PLANTAE VASCULARES.

IV. LYCOPODIACEAE.

IX. TMESIPTERIS Bernh. in Schrad. Journ. 1801. I. 131.

(Lycopodii sp. Spreng. Psiloti sp. R. Brown.)

Capsulae axillares sessiles didymae 2loculares, loculis semi-2-valvibus.

16. TMESIPTERIS FORSTERI; foliis acuminatis setaceo-mucronatis.

Osmundoides Forst. in Herb. Spreng. Lycopodium tannense Spreng. in Schrad. Journ. 1801. I. 267. Tmesipteris tannensis Bernh. l. c. t. 2. f. 5. Schkuhr. Fil. t. 165. b. Ferd. Bauer Illust. pl. Norfolk. t. 118.

Crescit in insulae Norfolk filicum arborescentium caudicibus. (Ferd. Bauer).

OBSERVATIO. Tmesipterim Forsteri in Nova-Zeelandia, ubi eandem nuper etiam a Frasero lectam fuisse Hookerus auctor est, nec in insula Tanna, quemadmodum Sprengelius et Bernhardius perhibent, a Forsteris esse repertam; fide speciminum herbarii Banksiani Rob. Brown testatur. Ab hac differt eodem Brownio judice planta congener in Nova-Hollandia orientali et insula Diemen indigena: Tmesipteris Billardieri, foliis apice truncatis, mucrone setaceo, quae: Tmesipteris tannensis Labill. nov. Holl. II. 105. t. 252. excl. synonymis. Psilotum truncatum R. Brown prodr. I. 164.

V. MARATTIACEAE.

X. MARATTIA Swartz synops. 7.

(Myriotheca Commers. Celanthera Thouin.)

Sori ovales submarginales, in venis singulis singuli, fornicati, rimâ longitudinali 2valves. Capsulae connatae, utrinque sori valvulae adnatae, intus rimâ hiantes.

17. MARATTIA ELEGANS, fronde 2pinnata, pinnulis oppositis elongato-lanceolatis acuminatis apice argute serratis, basi truncato-cuneatis, caudice paleaceo, rhachi glabriuscula tereti.

Ferd. Bauer Illustr. pl. Norfolk. t. 189.

Crescit in insula Norfolk. (Ferd Bauer.)

Filix biorgyalis; caudicibus ex eodem rhizomate pluribus orgyalibus, teretiusculis, paleis copiosis conspersis, e baseos diametro 2pollicari sensim attenuatis, frondem 2pinnatam elegantissime subnutantem pandentibus. Pinnae suboppositae, densatae 8-10, 2-3pedales, rhachi basi tumida, teretiuscula, apicem versus subcompressa, obsolete alata, glabra, nonnisi ad pinnularum

{7}

exortum paleis aliquot fugacibus conspersa. Pinnulae suboppositae, 20-25, brevissime petiolatae, versus pinnae basim approximatae, interstitiis semipollicaribus; prope apicem remotae pollicem dissitae, 2-3 pollices longae, pinnarum inferiorum interdum 6 pollicares, 6-8 lineas latae, lanceolatae, acuminatae, basi truncato-cuneatae, subinaequilaterae, apice argute serratae, caeterum integerrimae, margine subrevolutae, coriaceae, glabrae, subtus pallidiores, nervo medio utrinque prominente, e basi crassiore sensim angustato, subtus prope basim furfure paleaceo consperso. Venae horizontales suboppositae, simplices v. prope basim aut medio bifurcae, cruribus convergentibus. Sori prope pinnularum margines singulis venis v. venarum cruribus singuli insidentes, approximati, inde qua pinnulae basis abruptim attenuatur usque ad apicis serrati initium non interrupta serie continui, magnitudine sororum Marattiae fraxineae, ovato elliptici, coriacei, marginibus primum arcte conniventibus clausi, iisdem demum longitudinaliter apertis hiantes, intus ad utramque valvulam capsulas 8-9, seriatim connatas, longitudinaliter dehiscentes fovent.

VI. POLYPODIACAE.

XI. POLYPODIUM Linn gen. n. 1179.

Sori subrotundi, seriati, sparsi v. conferti. Indusium nullum.

18. POLYPODIUM TENELLUM; fronde pinnata glabra, pinnis alternis remotis elongato-lanceolatis acuminatis, basi cuneato-truncatis, subpetiolatis, repando-crenatis, soris submarginalibus utrinque 1serialibus, caudice squamoso radicante.

Polypodium tenellum Forst. prodr. n. 440. Swartz synops. 233* Schkuhr Filic. t. 16. R. Brown prodr. 147. Spreng. syst. IV. 54.

Crescit in insula Norfolk. (Ferd. Bauer.)

19. POLYPODIUM BILLARDIERI, fronde integerrima pinnatifidave coriacea marginata glabra, laciniis lineari-lanceolatis, acutis, venis anastomosantibus, soris solitariis subsaccatis, caudice squamoso repente.

Polypodium scandens Labill. nov. Holl. II. 91. t. 240. non Forst. Polypodium diversifolium Willd. sp. IV. 1453. Polypodium Billardieri R. Brown prodr. 147.

Crescit in insula Norfolk. (Ferd. Bauer.)

20. POLYPODIUM RUGOSULUM, fronde 3pinnata, pinnulis profunde pinnatifidis oblongis, laciniis ovatis obtusis obtuse serratis, soris solitariis submarginalibus, stipite rhachibusque universalibus supra canaliculars asperis, partialibus hirtis.

Polypodium rugosulum Labill. nov. Holl. 2. 92. t. 241. Brown prodr. 147. Kaulf. enum. 122.

Crescit in insula Norfolk. (Ferd. Bauer.)

{8}

XII. NIPHOBOLUS Kaulf. enum. 124.

(Cyclophorus Desv. Candollea Mirb. Polypodii et Acrostichi sp. Auct.)

Sori annulares aut rosacei, conferti v. sparsi; pilis stellatis obducti. Indusium nullum. Blum. Fl. Jav. Filic. p. 48.

21. NIPHOBOLUS SERPENS, caudice squamoso radicante ramosissimo, frondibus integerrimis stellato-tomentosis subtus incanis, sterilibus lanceolatis v. oblongis obovatisve obtusis fertilibusque lineari-lanceolatis basi in stipitem attenuatis, soris confertis magnis prominentibus subconfluentibus.

Polypodium serpens Forst. prodr. n. 435. Polypodium stoloniferum Gmel. syst. II. 1305. Polypodium stellatum Vahl symb. III. 104. Schkuhr Fil. 1. 8. f. 1. A. Rich. Fl. nov. Zeel. p. 64. Niphobolus bicolor Kaulf. enum. 128. Hook. et Grev. ic. t. 44. Polypodium rupestre R. Brown prodr 146 Niphobolus rupestris Spreng. syst. IV. 44. Hook. et Grev. ic. t. 93. Polypodium elaeagnifolium Bory ad Duperr. 259. t. 31. f. 1. ? Niphobolus macrocarpus Hook. ad Beechey p. 74. t. 18.

Crescit in insula Norfolk. (Ferd. Bauer.)

Specimina nostra referunt formam ab Hookero Grevilleoque Niphoboli rupestris nomine t. 93. depictam.

XIII. ASPIDIUM Swartz synops. 42.

Sori subrotundi dorsales. Indusium orbiculare peltatum stipitatum, in medio soro insertum, undique liberum. R. Brown prodr. 1. 147.

22. ASPIDIUM CORIACEUM, frondibus decompositis deltoideis coriaceis glabris, foliolis pinnatis, pinnulis lineari-oblongis: superioribus crenatis; inferioribus pinnatifidis, lobulis infimis discretis crenatis, rhachi squamosa, stipite aspero.

Aspidium coriaceum Swartz synops. Fil. 57. Schkuhr Filic. t. 50. R. Brown prodr. 1. 147. A. Rich. Fl. nov. Zeel. p. 71. Polypodium adiantiforme Forst. prodr. n. 449.

Crescit in insula Norfolk. (Ferd. Bauer.)

23. ASPIDIUM ARISTATUM, frondibus 2pinnatis, foliolis petiolatis rhomboideo-oblongis mucronato-serratis glabris basi sursum auriculatis, infimis pinnatifidis, stipite rhachique paleacea.

Polypodium aristatum Forst. prodr. n. 448. Aspidium aristatum Swartz synops. 53. et 421. Schkuhr t. 42. Spreng. syst. IV. 106.

Crescit in insula Norfolk. (Ferd. Bauer.)

{9}

XIV. NEPHRODIUM L. Cl. Rich. in Michx: Fl. bor. amer. II. 266.

Sori rotundi dorsales. Involucrum reniforme sinu affixum, marginibus liberis.

24. NEPHRODIUM MICROSORUM, frondibus deltoideis tripinnatis membranaceis glabris, pinnulis decurrenti-coadunatis oblongis obtusis incisis pinnatifidisve, lobis acutiusculis serrato-incisis, stipite basi aculeato, rhachi costisque puberulis.

Aspidium microsorum Kaulf! in Sieb. synops. filic. n. 101.

Crescit in insula Norfolk. (Ferd. Bauer.)

25. NEPHRODIUM CALANTHUM, frondibus deltoideis tripinnatis rigidiusculis glabris, pinnulis decurrenti-coadunatis oblongis obtusis incisis pinnatifidisve, lobis acutissimis serrato-incisis; stipite aspero, rhachi puberula, costis glabris.

Crescit in insula Norfolk. (Ferd. Bauer.)

XV. ASPLENIUM Linn. gen. n. 1174.

Sori lineares, venis lateralibus impositi. Indusia membranacea, plana, versus costam dehiscentia.

26. ASPLENIUM NIDUS, frondibus amplissimis subsessilibus oblongo-lanceolatis basi attenuatis subintegerrimis glabris, costa subtus planiuscula, soris confertis.

Asplenium Nidus Linn. sp 1173. Forst prodr. n. 425. Brown prodr. 150. Gaudich. ad Freyc. p 313. Kaulf. enum. p. 164. Bory ad Duperr p. 79. Hook. ad Beechey p. 62. Blum. enum. pl. Jav. II. 173. Ferd. Bauer Illustr. pl. Norfolk. t 117.

Crescit in insula Norfolk. (Ferd. Bauer.)

27. ASPLENIUM FALCATUM, frondibus pinnatis glabris, pinnis trapezoideo-lanceolatis acuminatis basi attenuatis inaequilateris subpetiolatis inciso-serratis, serraturis dentatis, soris brevibus nervo medio fere parallelis, stipite laevi.

Asplenium falcatum Swartz synops. 77. R. Brown prodr. 150. A. Rich. Fl. nov. Zeel. 73.

Crescit in insula Norfolk. (Ferd. Bauer.)

28. ASPLENIUM DIFFORME, frondibus coriaceis pinnatis glabris, pinnis oblongis basi pinnatifidis, lobis cuneato-obovatis, superne inciso-crenatis.

Asplenium difforme R. Brown prodr. 151.

Crescit in insula Norfolk. (Ferd. Bauer.)

Frons ½-1 pedalis coriacea, glabra, stipite flexuoso, angulato, submarginato, pinnata. Pinnae alternae utrinque circiter 15, inferiores pollicares, superiores breviores, summae tandem confluentes, basi pinnatifidae, apice inciso crenatae; lobis obovatis

{10}

obtusis 6 lineas longis, 3 lineas latis, basi cuneatis, integerrimis, apice inciso-crenatis. Sori lineares elongati conferti, in superiori pinnae parte profundius saepe incisa submarginales, Asplenii in Caenopterim transitum egregie demonstrant.

29. ASPLENIUM DIVERSIFOLIUM, fronde sterili 2pinnata, pinnulis cuneatis apice incisis basi integerrimis, fertili supradecomposita, laciniis linearibus integris v. 2-3 furcis submonosoris, soris marginalibus.

Asplenium diversifolium Cunningh. in Loudon hort. brit. suppl. p 581.

Crescit in insula Norfolk, filicum arborescentium caudicibus parasiticum. (Ferd. Bauer. Cunningh.)

Frons sterilis circumscriptione ovato-lanceolata semipedalis, latitudine baseos 5 pollicari, stipite acute angulato 6pollicari glaberrimo, laevi; 2pinnata: pinnis utrinque senis octonisve oppositis, inferioribus pollicem dissitis, 2½ pollicaribus, superioribus approximatis sensim minoribus, extremis subintegris. Pinnulae utrinque 4-5, alternae, ovatae v. obovatae 9 lin. longae, 6 lineas latae obtusae, basi cuneatae integerrimae, latere inferiori truncatae, superiori interdum lobo auctae, apice incisae, incisuris obtusis; venulis acutangulis parallelis confertis, simplicibus et apice aut supra medium 2-v. rarius 3 furcis, inferiores distinctius petiolatae, superiores in rhachim complanatam marginatum decurrentes, summae tandem confluentes. Frons fertilis 2 - 3pedalis, supradecomposita, laciniis linearibus semipollicem longis, integris v. 2-3furcatis, latere interiori juxta totam longitudinem, nunc basi vel medio, nonnunquam utroque latere monosoris, extimis interdum confluentibus sterilibus.

30. ASPLENIUM ASSIMILE, fronde triplicato-pinnata membranacea flaccida ovato-lanceolata, pinnis pinnulisque alternis petiolatis, foliolis sessilibus v. subdecurrentibus inciso-serratis pinnatifidisque, lobo infimo latere superiore productiori, soris biseriatis, nervo medio subcontiguis.

Crescit in insula Norfolk. (Ferd. Bauer.)

Stipes, cujus nonnisi summitates penna corvina vix crassiores video, rhachisque primaria subtetragonus compressus, antice profunde sulcatus, laevis glaberrimus, coloris sordide straminei hinc inde imprimis ad pinnarum exortum fusco-maculatus. Frons sesquipedem longa, pedem lata, ovato-lanceolata, membranacea, glaberrima, triplicato-pinnata. Pinnae alternae, pollicem dissitae, ovato-oblongae acuminatae, infimae ad angulum rectum patentes semipedales, subsequae octo pollices longae, 2 pollices latae, summae sensim breviores. Pinnarum rhachis gracilis, dorso convexa, antice profunde sulcata. Pinnulae alternae, 3 - 4 lineas dissitae, oblongae, infimae obtusae, pollicem longae, 6 lineas latae, superiores acuminatae sesquipollicares, omnes brevissime petiolatae. Foliola ovato-oblonga obtusa, par infimum oppositum petiolulatum, reliqua alterna sessilia, adnato-decurrentia, summa coadunata inciso-serrata v. subpinnatifida, lobo infimo denteve sursum productiori, soris ad basim foliorum 4-6 subuniseriatis, nervo medio contiguis e venulae bifurcatae ramulo superiori ortum ducentibus.

{11}

XVI. ALLANTODIA R. Brown prodr. I. 149.

Sori oblongi ad costam obliqui. Indusium membranaceum fornicatum, utroque margine venulae lateraliter adnatum, intus dehiscens.

31. ALLANTODIA AUSTRALIS, fronde 2pinnata membranacea, flaccida, deltoidea, pinnulis pinnatifidis apice attenuatis, lobis oblongis obtusis, soris oblongis confertis.

Allantodia australis R. Brown prodr. 1. 149.

Crescit in insula Norfolk. (Ferd. Bauer.)

XVII. DOODIA R. Brown prodr. 1. 151.

Sori lunulati v. lineares, costae paralleli, ab ea remoti. Indusia e ramulo venae anastomosante orta, plana, superficiaria, introrsum libera.

32. DOODIA CAUDATA, frondibus pinnatis, pinnis approximatis lineari-oblongis obtusiusculis mucronato-serrulatis, infimis petiolatis basi rotundatis, terminali elongato-lineari, stipite abbreviate.

Woodwardia caudata Cav. demonstr. 1801 n. 653. Swartz. synops. 116. Doodia caudata R. Brown prodr 1. 115. Hook. exot. Flor. t. 25. Gaudich ad Freyc. p. 401. A. Rich. Fl. nov. Zeel p. 76.

Crescit in insula Norfolk. (Ferd. Bauer.)

33. DOODIA KUNTHIANA, frondibus pinnatis, pinnis remotis, lineari-lanceolatis acutiusculis mucronato-serrulatis, infimis petiolatis basi cordatis, terminali lineari stipiteque elongato.

Doodia Kunthiana Gaudich. ad Freyc. p. 401. t 14 Hook. ad Beechey. p. 74. et 107.

Crescit in insula Norfolk. (Ferd. Bauer.)

XVIII. STEGANIA R. Brown prodr. 152.

Sori lineares continui, capsulis demum dorsum totum frondis, (nunc pinnae) diversae contractae operientibus. Involucrum marginale scariosum, continuum, introrsum liberum v. dehiscens. R. Brown l. c.

34. STEGANIA LANCEOLATA, frondibus sterilibus pinnatifidis lanceolatis, laciniis oblongo-subfalcatis crenulato-repandis, infimis abbreviatis semi-orbicularibus, fertilibus pinnatis, pinnis linearibus acutis patentibus.

Stegania lanceolata R. Brown prodr. 1. 152. A Rich. Fl. nov. Zeel. pag. 86.

Crescit in insula Norfolk. (Ferd. Bauer.)

{12}

XIX. VITTARIA Smith in Mem. Acad. Turin. V. p. 413.

Sori lineares continui marginales v. dorsales. Indusium geminatum continuum, textura frondis, alteram extrorsum, alteram introrsum liberum.

35. VITTARIA RIGIDA, frondibus linearibus subfalcatis rigidis ecostatis planis, soris marginalibus.

Vittaria rigida Kaulf. enum. 193. Bory ad Duperr. I. 274. Hook. ad Beechey p. 75.

Crescit in insula Norfolk. (Ferd. Bauer.)

XX. PTERIS Linn. gen. n. 1174.

Sori lineares marginales continui; capsulis in sinu indusii insertis. Involucrum marginale continuum scariosum, introrsum liberum. R. Brown prodr. 153.

36. PTERIS ESCULENTA, frondibus 3pinnatis, pinnulis linearibus obtusiusculis decurrenti-coadunatis subtus pubescentibus integris, infimis basi pinnatifidis, terminalibus elongatis, rhachi glabra.

Pteris esculenta Forst. prodr. n. 418. Plant. esc. p. 47. Sckhuhr Fil. t. 97. Swartz synops. 296. Labill. nov. Holl. t. 243. R. Brown prodr. 154. A. Rich. Fl. nov. Zeel. p. 79. excl. synon.

Crescit in insula Norfolk. (Ferd. Bauer.)

37. PTERIS BAUERIANA, frondibus 2pinnatis coriaceis glabris, pinnulis oblongis acutiusculis decurrentibus, infimis pinnatifidis rhachi stipiteque glaberrimis.

Pteris Baueriana Diesing synops. Filic. n. 439.

Crescit in insula Norfolk. (Ferd. Bauer.)

Filix subtripedalis, Pteridi tremulae R. Br. proxime affinis. Stipes crassitie pennae anserinae nitidus glaberrimus, antice profunde sulcatus, dorso convexus. Frons sesquipedalis, coriacea, glaberrima, 2pinnata. Pinnae inferiores collaterales, semipedales, superiores suboppositae, sensim breviores. Pinnulae alternae sessiles subdecurrentes, inferiores 2pollicares, 2-6 lineas dissitae, pinnatifidae; lobis 3lineas longis, lineam v. sesquilineam latis, sensim minoribus, acutiusculis v. obtusis, terminali longiori crenulato; superiores integerrimae approximatim alternae, 6 lin. longae, sesquilineam latae, acutiusculae, apicem versus abbreviatae, marginibus revolutae.

38. PTERIS BRUNONIANA, frondibus 3pinnatis membranaceis glaberrimis subtus glaucescentibus; foliolis alternis oppositisque, pinnulis oppositis sessilibus lanceolatis obtusiusculis, infimis basi repandis, superioribus confluentibus, terminali elongato, venulis anastomosantibus.

