PLANTAE VASCULARES. (continued 2)

OBSERVATIO. Olea apetala Vahl, quae quantum e description assequi licet a planta Norfolkica specie vix est diversa, in Nova-Zeelandia indigena, in novissima hujus insulae Flora cum plurimis aliis silentio praeterita; a plerisque auctoribus cum Olea apetala Andr. Bot Reposit. t. 316. stirpe diversissima, quae Notelaea longifolia Vent. confunditur.

{57}

XXXVIII. APOCYNEAE.

LXXIII. MELODINUS Forst. char. gen. 19.

Calyx quinquepartitus. Corolla hypocrateriformis, limbo quinquepartito; corona faucis laciniata; laciniis cum limbi lobis alternantibus. Stamina 5, inclusa. Ovarium biloculare, placentis 2, septo affixis multiovulatis. Stylus simplex. Stigma dilatatum, conicum, apice brevissime bifidum. Bacca pulposa. Semina nidulantia, rugosa; hilo laterali.

113. MELODINUS BAUERI, foliis elliptico-oblongis acutis costatis lucidis, cymis axillaribus oppositis folio brevioribus.

Ferd. Bauer Illustr. pl. Norfolk. t. 140 et 164.

Crescit in insula Norfolk, mense Septembri florens. (Ferd. Bauer.)

Frutex, uti videtur scandens, caule tereti, digitum minimum crasso, ramis oppositis nodoso articulatis, calamum scriptorium crassis, divaricato-patentibus. Folia opposita, breviter petiolata, elliptico-oblonga, acuta, 4 pollices longa, sesquipollicem lata, uninervia, costata, integerrima, marginibus subrevoluta, utrinque glaberrima, supra lucida, subtus pallidiora; nervo cum petiolo crassiusculo, 3 lineas longo continuo, valido, subtus convexe prominente, supra impresso, apice tandem attenuato; costis simplicibus v. prope basim aut apice bifurcatis, utrinque prominulis confertis, transversis v. obliquis. Stipulae nullae. Cymae axillares oppositae, folio dimidio breviores. Pedicelli oppositi patentes, 2-3 lineas longi, inferiores triflori; superiores simplices, omnes basi bractea membranacea acuta carinata unam lineam longa sustenti. Flores 5-6 lineas longi. Calyx quinquepartitus, laciniis obtusis, per aestivationem imbricatis, post corollae lapsum persistens, ovarii grossificatione tandem dejectus. Corolla hypocrateriformis, tubo tereti inflato, calycem duplo superante, limbo quinquefido patente, laciniis obovato-obtusis, obsolete crenulatis, obliquis; faucis glaberrimae corona quinquepartita, laciniis bifidis obtusis, cum limbi laciniis alternantibus Stamina 5, corollae tubo paullo infra medium inserta; antheris oblongis apice a latere nonnihil compressis acuminatis bilocularibus, filamenta brevissima duplo superantibus. Ovarium conicum, lata basi sessile, calyce brevius, glabrum, biloculare, placentis carnosis convexis, septo affixis, multiovulatis. Stylus terminalis teres, staminum longitudine; stigmate incrassato, conico, acuminato, acumine brevissime bifido terminatus. Bacca carnosa, globosa, pomi aurantii magnitudine, verrucosa, sordide viridis, intus pulposa. Semina in ambitu nidulantia, plurima, ovata, compressiuscula, 8 lineas longa, transversim elevato-rugosa, hilo ventrali oblongo impresso. Embryo orthotropus, cotyledonibus oblongis obtusis, basi pro radiculae insertione subemarginatis. Radicula obtusa, cylindrica, cotyledonibus paullo longior; plumula inconspicua.

LXXIV. ALYXIA. Banks ex R. Brown prodr. I. 469.

Calyx quinquedentatus v. quinquefidus. Corolla hypocrateriformis, limbo quinquepartito; fauce nuda. Stamina 5 inclusa. Ovaria

{58}

2 monostyla coadunata. Stigma simplex obtusum, nudum v. barbatum. Drupae 2, v. abortu solitaria, pedicellatae, putamine uniloculari, loculo altero saepissime rudimentario. Semen altero latere profunde sulcatum. Albumen corneum, ruminatum. Embryo orthotropus, axilis, cylindricus; radicula infera.

114. ALYXIA GYNOPOGON, foliis verticillatis quaternis quinisve obovatis lucidis, supra costatis, subtus aveniis, floribus axillaribus terminalibusque subsolitariis.

Gynopogon Alyxia Forst. prodr. n. 118. Alyxia Gynopogon Röm. et Schult. syst. IV. 440. R. Brown! in Wallich catalog. n. 1650. Alyxia Forsteri Cunningh. in Loud. suppl. 580. Ferd. Bauer Illustr. pl. Norfolk. t. 119.

Crescit in insula Norfolk. (Forst. Ferd. Bauer. Cunningh.)

Frutex ramis teretibus calamum scriptorium crassis, ramulis verticillatis, hebetate tetragonis, patentibus. Folia verticillata, internodiis 2pollicaribus, quaterna v. rarius quina, subsessilia, patentiuscula, obovata, acutiuscula v. obtusa; ramorum sesquipollicaria, pollicem lata; ramulorum pollicaria, 4-5 lineas lata; omnia basi in petiolum brevissimum angustata, coriacea, lucida, subtus nervo centrali imprimis basi valde prominente, in mucronem brevissimum excurrente, caeterum avenia; supra nervo impresso; costis confertis, oblique adscendentibus, basi v. prope medium saepissime bifurcis elevatis percursa. Flores in ramulorum apicibus plerumque solitarii, rarius bini, subsessiles, foliorum verticillo involucrati, nunc terminales, nunc ramulo ex eodem verticillo oriente laterales, 4-5 lineas longi. Calyx breviter tubulosus, inaequaliter quinquedentatus, dentibus acutiusculis. Corolla hypocrateriformis, tubo tereti, supra medium nonnihil inflato, calyce quadruplo longiore, limbo quinquepartito patente, lobis obovatis obtusis integerrimis oblique imbricatis. Stamina 5, tubo corollae intus villoso paullo supra medium affixa; filamentis brevissimis; antheris ovatis acutis, loculis pro filamenti insertione nonnihil divergentibus, filamentorum dupla longitudine. Ovarium ovato-subglobosum, basi villosum, calycem aequans, biloculare. Styli 2, ovario vix quidquam longiores, arctissime connati, stigmate simplici obtuso, omnino imberbi. Drupa subglobosa, pisi majoris magnitudine, putamine coriaceo, uniloculari, septo parietali laminaeformi, longitudinali seminis solitarii canaliculo immisso. Semen drupae cavitati conforme, hinc planiusculum longitudinaliter profunde sulcatum, septum recipiens, illinc convexiusculum, sulcis quatuor longitudinalibus superficialibus et copiosis transversis exaratum. Albumen corneum, substantia testae ex ejusdem sulcis sese insinuantibus in lobos separabile, versus centrum solidum; ipso centro excavatum, embryonem cylindricum rectum seminis longitudine, radicula fructus basim spectantem fovens.

OBSERVATIO. Alyxia ruscifolia R. Brown! quae proxime affinis species, mucrone spinescente foliorum facile dignoscitur.

{59}

XXXIX. ASCLEPIADEAE.

LXXV. HYBANTHERA.

Corolla rotata. Corona nulla. Antherae dorso gibbosae, membrana terminatae. Massae pollinis pendulae. Stigma muticum. Folliculi. . . .

115. HYBANTHERA BIGLANDULOSA.

Ferd. Bauer Illustr. pl. Norfolk. t. 162.

Crescit in insula Norfolk, mense Novembri florens. (Ferd. Bauer.)

Suffrutex uti videtur scandens, cujus ramulos video sesquipedales, lignosos, pennae scriptoriae crassitie, teretiusculos, cortice laete viridi, laevi, glaberrimo. Folia opposita, internodiis quidquam incrassatis 2pollicaribus, petiolata, ovato-oblonga, brevissime cuspidato-mucronata, 2 pollices longa, pollicem lata, subcoriacea, integerrima, glaberrima, laete viridia, supra lucidiuscula, subtus pallidiora, patentia v. reflexa; nervo medio supra plano prominente, basi 2glanduloso, subtus complanato, secundariis alternis, subtilissime reticulatim connexis. Petioli ¾pollicis longi supra complanati, subtus convexi, basi incrassati, super internodia articulati. Umbellae interpetiolares racemosae, 4-8florae; pedunculo petiolo duplo crassiore, parum longiore, pedicellis 4 lineas longis petioli crassitie, nutantibus. Flores semipollicares. Calyx quinquefidus; laciniis ovatis acutis concavis, sesquilineam longis, brevissime rigidiuscule ciliatis. Corolla rotata, pallide viridis, calyce multoties major, quinquefida, lobis ovato-oblongis, obtusiusculis, 5 lineas longis, 2½ lineam latis. Columna brevissime stipitata, subexserta. Antherae oblongae viridi luteae latitudine sua 2½ longiores, dorso medio carnoso, convexo-gibbo; gibbere purpureo a latere compresso, basi quidquam magis prominente, apice subdepresso; in processum membranaceum candidum brevem semiorbicularem subemarginatum, subsinuatum, introrsum conniventem productae. Massae pollinis globosae, pendulae, pedicello filiformi demum horizontali, retinaculis angulorum stigmatis pentagoni convexiusculi mutici affixae.

XL. RUBIACEAE.

LXXVI. COPROSMA Forst. gen. t. 69.

Flores hermaphroditi v. diclines. Calycis tubus ovatus, limbus brevis 4-6dentatus. Corolla campanulata, tubo brevi ventricoso; fauce nuda, limbo 4-9lobo patente. Stamina 4-9 exserta v. inclusa. Stylus usque ad basim 2partitus, cruribus filiformibus longissime exsertis pilosis. Bacca ovata, pulposa, nuculis 2-3 osseis, evalvibus monospermis. Semina hinc plana, inde convexa. Albumen carnosum durum. Embryonis radicula infera, cotyledones planae foliaceae. - Frutices v. arbusculae, foliis oppositis, stipulis petiolaribus utrinque solitariis persistentibus.

{60}

116. COPROSMA PILOSA, foliis ovatis ciliatis, subtus ad venarum axillas ramulisque pilosis, floribus diclinibus axillaribus solitariis, staminibus exsertis.

Ferd. Bauer Illustr. pl. Norfolk. t. 112.

Crescit in insula Norfolk, mense Septembri florens. (Ferd. Bauer.)

Arbuscula (?) ramulis tetragonis, vix penna corvina crassioribus, pilosis. Folia opposita, inferiora pollicem v. paullo longius dissita, superiora approximata, ad ramulorum apices subfasciculata, ovata, acuta, basi subtilissime in petiolum decurrentia, 2 pollices longa, unum pollicem lata, obiter serrulata, ciliata, penninervia, nervo medio e basi dilatata attenuato, secundariis alternis, intra marginem combinatis, basi valde dilatatis, ad axillas fasciculatim pilosis. Petioli 2 lineas longi, tetragoni pilosi. Stipulae utrinque solitariae, petiolorum bases connectentes, etiam post foliorum lapsum persistentes, e basi dilatata acuminatae, pilis longis hispidae. Flores axillares, solitarii, diclines; masculi ebracteati, rarius ad basim pedicelli bracteis 2 minimis stipati; pedicelli vix lineam longi, apice incrassati, pilis erectis ad calycis basim confertioribus, eandem cupulatim cingentibus hispidi. Calyx brevissime tubulosus, limbo inaequaliter quinquedentato, dentibus duobus lateralibus (stipularibus) multo-minoribus, omnibus acutiusculis pilosis. Corolla campanulata, usque ad medium quadrifida, laciniis cum dentibus calycinis alternantibus, triangularibus, acutiusculis, patentibus, subrevolutis. Stamina 4, lobis corollae alterna, filamentis prope ejusdem basim affixis, eadem duplo fere longioribus, exsertis, nutantibus. Antherae filamento duplo breviores, oblongo-lineares, introrsae, biloculares, loculis appositis, basi subdiscretis, caeterum contiguis, dorso et apice cum connectivo in acumen obtusiusculum subinflexum confluentibus,longitudinaliter dehiscentibus. Flores feminei in distincta uti videtur stirpe. Pedicelli medio diphylli, foliolis foliorum rameorum forma, dimidio minoribus. Calyx basi bibracteolatus, bracteolis ejusdem longitudinem aequantibus, ovatis, sessilibus, pilosis, utrinque stipula dimidio breviori connexis. Calycis tubus ovatus, fauce contracta, limbo annulari truncato. Ovarium calyci innatum. Stylus prope basim bifidus, cruribus cylindricis, calyce septuplo longioribus, patentim pilosis. Bacca ovata, subglobosa, umbilicata, pisi magnitudine, nuculis duabus monospermis foeta.

117. COPROSMA LUCIDA, foliis ovatis obtusis, floribus diclinibus, pedunculis axillaribus multifloris, staminibus exsertis.

Coprosma lucida Forst prodr. n 137. A. Rich. Fl. nov. Zeel. p. 262. (Descript. e msc. Forst) Ferd. Bauer Illustr. pl. Norfolk t. 113. 114.

Crescit in insula Norfolk, ad sinum Ansonis. (Forst. Ferd. Bauer.)

Arbor ramis teretibus, cortice cinereo, ruguloso. Ramuli tetragoni, erecto-patentes, laeves, glaberrimi. Folia opposita, 10 lineas dissita, prope ramulorum apices conferta, ovata, retusa, basi attenuata et in petiolum decurrentia, marginibus revoluta, integerrima, utrinque glaberrima, supra lucidiuscula, subtus

{61}

pallidiora, nervo centrali pagina superiori impresso, inferiore prominente, e basi incrassata sensim attenuato; secundariis alternis oppositisque, intra marginem combinatis, basi ad axillam glandula minima depressa orbiculari, centro perforata, notatis. Petioli 5-6 lineas longi, basi incrassati, teretiusculi, lamina subtilissime decurrente subalati. Stipulae breves, latae, truncatae, medio unidentatae, petiolorum bases connectentes. Pedunculi axillares solitarii, 3-4 lineas longi, teretiusculi, in stirpibus masculis basi et apice bracteolis duabus oppositis triangularibus, ope stipularum minutarum conjunctis stipati, bracteolis apicis majoribus subinvolucrantibus. Pedicelli brevissimi filiformes, simplices v. ramosi, 1-2flori. Calyx brevissime tubulosus minimus, 4-5dentatus. Corolla campanulata, ultra medium plerumque 4, rarius 5, interdum 6-9fida, laciniis crassiusculis triangularibus, patentibus v. reflexis. Stamina numero laciniarum corollae, eadem duplo longiora, filamentis prope ejusdem basim insertis, inter se brevissime cohaerentibus, exsertis, nutantibus. Antherae filamentis tertia parte breviores, ovato-oblongae; loculis appositis, basi subsagittatim divergentibus, caeterum contiguis, apice cum connectivo in acumen brevissimum obtusum incrassatis, longitudinaliter dehiscentibus Flores feminei in diversa arbore, pedicellis basi, medio et apice bibracteolatis, bracteolarum pari supremo flores sessiles 3-6, raro plures cupulatim recipiente. Calyx tubulosus, ventricosus; fauce contracta, limbo obsolete quadridentato. Corolla ut in mare, in speciminibus observatis constanter quadrifida. Stylus prope basim bifidus, cruribus crassiusculis obtusis, calyce quadruplo longioribus, dense patentim pilosis. Bacca ovato-globosa, pulposa, pisi majoris magnitudine, umbilicata, umbilico dentibus calycinis persistentibus marginato, nuculis duabus osseis evalvibus, endocarpio ubi se invicem contingunt tenuissimo, foeta Semina in nuculis solitaria, hinc plana, canaliculata, illinc convexa. Testa membranacea tenuis. Albumen cartilagineum, durum. Embryo orthotropus axilis; cotyledonibus ellipticis complanatis foliaceis, radicula cylindrica obtusa, cotyledonum longitudine.

OBSERVATIO I. Forsterus in C. lucida folia describit ovata, acuta v. saepius obtusa, Candolleus utrinque acuminata postulat; nos ea in numerosis speciminibus ovata et retusa, qualia etiam in icone Baueriana exhibentur, vidimus. An igitur species plures hic confusae?

