NEUER LEBENSMUT
Reading edition
Dô Friderich ûz Ôsterrîche alsô gewarp, dêr an der sêle genas und im der lîp erstarp, dô fuorte er mînen kranechentrit in d' erde; dô gieng ich slîchend' als ein pfâwe swar ich gie, daz houbet hanhte ich nider unz ûf mîniu knie. nû rihte ab ich ez ûf nâch vollem werde: ich bin vil wol ze fiure komen, mich hât daz rîche und ouch diu krône an sich genomen. wol ûf, swer tanzen welle nâch der gîgen! mir'st mîner swære worden buoz: alrêrste wil ich ebene setzen mînen fuoz und wider in ein hôchgemüete stîgen.