LIVRE PREMIER

Avoech tout ce, vous avés bien oy recorder comment de nouviel li Flamench s'estoient alloiiet, par saiellet, avoecques le roi d'Engleterre, et li avoient juret à lui aidier à poursievir sa guerre, et li avoient fait encargier les armes de France, et li avoient fait 20 hommage de tout ce dont tenu estoient au roy de France, et li fisent encores prendre title et nom de roy de France; et cils rois les avoit absols et quittés de une grande somme de florins dont obligiet il estoient de jadis et loiiet au roy de France. Dont il 25 avint que, quant li rois Phelippes oy ces nouvelles, se ne li pleurent mies bien, tant pour ce qu'il avoient fait hommage à son adversaire, que pour ce que li rois englès, comme rois de France, les avoit quittés de le somme et de l'obligation, ce que nullement il 30 ne pooit faire. De quoi encores, pour yaus retraire, il leur manda par un prelat, sus l'ombre dou pape, qu'il tenissent ferme et estable leur sierement; autrement, il jetteroit une sentense entre yaus; non obstant ce et le petite et foible information qu'il avoient eu, se il se voloient recognoistre et retourner à lui et à le couronne de France, et relenquir le roi d'Engleterre 5 qui enchanté les avoit, il leur pardonroit son mautalent et leur quitteroit la ditte somme, et leur donroit et saieleroit pluiseurs belles francises en son royaume. Li Flamench n'eurent mies adonc conseil ne acord de ce faire, et respondirent qu'il se tenoient 10 bien pour absols et pour quittes de tout ce où obligiet estoient, tant c'au roi de France. Et quant li rois de France vei qu'il n'en aroit aultre cose, si s'en complaindi au pape Clement VI^e qui regnoit pour le temps, li quelz papes jetta une sentense et un escumeniement 15 en Flandres si horrible et si grant que il n'estoit nulz prestres qui y volsist celebrer ne faire le divin offisce. De quoi li Flamench furent moult courouchiet; et en envoiièrent complaintes grandes et grosses au roi englès, li quelz, pour yaus apaisier, 20 leur manda que de ce il ne fuissent noient effraet. Car, la première fois qu'il rapasseroit, il lor menroit des prestres de son pays qui chanteroient messe en Flandres, volsist li papes ou non, car il est bien privilegiiés de ce faire. Parmi tant s'apaisièrent li Flamench. 25

Ces nouvelles, qui ne furent mies trop plaisans pour les Flamens, s'espandirent parmi Flandres. Si en fu durement li pays esmeus et tourblés. Et en 30 vinrent les complaintes à Jakemon d'Artevelle qui se tenoit à Gand. Pour quoi li dis d'Artevelles fu durement courouciés, et dist et jura que ceste fourfaiture seroit amendée ou pays de Tournesis. Si fist son mandement par tout, et commanda parmi les bonnes villes de Flandres que tout vuidassent et fuissent, à un certain jour qu'il y assigna, avoecques lui, devant le cité de Tournay; et escrisi au conte de Sallebrin 5 et au conte de Sufforch, qui se tenoient en garnison en le ville de Ippre, qu'il se traissent de celle part. Et encores pour mieus moustrer que la besongne estoit sienne et qu'elle li touchoit, il se parti de Gand moult estoffeement, et s'en vint entre 10 le ville d'Audenarde et de Tournay, sus un certain pas que on dist au Pont de Fier; et se loga là, attendans les dessus dis contes d'Engleterre et ossi chiaus dou Franch de Bruges.

Or chevauçoient adonc cil doi conte englès et leur route, sus le guiement monsigneur Wafflart de le Crois, qui un grant temps avoit guerriiet chiaus de Lille, et encores guerrioit, quant il pooit; et s'estoit tenus celle saison à Ippre, pour yaulz mieus guerriier, et se faisoit fors que d'yaus mener sans peril, 5 car il savoit toutes les adrèces et les torses voies. Et encores en fust il bien venus à chief, se cil de Lille n'euissent fait au dehors de leur ville un grant trencheis nouvellement, qui n'estoit mies acoustumés d'estre. Et quant cilz messires Wafflars les eut 10 amenés jusques à là, et il vei que on leur avoit copet le voie, si fu tous esbahis et dist as contes d'Engleterre: «Mi signeur, nous ne poons nullement passer le chemin que nous alons, sans nous mettre en grant dangier et ou peril de chiaus de Lille. 15 Pour quoi, je conseille que nous retournons et prendons ailleurs nostre chemin.» Adonc respondirent li baron d'Engleterre: «Messire Wafflart, jà n'avenra que nous issons de nostre chemin pour chiaus de Lille. Chevauciés toutdis avant, car nous avons 20 acertefiiet d'Artevelle que nous serons ce jour, à quèle heure que soit, là où il est.» Lors chevaucièrent li Englès sans nul esmay. Et quant messires Wafflars vei que c'estoit acertes, et que il ne pooit estre creus ne oys, si fist son marchiet tout avant et dist: «Biau 25 signeur, voirs est que pour gide et conduiseur en ce voiage vous m'avés pris, et que tout cel yvier je me sui tenus avoecques vous en Ippre, et me loe de vostre compagnie et de vous grandement. Mais toutes fois, se il avient que cil de Lille sallent ne issent 30 hors contre nous ne sur nous, n'aiiés nulle fiance que je les doie attendre, mès me sauverai au plus tost que je porai. Car se j'estoie pris ne arrestés par aucun kas de fortune, ce seroit sus ma tieste que j'ai plus chier que vostre compagnie.»