OBSERVATIO II. Gaertnerus filius (Carpolog. III. 17. t. 182.) in hoc genere egregie est hallucinatus; alabastrum masculum pro bacca, antheras pro arillo describens.

OBSERVATIO III. Coffaeam arabicam in insula Norfolk cultam, ibidem florentem et fructibus onustam pulcherrime depinxit Ferd. Bauer Illustr. pl. Norfolk. t. 91. - Arbor arabica, optimum benigni numinis donum, anno 1819. ex insula Norfolk in archipelagum Taitensem advecta est, teste Ellis Polynes. Research. I. 164.

XLI. LORANTHACEAE.

LXXVII. VISCUM Linn. gen. n. 1105.

118. VISCUM DISTICHUM, aphyllum distiche-ramosum, ramie compressis articulatis; articulis ovato-oblongis, longitudinaliter costato-striatis, infimis teretiusculis, reliquis foliaceo-compressis,

{62}

caulinis duplo v. triplo, rameis quadruplo quintuplove latitudine longioribus; floribus ad articulorum apices glomerato-verticillatis, vagina brevissima truncata sustentis.

?Viscum opuntioides Forst. prodr. n. 369. non Linn. Ferd. Bauer Illustr. pl. Norf. t. 200.

Crescit in insulae Norfolk arbore ignota parasiticum. (Ferd. Bauer.)

Frutex colore Visci albi. Caulis indivisus v. ad ipsum exortum dichotomus, ramo altero saepissime debiliori v. abortivo, constans articulis 6-8, quorum infimus pennae olorinae crassitie 6-8 lineas longus teretiusculus cum secundo fere confluit; reliqui foliaceo dilatati, compressi, crassiusculi, constricto-articulati, ovato-oblongi, 10 lin. - 1½ poll. longi, 5-12 lin. lati, nonnulli ex infimis medio incrassati, subsequentes longitudinaliter costato-striati, costis convexiusculis, in supremis articulis deliquescentibus. Ex singulis articulis, exceptis infimis, oriuntur rami distiche oppositi, elongati, e 10-12 articulis compositi, et ipsi ferentes ramulos distiche-oppositos, ramulosos, tandem ramuli alterius abortu saepius dichotomos. Ramorum ramulorumque articuli infimi teretiusculi, vix pennam anserinam crassi, reliqui directione cauli contraria compressi, oblongi, 10-14 lineas lati, basi et apice vix quidquam attenuati, ecostati, summi sensim minores, extimi tandem teretiusculi subacuminati. Baccae in speciminibus observatis nondum maturae, in articulorum apicibus verticillatim glomeratae, subsessiles, a grani miliacei ad seminis cannabini magnitudinem, vagina brevissima truncata, ex apice articuli utroque latere libero sustentae, perigonio tri- rarissime quadrilobo cinctae, filis numerosissimis articulatis, apice clavato-dilatatis, easdem longitudine subaequantibus stipatae.

XLII. ARALIACEAE.

LXXVIII. BOTRYODENDRUM.

Flores polygami. Masc. Calyx quadripartitus, aestivatione imbricatus. Corolla nulla. Stamina 4, laciniis calycis alterna! Antherae biloculares subpeltatae. Hermaphr. Calyx ultra ovarium productus, limbo 6fido. Corolla nulla. Stamina 6, limbi laciniis alterna. Styli 6 simplices divergentes. Ovarium inferum 6 loculare, loculis uniovulatis, ovulis erectis. Bacca calyce coronata 6sperma. Semina marginata. - Arbores trunco elato gracili, apice in ramos simplices diviso. Folia in ramorum apicibus alternatim approximata, simplicia penninervia. Flores capitati involucrati, capitulis in paniculam terminalem dispositis, polygamo-dioici.

OBSERVATIO. Genus foliis simplicibus penninerviis, florum diclinismo, insolito partium numero quaternario et senario, petalorum defectu et staminum situ cum calycis laciniis alternante in ordine anomalum, vix tamen segregandum; partium valore numerico in Araliaceis nondum satis perspecto et staminum situ normali in generibus diplostemonibus calycis margine integro donatis difficulter dijudicando.

119. BOTRYODENDRUM LATIFOLIUM, foliis obovato-ellipticis basi angustatis subcordatis, racemis paniculatis thyrsoideis erectis.

{63}

?Aralia macrophylla Cunningh. ex Loud. Hort. brit. suppl. 1. p. 581. Ferd. Bauer Illustr. pl. Norfolk. t. 183, 185, 209, 211.

Crescit in insula Norfolk, mense Septembri florens. (Ferd. Bauer.)

Arbor trunco 20 - 60pedali gracili stricto, apice irregulariter ramoso. Rami simplices v. interdum bifurci, flexuosi, subfastigiati, teretes, diametro bipollicari, fusco virides, glabri, foliorum delapsorum cicatricibus rhombeis sesquipollicaribus notati. Folia in ramorum apicibus 10-15 quincunciatim-alterna fasciculatim approximata, obovato-elliptica obtusiuscula, basi repente angustata subcordata, patentia, coriacea, integerrima, glaberrima, supra lucidiuscula, subtus pallidiora, sesquipedalia. latitudine maxima semipede infra apicem 7 pollicum, 3 pollicibus infra apicem 4 pollicum, semipede supra basim 5 pollicum, 3 pollicibus supra basim 2 pollicum, baseos sesquipollicari. Nervus medius petiolo continuus utraque pagina convexiuscule prominens, usque ad mediam folii longitudinem pennae cygneae crassitie striatus, inde rapide attenuatus, versus apicem deliquescens; secundari i validiusculi, utrinque circiter 18, infimi oppositi horizontales, superiores approximatim alterni adscendentes, superiori pagina prominuli, inferiori complanati, intra marginem combinati, venis venulisque subtus prominulis subtiliter reticulatim connexi. Petiolus sesquipollicaris, supra complanatus, subtus convexiusculus basi dilatatus. Stipulae nullae. Flores masculi in distinctis stirpibus ab hermaphroditis segregati, grani miliacei magnitudine, glomerato-capitati, capitulis sub6floris, basi bractea membranacea ovato-lanceolata sustentis, breviter pedicellatis in racemos bipollicares congestis, racemi dense spicati, spicis semipedalibus in paniculam terminalem thyrsoideam pedalem erectam dispositis. Rhachis teres, pollicis crassitie, glaberrima, viridis. Calyx luteus, ultra medium quadrifidus, laciniis ovato-lanceolatis concavis sesquilineam longis, unam lineam latis, aestivatione imbricatis, tandem patentibus. Stamina 4, toro minimo glandulaeformi inserta, calycis laciniis alterna. Filamenta filiformia, sepalis triente longiora, subflexuosa patentiuscula. Antherae introrsae, biloculares, medio dorso subpeltatim affixae, tandem horizontales, loculis oblongis oppositis obtusis, apice subdiscretis, basi sagittatim divergentibus, latere juxta totam longitudinem dehiscentibus. Flores hermaphroditi in paniculam thyrsoideam, semipedalem dispositi, inflorescentia tota basi bracteis quatuor ovato-acuminatis sesquipollicem ad duos pollices longis, pollicem latis stipata. Capitula sub6flora, basi ut in floribus masculis bracteata. Flores quinque lineas longi. Calyx cum ovario connatus, oblonge subglobosus, limbo cylindrico ultra ovarium producto sexpartito, laciniis oblongo-lanceolatis acutiusculis reflexo-patentihus. Stamina 6, disco epigyno inserta, cum laciniis calycinis alternantia, iisdem triente breviora, demum reflexa. Antherae ut in floribus masculis. Ovarium inferum 6loculare, septis crassissimis carnosis, loculis uniovulatis, ovulis erectis basilaribus. Styli sex simplices, interiori latere complanati, sulco stigmatoso exarati; dorso convexiusculi, apice attenuati, uncinatim subrevoluti, stellato-patentes, laciniis calycinis oppositi, iisque triente longiores. Baccae depressiuscule-subglobosae, pressione mutuâ angulatae, cerasorum magnitudine, sordide virescenti luteae, calycis limbo stylisque persistentibus superatae, 6 spermae. Semina oblonga compressiuscula, marginata. Fabrica interior ignota.

{64}

120. BOTRYODENDRUM ANGUSTIFOLIUM, foliis ellipticis utrinque attenuatis, racemis laxe paniculatis subnutantibus.

Ferd. Bauer Illustr. pl. Norfolk. t. 184, 208, 210.

Crescit in insula Norfolk. (Ferd. Bauer.)

Arbor 20-50 pedes alta, trunco quam in praecedenti specie graciliori, apice in ramos plures elongatos subfastigiatos strictiusculos diviso, ramis apice in ramulos 2-3, digitum minimum crassos solutis. Folia in ramulorum apicibus quincunciatim alterna, semipollicem dissita, elliptico-oblonga, utrinque attenuata, basi aequalia, pedem longa, tres pollices lata, coriacea integerrima, glaberrima, marginibus subrevoluta, supra lucidiuscula, subtus pallidiora, penninervia. Flores in distinctis stirpibus masculi a hermaphroditis segregati capitati, capitulis subsessilibus bracteatis, in racemos paniculatos dispositis; paniculae pedalis subnutantis ramis laxiusculis basi bracteatis.

XLIII. CAPPARIDEAE.

LXXIX. BUSBECKEA.

Calyx bisepalus. Petala 7. Torus hemisphaericus parvus. Stamina ∞. Gynophorum elongatum. Bacca stipitata pulposa ∞sperma.

OBSERVATIO. Genus Morisoniae e calycis et fructus structura proximum, dixi in memoriam Augerii Ghislenii Busbecke, Belgae, Ferdinandi I. Rom. Imp. ad Turcas legati, viri de republica et omni scientiarum genere, etiam de re herbaria optime meriti, qui non tantum antiquissimum literaturae botanicae apud Graecos quod superest monumentum, celeberrimum illum Dioscoridis codicem pictum Bibliothecae Palatinae intulit, sed et plurimarum stirpium, quae laete quotannis nunc in Europae hortis florent, semina primus ex Oriente ad Carolum Clusium, popularem suum et amicum misit.

121. BUSBECKEA NOBILIS.

Ferd. Bauer Illust. pl. Norfolk. t. 100. et 167.

Crescit in insula Norfolk. (Ferd. Bauer.)

Frutex an arbuscula? Rami digitum minimum, ramuli 1-2 pedales vix calamum scriptorium crassi, teretiusculi, parte inferiori cortice fusco-bruneo, foliorum annotinorum cicatricibus toroso, lenticellis copiosis linearibus confluentibus discoloribus rimuloso, parte superiore obscuriori laevigato, vestiti. Folia alterna, pollicem dissita, breviter petiolata, ovato-oblonga, basi rotundata, apice obtusiuscula, 4 pollices longa, 2 poll. lata, coriacea, glaberrima, integerrima, supra lucidiuscula, subtus nonnihil pallidiora, nervo centrali pagina superiori impresso, inferiori convexim prominente, secundariis multo tenerioribus oppositis alternisque, utrinque 12-15 rectiusculis parallelis, prope marginem bifurcis, inter se obsolete venulis reticulatim connexis. Petioli crassiusculi, septem lineas longi, basi aliquantisper dilatati, supra canaliculati, subtus tereti-convexi, transversim conferte rugosi. Stipulae nullae. Pedunculi axillares solitarii uniflori, ob ramulorum folia superiora mature delapsa racemum

{65}

terminalem saepius mentientia, 1¼-1½ digitum longi, pennam corvinam crassi, erectiusculi, apice nonnihil incrassati, transversim rugosi, nutantes, cum fructu increscentes, fructiferi digito minimo vix teneriores. Alabastrum ovatum, acuminatum, galli quercini magnitudine. Calyx bisepalus, sepala anticum posticumque ab axi floris latus occupantia, crassiuscula, ovata, naviculari-concava, 10 lin longa, 7 lineas lata, apice acutiuscula v. obtusa, irregulariter carnoso-tuberculata, extus viridia ruda, intus colorata, in aestivatione valvatim connata, in anthesi lateribus regulariter rupta semipatentia, tandem basi circumscissa, decidua. Torus hemisphaericus, parvus, carnosus. Petala 7, imo toro inserta, pallide sulphurea, marginibus teneriora exalbida inaequalia, 2 extima lateralia utrinque inter sepala sita obovata, obtusa v. acutiuscula breviora, 9 lin, longa, 3 lin. lata marginibus obsolete undulata; 2 postica ante sepalum posticum sita imbricata, oblonge spathulata, sepalis triente longiora, marginibus undulata, apice rotundata subemarginata; 2 antica ante sepalum anticum sita inter se conformia, imbricata, septimum denique intimum inter 2 antica situm, iisque conforme brevius, sepalorum nonnisi longitudine. Stamina plurima, toro inserta, libera; filamenta teretia sesquipollicem longa ; antherae introrsae, biloculares, anguste-lineares, acutiusculae, 2 lineas longae; loculis oblique appositis, longitudinaliter dehiscentibus. Gynophorum teretiusculum, staminum longitudine, diametro ¾ lin. Ovarium summo gynophoro continuum inverso-pyriforme, 4 lin. longum, diametro sesquilineari; stigmate sessili orbiculato terminatum. Pedunculi fructiferi incrassati penduli, carpophorum 2 poll. longum, teres, transversim rugosum, diametro trilineari. Baccae mole Citri Aurantii majoris, subglobosae, sordide purpureo-fuscae, verrucosae, apice centro mammoso-acuminatae, acumine stigmate persistenti coronato, epicarpio crasso bilineari, coriaceo, intus pulpa virenti farctae, seminibus plurimis irregulariter reniformibus, compressiusculis, magnitudine seminum Phaseoli vulgaris. Testa membranacea obscure violacea. Embryo convolutus.

XLIV. PASSIFLOREAE.

LXXX. DISEMMA Labill. sert. 78.

(Passiflorae sp. Forst. Cav. Murucujae sp. Pers Lindl.)

Calyx 10partitus, tubo brevi, subtus sulcato; laciniis 5 exterioribus carinâ subalatis, 5 interioribus alternis brevioribus petaloideis Corona duplex; exterior filamentosa, interior tubulosa, integra. Discus quinquelobus. Tubus stamineus gynophorum vaginans, apice in filamenta 5 divaricata solutus. Antherae biloculares oblongae, dorso affixae, versatiles. Ovarium gynophoro elongato impositum. Stigmata 3, crasse, divaricata, apice emarginato-biloba. Bacca unilocularis, placentis parietalibus 3. Semina plurima, arillo carnoso inclusa Testa scrobiculata, altero latere carunculata. - Genus mere australasicum, speciebus per Novae-Hollandiae continentem, Novam Caledoniam et insulam Norfolk sparsis. Differt a Murucujâ coronâ duplici; a Passiflorâ corona interiori in tubum coeunte.

{66}

* Petioli glandulosi.

122. † DISEMMA ADIANTIFOLIA, foliis glabris, subtus sparsim glandulosis, basi truncatis, 3 - 5lobis, lobis obtusis subaequalibus bi-trilobis, radiis filiformibus coronam inferiorem subaequantibus.

Passiflora aurantia Andr. Bot. Reposit. t. 295. non Forst. nec. Cav. Passiflora Adianthum Willd. enum. 698. Passiflora glabra Wendl collect I. 55 t. 17. Passiflora adianthifolia Ker in Bot Reg. t. 233. Disemma adianthifolia DC. prodr. III. 333.

Crescit in insula Norfolk; unde anno 1792. in Angliam relata vulgaris nunc hortorum hospes. (Deest in Herbario Baueriano.)

** Petioli apice glandulosi.

123. DISEMMA BAUERIANA, foliis glabris subtus sparsim glandulosis, basi ovatis late trilobatis, lobis indivisis oblongis retusis, medio productiore, radiis filiformibus coronam interiorem superantibus.

Murucuja Baueri Lindl. collect. t. 36. Ferd. Bauer Illustr. pl. Norfolk. t 150. (a Lindleyo mutuata.)

Habitat in insula Norfolk. (Ferd. Bauer.)

