LIVRE DEUXIÈME. (continued 5)
Reading edition
5de leurs filles, madame Marguerite, qui estoit
belle damoiselle et hiretière de grant roiaulme, on le
donroit à Loïs de France, conte de Valois, fil et frère
de roi de France, pour la cause de ce que il leur sambloit
que il demor[r]oit entre eux en Honguerie, et
10aroient le roi Loïs recouvré. Quant li rois de Honguerie
fu mors, on envoia grans mesages en France
devers le roi et ses oncles, en monstrant que la roïne
de Honguerie pour sa fille l’ainsnée voloit avoir Loïs,
le conte de Valois. Ceste requeste sambla au roi et à
15ses oncles et as barons de France mout haute et mout
noble, exepté une cose, que li contes de Valois eslongoit
trop sa nacion et le noble roiaulme de France.
Nequedent, tout consideré, on ne pooit veoir que ce
ne fust très haulte cose et grans pourfis pour le conte
20de Vallois de estre rois de Honguerie, qui est li uns
des grans roiaulmes crestiiens dou monde. Si furent
li Hongriien, qui là estoient envoiiet de par le roïne
et le païs, grandement bien requelliet, et leur furent
donné biaux dons et grans presens, et avoecq eux en
25Hongueriie s’en alèrent ambasadour de France, li
evesques de [Maillezais] et messires Jehans la Personne,
liquels, par procuracion [general], quant il fu venus
en Honguerie, espousa ou nom dou conte de Valois la
dame. Et retourna en France li evesques, et ossi fist
30messires Jehans, qui avoit espousé la dame, et jut sus
un lit dalés li tout courtoisement. Et de ce monstroient
il lettres patentes et instrumens publiques, et tant que
[223] il s’en contentoient bien en France; et s’escripsi un
lonc tamps li contes de Valois: «Loïs de France,
rois de Honguerie.»
§ 446. Encores avés vous chi dessus oï recorder
5comment li dus de Bourgongne et li dus Aubers de
Baivière et sires de Hainnau, de Hollandes et de Zellandes
et de Frise par bail, avoient en la cité de
Cambrai mariet leurs enffans, cascun fil et fille, auquel
mariage li jones rois de France fu et vint de grant
10abondance. Or voellent li aucun dire, sicom je fui
adont enfourmés, que en celle sepmaine que li rois de
France et si oncle li dus de Bourgongne et li dus de
Bourbon estoient là, et li dus Aubers et les dames,
madame de Braibant, madame de Bourgongne et
15madame de Hainnau, [que] par le promovement la
ducoise de Braibant, on traita là un mariage secretement
dou jone roi de France et de madame Isabel,
fille au duc Estiène de Baivière; car li rois Charles de
France, de bonne memoire, ou lit de la mort, avoit
20ordonné que Charles, ses fils, fust assegnés et mariés,
se on en pooit veoir lieu pour lui, en Alemaigne, par
quoi des Alemans plus grans aliances se fesissent as
François, car il veoit que li rois d’Engletière estoit
mariés à le soeur dou roi d’Allemaigne, dont il valoit
25mieux.
La ducoise de Braibant, qui estoit une dame bien
imaginans, toutes ces coses remonstra as oncles dou
roi et à son conseil en le cité de Cambrai, comme
celle jone dame estoit fille d’un grant signeur en Allemaigne
30et li plus grans des Baiviers, et que grans
aliances s’en feroient as Alemans, et pooit li dus
[224] Estièvenes rompre trop de pourpos de haus signeurs
en l’empire, car il i estoit ossi grans ou plus que li
rois d’Alemaigne. Che fu la condicion qui plus enclina
le conseil de France à perseverer en celle besongne,
5et toutesfois il fu mout secretement demenés, et en
savoient trop petit de gens parler jusques à tant qu’il
fu fait. La raison pour quoi, vous l’orés. Il est d’usage
en France, que quelconques dame, com fille de hault
signeur que elle soit, que il convient que elle soit
10regardée et avisée toute nue par dames, à savoir se
elle est propise et fourmée à porter enfans. Oultre,
pour ce que celle dame estoit de lontain païs et tant
que de Baivière, li amenée en France, on ne savoit se
elle seroit en la plaisance dou roi: autrement c’estoit
15tout romput. Pour ces raisons furent ces coses tenues
en secret, et fu la dame environ le Pentecouste amenée
en Braibant, dalés la ducoise, qui le rechut liement
et qui l’ordonna à l’usage de France. Et estoit
en sa compaignie li dus Fedris de Baivière, ses oncles,
20et par lequel li mariages, au voir dire, estoit premierement
promeus, par le manière et raison que je
vous dirai.
§ 447. Quant li dus Fedris de Baivière vint premierement
en France et il fu devant Bourbourc ou service
25dou roi de France, voirs est que il fu festiiés et
conjoïs des oncles dou roi et des roiaulx mout grandement,
pour la cause de ce que il estoit venus servir
le roi de lonch païs de Baivière et de plus de deus
cens lieues loing. Si tinrent dou dit duc le service à
30grand, et fu tousjours logiés mout priès dou roi, en
cause d’amour, et acompaigniés des oncles dou roi.
[225] Et quant il se departi de Baivière, il quida certainement
que li rois de France et li rois d’Engletière
deuissent avoir en la marce de Flandres ou de France
bataille adrechie ensamble, sicom la vois et renommée
5couroient adont par tout[e] Alemaigne; et pour ce l’en
savoient li rois de France et si oncle plus grant gret.
Et estoit avenut, estant en che voiage de Berghes et
de Bourbourc, que li oncle dou roi, enssi que signeur
se devisent ensamble, li avoient demandé mout amiablement
10se il n’avoit nulle fille à marier, et que il convenoit
une femme au roi de France, e[t] plus chier
l’aroient il à marier en Baivière que ailleurs, car li
Baivier anchiennement ont toudis esté dou conseil de
France. A ces parolles avoit respondu li dus Fredis et
15dit que nenil, mais ses frères ainsnés li dus Estièvenes
de Baivière en avoit une belle. «Et de quel
eage?» avoient demandé li oncle dou roi. «Entre
trèse ans et quatorse,» avoit respondu li dus Fedris.
Dont dissent li oncle dou roi: «C’est tout ce que il
20nous faut. Vous retourné en Baivière, parlés ent à
vostre frère, et amenés vostre [niepce] en pelerinage
à Saint Jehan d’Amiens, et li rois sera contre li. Se il
le voit, espoir le golousera il, car il voit volentiers
toutes belles coses et les aime; et, se elle li eschiet
25en coer, elle sera roïne de France.»
Enssi alèrent les premières convenences, ne plus
n’i ot dit ne fait; et n’en savoit li rois de France noient
que on eust parlé de son mariage. Et quant li dus
Fedris fu retournés en Baivière, il remonstra toutes
30ces parolles à son frère le duc Estièvene, qui pensa
mout longuement sus, et li respondi: «Biau frère,
je croi mout bien que il soit enssi que vous me dites,
[226] et ma fille seroit [bien] ewireuse, se elle pooit escheïr
ne venir à si haute honneur comme de estre roïne de
France; mais il est moult loing de chi, et si i a trop
grant regard à faire une roïne et femme dou roi. Si
5seroie trop courouchiés, se on avoit mené en France
ma fille, et puis elle me fust renvoiie; je ai asés plus
chier que je le marie à mon aisse dalés moi.»
Che fu la response que li dus Estièvenes avoit donné
à son frère, de quoi li dus Fedris s’en contentoit
10assés, et en avoit escript auques sus celle fourme as
oncles dou roi, à son oncle le duc Aubert et à
madame de Braibant, asquels il en avoit parlé à son
retour, et quidoit bien que on euist mis en noncalloir
toutes ces coses. Et ossi on parloit dou mariage dou
15roi ailleurs, et se fust assés tos li rois accordés à la
fille dou duc de Loeraine, car elle estoit mout belle
damoisselle et de son eage ou assés priès, et de grant
et noble generacion de ceux de Blois. Et ossi parlé fu
de la fille dou duc de Lancastre, qui puis fu roïne de
20Portingal, mais on n’i pooit trouver nul bon moiien
pour leur guerre: si convint la cose demorer.
Or remist sus la ducoise de Braibant, quant elle fu
à Cambrai as mariages dessus dis de Bourgongne et
de Hainnau (et li rois de France et si doi oncle i
25furent, li dus de Bourgongne et li dus de Bourbon),
le mariage de Baivière, et dist bien que c’estoit le plus
pourfitable et le plus honnerable, pour la cause des
aliances qui en pooient descendre et venir des Allemans,
que elle seuist à present pour le roi. «Voire,
30dame, respondirent li oncle dou roi, mais nous n’en
oons nulles nouvelles.»—«Or vous taissiés, dist la
ducoise, je le ferai traire avant, et en orés nouvelles
[227] en cel esté sans nulle faute.» Les promesses de la
ducoise furent averies, car elle fist tant que li dus
Fedris, ses oncles, en fina à son frère le duc Estièvene
de l’amener, sicom vous oés et orés enssieuant. Et
5dissoient sus leur chemin que il aloient en pelerinage
à Saint Jehan d’Amiens; toutes gens le supposoient
ensi, car Alemant vont volentiers en pelerinage, et
l’ont eu et le tiennent d’usage.
§ 448. Quant li dus Fedris et sa [niepce], madamoisselle
10Isabel de Baivière, orent esté à Brouxelles trois
jours dalés la ducoise, il s’en partirent et prissent
congiet; mais che fu bien li intencion de le ducoise,
et leur promist à leur departement, que elle seroit
ossi tos à Amiens comme eux, ou devant, et que elle
15i vosist ossi aler en pelerinage; sus cel estat faisoit
elle ordonner ses besongnes. Or vinrent li dus Fedris
et sa [niepce] en Hainnau, et droitement au Quesnoi,
où il trouvèrent le duc et la ducoise, et Guillaume de
Hainnau, qui se nommoit et escripsoit contes d’Ostrevant,
20et madame sa femme, fille au duc de Bourgongne,
liquel et lesquelles rechurent liement et doucement
le duc Fedri de Baivière, car li dus Aubers
en estoit oncles, et leur cousine ossi. «Et conment
en avés vous finet de l’amener?» demandèrent
25li dus Aubers et sa femme, car bien savoient que
leurs cousins, li dus Estièvenes, pour les incidensses
dessus dites i avoit esté grandement rebelles. «Je le
vous dirai, respondi li dus Fredis, j’en ai eu mout de
paine, et toutesfois j’ai tant mené et tané mon frère
30que je l’ai en ma compaignie. Mais, au congiet
prendre, après che que il ot baissié sa fille, il m’apella
[228] d’un lés, et me dist enssi: «Or, Fedri, biau
frère, vous en menés Isabiel, ma fille, et sans nul seur
estat, car, se li rois de France ne le voelt, elle sera
virgondée à tous les jours qu’elle vivera. Si vous avisés
5bien au partir, car, se vous le me ramenés, vous
n’arés pieur ennemi de moi.» Or regardés dont, biaux
oncles, et vous, belle ante, en quel parti je me sui
mis pour l’avancement de ma [niepce]!» Dont respondi
la ducoise: «Biaus cousins, n’en faites nulles
10doutes, Dieux i ouvera, elle sera roïne de France: si
serés quites de ces manaces, si arés le gret et l’amour
de vostre frère.»
§ 449. Enssi se tinrent au Quesnoi en Hainnau li
dus Fedris et sa [niepce], dalés leur oncle et la ducoise
15et leurs enffans, bien trois sepmaines; et endoctrinoit
la ducoise, qui fu mout sage, tous les jours en manières
et en contenances le jone fille de Baivière,
quoique de sa nature elle estoit propre et pourveue de
sens et de doctrine, mais point de françois elle ne
20savoit. La ducoise Marguerite de Hainnau ne laissa
mies sa cousine en l’abit ne en l’arroi où elle estoit
venue, car il estoit trop simples selonc l’estat de
France, mais le fist parer, vestir et ordonner de
toutes coses ossi richement et grandement que dont
25que ce fust sa fille. Et quant tout fu acompli et li
jours vint que on deut partir, la ducoise et elle et sa
fille de Bourgongne en grant arroi se departirent dou
Kesnoi, et prissent le chemin de Cambrai, et esploitièrent
tant li dus Aubers, li dus Fedris, Guillaumes
30de Hainnau et leur compaignie, que il vinrent à
Amiens.