Adonc commenchièrent li chevalier à rire, et disent à monsigneur Wafflart qu'il le tenoient bien 5 pour escuset. Tout ensi qu'il l'imagina en avint, car il ne se donnèrent de garde; si se boutèrent en l'embusce, qui estoit grande et forte, et bien pourveue de gens d'armes et d'arbalestriers, qui les escriièrent tantost: «Avant, avant, par chi ne poés vous passer 10 sans no congiet.» Lors commencièrent il à traire et à lancier sus les Englès et leur route. Et si tretost que messires Waufflars en vei la manière, il n'eut cure de chevaucier plus avant, mès retourna au plus tost qu'il peut, et se bouta hors de le presse et se 15 sauva, et ne fu mies pris à celle fois. Et li doi signeur d'Engleterre, messires Guillaumes de Montagut, contes de Sallebrin, et li contes de Sufforch escheirent en le main de leurs ennemis, et furent mieulz pris c'à le roit, car il furent embuschiet en 20 un chemin estroit, entre haies et espines et fossés à tous lés, si fort et par tel manière qu'il ne se pooient ravoir ne retourner, ne monter, ne prendre les camps. Toutes fois, quant il veirent le mesaventure, il descendirent tout à piet et se deffendirent ce qu'il peurent, 25 et en navrèrent et mehagnièrent assés de chiaus de le ville. Mais finablement leur deffense ne vali noient, car gens d'armes frès et nouviaus croissoient toutdis sus yaus. Là furent il pris et rançonné de force, et uns escuiers jones, de Limozin, neveus dou 30 pape Clement, qui s'appelloit Raymons; mais depuis qu'il fu creantés prisons, fu il occis pour le couvoitise de ses belles armeures, dont moult de bonnes gens en furent courouciet.

Ensi furent pris et retenu li doi conte d'Engleterre et mis en la halle de Lille en prison, et depuis envoiiet en France par devers le roy Phelippe, qui 5 en eut grant joie et en seut grant gret à chiaus de Lille. Et dist adonc li dis rois et prommist à chiaus de le ville de Lille qu'il leur seroit guerredonné grandement, car il li avoient fait un biau service. Et quant Jakemars d'Artevelle, qui se tenoit au Pont de 10 Fier, en seut nouvelles, si en fu durement courouciés, et brisa pour ceste avenue son pourpos et sen emprise, et donna ses Flamens congiet, et s'en retourna en le ville de Gand.

Et descendirent premierement li seneschaus et tout li compagnon devant un grant hostel où il cuidoient certainnement que li dus de Normendie fust, mais il 25 estoit un aultre hostel avant. Et laiens estoient logiet doi grant signeur de Normendie, li sires de Bailluel et li sires de (Briauté [325]). Si furent assalli vistement, et li porte de leur hostel boutée oultre. Quant li doi chevalier se veirent ensi souspris et oïrent crier: 30 «Haynau au senescal!», si furent moult esbahi. Nompourquant il se misent à deffense, ce qu'il peurent; mès li sires de Bailluel fu là occis, dont ce fu damages, et li sires de (Briauté) fianciés prisons dou dit seneschal, et eut couvent sus se loyauté de venir 5 dedens trois jours tenir prison en Valenchiènes. Dont se commenchièrent François à estourmir et à widier leurs hostels, et à alumer grans feus et tortis, et à resvillier l'un l'autre. Meismement on resvilla le dit duch de Normendie, et le fist on armer en grant 10 haste, et aporter sa banière devant son hostel et desveloper. Là se traioient toutes gens d'armes de leur costé. Quant li Haynuier perchurent les François ensi estourmis, si ne veurent plus demorer, mais se retrairent bellement et sagement devers leurs chevaus; 15 et montèrent sus et se partirent, quant il se furent remis ensamble; et en menèrent jusques à dix ou douze bons prisonniers; et retournèrent sans damage, car point ne furent poursievi, pour tant qu'il faisoit brun et tart; et vinrent, environ l'aube crevant, 20 au Kesnoi. Là se reposèrent il et rafreschirent, et puis vinrent à Valenchiennes.

Or parlerons dou duch de Normendie, qui moult courouchiés estoit dou despit que li Haynuier li avoient fait. Si commanda au matin à deslogier et à 25 entrer en Haynau, pour tout ardoir sans deport. Dont s'arroutèrent li charoi, et chevaucièrent li signeur, li coureur premiers qui estoient bien deux cens lances. Et en estoient chapitainne messires Thiebaus de Moruel, li Gallois de le Baume, li sires de Mirepois, li sires de Rainneval, li sires de Saint Pi, messires Jehans de Landas, li sires d'Astices, li sires 30 de Hangès et li sires de Cramelles. Apriès chevauçoient li doi mareschal de France en grant route, messires Robers Bertrans et messires Mahieus de Trie; et estoient bien cinq cens lances; et puis li dus de Normendie avoech grant fuison de contes, de 5 barons et de tous aultres chevaliers. Si entrèrent li dit coureur en Haynau et ardirent Forest, Vertain, Vertigneul, Esquarmain, Vendegies ou Bos, Vendegies sus Escallon, Bermerain, Calaumes, Senlèces et les fourbours dou Kesnoi, et se logièrent sus le rivière 10 d'Uintiel. A l'endemain, il passèrent oultre et ardirent Oursineval, Villers en le Cauchie, Gommegnies, Marech, Pois, Presiel, Anfroipret, Preus, Le Frasnoit, Obies et le bonne ville de Bavai et tout le pays jusques à le rivière de Honniel. Et eut ce second 15 jour grant assaut et escarmuce au chastiel de Werchin de le bataille des mareschaus, mès noient n'i fisent, car il fu bien gardés et bien deffendus. Et s'en vint li dus de Normendie logier sus le rivière de Selles entre Haussi et Sausoir. Or vous parlerons dou 20 signeur de Faukemont, qui fu uns moult rades chevaliers, d'une grant apertise d'armes qu'il fist.