Caulis volubilis pennae anserinae crassitie, angulatus, glaber. Folia alterna, internodiis bi-tripollicaribus, 2-3 pollices longa, totidem lata, trilobata, basi ovata v rotundata, subtus venis subtilissime reticulata, glandulis nodoso-depressis raris conspersa; lobi oblongi subundulati, retusi, indivisi, medius productior. Petioli sesquipollicares subcanaliculati, subtilissime alati, basi nonnihil incrassati, apice uno latere v. rarius utrinque glandula reniformi, nonnunquam plane definiente notati. Cirrhi ex eadem cum pedicellis axilla longissimi, spirales. Pedicelli teretiusculi, 10 lineas longi, adscendentes, supra medium articulati, ad articulum incrassati, bracteolis aliquot lineari-subulatis sparsis muniti. Flores bipollicares. Calycis tubus urceolatus, pentagonus, brevissimus; limbus bipartitus: laciniis exterioribus subinaequalibus carinatis, carina alatis, basi subsaccatis, apice in acumen obtusum aliquantisper inflexum incrassatis, extus luteo-virentibus, marginibus et pagina interiori primum albidis, deinde ex aurantiaco purpurascentibus; interioribus aequalibus concoloribus, dimidio brevioribus, patentibus, retusis. Corona duplex, utraque calyci prope basim inserta, dimidiam laciniarum ejusdem longitudinem aequans, exterior e filis rigido-carnosis, erectis uniseriatis, sanguineis, interiorem virescentem tubuloso-conicam, longitudinaliter plicatam, apice eroso-denticulatam paullo superans. Tubus stamineus obsolete pentagonus, gynophorum vaginans, calyce parum longior, apice in filamenta 5 divaricata, laciniis calycinis exterioribus opposita solutus. Antherae biloculares, loculis linearibus suboppositis, medio dorso affixae, versatiles, in alabastro introrsae, demum extrorsum versae. Ovarium gynophoro tubum stamineum parum excedenti impositum, eique continuum, obsolete trigonum, uniloculare, placentis parietalibus 3, multiovulatis. Styli tres subclavati, divaricato-patuli,

{67}

stigmatibus oblique capitatis, emarginato-subbilobis spongioso-incrassatis terminati. Pedicelli fructiferi penduli; carpophorum tubo stamineo persistente, filamentis deciduis truncato, vaginatum. Baccae nucis juglandis majoris mole, ovato-globosae, cum virore suffuso purpureae, uniloculares, pulposae. Placentae parietales 3. Semina multiseriata, horizontalia, funiculo carnoso incrassato affixa, arillo pulposo-carnoso luteo involuta, ovata, compressiuscula. Testa crassa, sordide viridis, irregulariter scrobiculata, uno latere caruncula lutea elevata cristaeformi cincta. Albumen carnosum. Embryo orthotropus axilis; cotyledonibus planis foliaceis.

XLV. CUCURBITACEAE.

LXXXI. SICYOS Linn. gen. n. 1481.

Flores monoici. Calyx quinquedentatus. Corolla subcampanulata, quinquefida. Columna antherifera clavata. Antherae 5 connatae, gyrose dehiscentes. Stylus simplex; stigma bi-quadrilobum. Capsula (saepissime echinata) monosperma. Semen inversum.

124. SICYOS AUSTRALIS, foliis cordato-reniformibus angulatis denticulatis scabriusculis, cirrhis trifidis, pedunculis masculis corymboso-racemosis elongatis, femineis brevibus glomerato-capitatis, fructibus ovatis echinatis; semine ovato, basi acuto, apice obtusiusculo.

?Sicyos angulata Forst. prodr. n. 363. A. Rich. Fl. nov. Zeel. p. 323. Ferd. Bauer Illustr. pl. Norfolk. t. 110.

Crescit in insulae Norfolk ora occidentali. (Ferd. Bauer.)

Caulis scandens, fili emporetici crassitie, pentagonus, angulis acutis hispidus. Folia alterna, 4 pollices dissita, longiuscule petiolata, reniformi-cordata, angulato-quinqueloba, 3½ pollicem longa, totidem lata; lobis acutis triangularibus, intermedio nonnihil productiore, extimis obtusiusculis v. plane obsoletis, postice rotundatis, omnibus remote et argute serrulatis, molliter strigulosis; nervi tres, medius adscendens, laterales baseos sinum marginantes, mox bifidi, hinc recta utrinque lobum extimum, illinc ejusdem basim intrantes, omnes ramosi, anastomosantes, tandem limbi serraturas ingredientes Petioli angulati, foliorum longitudine, pilis rigidiusculis raris, prope apicem confertioribus hispiduli. Cirrhi ad basim petiolorum laterales, teretiusculi, basi simplici dimidiam petioli longitudinem excedente, inde trifidi, cruribus filiformibus spiralibus, longissimis. Pedicelli masculi et feminei ex eadem axillâ, feminei praecociores petiolo triplo fere breviores, angulati, hispiduli. Flores in apice pedicelli glomerato-capitati, sessiles, 5-6, setis rigidulis, retrorsum hispidis, easdem longitudine subaequantibus stipati, 2 lineas longi. Calycis tubus ovatus, setulis obsitus, ad collum angustato-tubulosus; limbus cum corolla connatus, subcampanulatus, quinquefidus, laciniis lineari-subulatis, reflexis Corolla campanulato-quinqueloba, lobis ovatis obtusiusculis, cum laciniis calycinis alternantibus,

{68}

easdem longitudine duplo fere superantibus, subtus marginibusque piloso-hispidulis. Stylus cylindricus corollae longitudine; stigma breviter bilobum, lobis obtusis crassiusculis reflexis. Fructus magnitudine seminis Aurantii, capsularis, ovatus, acutus, setis rigidulis, retrorsum hispidis obsitus; setis prope basim confertioribus, subpatentibus Epicarpium membranaceum ab endocarpio coriaceo facile solubile. Semen cavitatem explens, ovatum, basi acutiusculum, apice obtusum; embryonis radiculâ brevissimâ retractâ superâ Pedunculus masculus ex eadem cum femineo axillâ, eodem triplo v quadruplo longior, pedicellis corymboso racemosis, 3 lineas loiigis, summis sensim brevioribus, omnibus ante anthesim nutantibus, demum erecto-patentibus. Calyx et corolla ut in floribus femineis, dempto hypanthio. Antherae 5 monadelphae, apici synematis cylindrici corollae longitudinem aequantis peltatim affixae, uniloculares, intricatae, demum in corpus irregulariter anfractuosum confluentes.

OBSERVATIO. Specimina a Bauero circa Port-Jackson lecta, a norfolkicis vix atque ne vix quidem differunt.

LXXXII. BRYONIA Linn. gen. n. 1480.

Flores monoici v. dioici Calyx quinquefidus v. quinquedentatus. Discus calycis fundum vestiens staminifer. Stamina 3, bina antheris bilocularibus; tertium anthera uniloculari. Styli 3 connati. Stigmata libera, capitata v. emarginata. Bacca trilocularis sub6sperma.

* DIPLOCYCLOS. Semina pulposa, zonâ longitudinali annulari duplicatâ cincta.

125. BRYONIA AFFINIS, foliis cordatis quinquepartito-palmatis scabris, laciniis oblongo-lanceolatis, acuminatis mucronato-serratis, petiolis muricatis, pedunculis unifloris filiformibus abbreviatis glabris, floribus intus hirtis, fructibus globosis sanguineo-striatis.

Ferd. Bauer Illustr. pl. Norfolk. t. 125.

Crescit in insula Norfolk, mense Septembri florens. (Ferd. Bauer.)

Caulis scandens, angulatus, fili emporetici crassitie, scabriusculus. Folia alterna, 2-5 pollices dissita, longe petiolata, cordata, quinquepartito-palmata, 3 5 pollices longa, totidem lata, utrinque, imprimis juniora pagina superiore, scabriuscula: laciniis oblongo-lanceolatis, breviter acuminatis, intermedia productiore, lateralibus obtusiusculis, cum extimis multo-minoribus, basi saepius angulatis v. obsolete bilobis inferne confluentibus, omnibus, imprimis basi, remote et obsolete serratis, serraturis mucrone brevissimo crassiusculo terminatis. Petioli 1½-3 pollicares, angulati, scabri Cirrhi ad basim petiolorum laterales, bifidi v. rarius indivisi, longissimi, spirales, ramulos 4-5 pollicares, medio diphyllos, apice bifurcatim cirrhosos ex axilla explicantes. Pedunculi in axillis foliorum 1-3, uniflori, filiformes, 4-5 lineas longi, glaberrimi Flores monoici Calyx glaberrimus, quinquedentatus, dentibus triangularibus acutiusculis, corollae dorso adnatis. Corolla quinqueloba, lobis oblongis obtusis, calycem duplo fere superantibus, luteo-virentibus, extus

{69}

glabris, intus pilis longis articulatis hirtis. Discus glandulosus calycis fundum vestiens. Stamina 3, disco inserta, conniventia, lobis corollae alterna, interjectis disci protuberationibus glandulaeformibus. Filamenta subulata, disco continua. Antherae duae biloculares; loculis lineari-oblongis filamenti apicem utrinque marginantibus, apice confluentibus; loculo altero tertii staminis deficiente. Floribus femineis calyx epigynus et corolla ut in mare, laciniis tamen quidquam angustioribus margine subrevolutis; stamina ananthera. Stylus trigonus, parum exsertus, apice trifidus; lobis patentibus, stigmate capitato profunde emarginato-bipartito terminatis. Baccae magnitudine Cerasi duracinae, globosae, luteo-virides, longitudinaliter rubro-striatae, apice minutissime umbilicatae, umbilico angustissime marginato, intus pulposae. Semina subsena, singula pulpa obvoluta, basibus parietem respicientia, obovata, basi obtuse acuminata, zona annulari duplicata elevata longitudinali cincta Testa crustacea, ad latera gibbosa-incrassata. Embryo ovato-acuminatus, orthotropus, latitudini seminis contrarius, id est, cotyledonibus testae latera incrassata respicientibus, a zona aversis, ellipticis. Radicula conica, acuminata, brevissima.

OBSERVATIO Species Bryoniae laciniosae Linn. Gärtn. t. 88 DC. prodr. III. (Herm. Catalog. Lugd. Bot. p. 95. t 97. Parad. Lugd Bot 107. ic.) nimis affinis, hic potissimum ob pedunculos filiformes, glabros, nec muricatos, baccas rubro nec albido striatas, seminum zonam convexam nec depressiusculam, donec speciminum zeylanicorum collatio meliora doceat, distinximus. - Plantam Bryoniae affini conspecificam v. certe proximam, a Bauero in Novae Hollandiae ora tropia depictam, inter peripli Flindersiani icones botanicas vidi.

LXXXIII. ZEHNERIA.

Flores dioici. Masc. Calyx hemisphaericus, profunde quinquedentatus. Corolla quinqueloba patens, intus villosa. Discus carnosus calycis fundum vestiens. Stamina 3, summo disco imposita, exserta, conniventia. Filamenta complanata libera. Antherae biloculares; loculis oblongis oppositis, connectivum globosum marginantibus. Glandulae tres hemisphaericae in fundo calycis sessiles. Femin. Ovarium fusiforme. Calyx et corolla maris. Stamina 3 sterilia. Stylus apice trifidus, stigmatibus capitatis, emarginatis. Glandulae 3 obovatae compressae styli basim cingentes. Fructus coriaceus exsuccus, calyce marcescente coronatus, indehiscens, trilocularis, loculis una serie polyspermis. Semina marginala, peritropa.

OBSERVATIO. Genus distinctissimum, Luffae affine. Dixi in memoriam Josephi Zehner, Vindobonensis, pictoris rerum naturalium dexterrimi et periti observatoris.

126. ZEHNERIA BAUERIANA.

Ferd. Bauer Illustr. pl. Norfolk. t. 181.

Crescit in insula Norfolk, mense Octobri florens. (Ferd. Bauer.)

Caulis angulatus, calami scriptorii crassitie, laevis, glaberrimus, scandens. Folia alterna, 2-3 pollices dissita, petiolata cordata, acuminata, v. obsolete triloba, lobis postice sinu lato disjunctis, rotundatis angulatisve, remote et inaequaliter sinuato-

{70}

dentatis, dentibus mucronatis, supra scabriuscula, subtus glaberrima pallidiora, nervo centrali in mucronem brevem excurrente. Petioli sesquipollicares, angulati, glaberrimi. Cirrhi ad basim petiolorum simplices, longissimi, spirales. Flores dioici, in axillis foliorum 6-8, breviter pedicellati. Masculi 3 lineas longi. Calyx hemisphaericus glaberrimus, quinquedentatus, dentibus acutis. Corolla gamopetala, quinqueloba, lutea; lobis ovatis acutiusculis, patentibus, extus glabra, intus pilis brevissimis hirsuta, fauce pilis longioribus articulatis obsessa. Torus in laminam glabram, calycis fundum obvestientem effusus. Stamina 3, summo tubo imposita, libera, exserta, conniventia. Filamenta complanata, corolla paullo longiora, apice in connectivum subglobosum, antice hemisphaericum, glabrum, postice depressiuscule subglobosum pilosum tumentia. Loculi oppositi, connectivi latera utrinque marginantes, apice subcontigui, basi latius disjuncti, lateribus longitudinaliter dehiscentes. Glandulae 3, hemisphaericae, minimae, approximatae, in fundo calycis sessiles. Flores feminei in axillis foliorum 5-8, breviter pedicellati; 6-8 lineas longi. Ovarium inferum, tereti fusiforme, apice attenuato-productum. Calyx et corolla maris, staminibus rudimentariis. Stylus columnaris teretiusculus, corolla parum longior, apice brevissime trifidus, lobis patentibus, stigmatibus emarginato-subcapitatis terminatis. Glandulae 3, obovatae, compressiusculae, erectae, styli basim verticillatim cingentes Peponidae coriaceae, rubescentes, teretiuscule-fusiformes, 1¼pollicem longae, diametro trilineari, triloculares, polyspermae. Semina in loculis uniseriata, magnitudine seminum Milii, ovata, compressiuscula, anguste cartilagineo-marginata, peritropa. Cotyledones foliaceae ovatae, basi pro radiculae insertione excisae; radicula conica brevis, fructus parietem spectans.

XLVI. VIOLARIEAE.

LXXXIV. HYMENANTHERA R. Brown Congo p. 23.

Flores abortu polygami. Calycis sepala quinque, imbricata. Petala quinque hypogyna, sepalis alterna, aestivatione oblique imbricata, demum apice reflexa. Stamina hypogyna 5; filamentis liberis; antheris introrsis bilocularibus; loculis appositis, connectivo apice in processum integrum v. fimbriatum producto, postice lamina squamaeformi aucto inter se connatae. Ovarium liberum biloculare, loculis uniovalatis, ovulis ex apice loculi pendulis. Stylus simplex. Stigma emarginatum. Capsula globosa subbaccata, bilocularis, disperma, v. abortu unilocularis monosperma. Semina loculi cavitati conformia, placentae nerviformi ad ejus apicem affixa, inversa. Albumen carnosum, copiosum. Embryo orthotropus axilis, dimidio albumine longior; cotyledonibus orbiculatis, radicula cylindrica obtusa, supera. - Frutices v. arbusculae; foliis alternis fasciculatisve simplicibus, integerrimis v. serratis, floribus axillaribus parvulis, pedunculis solitariis v. fasciculatis, basi bracteolatis unifloris.

127. HYMENANTHERA LATIFOLIA, foliis ovato-lanceolatis integerrimis.

Ferd. Bauer Illustr. pl. Norfolk t. 187.

{71}

Crescit in insula Norfolk, ineunte Octobri florens et fructifera. (Ferd. Bauer.)

