PSALM CXIV.
Reading edition
Ægypti terram linquens Domus Israelis Haud sine divino numine carpit iter. En Pontus fugit aspiciens, Jordanus et ipse Ad fontem versis usque recurrit aquis. Tum quoque, ut exsultant agni prolesve caprarum, Sic scopuli et montes exiliere loco. Cur tu, Ponte, fugis? cur tu, Jordane, recurris? Cur scopuli et montes exiliere loco? Omniparens mater Tellus, tun’ quo duce nescis Insolitum hæc faciat gens iter? Ipsa treme, Præsentemque agnosce Deum, qui flumen arenis Edidit, et silices fundere jussit aquam: Cui placuit populum loca per deserta regenti Tandem in promissa sede locare suum.