Et li dus de Normendie fu moult courouciés de ses gens que on avoit occis et blechiés et fianchiés prisons et dist: «Agar comment cil Haynuier nous 5 resveillent!» A l'endemain, au point dou jour, fist on sonner les trompètes en l'ost le duc de Normendie. Si se armèrent et ordonnèrent toutes manières de gens, et misent à cheval, et arroutèrent le charoi, et passèrent le ditte rivière de Selles, et entrèrent de 10 rechief en Haynau, car li dus voloit venir vers Valenchiènes et aviser comment il le poroit assegier. Chil qui chevauçoient devant, li mareschaus de Mirepois, li sires de Noiiers, li Gallois de le Baume et messires Thiebaus de Moruel, à bien quatre cens lances 15 sans les bidaus, s'en vinrent devant le Kesnoy et approchièrent le ville jusques as barrières, et fisent samblant qu'il le vorroient assallir; mès elle estoit si bien pourveue de bonnes gens d'armes et de grant artillerie qu'il y euissent perdu leur painne. 20 Nompourquant il escarmucièrent un petit devant les bailles, mais on les fist tantost retraire, car cil dou Kesnoi descliquièrent canons et bombardes qui jettoient grans quariaus. Si se doubtoient li François de leurs chevaus, et se retraisent par devers Wargni et 25 ardirent Wargni le Grant et Wargni le Petit, Fielainnes, Faumars, Semeries, Artre, Artriel, Sautain, Curgies, Estruen, Ausnoy et Villers monsigneur Polle. Et en voloient les flamesces et li fascon en le ville de Valenchiènes. Et vinrent cil coureur courir par 30 devant Valenchiènes. Et entrues ordonnoient li François leurs batailles sus le mont de Chastres priès de Valenchiènes, et se tenoient là en grant estoffe et moult richement. Dont il avint que environ deux cens lances des leurs, dont li sires de Craon et li sires de Maulevrier et li sires de Matefelon et li sires d'Avoir estoient conduiseur, s'avalèrent devers Maing, 5 et vinrent assallir une forte tour quarée, qui pour le temps estoit Jehan Bernir de Valenchiènes. Depuis fu elle à Jehan de Nuefville. Là eut grant assaut, dur et fort, et dura priès que tout le jour, ne on n'en pooit les François partir; si en y eut il mors ne sai 10 cinq ou six. Et si bien se tinrent et deffendirent cil qui le gardoient qu'il n'i prisent point de damage. Si s'en vinrent li plus de ces François à Trit, et cuidièrent de premières venues là passer l'Escaut; mais cil de le ville avoient deffait le pont et deffendoient 15 le passage roidement et fierement. Et jamais à cel endroit ne l'euissent li François conquis, mais il en y eut entre yaus de chiaus qui cognissoient le passage et le rivière et le pays; si en menèrent bien deux cens de piet passer as plankes à Prouvi. Quant 20 cil furent oultre, il vinrent tantos baudement sus chiaus de Trit qui n'estoient c'un petit ens ou regard d'yaus, et ne peurent durer; si tournèrent en fuite. Si en y eut des mors et des navrés et des noiiés pluiseur. 25 Ce meismes jour, estoit partis de Valenchiènes li seneschaus de Haynau à cent armeures de fier, et issus de le ville par le porte d'Anzaing; et pensoit bien que cil de Trit aroient à faire; si les voloit secourir. Dont il avint que, deseure Saint Vaast, il trouva de 30 rencontre environ vint cinq coureurs françois que troi chevalier de Poito menoient, messires Bouchicaus li uns, li sires de Surgières li aultres, et messires Guillaumes Blondiaus li tiers; et avoient passet l'Escaut assés priès de Valenchiènes, au pont c'on dist à le Tourielle; et avoient courut par droite bachelerie deseure Saint Vaast. Si tretost que li senescaus 5 de Haynau les perchut, si fu moult liés, car bien perchut et vit que c'estoient si ennemit, et feri apriès yaus et toute se route ossi. Là eut bonne jouste des uns as aultres. Et me samble que li seneschaus de Haynau porta jus de cop de lance monsigneur 10 Bouchicau, qui estoit adonc moult apers chevaliers, et fu plus encores depuis et marescaus de France, si com vous orés avant en l'ystore; et le fist fiancier prison et l'envoia en Valenchiènes; mais je ne sçai comment ce poet estre, car li sires de Surgières 15 escapa et se sauva, et ne fu point pris. Mès il fu pris messires Guillaumes Blondiel et fiança prison à monsigneur Henri de Husphalise, et furent priès tout li aultre mort et pris. Cilz rencontres detria grandement le senescal de Haynau qu'il ne peut venir à 20 temps au pont à Trit; mais l'avoient jà conquis li François, quant il y vint; et mettoient grant painne à abatre les moulins et un petit chastelet qui là estoit. Mès si tretost que li senescaus vint en le ville, il n'eurent point de loisir, car il furent reboutet et 25 reculet villainnement, occis, decopé et mis en cache. Et les fist on sallir en le rivière d'Escaut, dont il en y eut aucuns noiiés, et en fu li ville de Trit adonc toute delivrée. Et vint li senescaus de Haynau passer l'Escaut à Denaing, et puis chevauça et toute se route 30 vers son chastiel de Werchin, et se bouta dedens pour le garder et deffendre, se mestier faisoit. Et encores se tenoit li dus de Normendie et ses batailles sus le mont de Castres, et se tint en bonne ordenance le plus grant partie dou jour, car il cuidoit que cil de Valenciènes deuissent widier et lui venir combatre. Ossi fuissent il très volentiers. Mès messires 5 Henris d'Antoing, qui avoit la ville en garde, leur deveoit et deffendoit, et estoit à le porte [cambresienne] moult ensonniiés et en grant painne de yaus destourner de non vuidier, et li prevos de le ville pour le temps, (avoecques lui,) Jehans de Baissi, qui 10 les affrenoit ce qu'il pooit, et leur moustra adonc tant de belles raisons qu'il s'en souffrirent.

Encores se tenoient les batailles sus le mont de Castres, et tinrent tout le jour jusques apriès nonne, que li coureur revinrent de tous costés. Dont eurent 15 conseil là entre yaus moult grant et disoient li signeur que, tout consideret, il n'estoient mies gens assés pour assegier une si grande ville que Valenchiènes est. Si eurent finablement conseil de departir d'illuech, et de yaus retraire deviers Cambray. Si 20 s'en vinrent ce soir logier à Maing et à Fontenielles, et furent là toute la nuit, et fisent bon gait et grant. A l'endemain, il s'en partirent, mais il ardirent Maing et Fontenielles et toute l'abbeye, qui estoit à ma dame Jehane de Valois, ante dou dit duch et soer 25 germainne au roy son père. De quoi li dus fu moult courouciés, et fist pendre chiaus qui le feu y avoient mis et bouté. A ce departement, fu pararse li ville de Trit, et li chastiaus et li moulin abatu, et Prouvi, Rouvegni, Thians, Monciaus, et tous li plas pays 30 entre Cambrai et Valenciènes.

Ce jour, au matin, issirent de Valenchiènes aucun compagnon legier, quant il seurent le departement des François, et s'en vinrent sus les camps, entour le mont de Castres, ù li François avoient esté logiet, et y trouvèrent encores des vivres et des pourveances que li François y avoient laissies, et pluiseur logeis 5 où il avoit encores aucuns brigans et Geneuois qui tant avoient beu dou soir qu'il s'estoient enivré et dormoient encores. Si boutèrent cil dit compagnon de Valenciènes le feu en ces logis, et ardirent là dedens le[s] dis brigans. Car quant il sentoient le 10 feu, il s'esvilloient et cuidoient sallir hors; mais il estoient decaciet ens de leurs ennemis à plançons et à goudendars. Toutes fois, il en y eut un qui salli hors, mais il fu pris par piés et par gambes et par bras, et jettés en un grant feu qui estoit fais devant le dit 15 logis, et là fu tous ars. Si est grans meschiés de ce que chrestiien destruisent ensi li uns l'autre sans pité.

