LIVRE PREMIER (continued 3)

Quant la dessus ditte dame et contesse eut ensi reconforté ses amis et ses saudoiiers qui estoient à 15 Rennes, elle ala par toutes ses bonnes villes et ses forterèces, et menoit son jone fil avoecques lui; et les sermonnoit et reconfortoit en tèle manière que elle avoit fait chiaus de Rennes, et renforçoit les garnisons de gens et de quanques fallir leur pooit. Et 20 paia largement par tout, et donna assés d'abondance là où elle pensoit que bien emploiiet estoit. Puis s'en vint en Hembon sus la mer, qui est forte ville et grosse et fors chastiaus. Là se tint elle et son fil avoecques lui, tout cel ivier. Souvent envoioit viseter 25 ses garnisons et reconfortoit ses gens, et paioit moult largement leurs gages. Si me tairai atant de ceste matère et retournerai au roy Edouwart d'Engleterre, et conterai quelz coses li avinrent apriès le departement dou siège de Tournay.30

Dont il avint que, quant li Englès se furent parti de Tournay et retourné en leur pays, li rois Edowars leur sires fu enfourmés des Escos comment il avoient 20 chevauciet et reconquis les villes et les chastiaus d'Escoce, qui de jadis li avoient tant cousté au prendre, et seoient encores li dit Escot devant Struvelin. Si eut li rois englès conseil et (volenté [372] de) chevaucier vers Escoce, si com il fist, et se mist au chemin entre le 25 Saint Mikiel et le Toussains; et fist un très grant mandement et très fort que toutes gens d'armes et arciers le sievissent et venissent à lui vers Evruich, car là s'en aloit il et y faisoit sen assemblée. Dont s'esmurent toutes manières de gens parmi Engleterre, et s'en vinrent celle part là où il estoient semons et mandé. Et meismement li rois tout devant s'en vint à Evruich et là s'arresta, en sourattendant ses gens qui venoient à grant effort li uns apriès l'autre. Li signeur d'Escoce, 5 qui furent enfourmé de le venue dou roy englès qui venoit sus yaus, et qui le dit chastiel de Struvelin avoient assegiet, se hastèrent telement et si constraindirent chiaus de le ditte garnison, par assaus d'engiens et de kanons, que par force il les couvint 10 rendre as Escos. Et leur delivrèrent le forterèce par tel manière qu'il s'en partoient, salve leurs corps et leurs membres, mais riens dou leur n'en portoient. Ensi recouvrèrent li dit Escot le chastiel de Struvelin. 15 Ces nouvelles vinrent au roy englès qui encores se tenoit en Evruich: se ne li furent mies trop plaisans. Et se parti de le ditte cité et se trest par devers Duremme et passa oultre, et puis vint au Noef Chastiel sur Thin. Et se logièrent ses gens en le ditte 20 ville ou ens ès villages d'environ. Et là sejournèrent plus d'un mois, en attendant leurs pourveances que on avoit mis sus mer et qui leur devoient venir, mais petit leur en vinrent. Car leurs vassiaus eurent si grant fortune sus mer, entre le Toussains et le 25 Saint Andrieu, que pluiseurs de leurs nefs furent peries; et s'en alèrent arriver par vent contraire, volsissent ou non, en Hollandes et en Frise. Dont li Englès, qui se tenoient au Noef Chastiel et là entour, eurent moult de disètes et de chier temps. Et ne 30 pooient aler avant, car se il fuissent passet, il ne sceuissent où fourer ne recouvrer de vivres, car li yviers estoit entrés, et si avoient li Escoçois tous leurs biens, bleds et avainnes, mis et bouté en leurs forterèces. Et si avoit li rois englès grant gent avoecques lui, bien six mille hommes à chevaus et quarante mille hommes de piet; si leur falloit fuison 5 de pourveances.

Li signeur d'Escoce, qui s'estoient retrait devers le forest de Gedours apriès le prise de Struvelin, entendirent bien que li rois d'Engleterre sejournoit au Noef Chastiel sur Thin à grant gent, encoragiés 10 durement d'ardoir et exillier leur pays, ensi qu'il avoit fait aultre fois. Si eurent conseil entre yaus et avis, par grant deliberation, quel cose il poroient faire et comment il s'en maintenroient, car il estoient peu de gens, et avoient longement 15 guerriiet par l'espasse de sept ans et plus sans signeur, et jut as camps et ès foriès à grant mesaise. Et encores n'avoient il point (le [373]) roy leur signeur; si en estoient tout anoieus et naisis. Si se acordèrent à ce que il envoieroient devers le 20 roy englès un evesque et un abbé, pour requerre aucune triewe. Li quel message se partirent des Escos, et chevaucièrent tant qu'il vinrent en le ville dou Noef Chastiel sur Thin, et trouvèrent là le roy englès et grant fuison de baronnie dalés lui. Cil 25 doi prelat d'Escoce, qui là avoient esté envoiiet sus saufconduit, se traisent devers le roy englès et son conseil et remoustrèrent leur besongne si bellement et si sagement que une triewe fu acordée à durer quatre mois tant seulement, par tèle condition que 30 cil d'Escoce devoient envoiier en France après le roy David messages souffissans; et li segnefieroient que, s'il ne venoit dedens le jour de may ensiewant si poissamment que pour resister as Englès et deffendre son pays, il se renderoient au roy englès, ne jamais 5 ne le tenroient à signeur. Ensi furent les triewes acordées et affremées, et retournèrent li message deviers leurs gens en Escoce, et recordèrent comment il avoient exploitié. Che pleut moult bien as Escos; et ordonnèrent tantost gens pour envoiier en France, 10 monsigneur Robert de Versi et monsigneur Symon Fresiel et deus aultres chevaliers, qui s'en devoient aler en France par devers le roy leur signeur et conter ces nouvelles. Et li dis rois englès, qui au Noef Chastiel sejournoit à grant mesaise et ossi toutes 15 ses gens par deffaute de pourveances et de vivres, et pour ce s'estoit il plus priès pris d'acorder à le triewe, se parti de là et s'en revint arrière en Engleterre et donna toutes ses gens congiet; si s'en rala cescuns en son lieu. 20

Or avint ensi que, quant ces triewes furent acordées et li message d'Escoce qui furent envoiiet en France apriès le roy David, il passèrent à Douvres le mer. Et li rois David, qui par le terme de sept ans et plus avoit demoret en France et savoit que 25 ses pays estoit si foulés et si gastés que vous avés oy et savoit ses gens en grant meschief pour les Englès, eut conseil qu'il prenderoit congiet au roy Phelippe de France et s'en revenroit en son royaume, pour ses gens viseter et reconforter. Si le fist et se 30 mist à voie entre lui et ma dame sa femme, anchois que li message d'Escoce, qui à lui avoient estet envoiiet, parvenissent à lui. Et s'estoit mis en mer à un aultre port, en le gouvrenance d'un maronnier que on clamoit monsigneur Richart le Flamench, si qu'il ariva au port de Morois en Escoce, ançois que cil signeur d'Escoce qui remandé l'avoient le sceuissent. 5 Et quant il le sceurent, il en eurent grant joie. Si s'esmurent tuit et vinrent à grant solennité et à grant feste là où il estoit. Et le amenèrent très noblement et solennelment à un(e) cité que on claime Saint Jehan (en [374]) Escoce, où on prent le bon saumon 10 et grant fuison.