Arbuscula, ramis ramulosis digito minimo vix tenerioribus, ramulis calamum scriptorium crassis, teretiusculis, cortice fusco-viridi, lenticellis copiosis minimis orbicularibus pallide fuscis consperso. Folia quincunciatim alterna, 6-8 lineas dissita, breviter petiolata, ovato-lanceolata, acuta v. obtusiuscula, 3½ digitum longa, sesquipollicem lata, coriacea, integerrima, glaberrima, supra laete viridia nitida, subtus pallidiora, reticulato-venosa, nervis utrinque, imprimis pagina inferiore prominulis; centrali cum petiolo continuo, e basi crassiore sensim attenuato, secundariis alternis, utrinque 4-6, intra marginem combinatis, venulis tenerrime reticulatim connexis. Petioli 4 lineas longi, basi incrassati, post lapsum cicatrices semiorbiculares relinquentes, supra obiter canaliculati, subtus convexiusculi, glaberrimi. Stipulae nullae. Flores hermaphroditi v. indistincta stirpe abortu masculi. Pedicelli in axillis foliorum fasciculati, fasciculis saepissime ob folia inferiora mature delapsa per ramos ramulosque nudos sparsis, plerumque terni, rarius bini, rarissime quaterni v. quini, 1-2 lineas longi, teretiusculi, ante anthesim nutantes, demum strictiusculi; singuli basi bractea minima squamaeformi fulti, infra medium bracteolis 2 approximatim alternis squamaeformibus ovato-lanceolatis, margine discolori membranaceo eroso-denticulatis stipati. Floribus hermaphroditis: calycis sepala 5, pedicello continua, ovato-obtusa, dimidia linea vix longiora, longitudine triente angustiora, herbaceo-viridia, obsolete ciliato-denticulata, punctis crebris discoloribus conspersa, per aestivationem imbricata. Petala 5 hypogyna, pallide viridia, sepalis alterna iisque duplo fere longiora, vix latiora, oblonga, basi et apice rotundata, crassiuscula, linea dorsali convexiuscula saturatiori; supra medium nonnihil a lateribus constricta, in aestivatione oblique imbricata, alabastrum pyramidale constituentia, in anthesi erecta et apice patentim reflexa, ibique margine angusto saturatiori ad lentem obsolete denticulato cincta. Stamina quinque hypogyna, sepalis opposita. Filamenta brevissima, ima basi in discum monadelphum coeuntia, deinde libera, postice aucta squamula obcordata carnosula viridi, longitudinaliter adnata, lateribus utrinque ultra eandem prominentibus libera. Antherae introrsae biloculares, (an steriles?) connectivo elongato dilatatoque lateribus inter se connatae, ovarium pressim cingentes; loculis appositis subdiscretis basi divergentibus, longitudinaliter apertis. Connectivum viridi-luteum, oblongo-lanceolatum, apice loculos duplo fere superans, petala subaequans, apicis margine ciliato-denticulato, utrinque antherarum latera excedens. Ovarium liberum sessile, ovato-lageniforme, corollae fere longitudine, biloculare, loculis uniovulatis, ovulis cavitatis apici appensis. Stylus terminalis, ovario continuus, brevissimus, simplex, teretiusculus, stigmate capitato, bilobe-emarginato terminatus. Capsula grani piperis magnitudine, globosa, calyce florisque exuviis emarcidis ima basi stipata, stylo persistente mucronata, epicarpio carnosulo-coriaceo indehiscens, nunc bilocularis disperma, saepissime loculo altero nano v. abortiente unilocularis monosperma, interdum septo obliterato unilocularis disperma. Semina in apice cavitatis placentae nerviformi affixa, inversa, cavitatem replentia, hinc plana, inde convexa. Testa coriacea Albumen carnosum, copiosum. Embryo orthotropus axilis viridis, dimidio albumine longior, cotyledonibus semiorbiculatis, radicula cylindrica obtusa, cotyledonum longitudine supera. Floribus masculis

{72}

calyx et corolla hermaphroditorum, sed petala apice revoluta, filamentorum appendix posticus spathulatus, ciliato-denticulatus, ima basi filamento adnatus, caeterum liber, loculos altitudine sua aequans, connectivum loculis paullo latius, duplo fere longius, oblongo-lanceolatum; singularum antherarum in conum conniventia, apice reflexopatentia, fimbriato-lacera. Pistilli rudimentum minimum globosum, stylo filiformi terminatum.

XLVII. OXALIDEAE.

LXXXV. OXALIS Linn. gen. n. 582.

128. OXALIS REPTANS Soland. ex Forst. prodr. n. sir. Forst. in Hunter et King's Nachricht. Vers. germ. p. 313. in not. (utroque loco absque descriptione v. phrasi.)

?Oxalis ambigua A. Rich. Fl. Nov. Zeel. n. 296.

Crescit in insula Norfolk. (Forst. l. c.)

Planta a Forstero Oxalidis reptantis nomine in Nova-Zeelandia et insula Norfolk indicata, deest in herbario nostro. Mera fortassis Oxalidis corniculatae varietas. An huc revocanda Oxalis repens Gaudich. exclusa Thunbergii planta homonyma?

XLVIII. FICOIDEAE.

LXXXVI. MESEMBRYANTHEMUM Linn. gen. n. 628.

129. MESEMBRYANTHEMUM AUSTRALE Soland. ex Forst. prodr. n. 523. Ait. hort. Kew. II. 187. Hav. Revis. 122. DC. prodr. III. 428.

Crescit in insula Norfolk. (Forster in Hunter et King's Nachricht. vers. germ. p. 313.) Deest in herbario Baueriano.

Planta ab illustri Banksio in hortos Angliae introducta, in Nova Zeelandia indigena, ab Achille Richardo in hujus insula Flora est praetermissa.

LXXXVII. TETRAGONIA Linn. gen. n. 627.

(Tetragonocarpus Commel. Demidovia Pall.)

Calyx quadrifidus, tubo ovario adhaerente tereti v. cornuto, lobis intus coloratis. Petala nulla. Stamina indefinita. Styli breves 3-8. Fructus nucamentacous v. baccatus, teres, alatus v. cornutus, 3-9locularis. Semina in loculis solitaria, uncinatim conduplicata, inversa. Albumen farinaceum. Embryo inclusus homotropus, radicula supera.

130. TETRAGONIA EXPANSA, herbacea, foliis petiolatis ovato-rhombeis, fructibus 6-9spermis.

a.) CORNUTA floribus sessilibus, calycis tubo quadricorni,

{73}

cornubus flores accessorios saepe gerentibus, fructibus cornutis nucamentaceis.

Tetragonia expansa Soland. ex Ait. hort. Kew. II. 178. DC. pl. gr. t, 114. Tetragonia cornuta Gärtn. carp. II. t. 197. f. 3. Tetragonia halimifolia Forst. pl. esc. p. 67. prodr. n. 223. Demidowia expansa Pall. hort. Demidow. t. 1.

Ferd. Bauer Illustr pl. Norfolk. t. 99.

Crescit in insula Norfolk. (Forst. Ferd. Bauer.)

b) STRONGYLOCARPA; floribus brevissime pedicellatis, calycis tubo tereti, fructibus baccatis teretibus.

Ferd. Bauer Illustr. pl. Norfolk. t. 98.

Crescit in insula Norfolk, mense Octobri florens et fructifera. (Ferd. Bauer.)

XLIX. MALVACEAE.

LXXXVIII. HIBISCUS Linn gen n. 846.

Involucrum oligo- v. saepius polyphyllum; foliolis liberis v. plus minus coalitis. Calyx quinquefidus. Petala 5, expansa v. erecta et convoluta. Stamina in columnam v. cylindrum coalita. Antherae reniformes. Stylus apice quinquefidus. Stigmata capitata. Carpella 5, in capsulam quinquelocularem coalita, loculis integris v. septo secundario plus minus completo bilocellatis, poly- v. abortu oligo-monospermis. Semina reniformia, nuda v. lanata.

OBSERVATIO. Hibisci genus certe dividendum, hic interim intactum fere servatur ob interiorem ovarii fructusque fabricam in plerisque speciebus penitus incognitam, et ob linites generum in Malvacearum ordine apprime naturali nimiopere adhuc vacillantes.

SECTIO I. PARITIUM Adr. Juss. in St. Hil. Fl. Bras. I. 225. Involucellum 9-12fidum v. dentatum. Ovarii loculi bilocellati, et ovulati. Capsula septicido quinquevalvis, valvis medio septa spuria gerentibus. Semina nuda.

131. HIBISCUS TILIACEUS, caule arborescente, foliis subrotundo cordatis acuminatis v. obtusis, supra glabris, subtus cano-pubescentibus, ad basim nervorum poro lineari notatis, involucello irregulariter subdecemfido.

Pariti Rheed. malab I. 53. t. 30. Hibiscus tiliaceus Linn. spec. 976. Forst. prodr. n. 261. Plant. esc. p. 73. Cav. diss. III. 151. t. 55. f. 1. Gärtn. carp. II 251. t. 135. f. 4. Paritium tiliaceum Adr. Juss. l. c.

Crescit in insula Norfolk. (Ferd. Bauer.)

SECTIO II. BOMBICELLA DC prodr. I. 452. Involucella varia. Ovarii loculi integri, uniovulati. Semina gossypina. - Pedicelli infra apicem articulati.

{74}

132. HIBISCUS INSULARIS caule fruticoso, ramis foliisque ovatis integris trilobisque grosse crenatis stellato-pubescentibus, involucelli triphylli foliolis ovato-oblongis obtusis patentiusculis, calyce campanulato profonde quinquedentato glauco-tomentoso, petalis convolutis erecto-patentibus.

Ferd. Bauer Illustr. pl. Norfolk. t. 169.

Crescit in Pig-Island, insulae Norfolk adsito, circa finem Octobris florens. (Ferd. Bauer.)

Fratex, ramis ramulisque teretibus calami scriptorii crassitie, cortice cinereo, rugoso, rimoso, junioribus pube stellata adspersa canescenti-tomentosis. Folia petiolata, alterna, approximata, versus ramorum apices conferta, ovata, obtusa, 2½ pollicem longa, 1½-2 pollices lata, integra v. plus minusve profunde triloba, lobis rotundatis grosse crenatis, tri-quinquenervia, nervo centrali reliquis validiore, utrinque nervos secundarios intra marginem combinatos exserente, supra obscure viridia glabriuscula, subtus pube stellata ad nervos copiosiore conspersa. Petioli tetragoni, ½ pollicem longi, basi vix incrassati, super ramum articulati, pilis stellatis dense cano-tomentosi. Stipulae lineari-lanceolatae 2 lineas longae, setiformes, petioli basim utrinque stipantes. Pedicelli axillares uniflori, pollicem v; sesquipollicem longi, folio subtendente plerumque nano duplo fere longiores, crassiusculi, teretiusculi, stellato-tomentosi; parte summa 2 lineas longa incrassata, super inferiorem articulata. Involucellum triphyllum, foliolis pedicelli apici continuis ovato-oblongis obtusis retusisve, 8 lineas longis, 5 lineas latis, integerrimis, utrinque obscure viridibus, pube rara conspersis, basi breviter connatis, erecto-patentibus. Calyx coriaceus, dense glauco-tomentosus, campanulatus, ½ pollicem amplus, 1 pollicem longus, usque ad medium quinquedentatus, dentibus triangularibus, acutis, erectis. Corolla calyce triplo fere longior, petala basi ope tubi staminei connexa, inaequilatera, tripollicaria, pallide purpurea, intus venis atropurpureis picta; extus pube rara canescentia, oblique imbricata, convoluta, apice patentia. Tubus stamineus corollae longitudine, contortus, apice in filamenta plurima monanthera solutus, serie intima filamentorum sterili. Stylus columnaris, apice quinquefidus, supra staminum tubum exsertus. Stigmata capitata spongiosa. Capsula quinquelocularis, dissepimentis spuriis nullis. Semina pauca, lanata.

SECTIO III. ABELMOSCHUS DC. prodr. I. 499. Involucellum octo-pentadecaphyllum, foliolis integris. Corollae expansae. Carpella polysperma. Semina glabra v. linea dorsali villosa.

133. HIBISCUS DIVERSIFOLIUS, caule petiolisque aculeatis, pedicellis brevibus inermibus pilosissimis, foliis tri-quinquelobis obtusis dentatis; superioribus oblongo-lanceolatis indivisis, involucellis sub enneaphyllis calycibusque glanduloso-hispidis.

Hibiscus diversifolius Jacq. collect. Vol. II. Ic. rar. III. t. 551. Hibiscus ficulneus Cav Diss. III. 148. t. 51. f. 2. Ferd. Bauer Illustr. pl. Norfolk. t. 102.

Crescit in insula Norfolk, ipso Bauero in icone adnotante vix spontaneus.

{75}

LXXXIX. LAGUNARIA.

Hibisci sect. XI. Lagunaria DC. Laguneae sp. Sims. Vent.

Involucellum oligophyllum, saepissime obsoletum. Calyx tubulosus, quinquedentatus. Petala 5, mediante tubo stamineo basi connexa, erecto-patentia. Filamenta ex apice et superficie tubi staminei monanthera. Antherae reniformes, uniloculares. Discus urceolaris, truncatus, ovarii basim recipiens. Ovarium quinqueloculare, loculis quadriovulatis. Stylus filiformis, apice infundibuliformi-clavatus; stigmate radiatim quinquelobo, lobis obtusis. Capsula quinquelocularis, epicarpio coriaceo demum solubili, endocardio cartilagineo, intus setoso-lanato, loculicido-quinquevalvi; valvis medio septa duplicata, placentas filiformes gerentia auferentibus. Semina in loculis abortu bina, v. rarius solitaria, reniformia, nuda. - Frutex foliis oblongo-lanceolatis integerrimis, subtus albicanti-lepidotis; pedicellis axillaribus unifloris, brevibus, crassiusculis, paullo infra apicem articulatis, floribus speciosis albo-roseis.

134. LAGUNARIA PATERSONIA.

Hibiscus Patersonii Ait. hort. Kew. IV. 224. DC. prodr. I. 454. Hibiscus Patersonius Andrews Bot. Reposit. t. 286. Lagunaea Patersonia Sims Bot. Mag t. 769. Lagunaea squamea Vent. malmais. t. 42. Spreng. syst. III. 123. Solandra squamea Poir. dict. encycl. IV. 362. Lagunaria Patersonii G. Don. syst. of Bot. I. 485. Ferd. Bauer Illustr. pl. Norfolk. t. 93. et 163.

Crescit in insula Norfolk; anno 1792 a Patersonio in Angliam introducta, vulgaris nunc hortorum hospes. Examinavi specimina sicca spontanea a Ferd. Bauer mense Septembri anni 1804 florentia et fructifera decerpta.

XC. ABUTILON Dillen.

(Sidae sp. Linn. et Auct.)

Involucellum nullum. Calyx quinquefidus, saepius cupulaeformis. Petala 5, unguiculata, obovata, obtusa, saepius inaequilatera. Tubus stamineus columnaeformis, basi dilatatus, ovarium includens, apice in filamenta plurima monanthera solutus. Ovarium quinqueloculare, loculis plerumque tri-rarius quadri-novem ovulatis. Styli plures, plus minusve coaliti. Stigmata capitellata. Capsula calyce vestita, e carpellis 5 v. plurimis, arcte coalitis, bivalvibus, 3- v. 4-6spermis, abortu interdum mono-dispermis. - Folia saepissime cordata, interdum obsolete lobata. Pedunculi axillares, medio articulati.

135. ABUTILON JULIANAE, foliis cordatis ovatis longe acuminatis inciso-dentatis utrinque tomentoso-velutinis; pedicellis axillaribus unifloris medio articulatis, petiolum subaequantibus,

{76}

petalis calyce dimidio brevioribus, columna staminea exserta, carpellis vicenis truncada birostratis pilosis trispermis.

Ferd. Bauer Illustr. pl. Norfolk. t. 103.

Crescit in insula Norfolk, mense Januario florens. (Ferd. Bauer.)

Stirps longe elegantissima, fuffruticosa, Adonistis commendanda, Ramorum summitates teretes, calami scriptorii crassitie, pilis mollibus patentibus densissime glaucescenti-sericeae, basi ramulis bipollicaribus alternis, 8-10 lineas dissitis, apice foliis confertis onustae. Folia sinu angustissimo profunde ovato-cordata, longe acuminata, nonnulla obsolete triloba, inciso-dentata, utraque pagina tomento glaucescenti tenui molli obsita, subtus ad nervos sericeo-pilosa, dentibus pilis longiusculis mollibus ciliatis; ramulorum sesquipollicaria, 1¼ poll. lata, petiolo semipollicari, petiolis inferiorum folii longitudine, reliquorum sensim brevioribus, omnibus pedicellisque patentim sericeo-pilosis. Stipulae obsoletae Pedicelli axillares uniflori, petiolum subaequantes, medio articulati, floriferi cernui, fructiferi stricti. Calyx campanulatus, 6 lineas longus, basi ventricosus, profunde quinquefidus, glauco-tomentosus, laciniis complicato-carinatis acutiusculis uninerviis, nervo pilis longis patentibus consitis, margine minute ciliatis. Petala brevissime unguiculata, obovato-subrotunda, imbricatim conniventia, calyce dimidio breviora, lutea Tubus stamineus concolor, exsertus, calyce duplo fere longior, apice in filamenta plurima monanthera solutus. Styli 10, ultra tubum exserti, stigmatibus minute capitatis, minutissime papillosis terminati. Carpella 20, pilosa, in orbem disposita, calyce longiora, apice truncata, brevissime birostria, unilocularia, bivalvia. Semina in carpellis 3, reniformia, setulis minimis exasperata.

