Part 2 — A RED, RED ROSE
Reading edition
O, my luve's like a red, red rose That's newly sprung in June; O, my luve's like the melodie That's sweetly played in tune.
As fair thou art, my bonnie lass, So deep in luve am I; And I will luve thee still, my dear, Till a' the seas gang dry.
Till a' the seas gang dry, my dear, And the rocks melt wi' the sun; I will luve thee still, my dear, While the sands o' life shall run.
And fare-thee-weel, my only luve! And fare-thee-weel a while! And I will come again, my luve, Though it were ten thousand mile.
Robert Burns [1759-1796]