ADDITAMENTA SUPERIORI CANTICO.
Reading edition
Ingenij amplitudinem Jam satis ostendisti, Et eloquentiæ fructus Abundè protulisti: Sed parce, tibi, parcito, Ne omne absumatur, Ne tandem tibi arido Nil suavi relinquatur. Jam satis oppugnasti, O Polyphemi proles! Et tanquam taurus gregis Nos oppugnare soles. Sed parce, tandem, parcito, Tuis laudatus eris, Et nunc inultus tanquam stultus A nobis dimitteris.