[229] Ja i estoit venue par un autre chemin la ducoise de
Braibant; ossi estoient li rois, li dus de Bourgongne
et la ducoise de Bourgongne et li consaulx dou roi. Li
sires de la Rivière et messires Guis de la Tremoulle,
5baron, chevalier et escuier issirent hors de la citté
d’Amiens contre la venue de la ducoise de Hainnau,
et la convoièrent jusques à son hostel. Or furent chil
signeur et ces dames enclos dedens Amiens, et
commenchièrent à viseter et à conjoïr l’un l’autre, et à faire
10des honneurs grant fuisson; et trop petit de gens
savoient, fors li troi duc qui là estoient et les trois
ducoises et leurs enfans, et li sires de la Rivière et
messires Guis de la Tremoulle et li sires de Couchi
(car li dus de Berri l’en avoit un petit devant environ
15le Saint Jehan parlé en Avignon, si estoit là venus en
grant quoite), pour quoi cil signeur et ces dames
estoient là asamblé. Mais à paines pooit li rois dormir
pour frefel de veoir celle qui fu puis sa femme,
et demandoit au signeur de la Rivière: «Et quant le
20verai je?» De ces paroles avoient les dames bon ris.
Le venredi, quant le jone dame fu parée et ordonnée
enssi comme à li appartenoit, les trois ducoises
l’amenèrent devers le roi. Quant elle fu devant le roi,
elle s’engenilla tout bas; li rois vint vers li, et le prist
25par le main, et le fist lever et le regarda de grant
manière. En che regart, plaisance et amour li entrèrent
ou coer, car il le veï belle et jone, et si avoit grant
desir dou veoir et de l’avoir. Adont dist li connestables
de France au signeur de Couchi et au signeur
30de la Rivière: «Ceste dame nous demor[r]a; li rois
n’en puet oster ses ioels.»
Adont commenchièrent à parler ces dames et cil
[230] signeur ensamble, et la jone dame en estant se tenoit
toute quoie et ne mouvoit oel ne bouce, ne ossi à ce
jour elle ne savoit point de françois.
Quant on ot là esté une espasse, les dames prissent
5congiet au roi, et se retraïssent et ramenèrent leur
fille; et retourna en le compaignie de madame de
Hainnau et de sa fille d’Ostrevans. Encores ne savoit
on point l’intencion dou roi, mais on le sceut asés tos,
car li dus de Bourgongne en carga le signeur de la
10Rivière, quant li rois fust retrais, que il l’en parlast
et li demandast quel cose il li sambloit de la jone dame,
et se elle li plaisoit pour prendre à femme. Et le fist
li dus, pour ce que li rois s’en descouveroit plus hardiement
au signeur de la Rivière que à nullui. Si li
15demanda sus son retrait: «Sire, que dites vous de
celle jone dame? Nous demor[r]a elle? Sera elle roïne
de France?»—«Par ma foi, ce dist li rois, oïl; nous
ne vollons autre, et dites à mon oncle de Bourgongne,
pour Dieu, que on s’en delivre.»
20Li sires de la Rivière issi tantos hors de la cambre,
et rentra en une autre, où li dus de Bourgongne estoit;
[si] li fist celle responce: «Dieux i ait part, dist li
dus de Bourgongne, et nous le vollons ossi.» Tantos
il monta à cheval, acompaigniés de haulx barons, et
25s’en vint à l’ostel de Hainnau, et i aporta ces nouvelles,
dont on fu tout resjoï, che fu raisons. A ces mos on
cria: «Noces!» Or furent li signeur et les dames
ensamble ce venredi, pour avoir conseil où on espouseroit.
Si fu ordonné que on se departiroit d’Amiens,
30et venroit on à Arras espouser et faire les festes des
noces; c’estoit li intencion des oncles dou roi et dou
conseil de France. Et sus cel estat, le venredi au soir,
[231] on s’arresta, et ala on couchier. Le samedi au matin,
cambrelent et varlet se departirent pour chevauchier
vers Arras, [pour] prendre les hostels et apparillier
cambres. Et quidoient li signeur et les dames partir
5après disner et venir jesir à Encre, ou à Bapaumes, ou
à Biauquesne; mais cils consaulx se transmua, car
quant li rois ot oï sa messe, il veï que varlet s’apar[i]lloient
et toursoient pour aler leur chemin; si demanda
au signeur de la Rivière: «Buriel, quel part irons
10nous?»—«Sire, respondi cils, il est ordonné de
messire vostre oncle, que vous à Arras espouserés et
tenrés les noces.»—«Et pour quoi? dist li rois. Ne
somme[s] nous pas bien chi? Otant vault à espouser chi
comme à Arras.» A ces mos vint li dus de Bourgongne,
15et entra en la cambre dou roi. Adont li dist li
rois: «Biaus oncles, nous volons chi espouser en celle
belle eglise d’Amiens; nous n’avons que faire de plus
detriier.»—«Monsigneur, dist li dus, à le bonne
heure! Il me faut dont aler devers ma cousine de
20Hainnau, car elle estoit enfourmée de partir de chi et
traire autre part.» Adont se parti li dus de Bourgongne,
et li contes de Saint Pol s’en ala devers le
ducoise de Braibant dire ces nouvelles.
§ 450. Or vint li dus de Bourgongne devers
25madame de Hainnau, le connestable, messire Gui de
la Tremoulle, le signeur de Couchi et pluiseurs autres
en sa compaignie. Si entra li dus en la cambre de la
ducoise, et le trouva et le mariée, qui seroit sa cousine,
dalés li. Li dus les enclina et salua, enssi comme
30il appartenoit, car bien le sot faire, et puis dist à la
ducoise tout en riant: «Madame et belle cousine,
[232] monsigneur a brisiet nostre pourpos d’aler à Arras,
car la cose li touque de trop priès de ce mariage. Il
m’a congneut que il ne pot anuit dormir de penser à
sa femme qui sera: siques vous vos reposerés meshui
5et demain en ceste ville, et lundi nous garirons ces
deus malades.» La ducoise commencha à rire, et dist
au duc: «Dieux i ait part!» Li dus se departi, et
retourna devers le roi. Enssi demora la cose en cel
estat le samedi et le dimence tout le jour, et s’ordena
10on pour espouser à l’endemain.
§ 451. Che propre samedi au soir estoit partis des
Quatre Mestiers François Acremen, là où il s’estoit
retrais, atout bien set mille hommes, quant il ot falli
à prendre Ardembourc; et avoit en convenant à ceux
15de Gand, à messire Jehan [le] Boursier, à Piètre dou
Bos et as autres cappitaines, que jamais ne renteroit
en Gant si aroit pris ou Bruges, ou Ardembourc, ou le
Dam, ou l’Escluse, car li Gantois, qui estoient enfourmé
dou voiage d’Escoce, où li amiraulx de France et grant
20fuisson de bonne chevalerie en sa compaignie [devoit
aller] pour guerriier Engletière, metoient grant paine
que li rois de France et les gens d’armes de France,
qui estoient demoret ou roiaulme, fussent si ensonniiet
que plus n’en passassent la mer, car vois et renommée
25couroient, et on en veoit aucuns apparans, que
li connestables et li sires de Saint Pol et li sires de
Couchi, à grant fuisson de gens d’armes et de Jenevois,
devoient entrer en Engletère, pour reconforter
leurs gens. François Acremen, qui estoit appers homs
30en armes et soutils, metoit toutes ses ententes à grever
ses ennemis, pour avoir la grace et l’amour de
[233] ceux de Gand; et issi che samedi hors, sicomme je
vous ai dit, d’un païs que on dist les Quatre Mestiers,
et vint toute nuit costiier Bruges, et le quida prendre
et embler, mais il ne pot, car elle estoit trop bien
5gardée. Quant il veï que il avoit falli, il s’en alla vers
le Dam, et vint là au point dou jour, et encontra
ses espies que il avoit envoiiet le samedi, car en
un bosquet près de là, entre le Dam et Ardembourc,
il avoit jetté une embusque. Ses espies, quant il
10l’encontrèrent, si li dissent: «Sire, il fait bon au Dam.
Messires Rogiers de Ghistelle, la cappitaine, n’i est
point; il n’i a que dames.» Il dissoi[en]t voir, car che
samedi il estoit venus à Bruges atout vint lances; si
n’en estoit encores rallés, dont il fu depuis grandement
15blasmés. Mais, au partir, il se confioit en ceux
de la ville qui estoient, che li sambloit, gens assés,
[et] en son lieutenant.
§ 452. Quant François Acremen entendi ses espies
qui venoient dou Dam, [et] que messires Rogiers de
20Gistelle n’estoit point ou Dam, et que il i avoit foible
garde, si en fu tous resjoïs. Et lors parti ses gens en
deus, et prist la menre part pour faire mains de friente,
et leur dist: «Alés tout le pas devers celle porte, et
ne faites point de noise. Quant vous oés corner, si vous
25traiés vers les bailles; rompés et decopés tout. Nous
abaterons d’autre part la porte. Tant de gens que nous
sommes, n’i enteriens jamais par eschielles. La ville
est nostre, je n’en fai nulle doubte.» Enssi comme il
ordonna, il fu fait. Il s’en vint avoec ceulx que il volt
30prendre, et laissa la grignour part de ses gens derière;
et s’en vinrent li premier atout esquielles, et entrèrent
[234] ens es fossés, onques n’i ot contredit, et passèrent le
bourbe, et apoièrent leurs eschielles as murs et i
montèrent: onques nuls ne s’en perchut. Si furent en
la ville, et vinrent sans dangier, en sonnant leurs cornès
5à le porte, et en furent signeur, car encores dormoient
li bon homme de la ville en leurs lis, et li gais
de la nuit s’estoit retrais, car li jours estoit biaux et
clers. Che fu le dis et setime jour de jullet, que François
Acremen eschiella la ville dou Dam.
10Quant il furent venu à la porte, tantos, de bonnes
haches et quingnies que il avoient, il coppèrent le
flaiiel; et cil de dehors rompirent et coppèrent ossi
les bailles, et fissent voie toute apparillie. Li ville dou
Dam se commencha à esmouvoir et à resvillier, mais
15che fu trop tart, car li homme furent pris en leurs
hostels et en leurs lis, et ceux que on trouvoit armés,
on ochioit sans merchi. Enssi conquissent che diemence
au matin li Gantois la bonne ville dou Dam, et
grant avoir dedens, et par especial de vins de Malvesies
20et de Grenaces. Li cellier en estoient tout plain:
si eurent desquels qu’il vorent, ne il n’i avoit point de
contredit; et me fu dit que, de l’avoir de ceulx de
Bruges, il trouvèrent assez là dedens, que il i avoient
mis et porté sus le fiance dou fort lieu, et par especial
25li rice homme de Bruges, pour le doubtance des
rebellions dou menu peuple.
§ 453. François Acremen, quant il se veï sires dou
Dam, fu grandement resjoïs, et dist: «Or, ai je bien
tenu à nostres gens de Gand ce que je leur ai promis,
30que jamais en Gand je ne renteroie si aroie pris une
bonne ville en Flandres. Ceste ville dou Dam est
[235] bonne assés; elle nous venra bien à point, pour mestriier
Bruges et l’Escluse et Ardembourc, et tout le
païs jusques à Ippre.»
Il fist tantos un ban et un commandement, et sus la
5teste, que as gentils dames et damoisselles, qui dedens
le Dam estoient, nul n’atouchast ne fesist mal. Si en
i avoit il des dames jusques à set, toutes femmes
de chevaliers de Flandres, qui estoient venues veoir
la dame de Duisielles, la femme à messire Rogier de
10Gistelle, qui estoit si enchainte que sus ses jours.
Tout li homme dou Dam, qui ne vorent estre, et tantos,
de la partie François Acremen, furent mort. La
ville conquise, tantos on entendi au remparer.
