The copie of the Charter in French.

A tous ceulx, qui ceste presente lettre verrunt ou orrunt, Florence counte de Holland, Robert de Brus seigneur du Val Danand, Iehan Baliol seigneur de Galloway, Iehan de Hastings seigneur de Abergeuenne, Iehan Comin seigneur de Badenaugh, Patrique de Dunbar counte de la Marche, Iehan de Vescy pur son pere, Nichol de Seules, & Guilaum de Ros, saluz en dieu. Come nous entendons d'auger droyt en reaume d'Escoce, & celle droyt monstrer, chalēger, & auerer deuant celuy, que plus de poer, iurisdiction, & réeson, eust de trier nostre droyt, & l'noble prince sire Edward, par la grace de Dieu, roy d'Angleterre, nous a enforme per bonnes & suffisaunt réesons, que aluy apent, & auer doit la souerein seigneurie, du dict reaume d'Escoce, & la cognisaunce de oir, trier & terminer nostre droyt. Nous de nostre propre volunté, sanz nulle maniere de force ou destresse, voluns, otrions, & grantons de receiuré droyt deuaunt luy, come souerein seigneur de la terre. Et voluns ia lemeins, & promettons, que nous auerons, & tendrons, ferme, & estable son fait, & que celuy emportera le reaume, a qui droyt le durra deuant luy. En testimoigne de ceste chose, nous auons mis nous seaules a ceste escript. Fait & donné a Norham, le mardi prochein apres la Ascension, l'an de Grace, 1291.