15 Quant tout furent assamblet et appareilliet, il s'esmurent pour aler exillier chou qu'il poroient dou royaume, car la triewe estoit (espirée [376]) et li quatre mois acompli et plus où il disoient ensi qu'il se combateroient au roy, qui tant d'anois leur avoit fais et 20 de damages. Si se partirent de le ville de Saint Jehan en Scoce moult ordeneement et vinrent ce premier jour jesir à Donfremelin, et puis passèrent à l'endemain un brac de mer entre Donfremelin et Struvelin. Quant il furent tout oultre, il cheminèrent à 25 grant esploit et passèrent desous Haindebourch, et puis toute l'Escoce, et par dalés le fort chastiel de Rosebourch qui se tenoit englès, mais point n'i assallirent, car il ne voloient mies faire blecier leurs gens et aleuer leur artillerie, car il ne savoient quel besoing il en aroient, pour tant qu'il esperoient à faire un grant fait ains leur retour. Apriès passèrent il assés priès de le cité de Bervich dont messires Edouwars de Bailluel estoit chapitainne et souverains, et puis 5 cheminèrent oultre sans point assallir, et entrèrent ou royaume de Northombrelant et vinrent sus le rivière de Thin, ardant et destruisant tout le pays; et fisent tant par leurs journées qu'il vinrent par devant le Noef Chastiel qui siet sus le rivière de Thin. Là se 10 loga li rois David et toutes ses hos celle nuit, pour savoir et veoir se il y poroit de riens esploitier. Quant ce vint à le matinée ensi que droit au point dou jour, aucun compagnon gentil homme de là environ, qui estoient dedens le ville, se partirent par une porte 15 paisievlement pour esmouvoir l'ost. Et estoient bien deus cens et plus, hardis et entreprendans. Puis se ferirent à l'un des costés de l'host droitement as logeis le conte de Moret, qui s'armoit d'argent à trois orilliers de geules. Si le trouvèrent en son lit; si le 20 prisent, et tuèrent grant (plenté [377]) de ses gens, ançois que li host fust esvilliés ne estourmis, et gaegnièrent grant plenté d'avoir. Puis s'en retournèrent en le ville baudement et à grant joie, et livrèrent le conte de Mouret au chastelain monsigneur Jehan de Noefville 25 qui en fist grant feste. Quant cil de l'host furent estourmi et armé et il sceurent l'aventure, il coururent comme tout foursené jusques as bailles de le ville, et fisent un grant assaut qui dura moult longement; mais petit lor valu, ains perdirent assés de 30 leurs gens. Car en le ville avoit grant fuison de bonnes gens d'armes qui bien et sagement le deffendirent; par quoi il couvint les assallans retraire à leur grant perte.

De ces nouvelles fu li rois englès moult irés et courouciés. Si mist tantost messagiers en oevre et 30 les envoia par tout et manda à toutes manières de gens, chevaliers et escuiers, et autres gens dont on se pooit aidier, deseure l'eage de quinze ans et desous soixante ans, que nulz ne s'escusast, mès venissent, ses lettres veues et ses mandemens oys, tantost devers lui sus les marces dou north, pour aidier à 5 deffendre son royaume que li Escot destruisoient. Adonc s'avancièrent conte, baron, chevalier et escuier et communautés des bonnes villes, et se hastèrent durement pour obeir au mandement dou roy leur signeur, et se misent tout à voie et de grant volenté 10 par devers Evruich. Et meismement li rois se parti tout premierement et n'attendi nullui, tant avoit grant haste; mais tout dis li croissoient et venoient gens de tous costés.

Endementrues que cilz rois se traioit par devers le 15 cité d'Evruich, et que cescuns le sievoit qui mieus pooit, li roys d'Escoce fist si fortement assallir à le cité de Duremme par estrumens et engiens qu'il avoit fais, que cil de le cité ne le peurent garandir ne deffendre que elle ne fust prise par force et toute robée 20 et arse, et toutes gens mis à mort sans merci. Femmes et hommes, prestres, monnes, chanonnes et petis enfans, qui estoient fuis à le grande eglise, furent tout ars et peri dedens l'eglise, car li feus y fu boutés, de quoi ce fu horrible pités. Car en le cité de Durem ne 25 demora adonc homs ne femme, ne petis enfans, ne maison ne eglise, que tout ne fuissent mis à destruction. Dont ce fu grans pités et cruèle foursenerie et est, quant on destruit ensi sainte chrestieneté et les eglises où Diex est servis et honnerés. 30

Quant li bacelers messires Guillaumes de Montagut vey del chastiel qu'il estoient tout passet, et qu'il ne 25 arresteroient point pour assallir au chastiel, il issi hors, tous armés, à tout quarante compagnons d'armes, et sievi apertement après le daarrain trahin qui avoient chevaus si chargiés d'avoir que à grant mesaise pooient il aler avant. Si les raconsievirent à l'entrée d'un bois 30 et leur coururent seure. Et en tuèrent et en blechièrent il et si compagnon plus de deus cens; et prisent bien sis vingt chevaus chargiés de jeuiaulz et d'avoir, et les amenèrent par devers le chastiel. Li cris et li hus et li fuiant s'en vinrent jusques à monsigneur Guillaume de Douglas qui faisoit l'arrieregarde et avoit jà passet le bois; et apriès en vinrent les nouvelles 5 en l'ost. Qui donc (veist [378]) les Eskos retourner à cours de chevaus parmi les camps, par montagnes et par vallées, et monsigneur Guillaume Douglas tout devant, il en peuist avoir grant hide. Tant coururent qui mieus mieus, qu'il vinrent au piet dou chastiel 10 et montèrent le montagne en grant haste. Mès ançois qu'il parvenissent as bailles, chil de dedens les avoient refremées, et le proie et l'avoir mis laiens à sauveté: de quoi li Escot eurent grant doel. Si commencièrent à assallir moult fortement, et cil de dedens à deffendre 15 de lanchier et d'estechier, de traire et de jetter tant que on pooit, d'une part et d'aultre. Là s'efforçoient durement li doy Guillaume de grever li uns l'autre.

Et tant dura cilz assaulz que tous li hos des Escos y fu venus et li rois meismes. Quant li rois et ses consaulz 20 eurent veu les gens mors gisans sus les camps, et veirent les assallans blecier et navrer à cel assaut sans riens conquester, il en furent durement courouciet. Si commanda li rois que on laissast l'assallir et que cescuns se alast logier, car il ne trairoit plus avant, 25 et ne se partiroit de là si aroit veu comment il poroit ses gens vengier. Qui adonc veist gens fremir et appeller li uns l'autre et querre pièce de terre pour mieulz logier les assallans, retraire les navrés, raporter ou rapoiier, les mors ratrainer et rassambler, veoir y 30 peuist grant triboulement. Celle nuit fu li hos des dis Escos logie par desous le chastel. Et la frice dame, contesse de Sallebrin, festia très durement et conforta tous les compagnons de laiens, tant que elle pot aler, à lie cière. 5