Che jour chevauça tant li dus de Normendie qu'il vint devant Escauduevre, un bon chastiel et fort dou 20 conte de Haynau, seant sus le rivière d'Escaut, et qui moult grevoit chiaus de Cambrai, avoecques chiaus de le garnison de Thun l'Evesque. Dou chastiel d'Escauduevre estoit chapitainne et souverains messires Gerars de Sassegnies, qui devant ce n'avoit 25 eu nulle reproce de diffame. Or ne sçai je que ce fu ne qui l'enchanta, mès li dus n'ot pas sis devant le forterèce six jours quant elle li fu rendue sainne et entière, dont tous li pays fu esmerveilliés. Et en furent souspeçonnet de trahison messires Gerars de 30 Sassegnies, et uns siens escuiers, qui s'appelloit Robers Mariniaus. Chil doi en furent pris et encoupet, et en morurent villainnement à Mons en Haynau. Et chil de Cambrai abatirent le chastiel d'Escauduevre, et en portèrent le pière à Cambray, et en fisent remparer et refortefiier leur ville.

Ensi que je vous ay dit, les garnisons sus les frontières estoient pourveues et garnies de gens d'armes, et souvent y avoit des chevaucies et des rencontres et des fais d'armes des uns as aultres, ensi que en 15 telz besongnes appertient. Si avint, en celle meisme saison, que saudoiier alemant se tenoient [329] de par l'evesque de Cambray en le Malemaison, à deux liewes dou Chastiel Cambrisien, et marchissant d'autre part plus priès de Landrecies, dont li sires de Potelles, 20 uns appers chevaliers haynuiers, estoit chapitainne et gardiiens, car li contes Loeis de Blois, quoi qu'il en fust sires, avoit rendu son hommage au conte de Haynau, pour tant qu'il estoit françois, et li contes le tenoit en se main et le faisoit garder pour 25 les François. Si avoient souvent le hustin cil de le Malemaison et cil de Landrecies ensamble. Dont un jour sallirent hors de le Malemaison li dessus dit Alemant bien armé et bien monté, et vinrent courir devant le ville de Landrechies, et acueillièrent le proie, et l'en menoient devant yaus, quant la nouvelle et li haros en vint en Landrechies entre les Haynuiers qui là se tenoient. Donc s'arma li sires de Potielles et fist armer les compagnons, et montèrent 5 à cheval et se partirent pour rescourre as Alemans le proie qu'il en menoient. Si estoit adonc li sires de Potielles tout devant, et le sievoient ses gens, cescuns qui mieus mieus. Ils, qui estoit de grant volenté et plains de hardement, abaissa son glave et escria as 10 François qu'il retournaissent, car c'estoit hontes de fuir.

Là avoit un escuier alemant que on appelloit Albrest de Coulongne, apert homme d'armes durement, qui fu tous honteus quant il vey que on le cachoit 15 ensi; si retourna franchement et abaissa son glave, et feri cheval des esporons, et s'adreça sus le signeur de Potielles, et li chevaliers sur lui, telement qu'il le feri sus sa targe un si grant horion que la glave vola en tronchons. Et li Alemans le consievi par tel manière, 20 de son glave roide et enfumée, que onques ne brisa ne ne ploia, mès percha la targe, les plates et l'auqueton, et li entra dedens le corps, et le poindi droit au coer, et l'abati jus dou cheval navré à mort. Donc vinrent li compagnon haynuier, li sires de 25 Bousies, Gerars de Mastain et Jehans de Mastain et li aultre qui de priès le sievoient, qui s'arrestèrent sur lui, quant en ce parti le veirent, et le regretèrent durement; et puis requisent les François fierement et asprement, en contrevengant le signeur de Potielles 30 qui là gisoit navrés à mort. Et combatirent et assalirent si dur Albrest et se route qu'il furent desconfi, mort et pris. Peu en escapèrent, et la proie (fu) rescousse et ramenée, et li prisonnier ossi en Landrecies, et li sires de Potièles mors, dont tout li compagnon furent cou(rou)ciet [330].

Ensi reconfortoient li troi dessus dit les compagnons 15 qui n'estoient mies à leur aise, car pour yaus plus grever et plus tost amener à merci, cil de l'host leur jettoient et envoioient par leurs engiens chevaus mors et bestes mortes et puans, pour yaulz empunaisier, dont il estoient là dedens en grant destrèce. 20 Car li airs estoit fors et chaus ensi qu'en plain esté, et furent plus adit et constraint par cel estat que par aultre cose. Finablement, il regardèrent et considerèrent entre yaus que celle mesaise il ne pooient longement souffrir ne porter, tant leur estoit la punaisie 25 abhominable. Si eurent conseil et avis de trettier unes triewes à durer quinze jours, et là en dedens segnefiier leur povreté à monsigneur Jehan de Haynau, qui est regars et gardiiens de tout le pays, à fin qu'il en fuissent conforté; et se il ne l'estoient, il 30 renderoient le forterèce au dit duch de Normendie. Chilz trettiés fu entamés et mis avant. Li dus leur acorda et mist en souffrance tous assaus et leur donna triewes quinze jours, qui fisent moult de biens as compagnons dou dit fort, car aultrement il euissent esté tout mort et empunaisiet sans merci, tant leur envoioit (on [332]) de charongnes pouries et d'aultres ordures 5 par les engiens. Si fisent tantost partir Ostelart de Sommaing par le trettiet devisant, qui s'en vint à Mons en Haynau, et trouva là le signeur de Byaumont qui avoit oy nouvelles de son neveu le conte de Haynau qui revenoit en son pays, et avoit estet 10 devers l'Empereur et fait grans alliances à lui et as signeurs de l'Empire, le duch de Gerles, le conte de Jullers, le markis de Blankebourch et tous les aultres. Si en enfourma li sires de Byaumont le dit escuier Ostelart de Sommaing, et li dist bien que chil 15 de Thun l'Evesque seroient temprement conforté, mès que ses cousins fust revenus ou pays.

