Part 2 — MY LADDIE
Reading edition
Oh, my laddie, my laddie, I lo'e your very plaidie, I lo'e your very bonnet Wi' the silver buckle on it, I lo'e your collie Harry, I lo'e the kent ye carry; But oh! it's past my power to tell How much, how much I lo'e yoursel!
Oh, my dearie, my dearie, I could luik an' never weary At your een sae blue an' iaughin', That a heart o' stane wad saften, While your mouth sae proud an' curly Gars my heart gang tirlie-wirlie; But oh! yoursel, your very sel, I lo'e ten thousand times as well!
Oh! my darlin', my darlin', Let's flit whaur flits the starlin', Let's loll upo' the heather A' this bonny, bonny weather; Ye shall fauld me in your plaidie, My luve, my luve, my laddie; An' close, an' close into your ear I'll tell ye how I lo'e ye, dear.
Amelie Rives [1863-