Chil del chastiel qui durement estoient travilliet, et si y avoit grant fuison de bleciés, veirent bien que li fais leur estoit grans; et se li rois David maintenoit son pourpos, il aroient fort temps. Si eurent entre yaus conseil qu'il envoieroient certain message par devers le roy Edouwart qui estoit à Evruich 5 là venus, ce savoient il de verité par les prisonniers d'Escoce qu'il avoient pris. Si regardèrent entre yaus qui feroit ceste besongne, mais il ne (peurent [379]) trouver qui volsist laissier le chastiel à deffendre, ne la belle dame ossi pour porter cel message. Si en 10 ot entre yaus grant estrit. Quant li gentilz bacelers messires Guillaumes de Montagut vei le bonne volenté de ses compagnons et vei d'autre part le meschief qui leur poroit avenir, se il n'estoient secouru, si lor dist: «Signeur, je voy bien vostre loyauté et 15 vostre bonne volenté: si ques, pour l'amour de ma dame et de vous, je metterai mon corps en aventure pour faire cesti message, car jou ay tel fiance en vous, selonch chou que j'ai veu, que vous detenrés bien le chastiel jusques à me revenue. Et ay d'autre 20 part si grant esperance el noble roy nostre signeur, que je vous amenrai temprement si grant secours que vous en arés joie, et vous seront bien meri li bien fait que fait arés.» De ceste parolle furent ma dame li contesse et li compagnon tout joiant. 25

Quant la nuis fu venue, li dis messires Guillaumes se apparilla dou mieulz qu'il peut, pour plus paisivlement issir de laiens qu'il ne fust perceus de chiaus de l'host. Se li avint si bien qu'il pleut toute la nuit si fort que nulz des Escos n'osoit issir de se loge. 30 Si passa à mienuit tout parmi l'ost, que onques ne fu perceus. Quant il fu passés, il fu grans jours; si chevauça avant tant qu'il encontra deus hommes d'Escoce, à demi liewe priès de l'host, qui amenoient deus bues et une vache par devers l'ost. Messires 5 Guillaumes cogneut qu'il estoient Escot; si les navra tous deus durement et tua leurs bestes, par quoi li Escot ne cil de l'host n'en euissent aise, puis dist as deus navrés: «Alés, dittes à vostre roy que Guillaumes de Montagut vous a mis en tel point en son 10 despit. Et li dittes que je vois querre le gentil roy Edowart qui li fera temprement vuidier ceste place maugré lui.» Cil li prommisent qu'il feroient volentiers ce message, mais qu'il les laissast atant à pais. Lors se parti li dis messires Guillaumes d'yaus, 15 et s'en ala tant qu'il peut par devers le roy son signeur qui estoit à Evruich à tout grant fuison de gens d'armes, et en attendoit encores plus. Si fist li dis messires Guillaumes son salu au roy de par ma dame sen ante, contesse de Salebrin, et li conta le meschief 20 où elle et ses gens estoient. Li rois respondi apertement et liement qu'il ne laisseroit nullement qu'il ne secourust la dame et ses gens; et se plus tost euist sceu là où li Escot estoient, et le meschief del chastiel et de la dame, plus tost fust alés celle 25 part. Si commanda tantost li dis rois que cescuns fust appareilliés à mouvoir l'endemain, et que on fesist toutdis les venans traire avant apriès son host qu'il avoit grant.

Sitos que la dame de Salebrin sceut le roy venant, elle fist ouvrir toutes les portes, et vint hors si richement vestie et atournée que cescuns s'en esmervilloit. Et ne se pooit on cesser de li regarder et de remirer le grant noblèce de le dame, avoech le grant biauté 30 et le gracieus maintien que elle avoit. Quant elle fu venue jusques au roy, elle s'enclina jusques à terre encontre lui, en regratiant de le grace et del secours que fait li avoit, et l'en mena ens ou chastiel pour lui festiier et honnourer, comme celle qui très bien le savoit faire. Cescuns le regardoit à merveilles, et 5 li rois meismes ne se pooit tenir de lui regarder. Et bien lui estoit avis que onques n'avoit veu si noble, si friche, ne nulle si belle de li. Se li feri tantost une estincelle de fine amour ens el coer qui li dura par lonch temps, car bien li sambloit que ou monde n'i 10 avoit dame qui tant fesist à amer comme celle. Si entrèrent ens ou chastiel main à main. Et le mena la dame premiers en le sale, et puis en sa cambre, qui estoit si noblement parée qu'il affreoit à tel dame. Et toutdis regardoit li rois le gentilz dame si ardamment 15 que elle en devenoit toute honteuse et abaubie. Quant il l'ot grant pièce assés regardé(e), il ala à une fenestre pour apoiier, et commença fortement à penser. La dame, qui à ce point ne pensoit, ala les aultres signeurs et chevaliers festiier et saluer moult grandement 20 et à point, ensi que elle savoit bien faire, cescun selonch son estat. Et puis commanda à appareillier le disner, et quant temps seroit, à mettre les tables et le sale parer.

Atant se parti li rois trestous confus et abaubis. Si s'en ala à tout son host apriès les Escos, et les sievi jusques oultre le bonne cité de Bervich, et se loga à quatre liewes priès de le forest de Gedours, là où 30 li rois David et toutes ses gens estoient entrés, pour les grans forterèces qu'il y a. Là endroit demora li dis rois englès par l'espasse de trois jours, pour savoir se li Escot vorroient hors issir pour combatre à lui. Et saciés que tous les trois jours y avoit tant d'escarmuces et de paletis entre les deus hos, que 5 cescuns estoit anoieus del regarder; et y avoit souvent des mors et des pris, d'une part et d'aultre. Et sur tous les aultres y estoit souvent veus en bon couvenant messires Guillaumes Douglas, qui s'arme d'azur à comble (d'argent [383]), et dedens le comble 10 trois estoilles de geules. Et estoit cilz qui y faisoit plus de biaus fais, de belles rescousses et de hautes emprises; et fist en l'ost des Englès moult de destourbiers.

Celle triewe as Escos fu ensi affremée et acordée que vous avés oy. Si departi li rois d'Escoce ses gens, et s'en rala cescuns en se contrée; puis envoia grans messages au roy Phelippe de France, pour acorder 10 chou que trettiet estoit, se il li plaisoit. Il pleut assés bien au roy de France pour mieus complaire au roy d'Escoce; (et) ne desdist de riens au trettiet, mais renvoia le conte de Salbrin en Engleterre. Dont, si tost qu'il y fu revenus, li rois englès renvoia arrière 15 le conte de Mouret d'Escoce, ossi devers le roy David qui en eut grant joie. Ensi fu fais cilz escanges de ces deus signeurs, si com vous avés oy. Et se departirent ces deus grosses chevaucies, sans plus riens faire, et se retrest cescuns en son lieu. Or retournerons 20 nous à parler des aventures et des guerres de Bretagne.