Quant les nouvelles furent venues à Bruges de la
15ville dou Dam comment elle estoit prise, si en furent
grandement esbahi, et à bonne cause, car elle leur
estoit trop prochaine. Tantos, sicom pour le rescoure,
on cria: «A l’arme!» et s’armèrent tout cil de la ville et li
chevalier qui dedens estoient, et s’en vinrent banières
20desploiies jusques au Dam, et commenchièrent [à]
escarmuchier as barières et à livrer assault; mais il
trouvèrent gens assés pour le garder et deffendre, et
perdirent plus à l’asallir que il ne gaaignièrent. Quant
il veïrent que il ne feroient autre cose, si retournèrent,
25car il perdoient là leur tamps, ne elle n’estoit pas à
prendre si legierement sans lonc siège. Quant les nouvelles
en vinrent en la ville de Gand, vous poés bien
croire et savoir que il en furent grandement resjoï,
et tinrent ceste emprise à hautaine et François Acremen
30à vaillant homme et sage guerieur.
§ 454. Nous retournerons as espousailles le roi
[236] Charle de France, et conterons comment on en persevera.
Quant che vint [le lundi], la ducoise Marguerite
de Hainnau, qui avoit en son hostel la jone dame
qui devoit estre roïne de France, ordonna et aparilla
5la marié[e] enssi comme à li appartenoit et que bien
le savoit faire; et là vint la ducoise de Braibant bien
aconpaignie de dames et de damoisselles, et puis vint
ossi la ducoise de Bourgongne. Ces trois ducoises
amenèrent en cars couvers, si rices que il ne fait pas
10à demander, la jone dame Isabel de Baivière, la couronne
ou chief qui valoit l’avoir d’un païs, que li rois
le diemence li avoit envoïe. Et là estoient en grant
arroi li dus Aubers, li dus Fedris, Guillaumes de
Hainnau et baron et chevalier de leur costé; et descendirent
15tout devant la belle eglise catedral d’Amiens.
Tantos vint li rois et li dus de Bourgongne, et Jehans
de Bourgongne, et le grande baronnie de France. Si
fu la jone dame amenée en l’eglise de ces dames et
de ces seigneurs très exellentement; et là furent
20espousé solempnellement li rois et elle, et les espousa
li evesques dou dit lieu.
Après la haute messe et les solempnités faites qui
en mariage appartenoient à faire, on se retraïst ou
palais de l’evesque, où li rois estoit logiés; et là fu li
25disners des dames à par elles, et dou roi et des
signeurs à par eux, et ne servoient que conte et
baron. Enssi se persevera celle journée en grans sollas
et en grans reviaux; et au soir les dames couchièrent
le mariée, car à elles appartenoit li offices,
30et puis se coucha li rois qui le desiroit à trouver en
son lit. Si furent en deduit celle nuit, che poés vous
bien croire.
[237] Ordonné estoit le lundi au soir que, le mardi après
boire, signeur et dames se partiroient, et s’en retourneroient
cascuns et cascune en son païs, et prenderoient
congiet au roi et à la roïne. Evous que che
5mardi, environ noef heures, nouvelles vont venir à
Amiens que François Acremen avoit pris et eskiellet
le ville dou Dam. Ces nouvelles s’espardirent partout.
Li François, che fu raisons, en furent tourblé, mais
par samblant il n’en fissent compte. Li rois de France,
10après sa messe, le sceut: si pensa sus un petit. Ossi
fissent li dus de Bourgongne et li connestables de
France, et tantos il n’en fissent compte, car en celle
propre heure autres nouvelles vinrent de Poito, qui
fissent entroubliier celles de la prise dou Dam, car
15uns hiraus de par le duc de Bourbon vint là, qui
aporta lettres au roi, au duc de Bourgongne et au
connestable, qui faisoient mencion et [cer]tefioient que
Thaillebourc, pont et castiel, sus la Carente, estoient
rendu; et s’en aloient li dus de Bourbon et ses routes
20mettre le siège devant [Vretuel], et avoient en Poito,
en Saintonge et en Limosin li François raquis sis
forterèces englesces.
§ 455. Ches nouvelles resjoïrent le court dou roi
et les signeurs, et mist on en noncalloir celles dou
25Dam, fors tant que il fu là consilliet et dit que li rois
n’entenderoit jamais à autre cose si aroit esté en
Flandres et reconquis le Dam, car ce estoit uns trop
perilleux voisins pour ceux de Bruges et de l’Escluse,
et iroit si avant en ces Quatre Mestiers, dont cil
30venins estoit issus, que il n’i demor[r]oit maison ne
buiron, que tout ne fust ars et exilliet.
[238] Adont furent mis clerc en oevre, et mesagier envoiiet
par toutes les mettes et chaingles dou roiaulme de
France, et en mandant et commandant que le premier
jour d’aoust cascuns fust venus en Picardie pour
5aler devant le Dam.
Cil mandement s’espardirent parmi le roiaulme de
France. Si se ordonnèrent et aparillièrent chevalier et
escuier pour estre à amour devers le roi.
Che mardi que les nouvelles vinrent à Amiens au
10roi, se departirent tout signeur et toutes dames après
disner, et prissent congiet au roi et à la roïne.
Au congiet prendre, li rois requist à Guillaume de
Hainnau que il vosist venir avoecques lui devant le
Dam par amour et par linage. Guillaumes, qui estoit
15jones bacelers, li acorda liement et legierement. Or
se partirent signeur et dames, et retournèrent en lors
lieux. Li dus Fedris s’en retourna en Hainnau avoec
sen bel oncle et sa belle ante; et, quant il ot là
sejourné dis jours, il prist congiet et s’en retourna
20en Baivière devers le duc Estièvene, son frère, qui le
rechut liement, che fu raisons, car il avoit, par la
grace de Dieu, si bien esploitié que sa fille Isabel
estoit li une des plus grandes dames dou monde.
§ 456. Li rois de France, qui avoit fait son mandement
25par tout son roiaulme, dist que jamais ne
retourneroit à Paris si aroit esté devant le Dam; et
se departi de [Amiens], le vint et cinquime jour dou
mois de jullet, son oncle et li connestables, le conte
de Saint Pol et le signeur de Couchi et grant barongnie
30en sa compaignie, et s’en vint à Arras; et ne fu
là que une nuit. Quant il s’en parti, et vint à l’endemain
[239] jesir à Lens; et toudis venoient gens d’armes de
tous costés. Puis vint li rois à Seclin et à Lille, et
passa oultre, et vint à Ippre, et à l’endemain, le premier
jour d’aoust, il fu devant le Dam, et se loga si
5priès de la ville que li très passoit par dessus sa [tente].
Trois jours après, vint Guillaumes de Hainnau, qui fu
li bien venus dou roi et dou duc de Bourgongne. Là
fu mis li sièges devant le Dam, grans et biaulx, et
enclos François Acremen dedens, qui s’i porta vaillaument;
10et tous les jours, se il n’i avoit trieues ou
respis, i avoit assaus ou escarmuces de ceux dehors à
ceux dedens. Et fu li sires de Clari, vermendissiens,
qui estoit maistres des canons le signeur de Couchi,
en alant vers la ville veoir les canons, trais d’un quarel
15de canon de ceux de dedens, dou quel trait il
moru, dont che fu damages.
Au siège dou Dam vinrent cil des bonnes villes de
Flandres, de Bruges, d’Ippre et de tout le Franc de
Bruges; et i avoit à ce siège plus de cent mille
20hommes. Et estoit li rois logiés entre le Dam et Gand;
et estoit cappitaines de toutes ces communautés de
Flandres li sires de Sempi, et avoit à compaignon le
signeur de Ghistielles, atout vint et cinc cens lances,
[et] estoient logiet droit enmi eux, afin que il ne se
25revelaissent.
§ 457. A un assaut qui fu fais devant le Dam, où
tout li signeur furent, qui fu très grans et très durs
et qui dura un jour tout entier, fu fais chevaliers nouviaux
Guillaumes de Hainnau de la main et de la bouce
30dou roi de France; et bouta hors ce jour ses banières,
et fu très bons chevaliers en sa nouvelle chevalerie.
[240] A cel assaut ne conquissent riens li François, mais
i perdirent plus que il n’i gaegnièrent, car François
Acremen avoit avoecques lui là dedens des archiers
d’Engletière, qui grevoient moult les assallans; et ossi
5il i avoit grant fuisson d’artellerie, car la ville, en
devant que elle fust prise, en estoit bien pourveue,
et ossi il en avoient fait venir et aporter de Gand,
quant il seurent que il aroient le siège.
Entrues que on seoit devant le Dam, furent li
10homme de l’Escluse, voire li aucun et li plus notable
de la ville qui pour le tamps l’avoient à gouvrener,
encoupet de une grant trahison que il voloient faire
au roi de France, car il devoient delivrer l’Escluse à
ses ennemis, et devoient leur cappitaine et toutes ses
15gens (un chevalier qui s’appelloit le signeur de Herbaumés)
mourdrir en leurs lis; et devoient bouter le
feu en la navie dou roi de France, qui là s’arestoit à
l’ancre, qui estoit grande et grosse, et mout i avoit
de belles pourveances, car, en devant la prise dou
20Dam, li rois de France avoit intencion d’aler en
Escoce apriès son amiral. Encores devoient ces
malles gens de l’Escluse rompre les diques de la mer,
pour noiier toute l’ost, et de che avoient il marcandé
à ceux de Gand, sicom il fu sceu depuis. Et devoient
25toutes ces traïsons faire sus une nuit, et l’euissent
fait, mais uns preudons de la ville, sicom Dieulx le
volt consentir, entendi, en un hosteil où il pourparloient
leur traïson, toutes leurs parolles. Si vint tantos
au signeur de Herbaumés, et li dist: «Il est
30enssi: tels gens et tels ([si] les nomma tous par non
et par surnon, car bien les congnissoit) doient faire
telle traïsson.» Et quant li chevaliers l’entendi, si en
[241] fu tous esbahis, et prist tantos ceux de sa carge, où
bien avoit soissante lances, et s’en ala de maison en
maison de ceux [qui la traïson avoient pourpensée],
et les prist tous, et les fist mettre en diverses prisons
5et bien garder, et puis monta tantos à cheval et vint
devant le Dam en la tente dou roi. A celle heure i
estoit li dus de Bourgongne. Là leur recorda li chevaliers
tout l’afaire enssi comme il aloit, et comment
la ville de l’Escluse avoit esté en grant aventure de
10estre prise et trahie, et toute li ost sus une nuit estre
en l’aighe jusques à le boudinne.
De ces nouvelles furent li signeur mout esmervilliet,
et dist li dus de Bourgongne au chevalier:
«Sire de Herbaumés, retournés à l’Escluse, et ne les
15gardés point longhement; faites les tous morir, il ont
bien deservi mort.» A ces parolles se departi li
chevaliers, et s’en retourna à l’Escluse, et furent tantos
decollé cil qui ceste traïson avoient pourparlé.
En celle propre sepmaine, jeta son avis li dus de
20Bourgongne à faire traitier devers son cousin messire
Guillaume de Namur, pour avoir l’Escluse en hiretage
et ajouster avoecques la conté de Flandres, et li
rendre terre ailleurs en France ou en Artois, par
manière d’escange, qui li fust ossi pourfitables en
25rentes et en revenues comme la terre de l’Escluse est.
Et [de] tout ce avisa le dit duc messires Guis de la Tremoulle,
car en l’esté atout grant gent d’armes il avoit
sejourné à l’Escluse. Si en fist traitier li dus devers
son cousin par ceulx de son conseil, car il estoit là en
30l’ost à grant gent d’armes venus servir le roi.
§ 458. Quant messires Guillaumes de Namur fu
[242] premierement aparlés de ceste marcandisse, [si] li
vint à grant contraire et desplaissance, car li ville de
l’Escluse, et les appendances parmi les avenues de la
mer, est uns biaux et grans et pourfitables hiretages,
5et si leur estoit venus à ceux de Namur par partage
de frères, car li contes Gui de Flandres et li contes
Jehans de Namur avoient esté doi frère; si en amoit
mieux la terre messires Guillaumes de Namur.