Crescit in insula Norfolk. (Ferd.. Bauer.)

{13}

Pteridi Vespertilionis affinis. Pinnas video pedales sesquipedalesque, utrinque foliolis, sessilibus subdenis duodenisve oppositis v. in altero specimine alternis, patentissimis 4-6pollicaribus, infimis sterilibus summisque brevioribus onustas. Pinnulae sessiles, oppositae, patentiusculae, 10-14 lin. longae, semipollicem latae, basi inter se coadunatae dilatatae, subrepandae, superiores breviores confluentes, terminalis elongata angustata, 2pollicaris, latitudine 3lineari, basi obsolete repanda, apice integerrima acutiuscula, omnes utrinque glaberrimae, supra obscure virides, subtus glaucescentes. Venulae anastomosantes. Sori continui v. rarius interrupti; indusia angustissima, demum patentiuscula. Rhachis communis partialesque glaberrimae.

39. PTERIS COMANS, fronde membranacea glabra pinnata, pinnis subsessilibus profonde pinnatifidis, laciniis approximatis lineari-lanceolatis acuminatis, infimis pinnatifidis, superioribus integris apice serratis, soris continuis latiusculis, venulis reticulatim anastomosantibus.

Pteris comans Forst. prodr. n. 419. Swartz synops. 292. Schkuhr t. 92. Willd. sp V. 381. A. Rich. Fl. nov. Zeel. p. 79.

Crescit in insula Norfolk. (Ferd. Bauer.)

40. PTERIS KINGIANA, frondis coriaceae 3partitae ramis pinnatis, pinnis pinnatifidis glaberrimis, laciniis lineari-subfalcatis acutiusculis integerrimis.

Crescit in insula Norfolk. (Ferd. Bauer.)

Filix subbipedalis, stipite pennae columbinae crassitie rubro fusco, glaberrimo, nitido, antice profunde sulcato. Frons coriacea glaberrima, 3partita. Rami pinnati, pinnis pinnatifidis; laterales in specimine observato 9 pollices longi, erecto-patentes, utrinque pinnis 3-4 onusti; pinnae approximatim alternae, subsexpollicares, inferior supremi et infimi paris dimidio fere brevior v. plane nana. Rami medii pinnae alternating collaterales, utrinque 5-6, erecto-patentes, omnes usque ad costam pinnatifidae. Laciniae coriaceae lineari-subfalcatae acutiusculae integerrimae glaberrimae suboppositae, rami medii pollicares, 2½ lineam latae, lateralium 7 lineas longae, latitudine 3lineari, obtusiusculae, omnes basi deorsum dilatatae sinu acuto disjunctae; terminalis elongata. Nervus laciniarum prominulus, venulas alternas, prope basim late 2furcas exserens. Indusia membranacea, ½ lineam lata, paullo supra basim laciniae exorta, infra apicem desinentia.

41. PTERIS ZAHLBRUCKNERIANA, frondis membranaceae 3partitae ramis pinnatis glaberrimis, pinnis pinnatifidis, laciniis lato-lanceolatis subfalcatis decurrenti-coadunatis, infimis subdiscretis basi repandis, omnibus apice sterili crenato-incisis, venulis reticulatim anastomosantibus.

Crescit in insula Norfolk. (Ferd. Bauer.)

Pteridi irregulari Kaulf. affinis. Frons 2pedalis 3partita, membranacea glaberrima. Stipes pennae corvinae crassitie angulatus, sulcis profundis exaratus, glaberrimus, laevis, nitido-stramineus. Rami pinnati. Pinnae suboppositae 2-3, ½ pollicem dissitae,

{14}

semipedales, pinnatifidae, nonnullae apice interdum irregulariter multifidae. Laciniae lato-lanceolatae subfalcatae, acutae, pollicem longae, 4-5 lineas latae, alato-coadunatae, infimae subdiscretae, basi repandae, saepe minores v. nanae, terminalis elongata, omnes apice sterili crenato-incisae. Nervus laciniarum, subtus prominulus; venulae reticulatim anastomosantes. Indusia membranacea lineam lata, infra apicem desinentia.

42. PTERIS TRATTINICKIANA, frondis membranaceae 3partitae ramis pinnatis, pinnis pinnatifidis, laciniis oblongo-linearibus obtusis discretis, argute serrulatis, venulis furcatis, soris interruptis.

Crescit in insula Norfolk. (Ferd. Bauer.)

Frons sesquipedalis 3partita membranacea glaberrima. Stipes pennae corvinae crassitie, antice sulcatus, dorso convexiusculus, glaberrimus, laevis, fusco-sanguineus nitidus. Rami pinnati, laterales divaricato-patentes. Pinnae approximatim alternae, paribus 1½-2 pollices dissitis, 4-5 pollicares, usque ad costam pinnatifidae. Laciniae oblongo-lineares, erecto-patentes obtusae, 9 lineas longae, 3 lineas latae; alternae, discretae, infimae basi subpinnatifidae, omnes argute serrulatae. Nervus laciniarum subtus vix prominulus, venulas alternas supra medium 2furcas exserens. Indusia membranacea, interrupta, saepius unilateralia.

XXI. ADIANTUM Linn. gen. n. 1180.

Sori marginales, punctiformes v. lineares. Indusium e margine frondis replicato, disco venoso capsulifero, limbo membranaceo libero. R. Brown prodr. I. 155.

43. ADIANTUM PUBESCENS, frondibus 2pinnatis, foliolis infimis 2partitis pinnulis ovato-rhombeis antice dentatis striatis pilosiusculis scabris, involucris subrotundis confertis, rhachi stipiteque asperis.

Adiantum pedatum Forst. prodr. n. 458. non. Lin. Adiantum pubescens Schkuhr Filic. t. 116. Spreng. syst. IV. 112. A. Rich. Fl. nov. Zeel. p. 88. Adiantum hispidulum R. Brown! prodr. I. 155.

Crescit in insula Norfolk. (Ferd. Bauer.)

44. ADIANTUM AFFINE, frondibus 2pinnatis, foliolis trapezio-oblongis obtusis, margine inferiori abscissis integerrimis, superiori inciso-crenatis, crenis sorophoris emarginatis, indusiis reniformibus, rhachi glabra.

Adiantum trapeziforme Forst. prodr. n. 460. Schkuhr Filic. t. 121. non alior. Adiantum affine Willd. sp. V. 448. Spreng. syst. IV. 112. A. Rich. Fl. nov. Zeel. p. 87.

Crescit in insula Norfolk. (Ferd. Bauer.)

XXII. CHEILANTHES Swartz synops. 126.

Sori marginales punctiformes, capsulis in sinu indusii insertis. Indusium marginale, introrsum liberum scariosum, saepe obsoletum, e frondis crenula inflexa formatum.

{15}

45. CHEILANTHES ARBORESCENS, fronde triplicato-pinnata glabra, pinnulis oblongo-lanceolatis acuminatis pinnatifidis bipinnatifidisque, laciniis oblongis obtusis inciso-serratis, soris subsolitariis, caudice arborescente.

Lonchitis tenuifolia Forst. prodr. n. 424. Bernhardi über Asplenium p. 18. f. q. Cheilanthes arborescens Swartz synops. p. 336. Spreng. syst IV. 117.

Crescit in insula Norfolk. (Ferd. Bauer.)

Frondem video ovatam tripedalem, latitudine maxima bipedali, 3plicato pinnatam, utrinque glaberrimam. Rhachis primaria crassitie pennae anserinae angulata, canaliculata, laevis, glaberrima; secundariae paleis rarissimis conspersae, costae primariae subtilissime pubescentes, secundariae paleis rarissimis fere obsoletis munitae. Pinnae primariae patentes oblongo-lanceolatae, oppositae, infimae duae pedales, ¼-½ pedem dissitae; superiores sensim breviores, magisque approximatae, secundariae alternae tri-quadripollicares elongato-deltoideae. Pinnulae oblongo-lanceolatae acuminatae alternae, sessiles v. brevissime in rhachin adnato-decurrentes; infimae pollicares, nudae, sesquipollicem longae, sensim minores, summae basibus subconfluentes, profunde pinnatifidae, laciniis alternis basi coadunatis oblongo-linearibus obtusiusculis 3 lineas longis, sesquilineam latis, patentiusculis inciso-serratis, infimis subpinnatifidis, summis subintegerrimis. Sori in laciniarum serraturis infimis solitarii, venulas terminantes, punctiformes, indusio scarioso angustissimo, frondis dente inflexo munito.

46. CHEILANTHES DICKSONIOIDES, fronde triplicato-pinnata glabriuscula, pinnulis oblongis obtusis pinnatifidis, laciniis oblongis apice subtruncato incisis, basi utroque latere monosoris, (caudice arborescente)?

Crescit in insula Norfolk. (Ferd. Bauer.)

Frondes amplae ovatae, triplicato-pinnatae, membranaceae, supra glabrae, subtus puberulae. Rhachis primaria pennae cygneae crassitie stramineo-fusca, antice profunde sulcata secundariaeque subtetragonae pube paleacea conspersae, costae primariae densissimae subrufo pubescentes, secundariae utrinque paleis rarioribus adpressis obsitae. Pinnae primariae ovato oblongae acuminatae suboppositae, infimae sesquipedales, reliquae sensim minores; secundariae alternae v. infimae oppositae elongato-lanceolatae, 6-7 pollicares. Pinnulae alternae v. oppositae, sessiles, oblongae obtusae summae subconfluentes, profunde pinnatifidae, laciniis oblongis obtusis, apice subtruncato inciso-serratis basi utroque latere monosoris.

VII. CYATHEACEAE.

XXIII. CYATHEA Smith in Mem. Acad. Turin. V. 417.

Sori globosi sparsi, receptaculo elevato e divisura venae orto inserti. Indusia sphaerica medio dehiscentia, tandem pateraeformia.

47. CYATHEA MEDULLARIS, frondibus triplicato-pinnatis, pinnulis

{16}

linearibus oblongis obtusis crenatis apice integerrimis, rhachibus asperis, caudice arboreo hispido.

Polypodium medullare Forst. prodr. n. 452. Plant. esc. p. 74. Sphaeropteris medullaris Bernh. in Schrad. Journ. 1800. II. p. 122. t. 1. Cyathea medullaris Swartz synops. 140 et 366. Schkuhr t. 133. Willd. sp. V. 494. A. Rich. Fl. nov. Zeel. p. 78.

Crescit in insula Norfolk. (Forst.) Deest in herbario Baueriano.

XXIV. ALSOPHILA R. Brown prodr. 158.

Sori globosi sparsi, receptaculo e divisione venae orto insidentes. Indusia infra sorum inserta, lacero-multifida, quandoque obsoleta.

48. ALSOPHILA EXCELSA, caudice arboreo rhachique paleaceis muricato-exasperatis, frondibus ovatis subtus ad costas paleaceis 3plicato pinnatis, pinnis ovatis, pinnulis oblongo-lanceolatis acuminatis, foliolis oblongo-subfalcatis obtusis serratis, infimis brevissime petiolatis basi subauriculatis, reliquis coadunatis, juxta totam longitudinem 2seriatim sorophoris.

Alsophila excelsa R. Brown prodr. 158. in not. Ferd. Bauer Illustr. pl. Norfolk. t. 142. 217.

Crescit in insula Norfolk. (Ferd. Bauer.)

Caudex in speciminibus a Bauero divina arte delineatis 15-30, imo 45-50pedalis, in alio cujus pinnae in herbario adsunt 12pedalis, diametro pedali, erectus, cicatrisatus, cicatricibus ovato-oblongis sesquipedalibus, squamosus, muricato-exasperatus, apice in frondes plurimas expansus. Frondes 10pedales, stipite diametro basi sesquipollicari tereti, paleaceo, muricato. Pinnae circumscriptione ovatae 2pedales, ¾ ped. latae, rhachi tetragona paleis raris conspersa, basi imprimis tuberculato-muricata; utrinque circiter 20, approximatim alternae, apicem versus sensim minores, summae tandem confluentes. Pinnulae oblongo-lanceolatae acuminatae 4-5 pollices longae, ¾ poll. latae, e foliolis circiter 15-18, summis in acumen ¾ poll. longum confluentibus; rhachi secundaria paleis copiosis conspersa. Foliola alterna, infima brevissime petiolata, reliqua lata basi sessilia et in rhachin decurrentia, coadunata, oblongo-subfalcata obtusa, 7 lin. longa, 2½ lin. lata, infima basi subauriculata, obsolete rotundato-serrata, marginibus siccitate subrevoluta, coriacea, glabra. Costa utrinque venas infra medium 2furcas exserens. Sori globoso-hemisphaerici, sinubus venarum 2furcarum insidentes, a folioli basi ad ipsum fere apicem utrinque circiter decem. Involucrum lacero multifidum soris substratum. Capsulae plurimae globosae, dense compactae, receptaculo hemisphaerico impositae.

VIII. HYMENOPHYLLEAE.

XXV. TRICHOMANES Smith in Mem. Acad. Turin. V. 416.

Sori marginales. Capsulae sessiles, receptaculo communi cylindraceo insertae, intra involucrum 1phyllum, suburceolatum, ore hiante, textura frondis. R. Brown prodr. 159.

{17}

49. TRICHOMANES (DIDYMOGLOSSUM) HUMILE, fronde lanceolata 2pinnatifida glabra, laciniis linearibus obtusis integerrimis, involucris oblongo-cylindraceis, labiis rotundatis.

Trichomanes humile Forst. prodr. n. 464. Swartz synops. 317. Hook. et Grev. Ic. Filic. t. 85. Hook. ad Beechey p. 76 Trichomanes (Didymoglossum) minutulum Gaudich. ad Freyc. p. 377. t. 12. f. 2. Bory ad Duperr. p. 167.

Crescit in insula Norfolk. (Ferd. Bauer.)

50. TRICHOMANES BAUERIANUM, fronde elastica ovato-lanceolata pinnata, pinnis bipinnatifidis, laciniis lineari-lanceolatis acutis, rhachi tereti hirta, involucrie turbinatis alatis, ore integro.

Crescit in insula Norfolk. (Ferd. Bauer.)

Species habitu Hymenophyllum scabrum A. Rich. Fl. Nov. Zeel. t. 14. f. 1. referens, Trichomani angustato Carmich. (Hook et Grev. ic. t. 166.) proxime affinis, notis allatis facile distinguenda. Radix dense caespitosa, fibrosa, fibris rigidis flexuosis intortis. Stipites ex eadem radice plures erecti, stricti, teretiusculi, 3-4pollicares, juniores pilis rufis tenuissimis fere 3 lineas longis obsiti, adultiores basi tantum pilosi, apicem versus nudi, subtilissime muricato-tuberculati. Frondes ovato-lanceolatae, 8-10 pollices longae, 5-6 pollices latae, elasticae, rhachi communi partialibusque hirtis, caeterum glabrae, pinnatae. Pinnae elongate-lanceolatae 3-4pollicares, approximatim alternae, 2pinnatifidae, laciniis oppositis lanceolatis acutis. Sori in laciniis costae contiguis abbreviatis terminales. Involucrum turbinatum, basi attenuatum, utroque margine e fronde continua late alatum, ore truncato. Receptaculum exsertum, basi capsuliferum.

IX. GRAMINEAE.

XXVI. PANICUM Linn. gen. n. 76.

Spiculae biflorae. Glumae 2 muticae v. setaceo-acuminatae, inferior plerumqae minor. Flosculus inferior masculus v. neuter, valvula inferiori glumae simili; superior hermaphroditus, bivalvis muticus chartaceus, in fructu cartilagineo-induratus. Squamae hypogynae truncatae. Nees Agrost. brasil, p. 96.

a) ECHINOCHLOA, Palis. agrost. XI. f. 2. Glumae inaequales, superior subulato-aristata. Flosculus inferior masculus, valvula inferiori aristata. - Ligula nulla.

51. PANICUM CRUS GALLI, spicis alternis secundis divisis simplicibusve, spiculis ovatis turgidis hirtis, glumis mucronatis, inferiore spicula triplo breviore, flosculi neutrius valvula inferiori longe setigera.

Panicum Crus Galli var. setis spicularum praelongis. Nees ab. Esenb. msc. Panicum Crus Galli Linn. Fl. suec. 55. R. Brown prodr. 191. Nees ab Esenb. op. cit. p. 255. Echinochloa Crus Galli Röm. et Schult. system. II. 478.

{18}

Oplismenus Crus Galli Kunth synops. I. 143. n. 30.

Crescit in insula Norfolk. (Ferd. Bauer.)

b) DIGITARIA Palis. agrost. t. XI. f. 2. Gluma inferior nana. Flosculus inferior neuter 1valvis.

52. PANICUM NORFOLKIANUM, racemis subquaternis approximatis erectis, spiculis geminis approximatis inaequaliter pedicellatis lanceolatis glabris, gluma inferiori exigua ovato-subrotunda subuninervi, superiori flosculis triplo breviori ovato-lanceolata membranaceo-marginata 3nervi; flosculo neutro 5nervi, culmo procumbente ramoso, vaginis laevibus glabris, foliis basi piloso-ciliatis. Nees ab Esenb. msc.

Ferd. Bauer Illustr. pl. Norfolk. t. 138.

Crescit in insula Norfolk. (Ferd. Bauer.)

OBSERVATIO. Species illustr. Nees ab Esenb. in litteris monente Panico aegyptiaco, quod tuberculis vaginarum prominulis, spiculis latioribus subcomosis, et valvula neutra subuninervi facile distinguitur, proxima; ab omnibus hujus sectionis speciebus defectu pilorum ciliarumque in spiculis diversa.

XXVII. OPLISMENUS Palis. Fl. owar. II. 14.

(Orthopogon R. Brown. Panici sp. Linn.)

Spiculae 2florae. Glumae 2 subinaequales, rostrato-setigeräe. Flosculus inferior neuter v. masculus, 1-2valvis; valvula inferiore sub apice breviseta: superior chartaceus muticus, in fructu induratus. Squamae hypogynae obovatae spathulatae. Inflorescentia composito-spicato unilateralis. - Nees Agrost. brasil. p. 264.

53. OPLISMENUS AEMULUS, spicis 4-6floris, floribus hispidis, glumis ambabus aristatis: interioris arista abbreviata, flosculo neutro mutico; foliis lanceolatis vaginisque pilosis, geniculis barbatis, villis subreflexis.

Orthopogon aemulus R Brown! prodr. 194. Oplismenus aemulus Kunth Revis. gramin. p. 44. Synops. I. 142. Ferd. Bauer Illustr. pl. Norfolk. t. 134.

Crescit in insula Norfolk, mense Decembri florens. (Ferd. Bauer.)

54. OPLISMENUS COMPOSITUS, culmo basi repente ramosoque adscendente, nodis hirsutis, vaginis margine ciliatis oreque pilosis etuberculosis, foliis oblongo-lanceolatis margine scaberrimis, spicis 5-8 alternis erectis, basi pilosis, spiculis contiguis, pedicellis imberbibus, glumis pubescenti-scabris rufo-setigeris, inferiori minori, flosculo neutro 1 valvi. Nees ab Esenb.msc.

Orthopogon compositus R. Brown! prodr. 194. Panicum compositum var. 5. Trin. spec. gram. XVI. t. 190. f. B. Kunth synops. I. 141. n. 18. Ferd Bauer Illustr. pl. Norfolk. t 135.

{19}

Crescit in insula Norfolk, mense Novembri florens. (Ferd. Bauer.)

