Sivorlingit
Reading edition
NAUSAIKUTANGIT
Sivorlingit.
Litanaiit Sontagesiutit sivorlingit 1
Litanaiit Sontagesiutit aipaingit 2
Litanaiit Sontagesiutit pingajungit 3
Litanaiit Jêsusib inôsinganik ânianinginiglo 4
Litanaiit Jêsusib makkiviane 5
Baptisiutit sorusermik baptitaksaĸartilugo 6
Baptisiutit inumaringmik baptitaksaĸartilugo 7
Sivorliarutsiutit Kommunionemut 8
Illaliortausiutit illagênut 9
Kattititsiutit 10
Kivganut illijisiutit 11
Illuversiutit 12
Litanaiit Sorutsinut 13
Litanaiit Kommunionesiornermut 14
Aipangit
I. Adventib Sontaginginut Jêsusiblo inulervianut illingajut 15-19
II. Jâremut nutâmut illingajut 20
III. Nellojut Uvlungannut illingajut 21
IV. Jêsusib âniaviane toĸĸunganiglo pitjutelit:
(a) Jêsusib âniavingit 22-27
(b) Kikkiaktorsimajub oĸauserilauktangit 28-33
(c) Karfraitagemut illingajut 34-36
V. Jêsusib Makkivianut illingajut 37
VI. Jêsusib Kilialiarviant illingajut 38
VII. Pentekostib uvlunganut illingajut 39
VIII. Nertordlerutiĸsat
(a) Gûdemik pingasôlijomik 40-42
(b) Atâtamik 43-45
(c) Ernermik 46-48
(d) Anernermik Ajunginermik 49-50
IX. Tuksiarnermiglo tuksiarutjinermiglo pitjutelît 51-56
X. Uvloksiorviksiutit 57-60
XI. Illagêktunik angerarsimajunik pitjutelît 61-62
Anânat Kujaliningat 63
Ajoĸertuijub saimartitauninga 64
Sunatuinait
O Canada
Gûdib saimarliuk
Saimartitsinerit
Sivorliarutsit Oĸautsit.
1. Litanaiit Sontag siutit sivorlingit.
Mel. —90.
Ill. Gûb nagligosuktotôjub sângane pâmagitse! Saimarsaijoĸ najorsiuk, Nâlegak opinartoĸ! Tautungigalloarpasse mâne okpervigijase.
(illagêt nikkoviput)
Lit. Nâlegak Kristuse Nâlegak Kristuse Ill. nâpkigitigut nâpkigitigut nâpkigitigut nâpkigitigut
Ill.
Nâlegak Gûde, atâtavut Kilangme,
Lit.
attît nertortaule; nâlegaunit Kailaule; pijomajat piniartaule nuname sôrlo Kilangme; uvlome piksaptingnik tunidsivigitigut; idluinivut issumagijungnaikit, sôrlo uvagut idluitullivigijivut issumagijungnaivigivaptigik; ôktortaulungnermut pitinata; piulitigulle ajortomit!
Kor.
Nâlegauneĸ pitsartunerlo ânanaunerlo pigigangne issoĸangitomut
Ill.
Amen
Lit.
Nâlegak Gûd, Erneĸ, sillaksoarmiut piulijingat,
Ill.
illagênartigut!
Lit.
Nâlegaĸ Gûd, Anerneĸ ajungineĸ,
Ill.
issoĸangitomut najortigut!
Mel. —249. Hailig Pingasôlijotit, nakorênadlarpaptigit! Amen Halleluja! Halleluja! Amen Halleluja!
(Illagêt ingiput)
Lit.
Kristuse, Gûdib saugârsunga,
Ill.
tussartigut!
Lit.
Kamanginermit akkiliutiksarsênernik toĸĸungniglo, ajôkertûsernit tammarnartunit tamainit, miklilertitsinermit nertordlerutigijaptingnik illingnik, angijorornermit pilloringnangitomit, nâmagasuginermit nangminiptingnik, siardlarnermit pijariaĸangitomit, tukkisilungnermit takkormôrnermillo, perajalungnermit Kuksalainartomit taĸsiornartomillônêt, Sâtanasib inuarasuarninganit pingitsertorninganillo, ajornerub uiveriklerninginit, ajortunit tamainit, toĸĸub aipanganit.