Nonobstant tout ce, puis que li dus de Bourgongne
10l’avoit encargié, il convenoit que il se fesist, car ce
estoit li intencion dou duc, mais que il fust sires [de
l’Escluse], et de son conseil, que il feroit là faire l’un
des fors et des biaux castiaux dou monde, enssi
comme il i a à Calais, à Harflues ou à Chierebourc,
15pour esmestriier le mer, les alans et les venans
entrans ou havene de l’Escluse, et issans ossi et courans
parmi la mer, et le feroit tousjours bien garder
de gens d’armes et d’arbalestriers, de barges et de
balenghiers; ne nuls n’iroit ne ne cour[r]oit par mer
20que ce ne fust par leur congiet, se il n’estoient plus
fort d’eux, et seroit fais si haux que pour veoir vint
lieues en la mer. Tant fu messires Guillaumes de
Namur menés et priiés dou duc et de son conseil, que
il s’acorda à ce, et faire li convenoit, autrement il
25eust eu le mautalent dou duc, que il rendi et ahireta
le duc de Bourgongne de la terre de l’Escluse et de
toute la signourie; et li rendi en che lieu toute la
terre de Bethune, qui est uns biaux hiretages et grans,
pour lui et pour ses hoirs. Enssi fu fais li escanges de
30ces deus terres, et tantos li dus de Bourgongne mist
ouvriers en oevre, et fu commenchiés à edefiier li
castiaux de l’Escluse.
[243] § 459. Nous parlerons dou siège dou Dam et conterons
comment il se persevera. Priesque tous les
jours i avoit assaut ou de jour à autre, et entre les
assaux i avoit ossi as portes et as barières escarmuces,
5et des gens mors et blechiés; et ne pooit on
aisse avenir as murs de la ville, pour les fossés qui
estoient plain de bourbe et d’ordure, et, se il euist fait
un tamps pleuvieux, cil de l’ost euissent eu trop à
faire, et les convenist estre deslogiés, vosissent ou
10nom. Mais, un mois ou environ que li sièges fu là
devant le Dam, onques ne pleut, mais faissoit biel et
chaut et seck, et avoient en l’ost assés largement de
tous vivres, et pour le punaisie des bestes que on
tuoit en l’ost et des chevaux qui i moroient, li airs en
15estoit ensi que demi corrompus, dont mout de bons
chevaliers et escuiers furent malade, et s’en aloient li
aucun rafreskir à Bruges. Et vint li rois de France
logier, tels fois fu, à Malle, pour eslongier ce mauvais
air; mais toudis estoient ses tentes et si pavillon
20tendu sus les camps. Li intencion de François Acremen
estoit telle que il tenroit là le roi si longuement
que secours d’Engletière leur venroit pour lever le
siège; et il est tout certain que sus cel espoir se
tenoient il dedens le Dam, et avoient envoiiet en
25Engletière querre confort et secours, et i fuissent
venu li oncle dou roi, il n’est nulle doubte, fors assés
à leur avis de gens d’armes et d’archiers pour combatre
le roi et les François, se li amiraux de France
et sa carge de gens d’armes ne fust en Escoce. Mais
30ce que li signeur d’Engletère sentoient les François
fors ou roiaulme d’Escoce, et leur disoit on encores
que li connestables de France atout grant [gent]
[244] d’armes venroit par mer en Engletière, les detria à
nom venir en Flandres, et n’en furent point conforté
cil dou Dam, dont il leur convint faire un mauvais
marchiet.
5§ 460. Le vint et setime jour d’aoust, l’an dessus
dit, fu la ville dou Dam reprise dou roi de France et
des François, je vous dirai par quelle manière. Quant
François ot là tenu le roi de France à siège environ
un mois, et que il veï que artellerie leur defalloit en
10la ville et que nuls secours ne leur apparoit de nul
costé, si se commencha à esbahir, et dist à ceux de
son conseil le jour au soir dont il se parti la nuit:
«Je voel que entre nous de Gand en alons nostre
chemin anuit arière en nostre ville, et le dites enssi
15l’un à l’autre, et tout ce soit tenu en secret, car, se li
homme de ceste ville le savoient que nous les vosissons
laissier, il feroient, pour eux sauver leurs
femmes et leurs enffans et le leur, aucun traitiet
mauvais pour nous au roi de France, et nous renderoient;
20parmi tant il demor[r]oient en paix, et nous
seriens tout mort. Mais je les en garderai bien; nous
nos tenrons tout ensamble, et irons autour de la ville
veoir le gait, et meterons hommes et femmes ens ou
moustier, et leur dirons que nous les mettons là pour
25la cause de ce que à l’endemain matin nous devons
avoir l’assaut, et dirons à ceux dou gait à mienuit,
quant je ferai ouvrir la porte, que nous isterons hors
pour aler resvillier l’ost. Quant nous serons as camps,
nous en irons à quoite d’esperons à Gand: enssi n’arons
30nous garde des François.» Chil de son conseil respondirent:
«Vous avés bien parlé.»
[245] Adont s’ordonnèrent il sus cel estat et fissent dou
soir tourser toutes leurs bonnes coses, et missent
femmes et enffans, prisonniers et prisonnières, ens ou
moustier, et proprement il i fissent entrer les dames
5cevalereuses qui là estoient, madame de Douselles,
madame [d’Escornais], madame de Hesebete et
aultres, et leurs damoisselles, et leur dissent: «Nous
vous mettons chi pour la cause de ce que demain
nous devons avoir un trop grant assaut; si nous volons
10pas que vous vos eshidés dou trait et des canons.»
Tout et toutes s’i apaissièrent, et quidièrent qu’il fust
enssi. Avoec tout che, après jour fallant, François
Acremen et se route alèrent autour de la ville pour
veoir le gait, et n’i avoit en che gait nul Gantois, fors
15les hommes de la ville. [Si] leur dist François:
«Faites anuit bon gait, et ne vous partés point de
vos crestiaux pour cose que vous oés ne veés; nous
devons demain avoir l’assaut, mais je voel celle nuit
aler resvillier l’ost.»
20Il estoit creus de sa parolle, car tout quidoient que
il desist voir. Quant François ot enssi fait et ordonné,
il s’en vint en la place où tout leur cheval estoient
ensellés. François et li Gantois montèrent, et issirent
hors par la porte devers Gand, et se missent au chemin.
25Il n’orent pas la ville eslongnie une lieue, quant
il fu jours, et se perchurent chil dou Dam que François
Acremen et li Gantois s’en aloient. Adont se
tinrent il pour deceux, et commenchièrent les capitaines
de la ville à traitiier devers les gens dou roi, et
30dissoient que il avoient le soir ochis François Acremen.
§ 461. Quant pluiseurs gens de la ville dou Dam
[246] perchurent que François Acremen et li Gantois s’en
aloient sans retourner et que la porte estoit ouverte,
si se missent ossi [au] chemin, cascuns après eux,
qui mieux mieux. Quant on sot ces nouvelles en l’ost,
5pluiseurs gens, Bretons et Bourgignons par especial,
qui desiroient à gaegnier, montèrent as chevaux, et se
missent en cace et pourssieuirent les Gantois jusques
à deus lieues de Gand. Si ot des fuians ochis grant
fuison et pris plus de cinc cens, mais en ceux là i ot
10petit de Gantois, fors que de ceux dou Dam qui s’enfuioient.
Et entrues que la cace se faissoit à toutes
pars, on assalloit la ville où point de deffense n’avoit.
Si entrèrent ens li François par eschielles, et passèrent
les fossés à grant paine. Quant il furent dedens,
15il quidièrent avoir mervelles gaegné, mais il ne trouvèrent
rien fors que povres gens, femmes et enfans,
et grant fuisson de bons vins. Dont par despit et par
envie Breton et Bourgignon boutèrent le [feu] en la
ville, et fu priès toute arse, de quoi li rois de France
20et li dus de Bourgongne furent grandement courouchié,
mais amender ne le peurent; [si] leur convint
passer. Si furent les gentils dames sauvées et gardées,
sans nul mal avoir.
§ 462. Apriès la reprisse dou Dam, que li rois de
25France et li François reprissent, sicom chi dessus est
contenu, on ot conseil que on se deslogeroit, et iroit
li rois logier ad Artevelle, à deus petites lieues priès
de Gand; et entrues que li rois se tenroit là, gens
d’armes efforchiement chevaucheroient oultre ens es
30Quatre Mestiers, et destruiroient tout celi païx, pour
le cause de che que toutes douceurs en estoient dou
[247] tamps passet venues à Gand, et avoient cil de che païs,
que on dist les Quatre Mestiers, plus conforté les
Gantois que nuls autres gens. Adont se departi on dou
Dam, et prist on le chemin d’Artevelle, et là vint li
5rois logier.
Entrues entrèrent ses gens en che païs des Quatre
Mestiers, et l’ardirent et destruisirent tout entirement,
et abatirent tours et fors moustiers qui toudis
s’estoient tenu, et n’i laissièrent onques d’entier maison
10ne hamiel, homme ne femme ne enfant: tout fu
cachiet en voie[s] ou tout ochis.
Quant li François eurent fait celle envaïe, il fu
ordonné que on iroit mettre le siège devant le castiel
de Gauvre, et puis retourneroit on sus Gand; mais il
15n’en fu riens fait, je vous dirai pour quoi. Le roi de
France estant ad Artevelle, qui i fu environ douse
jours, nouvelles li vinrent de Honguerie de par la
roïne, car là vint li evesques de [Vassères] en [ambaxaderie],
et pluiseurs chevaliers et escuiers de Honguerie
20en sa compaignie, et aportoient lettres de
creance, et venoient querre leur signeur, le frère dou
roi, Loïs de France, à ce jour conte de Vallois, pour
mener ent en Honguerie à sa femme, laquelle par
procuracion messires Jehans la Personne, uns chevaliers
25de France, avoit espousé. Ces nouvelles plaissirent
grandement bien au roi de France et au duc de Bourgongne,
et fu regardé adont que pour entendre à l’estat
et arroi dou jone conte de Vallois, on retourneroit
en France, et que on en avoit assés fait pour
30celle saison.
§ 463. Lors se departi li rois d’Artevelle, le dousime
[248] jour de septembre, et eurent congiet toutes
manieres de gens d’armes; et s’en ralla cascuns en
son lieu. Et ja estoit retrais, tantos apriès le prise
dou Dam, Guillaumes de Hainnau arière en son païs,
5et avoit pris congiet au roi. De ce departement furent
li Gantois tout resjoï, car il quidoient bien avoir le
siège. Or s’en retourna li rois en France, et vint à
Craïl, où la roïne sa femme estoit, car, quant il se
departi d’Amiens pour aler en [Flandres], on l’envoia là
10tenir son estat. Li rois fu, ne sai quans jours, à Craïl,
et la roïne; et puis s’en departirent. Si aprochièrent
Paris, et vint la roïne au bois de Vincenes, et là se
tint, et li rois à Paris. Et estoit on bien ensongniiet
d’entendre à l’ordenance et arroi dou conte de Vallois,
15car on volloit que très estofféement il s’en alast
en Honguerie, dont on le tenoit pour roi; mais les
coses se transmuèrent dedens briefs jours ou roiaulme
de Honguerie autrement, sicom je vous recorderai
presentement.
20§ 464. Bien est verités que la roïne de Honguerie,
mère à la jone dame, qui hoirs estoit de Honguerie et
laquelle li contes de Vallois par procuracion, sicom
chi dessus est dit, avoit espousé, avoit grandement
son affection et plaissance à Loïs de France, conte de
25Valois, et tenoit sa fille à très hautement et bien assegnée,
et ne desiroit autrui veoir ne avoir que le jone
conte à fil et à roi, et pour ce i avoit elle envoiiet
l’evesque de [Vassères] et grant fuisson de ses chevaliers,
afin que les besongnes s’aprochaissent. Or avint,
30entrues que cil ambasadour vinrent en France, que le
roi d’Allemaigne, et qui rois des Roumains s’escripsoit,
[249] avoit un frère que on appelloit Henri, mainsné de lui
liquels estoit marquis de Blancquebourc. Li rois des
Roumains entendi et estoit tous enfourmés de l’estat
et des traitiés de Honguerie, et comment ses cousins,
5li frères dou roi de France, devoit avoir à femme l’iretière
et roïne de Honguerie, et ja l’avoit espousé par
procuracion, et que li evesques de [Vassères] et aucun
chevalier de Hongueriie l’estoient alé querre. Chils
rois d’Alemaigne, qui ot plus chier un pourfit pour
10son frère que pour son cousin de France, jeta son
avis sur che, et avoit jeté, ja longhement avoit; et
tout si pourpos, si conseil et si afaire estoient demenet
sagement et secretement, et bien le monstrèrent
en Alemaigne, car, se la roïne de Honguerie la mère
15en euist esté en riens manchevie ne enfourmée, elle i
eust trop aisse pourveu de remède; mais nenil, enssi
comme il apparut.