Aussi avoit la ditte contesse mis grans garnisons par toutes les aultres cités, chastiaus et bonnes villes qui à lui obeissoient; et par tout bonnes chapitainnes, 25 des gentilz hommes dou pays qui à lui obeissoient et se tenoient, les quels elle avoit acquis par biau parler, par prommettre et par donner, car elle n'i voloit point espargnier: des quelz li evesques de Lyon, messires Amauris de Cliçon, messires Yewains 30 de Tigri, li sires de Landreniaus, li chastelains de Ghingant, messires Henris et messires Oliviers de Pennefort, messires Joffrois de Malatrait, messires Guillaumes de Quadudal, li doi frère de Quirich y estoient, et pluiseur aultre noble chevalier et escuier que je ne sai mies nommer. Ossi en y avoit de l'accord monsigneur Charle de Blois grant fuison, qui à 5 lui se tenoient, avoecques monsigneur Hervi de Lyon, qui fu de premiers de l'accord le conte de Montfort et mestres de son conseil, jusques à tant que la cités de Nantes fu rendue, et li contes de Montfort fu rendus pris, ensi que vous avés oy. De quoi li dis messires 10 (Hervis [384]) fu durement blasmés, car on voloit dire que il l'avoit pourcaciet et les bourgois enhortés. Chou apparoit en ce que, puis ce fait, ce fu cilz qui plus se penoit de grever la contesse de Montfort et ses aidans. 15

En celui temps, si tost que la dessus ditte contesse sceut que cil signeur de France estoient venu en Bretagne, 25 à si grant poissance, elle envoia monsigneur Amauri de Cliçon en Engleterre parler au roy Edowart, et pour priier et requerre secours et ayde, par tèle condition que li jones enfes, filz au conte de Montfort et de la ditte contesse, prenderoit à femme l'une des jones filles au roy d'Engleterre, et s'appelleroit duçoise de Bretagne. Li rois Edowars estoit adonc à Londres, et festioit tant qu'il pooit le conte de Salbrin, 5 qui tantost estoit revenus de se prison. Si fist moult grant feste et honneur à monsigneur Amauri de Cliçon, quant il fu à lui venus, car il estoit moult gentilz homs; et li ottria toute sa requeste assés briefment, car il y veoit son avantage en deus manières. 10 Car il li fu avis que c'estoit grant cose et noble de la ducé de Bretagne, se il le pooit conquerre; et si estoit la plus belle entrée qu'il pooit avoir pour conquerre le royaume de France, à quoi il tendoit. Si commanda à monsigneur Gautier de Mauni qu'il 15 amoit moult, car moult l'avoit bien servi et loyaument en pluiseurs besongnes perilleuses, qu'il presist tant de gens d'armes que li dis messires Amauris li deviseroit et qu'il li souffiroit, et se apparillast au plus tost qu'il poroit pour aler aidier la contesse de 20 Montfort, et presist avoecques lui jusques à deus mille ou trois mille arciers des milleurs d'Engleterre.

Li dis messires Gautiers fist moult volentiers le commandement son signeur; si se apparilla au plus tost qu'il peut, et se mist en mer avoecques le dit 25 monsigneur Amauri, à tèle compagnie de gens d'armes et d'arciers qu'il souffi au dit monsigneur Amauri. Avoec lui en alèrent li doy frère de Neynendale, messires Loeis et messires Jehans, li Haze de Braibant, messires Hubiers de Frenay, messires Alains de Sirehonde, 30 et pluiseur aultre que je ne puis ne sai tous nommer, et avoech yaus sis mille arciers. Mais uns grans tourmens les prist sour mer et vens contraires, par quoi il les couvint demorer sour le mer par le terme de soissante jours, ançois qu'il peuissent parvenir à Hembon, là où li contesse de Montfort les attendoit de jour en jour, à grant mesaise de coer, 5 pour le grant meschief que elle sentoit que ses gens soustenoient, qui estoient dedens le cité de Rennes.

Quant messires Charles de Blois et li signeur françois 5 furent approciet de le ville de Hembon et il le veirent forte, il fisent leurs gens logier, ensi que pour faire siège. Aucun jone compagnon geneuois, espagnol et françois alèrent jusques as bailles pour paleter et escarmucier; et aucun de chiaus de dedens 10 issirent encontre yaus, ensi que on fait souvent en telz besongnes. Là eut pluiseurs hustins. Et perdirent plus li Geneuois qu'il n'i gaegnassent, ensi qu'il avient souvent par trop folement abandonner. Quant li vespres approça, cescuns se retraii 15 à se loge. L'endemain, li signeur eurent conseil qu'il feroient à l'endemain assallir les bailles fortement, pour veoir le contenance de chiaus de dedens, et pour veoir se il y poroient riens conquester, ensi qu'il fisent. Car au tierc jour il 20 assallirent au matin, entours heure de prime, as bailles très fortement. Et chil de dedens issirent hors li aucun des plus souffissans, et se deffendirent si vassaument qu'il fisent l'assaut durer jusques à heure de nonne que li assallant se retraisent un petit arrière. 25 Et y laissièrent fuison de mors, et en remenèrent plenté de bleciés. Quant li signeur veirent leurs gens retraire, il en furent durement courouciés. Si fisent recommencier l'assaut plus fort que devant. Et cil de Hembon s'efforcièrent ossi d'yaus très bien deffendre. 30 Et la contesse, qui estoit armée de corps et estoit montée sus un bon coursier, chevauçoit de rue en rue par le ville, et semonnoit ses gens de bien deffendre. Et faisoit les femmes de le ville, dames et aultres, deffaire les caucies et porter les pières as crestiaus pour getter as ennemis. Et faisoit aporter bombardes et pos plains de cauch vive, pour getter 5 sus les assallans.

Quant la contesse vei l'ost estourmir et de toutes pars acourir, elle rassambla ses gens et vei bien que elle ne poroit rentrer en le ville sans trop grant perte; si s'en ala le droit chemin par devers le chastiel de Brait qui siet à trois liewes priès de là. Quant messires Loeis d'Espagne, qui estoit mareschaus de toute 5 l'ost, fu venus as logeis qui ardoient, et vei la contesse et ses gens qui s'en aloient tant qu'il pooient, il se mist à aler après pour raconsievir se il peuist, et grant fuison de gens d'armes avoecques lui. Si les encauça et caça tant qu'il en tua et mehagna aucuns qui estoient 10 mal montet, et qui ne pooient sievir les bien montés. Toutes fois, la ditte contesse chevauça tant et si bien que elle et li plus grant partie de ses gens vinrent assés à point au bon chastiel de Brait, là où elle fu receute et festiie à grant joie de chiaus de le 15 ville et dou chastiel. Quant messires Loeis d'Espagne sceut, par les prisons que pris avoit, que c'estoit la contesse qui tel fait avoit fait et qui escapée li estoit, il s'en retourna en l'ost et conta sen aventure as signeurs et as aultres qui grant merveille en eurent. 20 Ossi eurent cil qui estoient dedens Haimbon, et ne pooient apenser ne trop imaginer comment leur dame avoit che aviset ne oset entreprendre. Mais il furent toute le nuit en grant quisençon de çou que la dame ne nulz de ses compagnons ne revenoit; si n'en 25 savoient que penser ne que aviser, et ce n'estoit point trop grant merveille.

Environ heure de nonne, fisent li signeur cesser 25 d'assallir, car leurs gens se faisoient tuer et navrer sans raison, et retraisent à leurs logeis. Si eurent conseil et acord que messires Charles de Blois iroit assegier (le) chastiel d'Auroy que li rois Artus fist faire et fremer. Et iroient avoecques lui li dus de 30 Bourbon, li contes de Blois ses frères, et li mareschaus de France messires Robers Bertrans, et messires Hervis de Lyon et partie des Geneuois. Et messires Loeis d'Espagne, li viscontes de Rohen et tous li remanans des Geneuois et Espagnolz demorroient 5 devant Hembon. Et mandèrent douze grans engiens qu'il avoient laissiés à Rennes, pour getter à le ville et au chastiel de Hembon, car il veoient bien qu'il ne le pooient gaegnier ne riens pourfiter à l'assallir; si qu'il fisent deus hos: s'en demora li uns devant 10 Hembon, et li aultres en ala assegier chastiel d'Auroy qui estoit assés priès de là; des quels nous parlerons et nous soufferons un petit des aultres.