Ill.
saputitigut, nagliktotit Nâlegak Gûdelo!
Lit.
Inôtsivit akkiliutiksarsêninginut tamainut pitsartutitigut, nagliktotit Nâlegak Gûdelo!
Lit.
Inûlernernut, nâlengnernut sorusiarsutut, ataruilinernut piniaraksarne, nikanasârnernut sinaungajuinernullo Kenuenernullo, pigârnernut tuksiarnernullo, Kugvingnut akkiliutiksarsênartunnut, Oĸausernut ingutaujunut, sakramenteĸotingnut ivsornaitoĸsôjungnut,
Ill.
pitsartutitigut, nagliktotit Nâlegak Gûdelo!
Lit.
Inôtsivit siorniorningita illunatik, ôktorluktaunivit, aklujoĸsônivit illinganivillo kivgatut, nachogijaunivit ivlerijaunginivillo, sangênivit âniadlarnivillo, tarnivit siadlerningat kappiasungningallo tamât, aulaumajârtitaunivit toĸĸomut, aungmik kitjijârnivit, Kellaksortaunivit, annaulertaunivit mittautigijaunivillo, issaĸajaunivit niaĸosertaunivillo kakkilauktelingnik, kikkiaktortaunivit nachonartub senningajolingmut, ikkivit hailigit, aukpit akkitojub, toĸĸovit ivlernartub, merngoersernivit illuverme, sâlaĸarlutit makkinivit Kilaliarnivit ânanaudlartub, iksivalernivit Gûdib tallerpiata tungâne, tuksiutjinivit pitsartudlartub, najornivit nekoĸsinartub, tikkitsomârnivit uvaptingnut angerarĸojauniptalônêt illingnut
Ill.
manigorlitigut, nagliktotit Nâlegek Gûdelo!
Mel. —519. Hailig Nâlegak Gûd! Pitsartudlartoĸ Gûd! Nâksaungitoĸ Gûd! Saimarsaijoĸ Piulijivut! Sapkutsitailititigut toĸĸovit Kaitanginik! Nâpkigitigut!
Ill.
Ajortokullôjogut tuksiarvigivaptigit: tussalaungmitigut, nagliktotit Nâlegak Gûdelo
Lit.
Nâlegak Jêsuse Kristuse timivit piulijinga, takuksauletôĸ illagêktoĸotingne, Gûdeôgavit idluartunik illinganeĸarĸojijoĸ illûnâne; akkornganne Kuviasuklutit arvertalaurit; ajoĸertortigut tamapta atunit nâlektigêngnermik naglingnerme
Igluvut ittervigilaukkit innigivlugillo; nulliarêt saimakkit ivsornaitillugillo; nutaĸĸat amâmaktullo Kaninginit nertornautiksarnik âĸiksoilaurit; (Piluartomik perĸovavut pairĸsinernut baptitauĸammertoĸ N. . . N. . . perorĸovlugo idluarijarnut
Mel. —58. Nâpkigênalauruk (kik, kit) Nâlegak Jêsus! Perortillugo (ik, it) ilingnut illa Kitorngauvlune (tik)
Sorutsivut inertertaunerme nâlektitaunermelo illingnik inugoijaulit; inôsungnivit ivsornaitub akkiliutiksarsêningata nukappiat niviarsiallo ivsornaitiligit; nullêtut uigasuillo anernernut sangijotilaukkit illumikkut; nullêrnerit uigarnerillo Kuviasungnerilitit nerriungnerilitillo piloringnartomik! Anernit ajungineĸ kovilauruk kivgarnut tamainut tarnivullo sujungaitikit, nâlektillugit mikseĸârnermik anernermut, Katangutinik nagligosurĸovluta takkomôrjuidluta!
Ill.
Tussalaungmitigut nagliktotit Nâlegak Gûdelo
Lit.
Inungnik naglingniktotit, illûnaita siorniortut nangianartomêtullo ikajukkit!