Li consaulx dou roi d’Alemaigne sot que la roïne
de Honguerie la mère [et] ses filles estoient en
20leur esbatement en un castiel sus les frontières
d’Alemaigne. Ches coses seues, li marquis de
Blancquebourc mist tantos sus une grande chevauchie de
gens d’armes, et estoient bien dis mille hommes, et
s’en vint mettre le siège devant che castiel et enclore
25ces dames dedens. Quant la roïne de Honguerie se
veï enssi assegie, si fu toute esbahie, et envoia devers
Henri, le marquis de Blanquebourc, assavoir que il li
demandoit. Li marquis, par le conseil que il ot, li
remanda que ce n’estoit pour el que pour ce que elle
30voloit marier sa fille ens estraignes terres au frère
dou roi de France, dont elle ne pooit jamais avoir
nul confort, et mieux li valoit et plus pourfitable li
[250] estoit, pour li et pour le roiaulme de Honguerie, que
il l’euist à femme, qui estoit ses voisins et frères dou
roi des Roumains, que li contes de Valois. La roïne
s’escusa, et dist que onques de li oï n’avoit requeste
5ne nouvelle, et pour ce avoit elle sa fille acordée au
frère dou roi de France, et le roi de Honguerie, sen
marit vivant; [si] li estoit elle ordonnée. Li marquis
de Blancquebourc respondi à ce que de tout ce ne
faissoit il compte, et que il avoit l’acord et la vois de
10la grignour partie de Honguerie, et que bellement ou
autrement l’aroit, et bien estoit en sa poissance. La
dame fu toute esbahie de ces parolles; nonpourquant
elle se tint ce qu’elle pot, et manda secours à ses
gens, dont elle penssoit à estre aidie, mais onques
15nuls n’aparu ne se mist sus les camps contre le marquis
de Blancquebourc; et monstroient bien li Hongrien
que il avoient ossi chier le marcandise aux Alemans
comme aux François. Quant la dame veï que
elle ne seroit autrement confortée de ses gens, si se
20laissa consillier, car li marquis li proumetoit, se par
force il le prendoit, que il le feroit enmurer en une
tour et là tenir au pain et à l’aigue, et vesquesist tant
que elle peuist. De ce point estoit la roïne toute
effraée, car elle ne se sentoit pas en trop fort lieu, et
25si estoit là venue sans nulles pourveances, ne de gens,
ne de vivres. Si traita, et bailla sa fille au marquis de
Blancquebourc, qui tantos l’espousa et jut avoecques
li carnellement. Si fu rois de Honguerie.
§ 465. Anssi vint messires Henris de Boësme, marquis
30de Blancquebourc, à l’hiretière dou roiaulme de
Honguerie, dont il fu rois, le plus par force et le
[251] mains par amours, tant que au consentement de la
vielle roïne; mais faire li convint ou cheïr en pieur
marchié.
Ches nouvelles furent tantos avollées en France
5devers cel evesque et les Hongriiens, qui là estoient,
et qui au chemin mettre se voloient; et ja estoit li
contes de Valois partis et venus à Troies en Campaigne,
et avoit pris congiet au roi [et] à son oncle de
Bourgongne. Quant ces nouvelles li vinrent en le
10main, porter li convint: autre cose n’en pot avoir.
Si partirent li Hongriien tout courouchié, bien i avoit
cause, et li contes de Valois retourna à Paris devers
le roi. Et li pluiseur de France, grant signeur et dou
sanc dou roi, ne fissent conte de ce contremariage
15de Honguerie, et dissent que li contes de Valois estoit
bien ewireux, quant on li avoit tolut sa femme, car
Honguerie est uns trop lontains païs et mal en le
main pour les François, ne ja n’en eussent esté aidié
ne conforté. On mist ces coses en noncalloir: on
20repensa à un autre mariage pour ledit conte à la fille
le signeur de Mellans, qui seroit hoirs de toute Lombardie,
laquelle terre est plus rice et plus crasse que
ne soit Honguerie, et mieux à main pour les François.
Nous lairons ester de ces mariages, et parlerons
25dou duc de Bourbon, qui estoit en Poito, à siège
devant [Vretuel], et puis retournerons à l’amiral de
France, messire Jehan de Viane, qui estoit en Escoce,
et compterons comment il s’i porta.
§ 466. En celle saison que li rois de France fu en
30Flandres tant devant le Dam comme ailleurs, li dus
de Bourbon, à belle carge de gens d’armes, fist sa
[252] chevauchie en Limosin et en Poito, et i reprist pluiseurs
fors et garnisons englesches qui s’i tenoient, tels que
[le Fam], Troncete, Arciach, Garnace, Montleu, à wit
lieues de Bourdiaux, et Thaillebourc, et Bourc sus
5Carente, et puis s’en vint mettre le siége devant [Vretuel],
un mout bel et fort castiel en Poito, sus les
frontières de Limosin et de Saintonge. De [Vretuel]
estoient capitaines Andrieus Privars, englois, et Bertrans
de Mont Trivet, gascons, et avoient là dedens
10avoec eux grant fuisson de bons compaignons. Si i ot
pluiseurs assaulx et escarmuces et fait pluiseurs grans
apertisses d’armes, et prièsque tous les jours aus
barières i avoit de ceux de dehors à ceux de dedens
escarmuce et fait d’armes, des mors et des blechiés. Et
15bien dissoit li dus de Bourbon que de là point ne partiroit
si aroit le castiel à sa volenté, car enssi l’avoit
il promis au duc de Berri, la daraine fois que il avoit
parlé à lui. Et avint, le siége estant devant [Vretuel],
que Bertrans de Mont Trivet, qui estoit li uns des
20cappitaines, devisoit à faire un fosset par dedens le
fort pour eux mieux fortefiier, et enssi comme il le
monstroit et devisoit l’ouvrage à ses gens, evous
le trait de une dondaine que cil de l’ost laissièrent
aler, douquel trait et par mesaventure Bertrans fu
25aconsieuois et là ocis, liquels estoit en son tamps
escapés de sèse sieges tous perilleux.
De la mort de Bertran furent li compaignon de
Vretuel tout effraé et courouchié, mais amender ne
le peurent: si demora Andrieus Privars cappitains.
30Depuis, environ quinse jours, fu uns traitiés fais de
ceux dou fort à ceux de l’ost, et se rendirent, le castiel
et les pourveances, salves lors vies, et furent
[253] aconduit jusques à Bouteville, dont Durandon de la
Perrade estoit cappitains. Enssi orent li François le
castiel de Vretuel; si le remparèrent et le rafresquirent
de nouvelles pourveances et d’artellerie et de gens
5d’armes, et puis s’en partirent et s’en vinrent rafresquir
à Caros, une belle et grosse abeïe, et là environ
sus le païs. Et puis s’en vinrent à Limoges, et là se
tint li dus de Bourbon wit jours, et ot conseil de
retourner en France, ensi qu’il fist, et trouva le roi à
10Paris et sen cousin de Valois, et tous [ses] mariages
brissiés. Or revenrons nous as besongnes d’Escoce et
de l’amiral de France, qui toutes avinrent en celle saison.
§ 467. Vous avés bien chi dessus oï recorder comment
li amiraulx de France, à tout grant carge de
15gens d’armes, ariva ou havene de Handebourc en
Escoce, et comment ses gens trouvèrent autre païs
et aultres gens que il ne quidoient. Li baron d’Escoce
et li consaulx dou roi l’anée passée avoient enfourmé
les chevaliers qui i avoient esté, messire Joffroi de
20Cargni et messire Ainmart de Marsé, que, se li amiraulx
de France, ou li connestables, ou li marescaux
de France passoient la mer en Escoce, atout mille
lances de bonnes gens et cinc cens arbalestriers, et
euissent avoec eux le harnas d’armes pour armer eux
25mille en Escoce, avoec l’aide et le demorant dou
roiaulme d’Escoce il combateroient bien les Englès,
et feroient un si grant trau en Engletière que jamais
ne seroit recouvré. Sus cel estat avoient li amiraux
et li François passet la mer et estoient venu en Escoce.
30Si ne trouvèrent point en voir assés de ces
proumesses. Tout premiers il trouvèrent dures gens
[254] et mal amis et povre païs, et ne seurent tantos li
signeur, chevalier et escuier de France qui là estoient,
où envoiier leurs varlès sour le païs pour fouragier;
ne aler il n’i osoient fors en grans routes, pour les
5malandrins dou païs qui les atendoient aus pas et
les ruoient jus, mehaignoient et ochioient.
Or vint li rois Robers d’Escoce, uns grans boins
homs à uns rouges ioels rebrachiés (il sambloient de
chendal), et bien monstroit que il n’estoit pas as armes
10trop vaillans homs et que il euist plus chier le sejourner
que le chevauchier; mais il avoit jusques à noef
fils, et cil amoient assés les armes. Quant li rois fu
venus en Handebourc, chil baron de France se
traïssent devers lui et s’aquintièrent de li, enssi comme
15il appartenoit et que bien le savoient faire; et estoient
avoec eux à ces aquintances li contes de Douglas, li
contes de Mouret, li contes de le Marce, li contes de
Surlant et pluiseurs autres. Là requist li amiraulx et
pria au roi que, sus l’estat pour quoi il estoient venu
20ou païs, on lui acomplesist, et dist que il voloit chevauchier
en Engletière. Li baron et li chevalier et
escuier d’Escoce, qui se desiroient à avanchier, en
furent tout resjoï, et respondirent que, se à Dieu
plaissoit, il feroient un tel voiage où il aroient honneur
25et pourfit. Li rois d’Escoce fist son mandement
grant et fort, et vinrent à Haindebourc et là environ,
au jour qui asignés i fust, plus [de] trente mille hommes
et tout as chevaux; et ensi que il venoient, il se
logeoient à l’usage de leur païs, et n’avoient pas toutes
30leurs aises.
§ 468. Messires Jehans de Viane, qui grant desir
[255] avoit dou chevauchier et d’emploiier ses gens en
Engletière pour faire aucun bon exploit d’armes,
quant il veï ces Escos venus, dist que il estoit tamps
de chevauchier, et que trop avoient sejourné: si fu li
5departemens segnefiiés à toutes gens. Dont se missent
il à voie, et prisent le chemin de Rosebourc. A celle
chevauchie ne fu point li rois, mais estoit demorés en
Haindebourc, et tout si enfant aloient en l’armée. Et
sachiés que jusques à douse cens pièces de harnas,
10pour armer de piet en cape, furent delivret as chevaliers
et escuiers d’Escoce et de Norvège, qui estoient
mal armet, lesquels harnas li amiraux avoit fait venir
de Paris, dont li compaignon qui en furent ravesti,
orent grant joie. Or chevauchièrent ces gens d’armes
15vers Northombrelande, et esploitièrent tant que il
vinrent à l’abeïe de [Miauros], et se logièrent li
signeur et toutes manières de gens autour sus celle
rivière. A l’endemain, il s’en vinrent à la Mourlane,
et puis devant Rosebourc.
20Dou castiel de Rosebourc, de par messire Jehan de
Montagut à qui li castiaux est et toute la terre de là
environ, estoit gardiiens et cappitaines uns chevaliers,
qui s’appelloit messires Edouwars Clifors. Li amiraulx
de France et tout cil de sa route et li Escoçois s’arestèrent
25devant, et bien l’avisèrent. Si regardèrent, tout
consideré, que à l’asallir il ne poroient riens conquester,
car li castiaux est biaux et grans et fors et
bien pourveus de gens et d’artellerie. Si passèrent
oultre, et vinrent tout contreval celle rivière de
30Tuide, en raprochant Beruich et la mer, et chevauchièrent
tant que il vinrent devant deus tours quarées,
fortes assés, où dedens avoit deus chevaliers, le père
[256] et le fil, qui s’appellent tout doi messire Jehan Strende.
A ces tours avoit adont bon herbergage de une plate
maisson qui fu tantos arse, et les tours asalies, et
là ot fait des grans appertisses, et pluiseurs Escochois
5blechiés dou trait et dou jet des pières. Finablement,
les tours furent prises, et li chevalier dedens,
par biel assaut, qui les deffendoient, et qui vaillaument
se deffendirent tant comme il peurent durer.
