LIVRE PREMIER (continued 2)

Si se departirent li coureur et chevaucièrent si avant que il s'embatirent en l'ost le roy de Behagne et de l'evesque de Liège, qui assés priès dou pont 20 estoient logiet. Et avoit la nuit fait le gait en l'ost le roy de Behagne li sires de Rodemach; et jà estoit sus son departement, quant li coureur haynuier vinrent; si leur sallirent au devant hardiement, quant il les veirent venir. Et ossi Liegois s'estourmirent; si 25 reboutèrent ces coureurs moult asprement. Et y eut là adonc moult bon puigneis, car Haynuier vassaument s'i esprouvèrent. Toutes fois, pour revenir à leur banière, il se misent devers le pont. E vous Liegois et Lussemboursins apriès venus au pont à leur 30 banière. Là y eut grant bataille. Et fu consilliet à monsigneur Guillaume de Bailluel qu'il rapassast le pont, et se banière, car il avoient encores de leurs compagnons oultre. Si rapassèrent Haynuier au mieus qu'il peurent. Et y eut au passer mainte belle apertise d'armes 5 faite, mainte prise et mainte rescousse. Et avint que messires Waufflars de le Crois fu si quoitiés que il ne peut rapasser le pont; si doubta le peril et qu'il ne fust pris; si s'avisa qu'il se sauveroit. Si issi hors de le presse, au mieulz qu'il peut, et prist un chemin 10 qu'il cognissoit assés, et se vint bouter en uns marès, entre rosiaus et crolières, et se tint là un grant temps. Et li aultre toutdis se combatoient. Les quelz Liegois et Lussemboursins avoient jà rués jus et abatu le banière monsigneur Guillaume de Bailluel. 15

A ces cops vinrent cil de le route monsigneur Robert de Bailluel, qui venoient de courir, et entendirent le hustin; si chevaucièrent celle part. Et fist passer messires Robers de Bailluel sa banière devant, que uns siens escuiers portoit, qui s'appelloit Jakemes 20 de Forsvie, en escriant: «Moriaumés!» Li Haynuier, qui jà estoient tout escauffé, perchurent le banière de Moriaumés qui estoit toute droite; si cuidièrent que ce fust li leurs où il se devoient radrecier; car moult petit de differense y avoit de l'un à 25 l'autre, car les armes de Moriaumés sont vairiet contre vairiet, à deux kievirons de geules; et sus le kieviron messires Robers portoit une petite croisète d'or: si ne l'avisèrent mies bien, pour tant en furent il deceu; et se vinrent de fait bouter desous le banière 30 monsigneur Robert. Là y eut dur hustin. Et furent li Haynuier fierement rebouté et tout desconfi. Et y furent mort troy bon chevalier de leur costé, messires Jehans de Wargni, messires Gontiers de Pontelarce, messires Guillaumes de Pipempois, et pluiseur aultre bon escuier et homme d'armes, dont ce fu damages, et pris messires Jehans de Sorre, messires 5 Daniaus Bleze, messires Rasses de Monchiaus, messires Loeis de Jupeleu et pluiseur aultre. Et retourna au mieus qu'il peut messires Guillaumes de Bailluel, qui se sauva, quoi qu'il y perdesist assés des siens.

D'autre part, messires Wauflars de le Crois, qui 10 s'estoit boutés et repus entre marès et rosiaus, et se cuidoit là tenir jusques à le nuit, fu perceus d'aucuns compagnons qui chevauçoient sus ces marès et voloient de leurs oisiaus, et estoient au signeur de Saint Venant; si fisent si grant noise et si grant bruit 15 que messires Wauflars issi hors, tous desconfis, et se vint rendre à yaus. Il le prisent et le ramenèrent en l'ost, et le delivrèrent à leur mestre, qui le tint un jour tout entier en son logeis, et l'euist volentiers sauvé, se il peuist, par cause de pité, car bien sçavoit 20 qu'il estoit pris sus le teste. Mès il fu accusés, car les nouvelles vinrent au roy de France de le besongne, comment elle avoit alé, et de monsigneur Robert de Bailluel, qui avoit ruet jus son frère et les Haynuiers, et ossi de monsigneur Waufflart de le 25 Crois, qui avoit esté pris, où et comment. Pour quoi li rois en volt avoir le cognissance. Se li fu rendus li dis messires Wauflars, qui eut moult mal finet; car li dis rois, (pour complaire à ceulx de Lille [347]), pour tant qu'il li avoient delivret le conte de Sallebrin 30 et le conte de Sufforch, leur rendi monsigneur Waufflart, qui grant temps les avoit guerriiés. Dont cil de Lille furent moult joiant, pour tant qu'il leur avoit esté grans ennemis; et le fisent depuis morir en leur ville; onques n'en veurent prendre nulle raençon. 5

Or vous di que li sires de Biauge(u), qui estoit dedens et chapitainne de Mortagne, et uns moult sages guerroiières, s'estoit bien doubtés de ces assaus, pour 25 tant que Mortagne siet si priès de l'Escaut et de Haynau, et de tous costés. Et avoit fait piloter le ditte rivière d'Escaut, à fin que on n'i peuist naviier; et y pooit avoir, par droit compte, plus de douze cens pilos. Pour ce ne demora mies que li contes de Haynau 30 et li Haynuier n'i venissent de l'un des costés, et cil de Valenciènes de l'autre. Si se ordonnèrent et appareillièrent et sans delay pour assallir. Et fisent li Valenciennois tous leurs arbalestriers traire avant et approcier les barrières; mais il y avoit si grant trenceis de fossés qu'il n'i pooient avenir. Lors s'avisèrent 5 li aucun qu'il passeroient oultre le Scarp, comment qu'il fust, au desous de Chastiaus l'Abbeye, et venroient au lés devers Saint Amand, et feroient assaut à le porte qui oevre devers Maude. Si passèrent aucun compagnon volentrieu et armerés, et 10 fisent tant qu'il furent oultre le rivière, ensi que proposet avoient; et furent bien quatre cens tout able et legier et en grant volenté de bien faire le besongne.

Ensi fu Mortagne environnée, à trois portes, des Haynuiers, et tous prês de l'assallir. Mais au plus 15 foible des costés, c'estoit devers Maude, si y faisoit il fort assés. Toutes fois, li sires de Biaugeu vint celle part, trop bien pourveus dou deffendre, car bien savoit que d'autre part il n'avoit que faire; et tenoit un glave roit et fort à un lonch fer bien aceret, et 20 desous ce fier avoit un havet agut et prendant: si ques, quant il avoit lanciet et il pooit sachier, en fichant le havet en plates ou en haubregon dont on estoit armet, il couvenoit c'on en venist ou c'on fust reversé en l'aigue. Par ceste manière, en atrapa il et 25 noia ce jour plus de une dousainne. Et fu à celle porte li assaus plus grans que nulle part. Et riens n'en savoit li contes de Haynau, qui estoit au lés devers Brifuel, tout rengiet sus le rivage de l'Escaut.

Et avisèrent là li signeur entre yaus voie et engien 30 comment on poroit tous les pilos, dont on avoit piloté l'Escaut, oster et traire hors par force ou par soubtilité, par quoi on peuist nagier jusques as murs. Si avisèrent et ordonnèrent à faire en une grosse nef un engien, qui tous les attrairoit hors l'un apriès l'autre. Dont furent carpentier mandet et mis en oeuvre, et li dis engiens fais en une nef. Ossi ce meisme 5 jour, levèrent cil de Valenciènes à leur costet un très biel engien et bien gettant, qui portoit grosses pières jusques dedens le ville et au chastiel, et travilloit durement chiaus de Mortagne. Ensi passèrent ce premier jour et le nuit ensiewant, en assallant, 10 avisant et devisant comment il poroient grever Mortagne; et l'endemain se traisent à l'assaut de tous costés. Encores n'estoit point le second jour fais li engiens qui devoit traire les pillos hors. Mais li engiens de chiaus de Valenciènes jettoit (uniement [348]) à 15 chiaus de Mortagne.