Kiksartut illerasuktullo tamaita manigukkit: inutoĸaujut illilertukkit; atâtauvlutit uigarnernut iliarsungnullo ikajukkit ajoĸsartullo pattangaitillugit. Kanimajuttauĸ pairikit ikpigitillugillo naglingnernik, inuillo toĸolerĸogungne, erĸailaurit ajornivut kissêtaungitut sillaksoarmiulle illûnatik ajorningit toĸojutigilaurangne. Illa, igvit Gûdeojotit tamainut, nertortaujotit issoĸangitomut, inungnut illûnainut piuliklerteôlilaurit, pingortitatit tamaita nâpkigikit, tamaita ilikut ullapĸoserlaurangne nangminernut nunamêtullo Kilangmêtullo.
Ill.
Tussalaungmitigut, nagliktotit Nâlegak Gûdelo
Mel. 96 Erĸaumaguk toĸut mâna, aut ikkitillo aunârtut akkiliutitôngmatta tamainut ajorniptingnut. Tettetuaridlarpavut nâpkigijaujomagapta.
Lit.
Ajoĸertortigut issumaksarsiornermik toĸojuksauniptingnik âĸiksortigullo, angerarviksarserĸovluta piloringnartomik; illagêktunut pijarêrsimajunut illûnainut illagêngnermêtsainartitgut issoĸangitomut sukutsianelo piniarniptingnit merngoerserĸattigêktitigut ikkingne!
Ill.
Tussalaungmitigut, nagliktotit Nâlegak Gûdelo (illagêt nikkoviput)
Lit.
Gûdib saugârsunga, sillaksoarmiut ajorninginik nangmartotit,
Ill.
nâpkigitigut
Lit.
Gûdib saugârsunga, sillaksoarmiut ajorninginik nangmartotit
Ill.
illagitigut
Lit.
Gûdib saugârsunga, sillaksoarmiut ajorninginik nangmartotit
Ill.
ullapirsautingnik uvaptingnêtitsilaurit
Lit.
Saugârsuk toĸotaujoĸ pissiarijivullo inuĸatigênit nunamêtunit tamainit, Nâlegaĸ tarniptingnik piniarutjilauĸtoĸ, illannâĸ nagligilauĸtivut ubvartivullo ajorniptingnit aungminut, toĸolauĸtoĸ pivluta atausiardlune uvagut toĸorĸovluta ajortunit, makkilauĸtoĸ pivluta uvaguttuaĸ makkerĸovluta, Kilalialauĸtoĸ pivluta iniksamik pijarêrsijomavlune uvaptingnut, nâlektaujorlo Engelinut sôngojunullo pitsartudlartunullo — tâmna nertortautsainarle soraingitomik illagêktune uttaĸĸijingine najorninganêtunelo.
Ill.
Issoĸangitomit issoĸangitomut Amen.
Lit.
Kitorngarsuit, tâpsomanêtsainarleritse, saĸĸijâlerpat Kuviasûteĸarĸovluta kangusugatalo tâpsoma sângane tikiviane.
Mel. —36. Ill. Tâmnale tettigitsainarlarpavut asseĸangimat. ubvalo Mel. —166. Jèsuse, sapkutailikit tarnivulle aggangnit; illa uvlâmit unnungmut nâpkigilaungmitigut
Lit.
Nâlekab pitsartutilitit saputilitillo Nâlekab kênarminut Kaumaksarlitit saimartilitillo Nâlekab kênarminut Kollangiarlittit ullapirsautiminiglo tunitjivigilitit
Kor.
Jêsusib attingane
Ill.
Amen
2. Litanaiit Sontagesiutit aipaingit.
Mel. 132 a. Ill. Gûde nakoridlarlavut ĸujagẽnarlugolo, nâpkigitsainarmattigut pairiluarlutalo. Gûb ĸuviagivâtigut, ullapĸuteĸalerapta Jêsub ânianganut,
(Illagêt nikkoviput.)
Lit.
Gûde ĸotsingnermẽtoĸ nakoridlartaule, ullapirsauteĸarle nuname, inungnelo ĸuvianartoĸarle!