XCI. MALVA Linn. gen. n. 841.

Involucellum tri-pentaphyllum, foliolis oblongis linearibusve. Petala obovata v. obcordata. Stamina monadelpha, antheris reniformibus, unilocularibus. Stylus simplex, apice in stigmata plurima solutus. Carpella capsularia plurima, monosperma, in orbem disposita.

136. MALVA ROTUNDIFOLIA, caule prostrato, foliis cordato-orbiculatis septemlobisque aequaliter dentatis, corolla calycem aequante, carpellis reticulatis.

Malva rotundifolia Linn. spee. 969. Swensk Bot. t. 275. Malva pusilla Smith Engl. Bot. t. 241.

Crescit in insula Norfolk, verisimiliter cum cerealibus introducta. (Ferd. Bauer.)

L. STERCULIACEAE.

XCII. UNGERIA Schott et Endl. melet. p. 27.

Calyx clavato-campanulatus, irregulariter quinquefidus. Petala 5 spathulata, laminâ tandem reflexa. Staminum tubus elongatus,

{77}

carpophoro connatus, apice in urceolum quinquefidum ampliatus, laciniis infra apicem nudum utrinque antheras 3 superpositas ferentibus. Ovarium longe stipitatum, intra staminum urceolum reconditum, quinqueloculare; loculis biovulatis. Styli 5, in unum connati, recti, breves. Stigmata obsoleta. Capsula quinquelocularis; loculis monospermis, valvulis bipartibilibus, a columna centrali persistente tandem solutis. Semina ovoidea, albuminosa. Embryo orthotropus axilis.

137. UNGERIA FLORIBUNDA Schott et Endl. op. cit. t. 4.

Ferd. Bauer Illustr. pl. Norfolk. t. 95.

Crescit in insula Norfolk. (Ferd. Bauer.)

Arbuscula (?) ramulis pedalibus, minimum digitum crassis, cortice cinereo-fusco, foliorum delapsorum cicatricibus toruloso. Folia alterna, coriacea 3½ poll. lata, supra glabrata nitidula, subtus pube stellata tenuissime glauco-tomentosa. Nervi supra impressi, subtus prominentes, utrinque pube stellari adspersi; medius petiolo continuus validus, secundarii teneriores, infimi suboppositi, superiores alterni, subramosi, omnes venis transversis reticulatim connexi. Petiolus sesquipollicaris, teretiusculus, basi et apice incrassatus, subtilissime pubescens. Stipulae fugaces. Cyma terminalis ampla, palmaris, sensim attenuata, pube stellari densius quam folia obsita, glauco-tomentosa. Bracteae caducae. Rhacheos rami trifidi, ramuli pollicares teretiusculi. Pedicelli vix 3 lineas longi, ramulis nonnihil crassiores, decangulares, iisdem articulato-inserti. Calyx clavato-campanulatus ½ poll. longus, ½ poll. amplus, usque ad tertiam longitudinis suae partem quinquefidus, extus dense stellatim tomentosus, intus pube simplici sericea adpressa munitus; laciniae inaequales, triangulares, duae posticae aliquantisper latiores, antica angustior, quidquam longior, omnes aestivatione valvatae, nervis carinalibus suturalibusque subprominulis, alabastrum decangulare constituentes Torus in laminam glabram, imum calycis fundum vestientem effusus; laminae radii triangulares, laciniis calycinis alternae. Petala 5, toro inserta, laciniis calycis alterna, aestivatione contortim imbricata, spathulata, pollicaria, rosea, in sicco rubro-fusca, subquinquenervia, nervis utrinque imprimis extus stellato-pubescentibus; margine pilis albis longis mollibus ciliata, subinaequalia, posticum et duo lateralia anticis quidquam majora, omnia ungue calycis longitudine erecto, laminâ infracta, tandem decidua. Tubus stamineus calyce triplo fere longior, adscendens, diametro bilineari, carpophoro connatus, apice in urceolum subquinquefidum ovarium cingentem ampliatus, juxta totam longitudinem sulcis 5 (suturis) petalis oppositis exaratus, urceoli laciniis iisdem alternis. Antherae 3 oblique superpositae, quemvis urceoli dentem, apice nudum utrinque marginantes, hinc universim 30 v. una alterave deficiente interdum pauciores, singulae ope stipituli brevissimi extrorsum peltatim affixae, subbiloculares, loculis verticaliter oppositis subconfluentibus, septo transversali incompleto subdistinctis, valvatim dehiscentibus. Pollen sulphureum trigonum, humectum angulis papillas diaphanas exserens Ovarium in carpophoro tubi staminei longitudine et cum eodem connato elevatum, hinc intra ejusdem urceolum sessile, quinquesulcatum, quinqueloculare, pilis stellatis dense obsitum; constans carpellis 5 petalis oppositis,

{78}

marginibus introflexis axim centralem attingentibus dissepimenta constituentibus. Ovula in loculis solitaria, angulo centrali affixa, peritropa. Styli ovario breviores, 5 in unum conferruminati, pilosiusculi. Stigmata simplicia. Capsula coriacea, ovo gallinaceo vix minor, pilis stellatis tomentosa, carpellorum dorso acute convexo quinquangularis, loculicido-dehiscens, valvis bipartibilibus a columna centrali quinquangulari persistente solutis. Semina in loculis solitaria, ovato-globosa, hilo laterali. Testa coriacea crassiuscula, laevis. Albumen copiosum. Embryo orthotropus axilis.

LI. PITTOSPOREAE.

XCIII. PITTOSPORUM Banks apud Gärtn. I. 186.

Calyx quinque-sexsepalus. Petala 5-6, unguibus in tubum conniventia. Capsula unilocularis, bi-trivalvis, valvis medio seminiferis. Semina resinoso-pulposa.

138. PITTOSPORUM BRACTEOLATUM, foliis obovato-oblongis acutiusculis v. obtusis venosis glaberrimis, pedunculis terminalibus solitariis unifloris imbricatim-bracteolatis.

Ferd. Bauer Illustr. pl. Norfolk. t. 159.

Crescit in insulae Norfolk monte Pitt, Septembri florens. (Ferd. Bauer.)

Frutex an arbuscula? Rami digitum minimum, ramuli calamum scriptorium crassi, semipedem longi, stricti, subfastigiati, bi-trichotomi, basi foliorum delapsorum cicatricibus exasperati, apice dense foliosi. Folia approximatim alterna, ad apicem ramulorum conferta opposita, obovato-oblonga acutiuscula v. obtusa, 3 pollices longa, unum v. sesquipollicem lata, breviter petiolata, integerrima, subundulata, glaberrima, coriacea, supra obscurius viridia, subtus pallidiora, nervo centrali cum petiolo semitereti basi nonnihil incrassato 3 lineas longo continuo, subtus valde prominente, supra impresso. Nervi secundarii subtilissimi oppositi, bifurcati, venulis creberrimis reticulatim anastomosantibus connexi. Pedunculus ex apice ramuli inter summa folia occultatus solitarius, patens, 3 lineas longus crassiusculus, teres, bracteolis ovatis obtusiusculis lineam longis pallide viridibus, densissime imbricatis juxta totam longitudinem obsitus; fructifer elongatus 9 lin. v. pollicem longus, bracteolis deciduis denudatus, nutans. Calycis sepala in speciminibus observatis constanter 6, oblonge lanceolata acuta, 5 lin. longa, 2½ lineam lata, glaberrima, patentia. Petala totidem, sepalis triente longiora, duplo fere latiera, pallide luteo viridia, nervosa, in corollam campanulatam conniventia, apice subrevoluta. Stamina 6 hypogyna dimidiam petalorum longitudinem paullo superantia. Filamenta linearia complanata, marginata. Antherae terminales, filamento continuae, acutae, introrsae, biloculares. Ovarium obovato-subclavatum, pilis erectis appressiusculis hirsutum. Stylus terminalis simplex, stigmate obtuso. Capsula nucis juglandis majoris mole, laete viridis, obovato-subclavata, tricostata, costis e valvularum commissura duplicatis convexim prominentibus, unilocularis, trivalvis, valvis lignosis resinosis, medio septum

{79}

incompletum placentiferum gerentibus. Semina plurima, magnitudine seminum Viciae sativae, obsolete reniformia, peritropa, fusco-viridia, vernicoso-splendentia.

LII. MELIACEAE.

XCIV. HARTIGHSEA Adr. Juss in Mem. Mus. XXIX. 227.

(Trichiliae sp. Forst. Labill. - Disoxyli sectio Blume.)

Calyx quadri-quinquedentatus v. partitus. Petala 5, basi inter se et cum tubo stamineo coalita, valvata. Filamenta 8-10, in tubum cylindricum, 8-10crenatum fauce antheriferum, coalita. Antherae inclusae, cum tubi incisuris alternantes, erectae. Discus ovarium vaginans, integer v. crenatus. Stylus simplex staminum longitudine v. subnullus. Stigma discoideum. Capsula tri-quinquelocularis, loculis mono-dispermis, loculicido tri-quinque valvis. Semina arillata.

OBSERVATIO. Genus nimis imperfecte cognitum, e calycis conformatione, corollae aestivatione, loculorum ovulorumque numero et arilli natura in posterum dividendum. H. Fraserianae, quae typum generis sistit, fructus incognitus, unde potius H. Billardieri Ad. Juss. (Trichilia bijuga Labill. nov. Caled. t. 54.) a qua H. Patersoniana loculorum numero, stigmateque subsessili differt, tanquam species normalis erit admittenda. H. spectabilis Adr. Juss. (Trichilia spectabilis Forst. T. cauliflora Banks) ob calycem quinquefidum verisimiliter a genere removenda. - Trichilia monophylla A. Rich. Fl. nov. Zeel t. 34 species videtur generis, a nobis in dissertatione de Meliacearum ordine mox edenda, ad plantam Novae Hollandiae Schoutensiae nomine constituti.

139. HARTIGHSEA PATERSONIANA, foliis abrupte pinnatis bi-trijugis, foliolis ovatis acutiusculis v. obovatis obtusis integerrimis glaucescentibus glabris, paniculis axillaribus paucifloris abbreviatis; floribus pentameris, ovario quinqueloculari, stigmate subsessili.

Ferd. Bauer Illustr. pl. Norfolk. t. 96. et 146.

Crescit in insula Norfolk, mense Octobri florens. (Ferd. Bauer.)

Arbor, ramulis calami scriptorii crassitie, teretibus, cortice cinereo, lenticellis plurimis majusculis, ovalibus, rubro-fuscis consperso. Folia alterna, pollicem v. sesquipollicem dissita, pari pinnata, bi-trijuga. Petiolus communis tripollicaris, angulatus, herbaceo-viridis, lenticellis verrucosis conspersus. Foliola opposita ovata, acutiuscula v. obovata, obtusa, basi saepius inaequilatere attenuata et in petiolulum tri-quinquelinearem decurrentia, 2½-3½ poll. longa, 1-1½ pollicem lata, utrinque glaberrima, glaucescentia, rigidiuscula, integerrima, margine desiccatione obsolete undulata; nervo centrali supra plano, subtus convexim prominente, e basi valde incrassata sensim deliquescente, secundariis fere obsoletis alternis, intra marginem combinatis. Paniculae axillares, uni-bipollicares, pauciflorae, pedunculo subtetragono verrucoso. Pedicelli bractea minima fulti, 3 lin. longi, medio

{80}

articulati; articulo inferiori tetragono, superiori tereti incrassato. Calyx unam lineam longus, quinquedentatus, dentibus minimis, lato sinu sejunctis, persistens. Petala 5, basi connata (?) oblongo-linearia, apice subinflexo, calyce triplo longiora, aestivatione valvata, tandem patentia. Tubus stamineus conicus, calyce duplo fere longior, decemcrenatus, glaberrimus. Antherae. . . . . Annulus carnosus, ovarii basim cingens. Ovarium depresso subglobosum, 4-interdum quinqueloculare, loculis biovulatis? Stigma subsessile lato-discoideum, tubi staminei faucem recludens. Capsula globosa, verruculosa, nucis juglandis minoris magnitudine et colore, quinquelocularis, loculicido quinquevalvis. Semina in loculis solitaria, arillata.

OBSERVATIO. Species a typo generis disco annulari basim ovarii ambeunte, nec illud vaginatim recipiente et stigmate subsessili aberrans, e speciminibus herbarii defloratis et capsulis immaturis haud ulterius extricanda. Fructus analysis in icone Baueriana haud suppetit.

LIII. RHAMNEAE.

XCV. PENNANTIA Forst. gen. 67.

Calycis sepala 5, lanceolata, acuta, aestivatione imbricata, in anthesi patentissima. Stamina 5 hypogyna, sepalis alterna; filamentis liberis, antheris introrsis bilocularibus, dorso affixis. Ovarium sessile, ovato-oblongum, triloculare, loculis biovulatis, ovulis ex apice loculi pendulis. Stigma sessile discoideum, obsolete trilobum. Fructus drupaceus monospermus, semine inverso. - Arbor, foliis alternis simplicibus, floribus terminalibus corymbosis.

140. PENNANTIA CORYMBOSA Forst. Char. gen. 67. prodr. n. 379. Willd. sp. IV. 1122.

Ferd. Bauer Illustr. pl. Norfolk. t. 165.

Crescit in insula Norfolk, mense Septembri florens. (Ferd. Bauer.)

Ramuli teretes fistulosi, pennae olorinae crassitie, cortice viridi, lenticellis copiosis ellipticis pallide fuscis consperso. Folia alterna, dimidium pollicem dissita, petiolata, elliptico-oblonga v. obovata, obtusa v. retusa, inferiora 7½ poll. longa, 5 poll. lata; superiora 4 poll. longa, 2½ poll. lata, omnia supra obscure viridia nitentia, subtus pallidiora, utrinque glaberrima, marginibus subrevoluta, integerrima; nervi supra impressi, subtus plano-prominentes, centralis e basi latiori subtus marginata, sensim attenuatus, secundarii utrinque 5-6, inferiores oppositi, superiores approximati alterni, oblique adscendentes, tenerrimi, venis inter se reticulatim connexi. Petiolus 7-13 lineas longus, complanatus, versus basim pilis brevibus adpressis raris conspersus. Corymbi cymosi, quadripollicares, in ramis ramulisque terminales. Pedunculus communis et partiales pedicellique, vix 2-3 lineas longi, teretes ; basi v paullo supra basim bractea lineari-lanceolata, acuta, membranacea stipati, pilis rigidiusculis brevibus adpressis obsiti. Flores hermaphroditi, paucissimis abortu masculis intermixtis. Calycis sepala 5, oblongo-lanceolata, acuta, luteo-viridia, 2½ lin. longa, uninervia, in aestivatione marginibus sibi brevissime incumbentia,

{81}

in anthesi patentia, subrevoluta, caduca. Stamina 5, sepalis alterna, triente breviora. Filamenta libera, tereti-subulata, in anthesi patentia. Antherae magnae, ovato-globosae, medio dorso affixae, introrsae, biloculares, loculis suboppositis, latere juxta totam longitudinem dehiscentibus. Ovarium disco brevi annulari impositum, ovato-oblongum, filamentis parum brevius, viride, punctis crebris exalbidis conspersum; triloculare, loculis biovulatis, ovulis ex apice loculorum pendulis, uti videtur superpositis. Stigma sessile magnum, discoideum, centro depressum, marginibus ultra ovarii corpus prominentibus, obsolete emarginato-trilobum. Drupa ovata, 4 lineas longa, atropurpurea, stigmate coronata, eodem tandem decidente foveata, semine unico inverso foeta.