§ 469. Apriès le conquès de ces deus tours et que
10li Escochois et li François en furent signeur, on s’en
vint devant un autre fort castiel, que on appelle ou
païs Werck, et est de l’hiretage monsigneur Jehan de
Montagut. Si en estoit gardiiens et cappitaine de par
lui messires Guillaumes de Luscebourne, liquels avoit
15là dedens sa femme et ses enfans et tout sen cariage;
et bien savoit en devant que li François et li Escochois
devoient venir. Si avoit à son pooir grandement
bien pourveu le castiel de gens d’armes et d’artelleriie
pour atendre l’assaut. Devant le castiel de Werck
20s’amanagièrent et arestèrent toute li host, car il sciet
sus une belle rivière qui rentre en la mer par le
Tuide desous Beruich. A ce castiel de Werck ot un
jour très grant assaut, et mout bien s’i portèrent li
François trop mieux que li Escot, car il entroient
25ens es fossés et les passoient à grant paine tout
oultre. Et là ot fait de ceux d’amont à ceux d’aval
des grans apertisses d’armes, car li François montoient
amont sus eschielles, et se venoient combatre
main à main de daghes à ceux dou fort. Là fu messires
30[Guillaumes] de Lusebourne, très bons chevaliers,
et se combati mout vassaument as chevaliers françois
[257] qui montoient sour les escielles, et là à cel assaut fu
ochis, dont che fu damages, uns chevaliers alemans
qui s’apelloit messires Weris Gastelin; et mout en i
ot ce jour de navrés et de blechiés, mais finablement
5il i avoit si grant peuple, et fu li asaulx si continués,
que finablement li castiaux fu pris, et li chevaliers et
sa femme et si enfant dedens. Et orent là li François
qui premiers i entrèrent, plus de quarante prisonniers;
puis fu li castiaux ars et desenparés, car il
10veoient que il ne faissoit pas à tenir, ne tenir ne le
poroient si avant en Engletière.
§ 470. Apriès les conquès dou castiel de Werck et
la prise de messire Guillaume de Luscebourne, li amiraulx
de France et li baron de France et d’Escoce
15chevauchièrent vers Anwich, en la terre le signeur de
Persi, et se logièrent tout enmi, et ardirent et exillièrent
aucuns villages, et furent jusques à [Broel], un
biel castiel et fort qui est sus la marine, au conte de
Northombrelande; mais point n’i asaillirent, car il
20savoient bien que il perderoient leur paine. Et chevauchièrent
toute celle frontière jusques à Mourepas,
en mi chemin de Beruich et de Noef Castiel sur Thin,
et là entendirent que li dus de Lancastre, li contes de
Northombrelant, li contes de Notinghen, li sires de
25Noefville et li baron de la marce et de la frontière de
Northombrelande et de l’arcevesquiet d’Iorch et de
l’evesquiet de Durem venoient à grant effort. Quant la
nouvelle en fu venue jusques à l’amiral, si en fu tous
resjoïs; ossi furent li baron et li chevalier de France,
30qui en se compagnie estoient, car il desiroient à avoir
la bataille, mais li Escoçois n’en faissoient compte.
[258] Là fu consilliet à Mourepas que il se retrairoient vers
la marce de Beruich, pour la cause de leurs pourveances
qui les sieuoient, et pour avoir leur païs au
dos, et là sur leur marce il atenderoient leurs ennemis.
5Messires Jehans de Viane, qui point ne voloit
issir hors de conseil, les creï. Adont ne chevauchièrent
il plus av[an]t en Northombrelande, et s’en
vinrent devers Beruich, de laquelle cité messires
Mahieux Rademen estoit capitains, et avoit là dedens
10avoecques lui grant fuisson de bonnes gens d’armes.
Li François et li Escoçois furent devant, mais point
n’i asallirent, ançois passèrent oultre, et prisent le
chemin de Dombare, pour rentrer en leur païs.
§ 471. Les nouvelles estoient venues en Engletière
15que li François et li Escochois estoient entret en le
marce de Northombrelande, et ardoient et destruissoient
tout le païs. Et sachiés que endevant ces nouvelles
li roiaulmes d’Engletière estoit tous avissés et
pourveux de la venue l’amiral et des François en
20Escoce; si estoient tout li signeur sur leur garde, et
avoit li rois fait son mandement par toute Engletière,
et estoient tout trait sus les camps, conte, baron, chevalier
et escuier, et prendoient, enssi que il venoient,
le chemin d’Escoce, et manechoient fors les Escos. Et
25avoient li Englès tout cel estet fait les plus belles et
les plus grandes pourveances que onques mais il ne
fesissent, pour aler en Escoce, tant par mer comme
par terre, car il avoient sus la mer jusques à sis vins
vaissaux cargiés de pourveances, qui les sieuoient,
30frontiant Engletière pour venir ou Hombre. Et venoit
li rois accompaigniés de ses oncles, le conte de Cambruge
[259] et le conte de Bouquighem, et de ses deus
frères, le conte de Kemt, messire Thomas de Hollandes,
et messire Jehan de Hollandes. Là estoient li contes
de Sasleberi, li contes d’Arondel, li contes d’Asquesuffort,
5li jones contes de Pennebruch, li jones sires
Despensiers, li contes de Stanfort, li contes de
[Devensiere] et tant de barons et de chevaliers que il
estoient bien quatre mille lances, sans encore ceux
que li dus de Lancastre, li contes de Northombrelande,
10li contes de Nothinghem, li sires de Lussi, li
sires de Noefville et li baron des frontières d’Escoce
avoient ja, qui poursieuoient les Escos et les François,
où bien avoit deus mille lances et vint mille
archiers; et li rois et li signeur qui venoient, avoient
15en leurs routes bien cinquante mille archiers, sans les
gros varlès.
§ 472. Tant esploitièrent li rois d’Engletière et ses
os, en venant après le duc de Lancastre et les autres
qui estoient premiers, que il vinrent en la marce
20d’Iorch, car sus le chemin nouvelles estoient venues
au roi et à ses gens que leurs gens se devoient combatre
as Escos en la marce de Northombrelande, et
pour ce se hastoient il le plus. Et s’en vint li rois
logier à Saint Jehan de [Buvrelé], oultre la cité d’Iorch
25et la cité de Durem; et là leur vinrent nouvelles que
li Escot estoient retrait vers leur païs; et se logièrent
toutes manières de gens d’armes en la marce de
Northombrelande. Or vous voel je recorder une aventure
asés dure qui avint en l’ost le roi d’Engletère, par
30quoi priès ses voiages en fu tous rompus, et li signeur
en guerre mortelle l’un à l’autre.
[260] § 473. En la marche de Saint Jehan de [Buvrelé],
en la diocesse d’Iorch, estoit li rois d’Engletière
logiés, et grant fuisson des contes, des barons et des
chevaliers de son roiaulme, car cascuns se logoit au
5plus priès de lui, comme il pooit par raison; et par
especial si doi oncle, messires Thumas de Hollandes,
contes de Kemt, et messires Jehans, ses frères,
estoient là à belle compaignie de gens d’armes. En la
route dou roi avoit un chevalier de Boësme, qui estoit
10venus veoir le roïne d’Engletère, et pour l’amour de
la roïne li rois et li baron li faisoient feste. Che chevalier
apelloit on messire Nicle; frisces et jolis chevaliers
estoit à l’usage d’Alemaigne. Et avint que sus
une remontière et sus les camps, au dehors d’un village
15asés priès de Saint Jehan de [Buvrelé], doi
escuier qui estoient à messire Jehan de Hollandes, le
frère dou roi, s’entreprissent de parolles, et pour leur
logis, à messire Nicle, et le poursieuoient de près pour
li faire un grant desplaisir. Sur ces parolles que li
20chevaliers avoit as escuiers, s’enbatirent doi archier à
messire Richart de Stafort, fils au conte de Stafort, et
tant que de parolles il commenchièrent à aidier le chevalier,
pour la cause de che que il estoit estraigniers, et
bla[s]mèrent les escuiers, en reprendant leurs parolles
25et en dissant: «Vous avés grant tort, qui vous aherdés
à ce chevalier. Ja savés vous que il est à madame
la roïne et de son païs? si fait mieux à deporter que
uns autres.»—«Voires! dist li uns de ces escuiers
à l’archier qui avoit dit ceste parolle, et tu, herlos, en
30voes tu parler? A toi qu’en monte, se je li blasme ses
follies?»—«A moi qu’en monte? dist li archiers; il
en monte assés, car il est compains à mon maistre.
[261] [Si] ne serai ja en lieu où il rechoive blasme ne
villonnie.»—«Et se je quidoie, dist li escuiers, herlos,
que tu le vosisses aidier ne porter contre moi, je
te bouteroie ceste espée ou corps.» Et fist en parlant
5samblant de lui ferir. Li archiers reculla, qui
tenoit son arck tout apparilliet, et entoise bonne
saïète et laist aler, et fiert l’escuier de visée, et li
mait le saïette tout parmi le maimelle et le coer, et
l’abat là mort.
10Li autres escuiers, quant il veï sen compaignon en
ce parti, s’enfui. Messires Nicles s’estoit ja partis et
ralés vers son logis. Li archier s’en revinrent viers leur
maistre, et li comptèrent l’aventure. Messires Richars
en fist bien compte, et dist que il avoient mal esploitiet.
15«Par ma foi! respondi li archiers, sire, il convenoit
que ce avenist, se je ne voloie estre mors; et
encore ai je plus chier que je l’aie mort que il m’euist
mort.»—«Or, va, va, dist messires Richars; ne te
met point en voie que on te puist trouver. Je ferai
20traitier de le pais à messire Jehan de Hollandes, par
monsigneur mon père ou par autrui.» Li archiers
respondi et dist: «Sire, volentiers.»
§ 474. Nouvelles vinrent à messire Jehan de Hollandes
que li uns des archiers à messire Richart de
25Stafort avoit mort son escuier, celi ou monde que il
amoit le mieux, et la cause pour quoi on li dist que
ce avoit esté par la couppe de messire Nicle, ce chevalier
estraigne. Quant messires Jehans de Hollandes
fu enfourmés de ceste avenue, si quida bien foursener,
30et dist: «Jamais ne buverai ne mengerai si sera
amendé.» Tantos il monta à ceval, et fait monter de
[262] ses hommes; et se part de son logis, et ja estoit tout
tart, et se traïst sour les camps, et fait enquerre où
cils messires Nicles estoit logiés. On li dist que on
pensoit bien que il estoit logiés en l’arière garde,
5avoecques le conte de Devesiere et le conte de Staffort
et leurs gens. Messires Jehans de Hollandes prist
che cemin, et commencha à chevauchier à l’aventure,
pour trouver che messire Nicle. Enssi que ils et ses
gens chevauchoient entre haies et buissons droit sus
10l’estroit d’un pas, où on ne se pooit destourner que
on n’encontrast l’un l’autre, messires Richars [de Stafort]
et messires Jehans de Hollandes s’entrecontrèrent.
Pour ce que il estoit nuis, il demandèrent en passant:
«Et qui est là?» et, en entrant l’un dedens l’autre:
15«Je sui Stafort.»—«Et je sui Hollandes.» Dont dist
messires Jehans de Hollandes, qui estoit encores en sa
felonnie: «Stafort, Stafort, ossi te demandoiie; [tes]
gens m’ont mort mon escuier que bien amoie.» Et
à ces cops il lance une espée de Bourdiaux que il
20tenoit toute nue. Li cops cheï sus messire Richart de
Stafort; [si] li bouta ou corps, et là l’abati mort, dont
che fu grans pités. Et puis passa oultre, et ne savoit
pas encores que il avoit assené, mais bien savoit que
il en avoit l’un mort. Là furent les gens de messire
25Richart de Stafort mout courouchié, che fu raissons,
quant il veïrent leur maistre mort, et commenchièrent
à criier et à dire: «A! Hollandes, Hollandes, vous
avés mort le fil au conte de Stafort! Pesmes nouvelles
seront au père, quant il sara ce!» Aucunes des gens
30à messire Jehan de Hollandes entendirent ce; [si] le
dissent à leur maistre: «Sire, vous avés mort messire
Richart de Stafort.»—«A le bonne heure,
[263] dist messires Jehans, j’ai plus chier que je l’aie mort
que menre de lui: or ai je tant mieux contrevengiet
mon varlet.»