Ill.
Amen.
Lit.
Nâlegaĸ Jêsuse Kristuse oĸarpoĸ: Atâta tuksiarvigigupsiuk sumik attimne, tunitjiviginiarpase tamattominga. Tuksiaritse, tigusiniarpose tagva, ĸuviasungnise nãmakserĸovlugo.
Ill.
Nâlegaĸ Gûde, atâtavut ĸilangme; attît nertortaule; nâlegaunît ĸailaule; pijomajat piniartaule nuname sôrlo ĸilangme, uvlome piksaptingnik tunitjivigitigut; idluinivut issumagijungnaikit, sôrlo uvagut idluitullivigijivut issumagijungnairvigigaptigik; ôktortaulungnermut pitinata; piulitigulle ajortomit!
Kor.
Nâlegauneĸ pitsartunerlo ânanaunerlo pigigangne issoĸangitomut.
Ill.
Amen.
(Illagêt ingiput.)
Lit.
Ilipse, Israêlib ĸitorngangit, perĸojat malligaksallo, oĸautigijakka uvlome siutipse sânganne, tussarsigik illiniarlugillo puigorniarasigiglo, tamakkoa malliklugit piniarĸovluse.
1. Uvanga Nâlegauvunga Gûdît, sennipkut assimnik Gûdeĸartuksaungilatit.
Ill.
Nâlegaĸ, namut aijuksauvitâ? Igvit oĸauseĸarpotit nungusuitomik inôgutelingnik.
Lit.
2. Inungoarmik adsingoarmiglõnêt senajuksaungilatit pivlutit, takpâne ĸilangmẽtub adsinganiglõnêt, ĸilaub attânẽtub nunamẽtub adsinganiglõnêt, nunab attânẽtub imânẽtub adsinganiglõnêt. Taimaitut tuksiarvigijaksaringilatit kivgartornagillo. Uvanga Nâlegaujunga Gûdît illungertudlarlunga Gûdêogama, atâtat idluitullininginik pidlarnikteojunga ĸitorngangine uvamnik ômisuktune ernerêt kingorlerêt pingajungit sittamangillo tikidlugit. Nâpkiningnermigle saĸĸertitsivunga tausendeoĸattartune nagligijimne perĸojamniglo nâlektune.
Ill.
Gûde anerniovoĸ tuksiartingitalo anernerme mikseĸârnermelo tuksiarvigijaksarivât.
Lit.
3. Nâlekab Gûdivit attinganik attornerluktuksaungilatit, Nalekab pidlartailiniangimago attinganik attornerluktoĸ.
Ill.
Kia koksasugviginajangilâtît, Nâlegaĸ, attît nakorivlugo? Kissivit hailigeojotôgavit.
Lit.
4. Uvloĸ sabbateojoĸ erĸaruk, ivlerijaurĸovlugo ilingnut. Uvlut saksit kingorlerêklutik senajuksauvotit sulliaksatillo tamaita piniarlugit. Uvlulle sîbanganne Nâlekab Gûdivit sabbatinga nelliutivoĸ. Tagva sumiglõnêt senajuksaungilatit. Uvlune saksine Nâlekab ĸilak nunalo imarbiglo illũnaitalo imab illuanẽtut senalaungmagit, uvlullo sîbanganne merngoersilauĸpoĸ.
Ill.
Iglutit ânanâvaksôvut illa, Nâlegaĸ Zebaot. Uvloĸ attauseĸ iglorusingnêdlune nãmanersauvoĸ uvlunit assinginit tausendinit.
Lit.
5. Atâtangnik anânangniglo nâlektuksauvotit, akkunertomik inôniarĸovlutit nunanie, Nâlekab Gûdivit tunijangane ilingnut.
Ill.
Kristuse igsagaksamik ĸemailauĸpoĸ uvaptingnut, tâpsoma tuminginik mallerĸovluse. Tâpsoma angajoĸângne nâletsiarpak.
Lit.
6. Inuartuksaungilatit.
Ill.
