Volume 2 — Amico carissimo Johanni Evelyno, Armigero, e Societate Regali Londini, J. Beale, S.P.D. In Silvam.
Reading edition
Fare age quid causae est quod tu Silvestria pangis, Inter Silvanos, capripedesque Deos? Inter Hamadryadas laetus, Dryadasque pudicas, Cum tua Cyrrhæis sit Chelys apta modis! Scilicet hoc cecinit numerosus Horatius olim, Scriptorum Silvam quod Chorus Omnis amat. Est locus ille Sacer Musis, & Apolline dignus, Prima dedit summo Templa sacranda Jovi. Hinc quoque nunc Pontem Pontus non respuit ingens, Stringitur Oceanus, corripiturque Salum. Hinc novus Hesperiis emersit mundus in oris,cii:1 Effuditque auri flumina larga probi. Hinc exundavit distento Copia cornu, Qualem & Amalthææ non habuere sinus. Silva tibi curae est, grata & Pomona refundit Auriferum, roseum, purpureumque nemus. Illa famemque sitimque abigens expirat odores, Quales nec Medus, nec tibi mittit Arabs. Ambrosiam praebent modo cocta Cydonia. Tantum Comprime, Nectareo Poma liquore fluunt. Progredere, O Sæcli Cultor memorande futuri, Felix Horticolam sic imitere Deum.