§ 128. Le tierch jour apriès, fu la nef toute ordonnée et abillie, et li engiens dedens assis et apparilliés, pour traire hors les pillos. Lors commencièrent à aler cil qui s'en ensonnioient au dessus dou 20 pilotis, et emprisent à ouvrer, si com commandé leur fu. Si s'afficièrent à oster et à traire hors les pilos, dont il y avoit semés en l'Escaut grant fuison; mais tant de painne et de labeur eurent, anchois qu'il en peuissent avoir un, que merveilles fu à penser. Si 25 regardèrent et considerèrent li signeur que jamais il n'aroient fait; si commandèrent à cesser cest ouvrage.

D'autre part, il y avoit dedens Mortagne un mestre engigneour qui avisa et considera l'engien de chiaus de Valenchiennes, et comment il grevoit leur forterèce. 30 Si en leva un ou chastiel, qui n'estoit mies trop grans, et l'attempra bien et à point, et ne le fist jetter que trois fois, dont la première (pierre [349]) chei à douze apas priès de l'engien de Valenciennes, la seconde au piet de le huge, et la tierce pière fu si bien 5 apointie que elle feri l'engien parmi le flèche et le rompi en deux moitiés. Adonc fu grande li huée des saudoiiers de Mortagne. Et chil de Valenchiènes furent tout esbahi de leur engien qui estoit rompus ou moilon, et le alèrent regarder à grant merveilles. 10

Cil de Valenchiènes, qui avoient estet mandé dou conte leur signeur qu'il fuissent à un certain jour 20 devant le ville de Saint Amand, et il seroit à l'autre lés, vinrent, ensi que commandé leur fu, en très bon couvenant, et estoient bien douze mille combatans. Sitost qu'il furent venu devant Saint Amant, il s'i logièrent et misent en bonne ordenance, et puis eurent 25 conseil d'aler assallir. Si fisent armer tous leurs arbalestriers, et puis traire vers le pont de Scarp. Là commença li assaus durs et fiers et perilleus durement, et en y eut pluiseurs bleciés et navrés, d'un lés et d'aultre. Et dura cilz assaulz tout le jour, que 30 onques cil de Valenciennes n'i peurent riens fourfaire; mais en y eut des mors et des navrés grant fuison des leurs. Et leur disoient li saudoiier et li bidau qui laiens estoient, par manière de reproce: «Alés boire vostre goudale, alés!» Quant ce vint au soir, cil de Valenciènes se retraisent tout lasset, et furent moult esmervilliet de ce qu'il n'avoient oy 5 nulle nouvelle dou conte leur signeur; si eurent avis qu'i(l) se deslogeroient et retourroient viers Valenciennes; si fisent tout tourser, et se retraiirent, che meisme soir, en leur ville.

A l'endemain au matin que cil de Valenciènes se 10 furent retret, li contes de Haynau se parti dou siège de Tournay, si com dessus est dit, à grant compagnie de gens d'armes, de banières et de pennons, et s'en vint devant Saint Amand, au lés par devers Mortagne. Si tost qu'il furent venu, il se traisent à l'assaut, 15 et là eut moult fort assaut et moult dur. Et gaegnièrent li Haynuier, de venue, les premières bailles, et vinrent jusques à le porte qui oevre devers Mortagne. Là estoient tout premier et devant à l'assaut li contes de Haynau et li sires de Byaumont ses oncles, 20 et assalloient de grant corage et sans yaus espargnier; de quoi il leur en fu priès mesavenu, car il furent tout doi si dur rencontré de deux pières jettées d'amont qu'il en eurent leurs bachinés effondrés et les tiestes toutes estonnées. 25

Adonc fu là qui dist: «Sire, sire, à cel endroit chi ne les arions nous jamès, car la porte est forte et la voie estroite; si cousteroit trop des vostres au conquerre. Mais faites aporter des grans mairiens, ouvrés à manière de pillos, et hurter as murs de 30 l'abbeye; nous vous certefions que de force on le pertuisera en pluiseurs lieus. Et se nous sommes en l'abbeye, la ville est nostre, car il n'i a nul entredeus entre (la ville [350]) et l'abbeye.» Dont commanda li dis contes que on fesist ensi que pour le mieulz on li consilloit, et pour le plus tost prendre. Si quist on grans baus de chesnes, et puis furent tantost ouvré 5 et aguisié devant; et si s'acompagnoient à un pillot yaus vint ou yaus trente, et s'escueilloient et puis boutoient de grant randon contre le mur; et tant boutèrent et si vertueusement qu'il pertuisièrent le mur de l'abbeye et rompirent en pluiseurs lieus, et entrèrent 10 ens abandonneement, et passèrent une petite rivière qui là est, et s'en vinrent sans contredit jusques à une place, qui est devant le moustier, où li marchiés est de pluiseurs coses.

Et là estoit li dis seneschaus de Carcassonne en 15 bon couvenant, sa banière devant lui, qui estoit de geules à un chief d'argent, à deux demi kievirons ou chief, et estoit à une bordure d'asur endentée. Là dalés lui s'estoient recueilliet pluiseur compagnon de son pays, qui assés hardiement rechurent les Haynuiers, 20 et se combatirent vaillamment, tant qu'il peurent. Mès leur deffense ne leur valli noient, car Haynuier y sourvinrent à trop grant fuison. Et vous di encores, pour tout ramentevoir, à entrer de premiers dedens l'abbeye, il y avoit un monne que on appelloit 25 dan Froissart. Chilz y fist merveilles, et en occist que mehagna, au devant d'un pertuis où il se tenoit, plus de dix huit; et n'osoit nulz entrer par le lieu qu'il gardoit. Mais finablement il le couvint partir, que Haynuier entroient en l'abbeye, et avoient pertuisiet 30 le mur en pluiseurs lieus. Si se sauva li dis monnes, au mieus qu'il peut, et fist tant qu'il vint à Mortagne.

Apriès le destruction de Saint Amand, li contes de Haynau, qui trop durement avoit pris ceste guerre 25 à coer, et qui estoit plus aigres que nulz des aultres, se departi dou siège de Tournay, en se route environ six cens armeures de fier, et s'en vint ardoir Orchies et Landas et le Celle, et grant fuison de villages là environ; et puis passa et toute se route la rivière de 30 Scarp au desous de Hanon, et entrèrent en France, et vinrent à Marchiennes, une grosse et riche abbeye, dont messires Amés de Warnans estoit chapitainne, et avoit avoecques lui une partie des arbalestriers de Douay. Là eut grant assaut, car li dis chevaliers avoit durement fortefiiet le (première [351]) porte de l'abbeye, 5 qui estoit toute enclose et environnée de fossés grans et parfons. Et se deffendirent li François et li monne qui dedens estoient moult vassaument; mais finablement il ne peurent durer contre tant de gent d'armes, car il quisent et fissent tant qu'il eurent des 10 batiaus et les misent en l'aigue, et entrèrent par celle manière en l'abbeye. Mais il y eut mort et noiiet un chevalier alemant, compagnon au signeur de Faukemont, qui s'appelloit messires Bacho de le Wière, dont li sires de Faukemont fu moult courouciés, 15 mais amender ne le peut. A l'assaut de le porte où messires Amés de Warnans se tenoit, furent moult bon chevalier li contes de Haynau et messires de Byaumont, ses oncles, et li seneschaus de Haynau; et fisent tant finable(ment) que la porte fu conquise, 20 et li chevaliers qui le gardoit pris, et mort et occis li plus grant partie des aultres. Et furent pris ossi pluiseur des monnes, qui laiens furent trouvet, et toute la ditte abbeye robée et pillie, et puis arse et destruite, et la ville ossi. Et quant il eurent fait leur 25 emprise, li contes et toutes ces gens d'armes, qui furent à le destruction de Marciènes et en ceste chevaucie, s'en retournèrent au siège devant Tournay.