Nagliktigêlauĸta, naglingneĸ Gûdemit pingmat. Katangutiminigle ômisuktoĸ, tâmna inuartôvoĸ.
Lit.
7. Nulliarêngnermik asseroijuksaungilatit.
Ill.
Arvertarta illusitsiarikluta uvloĸsiortutitut; nerritunata tallanatalo, tachisimajune illokeudlarata, aivanatalo anerutsinatalo.
Lit.
8. Tigliktuksaungilatit.
Ill.
Imâk ĸaujimavogut: Tigliguillõnêt torĸuijullõnêt tallatullõnêt oĸauserludlartullõnêt arĸtaijullõnêt Gûdib nâlegauvinganik kingormgujiniangilat.
Lit.
9. Inôĸatitit saeglûtigivlugit oĸartuksaungilatit.
Ill.
Sâtanase saeglotujoĸsôngmat saeglonerublo atâtagivâ.
Lit.
10. Inôĸativit iglunganik pijomajuksaungilatit. Inôĸativit nullianganik kivganganiglo angumik kivanganiglo arnamik tuktuvaĸotinganiglo siuterĸortojoĸotinganiglo sunatuinarniglõnêt inôĸativit perĸutinginik pijomajuksaungilatit.
Ill.
Omamit erĸarsautekulluit anivut: inuarnerlo nulliarêngnermik asserorsainerlo assiniarnerlo tiglingnerlo saegluteĸarnerlo mitauteĸarnerlo. Ahâk, ânanaudlarmêk takorannidlarmêglo, ĸatangutigêt issumaĸaĸatigêklutik iglomioĸatigêkpatta.
Lit.
Tamanna pijariaĸarnerojoĸ angnerlo perĸojaĸ: Gûdingnik Nâlegarnik nagliktuksauvotit õmatingnut tamânut tarningnullo tamânut issumangnullo tamainut. Aipangale tâpsotunaĸ-ipoĸ: Inôĸatingnik iliktut nagliktuksauvotit. Perĸojângnut ukkungnûnga maggûngnut perĸojat illũnatik illagêkput nellautaijullo aglaugit.
Mel. 208. Kor. Ajortoĸôsvogut — ôminarlutalo. Gûd nâpkiniktoĸ. — Idluitoĸsuit kapianarninginik — pêjaijôvotit. Ill. Ajungitotôvotit, — asserorsimavogulle inûlerniptingnit.
Lit.
Perĸojat Mosesekut tunijauvut, saimaneĸ mikseĸârnerlo Jêsuse Kristusekut pivuk.
Ill.
Imâk Gûdib sillaĸsoarmiut nagligingmagit, ernituarne tunivlugo, illũnatik okpertut tâpsomunga assiorĸonagit nungusuitomigle inôguteĸarĸovlugit.
Lit.
Tâmna nellautaijut illũnatik kigligiutigivât, okpertut tâpsomunga illũnatik tâpsoma attinganut issumangnarungnaitomik ajorninginit pilârmatta.
(Illagêt nikkoviput.)
Ill.
Okperpunga Gûdemut Atâtamut, ajugaĸangitomut, pingortitsijomut ĸilangmik nunamiglo.
Okperpunga Jêsuse Kristusemut, Gûdib ernituanganut, Nâlegaptingnut, Anernermit ajunginermit pijomut, uigasungmit Mariamit erniangojomut. Pontiuse Pilatuse attanerusiotillugo âniatitaujoĸ, senningajolingmut kikkiaktortaujoĸ, toĸovlunelo illijartortaujoĸ. Anernermigut ajoĸertuijartortoĸ anernernik parngnanairsimavingnẽtunik. Uvluk pingajuangne toĸungajunit makkitoĸ, ĸilaliarlunelo Gûdib Atâtab ajugaĸangitub tallerpiane iksivajoĸ. Tagvangat tikitsomârivoĸ inôjullo toĸungajullo erĸartoriartorlugit.
Okperpunga Anernermut ajunginermut, okpertunik ivsornaitisimajuniglo illagêktoĸartomik, ajortunit issumagijaujungnainermik, timillo makkitsomârningannik, inôtsemiglo issoĸarniangitomik.