Adont s’en vint messires Jehans de Hollandes en la
5ville de Saint Jehan de [Buvrelé], et en prist la francisse,
et point ne se departi de là, car la ville est
francque, et bien savoit que il i aroit, pour la mort
dou chevalier, de ses amis grant tourble en l’ost, et
ne savoit que ses frères, li rois Richars d’Engletère,
10en diroit. Dont, pour esquieuer tous perils, il s’enfrema
en la [ville].
§ 475. Les nouvelles vinrent au conte de Stafort
que ses fils estoit ochis par grant mesavenue. «Ochis!
dist li contes, et qui l’a mort?» On li recorda, cil
15qui au fait avoient esté: «Monsigneur, li frères dou
roi, messires Jehans de Hollandes.» Adont li fu
recordé la cause, pour quoi et comment. Vous devés
connoistre et sentir que cils qui amoit son fil, car plus
n’en avoit, et si estoit biaux chevaliers, jones, hardis
20et entreprendans, fu courouchiés oultre mesure, et
manda adont, quoi que il fust nuis, tous ses amis,
pour avoir conseil comment il en poroit user ne soi
contrevengier. Toutesfois, li plus sage et li mieux
avisé de son conseil le rafrenèrent, et li dissent que à
25l’endemain on remonsteroit ce au roi d’Engletière, et
seroit requis que il en fesist loi et justice.
Enssi se passa la nuit, et fu messires Richars de
Stafort ensepvelis au matin en une eglise d’un village
qui là est; et i furent tout cil de son linage, baron et
30chevalier, qui en ceste armée estoient.
Après le obsèque fait, li contes de Stafort et eux
[264] bien soissante de son linage et dou linage son fil montèrent
as chevaux, et s’en vinrent devers le roi, qui
ja estoit enfourmés de ceste aventure; si trouvèrent
le roi d’Engletière et ses oncles et grant fuisson
5d’autres signeurs dalés lui. Li contes de Stafort, quant
il fu venus devant le roi, se mist en genouls, et puis
parla tout en plorant, et dist en grant angouse de
coer: «Rois, tu ies rois de toute Engletière, et as
juré solempnellement à tenir le roiaulme d’Engletière
10en droit et faire justice, et tu sés comment ton frère,
sans nul title de raison, a mort mon fil et mon hiretier.
Si te requier que tu m’en faces droit et justice,
ou autrement tu n’aras pieur ennemit de moi, et voel
bien que tu saches que la mort de mon fil me touque
15de si priès que, se je ne quidoie rompre et brissier
le voiage ouquel nous sommes, et recevoir par le
tourble que je meteroie en nostre host plus de damage
et de parolle que d’onneur, il seroit amendé et contrevengié
si hautement que à cent ans à venir on
20en parleroit en Engletière. Mais à present je m’en
soufferai tant que nous serons sus ce voiage d’Escoce,
car je ne voel pas resjoïr nostres ennemis de mon
anoi.»—«Contes de Stafort, respondi li rois, soies
tous certains que je te tenrai justice et raison si avant
25que li baron de men roiaulme oseront ou voront
jugier; ne ja pour frère que je aie, je ne m’en fainderai.»
Dont respondirent cil dou linage le conte
de Stafort: «Sire, vous avés bien parlé, et grant
merchis.»
30Enssi furent li proïsme de messire Richart de Stafort
rapaisiet; et se parfist li voiages alant en Escoce,
sicom je vous recorderai, ne onques sus tout che
[265] cemin li contes de Stafort ne monstra samblant de la
mort de son fil, dont li baron tout l’en tinrent à sage.
§ 476. Or s’avanchièrent ces os dou roi d’Engletière
où bien avoit set mille hommes d’armes et soissante
5mille archiers, ne riens n’estoit demoret derière, car
on dissoit parmi Engletière que messires Jehans de
Viane les combateroit; et voirement en estoit il en
grant volenté, et le disoit as barons d’Escoce par tele
manière: «Signeur, faites vostre mandement dou
10plus grant que vous poés, car, se li Englès vienent si
avant que jusques en Escoce, je les combaterai.» Et
li Escoçois de premiers respondoient: «Dieux i ait
part!» Mais depuis orent il autre avis.
Tant esploitièrent les hos dou roi d’Engletière que
15il passèrent Durem et le Noef Castiel et la rivière dou
Thin et toute la Northombrelande; et vint li rois à le
cité de Beruich, de laquelle messires Mahieux Rademen
estoit cappitaine, qui rechut le roi liement, car
la cité est à lui. Gaires ne séjourna li rois à Beruich,
20quant il passa oultre et toute li hos; et passèrent la
rivière de Tuide, qui vient de Rosebourc et d’amont
des montaignes de Northombrelande; [et s’en vint li
avant garde] logier en l’abeïe de Miauros. Onques en
devant, par toutes les guerres d’Escoce et d’Engletère,
25celle abeïe n’avoit eu nul damage, mais elle fu adont
toute arse et exsillie, et estoit li intencions des Englès
que, anchois que jamais il rentraissent en Engletère,
il destruiroient toute Escoce, pour la cause de ce que
il s’estoient en celle saisson fortefiiet des François.
30Quant li amiraux de France sot les nouvelles que li
rois d’Engletère et li Englès avoient passet les rivières
[266] dou Thin et de la Tuide, et que il estoient à le Mourlane
et entré en Escoce, si dist as barons d’Escoce:
«Signeurs, pour quoi sejournons nous chi? Que ne
nous metons nous en lieu pour veoir et aviser nostres
5ennemis et eux combatre? On nous avoit enfourmés,
anchois que nous venissons en che païs, que, se vous
aviés mille lances ou environ de bonnes gens de
France, vous seriés fort assés pour combatre les
Englois. Je me fai fors que vous en avés bien mille et
10plus et cinc cens arbalestriers; et vous di que li chevalier
et li escuier, qui sont en ma compaignie, sont
droites gens d’armes et fleur de chevalerie, et point
ne fuiront, mais atenderont l’aventure telle que Dieux
le nous vaura envoier.»
15§ 477. A ches paroles respondirent li baron d’Escoche,
qui bien congnissoient les Englès et leur
poissance, et qui nulle vollenté n’avoient dou combatre:
«Par ma foi! monsigneur, nous creons bien
que vous et li vostre sont toutes gens de fait et de
20vaillance, mais nous entendons que toute Engletère
est vuidie pour venir en ce païs, ne onques ne se
trouvèrent li Englès tant de gens ensamble comme il
sont ores, et nous vous metterons bien en tel lieu que
vous les porés bien veoir et avisser; et, se vous consilliés
25que il soient combatu, il n’en seront ja de par
nous refusé, car voirement toutes les parolles que
vous avés dites et misses avant, avons nous dites.»
—«De par Dieu! dist li amiraulx, et je le voel.»
Depuis ne demora gaires de jours que li contes de
30Douglas et li autre baron d’Escoce menèrent l’amiral
de France sus une forte montaigne en leur païs, où
[267] desoulx avoit un pas par où il convenoit passer les
Englès, cariages et toute l’ost. De celle montaigne où
li amiraulx estoit, et grant fuisson de chevalerie de
France en sa compaignie, veïrent il tout clèrement le
5poissance des Englès; si les avisèrent au plus justement
comme il peurent, et les nombrèrent à sis mille
hommes d’armes et bien, que archiers que gros varlès,
soissante mille. Si dissent en eux meïsmes, tout consideret,
que il n’estoient pas gens assés pour eux
10combatre, car des Escos il ne trouvoient point mille
lances et otant de leur costé, et environ trente mille
hommes d’autres gens et mout mal armés. Si dist li
amiraulx au conte de Douglas et au conte de Mouret:
«Vous avés asés raison de non voloir combatre ces
15Englès, mais avissés vous que vous vorés faire. Il sont
bien si fort que pour chevauchier parmi vostre païs
et dou tout destruire, et, puisque combatre ne les
poons, je vous pri que vous me menés parmi vostre
païs et par cemins non hantés en Engletère. Si leur
20ferons guerre à l’autre part, ensi comme il le nous
font ichi, se il est enssi que ce se puist faire.»
—«Oïl, sire,» ce respondirent li baron d’Escoce.
§ 478. Messires Jehans de Viane et li baron d’Escoce
orent là conseil ensamble, que il guerpriroient
25leur païs et lairoient les Englès convenir, et chevaucheroient
oultre et enteroient en Galles et iroient
devant la cité de Karlion, et trouveroient là assés de
bon païs où il se contrevengeroient. Chils consaulx et
avis, par l’acord de tous, fu arestés entre eux. Si se
30retraïssent toutes gens d’armes à l’oposite des Englès,
et prisent les forès et les montaignes; et enssi comme
[268] il chevauchoient parmi Escoce, eux meïsmes destruissoient
leur païs et ardoient villages et manoirs, et
faissoient hommes, femmes et enfans et pourveances
retraire ens es forès d’Escoce, car bien savoient que
5li Englès ne les iroient jamais là querir. Et passèrent
tout au travers de leur païs; et s’en ala li rois, pour
tant que il n’estoit pas en boin point pour chevauchier,
en la sauvage Escoce, et là se tint toute leur guerre
durant, et laissa ses gens convenir. Si passèrent li
10François et li Escot les montaignes qui sont à l’encontre
dou païs de Northombrelande et d’Escoce, et
entrèrent en la terre de Galles, et commenchièrent à
ardoir païs et villes, et à faire mout de desrois en la
terre de Moutbrai, qui est au conte de Notinghem, et
15en la conté de Stafort et en la terre dou baron de
Grisop et dou signeur de Mousegrave, et prisent leur
chemin pour venir devant la cité de Karlion.
§ 479. Entrue[s] que li amiraulx de France et cil
qui en sa compaignie estoient, li contes de Grant Pret,
20li sires de Vodenai, li sires de Sainte Crois, messires
Joffrois de Cargni, messires Guillaumes de Viane, messires
Jakes de Viane et d’Espaigni, [li] sires de Hées,
li sires de Moruel, messires Walerant de Rainneval, li
sires de Biausaut, li sires de Wauvrin, messires Percevaulx
25[d’Ainneval], le baron d’Iveri, cheli de Fontaines,
le signeur [de Riveri], messires Braquet de Braquemont,
le signeur de Landuri et bien mille lances
de barons et de chevaliers et escuiers de France, et
li signeur d’Escoce et leurs gens, ardoient et chevauchoient
30en Northombrelande entre ces montages
sus les frontières de Galles, ardant et exillant villes,
[269] manoirs et païs. [Ossi] estoient li rois d’Engletière
et si oncle, et li baron et chevalier d’Engletère et
leurs routes entré en Escoce, et ardoient et exilloient
d’autre part; et s’en vinrent li rois et li Englès logier en
5Haindebourc, la souverainne ville d’Escoce, et là fu li
rois cinc jours. A son departement, elle fu toute arse
que riens n’i demora, mais li castiaux n’ot garde, car
il est biaus et fors, et si estoit bien gardés. En che
sejour que li rois Richars fist en Haindebourc, li Englois
10coururent tout le païs d’environ et i fissent mout de
desrois, mais nullui n’i trouvèrent, car tout avoient
retrait ens es forès et ens es grans bos, et là cachiet
tout leur bestail.
En l’ost le roi d’Engletière avoit plus de cent mille
15hommes, et bien otant de chevaux: si leur convenoit
grans pourveances, car nulles n’en trouvoient en
Escoce, mais d’Engletière leur en venoient grant fuisson
par mer et par terre. Si se departirent li rois et
li signeur de Haindebourc, et chevauchièrent vers
20Donfremelin, une ville assés bonne et où il i avoit une
belle et grosse abbeïe de noirs monnes, et là sont
ensepveli par usage li roi d’Escoce. Li rois d’Engletère
se loga en l’abbeïe, car ses gens prissent la ville,
ne riens ne leur dura. A leur departement, elle fu
25toute arse, abbeïe et ville, et puis cheminèrent vers
Estrumelin, et passèrent au dessus d’Estrumelin la
rivière de Taie, qui queurt à Saint Jehan Ston.