Or vous recorderons d'une chevaucie des Alemans, qui fu faite devant Tournay, à ce meisme pont de Tressin où messires Robers de Bailluel et li Liegois avoient desconfit les Haynuiers. Li sires de Randerodène et messires Ernoulz de Randerodène, ses filz, 25 adonc escuiers, et messires Jehans de Hodebourch ossi adonc escuiers et mestres dou fil au signeur de Randerodène, messires Ernoulz de Bakehen, messires Renauls de Sconnevort, messires Conrars de Leusennich, messires Conrars d'Asko, messires Bastiiens de 30 Barsies et Caudreliers ses frères et messires Stramen de Venoue et pluiseur aultre de le ducé de Jullers et de Guerles avoient pris en grant virgongne che que li Haynuier avoient esté ensi rencontret; si parlementèrent dou soir et s'acordèrent à chevaucier le matin au pont à Tressin. Si se armèrent et ordonnèrent de le nuit bien et faiticement, et se partirent 5 sus l'ajournée. Et ossi se misent avoech yaus en leur chevaucie aucun baceler de Haynau, qui point n'avoient esté à l'autre dessus ditte, telz que messires Florens de Biaurieu, messires Baras de le Haie, marescal de l'host, monsigneur Jehan de Haynau, messires 10 Oulphars de Gistelles, messires Robers de Glennes de le conté de Los, adonc escuier et au corps monsigneur Jehan de Haynau, et pluiseur aultre. Si chevaucièrent chil chevalier et chil compagnon dessus nommé bellement et sagement; et estoient bien 15 trois cens ou plus, toutes bonnes armeures de fier; et vinrent droit au pont à Tressin, droit au point dou jour, et le passèrent oultre sans damage. Et quant il furent par de delà, ilz se avisèrent et consillièrent ensamble comment il s'ordonneroient, pour 20 le mieulz, et à leur honneur, resvillier et escarmucier l'ost de France. Là furent ordonné li sires de Randerodène et Ernouls ses filz et messires Henris de Keukeren, uns chevaliers miesenaires, et messires Thielemans de Sansi, messires Oulphars de Ghistelles, et 25 messires li Alemans, bastars de Haynau, et messires Robers de Glennes, adonc escuier, et Jakelos de Thians, à estre coureur et chevauceur jusques as tentes et logeis des François. Et tout li aultre chevalier et escuier, qui bien estoient trois cens, devoient demorer 30 au pont et garder le passage, pour le deffendre as aventures des sourvenans. Ensi et sus cel estat, se partirent li coureur, qui pooient estre quarante lances, très bien monté sus fleurs de roncins et de gros coursiers, et chevaucièrent de premiers tout bellement tant qu'il vinrent en l'ost le roy de France. Dont se boutèrent il ens de plains eslais, et commenchièrent 5 à decoper cordes et paissons, et à abatre et reverser tentes et trés, et à faire un très grant desroy, et François à yaus estourmir.

Celle nuit avoient fait le gait doi grant baron de France, li sires de Montmorensi et li sires de Saint 10 Saufliu; et estoient, à ceste heure que li Alemant vinrent, encores à leur garde. Quant il oïrent le noise et entendirent l'effroi, si tournèrent celle part leurs banières et leurs gens, et chevaucièrent fort et roit sus les coureurs qui leur host avoient estourmi. Et 15 quant li sires de Randerodène les vei venir, il tourna sus frain tout sagement, et fist chevaucier son pennon et ses compagnons, pour revenir au pont à leur grosse route, et li François apriès. En celle cace là eut bon coureis, car li Alemant se hastoient pour revenir 20 au dit pont, et li François ossi pour yaus retenir. En celle cace fu pris et retenus des François messires Oulphars de Ghistelles, qui ne se sceut ne peut garder à point, car li chevaliers avoit court vue; si fu enclos de ses ennemis, par trop demorer derrière, 25 et fianciés prisons; et ossi doi escuier, dont on nommoit l'un Jehan de Mondorp, et l'autre Jakelot de Thians. Li François et leur route chevauçoient d'un lés, et li coureur alemant d'autre; et estoient environ demi bonnier priès li un de l'autre, et tant 30 qu'il se pooient bien recognoistre et entendre de leurs langages. Et disoient li François as Alemans: «Ha! ha! signeur, vous n'en irés pas ensi!» Si se hastoient pour prendre le pont, et pas ne savoient de le grosse embusce qui estoit au pont, de monsigneur Renault de Sconnevort et des aultres: si ques il fu dit au signeur de Randerodène: «Sire, sire, 5 avisés vous, car il nous samble que chil François nous torront le pont.» Donc respondi li sires de Randerodène et dist: «Se il scèvent un chemin, j'en sçai un aultre.» Adonc se retourna sus destre et se route, et prisent un chemin assés froiiet qui les mena 10 droit à celle petite rivière dessus ditte, qui est si noire et si parfonde et si environnée de grans marès. Et quant il furent là venu, se ne peurent il passer, mès les couvint retourner devers le pont. Et toutdis chevauçoient li François le(s) grans galos devers 15 le pont, qui cuidoient ces coureurs alemans enclore et prendre, ensi qu'il avoient jà pris de leurs compagnons. Et par especial moult y metoit li sires de Montmorensi grant entente.

Or vous dirai de une grant apertise d'armes et d'un grant avis, dont messires Renaulz de Sconnevort usa à l'assambler, et c'on doit bien tenir et recommender 10 à sage fait d'armes. Ilz qui estoit adonc en le fleur de se jonèce, fors chevaliers et rades durement, bien armés et bien montés pour le journée, s'en vint assambler à le banière le signeur de Montmorensi qu'il recogneut assés bien; et s'avisa qu'il 15 s'en venroit esprouver à celui qui estoit li plus proçains de le banière, car il pensoit bien que c'estoit li sires. Ensi qu'il jetta son avis il le fist, et feri son coursier des esporons, et passa par force le route, et s'en vint au signeur de Montmorensi, qui estoit desous 20 sa banière, bien montés sus bon coursier; et le trouva en bon couvenant, l'espée ou poing, et combatant à tous lés, car il estoit ossi fors chevaliers et grans durement. Et li vint li sires de Sconnevort sus destre, et bouta son brach senestre ou fraîn de son 25 coursier, et puis feri le sien des esporons, en lui tirant hors de le bataille, comme vistes et fors chevaliers. Li sires de Montmorensi, qui bien se donna à garde de ce tour, se prist à deffendre vassaument, comme fors et hardis chevaliers, pour lui delivrer de ce 30 peril et des mains le signeur de Sconnevort; et feroit à main tas de sen espée sus le bacinet et sus le dos le signeur de Sconnevort. Mais li sires de Sconnevort, qui bien estoit (armés [352]) et montés, brisoit à le fois les cops, à le fois et le(s) recevoit moult vassaument; et tant fist par son effort, vosist ou non li sires de Montmorensi, que il le creanta à prisonnier, 5 et demora ses prisons.

Et li aultre se combatoient de toutes pars. Et là furent bon chevalier messires Ernoulz de Randerodène, messires de Keukeren, messires Thielemans de Sansi, messires Bastiiens de Barsies et Caudreliers 10 ses frères, messires Robers de Glennes, et prist un homme d'armes en bon couvenant, qui s'armoit de geules à trois fauls d'or. Et fisent adonc tant li Alemant et leur route que il obtinrent le place, et prisent bien quatre vingt prisonniers, tous gentilz 15 hommes, desous le banière monsigneur Charle de Montmorensi; et rapassèrent le pont sans damage, et vinrent en l'ost devant Tournay; et rala cescuns devers se partie; et se desarmèrent et puis alèrent veoir les signeurs, dont il furent bien conjoy, le conte de 20 Haynau et monsigneur son oncle.