OBSERVATIO. Orthopogonis compositi nomine plures probabiliter confunduntur ab auctoribus species, observante ill. Nees ab Esenb. in litteris caute distinguendae, sic Oplismenus compositus Fl. ind. or. Herb. Wight, qui Panicum compositum Herb. Rottl. esse dicitur, nostro propinquus quidem, sed major rigidiorque, spica decomposita aliisque notis recedit: OPLISMENUS DECOMPOSITUS N. ab E. O. culmo basi repente ramosoque elongato, nodis hirtis, vaginis striatis etuberculatis, margine et ore foliisque ovato-oblongis basi ciliatis, spicis 8-12 alternis erectis basi compositis approximatis, spiculis confertis, pedicellis longe barbatis, glumis glabris aequalibus, inferiori setigera, superiori obsolete mucronulata, flosculo neutro 1valvi. N. ab E. msc. Peninsula Ind. orient. (Herb. Wright.) Differt ab utroque: OPLISMENUS INDICUS, culmo basi repente ramosoque laxo, nodis glabris, vaginis foliisque oblongo-lanceolatis dense minutimque pubescentibus supra scaberrimis; spicis paucis subsecundis elongatis patentibus, spiculis distantibus, inferioribus geminis, superioribus solitariis stricte villosis basi barbatis, gluma inferiore minore pallide setigera, superiori mucronulata v. breviter setigera, valvula flosculi neutrius mutica N. ab E. msc. Oplismenus indicus Röm. et Schult. syst. II. 484. Nees ab E. in Mart. Fl. bras. II. 265. Observ. Oplismenus compositus var. Herb. Wight Panicum elatius Herb Rottl. (minime Linn.) P. compositum Hbb. Rottl. et Klein. P. setosum? Herb. Klein. P. aristatum Retz? Herb. Klein. - An Panicum compositum Linn.? (Cfr. Fl. Bras. l. c.) - An P. loliaceum Lam.? P. compositum Trin. ic. gram. XVI. t. 187. excl. descript.

XXVIII. TRACHYPOGON Nees ab Esenb. in Mart. Fl. Bras. II. 341.

(Andropogonis sp. Lin., Andropogonis et Holci sp. R. Brown.)

Spiculae geminatae v. ternae; unica fertilis, 2 v. sesquiflora; altera mascula v. neutra aut rudimentalis. Spiculae perfectae glumae 2 subaequales truncatae; inferior 2-multivalvis. Flosculi membranacei; inferior neuter, valvula mutica; superioris fertilis valvula inferiori bifida inter dentes longe setigera, v. apice integro in aristam dilatata; superiori minima v. obsoleta. Squamae hypogynae crassiusculae, plicatae truncatae v. bidentatae. Stamina 3. Stigmata plumosa. Caryopsis libera.

55. TRACHYPOGON AVENACEUS, culmo erecto subsimplici, nodis pubescentibus, foliis lanceolato-linearibus setaceo-acuminatis, margine scabris, ligula membranacea rotundata, paniculae subverticillatae ramis basi integris scabris, seta spicula lanuginosa breviore interdum deficiente, pedicellis rudimentorum mascularumque spicularum pilosis. Nees ab Esenb.! op. cit. p. 354.

Holcus halepensis Linn. spec. 1485. Host. gram. I. t. 1. Andropogon halepensis Sibth. Fl. graec. I. t. 68.

{20}

Andropogon avenaceus Kunth in Humb. et Bonpl. nov. gen. et sp. I. 189.

Crescit in insula Norfolk. (Ferd. Bauer.)

XXIX. DICHELACHNE.

Spiculae 1florae. Glumae subaequales, acuminatae, carinatae scabrae flosculum aequantes. Callus pedicellaris subcylindricus setuloso-barbatus. Processus rudimentarius nullus. Valvulae 2, inferior convoluta apice bifida, laciniis acuminatis, arista valida e fissurae sinu exserta, basi subtorta; superior brevior linearis, apice bidentata. Squamae hypogynae 3, acuminatae denticulatae. Stamina 3, antheris imberbibus. Ovarium glabrum. Stigmata 2, plumosa. Caryopsis libera glabra.

OBSERVATIO. Genus suadente illustr. Nees ab Esenbeck exstructum, eodem in litteris monente Stipeis accensendum, Lasiagrosti Link. proximum, ad Calamagrostideas vergens. A Lasiagrosti valvulae inferioris glabrae laciniis elongato-acuminatis, callo pedicellari barbato, antherisque abbreviatis imberbibus facile distinguitur. A Calamagrostideis proxime affinibus, Cinna nempe et Echinopogone, inflorescentia, flosculorum consistentia et structura nec non squamarum hypogynarum forma differt, a Calamagrosti flosculi et setae conformatione, a Deyeuxia insuper processus accessorii defectu diversum.

56. DICHELACHNE MONTANA.

Ferd. Bauer Illustr. pl. Norfolk. t. 136.

Crescit in insulae Norfolk monte Pitt. (Ferd. Bauer.)

Culmi sesquipedem v. duos pedes alti, crassitie fere pennae corvinae, erecti, teretes, laeves, glaberrimi, 4-5 nodes, nodis nigro-fuscis glabris. Vaginae laxiusculae internodiis breviores glabrae, apice contracto scabriusculae, angustissime membranaceo-marginatae. Ligula coriacea emarginato-truncata, glabra. Folia lineari lanceolata, duos pollices longa, sesquilineam lata, rigidiuscula, subtus scabra, siccitate convoluta. Panicula coarctata 3-4pollicaris, rhachi scaberrima. Rami capillares, stricti, scaberrimi, verticillati, infimi subramulosi, superiores simplices multiflori. Spiculae uniflorae. Glumae 2 lanceolatae, acuminatae, carinatae, carina scabrae, uninerves, membranaceae, subaequales, infera paullo minor. Flosculus singulus gluma inferiori paullo brevior callo pedicellari subcylindrico setuloso-barbato suffultus; setulae calli flosculo multo breviores, ad latus anticum posticumque conversae, subbifasciculatae. Processus rudimentarius nullus. Valvulae 2; inferior oblongo-lanceolata, convoluta, membranaceo-subchartacea, rigidula, scabra, obsolete trinervis, apice acute bifida, laciniis acuminatis, arcte conniventibus, e fissurae sinu magisque a tergo exserens setam validam valvula triplo longiorem, medio leniter recurvam, scabram, inferne nonnihil tortam. Valvula superior brevior, linearis, tenerrima, binervis, apice bidentata, dentibus inciso-dentatis, lateribus inflexis. Squamae hypogynae tres, e basi lata falcato-acuminatae, denticulatae, ovarii fere longitudine, membranaceae: anteriores duae basi paullo crassiores ibidemque flavescentes, versus axin flosculi incurvae, posterior aequilonga, conformas, paullo tenerior. Stamina tria,

{21}

squamis hypogynis alterna; filamenta tenerrima; antherae breves, oblongae, obtusae, utrinque bifidae, imberbes. Ovarium cuneiforme, basi contractant, compressum, fulvum. Styli breves, ad basim usque discreti. Stigmata pilis simplicibus plumulosa. Caryopsis libera, flosculi valvulis inclusa.

XXX. TRITICUM Linn. gen. n. 99.

(Triticum, Agropyrum, et Brachypodii sp. Palis.)

Spiculae 3-multiflorae. Flores distichi. Glumae 2 suboppositae, muticae v. aristatae. Valvulae 2 herbaceae, inferior mutica, mucronata v. aristata, superior bicarinata, carinis plus minus aculeato-ciliatis. Squamae hypogynae 2, integrae ciliatae, v. bifidae. Stamina 3. Ovarium pyriforme, apice pilosum. Stigmata 2 terminalia, subsessilia, plumosa, pilis elongatis simplicibus argute dentatis. Caryopsis externe convexa, iuterne concava, linea prominente notata, libera v. paleis adnata. - Spiculae sessiles spicatae, rarissime subracemosae, rhachi parallelae. Kunth Revis. Gramin. p. 143.

57. TRITICUM (ARGOPYRUM) SCABRUM; spica elongata, spiculis alternis remotis appressis 5-6floris, glumis lanceolatis acutis nervosis subinaequalibus flosculo dimidio brevioribus, valvulis scabris, inferioris arista superiorem obtusam superante, squamis hypogynis integris, folius planiusculis striatis utrinque scabris, vaginis culmisque laevibus.

Festuca scabra Labill. nov. Holl. I. 22. t. 26. Triticum scabrum R. Brown prodr. I. 178. A. Rich. Fl. Nov. Zeel. p 137. Agropyrum scabrum Palis. agrost. p. 102. Röm. et Schult. syst. II. 159.

Crescit in insula Norfolk. (Ferd. Bauer.)

58. TRITICUM (BRACHYPODIUM) KINGIANUM; spica elongata; spiculis alternis approximatis appressis sub10floris, glumis lanceolatis acutis v. obtusis flosculo triente brevioribus; valvulis pubescentibus scaberrimis, inferioris mucrone elongato superioris retusae longitudinem triplo superante, squamis hypogynis bifidis, foliis planis striatis supra scaberrimis, subtus vaginis culmisque laevibus.

Ferd. Bauer Illustr. pl. Norfolk. t. 138.

Crescit in Phillips-Island, insulae Norfolk ad austrum adsito. (Ferd. Bauer.)

X. CYPERACEAE.

XXXI. CYPERUS Linn. gen. n. 66.

Spicae multiflorae. Glumae distiche imbricatae, carinatae uniflorae, infimae saepe minores vacuae, in rhachilla continua, ad nucularum sedem scrobiculato-excavata, rarius margine membranacea.

{22}

Stamina 3; interdum 2 v. 1. Stylus 3-2 partitus, deciduus. Nucula basi nuda, crustacea. - Culmi simplices basi foliati, rarius vaginis nudis instructi. Spicae terminales involucratae, aggregatae, capitatae, umbellatae, umbellis simplicibus, compositis, decompositis, supradecompositis. Schrad. Analect. I. 4.

59. CYPERUS HAEMATODES, foliis linearibus culmum triquetrum laevem subaequantibus, margine costaque denticulatis, umbella multiradiata composita; radiis corymbiferis, spiculis 12-16 floris compressis sessilibus spicato-congestis, glumis carinatis striatis acutis patentiusculis, involucro polyphyllo umbella multoties longiori.

Ferd. Bauer Illustr. pl. Norfolk. t. 137.

Crescit in monte Pitt insulae Norfolk et in Phillips-Island. (Ferd. Bauer.)

Habitus Marisci macrophylli Brogn. ad Duperr. t. 36. Culmus 4-5pedalis, digiti pollicis crassitie, farctus, trigonus, angulis hebetatis, strictus, glaberrimus, laevis, striatus. Folia ad basim culmi congesta, vaginantia, lato-linearia, acuminata, apice patentim recurva, striata, nervo medio marginibusque denticulata, exteriora 2-3pedalia, interiora culmum subaequantia, omnia pollicem, nonnulla sesquipollicem lata. Involucrum indefinite polyphyllum, foliolis foliis radicalibus conformibus, exterioribus 4-5pedalibus, interioribus sensim minoribus, omnibus carina marginibusque denticulatis, glaberrimis, striatis, dorso subtuberculatis, exterioribus cernuis, interioribus erecto-patentibus. Umbella ampla pedalis, multiradiata, composita. Radii inaequales 2-8 pollices longi, triquetri, basi ochrea acutiuscula brunea involuti, apice corymbiferi. Corymbi rami ¾ poll. longi triquetri patentes, 6-7, singuli basi ochrea acutiuscula 4 lin. longa involuti, infimi bractea foliacea anguste lineari elongata stipati. Spiculae spicato-congestae patentes v. sursum deorsumve imbricatae, plurimae, sessiles, compressae, pollicares, 12-16florae. Glumae infimae breviores obtusissimae, superiores concavae, carinatae, acutae, 2 lin. longae, patentiusculae, striatae, herbaceo-virides, basi lateribus et apice cruentatae. Stamina 3 subexserta, filamentis persistentibus. Ovarium ovoideo-oblongum subtriquetrum. Stylus filiformis, ovario duplo longior, apice in stigmata 3 subexserta solutus.

OBSERVATIO. Species insignis, Cypero ustulato A. Rich. e Novae Zeelandiae vallibus a Lessonio relato, patria et habitu propingua; umbella composita et glumis muticis satis distincta. Quantum distet Cyperus multiceps Hook. ad Beechey p. 100. e sola phrasi assequi non licet.

XXXII. ISOLEPIS R. Brown prodr. 221.

(Scirpi sp. Linn. et Auct.)

Spicae multiflorae. Glumae undique, rarius trifariam imbricatae, uniflorae, infima saepissime vacua. Stamina 3-1. Setae nullae. Stylus cum ovario haud articulatus, basi simplici, 2-3 fidus, deciduus. - Culmi simplices, basi foliati v. vaginis nudis instructi; spicae terminales v. laterales.

{23}

60. ISOLEPIS CONSPERSA, rhizomate repente multiculmi, culmis teretiusculis basi laxe vaginalis, vaginis foliaceo-cuspidatis, spiculis (3-5) terminalibus aggregatis ovatis involucro monophyllo lineari obtuso brevioribus, squamis membranaceis ovatis obtusis purpureo-punctatis dorso nervulosis, staminibus stigmatibusque ternis, caryopsi obovata trigona subtiliter punctata pallida. Nees ab Esenb. msc.

Crescit in insula Norfolk. (Ferd. Bauer.)

OBSERVATIO. Species Isol. proliferae Fl. Nov. Holl. quae tamen a planta capensi homonyma diversa, proxime affinis, vaginarum cuspide foliaceo potissimum diversa.

XXXIII. FICINIA Schrad. Analect. I. 43.

Spirae multiflorae. Glumae undique imbricatae, uniflorae, infima saepius vacua. Stamina tria. Perigynium subcyathiforme trilobum. Stylus tripartitus, deciduus. Caryopsis perigynio stipata, crustacea. Schrad. l. c.

61. FICINIA GUTTATA, culmo compresso aphyllo, capitulo globoso laterali involucro monophyllo stricto erecto breviori, glumis mucronatis, caryopsi obovata, plano-convexa, perigynii cupula angusta, stylo bi-trifido.

Crescit in insula Norfolk. (Ferd. Bauer.)

Habitus Isolepidis nodosae. Culmi aphylli sesquipedales basi vestiti vaginis membranaceis glabris bi-tripollicaribus laxiusculis, oblique truncatis obtusis, compressi, striati, plerumque leviter torti, in involucrum continuum rectum strictum, compresso-subtrigonum, basi parum dilatatum, pollicare v. semipollicare transeuntes. Capitulum pseudo-laterale, globosum, polystachyum, cerasi minoris mole. Spiculae dense congestae, oblongae, squamis plurifariam imbricatis, omnibus fertilibus. Squamae ovatae, membranaceae, dense subtilissime nervuloso-striatae, nervis rufo guttatis, et inde quasi pellucido resinosoque punctatis, nervo carinali validiori in mucronem excurrente. Stamina 3, filamentis persistentibus linearibus, basi in cupulam connatis; antheris linearibus obtusis punctatis. Cupula perigyna membranacea, triloba, lobis brevissimis obtusis cum staminibus alternantibus. Stylus linearis, cum ovario articulatus, basi aequalis, glaber, medio bi- v. saepius trifidus. Ovarium obovatum basi cupula perigyna constrictum, fusco-irroratum, hinc planum, extrorsum convexum, membranaceum, ovulum monstrans erectum, oblongum, stipitatum orthotropum.

OBSERVATIO. Ficiniae species capensis, pariter aphylla in herbario nostro adest, cujus diagnosim et descriptionem a clariss. Nees ab Esenbeck benevole nobiscum communicatam subjungimus. FICINIA APHYLLA. Nees ab Esenb. msc. F. culmo crassiuscule-setaceo incurvo striato, basi vaginato, vaginis membranaceis acutis aphyllis, (fasciculis foliorum filiformium interjectis) involucro subdiphyllo, infero capitulo breviori, supero nonnihil longiori recto subulato, glumis subrotundo-ovatis obtusis, caryopsi obovata, plano-convexa cinerea, fusco-punctulata. Nees msc. Scirpus truncatus Sieb. msc. Habitat in Capite bonae Spei. (Sieber.)

{24}

Rhizoma repens, squamosum, multicaule. Culmi digito parum longiores, glauci, pulchre striati, subsemiteretes. Vagina una v. duae ad basim, faxae, membranaceae, oblique truncatae, apice sublanceolatae, aphyllae: foliorum fasciculi interjecti sunt, quorum folia culmis breviora subulata, depresso-canaliculata. Spiculae 3-8 in capitulo pisi magnitudine, infra involucrum capitulum continuans veluti laterali, sessiles, brevi-ovatae, obtusae. Squamae late-ovatae fuscae, pallido-substriatae, basique pallidiores. Stamina tria. Stigma trifidum. Caryopsis minime trigona, sed hinc convexa, inde plana, basi hypogynio distinctissimo brevi, ore sexlobo, lobis alternis minoribus, saepe obsoletis stipata, laeviuscula, subtilissime punctata, et per cuticulam quasi perforatam punctulis fuscis testae subjectae conspicuis conspersa.

XXXIV. CAREX Linn. gen. n. 1046.

Flores diclines amentacei: squamis undique imbricatis unifloris. Masc Perianthium nullum. Stamina 3. Fem. in eadem v. diversa spica monoici v. dioici. Perianthium monophyllum, capsulare, basi muticum; ore coarctato, persistens. Stigmata 2-3. Nux perianthio aucto inclusa. R. Brown prodr. 242.

62. CAREX NEESIANA, spicis masculis terminalibus pluribus, femineis subsenis cylindricis strictis, inferioribus basi compositis et subexserte pedunculatis, squamis ovato-lanceolatis setaceo-acuminatis fructus ovatos gibboso-subtrigonos rostratos nervosos apice scabriusculos aequantibus, rostro argute bifido, stigmatibus ternis.

Crescit in insula Norfolk. (Ferd. Bauer.)

Carici polystachyae A. Rich. Fl. nov. Zeel. t. 21. affinis, spicis femineis strictis, stigmatibusque ternis facile distinguenda species. Culmus bipedalis trigonus, altero angulo retrorsum scabro. Folia linearia plana, culmum subsuperantia, radicalia congesta basi fusca, bractealia elongata, omnia acuta, striata, utrinque glaberrima, solo margine retrorsum scabra; vaginis brevibus trigonis, carina scabris. Spicae masculae quaternae terminales approximatae lineares, strictae, summa subtripollicaris, inferiores abbreviatae. Spicae femineae senae, e vaginis foliorum bractealium solitariae, omnes strictae, infimae subexsertae, 2½ pollicem longae, superiores sessiles sensim breviores. Squamae ovato-lanceolatae, setaceo-acuminatae. Fructus ovales gibboso-subtrigoni, apice scabriusculi, rostrati, nervosi, rostro argute bifido, squamas aequantes. Stigmata tria.

XI. PANDANEAE.

XXXV. FREYCINETIA Gaudich. voy. Freyc. 431.

Flores pseudopolygami, nudi. Masc. Spadix undique tectus staminibus monantheris; antheris bilocularibus. Femin. Ovaria undique spadici inserta, staminodiis cincta, unilocularia, saepe in phalanges connata, loculis multiovulatis; ovulis placentae parietali biseriatim affixis, erectis (?). Baccae carnosulae polyspermae, ex ovarii plurimis connatis multiloculares, nunc ovariorum parietibus

{25}

pereuntibus uniloculares. Semina minuta, funiculo manifesto, strophiolo laterali. Albumen carnosum. Embryo axilis, radicula umbilico proxima. - Caudex arborescens, saepissime scandens v. radicans. Folia vernatione equitativa sessilia. Bracteae (spathae) coloratae; inflorescentia terminalis.

63. FREYCINETIA BAUERIANA, caudice scandente radicante annulato, foliis lineari-lanceolatis elongatis bracteisque late ovatis acuminatis dorso margineque spinulosis, ovariis 9-12 in phalanges biseriatim connatis, stigmatibus sessilibus emarginato-hippocrepiformibus.

Ferd. Bauer Illustr. pl. Norfolk. t. 190, 193-199.

Crescit in insula Norfolk, Octobri florens, Novembri fructifera. (Ferd. Bauer.)