Entre ces deus bonnes villes siet uns très fors chastiaus qui se tenoit adonc à monsigneur Charle de 10 Blois, et l'avoit fait garnir de gens d'armes et de saudoiiers, qui tout estoient Bourgignon. Si en estoit souverains et mestres uns bons escuiers assés jones que on clamoit Gerart de Malain; et avoit avoecques lui un hardi chevalier que on clamoit monsigneur 15 Pière Portebuef. Cil doi avoecques leurs compagnons honnissoient et gastoient tout le pays de là entour, et destraindoient si ouniement le cité de Vennes et le bonne ville de Dinant, que nulles pourveances ne marchandises ne pooient entrer ne venir, fors en 20 grant peril et sous grant aventure, car il chevauçoient l'un jour par devers Vennes, et l'autre jour par devers Dinant. Tant chevaucièrent ensi li dessus dit Bourgegnon et leurs routes, que li jones bacelers messires Renaulz de Gingant prist, par un embuscement 25 qu'il avoit establi, le dit Gerart de Malain à toute se compagnie, qui estoient yaus vingt et cinq compagnon, et rescoui jusques à quinze marcheans à tout leur avoir qu'il avoient pris, et les emmenoient par devers leur garnison que on claime Rocheperiot. Mais li jones bacelers messires Renaulz de Gingant les 30 conquist tous, par son sens et par sa proèce, et les en mena tous (en Dynant [388]) en prison, dont tous li pays d'entour eut grant joie. Et en fu durement li dis messires Renaulz loés et prisiés.

Si me tairai un petit à parler de ces gens de Vennes, de Dinant et de Roceperiot, et revenrai à la 5 contesse de Montfort, qui estoit assise dedens Haimbon, et à monsigneur Loeis d'Espagne qui tenoit le siège par devant et avoit si debrisié et defroissié le ville et le fremeté, par les engiens, que cil de dedens se commencièrent à esmaiier et avoir volenté 10 de faire acord, car il ne veoient nul secours venir, ne n'en entendoient nouvelles. Dont il avint que li evesques messires Guis de Lyon, qui estoit (oncles [389]) monsigneur Hervi de Lyon, par qui pourcach et conseil li contes de Montfort avoit estet pris, si com 15 on disoit, dedens le cité de Nantes, parla un jour au dit monsigneur Hervi son (neveu,) sus assegurance, et par lonch temps ensamble, d'unes coses et d'aultres; et tant que li dis evesques devoit pourcacier acord à ses compagnons, par quoi li ville de Hembon seroit 20 rendue à monsigneur Charle de Blois. Et li dis messires Hervis, d'autre part, devoit pourcacier que cil de dedens seroient apaisiés envers monsigneur Charle, quittes et lieges, et ne perderoient riens dou leur. Ensi se departi cilz parlemens. Li dis evesques 25 rentra en le ville pour parler as aultres signeurs. La contesse se doubta tantost de mauvais pourcach; si pria à ces signeurs de Bretagne, pour l'amour de Dieu, qu'il ne fesissent nulle defaute, car elle avoit esperance en Nostre Signeur que elle aroit grant secours dedens trois jours. Mais li dis evesques parla tant et moustra tant de raisons à ces signeurs de Bretagne qu'i(l) les mist en grant effroi celle nuit. A l'endemain, il recommença et dist tant de raisons, 5 d'unes et d'autres, qu'il estoient tout de son acord ou assés priès. Et jà estoit li dis messires Hervis venus assés priès de le ville pour (la) prendre et par leur acord, quant la contesse qui regardoit aval le mer, par une fenestre del chastiel, commença à criier et à 10 faire grant joie; et disoit tant comme elle pooit: «Je voi venir le secours que j'ai tant desiré!» deus fois le dist. Cescuns de le ville courut tantost, qui mieulz pot, as fenestres et as crestiaus des murs pour veoir que c'estoit. Et veirent clerement grant fuison de 15 naves, petites et grandes, bien batillies, venir par devers Hembon. Dont cescuns fu durement reconfortés, car bien tenoient que c'estoit messires Amauris de Cliçon qui amenoit ce secours d'Engleterre, dont vous avés par chà devant oy parler, qui par 20 soixante jours avoient eu vent contraire sur le mer.

Quant ce vint après disner que la dame eut festiiet ces signeurs, messires Gautiers de Mauni, qui estoit mestres et souverains des Englès venus avoec lui, appella 30 d'une part monsigneur Yvon de Tigueri et li demanda de l'estat de chiaus de le ville et de leurs couvenans et de chiaus de l'host ossi. Puis regarda et dist qu'il avoit grant volenté d'aler abatre ce grant engien, qui si priès leur estoit assis et qui si grant anoi 5 leur faisoit, mès que on le volsist sievir. Messires Yves de Tigueri dist que il ne l'en faurroit mies à ce(ste) première envaye. Ensi dist li sires de Landreniaus. Adonc s'ala tantost armer li gentilz sires de Mauni. Ossi fisent tout si compagnon quant il le sceurent, et 10 ossi tout li chevalier breton et li escuier qui laiens estoient. Puis issirent hors paisievlement par le porte, et fisent aler avoech yaus trois cens archiers. Tant alèrent traiant li arcier qu'il fisent fuir en voies ceulz qui gardoient ce grant engien. Et les gens d'armes qui 15 venoient après ces arciers en occisent aucuns, et abatirent ce grant engien, et le detaillièrent tout par pièces. Puis coururent de randon jusques as tentes et as logeis, et boutèrent le feu dedens. Si tuèrent et navrèrent pluiseurs de leurs ennemis, ançois que li 20 host fust estourmis; et puis se retraisent bellement arrière. Quant li hos fu estourmis et armés, il vinrent acourant apriès yaus, comme gens tous foursenés. Et quant messires Gautiers de Mauni vey ces gens acourir et estourmir en demenant grans hus et 25 grant cris, il dist tout haut: «Jamais ne soie jou salués de ma chière amie, se je rentre en chastiel ne en forterèce, jusques adonc que jou arai l'un de ces venans versé à terre, ou jou y serai versés!» Lors se retourna il, le glave ou poing, par devers les ennemis. 30 Ossi fisent li doi frère de Leindehale, li Haze de Braibant, messires Yves de Tigueri, messires Galerans de Landreniaus et pluiseur aultre compagnon, et brocièrent à premiers venans. Si en fisent pluiseurs verser, les gambes contremont. Ossi en y eut des leurs versés.