Or avint un jour à ces Flamens que il s'en vinrent environ troi mille, tout legier et able compagnon, et s'avalèrent et issirent hors de leurs logeis pour venir hustiner devant Saint Omer, et se boutèrent ens ès fourbours et brisièrent pluiseurs maisons, et entendirent 20 telement au pillage qu'il desrobèrent tout ce qu'il trouvèrent. La noise et li effrois monta en le ville de Saint Omer. Dont s'armèrent moult vistement li signeur qui laiens estoient. Et ossi fisent toutes leurs gens, et se partirent par une aultre porte 25 que par celle devant qui li Flamench estoient. Et pooient estre entours six banières et deux cens bacinès, et environ cinq cens bidaus tout à piet. Et chevaucièrent tout au tour de le ville de Saint Omer, ensi qu'il avoient guides qui bien les savoient mener. 30 Et vinrent tout à temps à ces Flamens qui s'ensonnioient de pillier et de rober tout ce qu'il trouvèrent en le ville de Arkes, qui est assés priès de le ville de Saint Omer; et estoient laiens espars sans chapitainne et sans arroi. E vous les François soudainnement venus sus yaus, lances abaissies, banières desploiies, et en bon couvenant de bataille, et en criant: 5 «Clermont au dauffin d'Auvergne!» Lors entrèrent en ces Flamens qui furent tout esbahi, quant si priès d'yaus il les veirent, et ne tinrent ordenance ne conroy nul; mais fuirent cescuns qui mieus mieus, et jettèrent tout jus ce que pilliet et cargiet avoient, et 10 prisent les camps; et François apriès yaus, tuant et abatant par monciaus et par tropiaus. Et dura ceste cace bien deux liewes. Et en y eut bien mors des trois mille dix huit cens, et retenu quatre cens qui furent amenet en Saint Omer en prison. 15

Or avint celle meisme nuit à toute leur host generalment une mervilleuse aventure; on n'oy onques, 25 je croy, à parler ne recorder de si sauvage. Car, environ heure de mienuit que cil Flamench gisoient en leurs tentes et dormoient, uns si grans effrois et telz paours et hideurs les prist generalment en dormant, que tout se levèrent en si grant haste et en tel 30 painne qu'il ne cuidièrent jamais à temps estre deslogiet; et abatirent tantost tentes, trés et pavillons, et toursèrent tout sus leurs chars, en si grant haste que li uns n'attendoit point l'autre, et s'en fuioient tout, sans voie tenir et sans conroy. Et fu ensi dit à monsigneur Robert d'Artois et à monsigneur Henri 5 de Flandres, qui dormoient en leurs logeis: «Chier signeur, levés vous sus bien tos et vous appareilliés, car vos gens s'en fuient et nulz ne les cace; et ne scèvent à dire quel cose leur fault, ne qui les muet à fuir.»

Adonc se levèrent li doi signeur en grant haste, et 10 fisent alumer feus et grant plenté de tortis, et montèrent sus leurs chevaus, et s'en vinrent au devant d'yaus, et leur disent: «Biau signeur, dittes nous quel cose il vous fault, qui ensi fuiiés? N'estes vous mies bien asseguret? Retournés, retournés, ou nom 15 de Dieu! Vous avés grant tort, quant ensi fuiiés, et nulz ne vous cace.» Mès quoi que ensi fuissent priiet ne requis d'arrester et de retourner, il n'en fisent compte, mais toutdis fuirent; et prist çascuns le chemin vers sa maison, au plus droit qu'il peut. Et 20 quant messires Robers d'Artois et messires Henris de Flandres veirent qu'il n'en aroient aultre cose, si fisent tourser tout leur harnois et mettre à voiture, et s'en vinrent au siège devant Tournay, et recordèrent as signeurs l'aventure des Flamens, dont on fu durement 25 esmervilliet. Et disent li pluiseur qu'il avoient estet enfantosmet.

Or n'est riens, si com on dist, qui ne prende fin. On doit savoir que, ce siège pendant, ma dame Jehane de Valois, serour au roy de France et mère au conte Guillaume de Haynau, travilloit durement 10 de l'une host en l'autre, à fin que pais ou respis fust entre ces parties, par quoi on se departesist sans bataille, car la bonne dame veoit là de deux costés toute le fleur et l'onneur de le chevalerie dou monde; se veist trop à envis, pour les grans perilz qui en 15 pooient avenir, que nulle bataille fust adrecie entre yaus. Et par pluiseurs fois la bonne dame en estoit cheue as piés le roy de France son frère, et li priiet que respis ou trettiés d'acort fust pris entre lui et le roy englès. Et quant la ditte dame avoit travilliet 20 entre les signeurs de France, elle s'en revenoit à chiaus de l'Empire, especialment au duch de Braibant, au duc de Jullers, son fil, qui avoit sa fille, à monsigneur Jehan de Haynau; et leur prioit que, pour Dieu et par pité, il volsissent entendre à aucun 25 trettiet d'acort, et avoiier le roy d'Engleterre à çou qu'il y volsist descendre.

Tant ala et tant procura la bonne dame entre ces signeurs, avoech l'ayde et le conseil d'un gentil et sage chevalier, qui estoit moult bien de toutes les parties, 30 messires Loeis d'Augimont, que une journée de traittement fu acordée à l'endemain, là où çascune des parties devoit envoiier quatre personnes souffissans, pour trettier toutes bonnes voies pour acorder les dittes parties, se il plaisoit à Dieu, et souffrance de trois 5 jours que li uns ne pooit ne devoit fourfaire sour l'autre. Et si se devoient assambler cil trettieur à une capelle, et la dessus ditte bonne dame avoecques. De le partie dou roy de France, y fu envoiiés Charles li roys de Behagne, Charles li contes d'Alençon, frères 10 au dit roy, li evesques de Liège, li contes de Flandres et li contes d'Ermignach. De le partie le roy d'Engleterre, y furent envoiiet li dus de Braibant, li evesques de Lincolle, li dus de Guerles, li dus de Julers et messires Jehans de Haynau. 15

Quant il furent tout venu à la ditte capelle, il se saluèrent moult amiablement et festiièrent grandement, et apriès il entrèrent en leur trettiement. Toute celle première journée, cil trettieur trettièrent sour pluiseurs voies d'acort. Et toutdis estoit la bonne 20 dame ma dame Jehane de Valois en mi yaus, qui moult humlement et de grant coer leur prioit que çascune partie se volsist priès prendre de l'acorder. Toutes voies celle journée passa sans nul certain acord; cescuns en rala en son lieu, sour couvent de 25 revenir. L'endemain, il revinrent tout à le capelle en tel point, et commencièrent à trettier com en devant, et cheirent sus aucunes voies assés acordables; mès ce fu si tart que on ne les peut escrire de jour. Si se parti li parlemens adonc, et creanta cescuns de 30 revenir là endroit à l'endemain, pour parfaire et acorder le remanant. Au tierch jour, cil signeur revinrent à plus grant conseil. Là fu acordée une triewe à durer une anée entierement, et devoit entrer tantost entre ces signeurs et ces gens qui là estoient d'une part et d'autre; et entre chiaus qui guerrioient en Escoce, en Gascogne, en Poito et en Saintonge, 5 elle ne devoit entrer jusques à quarante jours. Dedens lesquelz quarante jours, cescune des parties le devoit faire savoir as siens, sans mal engien: s'il les voloient tenir, se les tenissent; et se tenir ne les voloient, si guerriaissent li uns l'autre. Mais France, 10 Pikardie, Bourgongne, Bretagne et Normendie le tenoient sans nulle exception. Et devoient li doi roy dessus dit, cescuns pour lui et en bon couvenant, envoiier quatre ou cinq nobles personnes, et li papes deux cardinaulz en legation en le cité 15 d'Arras. Et ce que ces parties ordonneroient, li doi roi le tenroient et confremeroient sans nul moiien. Et fu encores celle triewe presente acordée sus tèle condition que cescuns devoit tenir paisieuvlement ce dont il estoit saisis. 20

Quant celle triewe fu acordée et saielée d'une part et d'aultre, cescuns s'en retourna en son host. Si le fisent tantost criier par tout l'ost d'une part et d'autre, dont li Braibençon eurent grant joie, car il eurent là logiet et esté un grant temps moult à envis. 25 Qui l'endemain, si tost que jours fu, peuist veoir tentes abatre, chars chargier, gens fourhaster, emblaver et toueillier, bien peuist dire: «Je voi un nouvel siècle.»

Li rois de France et tous ses hos se departirent 20 assés liement, car il ne pooient bonnement plus demorer là endroit, pour le puasine des biestes que on tuoit si priès de leurs logeis, et pour le chaut qu'il faisoit; et si pensoient en leur part à avoir l'onneur de celle partie, si com il disoient, pour le raison de 25 ce que il avoient rescousse et gardée d'estre perdue le bonne cité de Tournay, et avoient fait departir celle grande assamblée qui assegiet l'avoit, et nient n'i avoient fait, comment qu'il y euissent grans frais mis et despendus. Li aultre signeur et cil de leur partie 30 pensoient ossi bien à avoir l'onneur de celle partie, pour le raison de ce qu'il avoient si longement demoret ens ou royaume et assegié une des bonnes cités que li rois ewist, et ars et gasté son pays cescun jour, lui saçant et voiant; et point ne l'avoit secouru de temps ne d'eure, ensi qu'il deuist; et au daarrain il avoit acordé une triewe, ses ennemis seans devant 5 se cité et ardant et gastant son pays.

Ensi en voloit cescune des parties avoir à soy et attribuer l'onneur. Si en poés determiner entre vous, qui oy les fais avés et qui les sentés, ce qu'il vous en samble, car de moy je n'en pense à nullui donner 10 l'onneur plus l'un que l'autre, ne faire ent partie, car je ne me cognois mie en si grans afaires qu'en fais et en maniemens d'armes.

Or vint li saisons que li parlement ordonnet et insinuet en le cité d'Arras approcièrent. Si y envoia li papes Clemens VI^e en legation deux cardinaulz, cesti de Naples et cesti de Clermont, qui de premiers 15 vinrent à Paris, où il furent moult honnouré dou roy et des François; et puis s'avalèrent devers Artois et jusques en le cité d'Arras. A ce parlement, de par le roy de France, furent li contes d'Alençon, li dus de Bourbon, li contes de Flandres et li contes de 20 Blois, et des prelas li archevesques de Sens, li evesques de Biauvais et li evesques d'Auçoirre; de par le roy d'Engleterre, li evesques de Lincolle, li evesques de Duremmes, li contes de Warvich, messires Robers d'Artois, messires Jehans de Haynau et messires 25 Henris de Flandres. Au quel parlement, il y eut pluiseurs trettiés et langages mis avant, et parlementèrent plus de quinze jours. Mais riens n'i fu acordé ne afiné, car li Englès demandoient et li François ne voloient riens donner, fors tant seulement rendre 30 le conté de Pontieu, qui fu donnée à le royne Ysabiel en mariage avoech le roy d'Engleterre. Ceste cose ne veurent point li Englès accepter. Si se departirent cil signeur et cil parlement sans riens faire, fors tant seulement que la triewe fu ralongie deux ans; che fu tout ce que li cardinal y peurent impetrer. Apriès ce, cescuns s'en rala en son lieu. Et revinrent 5 adonc li doi cardinal parmi Haynau, à le priière dou conte, qui grandement le(s) festia en le ville de Valenciènes.

Or nous deporterons nous à parler des deux rois, tant que les triewes durront, qui furent assés bien 10 tenues, excepté les marces lontainnes; et enterons en le grant matère et hystore de Bretagne, qui grandement renlumine ce livre, pour les biaus fais d'armes et grandes aventures qui y sont avenues, si com vous porés ensiewant oïr. Et pour ce que vous saciés 15 veritablement le commencement et le racine de ceste guerre et dont elle se meut, je le vous declarrai de point en point. Si en dirés vostre entente, et quel cause et droit messires Charles de Blois eut au grant hiretage de Bretagne, et d'autre part li contes de 20 Montfort qui en fist fait et partie contre lui, dont tant de rencontres, de batailles et d'autres grans fais d'armes sont avenu en la ditte ducé de Bretagne et ens ès marces voisines.

Cilz dus de Bretagne, quant il trespassa de ce siècle, n'avoit nul enfant ne n'eut onques de la duçoise sa 15 femme ne n'avoit eu nulle esperance de l'avoir. Si avoit un frère, de par se mère qui avoit estet remariée, que on appelloit le conte de Montfort, qui vivoit adonc, et avoit chilz à femme le sereur le conte Loeis de Flandres. Cilz dus de Bretagne avoit eut un aultre 20 frère germain de père et de mère, qui trespassés estoit; s'en estoit demorée une jone fillète, la quèle li dis dus ses oncles avoit mariée à monsigneur Charle de Blois (mains net fil au conte Guy de Blois [355]) de le sereur le roy Phelippe de France qui adonc regnoit; 25 et li avoit prommis en mariage la ducé de Bretagne apriès son dechiès, pour tant qu'il se doubtoit que li contes de Montfort n'i vosist clamer droit par proismeté apriès son dechiès, comment qu'il ne fust mies ses frères germains. Et il sambloit au dit duch 30 que li fille de sen frère germain devoit estre par raison plus proçaine de avoir le ducée apriès son deciès, que li contes de Montfort, ses frères, qui n'estoit point estrais de l'estok de Bretagne. Et par tant qu'il avoit toutdis doubtet que ses frères li coens de Montfort 5 n'enforçast, apriès son deciès, le droit de sa jone nièce, par se poissance, le maria il au dit monsigneur Carle de Blois, à celle entente que li rois Phelippes, qui estoit ses oncles, li aidast mieus et plus volentiers à garder son droit encontre le dit conte de Montfort, 10 s'il le vosist entreprendre.

Si avint tout ce que li dis dus avoit toutdis doubtet. Car, sitost que li contes de Montfort peut savoir que li dis dus ses frères fu trespassés sus le chemin de Bretagne, il se traist tantost à Nantes, 15 qui est li chiés et li souverainne cités de Bretagne; et fist tant as bourgois et à chiaus dou pays entour, qu'il fu receus à signeur comme li plus proisme del duch son frère qui trespassés estoit; et li fisent tout feaulté et hommage comme au duch de Bretagne et 20 au signeur. Quant il eut pris le feauté des bourgois de Nantes et dou pays d'entour Nantes, ils et la contesse sa femme, qui bien avoit coer d'omme et de lyon, eurent conseil ensamble qu'il tenroient une grant court et feste solennèle à Nantes, et manderoient 25 tous les barons et les nobles del pays de Bretagne et les consaulz des bonnes villes et de toutes les cités, qu'il volsissent estre et venir à celle court, pour faire feaulté à lui comme à leur droit signeur. Quant cilz consaulz fu acordés, il envoiièrent grans messages par tous les signeurs, les cités et 30 les bonnes villes del pays.

Quant li jours de celle feste fu venus, et nulz n'i venoit pour mandement qui fais leur fust, fors uns seulz chevaliers que on clamoit monsigneur Hervi de Lyon, noble homme et poissant, li dis contes de Montfort et la contesse sa femme en furent 25 durement courouciet et abaubit. Il fisent leur feste par trois jours des bourgois de Nantes et des bonnes gens de là au tour, au mieus qu'il peurent; si eurent grant despit des aultres qui n'avoient dagniet venir à leur mandement. Et eurent conseil 30 entre yaus de retenir saudoiiers à cheval et à piet, tous ceulz qui venir vorroient, et de departir ce grant tresor que trouvet avoient, pour mieus venir le dit conte à son pourpos de la ditte ducé de Bretagne, et pour constraindre tous rebelles de venir à merchi. 5 A ce conseil se tinrent tout cil qui là furent, chevalier, clerch et bourgois. Et furent retenu saudoiier venans de tous costés, et larghement paiiés, tant qu'il en eurent grant plenté, à cheval et à piet, nobles et non nobles, de pluiseurs pays. 10

A ce premierain assaut, eut grant hustin et très durement trait et lanciet, et fuison de mors et de navrés de chiaus de dehors. Et y fist li dis chevaliers tant de biaus fais d'armes et souffri tant de cops 25 durs et perilleus que on le devoit bien tenir pour preu. Mès au daarrain il y sourvint si grant fuisson des assallans, et se les semonnoit li contes si asprement, que cescuns s'esprouvoit, efforçoit et penoit de l'assallir et se mettoit en aventure: si ques, au 30 daarrain, les bailles furent gaegnies, et convint les daarrains retraire vers le forterèce à grant meschief, car li assallant se ferirent entre yaus et en tuèrent aucuns. Et li chevaliers, qui y faisoit merveilles d'armes, les rescouoit et les metoit ce qu'il pooit à sauveté 5 dedens la mestre porte. Quant cil qui estoient sus le port(e) veirent le grant meschief, il eurent paour de perdre le chastiel; si laissièrent avaler le grant restiel et encloirent le chevalier dehors et aucuns de leurs compagnons qui se combatoient fortement à 10 chiaus de dehors. Là fu li bons chevaliers à grant meschief et durement navrés en pluiseurs lius, et si compagnon, qui hors estoient fourclos, priès que tout mort; ne onques ne se volt rendre prisons pour requeste que on li fesist. Quant cil del chastiel veirent 15 le grant meschief là où li chevaliers estoit et comment il se deffendoit, il s'efforcièrent de traire et de getter grosses pières à fais, tant qu'il fisent les assallans traire arrière, et ressachièrent sus un petit les restiaus; par quoi li chevaliers entra en le porte durement 20 bleciés et navrés en pluiseurs heus, et aucuns de ses compagnons, qui demoret li estoient, tout navret ossi. Et li assallant retraiirent arrière à leurs logeis, durement travilliés, et li aucun blechiés et navrés, et li coens de Montfort durement courouciés de çou 25 que li chevaliers li estoit escapés. A l'endemain, il fist faire et apparillier instrumens et engiens pour plus fortement assallir le chastiel, et bien dist qu'il ne s'en partiroit, pour bien ne pour mal, si l'aroit à se volenté.