(Illagêt ingiput.)
Mel. 106. Kissarviksaĸ una illâle najuenaromavara, naglingninga inôtillunga oĸautigivlugo tagva; takpânelo sorairnanga nakorẽnaromârpara.
Lit.
Nâlegapta Jêsusib Kristusib ĸilaliarĸârane illiniartine oĸautivait: Aileritse sillaĸsoarmut illũnânut inôĸatigêksuillo tamaita ajoĸertorsigik baptillugillo Atâtab Ernerublo Anernerublo ajunginerub attinganut.
Ill.
Okpertoĸ baptitaujorlo piulijaujomârpoĸ.
[Lit.
Taimaimat, Nâlegaĸ, perĸoluarpavut pairĸsinernut baptitaurĸamertoĸ N. N. perorĸovlugo idluarijarnut.
Mel. 11. Ill. Nunamẽtilugole (gigle, gille) pairitsainalaungmiuk (gik, git); tessioruk (kik, kit) aggangnut pêrĸonago (gik, git) ilingnit.]
Lit.
Kaujimangilasê, illũnata Jêsuse Kristusemut baptisimajogut toĸunganut baptitaugapta? Taimaimat illijartortauĸatigimavavut baptijutekut toĸomut; sôrlo Kristuse toĸungajunit tupaktitaungmat Atâtab ânanaunersoanganut, taimaktauĸ uvagut inôsertâme arvertartuksauvogut.
[Umiaĸsoavullotauĸ illingajuksaungmatta nertornautingnut, Nâlegaĸ, oĸautsillo tussarnertut siamartitauninganut sillaĸsoarme illũnâne, taimaimat nelliutome tamattomane ĸenuvigivaptigit: tâpkoa inungillo saputilaukkit ingergarningine tamât, nangianartunut perĸonagit ĸanoenatiglo tikerĸovlugit aivigijamingnut.]
Mel. 249. Kaumartigivaptigit; ĸitorngarijatit ĸematsengilattit. Kaumanerne, okpernerme arvertarpogullo sângne ĸuviasukluta, nâpkiningnît nutângotsainarmat.
Lit.
Nâlegapta Jêsusib Kristusib unuarme taipsomane, pititaugame, ĸaĸĸôjaĸ tiguvâ, ĸujalivlunelo avgorpâ, illiniartiminullo tunivâ oĸarlunelo: Tigulugo nerrisiuk, tagva timiga tunijauniartoĸ pivluse; taimailioritse erĸaumajauniksamnut.
Ill.
Tamadja ĸaĸĸôjaĸ ĸilangmit tikitoĸ, tamattomangat nerrijoĸ toĸorĸonago.
Lit.
Taimaktauĸ ermgusiarsuk tigugivâ, nerrijarêramik, ĸujalivlunelo tâpkonunga tâmna tunivâ oĸarlunelo: Illũnase tagvangat imeritse! tagva auga, testamentitâb aunga, kovijauniartoĸ ilipse pivluse unuktullo pivlugit ajornerit issumagijaujungnairutiksanginut. Taimailioritse imilerangapsiuk erĸaupnajauniksamnut.
Ill.
Jêsusib Kristusib Gûdib erningata aungata ubvarpâtigut ajortunit tamainit.
Lit.
Uvinimnik nerrijoĸ aumniglo imertoĸ uvamnêtsainarpoĸ uvangalo tâpsomanêdlunga. Uvinimnik nerrijoĸ aumniglo imertoĸ nungusuitomik inôguteĸarpoĸ uvangalo ômartitsomârpara uvlut naggatiksanganne.
(Illagêt nikkoviput.)
Saugârsuk toĸotaujoĸ nellopĸotijuksaungitovaksôjoĸ pigivlugit pitsartunerlo akluinerlo sillatunerlo sôngonerlo nâlengnarnerlo nertornarnerlo nakorijaunerlo. Iksivautaĸsoarme iksivajoĸ ĸujanarsile nâlengnarsivlunelo nertornarsivlunelo ajugauviojotôvlune issoĸangitoĸsoarmut.
Mel. 119. Ill. