignent ces richesses Aysément pour un tour de fesses Où pour un simple coup de cu.
Dieux, quel prodige! Sans le linge, On verroit vostre petit singe Qui enrage sous ce quaintin Et de la pasture demande, Sçachant que vous estes friandes Des postures de l'Aretin.
Bien tost sans doute une furie Qui preside à la braverie Inventera quelque metal, Quelque crespe, ou plus fine soye, Afin que nues on vous voye Ainsi qu'au travers d'un cristal.
A voir tous vos gestes lubriques Et vos postures impudiques, Vos devants et vos paradis, Dieu sçait si vous faites gambades, Ne portant plus de vertugades, Ainsi que vous souliez jadis.
C'est entr'elles une maxime, Qu'il faut bien faire plus d'estime D'un vieil penard ou païsan Avecques beaucoup de pistoles, Que des caresses et paroles Du plus accomply courtisan.
Pour oster cet abus du monde, Faut chasser la mode feconde, Qui f..timasse tant d'habits; Jamais Mathieu, dans son histoire, Ne vit un luxe si notoire En perles, satins et rubis.
Les beaux habits font qu'on chevauche Et que les femmes on desbauche, Que tant d'abus sont dans Paris. Ce n'est donc pas contre les femmes, Mais contre leurs habits infames, Que s'entend ce charivaris.
O que de f..tus hymenées, De ramonneurs de cheminées; Que de cocus, que de cornards, Que de putains, que de nourrices, Que de mangeuses de saucisses, Que de furets, que de renards!
O satin, mort des pucelages! Velours, père des cocuages! Habits, juppes, robes, rabas! Contre vous crie ma satyre. Que si on ne s'en fait que rire, Pour moy, je n'en pleureray pas.
Apologie pour la satyre.
Consolation aux dames sur la reformation des passemens et habits.
Si ces atours avoient une parole Qu'ils vous diroient en un langage drolle: Cessez, beaux yeux, en vos pleurs vous noyer! C'est à nous seuls qu'il convient larmoyer De n'estre plus maintenant en usage, D'avoir quitté l'air de vostre visage, De ne voir plus l'or de vos blonds cheveux, Cordages saincts, l'object de tant de vœux; De ne toucher à vostre belle gorge, Dont l'amour faict les soufflets de sa forge, Et non à vous, qui estes l'ornement Du plus superbe et riche accoustrement, Car sans habits, passements et dentelles, Vous ne laissez de paroistre assez belles.
Mais, dites-moy, ce mal que vous plaignez, Et pour lequel vos yeux sont tous baignez, Vous l'eussiez bien inventé par la mode Qu'auriez jugé peut-estre plus commode, Mode feconde en mille inventions! Le seul effroy de tant de nations, Monstre, prodige, estrange et bien difforme, Demain pompeuse, aujourd'huy en reforme. Voulez-vous point que vos desseins maudits Soient observez plustost que les edicts?
Or je sçay bien que chante vostre plainte: C'est que jamais vous n'aymez la contrainte, Et en ce point vostre sexe est si doux, Qu'il ne se voit qu'aucune d'entre vous Ait ceste reigle enfrainte d'adventure; Vous vous plaisez à gloser la nature, Faire des loix, corriger l'univers, Ne vouloir rien, s'il n'est tout de travers; Contre le droit vostre desir s'obstine, Pour l'equité vostre ame se mutine, Rien ne vous plaist que ce qui vient de loing; Ce qui est cher resveille vostre soin; Vous vous portez tousjours à la deffense, Le bien permis plus souvent vous offense! Bref, vostre esprit de contradiction Pour le desordre a de la passion.
Ne pleurez plus, changez de contenance, Et, sans gronder, reverez l'ordonnance Qui met la drogue à un malheur fatal, Et pour le bien ne faites point le mal. Que si quelqu'un s'apprestoit pour vous rendre Ce que le roi vous a voulu deffendre, Devroit-on pas plustost vous consoler? D'aise au rebours vous devez bien voler, Puisque l'edict maintenant vous delivre Par chacun an de huict ou neuf cent livres. Vous ne perdrez vos amples revenus, D'oresnavant point de maris cornus, Et, dans Paris, vos filles trop volages Ne donneront leurs jolis pucelages; Vous n'employ'rez les soirs et les matins A façonner vos grotesques quaintins. O folle erreur! ô despence excessive!