[Au] castiel d’Estrumelin ot grant assaut, mais il
n’i conquissent riens, anchois i ot de leurs gens mors
30et blechiés assés. Si s’en partirent, et ardirent la ville
et toute la tère au signeur de Versi, et ceminèrent
oultre.
[270] § 480. Li intencion dou duc de Lancastre et de ses
frères et de pluiseurs barons et chevaliers d’Engletère
estoit telle que il passeroient tout parmi l’Escoce, et
poursieuroient les François et les Escoçois, car bien
5estoient enfourmé par leurs coureurs, que il avoient
pris le cemin de Galles, pour aler devers la chité de
Carlion, et les menroient si avant que il les encloroient
entre Escoce et Engletère, et par enssi les aroient il
à leur avantage, ne jamais piet n’en retourneroit, que
10tout ne fuissent mort ou pris, car bien estoit en leur
poissance, mais que leurs pourveances fussent venues;
et ce conseil tenoient il entre eux et l’avoient aresté. Si
couroient leurs gens à leur volenté tout parmi Escoce,
ne nuls ne leur aloit au devant, car li païs estoit tous
15vuis des gens d’armes, qui estoient avoecques l’amiral
de France. Et ardirent li Englès la ville de Saint Jehan
en Escoce, où la rivière de Taie keurt et i a un bon
havene pour aler par tout le monde, et puis la ville
de Dondé. Et n’espargnoient abeïes ne moustiers: tout
20mettoient li Englès en feu et en flame, et coururent
jusques Abredane li coureur de l’avant garde, laquelle
cité siet sus mer et est à l’entrée de la sauvage
Escoce, mais nul mal n’i fissent. Si en furent cil dou
lieu assés effraé, et quidièrent bien avoir l’assaut et
25que li rois d’Engletère i deuist venir.
§ 481. Tout en tel manière que li Englès se demenoient
en Escoce, se demenoient li François et li Escoçois
en Engletière, en la marce de Northombrelande
et de Galles, et ardirent et exsillièrent un grant païs,
30au departement de Northombrelande, en entrant en
Galles, que on dist le Westlant; et passèrent parmi la
[271] terre dou baron de Graiscop et dou baron de Clifort,
et ardirent en celle marce là, en cheminant, pluiseurs
gros villages, où nuls homs de guerre n’avoit onques
mais esté, car li païs estoit tous vuis de gens d’armes,
5car tout estoient en la chevauchie dou roi. [Si] ne leur
aloit nuls au devant, et fissent tant que il vinrent
devant la cité de Karlion en Galles, laquelle est bien
fremée de portes, de murs, de tours et de fossés, car
jadis li rois Artus i sejournoit plus volentiers que
10ailleurs, pour les biaus bois qui sont environ et pour
che que les grans mervelles d’armes i avenoient.
En la cité de Karlion estoient en garnisson messires
Loïs de Cliffort, frère au signeur, messires Guillaumes
de Noefville, messires Thomas Mousegrave et ses fils,
15David Houlegrave, messires Dagorissès et pluiseur
autres qui estoient de la marce et frontière de Galles,
car la cité de Karlion en est la [clef]; et bien leur
besongna que il i eust gens d’armes pour le garder,
car, quant li amiraulx de France et ses gens furent
20venu devant, il le fist assallir par grant ordonnance,
et i ot assaut dur et fier, et ossi gens dedens de grant
deffence; et là furent faites devant Carlion pluiseurs
grans appertisses d’armes.
§ 482. Bien suposoient li oncle dou roi d’Engletière
25et li signeur que li amiraulx de France et li Escochois
tenoient che cemin que il avoient pris, et que en la
marce de Galles et de Northombrelande il feroient dou
pis que il poroient. Si dissoient entre eux li Englès:
«Nous ne poons faire milleur exploit, mais que nos
30pourveances soient toutes venues, que de aler che
chemin que nostre ennemi font, et tant cachier que
[272] nous les trouvons, et eux combatre. Il ne nous pueent
par nul chemin dou monde fuir ne eslongier, que nous
ne les aions à notre aisse et volenté.»
En che pourpos estoient li dus de Lancastre et si
5frère et pluiseur haut baron d’Engletière et la grigneur
partie des communautés de l’ost. Et ja estoient leurs
pourveances toutes venues, tant par mer comme par
terre, et li rois meïsmement l’avoit, present ses oncles,
acordé et aresté, et tout estoient en celle volenté,
10quant une nuit li contes d’Asquesuffort, qui estoit pour
che tamps tous li coers et li consaulx dou roi, ne li
rois d’Engletière n’amoit nul homme ne n’avoit parfaitement
fiance fors en lui, destourna et desconsilla
tout, ne sai mie sur quelle entente, mais il infourma
15le roi, sicom on sot depuis, et li dist: «A! monsigneur,
à quoi pensés vous, qui volés faire che chemin
que vostre oncle vous conseillent à faire? Sachiés que,
se vous le faites ne allés aucunement, jamais n’en
retournerés; ne li dus de Lancastre ne tire ne tent à
20autre cose que il soit rois, et que vous soiiés mors.
Comment vous poet il ne osse consillier à aler sus
l’ivier en païs que point ne [congnissiés] et passer les
montaignes de Northombrelande? Il i a tels trente
passages et destrois que, se nous estiens enclos dedens,
25jamais n’en seriens hors fors par le dangier des Escos.
Nullement ne vous boutés en che dangier ne peril,
pour cose que on vous ait dit. Et, se li dus de Lancastre
i voelt aler, si voist, lui et sa carge, car ja par
mon conseil vous n’i enterés: vous en avés assés fait
30pour une saisson. Onques li bons rois Edouwars,
vostre taiion, ne monsigneur le prinche, vostre père,
ne furent si avant en Escoce comme vous avés esté à
[273] celle fois; si vous doit bien souffire. Gardés vostre
corps, vous estes jones et à venir, et tels vous monstre
biau samblant, qui mout petit vous aime.» Li rois
d’Engletière entendi as parolles de ce conte dessus
5nommé si parfaitement, que onques depuis ne li purent
issir hors de sa teste, sicomme je vous dirai enssieuant
chi après.
§ 483. Quant ce vint au matin, li signeur d’Engletière
et leurs gens s’ordonnoient au partir et tenir le
10chemin de Galles, pour là aler, devant Karlion ou ailleurs,
combatre les François et les Escos, enssi que le
soir devant il avoient en conseil proposé et aresté; et
vint li dus de Lancastre devers son nepveu le roi, qui
riens ne savoit de ce tourble. Quant li rois le veï, qui
15estoit en sa merancolie et irour par l’informacion dessus
dite, si li dist tout à certes: «Oncles, oncles de
Lancastre, vous ne venrés pas encores à vostre entente.
Penssés vous que pour vos parolles nous nos voellons
perdre, ne nostres gens ossi? Vous estes trop outrageux
20de nous consillier follement, et plus ne crerai,
ne vous ne vostres consaulx, car en ce je voi plus de
damage et de peril que de pourfit, d’onneur ne d’avanchement
pour nous ne pour nos gens. Et, se vous
volés faire le voiage que vous nous mettés avant, [si]
25le faites, car point ne le ferons; [anchois] retournerons
en Engletière. Et tout cil qui nous aiment
[si] nous sieuent!»
Dont respondi li dus de Lancastre, et dist: «Et je
vous sieurai, monsigneur, car vous n’avés homme en
30vostre compaignie qui tant vous aime comme je fai,
et mi frère ossi. Et, se nuls voloit dire ne mettre
[274] oultre, excepté vostre corps, que je vosisse autre cose
que bien à vous et à vos gens, j’en bailleroie mon
gage.» Nuls ne releva ceste parolle, et li rois se
taissi, et parla à ceux qui le servoient d’autre[s] parolles,
5en lui ordonnant que pour retourner en Engletière le
chemin que il estoient venu. Et li dus de Lancastre se
departi dou roi pour l’eure tous merancolieus, et
retourna entre ses gens, et fist nouvelles ordonnances,
car au matin il quidoient poursieuir jusques en Galles
10les François et les Escos, mais non fissent, anchois
se missent tout au retour vers Engletière. Or regardés
comment li contes d’Asquesufort, qui estoit pour le
tamps tous li coers du roi, rompi che voiage. Bien
dissoient li aucun signeur que li rois estoit mal consilliés
15ou cas que il avoit toutes ses pourveances avoec
lui, de ce que il ne poursieuoit les Escos jusques en
Galles, car toudis en faissant che cemin raproçoit il
Engletère; et li autre qui resongnoient le paine, tout
consideré, dissoient que non, et que il faisoit pour si
20grant ost comme il estoient, trop dur sus le tamps
d’ivier [à] passer les montaignes entre Northombrelande
et Galles, et que plus i pooit on perdre que gaegnier
à faire che voiage.
§ 484. Ensi se portèrent en celle saisson ces
25besongnes, et se desrompi ceste chevauchie. Et [s’en]
retournèrent li rois d’Engletière et si baron arière tout
le chemin que il estoient venu en Engletière; mais il
avoient destruit la grignour partie dou roiaulme d’Escoce.
Ches nouvelles vinrent à l’amiral de France et
30as barons de France et d’Escoce, que li Englois
retournoient et s’en raloient en leur païs: si orent
[275] entre eux conseil comment il se maintenroient. Consilliet
fu et aresté que il s’en retourneroient ossi, car
pourveances leur commenchoient à fallir, et si se
trouvoient en povre païs, car il avoient tout destruit
5le marce de Karlion et la terre le baron de Clifort et
le signeur de Moutbrai et l’evesquiet de Karlion, mais
la cité ne peurent il avoir. Et disoient li François entre
eux que il avoient ars en l’evesquiet de Durem et en
l’eveskiet de Karlion tels quatre villes qui mieux
10valoient que toutes les villes dou roiaulme d’Escoce
ne fesissent. Si retournèrent en leur païs li Escochois
et li François auques le chemin que il avoient fait; et,
quant il rentrèrent en la douce Escoce, il trouvèrent
tout le païs destruit. Mais les gens dou païs n’en faissoient
15compte, et dissoient que sus sis ou wit estaces
il aroient tantos fait nouvelles mancions. De bestes
pour vivre trouvoient il assés, car li Escoçois les
avoient sauvées ens es hautes forès, mais, sachiés,
tout ce que li François prendroient, il leur convenoit
20paier et acater bien chier, et furent, telle fois fu, en
grant aventure li François et li Escot de mesler par
rihote et debat l’un à l’autre. [Et] dissoient li Escot que
li François leur avoient porté plus de damage que li
Englois; et, quant on leur demandoit en quoi, il respondoient:
25«En ce que, en chevauchant parmi nostre
païs, il ont foullé et abatu les blés, les orges et les
avaines, et que il ne dagnoient chevauchier les chemins.»
Desquels damages il voloient avoir restorier,
ainchois que il se departesissent d’Escoce, et que il ne
30trouveroient vaissel ne maronnier oultre leur volenté,
qui les mesist oultre la mer. Et pluiseur chevalier et
escuier se plaindoient des bos que on leur avoit copés
[276] et desertés, et tout avoient fait li François pour eux
logier.
§ 485. Quant li amiraux de France et li baron de
France, chevalier et escuier qui en sa compaignie
5estoient, furent retourné en le marce de Haindebourc,
il orent mout de dissettes et de souffrètes, et ne trouvoient
à paines riens pour leurs deniers. De vins
n’avoient il nuls: à grant paine pooient il avoir de la
petite cervoise et dou pain d’orge ou d’avaine, et
10estoient leur cheval mort de froit et effondu de povreté
et de fain; et, quant il les voloient vendre, il ne
savoient à qui ne qui leur en donnast maille ne denier,
ne de leur harnas ossi. Si remonstrèrent che li signeur
à leur cappitaine l’amiral, comment il estoient mené,
15et ils ossi le savoit bien de li meïsmes; et li dissent
que il ne pooient longuement vivre en celle paine, car
li roiaulmes d’Escoce n’estoit pas uns païs pour ivrener
ne hostoiier, et que avant l’esté revenu, se il demoroient
là, il seroient tout mort de povreté, et, se il
20s’espardoient sus le païs pour querre leur mieux, il
faissoient doubte que li Escot, qui les haioient pour
leurs varlès qui les avoient batus et villenés en fouragant,
ne les mourdresissent en leurs lis, quant il
seroient aseulés, car il en ooient bien aucunes