Caudex arboreus, 15-20pedalis, simpliciter ramosus, ramis subfastigiatis, basi crassitie brachii virilis, apice attenuatus, foliorum delapsorum cicatricibus annulatus, ex intervallis radiculas aereas exserens. Folia ad apices ramorum approximata, conferta, amplexicauli-sessilia, lineari-lanceolata, 2 pedes longa, pollicem lata, acuta, dorso subtus convexiusculo marginibusque cartilagineis spinuloso-serratis, basi aliquantisper dilatata, utrinque glauco-virentia, texturâ rigidiusculo - membranacea, crassiuscula. Flores masculi: Bracteae late-ovatae, acuminatae, concavae, sexdecempollicares, dorso marginibusque spinulosae, utrinque roseo-purpureae, primum arcte imbricatae, demum semipatentes, exteriores 3-5 basi valde dilatatae sese amplexantes, interiores 4-5 breviores, singulae ex axilla exserentes spadicem singulum 4-5 pollicarem, digitum minimum crassum, basi pollicari triquetra pallide sanguinea nudum, inde totum staminibus liberis adscendentibus densissime obtectum. Filamenta filiformia, complanata, pallide ex aurantiaco lutea, 2 lineas longa. Antherae pallide miniatae, oblongae, utrinque obtusae, biloculares, loculis appositis, dorso connectivo cum filamento continuo luteo interposito, apice in acumen brevissimum producto adnatis, longitudinaliter dehiscentibus, valvularum marginibus tandem revolutis. Pollen pallide sulphureum. Flores feminei in diversa uti videtur stirpe. Bracteae 4-5 late ovatae acutae vel plerumque acuminatae, concavae, amplexantes, subpatentes, 6-8. pollices longae, 4 pollices latae, membranaceo-carnosae, utrinque pallide roseae, acumine virescenti, glabrae, marginibus apice serrato-spinulosae, carinâ plerumque laeves vel rarius spinulosae. Spadices e bractearum interiorum axillis solitarii, erecti, typhoidei, 6-7 pollicares, diametro pollicari, basi pollicari triquetra nuda, inde ovariis densissime obsessi, inter ovaria subtilissime pubescentes. Ovaria pallide viridia, supra spadicem sessilia, oblongo-cylindracea, 2 lineas longa, apice complanata, stigmate sessili, subelevato papilloso hippocrepiformi-emarginato, unilocularia, placentâ parietali lineari biseriatim multiovulatâ, lateribus per paria juxta totam longitudinem connata, paribus 2-3 utrinque in phalangem biseriatam connatis, stigmatum emarginaturis introrsum respicientibus. Staminodia inter ovariorum phalanges utrinque 2-3, iisdem triplo fere breviora, filamentis albis brevissimis, antheris subsagittatis pallide luteis, polline destitutis. Spadices fructiferi pugni fere mole. Fructus baccati, molles; albidi, apice virescentes, stigmatibus emarcidis aurantiacis coronati,

{26}

phalangibus facile partibilibus, ovariis singulis basi longitudinaliter dehiscentibus. Semina pyriformia albida, strophiolo laterali. Structura interior non explorata. - Flores feminei fructusque in herbario desunt, hic ex icone descripti.

XII. PALMAE.

XXXVI. ARECA Linn. gen. n. 1225.

Flores monoici in eodem spadice. Spatha duplex, membranacea. Flores sessiles. Masculi in superiore parte ramorum spadicis solitarii, in inferiore bini ad singulos femineos (♂ ♁ ♂). Calyx tri-partitus v. triphyllus. Corolla tripetala. Stamina sex. Rudimentum pistilli. Feminei in infimâ parte ramorum. Calyx triphyllus et corolla tripetala convoluto-imbricata. Staminum rudimenta. Ovarium triloculare. Stigmata sessilia, in fructu centralia. Bacca v. drupa fibrosa monosperma. Albumen ruminatum v. solidum. Embryo basilaris. - Caudex laevis annulatus. Frondes terminales pinnatae, pinnis praemorsis v. lanceolatis, petiolis in cylindrum convolutis. Spadices infra frondes enascentes, simpliciter ramosi.

64. ARECA SAPIDA, pinnis lanceolatis acutis nervosis terminalibus praemorsis, costis rhachique subtus sanguineo-lepidotis, spadicibus laevibus, calycis masculi foliolis lineari-filiformibus, feminei ovatis acutis, fructibus globosis, albumine aequabili.

Areca sapida Soland. ex Forst pl. esc. p. 66. (absque phrasi v. descriptione) Ferd. Bauer Illustr. pl. Norfolk t. 179, 180, 202, 203.

Crescit frequens in insula Norfolk, mense Novembri florens. (Forst. King. Ferd. Bauer.) Nonnisi folia in herbario adsunt.

Caudex ex icone Baueriana vigintipedalis, diametro duodecim-pollicari, strictus, laevis, confertim annulato-torosus, coloris fusco-cinerei. Frondes terminales, pinnatae, sex-septempedales; interiores paullo breviores erecto-patentes, intimae in acumen cylindricum convolutae erectae. Petioli basi in corpus carnosum edule, ovatum, bipedale, diametro femoris virilis, extus pallide virens, laeve, glaberrimum, lineis aliquot carneis longitudinaliter parallelis pictum, connati; inde transeuntes in rhachin basi diametro pollicarem sensim in crassitiem pennae columbinae attenuatam, postice convexam, basi nonnihil concavam, antice bifacialem; faciebus sub angulo acuto conniventibus. Pinnae approximatae, suboppositae, paria fere 50, in rhacheos facie antica approximatae, postice remotae, sessiles, inferiores 2½ pedem longae, latitudine sesquipollicares, summae sensim minores, lineari-lanceolatae, basi parum contractae, apice acutae v. plane acuminatae, acumine filiformi bi-tripollicari, extremae rarius integrae, saepissime praemorsae v. sphacelatae, terminales interdum juxta totam longitudinem inter se connatae, apice solo liberae; omnes quinquenerves; inter nervos confertim parallele striati; nervi convexi supra multo magis prominentes, centralis validus, laterales in pinnis inferioribus parum a margine remoti, in superioribus marginales, intermedii teneriores. Rhachis nervique primarii subtus obsessi squamulis minimis ramentaceis, sordide

{27}

sanguineis, ad basim rhacheos confertissimis arctissime adpressis, in nervis rarioribus, filiformibus laxiusculis. Spadices infra frondes enascentes, 2 oppositi horizontales, tri-quadripedales, ramosi, ramis nutantibus, primum inclusi spathis bivalvibus, glaberrimis, pallide roseis, concavis, acuminatis, in anthesi deciduis. Spadicis teretis basi diametro sesquipollicaris rami ramulosi bipedales, ramuli pedales, digitum minimum crassi, primum strictiusculi, demum nutantes. Flores in superiore ramulorum parte masculi, in inferiori bini masculi laterales femineum stipantes, in rhacheos excavatione sessiles, bractea minima ovata obtusa sustenti. Flores masculi quatuor lineas longi, in alabastro basi ovati, subventricosi, apice acuti, conniventes. Sepala lineari-filiformia, angustissima, patentia, apice subreflexa. Petala candida, ovata, acuminata, acumine subfalcato, margine subtilissime eroso-crenulata, sepalis duplo longiora, quatuor lineas longa, duas lata. Stamina sex, petalis paullo breviora, aequalia. Filamenta teretiuscula brevissima, basi nonnihil dilatata et inter se subconnata. Antherae exalbidae, filamentis duplo fere longiores, lineares, basi subsagittatae, dorso supra basim affixae, versatiles. Pistilli rudimentum subclavatum, stamina aequans. Flores femineos non vidi. Fructus magnitudino cerasorum drupacei, baccati, miniati, basi stipati calyce trisepalo, sepalis ovatis acutiusculis, apice umbone centrali cartilagineo solubili. Semen unicum cavitatem explens. Albumen solidum. Embryo basilaris. (Descriptio ex icone Baueriana, pinnarum ex sicco.)

XIII. ASPHODELEAE.

XXXVII. PHORMIUM Forst. char. gen. t. 24.

(Chlamydia Banks. Lachenaliae sp. Lam.)

Perigonium corollinum sexphyllum, sepalis liberis v. basi breviter connatis, interioribus apice patentibus. Stamina 6, basi perigonii adnata, 3 alterna breviora, omnia adscendentia exserta. Ovarium liberum, triloculare, ∞ovulatum. Stylus trigonus adscendens. Capsula oblonga torta, triangularis ∞sperma. Semina plana, membranaceo-marginata.

65. PHORMIUM TENAX Forst. char. gen. n. 24. Prodr. n. 153. Cook sec. voy II. 96. c. ic. Thouin in Annal. Mus. II. 228. et Faujas de St. Fond. Ibid. XIX. 401. t. 20. Redout. Liliac. t. 448. 449. Thieb. in Annal. soc. Linn. Paris. IV. 57. t. 7. Schult. syst. VII. 621. A. Rich. Fl. Nov. Zeel. p. 153. Cunningh. in Bot. Magazin. t. 3199.

Chlamydia tenacissima Gärtn. carp. I. 81. t. 18. Lachenalia ramosa Lam. Dtct. encyclop. III. 373. Ferd. Bauer Illustr. pl. Norf. t. 204. 205. 206. 128.

Crescit in insulae Norfolk littoribus scopulosis. (Forst. King, Ferd. Bauer.) Floret per mensem Septembrim.

XXXVIII. DIANELLA Lam. illustr. I. 250.

Perigonium sexpartitum, aequale, patens, deciduum. Stamina 6. Filamenta curvata, apice incrassata, stuposa. Antherae lineares,

{28}

strictae, basi insertae. Ovarium loculis polyspermis. Stylus filiformis. Stigma simplex. Bacca globosa; polysperma. Semina ovalia umbilico nudo. R. Brown prodr. 280.

66. DIANELLA INTERMEDIA, foliis radicalibus congestis lineari-lanceolatis elongatis carina marginibusque denticulato-asperis, basi complicata scapoque angulato laevibus, paniculae ramis ramulisque arcuatis, pedicellis nutantibus perianthium subsuperantibus.

Ferd. Bauer Illustr. pl. Norfolk. t. 178.

Crescit in insula Norfolk ad sinum Ansonis, mense Novembri florens. (Ferd. Bauer).

Species inter D. ensifoliam Ait. et D. montanam Blam. I. 12. (collat. Schult. syst. VII. p. 1677.) media. Folia ad basim scapi congesta, lineari-lanceolata acuta, stricta, sesquipedem v. duos pedes longa, 7 lineas lata, striata, pagina superiori obscure viridi apice marginibusque sanguineo maculatis; inferiori pallidiore, marginibus subrevolutis carinaque subtus juxta totam longitudinem valde prominula aculeato-serrulatis, basi in vaginam tri-quinquepollicarem complicata, connata, carina vaginae laevi, alato-prominula, membranacea, usque ad basim decurrente. Scapus pedalis flexuosus, basi tereti-compressus, apice angulatus laevis, paniculae ramos alternos arcuatim patentes, pollicis v. sesquipollicis intervallo emittens. Rami basi bracteati, bracteis infimorum foliaceis, pollicaribus, reliquorum membranaceis, lineari-lanceolatis, acutis, tres lineas longis. Ramuli arcuati pedicellique nutantes angulato-tetragoni, quatuor lineas longi, basi bracteolati, bracteolis minimis ovato-lanceolatis acutis amplexantibus, apice cum perianthio articulati. Flores tres lineas longi. Perigonium sexpartitum, aequale, substellato-patens Foliola tria exteriora oblonga, obtusa, extus virescentia, basi apiceque in colorem obscure violaceum vergentia, intus albida; interiora conformia, medio viridia: margine latiusculo membranaceo, albido. Stamina 6 perigonio parum breviora, erecta. Filamenta teretiuscula albida, ovario adpressa, apice in massam ovatam, flavam, imberbem dilatata, ibidemque circa stylum arcte conniventia. Antherae lineares, viridi-flavescentes, basi emarginatae et apici dilatato filamenti insertae, erectae, apice patentim divergentes, introrsae, biloculares, loculi appositi, ab apice usque ad medium longitudinaliter incomplete dehiscentes - Ovarium ovato-globosum, triloculare, loculis multiovulatis. Stylus filiformi-subulatus, albus, staminibus paullo longior. Bacca subglobosa violacea, pisi majoris mole, bilocularis, loculis polyspermis. Semina ovato-globosa, splendentia, atra.

XXXIX. CORDYLINE Commers. R. Brown prodr. 280.

Dracaenae sp. Linn. Forst. Charlwoodia Sweet Fl. austr. p. 18.

Perigonium campanulatum; sexfidum, aequale, deciduum. Stamina sex, fauci inserta. Filamenta subulata glabra. Antherae versatiles basi bifidae. Ovarium triloculare, loculis multiovulatis. Stylus simplex. Stigma parvum trilobum. Bacca globosa trilocularis. Semina plura v. abortu solitaria, umbilico strophiolato. Embryo axilis radicula centripeta. - Caudex fruticosus v. arboreus. Folia elongato-

{29}

lanceolata, nervoso-striata, petiolata v. sessilia. Panicula terminalis e spicis alternis multifloris. Flores sessiles v. brevissime pedicellati, pedicello cum perianthio articulato.

67. CORDYLINE AUSTRALIS, arborea, ramosa, foliis sessilibus confertis lanceolatis acutis muticis planis basi dilatatis, superioribus paniculam compositam congestam aequantibus.

Dracaena australis Forst. prodr. n. 151. A. Rich. Fl. Nov. Zeel. 149. (descript. Forst.) Bot. Mag. t. 2835. Dracaena obtecta Graham in Edinb. philosoph. Journ. 1827. p. 175. Ferd. Bauer Illustr. pl. Norfolk t. 176. 177. 207.

Crescit in insula Norfolk, Septembri florens, Januario fructifera, viginti ad quadringinta pedum altitudinem attingens. (Ferd.Bauer.)

XL. GEITONOPLESIUM Cunningh. ex Bot. Mag. n. 3131.

(Luzuriaga R. Brown prodr. I. 281. non Ruiz et Pav.)

Perigonium sexphyllum patens, aequale, deciduum. Stamina sex, basi laciniarum inserta. Filamenta filiformia glabra, apice curvata. Antherae sagittatae, filamentis longiores, conniventes. Ovarium triloculare, loculis pauciovulatis. Stylus filiformis trisulcus. Stigma simplex. Bacca subdisperma. Semina subglobosa, pulposa. Embryo in axi albuminis clavatus subcurvatus.

OBSERVATIO. Luzuriaga Ruiz et Pav. fructu capsulari valvato, ipso inclyto Rob. Brown olim suspicante nunc penitus judicante, longius distat; Smilaceis accensenda.

68. GEITONOPLESIUM CYMOSUM Cunningh. in Bot. Mag. t. 3131.

Luzuriaga cymosa R. Brown prodr. 282. Ferd. Bauer Illustr. pl. Norfolk. t. 129.

Crescit in insula Norfolk. (Ferd: Bauer.)

OBSERVATIO. Specimina circa Port-Jackson lecta a Norfolkicis nullo pacto differunt.

XIV. SMILACEAE.

XLI. RIPOGONUM Forst. gen. p. 49.

Perianthium sexpartitum, aequale, patens, bibracteatum, deciduum. Stamina sex. Filamenta subulata, glabra. Antherae longiores, emarginaturae baseos inserta. Ovarium triloculare, loculis monospermis. Stylus brevissimus. Stigma trilobum obtusum. Bacca mono-disperma. Semen subglobosum. Albumen cartilagineum. Embryo excentricus. Radicula vaga. - Frutices volubiles, caule quandoque aculeato, ramulis inermibus. Folia opposita v. subopposita, quandoque verticillata v. alterna, triplinervia, reticulato-venosa, petiolis tortis nec cirrhiferis. Racemi axillares et terminales, simplices et divisi, pedicellis basi bracteatis. R. Brown prodr. 293.

{30}

69. RIPOGONUM DUBIUM, ramulis inermibus, foliis oppositis cordato-ovatis obtusiusculis.

Crescit in insula Norfolk. (Ferd. Bauer.)

Ramulus in herbario adest unicus sterilis, unde planta maximopere dubia e solo habitu huc relata. Petioli bipollicares, apice contorti. Folia cordato-ovata obtusiuscula, glaberrima, 3 pollices longa, totidem lata, subquintuplinervia, nervorum pari inferiori basim attingente supra medium in venas soluto.

XV. ORCHIDEAE.

Tribus II. NEOTTIEAE Lindl. orchid. scelet. p. 9. Massae pollinis farinaceae v. e corpusculis angulatis, stigmatis apicibus affixae. Anthera stigmati parallela persistens.

XLII. PLEXAURE.

Sepala lateralia labello supposita, basi obliqua patentia; posticum subfornicatum. Petala subunguiculata breviora, falcata, adscendentia. Labellum cum pede columnae connatum basi saccatum, imberbe. Columna bifida. Rostellum marginatum, apice bidentatum. Anthera bilocularis. Pollinia octo. - Genus Spiranthi proximum.

70. PLEXAURE LIMENOPHYLAX.

Ferd. Bauer Illustr. pl. Norfolk. t. 133.

Habitat in insula Norfolk ad sinum Ansonis, menso Decembri florens. (Ferd. Bauer.)

Herba digitalis caespitosa. Radices plurimae, rigide fibrillosae. Folia 5-7 equitantia, carnosula, lineari-lanceolata, tres pollices longa, 2 lineas lata, connato-plicata, intus sulco longitudinali notata, apice falcatim subrecurva, basibus dilatatis 4 lineas longis striatis discoloribus sese amplectentia. Pseudoscapus spicatus teretiusculus, foliis nonnihil brevior, basi squamis aliquot lineari-lanceolatis acutis, alternis, sterilibus, apicem versus confertioribus floriferis. Flores inconspicui minimi, granum miliaceum vix aequantes, bracteis duplo fere breviores, brevissime pedicellati, lateraliter e bracteis aversi, virescentes. Sepala lato-lanceolata, latitudine triente longiora, acutiuscula, lateralia basipostice obliqua, erecto patentia, posticum basi aequale erecto-subforcatum, apice reflexum. Petala sepalis triente breviora, duplo fere angustiora, brevissime unguiculata, obtusiuscula, basi postice obliqua, falcata, reflexo-adscendentia. Labellum sepalis lateralibus paullo longius, unguiculatum, ungue basi cum columnae pede sepalisque lateralibus connato, laminâ porrectâ saccato-concavâ, limbo rotundato refractim-patente. Columna brevissima teres. Clinandrium cucullatum rostello incumbens. Anthera bilocularis. Pollinia 8., caudicula communi juncta. Rostellum longitudine clinandrii marginatum, margine lateribus subreflexo, apice brevissime bidentato. Gynizus discoideus. Ovarium subglobosum, obsolete sexcostatum.

{31}

Tribus II., MALAXIDEAE Lindl. scelet. p. 17. Pollinia ceracea definita, tela cellulosa accessoria nulla, stigmati immediatim applicita. - Herbae terrestres v. epiphytae foliorum hasibus v. caulibus saepius incrassatis.

XLIII. TITANIA.

Sepala lateralia libera reflexa, intermedium angustius, patens. Petala sepalis conformia, minora; labellum posticum adscendens, trilobum. Columna minima teres, apice utrinque unidentata. Anthera bilocularis, polliniis quatuor incumbentibus.

Genus inter Dieniam et Malaxim collocandum, ab hac labello trilobo et habitu, ab illa polliniis incumbentibus facile distinguendum. - Habitus Oberoniae brevifoliae Lindl. (Thouar. Orchid. t. 92. Brogn. ad Duperr. t. 40.) Oberonia Myosurus Lindl. (Epidendrum Myosurus Forst.) Titaniae verisimiliter congener, nec a Titania miniata specie fortassis diversa.

71. TITANIA MINIATA.

Ferd. Bauer Illustr. pl. Norfolk. t. 131.

Crescit in insula Norfolk ad sinum Ansonis, Februario florens. (Ferd. Bauer.)

Herba 2½pollicaris, verisimiliter epiphyta, caespitosa. Radices filiformes, rigidiusculae, 2-3 pollices longae, flexuoso-intortae, eburneae. Folia equitantia linearia, acuta v. obtusa, sesquipollicem v. duos pollices longa, 2 lineas lata, basi nonnihil latiora, plano-complicata carnosula, nervosa, nervis 3-5 parallelis, venulis transversis conjunctis, extima multo breviora, intima longiora, omnia tandem medio, supra medium v. parum infra apicem abscissa. Scapus simplicissimus angulatus, foliis duplo, rarius triente longior, rarissime subaequalis, basi inter folia abscondita, apice exserto juxta totam longitudinem florifero. Flores quincunciatim dispositi, minimi, breviter pedicellati, patentes. Bracteae oblongae acuminatae naviculari-concavae ½ lineam longae. Pedicelli dimidia linea breviores, non contorti patentes. Ovarium cylindricum pedicello parum crassius. Sepala duo lateralia ovata obtusa ¼ lineam longa, dilute miniata, marginibus obsolete crenulata, usque ad basim distincta, remotiuscula, reflexa, tertium oblongo-lineare obtusum, lateralibus concolor et aequilongum, longitudine sua latitudinem quadruplo superans, patens. Petala sepalis conformia, saturatius miniata, triente minora. Labellum sepalis vix quidquam longius saturatissime miniatum, posticum, adscendens, lata basi sessile, trilobum, lobis lateralibus ovatis acutiusculis conniventibus, intermedio duplo longiori ovato acuminato, obsolete carinato. Columna brevissima petalis concolor, teres, apice utrinque in dentem latum obtusum antheram aequantem, introrsum conniventem, inter sepala petalaque lateralia situm producta. Anthera bilocularis, septo longitudinali tenui. Pollinia ovato-subglobosa, quatuor, incumbentia, lutea. Stigma subquadratum. Capsula subglobosa, grani miliacei magnitudine, sexcostata; costae prominentes, aequabiles, suturales (cum placentis alternae) maturitate tandem solutae.

OBSERVATIO. In hac specie foliorum pars superior diversa altitudine, horizontali ictu quasi percussa, tabescit tandemque abjicitur,

{32}

quod etiam in Oberonia Myosuro a Lindleyo (Orchid. gen. et sp. 1. p. 16.) observatum est. Rei rationem, nequaquam fortuitam, ex articulatione folii repetere parenchyma per omne folium aequabile vetat; nonne potius ex ipsa foliorum equitantium dispositione et contracto mutua sub vernationis stadio pressione vitio explicanda?

TRIBUS III. ARETHUSEAE Lindl. orchid. scelet. p. 10. Massae pollinis pulvereae v. e corpusculis angulatis, basi v. infra apicem affixae. Anthera terminalis, opercularis.

XLIV. THELYCHITON.

Sepala et petala aequalia libera. Labellum sessile petalis conforme planum, ecarinatum. Columna brevissima, limbo subbilabiato. Anthera terminalis, opercularis, polliniis quatuor, collateralibus. Stigma centrale sessile. - Epiphytae? - Thelychiton est inter Arethuseas idem quod Thelymitra inter Neottieas.

72. THELYCHITON ARGYROPUS, pseudobulbis obovatis angulatis argenteo-lepidotis monophyllis, scapis radicalibus trifloris, folio brevioribus.

Ferd. Bauer Illustr. pl. Norfolk. t. 132.

Crescit in insula Norfolk ad sinum Ansonis, mense Novembri florens. (Ferd. Bauer.)

Plantula pollicaris, laevis, glaberrima, facie fere Triadis oblongae Wall. pl. as. t. 70., caespites densos efformans. Caulis filiformis prostratus fusco-bruneus, radiculas copiosas elongatas ramosas intricatas exserens. Pseudobulbi plurimi dense contigui, carnosi, herbaceo-virides, juniores argenteo-lepidoti, pisi majoris mole, obovati, angulati, centro depressiuscule umbilicati, monophylli. Folium lineari-oblongum acutiusculum, 9 lineas latum, rigide coriaceum, erectum striatum, basi in petiolum brevissimum attenuatum, vagina membranacea, scariosa, obtusa, unam lineam longa, ex apice bulbi continua amplexum, post lapsum cicatricem linearem relinquens. Scapi radicales pone pseudo-bulbos enascentes, filiformes, teretes, erecti v. adscendentes, sex-octo lineas longi, basi vagina scariosa brevissima obvoluti, apice triflori. Pedicelli stricti, basi bracteâ membranacea ovato-lanceolata sustenti. Flores in speciminibus observatis emarcidi. Ovarium pro ratione plantulae maximum, pisi minoris mole, subglobosum, sexcostatum, costis prominulis, ad lentem tuberculis minimis exasperatis, perigonio marcescenti-persistente coronatum. Sepala lineari-lanceolata acuta, purpureo-fusca, extus convexa, intus carinata, duas lineas longa, basi brevissime inter se connata, erecto-conniventia. Petala conformia, sepalis quadrante breviora, basi attenuata, ibidemque arcte circa columnam conniventia, apice subpatentia. Labellum sessile petalis plane conforme, planum, ecarinatum Columna brevissima subnulla; limbo producto bilabiato, petalis quadruplo breviori. Labium inferius paullo brevius trilobum, lobo intermedio cordato obtuso, paullo productiori, erecto, lateralibus rotundatis, intermedio utrinque incumbentibus, apice subreflexis. Labium superius pariter trilobum, lobis lateralibus angustis lineari-lanceolatis acutis, margine antico involutis, intermedio lato, profunde

{33}

emarginato, sinu antheram terminalem obcordatam bilocularem, demum faucem claudentem affixam gerens. Pollinia..... Stigma centrale sessile, in anticum latus subdeclive. Proscolla minima emarginato-biloba, labii inferioris lobo intermedio intus paullo supra medium adnata, stigmatis apici applicita.

73. THELYCHITON BRACHYPUS, pseudobulbis ovatis apice attenuatis di-triphyllis, caule e bulbis erumpente paucifloro.

Ferd. Bauer Illustr. pl. Norfolk. t. 130.

Crescit in insula Norfolk, mense Septembri florens. (Ferd. Bauer.)

Radices copiosae filiformes rigidae ramosae elongatae, intricatae. Pseudobulbi plurimi dense consociati ovati, nucis avellanae mole, subulati v. oblongi, ½-1 pollicem longi, apice vestigiis foliorum delapsorum laxiuscule annulati, profunde longitudinaliter sulcati, vernicoso-citrini, purpureo marginati, basi vaginis annotinis filamentosis irregulariter ruptis tunicati. Folia tria vel quatuor approximatim alterna incumbentia, elliptica obtusa v. retusa, basi sese invicem amplectentia, patentia v. subreflexa, coriacea, longitudinaliter subtilissime confertim striata, 2¼ poll. longa, 7 lineas lata, intima saepe triplo breviora, dimidioque angustiora. Inter folia oritur cauliculus sesquipollicaris, plerumque aphyllus, rarius foliis 2-3alternis, 5-6 lineas dissitis, ellipticis, obtusis, amplexicaulibus, 2-3 lineas longis, floribus tunc plerumque abortivis. In caulibus floriferis foliorum loco bracteae ovatae, obtusae, coriaceae, 1½ lineam longae, 3-4 lineas remotae, singulae pedunculum teretiusculum, 5-6 lineas longum foventes, pedunculis florum inferiorum longioribus, ita ut inflorescentia corymbum tri-quadriflorum referat. Flores luteo-virides, semipollicem longi, alabastris tereti-cylindricis. Ovarium oblongo-subclavatum, sexsulcum. Sepala oblonga obtusiuscula, basi paullulum angustiora, obsolete trinervia, semipatentia, apice subinflexa. Petala sepalis conformia, vix quidquam breviora, dimidio angustiora, cum labello penitus conformi subconniventia. Columna brevissima crassiuscula teres, limbo bilabiato; labio inferiore sextante breviore, ovato, acutissimo, erecto; superiori trilobo, lobis lateralibus acutis, latere antico denticulo brevissimo auctis, introrsum conniventibus, intermedio latiori emarginato, sinu antheram cordiformem ope filamentuli brevissimi affixam gerente. Anthera terminalis opercularis, bilocularis, loculis septulo incompleto bilocellatis. Pollinia in quovis loculo 2, collateralia, oblongo-subclavata, basi subcohaerentia. Stigma centrale sessile. Proscollam non vidi.

74. THELYCHITON MACROPUS, caulibus caespitosis cylindricis apice foliosis, racemo terminali subcorymboso paucifloro folia aequante.

Ferd. Bauer Illustr. pl. Norfolk. t. 174.

Crescit in insula Norfolk, mense Septembri florens. (Ferd. Bauer.)

Radices plurimae fibrosae, subcarnosae, ramosae, cinereae. Caules caespitosi, cylindrici, digitum minimum crassi, 6-10 pollices longi, stricti, vaginis parallele multilineatis, citrinis, vernicosis, ore suboblique truncatis, arcte connatis obsiti, inferioribus

{34}

1-2 pollices dissitis, nudis; superioribus approximatis foliosis. Folia bifariam alterna, sessilia, patentia, oblongo-lanceolata, acuta, quatuor pollices longa, octo lineas lata, laevia, nitida, parallele multilineata. Racemus terminalis, subcorymbosus, octo-decemflorus, foliorum longitudine. Pedunculus communis teretiusculus, longitudinaliter striatus, basi vagina membranacea hyalina, ore oblique truncata obvolutus. Pedicelli teretiusculi subfastigiati, basi bractea ovato-lanceolata membranacea uninervi, unam lineam longa stipati. Ovarium oblongo-clavatum, sex lineas longum, sexsulcum. Flores flavo-virescentes. Sepala oblonga obtusa, basi paullum angustiora, trinervia, semipatentia, apice subinflexo, sex lineas longa, 2½ lineam lata. Petala sepalis aequilonga, dimidio angustiora, cum labello apice aliquantulum magis inflexo, caeterum penitus conformi conniventia. Columna paullo magis ac in congeneribus producta, limbo bilabiato, labio inferiori quadrante breviori ovato, acutissimo, erecto, superiori truncato, lateribus utrinque introrsum subinflexo, apice eroso-crenato. Anthera terminalis opercularis, bilocularis, labii superioris apici ope filamentuli brevissimi affixa. Loculi septo incompleto bilocellati, singuli polliniis 2 collateralibus oblongo-subclavatis foeti. Stigma centrale in latus anticum declive, a columnae labio inferiori incumbente ocultatum.

XVI. MUSACEAE.

XLV. MUSA Linn. gen. n. 1141.

Perigonium epigynum bilabiatum; labio inferiore tubuloso, postice usque ad basim longitudinaliter fisso, apice quinquefido, superius concavum nanum amplectente. Stamina 5, sexto postico abortivo. Stylus simplex crassus, stigmate infundibuliformi-clavato, breviter sexlobo. Bacca oblonga angulata triloculare indehiscens; seminibus pulposis, saepissime evanidis.

OBSERVATIO. Musacearum genera eo charactere omnia inter se conveniunt, quod perigonio gaudeant epigyno sexphyllo, phyllis alternatim biseriatis, seriei exterioris duobus posticis et uno antico, interioris duobus anticum, tertio posticum axeos floralis latus occupantibus, . Seriei interioris lobus posticus (p.) in omnibus generibus hucdum cognitis dissimilis et nanus, atquc adeo Orchidearum labello analogus; reliquarum per singula genera diversa est proportio, et diversa inter se in unum coeundi ratio. Sic in Urania phylla omnia sunt libera, in Heliconia exteriora basi breviter inter se cohaerent, interiora libera, sed antica approximata, in Strelitzia exteriora omnino inter se distincta, interiora antica vero connata, in Musa denique series exterior cum interioris foliolis anticis in perigonii labium inferius concrescit: qui generum e perigonii structura essentiales cbaracteres hac formula stenographica exprimi possent: Urania = Heliconia = Strelitzia = Musa =

Alias adhuc dari in hoc ordine partium perigonii conformationes, probabile videtur; diversa in nonnullis speciebus e solo fructu

{35}

cognitis seminum conformatione, genera Musacearum plura adhuc in novo continente latere arguente. Sic Urania guyanensis (L. C. Rich. Comment. de Musaceis t. 6. et 7.) a Ravenala habitu non minus quam seminum numero, figura, funiculi et arilli conformatione ipsaque embryonis directione adeo differt, ut speciem hanc, flore verisimiliter etiam diversam, distincti generis (Phenakosperum dicendi) typum habere nulli dubitemus.

75. MUSA PARADISIACA Linn. sp. pl. p. 1477.

Ferd. Bauer Illustr. pl. Norfolk. t. 140. 141. 142. 143. 144.

Crescit in insula Norfolk. (Ferd. Bauer.)

OBSERVATIO. King, primus colonorum in insulam Norfolk ductor, Musae speciem sponte ibidem natam a se repertam fuisse ait, (Vid. Hunters Nachrichten von Neu-Süd-Wallis. Vers. germ. Forsteri p. 290.) idem alio loco de Musa in hac insula culta colendaque loquitur. (Vid. Collins New-South-Wallis, ed. 2. Lond. 1804. p. 311.) Bauerus speciem apyrenam, cujus nulla in ejus herbario exstant specimina, verisimiliter tamen cultam, graphice magis quam botanice ibidem delineavit. De Musae specie seminifera teste Forstero (in Hunter's Nachricht. p. 290. et Bemerkung. p. 157.) ab illustri Banksio in Novae-Hollandiae continente reperta, altum apud R. Brown silentium.

XVII. ABIETINAE.

XLVI. ARAUCARIA Juss. gen. 413.

Dombeya Lam. Columbea et Eutassa Salisb. Pini sp. Molin. Cupressi sp. Forst.

Flores dioici. Masculi: Amenta terminantia, cylindrico-ovata; squamis numerosissimis imbricatis, apice recurvato-lanceolatis, basi angustato-unguiculatis: Antherae 12-20 lineares, ex dorso squamae duplici serie dependentes, parallelae, inter se paulisper adhaerentes. Feminei: Amenta terminantia, ovoidea, squamis numerosissimis dense imbricatis, unifloris; flore inverso adnato. Fructus: Strobilus ovoideus, squamis imbricatis, pericarpio oblongo-olivaeformi, cum squama coalito, coriaceo. Embryo cylindricus, 2-4cotyledoneus, cotyledonibus linearibus obtusis. - Arbores excelsae, pyramidatae, ramis verticillatis, patulis, folia rigida, sessilia, lanceolata aut lineari-subulata, dense imbricata, aliquando varia. - L. C. Rich. Conif. 153. t. 20. 21.

76. ARAUCARIA EXCELSA, foliis junioribus divaricatis falcatis, adultis arcte imbricatis inflexis muticis.

Cupressus columnaris Forst. prodr. n. 351. Eutassa heterophylla Salisb. in Transact. Linn. soc. VIII 316. Dombeya excelsa Lamb. pin. p. 179 t. 39. 40. Araucaria excelsa R. Brown in Ait. Hort. Kew. ed. 2. V 412. Colymbea excelsa Spreng. cur. post. p. 315. Ferd. Bauer Illustr. pl. Norfolk. t. 213.-216.

{36}

Crescit in insula Norfolk. (Forst. King. Ferd. Bauer.) Deest in herbario.

XVIII. PIPERACEAE.

XLVII. PIPER Linn. gen. n. 43.

Spadix. Squama sub singulo flore. Stamina 2, vel indefinita. Filamenta brevia. Antherae biloculares. Ovarium stylo simplici vel nullo. Stigma 1, peltato-fimbriatum v. 2-3. Bacca monosperma, semine albuminoso, embryone inverso.

* Antherae 2, loculis appositis.

77. PIPER AEMULUM, divaricato-ramosum, ramis glabris, foliis petiolatis quaternis patentibus vel reflexis ovato-orbiculatis carnosis trinerviis, subtus convexis glabriusculis, petiolis pedunculisque terminalibus solitariis pilosis.

? Piper tetraphyllum Forst. prodr. n. 25. Ferd. Bauer Illustr. pl. Norfolk. t. 127.

Crescit in insula Norfolk, mense Octobri florens. (Ferd. Bauer.)

Planta, spithamea divaricato-ramosa, Piperi saxatili Wall! proxime affinis; foliis ovato-orbiculatis nec basi cuneatis, ramisque glabris facile distinguenda. Radix nodoso-incrassata, radiculis plurimis filiformibus stipata. Caules ex eadem radice plures, procumbentes, pennae corvinae crassitie, virides, carnosi, sulcati; paullo supra radicem ramosi, ad ramorum exortum nodoso-incrassati, ramique dichotomi, divaricato-patentes adscendentes, glabri. Folia ½-¾ pollicis dissita, 4-5 verticillata, patentia vel subreflexa, ovato-orbiculata, obtusa retusave, 7 lineas longa, 5 lineas lata, integerrima, glaberrima, carnosula, subtus convexiuscula trinervia, supra plana, subtilissime punctulata. Petioli 2-2½ lineam longi teretiusculi, pilis mollibus brevibus patentibus vel reflexis obsiti Pedunculi terminales, solitarii, angulati, foliis paullo breviores, erecti, pilosi. Spicae cylindricae, obtusae, pedunculorum longitudine, nunc aliquantum breviores, interdum quidquam longiores. Squamae orbiculatae virides, excentrice peltatim affixae, margine denticulatae, pagina superiori longitudinaliter rugosae. Stamina 2, ovarium utrinque stipantia; antheris ovato-subrotundis luteis extrorsis, bilocularibus, loculis secundum totam longitudinem dehiscentibus. Ovarium ovato-subglobosum, stigmate multifido terminatum.

78. PIPER ADSCENDENS, ramis radicantibus adscendentibus, foliis petiolatis oppositis obovato-subrotundis acutiusculis v. obtusis carnosulis subtrinerviis glabriusculis, petiolis pedunculisque terminalibus solitariis geminatisve pilosulis.

Ferd. Bauer Illustr. pl. Norfolk. t. 126. β.

Crescit in insula Norfolk, mense Septembri florens. (Ferd. Bauer.)

Herba palmaris carnosa glaucescens. Caules ex eadem radice plures, subramosi, calami scriptorii crassitie, carnosi, laeves

{37}

glabri, basi ramisque procumbens radicans, deinde adscendens. Folia opposita petiolata patentia, obovato-subrotunda, basi subcuneata, apice acutiuscula vel obtusa, sesquipollicem longa, novem lineas lata, carnosa, obsolete trinervia, glabra, glauco-viridia. Petioli quatuor lineas longi teretiusculi pilosuli. Spicae terminales solitariae vel rarius geminatae, cylindricae graciles, tripollicares, petiolo teretiusculo pilosulo, semipollicari sustentae. Squamae laxiusculae ovatae, obtusae, basi adnatae, margine subtilissime crenulatae. Stamina 2, ovarium utrinque stipantia, antheris extrorsis subrotundis sordide rubro-fuscis. Fructus subglobosus nigro-fuscus, granulatus; stigmatis areola excentrica.

79. PIPER SIMPLEX, caule adscendente simplici, foliis alternis petiolatis patentibus, obovato-oblongis obtusiusculis carnosis trinerviis, subtus convexiusculis, petiolis pedunculisque solitariis geminatisve terminalibus oppositifoliis glaberrimis.

Ferd. Bauer Illustr. pl. Norfolk. t. 126. α.

Crescit in insula Norfolk, mense Octobri florens. (Ferd Bauer.)