Mais, dites-vous, nostre beauté si vive, Sans la faveur de ces riches rabas Pour captiver n'aura plus tant d'appas, Et, desormais, n'estant veuës si braves, Il ne faut plus esperer tant d'esclaves, Sous nos drapeaux de jeunes combattans. Or, en ce poinct, dames, je vous attens: C'est bien trahir la raison et vous-mesme, Et faire un crime egal à un blasphème, De croire ainsi que soyez sans beauté Hors la faveur de ce bien emprunté.
Le naturel jamais l'art ne surmonte. Vous devriez toutes mourir de honte De profaner ces aymables thresors Que vous avez et de l'ame et du corps! Comment veut-on qu'une laide se pare, Si des atours une belle s'empare? Les ornemens sont pour les seuls deffauts. C'est attirer de soy-mesme ses maux, C'est offenser le ciel et la nature De rechercher l'estrangère parure; Si ces atours estoient plus precieux Ny que la main, ou la bouche, ou les yeux, Avecques vous elle les eust fait naistre En tous les lieux où ils souloient parétre. Trouvez-vous donc un teton plus mignard Pour estre plein de parure et de fard? Un œil plus doux, une plus belle bouche Pour les atours qu'auprès d'elle l'on couche? Si vous gardez encor le souvenir Du temps auquel on vous pouvoit tenir, En ce temps-là vous estiez sans dentelles: Donc autresfois vous n'avez esté belles. Tout cet abus gist en l'opinion Et n'est au vray que pure illusion: Car dans six mois seroit une folie De ramener ceste mode abolie. Telle aujourd'huy qui la raison combat, Qui semble belle en un simple rabat, Douce, agreable et humble comme un ange, Avec un autre elle seroit estrange. Je jure, moy, par le flambeau du jour, Que jamais tant vous ne donnez d'amour Qu'en simple habit, ou estant toute nuës: Deux veritez qui sont par trop cogneuës.
J'advoue bien qu'un subit changement Peut esbranler un ferme jugement; Le mal vous cuit et vous fait de la peine. Mais qui croiroit guerir une gangrène Ou un ulcère avecque peu de mal, Le medecin seroit un animal. Les vanitez, le luxe et les delices, Qui, en un mot, sont l'amorce des vices, Chancres malins corrompent les citez, Et sans douleur ne sont point emportez. Je veux du mal à celles qui, peu sages, Vont ramenant ces funestes usages En violant les edicts et les loix, Ouvrage sainct de tant de braves rois; C'est à chercher tousjours mille artifices Pour contenter les yeux et les délices, Par des couleurs taschant à deguiser Et des façons qu'on leur laisse adviser, Qui coustent plus et qui sont moins utiles, Par où l'abus se glisse dans les villes.
Cecy n'est dit qu'aux vulgaires esprits, Car je ne croy qu'il y ait du mespris Dedans vostre ame, ô belle Callirée! En tous mes vœux sainctement adorée, Vous ne donnez au change vos regrets. Voudriez-vous enfraindre les arrests, Vous qui si bien maintenez vostre empire? C'est faire un crime alors que je souspire; Vous gouvernez, par vos commandemens, Mon cœur, mon ame et tous mes mouvemens; Bref, vous avez la plus grande puissance Qu'on puisse avoir sur une obeyssance, Et ce bel œil qui me donne la loy Est mon seigneur, mon monarque et mon roy. Puis vous sçavez que la vertu est belle Sans le secours d'une mode nouvelle; Que la beauté a trop d'allechemens Sans l'atirail de ces vains ornemens; Que le poison des vertus plus antiques Gist en l'abus de ces molles pratiques.
Reservez donc vos soupirs et vos pleurs Pour l'advenir et les autres douleurs: Ce reglement et ces nouvelles choses Ne sont au prix, mesdames, que des roses; Et, cependant, observez les edicts, Si vous voulez aller en paradis; N'endurez point qu'on vous mette à l'amende, Je suis logé chez la belle Flamande.
Fin.
