Volume 2 — CHORUS DE DIS, &C. SUPER TRIUMPHALI VICTORIA CONTRA GALLOS, &C. CANTAVIT SOLEMNITER HOC ELOGIUM IN PROFESTO DIVI JOHANNIS AD DECOLLATIONEM.
Reading edition
Salve, festa dies, toto memorabilis ævo, Qua rex Henricus Gallica bella premit. Henricus rutilans Octavus noster in armis Tirwinnæ gentis mœnia[737] stravit humi. Sceptriger Anglorum bello validissimus Hector, Francorum gentis colla superba terit. Dux armis nuper celebris, modo dux inermis, De Longville modo dic quo tua pompa ruit? De Clermount clarus dudum dic, Galle superbe, Unde superbus eris? carcere nonne gemis? 10 Discite Francorum gens cætera capta, Britannum Noscite magnanimum, subdite vosque sibi. Gloria Cappadocis, divæ milesque Mariæ, Illius hic sub ope Gallica regna reget. Hoc insigne bonum, divino numine gestum, Anglica gens referat semper, ovansque canat. Per Skeltonida laureatum, oratorem regium.