Caulis simplex, semipedalis, adscendens, basi radicans, angulatus, carnosulus. Folia alterna, sex-septem lineas dissita, petiolata, obovato-oblonga obtusiuscula, duos pollices longa, unum pollicem lata, trinervia, subtus convexiuscula, utrinque laevia glauco-viridia Petioli basi dilatati, caulem amplexantes et cum eodem connati, apice teretiusculi subcanaliculati patentes Spicae terminales oppositifoliae solitariae vel binae aut rarius ternae, tri-quadripollicares cylindricae, petiolo tereti glabro pollicari. Squamae subrotundae, excentrice peltatae, crenulatae. Stamina 2, utrinque ovario apposita patentia, antheris subrotundis pallidissime sulphureis. Ovarium rhacheos excavationi subimmersum ovato-globosum.

** Stamina plura: antherarum loculis oppositis.

80. PIPER PSITTACORUM, foliis cordatis acuminatis sub7nerviis, summis ovato-oblongis linearibusve, petiolis dilatatis amplexicaulibus, spicis diclinibus terminalibus oppositifoliis solitariis geminisve.

Pepper King in Hunt. journ. p. 307. Ferd. Bauer Illustr. plant. Norfolk. t. 175.

Crescit in insula Norfolk, mense Septembri florens. (Ferd. Bauer.)

XIX. URTICACEAE.

XLVIII. URTICA Linn. gen n. 1054.

Flores monoici v. dioici. Masc. Calyx quadripartitus regularis. Stamina 4; filamentis elasticis, antheris didymis. Fem. Calyx bi-quadrivalvis. Ovarium liberum, stigmate sessili. Ovulum utraque extremitate adnatum. Achenium exsuccum. Semen erectum. Embryo inversus. - Folia alterna v. opposita.

81. URTICA DEBILIS, caule herbaceo erectiusculo foliisque alternis ovatis petiolatis integerrimis pilosiusculis, pedunculis axillaribus trifloris.

{38}

?Parietaria debilis Forst. prodr. n. 387. Ferd. Bauer Illustr. pl. Norfolk. t 116.

Crescit in insula Norfolk, mense Novembri florens. (Ferd. Bauer.)

XLIX. BOEHMERIA Jacq. amer. 246.

(Boehmeriae spec. Fleurya, Laportea, Girardinia, Neraudia, Gesnouinia Gaudich.)

Flores monoici. Masc. Calyx quadripartitus. Stamina 4. Filamenta incurva, tandem elastice patentia. Antherae biloculares introrsae, dorso affixae. Femin. Calyx tubulosus quadridentatus v. quadrifidus. Ovarium uniovulatum. Stylus elongatus villosus. Achenium calyce tectum. - Folia alterna v. opposita.

OBSERVATIO. Genus verosimiliter in posterum dividendum, characterum valore in Urticearum classi maximopere adhuc obscura ignoto, intactum interim servandum. Anne species alternifoliae ab oppositifoliis segregandae, an fructibus baccatis donatae a siccis separandae; anne potius non obstante stigmate multipartito Elatotemma huc revocandum?

82. BOEHMERIA AUSTRALIS, fruticosa, foliis alternis cordatis acuminatis trinerviis argute serratis subtus canescentibus, floribus monoicis axillaribus glomeratis, calycibus fructiferis compressiusculis alatis.

Ferd. Bauer Illustr. pl. Norfolk. t. 108.

Crescit in insula Norfolk, mense Octobri florens. (Ferd. Bauer.)

Frutex, ramulis calami scriptorii crassitie, cortice pilis brevissimis rigidis cinerascentibus scabro, plurimis foliorum delapsorum cicatricibus toroso. Folia quincunciatim alterna, approximata, in inferiore rami parte vix 2 lineas dissita, longe petiolata, in superiore remotiora, breviter petiolata, omnia cordata acuminata, 3½-5 pollices longa, 2½pollicem lata, argute serrata, supra obscure viridia, retrorsum scabra, subtus subtilissime cinereo-tomentosa, trinervia, nervo medio lateralibusque e basi incrassata attenuatis nervisque secundariis alternis plurimis reticulatim inter se combinatis pallide ruffescentibus hispidulis. Petioli foliorum inferiorum 2½ pollicem longi, superiorum vix pollicares, crassiusculi, subtetragoni, incano-tomentosi. Glomeruli florum axillares, nuclei cerasini magnitudine, sessiles, flores masculos femineosque indiscriminatim continentes, ebracteati. Floribus masculis: Calyx 1½ lineam longus, profunde quadripartitus, laciniis oblongis acutis, pilis erectis rigidiusculis hispidis, duabus oppositis in aestivatione interioribus paullo minoribus. Stamina 4, laciniis calycinis alterna. Filamenta teretiuscula elastica, basi brevissime inter se connata, medio incrassata, transversim rugosa, in alabastro introrsum incurva, in anthesi prosilientia, laciniis duplo longiora, demum reflexa. Antherae introrsae biloculares, medio dorso affixae, mobiles; loculi appositi, membrana crassiuscula, ab apice ad medium hiante. Floribus femineis:

{39}

Calyx ½ lineam longus, brevissime pedicellatus, inflato-tubulosus, ore brevissime quadridentato; pilis erectis rigidis hispidus, fructifer parum auctus, a facie et dorso compressus, utrinque juxta totam longitudinem in alam dimidiam sui longitudinem aequantem expansus. Ovarium oblongo-ovatum, acutiusculum, glaberrimum uniovulatum. Stylus terminalis simplex subcylindricus, ovario triplo longior, undique pilis erectis rigidis patentibus hispidus, persistens. Achenium crustaceum, laeve, fragile, calyce inclusum, stylo persistente superatum. Semen globosum.

OBSERVATIO. Species huic proxime affinis, si quid e solâ phrasi judicare licet, est Boehmeria albida Hook ad Beechey p. 96. ex insulis Sandwicensibus; floribus dioicis potissimum distinguenda.

L. ELATOSTEMMA Forst. char. gen. 53.

(Procris Commers. Elatostemma, Sciophila, Pellionia Gaudich.)

Flores monoici v. dioici. Masc. Calyx quadri-quinquepartitus. Stamina 4-5. Filamenta incurva, tandem elastice patentia. Antherae introrsae biloculares, summo dorso affixae. Fem. Calyx quadri-quinquepartitus, saepe incompletus v. nullus. Ovarium uniovulatum. Stigmata filiformia plurima, sessilia. Achenium calyce tectum v. receptaculo carnoso exceptum. - Folia alterna v. opposita.

83. ELATOSTEMMA MONTANUM, arboreum, foliis alternis breviter petiolatis oblique oblongis cuspidatis serratis scabriusculis, floribus masculis paniculatis, femineis capitatis, capitulis breviter pedicellatis, fructiferis baccatis.

?Boehmeria castaneaefolia Cunnigh. ex Loudon hort. suppl 1. p. 583. Ferd. Bauer Illustr. pl. Norfolk. t. 109, 212.

Crescit in insulae Norfolk monte Pitt, ineunte Octobri florens, Januario fructifera. (Ferd. Bauer.)

Arbor ramis digiti pollicis crassitie teretibus, cortice cinereo tuberculato, foliorum et inflorescentiarum cicatricibus exasperatis, dichotome ramulosis. Ramuli digitum minimum crassi teretiusculi, ½ pedales, gemma conica acuminata sesquipollicari terminati. Folia alterna, approximata, ¼-⅓ poll. dissita, breviter petiolata, petiolorum basi dilatata vaginatim connata, summo margine discolori libero stipulari, annulatim caulem ambiente, apice (petiolo) duabus lineis breviori subtetragono. Folia oblique oblonga, cuspidata, pedalia, 1¾ poll. lata, valde inaequilatera; latere superiore quadrante angustiore, basi abruptim angustato; inferiori in petiolum subdecurrente, ima basi libero, rotundato: remote et obsolete serrulata, nonnulla subintegerrima, utrinque pilis brevissimis crassiusculis adpressiusculis, in pagina superiori rarioribus rigidioribus, in inferiori copiosioribus mollioribus scabriuscula. Nervus primarius dilatatus complanatus, secundarii multo teneriores, alterna oppositique subarcuati, prope marginem combinati, subdeliquescentes. Flores masculi paniculati: paniculae subdichotomae 5-8 lineas longae, per ramos ramulosque sparsae, solitariae, binae ternaeve ex axilla bracteae rigido-

{40}

membranaceae ovato-lanceolatae acutae v. obtusiusculae, 3 lineas longae, 2 lineas latae. Pedunculus pedicellique teretes crassiusculi, pilis clavatis, articulatis, crystallinis, pedicellorum diametrum longitudine sua subsuperantibus patentibus, versus apicem pedicellorum assurgentibus, calycemque cupulatim recipientibus densissime obsessi. Calyx profunde quinquepartitus, laciniis ovatis obtusis concavis carinatis, exalbido-virentibus, utrinque lineis purpureis variegatis. Stamina quinque, calycis laciniis opposita; filamentis iisdem usque ad mediam longitudinem adnatis, in alabastro incurvis, tandem elastico prosilientibus, easdem triente superantibus, teretibus, transverse constrictim rugosis. Antherae introrsae biloculares, summo dorso affixae, loculi oppositi ovato-oblongi subdiscreti, latere juxta totam longitudinem dehiscentes. - Flores feminei in distincta stirpe (?), capitati, capitula per ramos sparsa, ebracteata, brevissime pedunculata, depressiuscule subglobosa. Ovaria plurima, nuda, pilis articulatis densissime stipata, ovato-subglobosa, stigmatibus piliformibus plurimis. Receptaculum fructiferum carnosum, exalbidum hyalinum, nucis avellanae mole, depressiuscule globosum, bullato-verrucosum. Achenia seminis cannabini magnitudine et colore, stigmatibus persistentibus coronata, sicca, receptaculi sinubus inclusa. Semen inversum. Embryo orthotropus axilis, radicula supera.

XX. MOREAE.

LI. MORUS Linn gen. n. 1055.

Flores masculi et feminei in diversis spicis cylindricis. Calyx quadrifidus. Stamina quatuor; filamentis in alabastro incurvis, tandem patentibus. Ovarium liberum. Stigmata 2, sessilia elongata villosa. Achenium rectum. Semen pendulum. Embryo curvatus.

84. MORUS PENDULINA, foliis oblongo-lanceolatis acuminatis basi rotundatis subsinuatis argute serratis costatis scabridis, amentis masculis elongatis pendulis.

Ferd. Bauer Illustr. pl. Norfolk. t. 186.

Crescit in insula Norfolk ad sinum Ansonis, mensibus Augusto et Septembri florens. (Ferd.Bauer.)

Arbor ramis pennam anserinam crassis, cortice cinereo-fusco, lenticellis discoloribus consperso, facile detractili Ramuli penna corvina vix crassiores, alterni, pollicem v. sesquipollicem dissiti, 2½-3½ pollices longi, patentes; cortice e viridi fuscescente, lenticellis majoribus exasperato. Folia in ramulis alterna, 3 lineas ad semipollicem dissita, oblonge-lanceolata, acuminata, basi rotundata, inferiora sesquipollicem longa, ¾ poll. lata, superiora 3½ poll. longa, 2 pollices lata, nonnulla irregulariter subsinuata, omnia argute serrata, utrinque imprimis tamen pagina superiore granuloso-scabrida, uninervia, costata. Nervus medius validus, supra impressus, subtus prominulus; costae multo teneriores, utrinque 12-16, fere ad angulum rectum patentes, oppositae v approximatim alternae; venulae intra costas subtilissime reticulatae. Petioli 4 lineas longi, supra complanati, subtus convexiusculi crassiores, pilis brevibus adpressis consiti. Stipulae axillaris et oppositifolia, lanceolatae, acuminatae 2 lineas longae, in ramis ramulisque terminales, illos acumine

{41}

conico terminantes, caducae, ope marginis brevissimi ½lineam longi membranacei, integerrimi persistentis, tandem cum cortice concrescentis annulatim junctae. Amenta mascula axillaria, pedicello tereti ¾ poll. longo erecto imposita, cylindrica, pennae cygneae crassitie, ½ v. unum pedem longa, pendula. Flores innumeri, minimi, rhachi immediatim impositi, in infima amenti parte unilaterales in reliqua undique eandem obsidentes, approximati. Calyx usque ad basim quadrifidus, laciniis ovatis, acutiusculis, concavis, luteo-virescentibus, prope apicem punctis obscurioribus conspersis, rigidiuscule ciliatis, per aestivationem imbricatis, tandem patentibus. Stamina 4, sepalis opposita, aestivatione inflexa, tandem elastice prosilientia, patentia. Filamenta pallide flava, tereti-subulata, laciniis calycinis duplo fere longiora, crassiuscula, apicem versus sensim attenuata, transversim rugosa Antherae oblongae, utrinque obtusae, introrsae, biloculares, dorso paullo supra basim affixae; loculi appositi, contigui, basi vix discreti; membrana loculorum crassiuscula, ab apice usque mediam longitudinem rimâ aperta, rimae marginibus tandem revolutis. Pistilli rudimentum centrale, oblongo-obcordatum, sepalis triplo brevius, nudum. Flores feminei in eodem ramo, pedicello brevi impositi, in spicam semipollicarem erectam collecti; floribus superioribus plerumque abortientibus, ita ut raro quaternis plures, saepissime unicus ad maturitatem perveniat. Calyx quadrisepalus, sepalis ovatis obtusis, viridibus, margine pallidioribus, obsolete ciliatis, per aestivationem imbricatis, duobus interioribus nonnihil angustioribus, omnibus etiam in fructu immutate persistentibus. Ovarium ovatum, calyce duplo longius, (a basi ad stigmatis apicem 3 lin) sensim attenuatum, in stigmata 2 linearia acuta, ovario ipso triplo fere longiora abiens. Stigmatis crura extus ovario continua, intus papillosa, plus minus erecta v. divaricata, apice acuto subreflexo. Ovulum unicum pendulum. Drupa ovata, 4 lineas longa, stigmatibus indurato-persistentibus, basi conniventibus, apice patentibus bicornis, monosperma; epicarpio carnuloso, viridi, endocarpio corneo. Semen apici cavitatis appensum, testa membranacea, endopleura carnosa. Embryo curvatus; cotyledonibus incumbentibus, radicula superâ.

XXI. CELTIDEAE.

LII. SOLENOSTIGMA.

Flores polygami. Masc. Calyx quinquesepalus sepalis concavis, aestivatione imbricatis. Stamina 5, sepalis opposita; filamenta teretiuscula, antherae introrsae biloculares, connectivo cum filamento articulato, in alabastro extrorsum refractae; loculi suboppositi longitudinaliter dehiscentes. Pistilli rudimentum centrale conicum, basi villosum. Hermaphrodit. Calyx et stamina maris. Ovarium ovato-cylindricum, subexcentricum, uniloculare, ovulo solitario pendulo. Stigma oblongo subquadratum sessile; marginibus hinc adscendentibus conniventibus. Drupa inaequilatera, hinc unicostata, monosperma. Semen pendulum. Embryonis conduplicati radicula supera. - Arbor foliis alternis ovato-lanceolatis subtrinerviis integerrimis, floribus axillaribus paniculatis.

{42}

85. SOLENOSTIGMA PANICULATUM.

Ferd. Bauer Illustr. pl. Norfolk. t. 188.

Crescit in insula Norfolk, mense Novembri florens. (Ferd. Bauer.)

Arbor ramulis calamum scriptorium crassis, subflexuosis, teretiusculis, cortice fusco lenticellis copiosis consperso, novellis atro-viridibus. Folia alterna, petiolata, ½-1pollicem dissita ovato-lanceolata, acuminata, integerrima, basi saepissime inaequilatera, latere inferiore nonnihil angustiora, 3½pollicem longa, 1½pollicem lata, utrinque glabrata, subtus pallidiora, subtrinervia, nervo medio validiori, e basi incrassata sensim attenuato, lateralibus submarginalibus multo tenerioribus, secundariis alternis intra marginem combinatis, reticulatim venis connexis. Petioli 3 lineas longi, crassiusculi complanati, glaberrimi, apice laminae substantia subdecurrente nonnihil incrassati. Stipulas obsoletae. Paniculae in foliorum axillis uni-bipollicares, dichotomae, solitariae, binae v. ternae, pedicellis teretiusculis divaricatis unifloris masculis, flore hermaphrodito in quavis panicula unico, in ejusdem dichotomia pedicello fastigiato imposito. Bracteae caducissimae Floribus masculis: Calyx quadrisepalus, sepalis pedicello continuis, ovato-oblongis, unam lineam longis, naviculari concavis, herbaceo-viridibus, membranaceis, margine pallidiori scarioso eroso-denticulatis, per aestivationem imbricatis, tribus exterioribus duo interiora latitudine paullo superantibus, omnibus in anthesi patentibus. Stamina quinque, sepalis opposita. Filamenta teretiuscula, crassiuscula, sepalis dimidio longiora, in anthesi patentia. Antherae introrsae biloculares, ovatae acutiusculae, medio dorso affixae, ibique connectivo cum filamenti apice articulato in alabastro extrorsum refractae, tandem erectae; loculi oblique appositi, latere juxta totam longitudinem hiantes, membrana loculorum crassiuscula, rimae marginibus tandem undulatis. Pistilli rudimentum centrale conicum, sepalis quintuplo brevius, basi villis stipatum. Floribus hermaphroditis: maris calyx cum staminibus persistens. Ovarium ovato-cylindricum, 2 lineas longum, subobliquum, uniloculare; ovulo solitario, altero cavitatis lateri prope apicem appenso. Stigma crassiusculum subcarnosum, sessile, papillosum, oblongo-subquadratum, hinc lateribus ovarii vertici aequale, illinc duplo latius, marginibus erectis subconniventibus, medio nonnihil emarginatis. Drupa ovato-subglobosa compressiuscula, subinaequilatera, hinc latere angustiori costata, stigmate persistente coronata. Semen solitarium pendulum. Embryo conduplicatus; radicula supera.

XXII. POLYGONEAE.

LIII. POLYGONUM Linn. gen. n. 495.

Calyx profunde 4-5fidus, semipetaloideus. Stamina 4-9. Stylus 2-3partitus. Stigmata totidem capitata v. plumosa. Nux calyce interdum baccato tecta. Embryo unilateralis.

86. POLYGONUM (HELXINE) AUSTRALE, caule arboreo, ramis flexuosis scabriusculis, foliis ovato-cordatis acuminatis v. obtusis integerrimis laevibus, racemis axillaribus terminalibusque compositis.

{43}

Polygonum australe A. Rich. Fl. Nov. Zeel. p. 178. (Descript. Forsteri.) Coccoloba australis Forst. prodr. n. 176. Ferd. Bauer Illustr. pl. Norfolk. t. 95.

Crescit in insula Norfolk. (Ferd. Bauer.)

OBSERVATIO. Folia polymorpha, in eodem ramo cordata acuminata et basi aequalia ac obtusa; unde nequaquam duplex varietas, quemadmodum cl. A. Richard l. c. innuit, erit admittenda. Flores in speciminibus Norfolkicis a me observatis abortu unisexuales; masculis calycis laciniae subaequales, stamina 8, pistilli rudimentum nullum; femineis sepala bina lateralia multo breviora, omnia in fructu baccata; stamina 8 rudimentaria, subulata; stigmata tria plumosa; nux alato-triquetra - Polygoni subgenus HELXINE ab illustri Brown (Prodr. Fl. nov. Holl. p. 420.) stabilitum, cui praeter nostram hanc speciem Polygonum adpressum Labill. nov. Holl. t. 127. Bot. Mag. t. 3145. pertinet, a cl. Meisner vix rite ad Coccolobas relatum fuit, Rumici propinquius quam Coccolobae.

XXIII. PLUMBAGINEAE.

LIV. PLUMBAGO Linn. gen. n. 213.

Calyx plicatus 5dentatus. Corolla hypocrateriformis, limbo 4partito. Stamina 5 hypogyna. Stylus filiformis. Stigmata 5 acuta. Capsula valvata. Semen inversum albuminosum.

87. PLUMBAGO ZEYLANICA, caule erecto tereti; foliis petiolatis oblongo-ovatis integerrimis glabris.

Plumbago zeylanica Linn. sp. 223. R Brown! prodr. I. 326.

Crescit in insula Norfolk. (Ferd. Bauer.)

OBSERVATIO. Specimina indica a cl. Wallich benevole communicata, Novae Hollandiae et insulae Norfolk a Bauero lecta omnino inter se ad amussim conveniunt.

XXIV. NYCTAGINEAE.

LV. PISONIA Linn. gen. n. 1163.

Flores hermaphroditi v. abortu diclines. Perigonium tubuloso-campanulatum, limbo quinqueplicato, semi-quinquefido persistente. Stamina hypogyna 6-10. Utriculus perigonii tubo angulato aucto inclusus. Embryo erectus.

88. PISONIA BRUNONIANA, fruticosa (?) foliis ovatis obtusis glabris, floribus hermaphroditis octandris cymosis, perigonio fructifero papuloso-muricato.

Ferd. Bauer Illustr. pl. Norfolk. t. 145.

Crescit in insula Norfolk, mense Septembri florens. (Ferd. Bauer.)

{44}

Frutex uti videtur; ramis teretibus digitum minimum crassis, cortice cinereo-fusco, rugoso-lacunoso. Folia opposita; plerumque inaequalia, altero ramum subtendente ut plurimum duplo triplove minore; ovata v. ovato-oblonga, obtusiuscula v. obtusissima; ramea 6 pollices longa, 2 pollices lata, ramulorum abbreviata, 3-3½pollicum longitudine, 2-3 pollicum latitudine; omnia integerrima glabra, subtus pallidiora, nervo centrali valido, secundariis alternis oppositisque tenerrimis, prope marginem combinatis, nonnulla basi saepius plus minusve inaequilatera v. breviter in petiolum decurrentia. Petioli 9-15 lineas longi, teretiusculi, transversim rugulosi, post lapsum cicatrices ovatas relinquentes. Cymae in ramulis terminales, primariae trichotomae, laxiusculae, pedunculis pedicellisque vix lineam longis, caduce bracteatis, teretiusculis. Flores 3-4 lineas longi. Perigonium infundibuliformi-campanulatum; tubo basi angustato tereti, medio subinflato angulato, apicem versus sensim expanso, limbo breviter quinquelobo, plicato, lobis ovatis acutiusculis crenulatis, uno alterove saepius emarginato. Stamina 8 hypogyna, filamentis basi brevissime monadelphis filiformibus, quatuor majoribus inter se aequalibus, quatuor minoribus inaequilongis, omnibus perigonii limbum subaequantibus v. subsuperantibus. Antherae ovatae biloculares, basifixae; loculis suboppositis basi discretis. Ovarium brevissime stipitatum, oblongum, stylo filiformi sublaterali; stigmate oblique subcapitato spongioso. Perigonium fructiferum pollicem longum induratum crassiusculum, apice nonnihil incrassato subclavatum, limbo marcido constricto faucem claudente coronatum, juxta totam longitudinem angulatum, angulis papillis minimis humorem viscidum secernentibus exasperatum Utriculus membranaceus, staminum exuviis stipatus, stylo persistente superatus. Semen erectum oblongum, 7-8 lineas longum. Testa membranacea tenuis. Embryo semini conformis, cotyledonibus foliaceis appressis, longitudinaliter albumen farinaceum amplectentibus, altera interiore septima v. octava parte breviore, radiculam conicam obtusiusculam inferam quadruplo superante.

XXV. AMARANTACEAE.

LVI. ACHYRANTHES Linn. gen. n. 288.

Bracteae 3, saepius carinatae, interdum spinescentes. Calyx 5, rarissime 4 sepalus, regularis. Stamina sepalorum numero, squamulis fimbriatis interjectis Antherae biloculares. Stylus simplex. Stigma capitatum. Utriculus evalvis monospermus. - Herbae v. suffrutices, erectae v. procumbentes; foliis oppositis, floribus spicatis.

* Floribus tetrameris.

89. ACHYRANTHES ARBORESCENS, foliis ellipticis acuminatis glaberrimis, spicis cernuis, rhachi flexuosa, bracteis perianthio, arista basi ovata brevioribus.

Achyranthes arborescens R. Brown! prodr. 273. in not. Mart in nov. Act. N. C. XIII. I. p 319. Ferd Bauer Illustr. pl. Norfolk. t. 122

Crescit in insula Norfolk ad sinum Ansonis, ineunte Septembri florens. (Ferd. Bauer.)

{45}

Arbuscula (?) ramis lignosis calami scriptorii crassitie tetragonis, subflexuosis, foliorum ciatricibus subtorosis. Ramuli tripollicares, oppositi, subherbacei, filiformes, cernui. Folia opposita petiolata elliptica, acuminata, basi attenuata et brevissime in petiolum decurrentia, 2-3 pollices longa, 1-1¼poll. lata, integerrima; nonnulla marginibus obsolete revoluta et subsinuato-dentata, juniora supra basi et ad nervos, subtus tota pagina adpressim pilosa, adulta utrinque glaberrima, nervo primario supra impresso, subtus prominente, secundariis tenerrimis, oppositis, subtus venis reticulatim connexis. Petioli semipollicares filiformes subtetragoni adpressim-pilosi, apice lamina subdecurrente marginati, basi in vaginam stipularem ramulum ambientem, truncatam brevissimam, lateribus brevissime subauriculatam, pilosam, persistentem, tandem in nodum rami induratam commissi. Spicae in ramis ramulisque terminales, solitariae, 1½-2½pollicem longae, cernuae. Rhachis filiformis flexuosa, pilosa, pilis substuposis ad florum exortum copiosioribus. Flores in quavis spica 10-25, primum approximati, tandem spatio 2 linearum remoti, sessiles, primum erecti, demum horizontaliter patentes, tandem subreflexi, 3 lineas longi, tribracteati. Bractea antica exterior ovato-acuminata naviculari-concava, rigido-cartilaginea, 2 laterales interiores (bracteolae) teneriores membranaceae, ovatae, obtusae, apice emarginatae, nervo medio dorso convexim prominente excurrente rigido (arista) basi triente breviore. Calycis sepala 4, aequalia oblonga; acuta, concava, uninervia, nitido-cartilaginea erecto-patentia, bracteolarum aristam duplo fere superantia. Stamina 4, sepalis quadrante breviora, filamenta basi in cupulam coadunata, interjectis squamis oblongis obtusissimis fimbriatis, dimidam staminum altitudinem aequantibus. Antherae introrsae biloculares, medio dorso affixae, oblongae, obtusae; localis appositis antice longitudinaliter dehiscentibus. Ovarium obovatum obtusum, squamulas staminibus interjectas quadrante superans. Stylus terminalis cylindricus, staminibus parum longior, stigmate minute capitato terminatus. Fructus congenerum.

** Floribus pentameris.

90. ACHYRANTHES CANESCENS, foliis ovalibus obtusiusculis tomentosis subtus cinereis mollibus, bracteis perianthio brevioribus, arista basi subrotunda duplo fere longiori. R. Brown.

Achyranthes canescens R. Brown prodr. p. 273. Ferd. Bauer Illustr. pl. Norfolk. t. 123.

Crescit in insula Norfolk, exeunte Octobri florens. (Ferd. Bauer.)

OBSERVATIO. Achyranthes canescens, cum in herbario Baueriano e Nova Hollandia desit, nec unquam specimina hujus plantae alibi viderim, stirpis Norfolkicae determinatio, in quam ceterum phrasis Brounoniana ad amussim quadrat, non omnino certa est. Proxime affinis est stirpi nostrae planta ab Hilsenbergio in insula Mauritii lecta, a Siebero olim Achyranthis obtusifoliae nomine mecum communicata.

{46}

XXVI. SANTALACEAE.

LVII. EXOCARPUS Labill. nov. Holl. II. 123.

Perigonium 4-5partitum, rotatum. Stamina 5, basi laciniarum inserta. Stylus brevissimus; stigma obtusum. Nux supera corticata, monosperma, pedunculo ampliato baccato imposita. Embryo inversus teres, in axi albuminis carnosi. R. Brown prodr. 356.

91. EXOCARPUS PHYLLANTHOIDES, aphylla ramis phyllodinis margine floriferis.

Ferd. Bauer Illustr. pl. Norfolk. t. 121.

Crescit in insula Norfolk. (Ferd. Bauer.)

Ramos video pedales, pennae corvinae crassitie, ima basi teretes, sensim sensimque magis compressos, apice tandem foliaceo-dilatatos, substantia e ramulorum insertionis nodis subtilissime decurrente, mox deliquescente subalatos. Ramuli phyllodini, articulato-inserti, solitarii, geminati ternative, ovato-lanceolati v. elongato-lineares, subfalcati, utrinque angustati, 6-10pollices longi, 1-1½pollicem lati, marginibus subundulati, interdum irregulariter contracti, nonnulli ramulo secundario aucti. Spicae pollicares simplices, nunc extraaxillares, nunc in phyllodiorum marginibus, solitariae, geminatae v. ternatae. Rhachis compressa, denticulata, florum inferiorum abortu basi denudata, 1-2-3 rarissime multiflora. Pedunculi brevissimi, obconici, rhacheos dentibus impositi. Perigonium quinquepartitum, subrotatum, laciniis triangularibus intus pilosis, aestivatione valvatis. Stamina 5, perigonii laciniis opposita, iisdem prope basim inserta. Filamenta complanata, dimidiam laciniarum longitudinem aequantia, apice brevissime bifurca Antherae introrsae biloculares, loculis oblique appositis, discretis, filamenti dentes terminantibus. Ovarium oblongo-ovatum, uniloculare, ovulis pluribus basilaribus. Stigma terminale sessile, discoideum, centro depressum. Nux corticata, pedunculo carnoso ampliato imposita, et ad tertiam longitudinis suae partem cupulatim cincta, monosperma.

OBSERVATIO. Species jam ab Illustr. Brownio (Gen. Rem. 569.) indicata, cui eodem sagacissime judicante Xylophyllos ceramica Rumphii (Herb. amboin. VII. p. 19. t. 12.) quae Xylophyllae longifoliae typum praebuit, congener. Xylophylla longifolia statione propria non commemorata in Oceani australis insulis a Forsteris indicator.

XXVII. THYMELEAE.

LVIII. PIMELEA Banks et Sol. ex Gärtn. carp. I. 186.

Perigonium corollinum infundibuliforme, limbo quadrifido, fauce nuda. Stamina 2, fauci inserta, laciniis exterioribus opposita. Stylus lateralis. Drupa corticata v. baccata, monosperma. - Folia opposita v. alterna.

92. PIMELEA LINIFOLIA, foliis oppositis petiolatis linearibus subspathulatisque uninerviis, florum capitulis terminalibus involucratis, involucri tetraphylli foliolis late ovatis utrinque glabris capitulo dimidio brevioribus, perianthii tubo sericeo.

{47}

Pimelea linifolia Smith nov. Holl. I. 31. t. 11. R. Brown prodr. 359. Bonpland Jard. Malmais. 79. t. 31. - Wickstr. in Act. Holm. p. 274.

Crescit in insula Norfolk. - Deest in herbario Baueriano.

LIX. WICKSTROEMIA.

Perigonium corollinum, infundibuliforme, medio ventricosum, limbo quadrifido, fauce nuda. Stamina 8, inclusa. Ovarium squamis linearibus quatuor cinctum. Stylus terminalis brevissimus Stigma capitatum. Drupa baccata, monosperma. - Folia opposita. Racemus terminalis.

OBSERVATIO. Genus inter Daphnem et Lagettam medium; ab hac fauce imberbi pervia, ab illa squamarum hypogynarum praesentia distinctum. Episolena Blum. Bydr. 651. cujus ovarium tubulo vaginatum describitur, foliis alternis, floribusque in capitula axillaria congestis dignoscenda. Cansiera Juss. staminum numero diversa. Dixi in memoriam Im. Wickström Thymelearum monographi. - Wickströmia Spreng. ipso auctore fatente est Eupatorii species. Wickströmia Schrad. est Haemocharis Salisb.

92. WICKSTROEMIA AUSTRALIS.

Ferd. Bauer Illustr. pl. Norfolk. t. 94.

Habitat in insula Norfolk. (Ferd. Bauer.)

Frutex. Rami teretes. Folia opposita, breviter petiolata, ovata, utrinque angustata, v. basi rotundata, 5 pollices longa, 1½ pollicem lata, integerrima, glabra, penninervia, nervo centrali subtus valde prominente, secundariis subtilissimis, pagina inferiore pulcherrime venoso-reticulata. Petioli 4 lineas longi, canaliculati, basi incrassati, articulati. Stipulae nullae. Racemus terminalis simplex, bipollicaris, nutans, 8-10florus. Pedicelli brevissimi, cum rhachi continui, ebracteati. Perigonium pallide virens, 8 lineas longum, glabrum, infundibuliformi-tubulosum, basi angustissimum, pedicello tenuius; infra medium ventricoso-dilatatum limbo quadrifido, lobis acutiusculis ovatis, duobus oppositis nonnihil brevioribus, in aestivatione interioribus. Stamina 8, perigonii tubo infra faucem inserta; 4 altius affixa laciniis opposita, antherarum apices exserentia, 4 profundius adnata alterna, omnino inclusa. Filamenta brevissima. Antherae oblongae, biloculares, localis oppositis parallelis longitudinaliter dehiscentibus. Ovarium squamis 4 lineari-lanceolatis dimidiam sui longitudinem aequantibus, basi brevissime inter se in cupulam ovarium recipientem cohaerentibus cinctum, ovato-oblongum, 1½ lineam longum, apice in stylum brevissimum, vix octavam lineae partem aequantem attenuatum; stigmate crasso, capitato-spongioso terminatum. Drupa baccata, sanguinea, ovata, apice oblique-subcompressa, monosperma.

{48}

XXVIII. PRIMULACEAE.

LX. SAMOLUS Linn. gen. n. 222.

(Sheffieldia Forst. Labillard.)

Calyx semisuperus, quinquefidus. Corolla subcampanulata, quinqueloba. Stamina 5 antherifera laciniis limbi opposita, 5 alterna sterilia. Capsula semiinfera, ovata, semi5valvis, unilocularis. Placenta centralis libera. Semina plurima, juxta alteram extremitatem affixa, albuminosa. Embryo inclusus; radiculâ umbilicum spectante.- Herbae foliis alternis integris, floribus subracemosis v. corymbosis albis; pedicellis medio v. basi unibracteatis. R.Brown prodr. p. 428.

94. SAMOLUS LITTORALIS α REPENS, caule tereti ramoso folioso, ramis sterilibus prostratis, floriferis adscendentibus, foliis radicalibus spathulatis, caulinis lanceolatis, calycis semisuperi laciniis acutis.

Samolus littoralis var. α R. Brown! prodr. 428. Sheffieldia repens Forst! prodr. n. 67. Ferd. Bauer Illustr. pl. Norfolk. t. 125.

Crescit in insula Norfolk. (Ferd. Bauer.)

XXIX. MYRSINEAE.

LXI. MYRSINE Linn. gen. n. 269.

Flores polygamo-dioici. Corolla 5-raro quadrifida. Antherae subsessiles. Ovarium ovulis definitis (4-5.). Stigma saepius lobatum v. laciniatum. Drupa pisiformis, putamine crustaceo monospermo. - Folia alterna coriacea. Flores axillares, aggregati, subumbellati.

95. MYRSINE CRASSIFOLIA, foliis obovatis integerrimis, floribus axillaribus aggregatis subsessilibus.

Myrsine crassifolia R. Brown! prodr. 534. Ferd. Bauer Illustr. pl. Norfolk. t. 124.

Crescit in insula Norfolk, mense Octobri florens. (Ferd. Bauer.)

XXX. SAPOTACEAE.

LXII. ACHRAS Linn. gen. 438.

Calyx 5-6phyllus. Corolla 5-6fida. Stamina 5-6 sterilia cum totidem fertilibus alternantia. Ovarium 6-12loculare. Pomum 1-6spermum. Nuces compressae osseae, ventre longitudinaliter deraso. Semen albuminosum.

{49}

OBSERVATIO. Lucuma solo albuminis defectu ab Achrade differt, nam species australasicae characterem e partium numero petitum infringunt, demto albumine ad Lucuma referendae.

96. ACHRAS COSTATA, foliis obovato-ellipticis obtusiusculis costatis, pedicellis calycibusque pilosis; floribus pentameris, filamentis sterilibus lineari-subulatis, fructu mono-tetraspermo.

Ferd. Bauer Illustr. pl. Norfolk. t. 161.

Crescit in insula Norfolk, mense octobri florens. (Ferd. Bauer.)

Frutex an arbuscula? ramis ramulisque teretiusculis pennae columbinae crassitie, basi foliorum lapsu denudatis, eorundem cicatricibus notatis, cortice rugoso cinerascente glabro; apice foliosis, adpressim puberulis. Folia alterna approximata, obovato-elliptica, obtusiuscula, basi repentine angustata et in petiolum decurrentia, 4-4½ poll longa, 1¼-1¾ pollicem lata, coriacea, integerrima, marginibus subrevoluta, glaberrima, nitidula, supra obscure, subtus laete viridia, costata; nervo centrali cum petiolo continuo, supra impresso, subtus late prominente, crassiusculo, discolori, lateralibus oblique transversis, alternis et oppositis, approximatis, utrinque prominulis, intra marginem combinatis, et basibus juxta nervum centralem decurrentibus. Petioli 3 lineas longi, basi incrassati, supra canaliculati, subtus convexi, glaberrimi. Flores parum supra ramorum axillam orti, rarissime solitarii v. bini, plerumque terni, nempe 2 collaterales, tertio superposito, nunquam plures. Pedicelli ebracteati, 3-4 lineas longi, angulati, apice incrassati, pilis brevibus adpressis fuscescentibus obsiti, floriferi cernui, fructiferi stricti. Calyx pedicello continuus, 2½lineam longus, constans foliolis 5, ovatis, obtusis, concaviusculis, pilosis, pilis juxta marginem et apiccm longioribus densioribusque; foliola 2 exteriora, 3 interiora, uno reliquis paullo minori. Torus brevissimus, stipitiformis, obsolete pentagonus. Corolla glabra, ovato-ventricosa, calyce dimidio longior, usque ad medium quinquefida, lobis ovato-oblongis, obtusis, erecto-conniventibus, summo apice infracto-patentibus, margine subtilissime crenulatis, imbricatis. Stamina 10, corollae inserta, 5 sterilia, lineari-subulata, acuta, lobis triente breviora iisque alterna, totidem fertilia paullo profundius inserta, sterilium altitudine, lobis opposita. Antherae extrorsae biloculares, ovatae, acutiusculae, medio dorso affixae, loculis oblique appositis, longitudinaliter dehiscentibus. Ovarium summo toro impositum, depresso-ventricosum, pilosum. Stylus terminalis teretiusculus, e basi dilatata apicem versus sensim attenuatus, antheras altitudine paullo superans, stigmate obtuso. Fructus plerumque solitarii, baccati, nucis juglandis magnitudine, styli rudimento filiformi persistente superatae, calyce aliquantisper ampliato basi excepti, nunc globosi tetraspermi, nunc oblongi dispermi, saepissime inaequilateri monospermi. Nuces (nauci Gärtn.) osseae, laevigatae, semiovatae, basi acutiores, apice obtusae, dorso convexae, lateribus depressiusculae, facie complanatae, derasae; hilo prope basim ovato impresso. Nucleus nauci cavitatem explens. Albumen carnosum parcum, facile in lobos duos longitudinales separabile. Embryo orthotropus axilis, cotyledonibus foliaceis ovato-oblongis obtusis, basi nonnihil emarginatis; radicula obtusa, cotyledonibus quadruplo breviore, fructus basim spectante.