Au tierc jour apriès, il entendi par une espie 30 que li bons chevaliers messires Garniers de Cliçon estoit trespassés des plaies et des bleceures qu'il avoit receutes en lui deffendant, si comme voirs estoit, dont ce fu pités et damages. Si commanda tantost que cescuns se alast armer pour recommencier l'assaut moult vighereusement. Et adonc fist li coens traire avant aucuns estrumens qui fais estoient, 5 et grans mairiens pour getter oultre les fossés pour venir as murs dou chastiel. Chil de dedens se deffendirent longement, de traire et de getter pières et feu et pos plains de cauch, jusques environ le heure de miedi. Adonc les fist requerre li contes qu'il se volsissent 10 rendre et lui tenir à signeur, et il lor pardonroit son mautalent. Il eurent conseil entre yaus longement, tant que li contes fist cesser l'assaut. Au daarrains, quant il se furent longuement consilliet, il se rendirent de plain acord au dit conte, salve 15 leurs corps, leurs membres et leur avoir. Si entra adonc li dis contes ens ou chastiel de Brait à peu de gens, et rechut le feauté de tous les hommes de le chastelerie, et y establi un chevalier pour chastelain en qui moult se fioit, puis revint à ses tentes tous joians. 20

Si avint un jour que cilz eut volenté qu'il destourberoit les gens de l'host, s'il avoit compagnie. Si pourcaça tant qu'il eut compagnie de deus cens hommes de bonne volenté, et issi hors de le cité paisievlement à l'aube dou jour, et se feri à l'un 15 des costés de l'host à toute se compagnie. Si abati tentes et logeis et en tua aucuns, par quoi li cris et li hahais mon(ta) tantost en l'ost, et cria cescuns as armes, et se commencièrent à deffendre. Droit à ce point se repairoit uns chevaliers, qui avoit fait 20 le gait celle nuit, par devers l'ost, à toute se compagnie. Si oy le cri et le hahay et se trest celle part, au ferir des esporons, et encontra le chevalier et toute se compagnie qui s'en repairoit vers le cité. Si lor coururent sus vighereusement, et eurent bon puigneis 25 et fort. Apriès yaus venoient courant cil de l'host qui estoient armet. Quant cil de le cité veirent le fais qui leur croissoit, il se desconfirent et s'en fuirent vers le cité ce qu'il peurent, mais il en domora grant fuison de mors et de pris. Et si y fu pris li chevaliers 30 que tant amoient, messires Henris de Pennefort (et amenés devant le conte [360]) qui volentiers le vey.

Quant tout furent repairiet à leur host, li contes eut conseil qu'il envoieroit le chevalier prison par devant le cité, et feroit requerre les bourgois qu'il 5 li volsissent rendre le cité et faire feaulté à lui comme à leur signeur, ou il feroit pendre le chevalier devant le porte, par tant qu'il avoit entendu que li chevaliers estoit très durement amés de toute le communauté de Rennes. Ensi fu fait que consilliet fu. 10 Quant cil de le cité oïrent celle requeste et veirent le chevalier qu'il amoient tant à tel meschief, il en eurent grant pité. Si se traisent en le cité pour yaus consillier sour celle requeste que on leur avoit faite. Si se consillièrent moult longuement, car grans dissentions 15 estoit entre yaus, car li communs avoit grant pitié dou chevalier qu'il amoient durement, et si avoient petit de pourveances pour le siège longement soustenir. Si se acordèrent finablement tuit à le pais. Et li grant bourgois, qui estoient bien 20 pourveu, ne s'i voloient acorder.

Si monteplia li dissentions si durement que li grant bourgois, qui estoient tout d'un linage, se traisent d'une part et disent tout hault que tout cil qui estoient de leur accord se traisissent d'une part et devers 25 yaus. Il s'en traii tant de chiaus qui estoient de leur linage, qu'il furent bien doi mille, tout d'un acord. Quant li aultre commun veirent che, il se commencièrent à esmouvoir et à criier durement sus les grans bourgois, disant sur yaus laides parolles et 30 villainnes. Et au daarrain il les coururent sus, et en tuèrent grant fuison. Quant li bourgois se veirent à tel dangier, (il) priièrent merci, et disent qu'il s'acorderoient à le volenté dou commun et dou pays. Adonc cessa li hustins, et coururent tous li communs ouvrir les portes, et rendirent le ditte cité au conte 5 de Montfort; et li fisent feaulté et hommage, grans et petis, et le cogneurent à signeur. Ossi fist li chevaliers, messires Henris de Pennefort, et fu retenus de son conseil. 10

Et puis si se traist à toute son host par devant le cité de Vennes; et fist tant parler et trettier as bourgois et à chiaus de Vennes, qu'il se rendirent à lui 25 et li fisent feaulté et hommage comme à leur signeur. Il establi en le cité toutes manières d'officiiers et y sejourna deus jours.

Au tierc jour, il s'en parti et ala assegier un trop fort chastiel, seant sus un hault tertre qui s'estent 30 droit sus le mer, que on claime le Roceperiot. Si en estoit chastellains uns vaillans chevaliers et moult gentils homs que on clamoit monsigneur Olivier de Cliçon, cousins germains au signeur de Cliçon. Et sejourna par devant, à siège fait, plus de dix jours que 5 onques ne peut trouver voie par quoi il peuist le chastiel gaagnier, si fors estoit il. Et si ne pooit trouver accord au gentil chevalier, par quoi il peuist obeir à lui, par promesses ne par manaces qu'il li peuist faire. 10

Si s'en parti atant et laissa le siège jusques à tant que plus grans pooirs li venroit, et ala assegier un aultre chastiel, à dix liewes priès de là, que on clamoit chastiel d'Auroy. Et en estoit chastellains uns gentilz chevaliers que on clamoit monsigneur Joffroi 15 de Malatrait, et avoit à compagnon monsigneur Yvon de Tigri. Li dis coens fist assallir deus fois à celui castiel, mais il vey bien qu'il y poroit plus perdre que gaegnier. Si s'acorda à une triewe et à jour de parlement, par le pourcach monsigneur Hervi de 20 Lyon, qui adonc estoit avoech lui. Li parlemens se porta si bien que au pardaarrain il furent bon ami. Et fisent li doi chevalier feaulté au dit conte, et demorèrent gardiien dou dit chastiel et de celui pays, de par le dit conte. 25

Atant se parti li contes de là et mena son host par devant un aultre fort chastiel, assés priès de là, que on claime Goy le Foriest. Chils qui chastelains en estoit veoit que li contes avoit grant host et que tous li pays se rendoit à lui: si ques, par l'enhort et 30 le conseil monsigneur Hervi de Lyon, avoech qui il avoit estet grans compains en Grenate, en Prusce et en aultres estragnes contrées, il s'acorda au dit conte et li fist feaulté, et demora gardiiens del dit chastiel de par le conte.

