Part 2 — MY PEGGY
Reading edition
My Peggy is a young thing, Just entered in her teens, Fair as the day, and sweet as May, Fair as the day, and always gay: My Peggy is a young thing, And I'm na very auld, Yet weel I like to meet her at The wauking o' the fauld.
My Peggy speaks sae sweetly Whene'er we meet alane, I wish nae mair to lay my care, I wish nae mair o' a' that's rare: My Peggy speaks sae sweetly, To a' the lave I'm cauld; But she gars a' my spirits glow At wauking o' the fauld.
My Peggy smiles sae kindly Whene'er I whisper love, That I look doun on a' the toun, That I look doun upon a croun: My Peggy smiles sae kindly, It makes me blithe and bauld, And naething gi'es me sic delight As waulking o' the fauld.
My Peggy sings sae saftly, When on my pipe I play; By a' the rest it is confessed, By a' the rest that she sings best: My Peggy sings sae saftly, And in her sangs are tauld, Wi' innocence the wale o' sense, At wauking o' the fauld.
Allan Ramsay [1686-1758]