Là commença uns très fors hustins, car tout dis 5 venoient avant cil de l'host. Si monteplioit leurs effors, par quoi il convenoit les Englès et les Bretons retraire tout bellement par devers leur forterèce. Là peuist on veoir d'une part et d'autre belles envayes, belles rescousses, biaus fais d'armes et des 10 belles proèces grant fuison. Sour tous les aultres le faisoit bien et en avoit le los et le huée li gentilz chevaliers, messires Gautiers de Mauni. Et ossi moult vassaument s'i maintinrent tout si compagnon, et s'i combatirent très bien. Quant il veirent 15 que tamps fu de retraire, si se retraisent bellement et sagement jusques à leurs fossés, et là rendirent il estal jusques à tant que leurs gens furent entret à sauveté. Mais saciés que li aultre arcier, qui point n'avoient esté à abatre les engiens, estoient issu de le ville et 20 rengiés sus les fossés, et traioient si fortement qu'il fisent tous chiaus de l'host reculer, qui eurent grant fuison d'ommes et de chevaus mors et navrés. Quant cil de l'host veirent que leurs gens estoient au bersail et qu'il perdoient sans riens conquester, il fisent 25 leur gens retraire à leurs logeis. Et quant il furent tout retrait, cil de le ville se retraisent ossi, cescuns à son hostel. Qui adonc veist la contesse descendre dou chastiel à grant chière, et baisier monsigneur Gautier de Mauni et ses compagnons, les uns apriès les aultres, 30 deus fois ou trois, bien peuist dire que c'estoit une vaillans dame.

Quant messires Loeis d'Espagne et toute sa carge de gens d'armes furent venu en l'ost monsigneur Charles de Blois, il li conta le raison pour quoi il avoit laissiet le siège de devant Hembon. Adonc ordonnèrent il entre yaus, par grant deliberation, que 25 li dis messires Loeis et cil qui estoient venu avoech li iroient assegier le bonne ville de Dinant qui n'estoit fremée fors que d'yawe et de palis. Ensi demora la ville de Hembon en pais une grant pièce, et fu reforcie et rafrescie moult durement. Li dis 30 messires Loeis s'en ala adonc à tout son host assegier Dinant. Ensi qu'il s'en aloit, il passa assés priès d'un viés chastiel que on clamoit Conquest. Et en estoit chastellains, de par le contesse, uns chevaliers de Lombardie, bons guerriières et hardis, qui s'appeloit messires Mansion, et avoit pluiseurs saudoiiers avoech li. Quant li dis messires Loeis entendi 5 que li chastiaus estoit de l'accord le contesse, il fist traire son host celle part et assallir le chastiel fortement. Chil dedens se deffendirent si bien que li assaus dura jusques à le nuit, et se loga li hos là endroit. L'endemain, il fist l'assaut recommencier. Li assallant 10 approcièrent si priès des murs qu'il y fissent un grant trau, car li fosset n'estoient mies moult parfont. Si entrèrent ens par force et misent à mort tous chiaus dou chastiel, exceptet le chevalier qu'il prisent à prisonnier; et y establirent un aultre chastelain 15 bon et seur et soixante compagnons avoec li, pour garder le chastiel. Puis s'en parti li dis messires Loeis et s'en ala assegier le bonne ville de Dinant.

La contesse de Monfort et messires Gautiers de Mauni entendirent ces nouvelles que messires Loeis 20 d'Espagne et toute son host estoit arrestés par devant le chastiel de Conquest. Si appella messires Gautiers tous les compagnons saudoiiers, et leur dist que ce seroit trop noble aventure pour yaus tous, se il pooient deslogier le dit chastiel et desconfire le 25 dit monsigneur Loeis et toute son host, et que onques si grant honneur n'avint à gens d'armes qu'il leur avenroient. Tout li compagnon s'i acordèrent et se partirent l'endemain au matin de Haimbon, et s'en alèrent celle part de si grant volenté que petit en demora 30 en le ville. Tant chevaucièrent qu'il vinrent environ nonne au chastiel de Conquest, et trouvèrent qu'il avoit esté conquis par force le jour devant, et cil de dedens tout occis, excepté le chevalier monsigneur Mansion qui le gardoit. Et l'avoient li François repourveu et rafresci de nouvelle gent. Quant messires Gautiers entendi çou, et que messires Loeis estoit 5 alés assegier le ville de Dinant, il en eut grant doel, pour tant qu'il ne se pooit combatre à lui. Si dist à ses compagnons qu'il ne se partiroit de là, si saroit quelz gens il avoit ou chastiel, et comment il avoit estet perdus. Si se apparillièrent il et si compagnon, 10 pour assallir le chastiel, et montèrent tout targiet contremont. Quant li Espagnol qui dedens estoient les veirent en tel manière venir, il se deffendirent tant qu'il peurent. Et cil de dehors les assallirent si fortement et les tinrent si priès de traire qu'il 15 approcièrent les murs, maugré chiaus dou chastiel, et trouvèrent le trau del mur, par quoi il avoient le jour devant gaegniet le chastiel. Si entrèrent ens par ce trau meismes, et tuèrent tous les Espagnolz, excepté dix que aucun chevalier prisent à merci. Puis 20 se retraisent li Englès et li Breton par devers Hembon, car il ne l'osoient durement eslongier; et laissièrent le chastiel de Conquest tout seul et sans garde, car il veirent bien que il ne faisoit mies à tenir.

Quant celle grosse ville, qui Garlande estoit appellée, 30 fu ensi gaegnie et robée et essillie, il ne sceurent où aler plus avant pour gaegnier. Si se mist li dis messires Loeis en ces vaissiaus qu'il avait trouvés, sus mer, en le compagnie de monsigneur Othon Doriie et de Toudou et de aucuns Geneuois et Espagnolz, 5 pour aler aucune part, pour aventurer sus le marine. Et li viscontes de Roem, li evesques de Lyon, messires Hervis, ses niés, et tout li aultre s'en revinrent en l'ost monsigneur Charle de Blois, qui encores seoit devant le chastiel d'Auroy. Et trouvèrent grant fuison 10 de signeurs et de chevaliers de France, qui nouvellement estoient là venus, telz que monsigneur Loeis de Poitiers conte de Valence, le conte d'Auçoirre, le conte de Portiien, le conte de Joni, le conte de Boulongne et pluiseurs aultres, dont li rois Phelippes 15 les y avoit envoiiés pour reconforter son neveu; et aucun y estoient venu de leur volenté, pour venir veoir et servir monsigneur Charle de Blois. Et encores n'estoit li fors chastiaus d'Auroy gaegniés. Mais chil de dedens estoient si près menet et apresset de 20 famine qu'il avoient mengiet par huit jours tous leurs chevaus; et ne les voloit on prendre à merci, s'il ne se rendoient simplement. Quant il veirent que morir les couvenoit, il issirent hors couvertement par nuit, et se misent en le volenté de Dieu, 25 et passèrent tout parmi l'ost, à l'un des costés. Aucun en furent perceu et tuet. Mais messires Henris de Pennefort et messires Oliviers ses frères et pluiseur aultre se sauvèrent par un bosket qui là estoit, et en alèrent droit à Hembon devers le contesse et les 30 compagnons, chevaliers englès et bretons, qui les rechurent liement.