Là estoient des signeurs de Haynau avoec le dit 15 conte et en bon arroy: premierement messires Jehans de Haynau, ses oncles, li sires d'Enghien, li sires de Wercin, seneschaus de Haynau, li sires d'Antoing, li sires de Ligne, li sires de Barbençon, li sires de Lens, messires Guillaumes de Bailluel, li sires 20 de Haverech, chastellains de Mons, li sires de Montegni, li sires de Marbais, messires Thieris de Wallecourt, mareschaus de Haynau, li sires de le Hamède, li sires de Gommegnies, li sires de Roisin, li sires de Trasegnies, li sires de Briffuel, li sires de Lalain, li 25 sires de Mastain, li sires de Sars, li sires de Wargni, li sires de Biauriu et pluiseur aultre chevalier et escuier, qui tout se logoient dalés leur signeur. Assés tost apriès, y revint li jones contes Guillaumes de Namur moult estoffeement à deux cens lances, et se 30 loga ossi sus le rivière d'Escaut en l'ost le conte. Apriès revinrent li dus de Braibant à bien sis cens lances, li dus de Guerles, li contes de Jullers, li markis de Misse et d'Eurient, li markis de Blankebourch, li contes des Mons, li sires de Faukemont, messires Ernoulz de Bakehen, et grant fuison d'autres signeurs et gens d'armes d'Alemagne et de Witephale. Si se 5 logièrent tout li un apriès l'autre, sus le rivière d'Escaut, à l'encontre de l'ost françoise; et estoient plentiveusement (pourveu [333]) de tous vivres, qui leur venoient tous les jours de Valenchiènes et dou pays de Haynau voisin à yaus. 10

Quant cil de Thun l'Evesque veirent lor signeur le conte de Haynau venu si poissamment, si en furent moult joiant, che fu bien raisons, car moult l'avoient desiret, et bien en pensoient à estre delivret. Le quatrime jour apriès qu'il furent là venu et (hostilliet [334]) à host, vinrent cil de Valenciènes en grant arroy, des quelz Jehans de Baissi, qui prevos estoit 5 pour le temps, se faisoit mestres et gouvrenères. Si tretost que cil de Valenciènes furent venu, on les envoia escarmucier as François sus le rivage de l'Escaut, pour ensonniier chiaus de l'host, et pour faire chiaus de le garnison de Thun l'Evesque voie. Là 10 eut grant escarmuce des uns as aultres, et pluiseur quariel tret et lanciet, et tamaint homme navret et bleciet. Entrues qu'il entendoient au paleter, li compagnon de Thun l'Evesque, messires Richars de Limozin et li aultre se partirent dou chastiel et se misent 15 en l'Escaut. On leur ot appareilliet batiaus et nacelles, en quoi on les ala querir d'autre part le rivage; si furent amenet en l'ost et devers le conte de Haynau, qui liement et doucement les rechut et les honnoura moult dou bon service qu'il li avoient 20 fait, quant si longement et à tel meschief il s'estoient tenu en Thun l'Evesque.

Et avint que, de l'autre part, li sires de Byaumont 20 aperçut un chevalier de Normendie, le quel il recogneut par ses parures; si l'appella et dist: «Sire de Maubuisson, sire de Maubuisson, parlés à moy!» Li chevaliers qui se oy nommer, et qui ossi recogneut monsigneur Jehan de Haynau, par le pennon de ses 25 armes qui estoit devant lui, s'arresta et dist: «Sire, que plaist vous?»—«Je vous pri, dist li sires de Byaumont, que vous voelliés aler devers le roy de France et son conseil, et leur dittes que li contes de Haynau m'envoie chi pour prendre une triewe tant 30 seulement qu'uns pons soit fais sus ceste rivière, par quoi vos gens ou li nostre le puissent passer. Et ce que li rois ou li dus de Normendie en responderont, si le me venés dire, car je vous attenderai tant que vous serés revenus.»—«Par ma foy, dist li chevaliers, monsigneur, volentiers.»

Atant se depa(r)ti li sires de Maubuisson, et feri 5 cheval des esporons, et vint jusques en la tente dou roy de France, où li dus de Normendie estoit adonc personelment, et grant fuison d'autres signeurs. Li sires de Maubuisson salua le roy, le duch et tous les signeurs, et relata son message bien et deuement, 10 ensi qu'il apertenoit, et que cargiés en estoit. Quant il fu oys et entendus, on l'en respondi moult briefment et li dist on: «Sire de Maubuisson, vous dirés de par nous à celui qui chi vous envoie, que en tel estat où nous avons tenu le conte de Haynau 15 jusques à ores, nous le tenrons en avant, et li ferons despendre et engagier sa terre: ensi sera il guerriiés de deux costés. Et quant bon nous samblera, nous enterons en sa terre si à point que nous li pararderons tout son pays.» 20

Ces parolles ne plus ne mains raporta li sires de Maubuisson à monsigneur Jehan de Haynau, qui là l'attendoit sus le rivage. Et quant la relation l'en fu faite, si dist au chevalier: «Grant mercis!» Lors s'en parti et s'en revint arrière à leur logeis, et trouva le 25 conte de Haynau, son (neveu), qui jeuoit as eschés au conte de Namur. Li contes se leva si tost qu'il vey son oncle, et li demanda nouvelles. «Sire, dist messires Jehans de Haynau, à ce que je puis veoir et considerer, li rois de France et ses consaulz prendent 30 grant plaisance en ce que vous sejournés chi à grant frait, et dient ensi qu'il vous feront despendre et engagier toute vo terre. Et quant bon leur samblera, il vous combateront, non à vostre volenté ne aise, mais à le leur.» De ces responses fu li contes de Haynau tous grigneus, et dist qu'il n'iroit mies ensi.