Tantost apriès, li contes se parti de là et s'en ala par devers Craais, bonne ville et fort chastiel, et 5 avoit dedens un evesque qui sires en estoit. Chilz evesques estoit oncles au dit monsigneur Hervi de Lyon: si ques, par le conseil et l'amour del dit monsigneur Hervi de Lyon, il s'acorda au dit conte et le recogneut à signeur jusques adonc que venroit 10 avant, qui plus grant droit mousteroit pour avoir la ducée de Bretagne.

Quant li rois englès eut oy ces parolles, il y entendi volentiers, car il regarda et ymagina que se guerre au roy de France en seroit grandement embellie, 15 et qu'il ne pooit avoir plus belle entrée ou royaume ne plus pourfitable que par Bretagne, et que, de tant qu'il avoit guerriiet par les Alemans et les Braibençons, il n'avoit riens fait, fors que frettiiet et despendut grandement et grossement. Et 20 l'avoient mené et demené li signeur de l'Empire, qui avoient pris son or et son argent, ensi qu'il avoient volu, et riens fait. Si descendi à le requeste dou conte de Montfort liement et legierement, et prist le hommage de la ditte ducé de Bretagne, par 25 la main dou conte de Montfort, qui se tenoit et appelloit dus de Bretagne. Et là li eut li rois englès en couvent, present les barons et les chevaliers qui d'Engleterre estoient et qu'il avoit là amenés de Bretagne, qu'il l'aideroit et deffenderoit et garderoit 30 comme son homme contre tous hommes, fust rois de France ou aultres, selonch son loyal pooir. De ces parolles et de ces hommages furent escriptes et (leues [364]) lettres et seelées, dont cescune des parties eut les copies. Avoec tout ce, li rois et ma dame la royne donnèrent au conte de Montfort et à ses gens grans dons et biaus jeuiaus, car bien le savoient faire; et 5 tant qu'il en furent tout content et qu'il disent que c'estoit uns nobles rois et vaillans et une noble royne, et qu'il estoient bien tailliet de regner encores en grant prosperité.

Apriès toutes ces coses faites et acomplies, li contes 10 de Montfort prist congiet et se parti d'yaus, et passa Engleterre. Et rentra en mer à ce meisme port où il estoit arivés, et naga tant qu'il arriva à Gredo en le Basse Bretagne. Et puis s'en vint en le cité de Nantes, où il trouva la contesse sa femme, à qui il 15 recorda comment il avoit esploitiet. De ce fu elle toute joians, et li dist qu'il avoit très bien ouvré et par bon conseil. Si me tairai un petit d'yaus et parlerai de monsigneur Charlon de Blois, qui devoit avoir la ducée de Bretagne de par sa femme, ensi 20 que vous avés oy determiner par devant.

A l'endemain, à heure de tierce, il monta à cheval, et chevalier et escuier grant fuison avoecques lui, et chevauça vers le palais et fist tant qu'il y vint. Là l'attendoit li rois Phelippes, et tout li douze per et 20 grant plenté des barons de France avoecques monsigneur Charlon de Blois. Quant li contes de Montfort sceut quel part il trouveroit le roy et les barons, il s'est trais viers yaus en une cambre où il estoient tout assamblé. Si fu moult durement regardés et salués 25 de tous les barons, puis s'en vint encliner le roy moult humlement et li dist: «Sire, je sui chi venus à vostre mandement et à vostre plaisir.» Li rois li respondi et li dist: «Contes de Montfort, de ce vous sai je bon gré. Mais je m'esmerveille durement 30 pour quoi ne comment vous avés osé entreprendre, de vostre volenté, le duchée de Bretagne où vous n'avés nul droit, car il y a plus proisme de vous, cui vous volés deshireter. Et pour vous mieus efforcier, vous estes alés à mon adversaire le roy d'Engleterre, et le avés de lui relevet et à lui fait feaulté et hommage, ensi que on le m'a compté.» Li 5 contes respondi et dist: «Ha! sire, ne le creés pas, car vraiement vous estes de chou mal infourmés, je le feroie moult à envis. Mais de la proismeté dont vous me parlés m'est avis, sire, sauve vostre grasce, que vous en mesprendés, car je ne sçai nul si proçain 10 del duch de Bretagne, mon frère daarrainnement mort, que moy. Et se jugiet et declaret estoit par droit que aultres y fust plus proismes de moy, je ne seroie point honteus ne rebelles del deporter.» Quant li roys entendi chou, il respondi et dist: 15 «Sire coens, vous en dites assés, mès je vous commande, sur quanques vous tenés de moy et que tenir en devés, que vous ne vous partés de le cité de Paris jusques à quinze jours que li baron et li per jugeront de celle proismeté. Si sarés adonc quel 20 droit vous y avés; et se vous le faites autrement, saciés que vous me couroucerés.» Li coens respondi et dist: «Sire, à vostre volenté.»

Si se parti atant dou roy et vint à son hostel: venus, il entra en sa cambre et se commença à aviser 25 et penser que, s'il attendoit le jugement des barons et des pers de France, que li jugemens poroit bien tourner contre lui, car bien li sambloit que li rois feroit plus volentiers partie pour monsigneur Charlon de Blois son neveu que pour lui. 30 Et veoit bien que, se il avoit jugement contre lui, que li rois le feroit arrester jusques à tant qu'il aroit tout rendu, cités, villes et chastiaus dont il tenoit ores le saisine et le possession, et avoech chou tout le grant tresor qu'il avoit trouvet et despendut. Se li fu avis pour le mains mauvais qu'il li valoit mieulz qu'il courouchast le 5 roy et s'en ralast paisievlement par devers Bretagne, que il demorast en Paris en ce dangier et en si perilleuse aventure. Ensi qu'il pensa, ensi fut fait. Si monta si paisievlement et si couvertement, et se parti à si peu de compagnie qu'il fu ançois en Bretagne 10 revenus que li rois ne aultres, fors cil de son conseil, sceuissent riens de son departement; ains pensoit cescuns qu'il fust dehetiés à son hostel. Quant il fu revenus dalés le contesse sa femme qui estoit à Nantes, il li compta toute sen aventure, puis ala par 15 le conseil de sa femme, qui avoit bien coer d'omme et de lyon, par toutes les cités, les chastiaus et les bonnes villes qui estoient à lui rendues, et establi par tout bons capitainnes et si grant plenté de saudoiiers à piet et à cheval qu'il y couvenoit, et grans 20 pourveances de vivres à l'avenant. Et paia si bien tous saudoiiers à piet et à cheval que cescuns le servoit volentiers. Quant il eut (tout) ordonné ensi qu'il appertenoit, il s'en revint à Nantes dalés ma dame sa femme et dalés les bourgois de le cité, qui durement 25 l'amoient par samblant, pour les grans courtoisies qu'il leur faisoit. Or me tairai un petit de lui et retourneray au roy de France et à son neveu monsigneur Charlon de Blois.

Quant cilz jugemens fu rendus par plainne sieute de tous les barons, li rois en appella monsigneur Charlon de Blois et li dist: «Biaus niés, vous avés jugement pour vous de bel hiretage et grant. Or vous hastés et vous penés del reconquerre sour celi qui le 25 tient à tort, et priiés tous vos amis qu'il vous voellent aidier à cest besoing, et je ne vous y faurrai mies; ains vous presterai or et argent assés. Et dirai à mon fil le duch de Normendie qu'il (se [365]) face chief avoecques vous. Et vous pri et commande que vous vos hastés. 30 Car, se li rois englès nos adversaires, de cui li contes de Montfort a relevet le ducée, venoit en Bretagne, il nous poroit trop durement porter grant damage, et ne poroit avoir plus belle entrée pour venir par deçà, meismement quant il aroit le pays et les forterèces 5 de Bretagne de son acord.» Adonc messires Charles de Blois enclina son oncle, en merciant durement de ce qu'il li disoit et prommetoit. Si pria tantost là endroit le duch de Normendie son cousin, le conte d'Alençon son oncle, le duch de Bourgongne, le 10 conte de Blois son frère, le duch de Bourbon, messire Loeis d'Espagne, monsigneur Jakeme de Bourbon, le conte d'Eu connestable de France et le conte de Ghines son fil, le visconte de Roem, et en apriès tous les contes, les princes et les barons qui là estoient, 15 qui tout li eurent en couvent que il iroient volentiers avoech lui et avoecques leur signeur le duch de Normendie, cescuns à tout tant de gens et de compagnie qu'il poroit avoir. Puis se departirent tout li prince et li baron deçà et delà. Si envoiièrent 20 leurs messages par tout pour yaus appareillier et pour faire pourveances, ensi qu'il leur besongnoit pour aler en si lontain voiage et si diverses marces et pays. Et bien pensoient qu'il ne poroient avenir à lor entente sans avoir grant contraire. 25