{50}

XXXI. LOBELIACEAE.

LXIII. LOBELIA Linn. gen. n. 1006.

97. LOBELIA ALATA γ stolonifera, caule prostrato stolonifero trigono angulis subalato, foliis decurrentibus lanceolatis v. cuneiformibus, integerrimis v. angulato-dentatis.

Lobelia alata R Brown prodr. I. 562. ?Lobelia angulata Forst. prodr. n. 309. Ferd. Bauer Illustr. pl. Norfolk. t. 120. rect.

Crescit in insula Norfolk. (Ferd. Bauer.)

OBSERVATIO. Lobeliae genus esse dividendum quamvis nullus Botanicorum hodie dubitet, rem tamen infelicissimam pessime agunt ii, qui totius familiae oeconomia nequaquam perpensa, una alterave ex amplissima specierum intricatissimarum caterva arrepta, observationibus mancis genera a futuro ordinis monographo v. certe delenda v. aegre servanda superstruunt.

XXXII. SYNANTHERAE.

LXIV. GNAPHALIUM R. Brown in Trans. Linn. soc. XII. 121.

Capitulum multiflorum, floribus ♀ numerosis pluriseriatis in ambitu. Pappus pilosus, uniserialis conformis. Stylus ☿ ramis apice solo penicillatis. Achenium erostre. Rhachis ebracteolata. Lessing synops. 328.

98. GNAPHALIUM LUTEO-ALBUM var. incanum, caule ramoso diffuso adscendente albo-lanato, foliis auiplexicauli-sessilibus lineari-cuneatis obtusis margine reflexo subrepandis utrinque albo-lanatis, capitulis in apice ramulorum glomeratis.

Gnaphalium luteo-album Linn. Spec. 1263. Gnaphalium luteo-album var. incanum A. Rich. Flor. Nov. Zeel. p. 238.

Crescit in insula Norfolk. (Ferd. Bauer.)

99. GNAPHALIUM LANATUM, herbaceum lanatum, caule simplicissimo, foliis linearibus oblongis apice rotundatis oalloso-mucronatis, corymbo coarctato.

Gnaphalium lanatum Forst. prodr. n. 290. A. Rich. Fl. Nov. Zeel. p. 238

Crescit in insula Norfolk. (Ferd. Bauer.)

100. GNAPHALIUM (Lasiopogon) INVOLUCRATUM, herbaceum, caule erecto simplici, foliis lineari-lanceolatis acutis margine revolutis, supra parce, subtus tomentoso lanatis, capitulis axillaribus sessilibus ad ramulorum apices approximatis.

Gnaphalium involucratum Forst prodr. n. 291. A. Rich. Fl. Nov. Zeel. p. 241.

{51}

Gnaphalium sphaericum Willd. enum. II. 867. Euchiton Forsteri Cass. in Dict. sc. nat. LVI. 216.

Crescit in insula Norfolk. (Ferd. Bauer.)

LXV. SENECIO Lessing synops. 391.

Capitulum heterogamum, rarius homogamum. Pappus pluriserialis setaceus, caducus, rectus, subaequalis, conformis. Stylus ☿ ramis truncatis apice solo penicillatus. Achenium erostre, apterum, teretiusculum, glaberrimum v. hirsutiusculum.

101. SENECIO ARGUTUS, caule stricto foliisque sessilibus lineari-lanceolatis argute serratis pinnatifidisque, summis integerrimis, utrinque imprimis subtus albido-lanuginosis, floribus paniculatis, flosculis disci quinquedentatis.

Senecio argutus A. Rich. Fl. Nov. Zeel. p. 258.

Crescit in insula Norfolk. (Ferd. Bauer.)

LXVI. WEDELIA Jacq. amer. 217.

Radius ♀ uniserialis, rarissime nullus. Achenium conforme, erostre, angulatum, urceolo foliaceo, hinc inde aristam unam alteramve brevem gerente coronatum; disco epigyno minuto. Lessing synops. p. 222.

102. WEDELIA FORSTERIANA, caule suffruticoso, foliis petiolatis oblongo-lanceolatis acutis grosse serratis, supra strigosis subtus albido-villosis, pedunculis axillaribus terminalibusque unifloris.

Buphthalmum uniflorum Forst. prodr. n. 541. Spreng. syst. 111. 605.

Crescit in insula Norfolk, mense Januario florens. (Forst. Ferd. Bauer.)

XXXIII. CONVOLVULACEAE.

LXVII. CALYSTEGIA R. Brown prodr. 483.

(Convolvuli sp. Linn.)

Calyx quinquepartitus; bracteis duabus foliaceis inclusus. Corolla campanulata, quinqueplicata. Stamina subaequalia, limbo breviora. Ovarium semibiloculare, quadriovulatum. Stylus indivisus. Stigmata 2 obtusa, teretia v. subglobosa. Capsula unilocularis. R. Brown l. c.

103. CALYSTEGIA AFFINIS, foliis sagittatis acutis, postice emarginatis truncatis subdentatis, bracteis late cordatis obtusis corollae dimidium superantibus, pedunculo petiolum aequante v. superante, angulis marginatis undulatis.

{52}

Ferd. Bauer Illustr. pl. Norfolk. t. 135.

Crescit in insula Norfolk. (Ferd. Bauer.)

Caulis volubilis, fili emporetici crassitie, striatus. Folia alterna, 3½ pollicem dissita, sagittata, acuta; a petioli insertione ad apicem 3 pollices, inde ad loborum basim sesquipollicem longa, 3 pollices lata, lobis convergentibus, basi emarginato-truncatis, quinquenervia, nervis duobus infimis tenerioribus in lobos descendentibus, integerrima v. imprimis postice rare et obsolete sinuato-dentata, glabra, supra obscure viridia, subtus pallide glaucescentia. Petioli 4 pollices longi, tetragoni, angulis apteris. Pedicelli axillares uniflori stricti, primum petiolis dimidio breviores, tandem eosdem aequantes v. saepius subsuperantes, raro iisdem nonnihil breviores, tetragoni, angulis imprimis apice angustissime membranaceo-alatis, undulatis. Bracteae cordatae, obtusae, nervosae, ab insertionis puncto ad apicem ¾ poll. inde ad loborum basim 4 lineas longae, latitudine longitudinem aequantes, alabastrum includentes, tandem floris dimidio paullo longiores. Calyx 6 lineas longus, laciniis acutiusculis. Corolla campanulata, quinqueplicata, limbo integro, calyce duplo longior. Stamina 5, corollae basi inserta, dimidiam ejusdem longitudmem aequantia. Filamenta basi glanduloso-pilosa. Ovarium subglobosum, disco pentagono basi cinctum. Stylus e basi incrassatâ sensim attenuatus, antherarum altitudine, stigmatibus duobus clavato-capitatis, pilosis.

OBSERVATIO. Species C. marginatae R.Brown, cujus specimen autographum conferre licuit, admodum affinis, bractearum forma facile distinguenda.

105. CALYSTEGIA SOLDANELLA β australis, caule prostrato, foliis reniformibus subrepandis crassiusculis, pedunculis teretiusculis, bracteis cordatis calycem aequantibus.

Calystegia Soldanella A. Rich. Fl. Nov. Zeel p. 200. Calystegia reniformis R. Brown! prodr. 484. Convolvulus Soldanella Linn. Sp. 226. Ferd. Bauer Illustr. pl. Norfolk t. 125.

Crescit in insula Norfolk. (Ferd. Bauer.)

LXVIII. IPOMAEA Linn. gen. n. 288.

Calyx quinquepartitus, nudus. Corolla campanulata v. infundibuliformis, quinqueplicata. Ovarium bi-triloculare, loculis dispermis. Stylus indivisus. Stigma capitatum, bi-trilobum. Capsula bi-trilocularis. (R. Brown.)

105. IPOMAEA PENDULA, glabra, foliis quinato-digitatis; foliolis lanceolatis mucronulatis integerriinis, extimis indivisis bifidisve, pedunculis uni-trifloris, calycis foliolis subaequalibus obtusis, tubo corollae triplo brevioribus.

Ipomaea pendula R. Brown! prodr. 436. Convolvulus mucronatus Forst. prodr. n. 79. Ferd. Bauer Illustr. pl. Norfolk. t. 164.

Crescit in insula Norfolk. (Ferd. Bauer.)

{53}

OBSERVATIO. Species haec in Nova-Hollandia tropica, extratropica orientali et Nova-Caledonia indigena, in herbario Baueriano norfolkico deest. Icon citata ad amussim quadrat tam in specimina ab ipso Bauero circa Port-Jackson lecta, quam in stirpem ex eodem loco provenientem a Siebero olim mecum communicatam.

106. IPOMAEA CATARACTAE, caule sericeo-hirto volubili, foliis cordatis integris v. obsolete trilobis, supra puberulis, subtus sericeo-tomentosis, lobis lateralibus obtusis postice rotundatis; intermedio acuminato v. obtusiusculo; pedicellis retrorsum hirtis petiolo longioribus trifloris, floribus involucratis; involucri polyphylli foliolis linearibus undulatis calycem aequantibus, calycis foliolis ovatis acuminatis dimidium corollae superantibus.

Ferd. Bauer Illustr. pl. Norfolk t. 153. et 151. fig. infer.

Habitat in insula Norfolk, loco dicto Caskade Bay. (Ferd. Bauer.)

OBSERVATIO. Species fortassis binae hoc nomine a nobis confusae e speciminibus mancis herbarii Baueriani haud extricandae.

107. IPOMAEA CARINATA, caule volubili inermi, foliis cordatis acuminatis mucronatis, mucrone setaceo, foliolis calycinis ovatis carinatis concavis, carina acuminatis, acumine uncinato, corollae infundibuliformis tubo gracili calycem triplo superante, pedunculis cymosis, stigmate incluso.

Ferd. Bauer Illustr. pl. Norfolk t. 171. rect.

Crescit in insula Norfolk. (Ferd. Bauer.)

Caulis volubilis, pennae scriptoriae crassitie, teretiusculus, striatus. Folia petiolata, cordata, acuminata, integerrima, glabra, a petioli insertione ad apicem 4 pollices, inde ad loborum approximatorum rotundatorum basim 1. poll. 8 lin. longa, 4 pollices lata, curvinervia, nervo centrali in mucronem setaceum 1 lin. longum excurrente. Petioli angulati, foliorum longitudine. Pedunculus cymosus, teretiusculus, dimidiam petioli longitudinem paullo superans, strictus; pedicelli pollicares, apice incrassati, uniflori. Calycis foliola 5, ovata, concava, carinata, 7 lineas longa, lin. lata, carina in acumen subulatum baseos longitudine, apice uncinato-inflexum producta; duo interiora paullo longiora, acumine nonnihil breviori. Corollae tubus gracilis, quinque pollices longus; limbus expansus patens quinqueplicatus, lobis medio brevissime acuminatis, diametro tripollicari. Stamina corollae tubo prope faucem inserta, 7 lineas longa, exserta. Antherae oblongae, post dehiscentiam apice reflexae. Ovarium ovato-cylindricum, disco annulari obsolete pentagono receptum. Stylus filiformis, tubi longitudine. Stigma late-capitatum, emarginato-bilobum.

108. IPOMAEA AMBIGUA, caule volubili muricato, foliis cordatis trilobis, lobis lateralibus acutiusculis, postice truncatis, intermedio acuminato-mucronato, mucrone setaceo, calycis foliolis oblongis carinatis, carina acuminatis, acumine subulato-recto,

{54}

corollae infundibuliformis tubo gracili calycem quadruplo superante, pedunculis bifloris, stigmate exserto.

Ferd. Bauer Illustr. pl. Norfolk. t. 171. vers. fig. sup.

Crescit in insula Norfolk. (Ferd. Bauer.)

OBSERVATIO. Praecedenti nimis affinis et mera fortassis varietas.

XXXIV. SOLANACEAE.

LXIX. SOLANUM Linn. gen. n. 337.

Calyx quinque-quadrifidus, corolla rotata quinque-quadrifida. Antherae conniventes, apice poro gemino dehiscentes. Bacca subglobosa bi- raro quadrilocularis.

109. SOLANUM BAUERIANUM, inerme fruticosum, foliis oblongis acuminatis angulato-dentatis glabris, corymbis terminalibus laxiusculis, pedunculis cernuis.

Ferd. Bauer Illustr. pl. Norfolk. t. 158.

Crescit in insula Norfolk, Octobri florens. (Ferd. Bauer.)

Frutex ramosus, ramulis uni-bipedalibus pennae anserinae crassitie, strictiusculis, cortice fusco, lenticellis discoloribus consperso. Folia alterna, inferiora 1½-2 pollices dissita, petiolata, oblonga, basi subinaequilatera, acuminata, 5 pollices longa, 2 pollices lata, angulato-dentata, subsinuata, summa subintegerrima, glaberrima, supra obscure viridia lucidiuscula, subtus pallidiora. Petioli pollicares, transversim rugosi. Corymbi terminales laxiusculi ampli; pedunculis cernuis. Flores magnitudine florum Solani tuberosi, albi. Baccae ovato-oblongae v. subglobosae, 6 lineas longae, diametro trilineari, miniatae.

XXXV. MYOPORINEAE.

LXX. MYOPORUM Banks et Soland. ex Forst. prodr. p. 44.

(Pogonia Andrews. - Andrewsia Vent.)

Calyx quinquepartitus, fructifer immutatus v. parum auctus. Corolla tubo brevi, limbo quinque lobo, subbilabiato. Stigma simplex. Drupa baccata, quadrilocularis, tetrasperma, v. bilocularis, loculis dispermis.

110. MYOPORUM OBSCURUM, foliis alternis integerrimis, late-lanceolatis acuminatis v. obtusiusculis basi angustatis ramulisque resinoso-punctatis, foliolis calycinis lineari-lanceolatis acutissimis; corollae limbo barbato.

Ferd. Bauer Illustr. pl. Norfolk t. 101.

Crescit in insula Norfolk. (Ferd. Bauer.)

Ramulum video calami scriptorii crassitie, cortice cinereo, rugogoso, basi foliorum delapsorum cicatricibus torosum, gemmarum

{55}

axillarium rudimentis viscidis exasperatum, apice fucatum, resinoso-viscosum. Folia alterna, approximata, lato-lanceolata, acuminata v. obtusiuscula, 3 pollices longa, 1½ pollicem lata, basi in petiolum angustata, exsiccatione obscure viridia, glabra, utrinque imprimis subtus glandulis resinosis minimis confertis obsessa; nervo centrali petiolo continuo, supra impresso, subtus prominente, e latiori basi sensim angustato percursa, secundariis oppositis, prope marginem combinatis, pagina inferiori prominentibus, supra obsoletis. Flores axillares solitarii v. ex eadem axilla bini ternive ebracteati; pedicellis 2-3 lineas longis, teretiusculis, apice incrassatis viscidis. Calyx quinquepartitus, laciniis lineari-lanceolatis acutissimis, 5 lin. longis, subinaequalibus. Corolla tubo brevi, 4 lineas longo, fauce barbata, limbo quinquelobo, subbilabiato, laciniis ovatis, obtusis, 5 lineas longis, 4 lineas latis, supra punctis atropurpureis conspersis pilosiusculis, duabus superioribus nonnihil angustioribus approximatis. Stamina 4, corollae lobis alterna, locus quinti inter labii supericris lobos vacuus, tubo inserta, dimidiam limbi longitudinem aequantia. Filamenta teretiuscula, e basi crassiore angustata. Antherae introrsae, biloculares, basi fixae, loculis appositis, apice rotundato contiguis, basi obtusis, discretis, demum divergentibus. Ovarium ovato-globosum, disco annulari cinctum, quariloculare, loculis uniovulatis. Stylus filiformis, staminum longitudine, ovario triplo fere longior, a basi ultra medium patentim pilosus, apice uncinato-incurvus, stigmate truncato-dilatato glanduloso terminatus.

XXXVI. JASMINEAE.

LXXI. JASMINUM Linn. gen. n. 27.

Calyx quinque-octofidus. Corolla hypocrateriformis, quinque-octofida. Stamina 2. Bacca didyma, lobo altero saepe abortiente. Semen exalbuminosum. Embryo erectus.

111. JASMINUM GRACILE, ramis scandentibus glabris, foliis simplicibus ovatis, breviter acuminatis nitidis, petioli articulo superiore inferiorem vix triplo superante, calycis campanulati dentibus brevissimis.

Jasminum gracile Andr. Bot. Reposit. t. 127. R. Brown prodr. p. 521. Bot. Reg t. 606. Jasminum geniculatum Vent. choix. t. 8. Ferd. Bauer Illustr. pl. Norfolk. t. 139. et 173.

Crescit in insula Norfolk. (Ferd. Bauer.)

OBSERVATIO. Stirps in insula Norfolk nec non in Nova-Hollandia tropica et orientali indigena, anno 1791 in Angliam introducta, nunc in hortis vulgaris.

XXXVII. OLEINEAE.

LXXII. OLEA Linn. gen. n. 20.

Calyx quadrifidus. Corolla quadrifida, v. nulla. Stamtna 2. Drupa baccata.

{56}

* GYMNELAEA. Corolla nulla.

112. OLEA APETALA, racemis axillaribus solitariis folio brevioribus.

?Olea apetala Vahl Symb. III. 3. non Andr. Ferd. Bauer Illustr. pl. Norfolk. t. 172.

Crescit in insula Norfolk, ineunte Octobri florens. (Ferd. Bauer.)

Frutex an arbor? Ramulorum summitates video pedales, pennae scriptoriae crassitie, cortice cinereo-fusco, lenticellis ovato-oblongis consperso vestitos. Folia opposita, decussantia, ¾ poll-dissita, breviter petiolata, patentia, elliptico-lanceolata, acuminata, basi in petiolum angustata et decurrentia, coriacea, integerrima, glaberrima, supra laevia, subtus rugulosa, 4½pollices longa, sesquipollicem lata, nervo centrali valido, superiore pagina impresso, subtus convexim prominente, apicem versus attenuato; secundariis alternis, intra marginem combinatis, subobsoletis. Petioli basi nodoso-incrassati, 8 lineas longi, supra canaliculatim excavati, subtus tereti-convexi. Racemi axillares, solitarii, oppositi, petiolo vix quidquam longiores, simplices. Pedicelli filiformes, oppositi, stricti, vix 2 lineas longi, totidem lineas dissiti, singuli bracteola lineari-lanceolata, concava dimidiam sui longitudinem superante stipati, apice nonnihil incrassati. Calycis foliola 4 v. rarissime 5, lanceolata, concaviuscula, ½ lineam longa, coriacea, margine tenuiori membranaceo, inter se omnino distincta, v. basi breviter connata. Stamina 2 hypogyna, sepalis lateralibus opposita, v. ubi sepala 5 hinc unum sepalo laterali oppositum, alterum illinc inter sepala lateralia geminata situm. Filamenta brevissima. Antherae cordatae, basifixae, introrsae, biloculares, sepalis duplo longiores, crassiusculae; loculi oblique appositi, latere juxta totam longitudinem dehiscentes. Ovarium ovato-globosum, sessile, sepalis dimidio longius, apice in stylum brevem crassiusculum, usque ad basim bifidum attenuatum, lobis lanceolatis, erecto-patentibus, intus et angusto margine juxta totam longitudinem papilloso-stigmatosa, lobis anticum et posticum ab axi floris latus spectantibus, intus biloculare; septo e basi lata attenuato, situ antheris contrario; loculi biovulati; ovula collateralia, septo prope apicem appensa. Drupa baccata, nucis avellanae magnitudine, sordide lutea, sanguineo punctata, apice sublateraliter umbilicata, stigmatumque rudimentis emarcidis superata, foeta nucleo chartaceo, fibroso, uniloculari. Semen inversum, nuclei cavitatem explens. Albumen carnosum, copiosum. Embryo orthotropus axilis, albumine quadrante brevior; radicula cylindrica crassiuscula, obtusa, supera, cotyledonibus ellipticis, obtusis crassis, extus convexiusculis, intus complanatis quarta parte brevior.