Et adonc se tenoient entre Blankeberghe et l'Escluse et sus le mer messires Hues Kierés, messires Pières Bahucés et Barbevaire, à plus de sept vint gros vaissiaus sans les hokebos. Et estoient bien Normans, Bidaus, Geneuois et Pikars quarante mille. Et 20 estoient là ancré et arresté, au commandement dou roy de France, pour attendre le revenue dou roy d'Engleterre, car bien savoient qu'il devoit rapasser; se li voloient veer et deffendre le passage, ensi qu'il fisent bien et hardiement, tant qu'il peurent, si com 25 vous orés recorder. Li rois d'Engleterre et li sien, qui s'en venoient tout singlant, regardent et voient devers l'Escluse si grant quantité de vaissiaus que des mas ce sambloient droitement uns bos; si en fu forment esmervilliés, et demanda au patron de se navie 30 quelz gens ce pooient estre. Il respondi qu'il cuidoit bien que ce fust li armée des Normans que li rois de France tenoit sus mer, et qui pluiseurs fois li avoient fait grant damage, et tant que ars et robet le bonne ville de Hantonne, et conquis Christofle, son grant vaissiel, et occis chiaus qui le gardoient et conduisoient. 5 Dont respondi li rois englès: «J'ay de lonch temps desiré que je les peuisse combatre; si les combaterons, s'il plaist à Dieu et à saint Jorge, car voirement m'ont il fais tant de contraires que j'en voel prendre le vengance, se g'i puis avenir.» 10

Lors fist li rois ordonner tous ses vaissiaus et mettre les plus fors devant, et fist frontière à tous costés de ses archiers; et entre deux nefs d'arciers, en y avoit une de gens d'armes. Et encores fist il une bataille sus costière, toute purainne d'arciers, pour reconforter, 15 se mestier faisoit, les plus lassés. Là y avoit grant fuison de dames d'Engleterre, contesses, baronnesses, chevalereuses et bourgoises de Londres, qui venoient veoir le royne d'Engleterre à Gand, que veue n'avoient un grant temps. Et ces dames fist li 20 rois englès bien garder et songneusement de trois cens armeures de fier et de cinq cens arciers. Et puis pria li rois à tous que il volsissent penser dou bien faire et garder sen honneur; et cescuns li eut en couvent.

Là se commença bataille dure et forte, de tous costés. Et arcier et arbalestrier commencièrent à traire l'un contre l'autre diversement et roidement, et gens d'armes à approcier et à combatre main à 20 main asprement et hardiement. Et par quoi il peuissent mieus avenir li un à l'autre, il avoient grans cros et havés de fier tenans à chainnes; si les jettoient ens ès nefs li un de l'autre, et les atachoient ensamble, à fin qu'il se peuissent mieulz aherdre et plus 25 fierement combatre. Là eut une très dure et forte bataille, et mainte apertise d'armes faite, mainte luite, mainte prise et mainte rescousse. Là fu Christofles, cilz grans vaissiaus, auques de commencement reconquis des Englès, et tout chil mort et peri 30 qui le gardoient et deffendoient. Et adonc y eut grant huée et grant noise; et approcièrent durement li Englès et pourveirent incontinent Christofle, ce biel et grant vaissiel, de purs arciers qu'il fisent passer tout devant et combatre as Geneuois.

Là fu li rois d'Engleterre, de sa main très bons chevaliers, car il estoit adonc en le fleur de se jonèce. Et ossi furent li contes Derbi, li contes de Pennebruch, li contes de Herfort, li contes de Hostidonne, 25 (ly contes de Kent, ly contes de Norhantonne [335]) et de Clocestre, messires Renaulz de Gobehen, messires Richars de Stanfort, li sires de Persi, messires Gautiers de Mauni, messires Henris de Flandres, messires Jehans de Biaucamp, li sires de Felleton, li sires de Brasseton, messires Jehans Chandos, li sires de le Ware, li sires de Muleton et messires Robers d'Artois, qui s'appelloit contes de Ricemont, et estoit dalés le roy en grant arroi et en bonne estoffe, et 5 pluiseur aultre baron et chevalier, plain d'onneur et de proèce, des quelz je ne puis mie de tous parler, ne leurs bien fais ramentevoir. Mais il s'i esprouvèrent si bien et si vassaument, par mi un secours de Bruges et dou pays voisin qui leur vint, qu'il obtinrent 10 le place et l'yawe. Et furent li Normant et tout cil qui là estoient encontre yaus mort et desconfi, peri et noiiet, ne onques piés n'en escapa que tout ne fuissent mis à (mort [336]). Ceste avenue fu moult tost sceue par mi Flandres et puis en Haynau. Et en vinrent 15 les certainnes nouvelles ens ès deux hos, à heure de mienuit, devant Thun l'Evesque. Si en furent Haynuier, Flamench, Alemant et Braibençon moult resjoy, et li François très courouciet. Or vous conterons dou roy englès comment il persevera 20 apriès la bataille faite.

Li rois d'Engleterre avoit escript et segnefiiet sa venue as signeurs qui encores estoient à Thun l'Evesque, 15 devant les François: si ques, si tretost qu'il sceurent qu'il estoit arrivés, et qu'il avoit desconfis les Normans, il se deslogièrent. Et donna li dis contes de Haynau, à quel priière et mandement il estoient là venu, toutes manières de gens congiet, exceptet 20 les corps des grans signeurs. Mais chiaus là amena il en Valenchiènes, et les festia et honnoura grandement, par especial le duch de Braibant et Jakemon d'Artevelle. Et là preeça li dis d'Artevelle, en mi le marchiet, present tous les signeurs et chiaus 25 qui le peurent oïr. Et remoustra quelz drois li rois d'Engleterre avoit à le calenge de France, et ossi quel poissance li troi pays avoient, Flandres, Haynau et Braibant, quant il estoient d'un accord et d'une alliance ensamble. Et fist tant adonc, par ses paroles 30 et par son grant sens, que toutes manières de gens qui l'oïrent et entendirent, disent qu'il avoit durement bien parlet et par grant experiense, et en fu de tous moult loés et prisiés; et disent qu'il estoit bien dignes de gouvrener et excerser le conté de Flandres.

Apriès ces coses faites et devisées, li signeur se partirent li un de l'autre, et prisent un brief jour de 5 estre ensamble à Gand dalés le roy d'Engleterre. Si y furent le sizime jour apriès, et vinrent veoir le roy, qui les rechut à grant chière, et les conjoy et festia moult liement. Et ossi fist la royne d'Engleterre, Phelippe de Haynau, qui assés nouvellement estoit 10 relevée d'un fil qui s'appelloit Jehans, et fu depuis dus de Lancastre de par ma dame, sa femme, fille au duch Henri de Lancastre, si com vous orés recorder avant en l'ystore. Adonc fu pris et assignés uns certains jours de parlement, à estre à Villevort15 tous les signeurs et leurs consaulz, et li consaulz des bonnes villes de leurs pays. Si se partirent dou roy d'Engleterre, et s'en rala cescuns en son lieu, attendans que li termes devoit venir pour estre à Vilvort, si com dessus est dit. Or vous compterons un petit 20 dou roy de France, et de aucunes de ses ordenances, (qu'il fist depuis [337]) qu'il sceut que li rois englès fu arivés en Flandres.

