BERUFUNG AN HERZOG LEOPOLD
Reading edition
Nû wil ich mich des scharpfen sanges ouch genieten: dâ ich ie mit vorhten bat, dâ wil ich nû gebieten. ich sihe wol, daz man hêrren guot und wîbes gruoz gewalteclîche und ungezogenlîche erwerben muoz. singe ich mînen höveschen sanc, sô klagent si'z Stollen: dêswâr ich gewinne ouch lîhte knollen; sît sie die schalkeit wellen, ich gemache in vollen kragen. ze Ôsterrîche lernde ich singen unde sagen dâ wil ich mich allerêrst beklagen: vind' ich an Liupolt höveschen trôst, so'st mir mîn muot entswollen.