LIV. CELASTRINEAE.

XCVI. ELAEODENDRON Jacq. act. helv. I. 36.

Calyx parvus, tri-quinquelobus. Petala tria-quinque, patentia. Stamina totidem petalis alterna; filamentis basi dilatatis; antheris basi fixis, loculis oppositis. Discus carnosus circa ovarii basim. Ovarium tri-quinqueloculare, loculis biovulatis. Drupa nucleo uni-quinqueloculari. Semina (nauci) in loculis solitaria, rarissime 2, erecta, hilo ventrali deraso. Albumen caruosum, parcissimum. Embryo rectus axilis, cotyledonibus foliaceis, radicula infera.

141. ELAEODENDRON CURTIPENDULUM, foliis obovato-ellipticis obtusis crenato-serratis petiolo quadruplo longioribus; pedicelli fructiferi penduli articulo superiori fructu ovato breviori, floribus polygamia quadri-quinquefidis, nucleo trispermo.

Ferd. Bauer Illustr. pl. Norfolk. t. 160.

Crescit in insula Norfolk, mense Septembri florens. (Ferd. Bauer.)

Frutex, ramulis pedalibus, calami scriptorii crassitie, cortice cinereo-fusco rimoso, foliorum delapsorum cicatricibus toruloso. Folia opposita, patentia v. reflexa, petiolata, coriacea, obovato-elliptica obtusa, 2½ pollicem longa, 1½ pollicem lata, cartilagineo-mucronata, remote crenato-serrata, nervis in serraturae sinus excurrentibus mucronata, glaberrima, glauco-viridia, supra nitida, subtus pallidiora, basi in petiolum semipollicarem crassiusculum, supra complanatum, obsolete canaliculatum, subtus convexum, transversim toroso-rugosum attenuata. Paniculae subdichotomae corymbosae, petiolum aequantes v. subsuperantes, axillares oppositae, v. ramulo gemma conica, sub grossificatione demum evoluta terminato, pseudo-terminales Pedicelli teretes, 2-3 lineas longi, basi bracteis minimis squamaeformibus sustenti, paullo supra basim articulati, apicem versus pilis brevissimis raris conspersi. Flores sesquilineares; masculis: calyx quadri-quinquelobus, lobis ovatis obtusissimis pilosiusculis patentibus. Petala totidem, obovata, obtusa, sepalis triplo longiora, duplo latiera, luteo-viridia, per aestivationem imbricata, tandem patentia Staminum in speciminibus observatis nonnisi rudimenta subulata, sepalis opposita, iisdem duplo longiora. Discus carnosus; cum ovarii rudimento mammaeformi confluens. Floribus

{82}

femineis in diverso ramo a masculis segregatis: calyx in speciminibus observatis constanter quinquefidus; petala totidem, oblonga, obtusa, florum masculorum petalis sextante angustiora, triente fere longiora. Staminum rudimenta nulla. Discus carnosus torosus, sinuato-quinquelobus, lobis petalis oppositis. Ovarium oblongo-ovatum, teres. Stylus terminalis simplex, teres, ovarii longitudine, apice quidquam incrassatus. Stigma terminale simplex. Pedicelli fructiferi incrassati, longitudine aucti, divaricati nutantes ½-¾ pollices longi, articulo superiori fructu breviore. Drupa nucis avellanae magnitudine, exsucca, epicarpio coriaceo-carnoso, atro-viridi, punctis discoloribus consperso, intus foeta nucleo lignoso laevi, trispermo.

LV. EUPHORBIACEAE

XCVII. EXCOECARIA Linn. gen. n. 1102.

Flores dioici spicati, bracteati; pedicellis brevibus basi bibracteolatis. Calyx triphyllus. Stamina 3; filamentis exsertis; imâ basi monadelphis. Antherae extrorsae, loculis oppositis ex apice filamenti pendulis, longitudinaliter dehiscentibus. Fem. Calyx triphyllus. Ovarium triloculare; loculis uniovulatis. - Arbores v. frutices lactescentes, foliis oppositis petiolatis integerrimis v. serratis, spicis terminalibus v. axillaribus.

OBSERVATIO. Characterem generis ad species gerontogeas restrinximus; americanae spicis diclinibus, lactae destitutae, ob synema ramosum genus proprium Gymnanthes Sw. constituunt. Gussonia Spr. spicis androgynis differt. Sebastiania Spr. ad Colliguaiam accedere videtur. Omnia haec genera, etiam ex antherarum structura, Stilagineis aliquatenus, affinia.

142. EXCOECARIA AGALLOCHA, foliis elliptico-oblongis obtusiusculis distanter obtuse serratis, spicis axillaribus solitariis folio brevioribus.

Arbor excoecans Rumph. Amboin. II. t. 79. 80. Excoecaria Agallocha Linn. sp. pl. 1451. Swartz Fl. Ind. occid. 1119. in not. Lam. illustr. t. 805. Blum. Bydr. XII. 632. Ferd. Bauer Illustr. pl. Norfolk. t. 182.

Crescit in insula Norfolk, mense Octobri in Januarium florens. (Ferd. Bauer.)

Arbor cujus ramulos videmus pedales, digito minimo vix crassiores, cortice fusco-cinereo rugoso vestitos, basi foliorum delapsorum cicatricibus torulosos. Folia alterna, petiolata approximata, elliptico-oblonga v. obovato-oblonga, obtusa, 2-2½ pollicem longa, 1-1½ pollicem lata, utrinque glabra, supra lucidiuscula, subtus pallidiora, marginibus subrevoluta, remote et obtuse serrata, subundulata, nervo centrali valido, supra canaliculatim impresso, subtus valde prominente, secundariis multo tenerioribus, oppositis v. alternis, fere rectangulis, prope marginem combinatis. Petioli 6-7 lineas longi, supra canaliculati,

{83}

lati, subtus convexi, basi incrassato-dilatati, post lapsum cicatrices semilunares relinquentes. Stipulae fugaces. Spicae masculiflorae in axillis foliorum solitariae v. prope ramulorum apicem confertae, erectae, graciles, foliis dimidio fere breviores, basi involucro vix 2 lineas longo, urceolato, sessili, quadri-quinquedentato sustentae. Bracteae membranaceae late-ovatae, breviter cuspidatae, serratae, prope basim obsolete biauriculatae in rhachin adnato-decurrentes, dense spiratim imbricatae, uniflorae. Flos intra quamvis bracteam unicus, stipitulo brevissimo crassiusculo, basi bracteolis duabus lateralibus, bracteam longitudine subaequantibus auriculatis amplexo, impositus. Perigonium e foliolis 3, lineari-lanceolatis carinatis, inciso-serratis, lineam longis, ½ lineam latis, distinctis, duobus anticis et uno postico axim spectante. Stamina 3, perigonii foliolis alterna; filamentos teretiusculis, basi incrassatis, brevissime monadelphis, stipitulo continuis, in aestivatione erectis, staminis antici reliquis nonnihil breviore, demun elongatis, perigonii foliola quadruplo fere superantibus. Perigonii foliolum posticum interdum mutatur in stamen sterile reliqua longitudine aequans, apice brevissime incurvum, anantherum. Antherae extrorsae biloculares, loculis ovato-globosis, ellipticis, ex apice connectivi granuliformis, filamentum terminantis pendulis, in alabastro parallelis, dextrum sinistrumque filamenti latus spectantibus, demum horizontalibus, extrorsum versis, longiludinaliter bivalvibus. Spicae feminiflorae in diversa stirpe. Bracteae, bracteolae et perigonium ut in mare. Ovarium e carpellis tribus, cum perigonii foliolis alternantibus, triloculare, rotundato-trilobum, loculis uniovulatis, ovulis ex axi centrali pendulis. Stigmata 3, carpellis continua, extus convexa, intus complanata, papillosa, basi brevissime inter se cohaerentia, caeterum patentia, apice revoluta. Capsula tricocca, verrucoso-exasperata, coccis medio bivalvibus sexfariam dehiscens. Semina in loculis solitaria, apice podospermio ex axi centrali dilatato amplexa, inversa. Testa membranacea, obscure brunea, nigro-variegata, umbilico prope apicem laterali. Albumen copiosum. Embryo orthotropus axilis, cotyledonibus orbiculatis, basi emarginatis, planis Radicula conica, cotyledonum longitudine verticem fructus spectante.

OBSERVATIO I. Coloni anglici cum primum in insulam Norfolk essent deducti, fatale hujus arboris virus suo damno experti sunt, quorum nonnullos ad ligna cedenda exmissos, cum incaute Excoecariae truncos securi inciderent, prosiliente lympha coinquinatos et lumine privatos fuisse legimus. Vid. King in Hunter's Nachricht. p. 290.

OBSERVATIO II Excoecariae species binae aliae ineditae in Nova Hollandia tropica durante Flindersii periplo detectae fuerunt, nempe:

EXCOECARIA AFFINIS, foliis ellipticis acutiusculis crenato-serratis, spicis terminalibus foliis brevioribus.

Ferd. Bauer Illustr. pl. Nov. Holl. t. 1341.

Habitat in Novae-Hollandiae orientalis sinu Broad-Sound dicto.

EXCOECARIA OVALIS, foliis ovalibus retusis obsolete crenatis, spicis axillaribus solitariis folio longioribus.

Ferd. Bauer l. c. t. 1342.

Habitat in Novae Hollandiae septemtrionalis sinu Carpentaria.

{84}

XCVIII. BALOGHIA.

Flores monoici. Masc. Calyx quinquepartitus, imbricatus. Petala 5, imbricata. Discus annularis quinquelobus, lobis cum petalis alternantibus. Stamina indefinita; filamentis basi breviter monadelphis, antherarum loculis appositis, adnatis, extrorsis. Fem. Calyx corolla et discus maris. Ovarium triloculare, loculis uniovulatis. Stigmata 3, bifida, cruribus intortis. Capsula epicarpio carnoso demum secedente, tricocca, coccis medio bivalvibus. - Folia opposita, stipulata, integerrima, glaberrima; flores terminales.

OBSERVATIO. Genus Jatrophae proximum, a qua facile distinguitur staminibus indefinitis, antheris extrorsis, capsulae epicarpio carnoso secedente et foliis oppositis. - Dixi in memoriam Josephi Balogh, Med. Dr. Transylvani, qui catalogum stirpium Daciae mediterraneae primus contexuit, Lugd. Batav. 1779. editum; deinde Guianam Belgorum Botanices causa peragravit. (Cfr. Haberle Hist. rei herbariae Hungar. et Transylv. p. 18.)

143. BALOGHIA LUCIDA.

Ferd. Bauer Illustr. pl. Norfolk. t. 115. et 117.

Crescit in insula Norfolk, circa finem Januarii florens. (Ferd. Bauer.)

Frutex an arbor? ramis pennae olorinae crassitie, tetragonis, glabris, cortice cinerascente, maculis nigricantibus consperso. Ramuli oppositi, nodoso articulati, erecto-patentes, steriles gemma conica terminati. Folia opposita, petiolata, ovato-elliptica, obtusa, brevissime et obsolete cuspidata, basi attenuata, 3½-4½ pollicem longa, 1½-2 pollices lata, integerrima, glaberrima, nitidula, supra obscure viridia, subtus fuscescentia, costata; nervo medio valido, supra canaliculatim impresso, subtus valde prominente, costis alternis oppositisque fere rectangulis, utrinque prominentibus, venis reticulatim connexis. Petioli 3 lineas longi, supra canaliculati, subtus convexi, basi incrassati, post lapsum cicatrices semiorbiculares relinquentes. Stipulae interpetiolares membranaceae, annulatim commissae, truncatae, 2 lineas longae, e gemmarum terminalium hibernaculo superstites, utrinque e regione petioli gemmae foliola primordialia lineari lanceolata, 2-3 lineas longa foventes. Flores in ramulis terminales, corymboso-racemosi, pedunculis pedicellisque oppositis, nunc omnibus femineis, nunc inferioribus masculis, superioribus femineis. Pedicelli basi bracteis ovatis concavis, fugacissimis, primum gemmam floriferam includentibus stipati, teretiusculi, 6 lineas longi, apice repente incrassati. Floribus masculis calyx urceolatus, quinquefidus, laciniis oblongis, obtusis, concavis, ciliatis, 3 lineas longis, 2 lineas latis, per aestivationem imbricatis. Petala 5, glauco viridia, oblonga, obtusiuscula, lobis calycis alterna, iisdem quadruplo longiora; vix duplo latiora, per aestivationem imbricata, in anthesi reflexo-patentia, decidua. Discus carnosus, undulato-quinquelobus, apice breviter reflexus, lobis cordato-emarginatis, cum petalis alternantibus. Stamina plurima (circiter 50); filamenta teretiuscula, basi breviter monadelpha, exteriora breviora, interiora sensim longiora, pallide sanguinea, maculis obscurioribus conspersa, erecta; apice nonnihil extrorsum inflexa. Antherae pallide sulphureae, extrorsae, biloculares; loculi oblongi appositi, a basi usque ad medium filamenti apici adnati, longitudinaliter

{85}

dehiscentes Flores feminei, praesertim dum in diverso ramo a masculis sejuncti his nonnihil majores; petalis obovato-ellipticis, stellatim patentibus et disco magis elevato, caeterum conformes. Staminum rudimenta nulla. Ovarium intra calycem reconditum, ovato-trigonum, triloculare, loculis uniovulatis. Stigmata 3 sessilia, usque ad basim bifida, cruribus ovario duplo fere longioribus, intus papillosis, intortis Capsula depressiuscule subglobosa, nucis juglandis minoris magnitudine et colore; epicarpio carnoso, 2 lineas crasso, extus rimoso-rugoso, demum medio carpellorum dorso fisso, secedente. Endocarpium in cocca tria solutum, coccis monospermis, demum apertis, columnam centralem triquetram, truncatam, apice angulos tres acutos coccorum aperturis conformibus immissos exserentem nudantibus. Semina inversa, ovata, apice nonihil attenuata; testa membranacea grisea, hilo infra apicem laterali. Albumen earnosum. Embryo orthotropus axilis, albumine brevior. Cotyledones foliaceae, ellipticae; radicula conica obtusa supera triplo fere longiores.

XCIX. EUPHORBIA Linn. gen. n. 609.

Flores monoici in involucro communi calyciformi. Masculi plures in ambitu, pedicellis bracteatis cum filamento nudo monanthero articulatis. Femineus unicus centralis, calyce brevissimo v. nullo. Styli tres, bifidi. Capsula tricocca, loculis monospermis.

144. EUPHORBIA OBLIQUA, caule gracili suffruticoso, ramis adscendentibus, foliis oppositis petiolatis ovatis mucronato-cuspidatis inaequilateris integerrimis margine revolutis, stipulis serratis, pedunculis axillaribus terminalibusque unifloris, capsulis laevibus.

Ferd. Bauer Illustr. pl. Norfolk. t. 97.

Crescit in insula Norfolk, mense Octobri florens. (Ferd. Bauer.)

Caulis suffruticosus, pennae corvinae crassitie, subtetragonus, foliorum delapsorum cicatricibus confertim torosus, statim prope basim ramosus, ramis semipedem longis, gracilibus, basi nudis procumbentibus, apice dichotome-ramulosis, ramulis intricatis, foliosis. Folia in ramulis opposita, 4-6 lineas dissita, decussantia, petiolata, ovata, 6 lineas longa, 3 lineas lata, basi rotundata, inaequilatera, latere inferiore productiore, apice brevissime cuspidata, submucronulata., integerrima, glaberrima, coriaceo-rigida, glaucescentia, marginibus subrevolutis purpurascentibus. Petioli tetragoni, 1 lineam longi, glaberrimi, utrinque stipati stipula unam lineam longa, ovata, acuminata, inciso serrata, persistente, post foliorum lapsum indurata. Flores axillares terminalesque, grano cannabino vix majores, solitarii. Pedicelli teretes, crassiusculi, petiolo triplo v. quadruplo longiores, strictiusculi. Involucrum subcampanulatum, apice breviter 4lobum, laete viride, appendicibus glandulosis subrotundis, purpureis. Flores masculi plurimi, brevissime pedicellati; filamentis albidis involucri limbum subaequantibus, antheris subrotundis luteis. Flos femineus longiuscule stipitatus, pedicello involucro duplo longiore, apice incrassato, dilatato, demum reflexo. Capsula grani Piperis fere mole, glaberrima, laevis.