En ce temps, regnoit uns rois en Sesille, qui s'appelloit 10 Robers, qui avoit le fame et le renommée de estre très grans astro(no)miens, et deffendoit, ce qu'il pooit, au roy de France et à son conseil que point ne se combatesist au roy englès, car li dis rois englès devoit estre trop fortunés en toutes ses besongnes. 15 Et euist volentiers veu li dis rois Robers que on euist les dessus dis rois mis à acord et à fin de leur guerre, car il amoit tant la couronne de France que à envis veist se desolation. Si estoit li dessus dis rois en ce temps venus en Avignon devers le pape Clement et 20 le Collège, et leur avoit remoustré les perilz qui pooient estre en France, par le fait des guerres des deux rois, et encores avoech ce priiet et requis qu'il se volsissent ensonniier d'yaus apaisenter, pour tant qu'il les veoit si esmeus en grant guerre où nulz 25 n'aloit au devant. De quoi li papes Clemens VI^e et li cardinal l'en avoient respondu tout à point et dit qu'il y entenderoient volentiers, mès que li doi roy en volsissent oïr.

Et furent pluiseur estatut là juret, escript et seelet, qui depuis se tinrent trop mal. Mais toutes fois, par confirmation d'amour et d'unité, il ordonnèrent à faire forgier une monnoie coursable ens ès trois 30 pays, que on appelleroit compagnons ou alloiiés. Sus le fin des parlemens, il fu dit et arresté et regardé pour le milleur que, environ le Magdelainne, li rois englès s'esmouveroit et venroit efforciement mettre le siège devant le bonne cité de Tournay. Et là y 5 devoient estre avoecques lui tout li signeur dessus nommet, avoech leur mandement de chevaliers et d'escuiers, et li pooirs des bonnes villes. Si se partirent sus tel estat que pour yaus retraire en leurs pays, et appareillier souffisanment, cescun selonch 10 che qu'il apertenoit, pour estre mieus pourveu, quant li jours et li termes venroit qu'il devoi(en)t estre devant le cité de Tournay, et cescuns selonch son estat.

D'autre part, li Flamench assalloient souvent chiaus de Tournay, et avoient fait en nefs sus l'Escaut bierfrois et atournemens d'assaus; et venoient hurter et escarmucier, priés que tous les jours, à chiaus de 30 Tournay. S'en y avoit souvent des navrés, des uns et des aultres. Et se mettoient en grant painne li Flamench de conquerre et de damagier Tournay, tant avoient pris le guerre en coer. Et on dist et voirs est qu'il n'est si felle guerre que de voisins et d'amis. Et entre les assaus que li Flamench fisent, il en y eut un qui dura un jour tout entier. Là eut tamainte 5 grant apertise d'armes faite, car tout li signeur et li chevalier qui en Tournay estoient furent à cel assaut. Et estoit li dis assaus fais en nefs et en vaissiaus, à ce appareilliés de lonch temps, pour ouvrir et pour rompre les barrières à le posterne de l'arce; mais 10 elles furent si bien deffendues que li Flamench n'i conquisent riens; ançois perdirent une nef toute cargie de gens, dont il en y eut plus de six vingt noiiés; et retournèrent au soir tout lasset et tout travilliet.

Si avint ens ou temps que li rois englès estoit par deçà, et guerrioit le royaume de France, et seoit devant Tournay, que li rois Phelippes envoia en Escoce gens, qui arrivèrent en le ville de Saint Jehan. Et prioit adonc li rois de France à ces dessus nommés 20 signeurs d'Escoce qu'il volsissent esmouvoir et faire si grant guerre sus le royaume d'Engleterre, qu'il couvenist que li rois englès s'en ralast oultre, et deffesist son siège de devant Tournay, et leur promist à aidier et conforter de poissance, de gens et 25 d'avoir: si ques, en ce temps que li sièges fu devant Tournay, cil signeur d'Escoce se pourveirent, à le requeste dou roy de France, pour faire une grande chevaucie sus les Englès. Quant ilz furent bien pourveu de grans gens, ensi qu'il leur besongnoit, il se 30 partirent de le forest de Gedours, et alèrent par toute Escoce reconquerre des forterèces celles qu'il peurent ravoir; et passèrent oultre le bonne cité de Bervich et le rivière de Thin, et entrèrent ens ou pays de Northombreland, qui jadis fu royaumes. Là trouvèrent ilz bestes grasses à grant fuison. Si gastèrent tout le pays et ardirent jusques à le cité de Duremme 5 et assés oultre; puis s'en retournèrent arrière par un aultre chemin, gastant et ardant le pays, si qu'il destruisirent bien en celle chevaucie trois journées long del pays le roy englès; et puis rentrèrent ens ou pays d'Escoce, et reconquisent toutes les forterèces 10 que li Englès tenoient, hors mis le bonne cité de Bervich, et trois aultres fors chastiaus qui leur faisoient trop grant anoy et souvent, pour le(s) vaillans gens qui les gardoient, et le pays d'entours ossi. Et estoient et sont encores chil troi chastiel si fort que 15 à painnes poroit on trouver si fors en nul pays. Si appell' on l'un Struvelin, l'autre Rosebourch, et le tierch et le souverain de tout le royaume d'Escoce Haindebourch. Li chastians de Haindebourch siet sus une haute roce, par quoi on voit tout le pays 20 d'environ. Et est la montagne si roste et si malaisie que à grant painne y poet uns homs monter, sans reposer deux fois ou trois, et ensi uns chevaus à demie charge. Et estoit cilz adonc qui faisoit plus de contraires à ces signeurs d'Escoce et à leurs gens. Et 25 en estoit chastellains et gardiiens, pour le temps de lors, uns vaillans chevaliers englès, qui s'appelloit messires Gautiers de Limoges, frères germains à monsigneur Richart de Limosin, qui si vaillamment se tint et deffendi à Thun l'Evesque contre les François. 30