Quant toutes ces gens furent issu de Ancheni, il se traisent par devant un très fort chastiel seant hault sus une montagne par dessus une rivière: si l'appelle on Chastouseal, et est li clés et li entrée de Bretagne. 20 Et estoit bien garnis et bien furnis de gens d'armes où que il y avoit deus moult vaillans chevaliers, qui en estoient chapitain, dont li uns avoit nom messire Milles et li aultres messire Walerans, et estoient de Loeraingne. Quant li dus de Normendie et li aultre signeur 25 que vous avés oy nommer veirent le chastiel si fort, il eurent conseil qu'il les assegeroient. Car, s'il passoient avant et laissoient une tèle garnison derrière yaus, ce leur poroit tourner à grant damage et à anoy. Si le assegièrent tout au tour et y fisent pluiseurs assaus, meismement li Geneuois qui s'abandonnoient durement et follement, pour yaus mieus moustrer à cest commencement, si qu'il y perdirent de leurs compagnons par pluiseurs fois, car cil dou chastiel 5 se deffendirent durement et sagement: si ques li signeur demorèrent grant pièce devant, ançois qu'il le peuissent (avoir [368]). Mais au daarrain il fisent si grant attrait de mairiens et de velourdes, et les fisent mener par force de gens jusques as fossés dou chastiel, 10 et puis fisent assallir très fortement: si ques, tout en assallant, il fisent emplir ces fossés de ces mairiens et velourdes, tant que qui estoit couvers il pooit bien aler jusques as murs, combien que cil dou chastiel se deffendesissent si bien et si vassaument que on ne 15 poroit mieus deviser, tant que de traire, de getter pières, cauch et feu ardant à grant fuison. Et cil de dehors avoient fait chas et instrumens, par quoi on pikoit les murs, tous couvers. Que vous feroi je lonch compte? Cil del chastiel veirent bien qu'il ne se poroient 20 longuement tenir, puis que on pertruisoit les murs. Et si savoient bien qu'il n'aroient point de secours ne point de merci, se il estoient pris par force. Si eurent conseil entre yaus qu'il se renderoient, sauves leurs vies et leurs membres, si qu'il fisent. Et 25 les prisent li signeur à merci. Ensi fu gaagniés par ces signeurs de France cilz premiers chastiaus que on claime Chastouseaulz, dont il orent moult grant joie, car il lor sambla que ce fust bons commencemens de leur emprise. 30

L'endemain, il se deslogièrent et se traisent par devers le cité de Nantes; si le assegièrent tout au tour. Et fisent tendre tentes et pavillons si bellement et si ordonneement que vous savés que François scèvent 25 bien faire. Et cil qui estoient dedens le cité pour le garder, dont il y avoit grant fuison de gens d'armes avoecques les bourgois, se alèrent tout armer et se maintinrent celui jour moult bellement, cescuns à sa deffense, ensi qu'il estoit ordonnés. Celui jour entendirent 30 cil de l'host à yaus logier et aler fourer. Et aucun bidau et Geneuois alèrent priès des bailles pour escarmucier et paleter. Et aucun des saudoiers et des jones bourgois issirent hors encontre yaus: si qu'il y ot trait et lanciet, et des mors et des navrés d'un costet et d'autre, si com il a souvent en si faites besongnes. Ensi y eut là des escarmuces par deus ou 5 par trois fois, tant que li hos demora là.

Au pardarrain, il y avint une aventure assés sauvage, ensi que jou oy recorder ceulz qui y furent. Car aucun des saudoiiers de le cité et des bourgois issirent hors une matinée à l'aventure, et trouvèrent 10 jusques à quinze chars chargiés de vivres et de pourveances qui en aloient vers l'ost, et gens qui les conduisoient jusques à soissante, et cil de le cité estoient bien deus cens. Si les coururent sus et les desconfirent, et en tuèrent les aucuns, et fisent les 15 chars chariier par devers le cité. Li cris et li hus en vint jusques en l'ost. Si s'ala cescuns armer au plus tost qu'il peut, et courut cescuns apriès les chars pour rescourre le proie; et les raconsievirent assés priès des bailles de le cité. Là monteplia très durement 20 li hustins, car cil de l'host y vinrent à si grant fuison que li saudoiier en orent trop grant fais. Toutes voies, il fisent desteler les chevaus et les cachièrent dedens le porte, à fin que, s'il avenoit que cil de l'host obtenissent le place, que il ne peuissent 25 remener les chars ne les pourveances si legierement. Quant li aultre saudoiier de le cité veirent le hustin, et que leur compagnon avoient trop grant fais, aucun issirent hors pour yaus aidier. Ossi fisent des aultres bourgois, pour aidier leurs parens. Ensi monteplia 30 très durement li hustins, et y eut tout plain de mors et de navrés d'un costet et d'aultre, et grant fuison de bien deffendans et d'assallans. Et dura cils hustins moult longement, car toutdis croissoit li force de chiaus de l'host. Et sourvenoient toutdis nouvelles gens reposés.

Tant avint que, au pardarrain, messires Hervis de 5 Lyon, qui estoit li uns des mestres consillières le conte de Montfort et ossi de toute le cité, et qui moult bien s'estoit maintenus et moult vassaument à ce hustin, et moult avoit reconforté ses gens, quant il vei qu'il estoit poins de retraire et qu'il pooient 10 plus perdre au demorer que gaegnier, il fist ses gens retraire au mieulz qu'il peut, et les deffendoit en retraiant et garandissoit au mieulz qu'il pooit. Si leur avint qu'il furent si priès sievi au retraire qu'il y eut grant fuison de mors, et pris bien deus cens et plus 15 des bourgois de le cité, dont leur père, leur frère et leur ami furent durement dolent et courouciet. Ossi fu li contes de Montfort qui en blasma durement monsigneur Hervi de Lyon, par courouch de chou qu'il les avoit si tost fait retraire. Et li sambloit que 20 par le retraite ses gens estoient perdu. De quoi messires Hervis fu durement merancolieus. Et ne volt onques, puissedi, venir au conseil le conte, se petit non. Si s'en esmervilloient durement les gens pour quoi il le faisoit. 25

Tantost apriès chou que li contes de Montfort fu pris et menés as tentes, li signeur de France entrèrent en le cité, tout desarmet, à moult grant feste. 30 Et fisent li bourgois et tout cil del pays au tour feaulté et hommage à monsigneur Charle de Blois, comme à leur droit signeur. Si demorèrent li signeur en le cité par l'espasse de trois jours, à grant feste, pour yaus aaisier et pour avoir conseil entre yaus 5 qu'il poroient faire de donc en avant. Si se acordèrent à çou, pour le milleur, qu'il s'en retourneroient par devers France et par devers le roy et li liveroient le conte de Montfort pour prison, car il avoient moult grandement bien esploitiet, ce lor sambloit, 10 et par tant ossi qu'il ne pooient bonnement plus avant hostoiier ne guerriier, pour l'ivier temps qui entrés estoit, fors par garnisons et forterèces, ce leur sambloit. Si consillièrent à monsigneur Charle de Blois qu'il se tenist en le cité de Nantes et là entour 15 jusques au nouviel temps d'esté, et fesist ce qu'il peuist par ses saudoiiers et par ses forterèces qu'il avoit reconquises. Puis se partirent tout li signeur sour ce pourpos, et fisent tant par leurs journées qu'il revinrent à Paris là où li rois estoit; se li livrèrent 20 le conte de Montfort pour son prison. Li rois le rechut à grant joie, et le fist emprisonner en le tour dou Louvre dalés Paris, là où il demora longement. Au pardarrain, y morut il, ensi que jou ay oy recorder, et qu'il fu verités. 25