{86}

145. EUPHORBIA GLAUCA, caule fruticoso, foliis ad apices ramorum confertis lanceolatis integerrimis glabris, umbella 4-6 radiata, radiis simplicibus trichotomisque, foliis floralibus oppositis ovali-acutis, involucris 4-5 fidis.

Euphorbia glauca Forst. prodr. n. 208. Spreng. syst. III. 790. A Rich. Fl. nov. Zeel. p. 352. Ferd. Bauer Illustr. pl. Norfolk. t. 166.

Crescit in insula Norfolk, mense Septembri florens. (Ferd. Bauer.)

LVI. RUTACEAE.

C. EVODIA Forst. gen. t. 7.

Calyx quadrifidus. Petala 4, aestivatione valvatim induplicata. Stamina 4, filamentis complanatis apice subulatis, antheris cordatis mobilibus. Discus quadrisinuatus. Ovaria 4 approximata, stylis totidem coalitis. Stigma obtuse quadrilobum. Fructus quadricoccus, coccis bivalvibus, monospermis. - Folia opposita, trifoliolata v. simplicia, flores axillares paniculati.

OBSERVATIO. Esenbeckia Kunth, a nonnullis perperam huc relata, partium numero quinario, corollae aestivatione imbricata, stigmate capitato et imprimis fabrica fructus, monente cl. Schott, a cl. Adr. Jussieu Polembryi nomine descripti, longius distat.

146. EVODIA LITTORALIS, foliis simplicibus trifoliolatisque, foliolis ovato-oblongis acutiusculis obtusis retusisve glaberrimis, paniculae trifidae petiolum subsuperantis ramulis trifloris.

Ferd. Bauer Illustr. plant. Norfolk. t. 157.

Crescit in insula Norfolk ad sinum Ansonis, mense Septembri florens. (Ferd. Bauer).

Arbuscula (?) cujus ramulos video pedales bipedalesque, pennae cygneae crassitie, teretes, fistulosos, laeves glaberrimos, gemma conica terminates. Folia opposita, sesquipollicem ad tres pollices dissita, petiolata, trifoliolata, nunc foliolis lateralibus abortientibus simplicia, rarius terminali deficiente bifoliolata, foliolis sessilibus petiolo communi continuis, nec super eum articulatis. Petioli 2½ pollicem longi, pennae corvinae crassitie teretes, fistulosi. Stipulae nullae. Foliola sessilia, ovato-oblonga, 6-7 pollices longa, 2-4 pollices lata, nunc utrinque rotundata, nunc basi attenuata, lateralia saepissime valde inaequilatera, latere inferiore nempe dimidio angustiora, apice acuta, imo interdum acuminata, rarius obtusa v. retusa, membranacea, glaberrima, integerrima, nitidula, nervo centrali supra deplanato, subtus convexim prominente, basi crassiore, apicem versus sensim attenuato; secundarii teneriores oppositi v. alterni, fere rectanguli, intra marginem reticulatim anastomosantes. Paniculae axillares trifidae petiolum paullulum superantes, ramulis apice trifloris, divaricatis nutantibus Petioluli brevissimi vix duas lineas longi, teretes, infra medium articulati, ibidemque bracteola membranacea minima lineari-acuta

{87}

stipati, articulo superiore crassiore. Calyx pedicello continuus fere usque ad basim quadrifidus, laciniis lanceolatis acutis carinatis pilosiusculis, aestivatione breviter imbricatis. Petala 4, infra discum hypogynum inserta, calycis laciniis alterna, iisdem duplo fere longiora, oblonge lanceolata, basi parumper attenuata ibidemque brevissime inter se cohaerentia, pallidissime luteo virentia, dorso pilosiuscula, marginibus obsolete ciliata, aestivatione valvatim induplicata cum apicis lacinula indexa, in anthesi erecta, basibus in globum conniventia, apice brevissime patentia. Stamina quatuor hypogyna, cum petalis inserta iisdem alterna, quadrante breviora. Filamenta lineari-complanata, medio parumper dilatata, basi nonnihil attenuata, ibidemque a disco protuberante nonnihil depressa, unde quasi adscendentia, caeterum erecta conniventia. Connectivum subulatum cum apice filamenti articulatum, ejusdem apici emarginato insertum, paullo super antheram productum, apiculo inflexo. Anthera connectivo paullo demissius affixa introrsa bilocularis, loculis ovato-oblongis parallelis contiguis longitudinaliter dehiscentibus. Discus hypogynus carnosus, truncatus, quadrifidus, basi pilosiusculus. Ovaria quatuor, intra discum recondita, verticillata, a latere compressa, faciebus juxta totam longitudinem arcte inter se cohaerentia, dorso acute convexa, apice depressiuscula, ibidemque in stylum brevissimum producta, stylis basi vix inter se distinctis, caeterum cohaerentibus, stigmatibus obsoletis. Capsulae quatuor divergentes, plerumque abortu pauciores, sex fere lineas longae, ovatae, acutae turgidulae, dorso convexiusculae, facie bivalves. Epicarpium coriaceo-carnosulum, reticulato nervoso-venosum, ab endocarpio cartilagineo elastico facile solubile; membrana placentaris filiformis, basi parumper dilatata. Semen unicum, ovato-subglobosum, infra apicem cavitatis suspensum, illam non omnino explens. Testa atra, ossea. Albumen parcum, subcarnosum, friabile. Embryonis radicula supera, cotyledones ovatae corrugatae.

CI. BLACKBURNIA Forst. gen. t. 6.

(Blackburnea Kunth Terebinth. p. 24. Pteleae sp. Linn. f. Samarae sp. Spreng.

Flores abortu monoici. Calyx profunde quadridentatus. Petala quatuor hypogyna, dentibus calycinis alterna, aestivatione induplicatim valvata. Stamina quatuor hypogyna, petalis alterna; filamenta brevissima; antherae cordato-ovatae, introrsae, biloculares. Ovarium ovato-globosum, apice in stylum brevissimum, stigmate obtuso terminatum, attenuatum, uniloculare; ovulo unico pendulo. Capsula ab apice ad medium bivalvis. Semen globosum, epidermide membranacea, testa ossea. Albumen carnosum. Embryo rectus, in axi albuminis subobliquus, cotyledonibus foliaceis orbiculatis, radicula brevissima, obtusa, supera. - Arbor, foliis alternis oppositisve abrupte pinnatis. bi-quadrijugis, paniculis florum axillaribus strictis, fructiferis cernuis.

OBSERVATIO. Genus vix a Zanthoxylo satis distinctum, hic interim ob corollae aestivationem induplicatim valvatam et Zanthoxyli generis limites nondum omnino rite circumscriptos, admisimus A Ptelea abunde est diversum; a Samara, cui Sprengelius, nimiae apud nostrates in dijudicandis plantis Forsterorum auctoritatis retulit, v. staminibus cum petalis alternantibus longissime

{88}

distat. Blackburnia monadelpha Roxb. Fl. ind. I. 435. alibi verisimiliter collocanda.

147. BLACKBURNIA PINNATA Forst. prodr. n. 53.

Ptelea pinnata Linn. f. suppl. 126. Samara Blackburnia Spreng. syst. I. 141. Ferd. Bauer Illustr. pl. Norfolk. t. 157.

Crescit in insula Norfolk, mense Octobri florens. (Forst. Ferd. Bauer.)

Arbor 20 pedum altitudine, cujus ramulos videmus teretes, cortice fusco rugoso, novellorum nigricante. Folia alterna v. opposita, abrupte pinnata, bi- tri- v. rarius quadrijuga, foliolis oppositis. Petiolus communis quinque pollices longus, e basi incrassata teretiuscula obsolete tetragonus, glaberrimus, post lapsum cicatricem ovato-ellipticam relinquens. Foliola opposita, breviter petiolulata, ovata, acuminata, glaberrima, integerrima, 4 pollices longa, 2 pollices lata, inaequilatera, lateris superioris brevioris circumscriptione multo magis convexa, apice interdum supra latus inferius producta, medio plerumque v. prope apicem undulato-contracta. Nervus foliorum principalis supra canaliculatim impressus, subtus convexiuscule prominens, secundarii oppositi et alterni, oblique adscendentes, prope marginem bifurcati, reticulatim connexi. Flores in paniculis uni-bipollicaribus, axillaribus v. foliorum abortu in ramulis terminalibus, conferti, minuti. Pedunculi pedicellique glabriusculi, hebetate tetragoni, bracteis minimis caducis muniti. Pedicelli brevissimi 2-3 lineas longi, crassiusculi; paullo supra basim articulati; ibique bracteola minima triangulari stipati. Calyx minimus glaber, herbaceo-viridis, profunde quadridentatus, dentibus triangularibus in aestivatione valvatis, in anthesi patulis. Petala 4 hypogyna, dentibus calycinis alterna iisque duplo longiora, glauco-viridia, crassiuscula carnosa, circumscriptione ovata, acummata, naviculari-concava, in aestivatione valvatim induplicata, cum apicis acumine inflexo; tandem patentia. Stamina in floribus femineis omnino nulla, in masculis 4, hypogyna, dentibus calycinis opposita Filamenta brevissima, subnulla. Antherae primum conniventes, serius patulae, petalorum fere longitudine, ovato-cordatae, apice nonnihil a latere compressae, abruptim acuminatae; connectivum dorsale latiusculum, filamento continuum; loculi appositi paralleli, latere exteriori nonnihil longiores, longitudinaliter dehiscentes. Pistilli rudimentum conicum teretiusculum stamina longitudine aequans in floribus masculis; in femineis in eadem panicula maribus mixtis, ovarium centrale, gynophoro brevissimo sustentum, ovato-globosum, petalis dimidio brevius, uniloculare, apice in stylum brevissimum attenuatum Stigma obtusum. Ovulum unicum (?) cavitatis lateri prope apicem ope funiculi brevis appensum. Capsula globosa cerasi magnitudine coriacea, sordide purpurea, punctis luteis conspersa, maturitate a vertice usque ad medium hians, semen alterius lateris apici adfixum horizontaliter propellens. Semen globosum, pisi majoris magnitudine, apici valvulae, ope funiculi brevissimi affixum, latere eandem capsulae parietem respiciente rhaphe filiformi alteram ejusdem extremitatem attingente percursum. Integumentum triplex: epidermis atra carnosula, sicca, splendens, facile derasilis ; testa ossea, unam lineam crassa; endopleura membranacea tenuis, testae pertinaciter adhaerens. Nucleus semini conformis. Albumen copiosum, carnosum. Embryo viridis, in axi albuminis parum obliquus; cotyledonibus

{89}

foliaceis orbicularibus, basi pro receptione radiculae obsolete emarginatis; radicula brevissima, cylindrica, obtusa, in fructu supera.

CII. VEPRIS Adr. Juss. in Mem. Mus. XII. 509.

Flores hermaphroditi v. abortu diclines. Calyx brevis, quadripartites. Petala quatuor, longiora, patentissima. Stamina octo, quatuor petalis opposita breviora. Ovarium gynophoro brevissimo octogono impositum, globosum, quadriloculare, loculis biovulatis. Stigma sessile, convexo-peltatum, subquadrilobum. Fructus carnosus, globosus, quadrilocularis, loculis monospermis. Semina reniformia. Embryo subarcuatus, radicula supera. - Arbusculae. Folia alterna v. opposita, trifoliolata v. simplicia, petiolo apice articulato, foliolis integerrimis glaberrimis, reticulato-venosis, pellucido-punctatis. Flores terminales paniculati.

148. VEPRIS SIMPLICIFOLIA, foliis oppositis simplicibus obovatis, floribus hermaphroditis.

Ferd. Bauer Illustr. pl. Norfolk. t. 163.

Crescit in insula Norfolk, mense Decembri florens. (Ferd. Bauer.)

Arbuscula, ramulis oppositis, penna anserina vix crassioribus, teretiusculis, foliorum delapsorum cicatricibus conferte torulosis, apice foliosis. Folia opposita decussantia, internodiis trilinearibus, longe petiolata, simplicia, super petiolum articulata, obovata, obtusiuscula, 3-4 pollices longa, 2 pollices lata, integerrima, glaberrima, supra lucidiuscula, subtus pallidiora, reticulato-venosa, subtilissime pellucido-punctata. Petioli pollicem longi, supra canaliculati, subtus convexi, basi incrassati, apice tumidiusculi, cum folio articulati, glaberrimi. Stipulae nullae. Paniculae axillares simplicissimae, petiolo dimidio breviores, in speciminibus observatis constanter quinqueflorae, floribus quatuor per paria oppositis approximatis, quinto terminali, singuli brevissime pedicellati, basi bractea minima stipati, bracteolisque duabus oppositis et quatuor verticillatis lanceolatis acutiusculis pilosiusculis basi subconnatis calyci approximatis, calyculum exteriorem mentientibus muniti. Flores grani piperis magnitudine hermaphroditi. Calyx fere ad basim quadrifidus, laciniis lanceolatis acutis, ciliatis. Petala quatuor, hypogyna, ovato-lanceolata, acuta, apice subinflexa, calycis laciniis parum majora, herbaceo-viridia patentissima. Stamina octo hypogyna, alterna petalis opposita breviora, longiora ovarium aequantia, omnia eidem conniventim adpressa. Filamente linearia, complanata, apice attenuato subulata, pallidissime luteo-viridia, postice a medio usque ad apicem glandulis globulosis ex aurantiaco-rubentibus consita. Antherae luteae, ovatae, acutae, introrsae, biloculares, medio dorso filamenti apici affixae, mobiles. Ovarium depressiuscule globosum, ambitu obsolete octogonum, pede glanduloso luteo, caeterum viride pilosiusculum, intus quadriloculare; loculi prope apicem ovulis 2 superpositis peritropis, foeti. Stigma magnum sessile, convexo peltatum, ambitu obsolete quadrilobum, laete viride. Fructus depressiuscule globosus, calyce persistente stipatus, nucis juglandis minoris mole, epicarpio luteo-virente carnoso; glanduloso-punctato; endocarpio cartilagineo, quadrilocularis. Semina in

{90}

loculis abortu solitaria, rarissime bina, inferiori imperfecto, reniformia, loculum explentia, testa crustacea atra, hilo ventrali deraso.

LVII. LEGUMINOSAE.

CIII. CALLICYSTHUS.

Calyx bilabiatus, labio superiori integro obtuso, inferiori trifido, laciniis acutis, antica productiori. Corolla papilionacea; vexillo subrotundo patente, alis super carinam falcatam conniventibus. Stamina diadelpha (9 et 1). Ovarium sessile. Stylus falcatus compressus, basi tumidus; stigmate infra apicem ventrali, infra stigma barbatus. Legumen subtorosum, suturis incrassatis, intus isthmis cellulosis subdistinctum, polyspermum. Semina ovalia, hilo ventrali.

149. CALLICYSTHUS VOLUBILIS.

Ferd. Bauer Illustr. pl. Norfolk t. 104.

Crescit in insula Norfolk, Novembri florens. (Ferd. Bauer.)