Ensi reconquist messires Charles de Blois le fort chastiel d'Auroi, et par affamer ceulx qui le gardoient, là où il avoit sis par l'espasse de dix sepmainnes et plus. Si le fist reffaire et rappareillier et bien garnir de gens d'armes et de toutes pourveances; 5 et puis s'en ala à tout son ost assegier le cité de Vennes, dont messires Joffrois de Malatrait estoit chapitains, et se loga tout au tour. A l'endemain, aucun compagnon breton et saudoiier, qui gisoient en une ville que on claime Plaremiel, 10 issirent hors et se misent en aventure de gaegnier. Si vinrent estourmir l'ost monsigneur Charle, et se ferirent à l'un des corons secretement; mais il furent enclos quant li hos fu estourmis, et perdirent de leurs gens grossement. Li aultre s'en fuirent et furent 15 sievi jusques assés priès de Plaremiel, qui estoit assés priès de Vennes. Quant cil de l'host qui estoient armet furent revenu de le cace, il alèrent de ce retour meismes assallir le ville de Vennes fortement et radement, et gaegnièrent par force les bailles jusques 20 à le porte de le cité. Là eut très fort assaut, et pluiseurs mors et navrés d'une part et d'autre, et dura jusques à le nuit. Adonc fu acordé uns respis qui devoit durer l'endemain tout le jour, pour les bourgois consillier, s'il se vorroient rendre ou non. 25 A lendemain, il furent si consilliet qu'il se rendirent, maugret monsigneur Joffroi de Malatret leur chapitainne. Et quant il vei chou, il se mist hors de le cité desconnuement, endementrues que on parlementoit, et s'en ala par devers Hembon. Et li parlemens 30 se fist ensi, que messires Charles de Blois et tout li signeur entrèrent en le cité, et prisent le feaulté des bourgois, et se reposèrent en le cité par cinq jours. Puis s'en partirent et alèrent assegier une aultre forterèce et bonne cité que on claime Craais. Or lairai à parler un petit d'yaus, et retourrai à monsigneur Loeis d'Espagne qui s'estoit mis en mer, 5 ensi que vous avés oy ci dessus.

Quant messires Gautiers de Mauni et messires Amauris de Cliçon sceurent les nouvelles de monsigneur Loeis d'Espagne et de ses compagnons, il eurent conseil qu'il iroient celle part. Puis le descouvrirent à 20 monsigneur Yvon de Trigri, au chastelain de Gingant, au signeur de Landreniaus, à monsigneur Guillaume de Quadudal, as deus frères de Pennefort, et à tous les chevaliers qui là estoient dedens Hembon, qui tout s'i acordèrent de bonne volenté. Lors se misent 25 tout en leurs vaissiaus, et prisent trois mille arciers avoecques yaus, et ne cessèrent de nagier jusques à tant qu'il vinrent droit au port, là où les naves monsigneur Loeis estoient ancrées. Si entrèrent dedans, et tuèrent tous chiaus qui les naves gardoient. Et 30 trouvèrent ens si grant avoir qu'il s'en esmervillièrent durement, que li Geneuois et li Espagnol avoient là dedens aportet. Puis se misent à terre, et veirent en pluiseurs lieus villes et maisons ardoir. Si se partirent en trois batailles, par grant sens, pour plus tost trouver leurs ennemis, et laissièrent trois cens arciers 5 pour garder leur navie et l'avoir qu'il avoient gaegniet; puis se misent à le voie par devers les fumières par pluiseurs chemins.

Ces nouvelles vinrent à monsigneur Loeis d'Espagne que li Englès estoient arrivet efforciement et le queroient. 10 Si rassambla toutes ses gens, et se mist au retour par devers ses naves, pour entrer dedens. Ensi qu'il s'en revenoit, tout cil dou pays le poursievoient, hommes et femmes qui avoient perdu lor avoir; et il se hastoit tant qu'il pooit. Si encontra l'une des trois 15 batailles, et vey bien que combatre le couvenoit. Se se mist tantost en bon couvenant, car il estoit hardis chevaliers et confortés durement. Et fist là aucuns chevaliers nouviaus, et especialment un sien neveut que on appelloit Aufons. Si se ferirent li dis messires 20 Loeis d'Espagne et ses gens en ceste première bataille si radement qu'il en ruèrent tamaint par terre; et euist esté tantost toute nettement desconfite et sans remède, se n'euissent esté les aultres deus batailles qui y sourvinrent, par le cri et le hu qu'il 25 avoient oy des gens dou pays. Lors commença li hustins à renforcer, et li arcier si fort à traire que Geneuois et Espagnol furent desconfit et priès que tout mort et tuet à grant meschief, car cil dou pays qui les sievoient à bourlès et à pikes y sourvinrent, 30 qui les partuèrent tous, et rescouoient ce qu'il pooient de leur perte: si ques à grant meschief li dis messires Loeis se parti de le bataille, durement navrés en pluiseurs lius, et s'en afui par devers ses naves, tous desconfis. Et ne ramena de bien sis mille hommes qu'il avoit avoech lui plus hault de trois cens; et y laissa mort son neveu que moult amoit, 5 monsigneur Aufons d'Espagne, dont il estoit en coer et fu puissedi moult destrois, mais amender ne le peut.

Quant il fu venus à ses naves, il cuida ens entrer, mais il les trouva si bien gardées qu'il ne peut ens entrer. Si se mist en un vaissiel que on 10 claime lique, à grant meschief et à grant haste, à tout ce de gens qu'il avoit d'escapés, et se mist à nagier fortement en voies. Quant cil chevalier d'Engleterre et de Bretagne dessus nommet eurent desconfis leurs ennemis, et il perçurent que li dis messires Loeis 15 s'en estoit partis et alés par devers les vaissiaus, il se misent tout à aler après lui tant qu'il purent, et laissièrent les gens del pays couvenir del remanant et yaus vengier, et reprendre partie de chou que on leur avoit robet. Quant il furent venu à leurs vaissiaus, 20 il trouvèrent que li dis messires Loeis estoit entrés en une lique qu'il avoit trouvet, et s'en aloit fuiant tant qu'il pooit. Il entrèrent tantost ens ès plus appareilliés vaissiaus qu'il trouvèrent là, et nagièrent tant qu'il purent apriès le dit monsigneur 25 Loeis, car il leur estoit avis qu'il n'avoient riens fait, se li dis messires Loeis leur escapoit. Il eurent bon vent si com à souhet, et le veoient toutdis nagier devant yaus si fortement qu'il ne le pooient raconsievir. Tant nagièrent à force de bras li maronnier 30 monsigneur Loys qu'il parvinrent à un port que on claime le port de Gredo. Là descendi li dis messires Loeis et cil qui escapet estoient avoecques lui, et entrèrent en le ville de Gredo. Il ne furent mies gramment arresté en le ditte ville, quant il oïrent dire que li Englès estoient arrivé, et qu'il descendoient pour yaus combatre. Adonc se hasta li dis messires Loeis, qui 5 ne se vei meis à pareçon contre yaus; et monta sour petis chevaus qu'il emprunta en le ville, et s'en ala droit par devers le cité de Rennes qui estoit assés priès de là. Et montèrent ossi ses gens, qui peurent recouvrer de chevaus; et qui ne peurent, il se partirent 10 tout à pied, sievans leurs mestres. Si en y eut pluiseurs des lassés et des mal montés ratains et raconsievis, qui eurent mal finet quant il cheirent ens ès mains de leurs ennemis. Toutes fois, li dis messires Loeis d'Espagne se sauva, et ne le peurent li 15 Englès raconsievir, et s'en vint à petite compagnie en le cité de Rennes.