Quant li aultre compagnon, qui estoient embuschiet assés priès dou chastiel, ensi que vous avés oy, 5 oïrent le cor sonner, il sallirent hors de l'embuschement et coururent contremont le voie del chastiel, tant qu'il peurent. Li gaitte, qui dormoit adonc, se esvilla au son del cor, et vey gens monter hasteement contremont le chastiel, tous armés. Si commença 10 à corner et à criier tant qu'il peut: «Trahi! Trahi!» Adonc se esvilla li chastelains, et tout chil de laiens ossi s'armèrent, si tost qu'il peurent, et vinrent tout acourant à le porte, qui plus tost peurent, pour le refremer, mais on leur devea, car messires 15 Guillaumes et si douze compagnon leur deffendirent. Adonc monteplia grans hustins entre yaus, car chil dou chastiel ewissent volentiers le porte refremée pour leurs vies sauver, car il perchevoient bien qu'il estoient trahi. Et cil qui bien avoient 20 acompli leur emprise et leur desirier se penoient tant qu'il pooient del detenir; et tant fisent par leur proèce qu'il detinrent l'entrée, tant que cil de l'embuschement furent parvenu à yaus. Lors se commencièrent à esbahir cil dou chastiel, car il veirent 25 bien qu'il estoient souspris. Si s'efforcièrent de deffendre le chastiel, et de leurs ennemis remettre hors, se ilz peuissent, et fisent tant d'armes que merveilles estoit à regarder, et par especial messires Gautiers de Limozin, car il besongnoit. Mais darrain lor deffense 30 ne les peut sauver, comment qu'il en tuèrent et navrèrent aucuns de chiaus dehors, que li dis messires Guillaumes Douglas et si compagnon ne gaegnassent le fort chastiel par force, et occirent le plus grant partie de chiaus qui le gardoient, excepté le chastellain et six escuiers qu'il prisent à merci. Si demorèrent laiens tout le jour; puis y establirent 5 chastellain (ung [343]) gentilhomme dou pays, un escuier qui s'appelloit Symons de Weseby, et avoech lui grant fuison de bons compagnons et hommes de fief d'Escoce. Ensi fu repris li fors chastiaus de Haindebourch en Escoce. Et en vinrent les certainnes nouvelles au 10 roy englès, entrues qu'il seoit devant Tournay, au quel siège nous retourrons à parler, car il est heure.

D'autre part, li rois de France, qui se tenoit à Arras, et estoit tenus toute le saison, entendi que cil de Tournay estoient moult constraint, et qu'il avoient 5 grant mestier d'estre conforté. Si s'ordena à ce qu'il les conforteroit, à quel mescief que ce fust, car il ne voloit mies perdre une tèle cité que Tournay estoit. Si fist un très grant mandement par tout son royaume, et ossi une grant priière en l'Empire, tant 10 qu'il eut le roy Charlon de Behagne, le duch de Loeraingne, le conte de Bar, (l'evesque de Liège, l'evesque de Miés [344]), l'evesque de Vredun, le conte de Montbliar, messire Jehan de Chalon, le conte de Genève, et ossi le conte de Savoie et monsigneur Loeis 15 de Savoie son frère. Tout cil signeur vinrent servir le roy de France, à ce qu'il peurent avoir de gens. D'autre part, revinrent li dus de Bretagne, li dus de Bourgongne, li dus de Bourbon, li contes d'Alençon, li contes de Forès, li contes d'Ermignach, li contes 20 de Flandres, li contes de Blois, messires Charles de Blois, li contes de Harcourt, li contes de Dammartin, li sires de Couci, et si grant fuison de barons et de signeurs, que le nommer par nom et par sournom seroit uns grans detriemens. Après revint li rois de 25 Navare, à tout grant fuison de gens d'armes de Navare et de le terre qu'il tenoit en France, dont il estoit homs au roy. Et si y estoit li rois David d'Escoce, à le delivrance dou roy de France, à belle route de gens d'armes. 30

Or avint que troi chevalier alemant, qui se tenoient en le garnison de Bouchain, furent informet que li doi roy s'approçoient durement, et que on supposoit bien qu'il se combateroient. De quoi, li doi priièrent tant à leur compagnon qu'il s'acorda à ce qu'il demorroit, et li aultre iroient devant Tournay querre les aventures; et garderoit le forterèce bien et 5 songneusement jusques à leur retour. Si se partirent li doi chevalier, dont on clamoit l'un monsigneur Conrart de Leusennich, et l'autre monsigneur Conrart d'Asko; et chevaucièrent tant qu'il vinrent vers Escaupons, deseure Valenciènes, car il voloient passer 10 l'Escaut à Condet. Si oïrent, entre Frasne et Escaupons, grant effroi de gens, et en veirent pluiseurs fuians. Dont brocièrent il celle part et leur route, et pooient estre environ vingt cinq lances; si encontrèrent les premiers qui fuioient, et leur demandèrent 15 qu'il leur falloit ne estoit avenu. «En non Dieu, signeur, ce respondirent li fuiant, li saudoiier de Mortagne sont issu et ont accueilliet grant proie chi entours, et l'enmainnent et cacent devers leur forterèce, et avoech çou pluiseurs prisonniers de che pays.» 20 Donc respondirent li chevalier alemant: «Et nous sariés vous mener celle part où il vont?»—«En nom Dieu, signeur, oil.» Adonc se sont li Alemant mis en cace apriès les François de Mortagne, et ont sievis les bonhommes dou pays qui les avoiièrent 25 parmi le bois; et adevancièrent les dessus dis assés priès de Nostre Dame ou Bois et dou Crousage. Et estoient bien li François six vingt saudoiiers; et enmenoient devant yaus bien deux cens grosses bestes et aucuns prisonniers paysans dou pays. Et 30 estoit adonc leur chapitainne, de par le signeur de Biaugeu, uns chevaliers de Bourgongne qui s'appelloit messires Jehans de Frelais. Sitost que li Alemant les veirent, il les escriièrent fierement et se boutèrent de grant randon en yaus. Et là eut bon hustin et dur, car li chevaliers bourghignons se mist à deffense bien et hardiement, et li aucun de se route, et 5 non pas tout, car il y eut pluiseurs bidaus qui fuirent; mais il furent de si priès encauciet des Alemans et des villains dou pays, qui les sievoient, as plançons et as bourlés, que petit en escapèrent qu'il ne fuissent mort et atieret. Et y fu messires Jehans de 10 Frelais pris, et toute la proie (rescousse [345]) et rendue as hommes dou pays, qui grant gret en sceurent as Alemans. Depuis ceste avenue, s'en vinrent li chevalier devant Tournay, où il furent li bien venu.