Caulis herbaceus volubilis, fili emporetici crassitie, pilis brevissimis rigidiusculis adpressis sericeus. Folia alterna, quatuor fere pollices dissita, longe petiolata, trifoliolata. Inferiorum petioli pollicem, superiorum etiam quinque pollices longi, juniores sericei, adulti glabrati, tetragoni, baseos compressae dilatatae marginibus anguste membranaceis, introrsum conniventibus, utrinque stipulam linearem subfalcatam, sericeo pubescentem liberam moxque deciduam primum occultantibus. Foliola breviter petiolulata, 2 opposita unum pollicem infra petioli apicem inserta, tertium terminale, ovata, acuta v. acuminata, submucronata, tres pollices longa, duos lata, venosa, integerrima, juniora sericeo-pubescentia, adultiora pilis rarioribus ad nervos confertioribus conspersa. Petioluli duas lineas longi, crassiusculi, pilis brevibus rigidiusculis patentibus obsiti, stipellati, stipellis linearibus minimis, caducis. Pedunculi axillares solitarii, rhachi pedali et ultra, pennae corvinae crassitie, teretes, striati, laeves, glaberrimi, strictiusculi, basi nudi, apice racemo bipollicari, decem-quindecimfloro terminati. Rhachis angulata, pro pedicellorum insertione excisa, dense sericeo-pilosa. Pedicelli oppositi, quatuor-quinque lineas dissiti, tres lineas longi, floriferi stricti v. patentes, fructiferi apice abruptim infracti, basi bractea bracteolisque duabus membranaceis linearibus acutissimis caducis stipati. Calyx tres lineaslongus, sericeus, bilabiatus, hians, labio superiore integro obtuso, inferiore trifido, laciniis lateralibus triangularibus acutis, antica triente longiori, lineari acuminata, in alabastro super labium superius inflexa. Corolla papilionacea lutea, venis sordide violaceis picta. Vexillum lato-rotundatum, apice subemarginatum, sex lineas longum, novem lineas latum, brevissime stipitatum, patens. Alae subrotundae, longe stipitatae, basi deorsum auriculatae, carina falcata parum longiores, super eandem conniventes. Stamina diadelpha (9 et 1) filamentis apice liberis filiformibus, alternis paullo brevioribus, antherae aequales subrotundae, luteae. Ovarium sessile, compressiusculum dense sericeo

{91}

pilosum. Stylus ovario triplo fere longior, falcatus, acuminatus, a facie plano compressus, basi attenuatus, supra basim partim dilatatus, stigmate infra apicem papillaeformi elevato, pilis brevissimis rigidissimis hispido, infra stigma fere usque ad mediam sui longitudinem barbatus, pilis longis niveis patentibus rigidiusculis. Legumen lineare v. subfalcatum, coriaceum, breviter acuminatum, nigro fuscum, pilis adpressis conspersum, tripollicare, subtorosum, sutura utrinque incrassata prominula; intus isthmis cellulosis inter semina interceptum. Semina sex v. pauciora, ovalia, sordide fusco-viridia, hilo ventrali lineari, pallido.

CIV. CANAVALIA DC. Mem. Legum. IX. p. 375.

Canavali Adans. Malocchia Savi. Dolichos sp. Linn. Jacq.

Calyx tubulosus bilabiatus; labii inferioris dentibus 3 acutis minoribus, superioris lobis 2 amplis rotundatis. Vexillum rotundatum, ecallosum, patens; alae stipitatae oblongae, calloso-auriculatae; carina bipes. Stamina diadelpha, vaginâ basi tumida hiante. Annulus hypogynus, ovarii basim vaginans integer. Stylus imberbis recurvus, stigmate minute capitato. Legumen apice inflexo-mucronatum, carinatum, juxta suturam superiorem utrinque nervo protuberante instructum, isthmis cellulosis inter semina interceptum. Semina ovali-oblonga, hilo lineari.

OBSERVATIO I. Pachyrrhizos Rich. cujus characteres ab auctoribus cum Canavaliae characteribus confusi, differt: calycis labio superiore subintegro, staminum vagina basi aequali, annulo hypogyno nullo, stylo barbato apice incrassato, leguminibus compressis ecarinatis, seminibus reniformibus. Genera a Dolicho L. separata, extricatu difficillima, denuo sub incudem revocanda.

OBSERVATIO II. Genus Canavaliae e leguminis structura maximopere affine, Pillera nobis dictum, cui Mucuna macrocarpa Wall. pl. as. t. 47. e leguminis et disci hypogyni fabricâ accedere videtur, sistit planta australasica tropica, in herbario Baueriano observata (Illustr. pl. Nov. Holl. t. 315.) flore staminibusque Mucunae, annulo hypogyno decemlobo, stylo elongato flexuoso, stigmate penicillato, legumine Canavaliae donata.

150. CANAVALIA BAUERIANA, suffruticosa, foliolis ovatis obtusis v. retusis, racemis folio longioribus multifloris nutantibus, leguminibus subfalcatis latitudine quintuplo longioribus.

Ferd. Bauer Illustr. pl. Norfolk. t. 150.

Crescit in insula Norfolk, circa finem Decembris florens. (Ferd. Bauer.)

Caulis suffruticosus volubilis, pennâ anserina vix crassior, teretiusculus v. obsolete angulatus, longitudinaliter sulcato-striatus, laevis, sericeo-puberulus. Folia alterna, semipedem dissita, petiolata, pinnatim trifoliolata. Petiolus 2½ pollicaris; e basi teretiuscula hebetate tetragonus, sericeo-pubescens. Stipulae obsoletae. Foliola petiolulata, petiolulis 4 lineas longis, tetragonis, dense et adpressim pubescentibus, stipellatis; stipellis linearibus minimis, lateralium binis, terminalis quaternis; lateralia semipollicem infra petioli apicem nodoso-subincrassatum

{92}

inserta, ovata, obtusa v. retusa, basi rotundata, 3-3½ pollicem longa, 2½-3 pollices lata, terminale nunc parum majus, nunc aliquantum minus, basi saepissime angustatum, nonnunquam inaequilaterum, omnia integerrima, supra pilis raris brevibus adpressis conspersa, subtus glaberrima, nervo primario apice deliquescente, subtus convexim prominente, secundariis alternatim approximatis obliquis, angulo acutissimo insertis, basique juxta nervum medium decurrentibus, apice intra marginem combinatis. Racemi axillares, rhachi pedali teretiuscula, adscendente, pube sericea adpressa, basi rara, versus apicem conferta fulvescente obsessa, sustenti, quadripollicares, multiflori, nutantes. Pedicelli subterni, 2½ lineam longi, nutantes, rhacheos protuberantiis cubicis inserti, lateralium unus alterve saepissime abortivus. Calyx viridis, basi glabriusculus, versus apicem pilis sericeis adpressis fulvescens, quinque lineas longus, tubulosus, labio inferiori tridentato, dentibus triangularibus acutiusculis, subaequalibus, intermedio carinato concavo, in aestivatione exteriori, lateralibus vix quidquam latioribus obtusioribusque; labii superioris bilobi lobis incumbentibus, hi dentibus labii inferioris triente longiores, duplo latiores rotundati, in aestivatione sibi invicem appliciti, basi in callum tumentes, tandem a vexillo subreflexi. Corolla papilionacea, carnea. Vexillum subrotundum, retusum v. emarginatum, septem lineas longum, decem lineas latum, patens, flabellato-venosum, ecallosum, sessile, basi deorsum utroque latere brevissime appendiculatum. Alae oblongae, obtusae, stipitatae, novem lineas longae, deorsum auriculatae, supra auriculam callosae, carinae adpressae. Carina subfalcata bipes, genitalia includens. Stamina diadelpha, (9 et 1) vagina carinae parallela, basi tumidâ hiante, apice inflexa et in filamenta teretiuscula, alternatim breviora soluta. Antherae omnes conformes, ovato-subrotundae, dorso afiixae, introrsae, biloculares. Annulus hypogynus integer, conicus, unam lineam longus, ovarii basim arcte cingens. Ovarium lineare, sex lineas longum, compressum, pilosum. Stylus terminalis inflexus, ovarii longitudine, basi latere superiore tumidus, glaberrimus, apice stigmate minuto depressiuscule capitato terminatus. Legumen pendulum, membranaceum, lineari-subfalcatum, apice mucrone brevi inflexo terminatum, quinque pollices longum, pollicem latum, latere superiori utrinque nervo 3 lineas a suturâ remoto et eaedem parallelo percursum, inter nervos carinatum, intus inter semina isthmis cellulosis interceptum. Semina decem circiter, oblongo ovata, fusca, hilo ventrali, lineari, deraso.

OBSERVATIO. Speciem huic valde affinem ex Novae-Hollandiae ora boreali, inter plantas peripli Flindersiani a Ferd, Bauer depictas (t. 316.) observavi.

CV. STREBLORRHIZA.

Calyx tubulosus basi postice inflatus, quadridentatus, lobo supremo subemarginato. Vexillum ovatum, carinam aequans, incumbens. Alae breves, stipitatae, deorsum appendiculatae. Carina cymbiformis, genitalia includens. Stamina diadelpha; filamentis filiformibus, alternis brevioribus. Ovarium excentricum, stipitatum, lineare. Stylus filiformis, apice uncinatus, infra apicem barbatus. Legumen membranaceum, compressum, cuspidatum, suturâ superiori membranaceo-marginatum. Semina reniformia, funiculo umbilicali incurvo. Embryo foliaceus; radiculâ elongatâ, flexuosâ, super

{93}

cotyledonis dorsum biplicita. - Arbuscula v. frutex; foliis impari-pinnatis.

OBSERVATIO. Streblorrhizae proxime affinis, fortassis congener, planta a Banksio et Solandro in Nova Zeelandia detecta et Clianthus puniceus dicta; nuper Doniae puniceae nomine a G. Don syst. of Bot. II. 468. designata.

151. STREBLORRHIZA SPECIOSA.

Ferd. Bauer Illustr. pl. Norfolk. t. 150, 106.

Habitat in insula scopulosa, insulae Norfolk ad austrum adsitâ; Phillips-Island dictâ. Floret octobri. (Ferd. Bauer.)

Frutex? an arbuscula? ramulis pedalibus, pennam scriptoriam crassis, hebetate tetragonis, longitudinaliter sulcatis, cortice virescente, in sulcis fusco-purpurascente. Folia alterna, impari pinnata, bi-trijuga; foliola brevissime petiolulata, inferiora paria pollicem dissita, supremum terminali contiguum, ovato-elliptica, obtusa retusave, 2 pollices longa, ¾ poll. lata, supra nitido-viridia, subtus glaucescentia, integerrima, glaberrima, nervo supra obsoleto, subtus prominente, venisque pagina inferiori conspicuis reticulatim anastomosantibus. Petiolus communis tres-quatuor pollices longus, tetragonus, supra canaliculatus, subtus convexiusculus, basi nodosa articulatus, stipulis membranaceis, demum lignoso-induratis, brevissimis, truncatis stipatus, pro petiolulorum insertione exciso-angulatus. Petioluli brevissimi, ½ lineam longi, incrassati, fuscescentes, glabri, transversim rugosi, supra petiolum articulati, exstipellati Racemi axillares, tres-quatuor pollices longi, strictiusculi, rhachis obsolete tetragona, pro pedicellorum insertione angulata; pedicelli quatuor lineas dissiti, teretiusculi, ½ pollicem longi, patentiusculi, apice incurvi. Bracteae lineares, adnato-decurrentes, parte libera fugaci, adnata, demum lignoso-indurata; bracteolae binae oppositae, squamaeformes, margine serrulatae, pedicello supra medium insertae, dimidiâ illius latitudine angustiores. Flores speciosi, papilionacei, pollicares, nutantes, in quovis racemo sex-octo. Calyx tubulosus, quinque lineas longus, basi postice gibbus, quadridentatus, dente supremo emarginato, antico nonnihil productiori subreflexo, omnibus triangularibus acutiusculis; calycis asi dentiumque marginibus rubescentibus. Corolla papilionacea. Vexillum ovatum, obtusiusculum, pollicem longum, novem lineas latum, brevissime unguiculatum, complicatum, carinae incumbens, solo apice breviter adscendentim patentiusculum, candidum, utrinque venis roseo-sanguineis apice coadunatis, basi et versus centrum confertioribus pictum. Carina vexillo parum brevior, complicata, quatuor lineas lata, genitalia includens, candida, rubore versus apicem intensiore suffusa. Alae dimidiam carinae longitudinem aequantes, anguste-lineares, sesquilineam latae, dimidium pollicem longae, stipitatae, basi latere superiore deorsum productae, candidae, intus nervo unico roseo distinctae. Stamina diadelpha, 9 et 1; vaginâ basi hiante candida, supra medium in filamenta filiformia, alternatim breviora soluta. Antherae luteae, conformes, ovatae, dorso paullo supra basim affixae, latere dehiscentes. Ovarium oblongo-lineare glabrum, excentricum, lateri inferiori approximatum, breviter stipitatum, apice in stylum filiformem subfalcatum attenuatum, stylo summo apice breviter uncinatim inflexo, infra apicem obsolete piloso; longitudine stipitis 2½ lin., ovarii

{94}

5 lin. styli 10 lin. Legumen breviter stipitatum, stipite e calyce persistente subexserto, oblongum coriaceum turgidulum, nigro-fuscum, transversim rugosum, tres pollices longum, ¾ poll. latum, apice in acumen rigidum subfalcatum, quinque lineas longum attenuatum, suturâ utraque incrassatâ, superiore in alam angustissimam rigidam, unam lineam latam continuam productum; membranâ interiori in contextum arachnoideo-cellulosum candidum solutâ. Semina reniformia sex, v. abortu pauciora, tres lineas longa, ope funiculi longiusculi, crassiusculi cum interioris membranae texturâ coalescentis suffulta Testa membranacea, sordide viridis, maculis rubro-fuscis variegata. Cotyledones oblongae, obtusae. Radicula teres obtusa elongata, super cotyledonis dorsum biplicita. Plumula diphylla.

CVI. PTEROCARPUS Linn. gen. n. 854.

Calyx 5dentatus. Corolla papilionacea. Stamina 10, monadelpha. Legumen indehiscens, suborbiculatum, ala cinctum, 1-3spermum. Cotyledones crassiusculae, incurvae. Radicula ad embryonis basim subinflexa. - Arbores v. arbusculae inermes; foliis impari-pinnatis; racemis axillaribus.

152. PTEROCARPUS AUSTRALIS, foliolis 6-8jugis cum impari ovalibus acutis, racemis axillaribus folia aequantibus, pedicellis calicibusque velutinis, caule scandente.

Ferd. Bauer Illustr. pl. Norfolk t. 149.

Crescit in insula Norfolk, mense Octobri florens. (Ferd. Bauer.)

Frutex v. arbuscula, caule pennae cygneae crassitie, tereti, striato, laevi, ramis alternis calami scriptorii crassitie, elongatis, patentibus, apice scandentibus, teretiusculis, subtilissime et obsolete pubescentibus. Folia alterna, sesquipollicem v. duos pollices dissita, patentia, 3-4 pollices longa, impari-pinnata, 6-7 juga. Petioli tetragoni graciles, supra canaliculati, basi dilatati, excavati, pilis brevibus flavescentibus adpressis velutini. Stipulae lineari-lanceolatae, 1 lineam longae, dense pilosae, caducae. Foliola opposita, 5-6 lineas dissita, patentia, ovato-lanceolata, obtusiuscula, basi rotundata, nonnihil inaequilatera, latere superiori latiori, sesquipollicem longa, 6 lineas lata, rigide coriacea, integerrima, utrinque glaberrima, laete-viridia. Petioluli tetragoni, crassiusculi, confertim transverse rugosi, dense velutini, 1 lineam longi, stipellis linearibus acutissimis, dimidiam lineam longis muniti. Racemi in summis foliorum alis solitarii, vel in ramorum apicibus in paniculam semipedalem dispositi, strictiusculi, multiflori. Rhachis gracilis, densissime flavescenti-velutina, pro pedicellorum insertione excisa. Pedicelli patentes v. strictiusculi, teretes, 2½-3 lineas longi, velutini, basi bractea lineari acutissima caducissima stipati; apice muniti bracteolis 2 lateralibus oppositis, linearibus, dimidiam calycis longitudinem aequantibus, in anthesi deciduis. Calyx 3 lineas longus, dense flavescenti velutinus, subbilabiatus, labio superiore nonnihil productiore, brevissime emarginato, inferiore 3lobo, lobis acutiusculis, lateralibus angustioribus brevioribusque in aestivatione exterioribus. Corollae papilionaceae lilacinae vexillum breviter stipitatum, late-orbiculatum, retusum, in anthesi reflexum,

{95}

dorso velutinum, facie glabrum; alae oblongae, apice subfalcatae, cum carina cymbiformi genitalia includente cohaerentes. Stamina diadelpha, alterna breviora, vagina basi rotundato-truncata; decimo libero, basi geniculato, apice introrsum flexo. Antherae virescenti-luteae, ovatae. Ovarium lineare, dense pilosum apice in stylum brevem subinflexum attenuatum. Stigma globose-capitatum, terminale.

OBSERVATIO. Plantam fructu incognito haud rite determinandam, interim Pterocarpo, generi ab autoptis olim in plura dividendo dubitanter adscripsimus.

{96}