Et li Englès et li Breton s'en retournèrent et vinrent à Gredo, et là se reposèrent celle nuit. L'endemain, il se remisent en chemin par mer, pour revenir 20 à Hembon par devers le contesse leur dame, mais il eurent vent contraire. Si leur couvint prendre terre à trois liewes priès de le ville de Dinant; puis se misent au chemin par terre, ensi qu'il peurent, et gastèrent le pays entours Dinant. Et prendoient 25 chevaus telz que cescuns pooit trouver, li uns à selle, li aultres sans selle, et alèrent tant qu'il vinrent une nuit assés priès de Roceperiot. Quant il furent là venu, messires Gautiers de Mauni dist certainement à ses compagnons: «Signeur, jou 30 iroie volentiers assallir à ce fort chastiel, se jou avoie compagnie, com travilliés que je soie, pour assaiier se nous y porions riens conquester.» Li aultre chevalier respondirent tuit: «Sire, alés y hardiement, nous vous sievrons jusques à le mort.» Adonc se misent tout à monter contremont le montagne, tous apparilliés d'assallir. A ce point estoit laiens 5 ycilz escuiers que on clamoit Gerard de Malain, com chastelains, qui avoit esté prisonniers à Dignant, si com vous avés oy, li quelz fist armer apertement toutes ses gens et traire as garites et as deffenses; et ne se mist point derrière, mais vint o toutes ses gens pour 10 deffendre le chastiel. Là ot un fort assaut, dur et perilleus, et y eut pluiseurs chevaliers et escuiers navrés, entre les quelz messires Jehans li Boutilliers et messires Mahieus de Frenai furent durement bleciet; et tant qu'il les couvint raporter aval et mettre 15 gesir en un pré avoecques les autres navrés.

Quant li chevalier entendirent ces nouvelles, il furent trop durement courouciet, et fisent cesser l'assaut, et se misent à l'aler, tant qu'il peurent, qui mieulz mieulz, par devers Fauet, pour raconsievir, se 10 ilz peuissent, chiaus qui emmenoient ces prisons. Mais il ne se peurent tant haster que li dis Reniers de Malain ne fust ançois rentrés en son chastiel à tout ses prisons, qu'il peuissent venir là. Quant il furent là venu, li uns devant, li aultres après, il commencièrent 15 à assallir, si travilliet qu'il estoient; mais petit y fisent adonc, car li dis Reniers et si compagnon se deffendoient vassaument. Et jà estoit tart, et tuit estoient travilliet durement. Si eurent conseil qu'il se logeroient et se reposeroient celle nuit, pour mieus assallir 20 à l'endemain.

Ensi qu'il revenoient vers Hembon, il vinrent passant par devant un chastiel que on claime Ghoy le Forest, qui quinze jours devant estoit rendus à monsigneur Charle de Blois. Et l'avoit li dis monsigneur Charle livret pour garder à monsigneur Hervi de Lyon et à monsigneur Gui de Ghoy, qui en devant 5 le tenoit. Li quel doy chevalier n'estoient point laiens, quant cil signeur englès et breton vinrent là passant; ains estoient en l'ost monsigneur Charle, avoecques les signeurs de France, par devant le ville de Craais qu'il avoient assegiet. Quant messires 10 Gautiers de Mauni vei le chastiel de Ghoy le Forest qui estoit merveilleusement fors, il dist à ces signeurs et chevaliers de Bretagne, qui estoient avoecques lui, qu'il n'iroit plus avant ne se partiroit de là, com travilliés qu'il fust, se aroit assallit à ce fort 15 chastiel, et aroit veu le couvenant de chiaus qui estoient dedens. Si commanda tantost as arciers que cescuns le sievist, et à ses compagnons ossi. Puis prist se targe à son col et monta contremont jusques as bailles et as fossés dou chastiel, et tout li aultre 20 Breton et Englès le sievirent. Lors commencièrent fortement à assallir, et cil de dedens fortement à yaus deffendre, comment qu'il n'euissent point leur chapitainne. Là eut très fort assaut et grant fuison de bien faisans dedens et dehors, et dura longement 25 jusques à basses vespres. Et cilz bons chevaliers messires Gautiers de Mauni semonnoit fortement les assallans, et se mettoit toutdis au devant des aultres ou plus grant peril. Et li arcier traioient si (ouniement [392]) que cil dou chastiel ne s'osoient moustrer se 30 petit non. Si fisent li dis messires Gautiers et si compagnon, que li fosset furent rempli, à l'un des costés, d'estrain et de bois, par quoi il parvinrent jusques as murs, et pikièrent tant de grans maulz de fer, de pik et de martiaus, que li murs fu trawés une toise 5 de large. Si entrèrent li dit Englès et Breton dedens che chastiel par force, et tuèrent tous chiaus qu'il y trouvèrent, et se logièrent là endroit. L'endemain, il se misent au chemin, et alèrent tant en tel manière qu'il vinrent à Hembon. Et d'autre part Gerars de 10 Malain, qui estoit à Dinant venus querre le secours, et qui l'en menoit par devers Fauet, esploita tant avoecques chiaus qu'il en menoit, qu'il parvinrent à Fauet, et trouvèrent que li Englès et li Breton s'en estoient parti. Si issi Reniers de Malain contre yaus 15 et les rechut liement; et se logièrent là ens ès prés tant qu'il eurent disnet, et puis s'en retournèrent à Dinant.

A ce point que cil signeur englès et breton furent revenu à Hembon y messires Charles de Blois avoit reconquis le bonne cité de Vennes, et avoit assegiet le bonne (ville [394]) que on claime Craais. Et l'avoit durement astrainte, par quoi elle ne se pooit 10 longement tenir sans avoir secours. Par coi la contesse de Montfort et messires Gautiers de Mauni envoiièrent tantost au roy Edowart pour segnefiier à lui comment messires Charles de Blois et li aultre signeur de France et leurs aidans avoient reconquis 15 les cités, Rennes, Vennes et les aultres bonnes villes et chastiaus de Bretagne, et qu'il conquerroient tout le remanant, s'il ne les venoit secourir temprement. Chil message se departirent de Hembon, et s'en alèrent en Engleterre, tant qu'il peurent. Et arivèrent en 20 Cornuaille, et enquisent et demandèrent là dou roy où il le trouveroient. Il leur fu dit qu'il estoit à Windesore. Si chevaucièrent celle part à grant esploit.

Or nous soufferons nous un petit à parler de ces messagiers, et retournerons à monsigneur Charle de 25 Blois et à chiaus de son costé qui avoient assegiet le ville de Craais; et tant le constraindirent, par assaus et par engiens, qu'il ne se peurent plus tenir et se rendirent à monsigneur Charle, salve leurs biens et leur avoir, li quelz dis messires Charles les prist à merci. Et cil de Craais li jurèrent feaulté et hommage, et le recogneurent à signeur. Si y mist li dis messires Charles nouviaus officiers qui li jurèrent loyaulté à tenir, et leur delivra un bon chevalier à 5 chapitainne en qui moult il se confioit. Et sejournèrent là li dit signeur pour yaus et leurs gens rafreschir, bien quinze jours. Là en dedens eurent il conseil et avis qu'il se trairoient par devant le ville de Hembon. 10