A request made to the pope that he would vouchsafe to confirme the foresaid charter.

Sanctissimo In Christo patri I. Dei gratia summo pontifici, Alexander eadem gratia rex Scotiæ, comes Patricius, comes de Strathern, comes Leuenox, comes de Anegui, comes de Marra, comes de Atholia, comes de Ros, comes de Catnes, comes de Buth, Rogerus de Mowbray, Rogerus de Abirnethiæ, Petrus de Mauuere, Richardus Cumin, Wilhelmus de veteri Ponte, Robertus de Bruis, Rogerus Auenel, Richardus de Sully, Wilhelm. de Murray de Dunfel, Wilhelmus de Muref de Petin, Iohannes Biset iuuenis, Wilhelmus de Lindesey, Iohannes de Vallibus, Dauid de Lindesey, Wilhelmus Gifford, Duncanus de Ergatilia, I. de Matreuers, Hemerus filius eius, Rogerus comes Wintoniensis, H. comes Oxoniensis, W. de Vescy, Richardus Siward, Wilhelmus de Ros, Rogerus de Clere, Henricus filius comitis de Brettere, Eustacius de Stoutville, Malcolmus de Fif come de Mentethshire, Walterus filius Alani, Walterus Olifar, Barnardus Fraser, Henricus de Bailliol, Dauid Cumin, Dauid Mareschallus, Dauid filius Ranulfi, Wilhelmus de Fortere, Ioannes de Bailliol, & Robertus de Ros, salutem & debitam cum omni honore reuerentiam.

Sanctitati vestræ significamus, nos sacramentum corporaliter præstitisse coram venerabili patre Othone, tituli S. Nicolai in carcere Tulliano diacono cardinalium, in Anglia, Scotia, & Hibernia, nunc Apostolicæ sedis legato, ac chartam nostram confecisse, quæ ita incipit: Sciant præsentes & futuri, quòd ita conuenit in præsentia domini Othonis sancti Nicholai, &c. Quæ charta penes dominum regem Angliæ, & nos remanet chyrographata. Item aliam quæ sic incipit: Ad omnium vestrum notitiam volumus peruenire. Cum vt ex forma præcedentium nostrarum pateat obligationum subiecimus nos iurisdictioni vestræ, vt nos & hæredes nostros, per censuram ecclesiasticam possitis coërcere, si aliquo tempore contra memoratam pacem venerimus.

Et si nonnunquam continget, quòd quidam nostrum omnes vel vnus contrauenire temerè præsumpserint vel præsumere nituntur vel nitentur; & ex hoc tam animabus nostris quàm hæredum nostrorum graue possit generari periculum, & corporibus nostris & rebus non minimum immineret detrimentum: sanctæ paternitati vestræ supplicamus, quatenus alicui suffraganeorum archiepiscopi Cantuariensis detis in mandatis, vt nos & hæredes nostros ad præfatæ pacis obseruationem compellat, prout in instrumentis inde confectis pleniùs continetur. Aliàs super eadem pace quod canonicum fuerit auctoritate vestra statuat contradictores, &c. Et ad istius petitionis nostræ consummationem præsenti scripto sigilla nostra apposuimus.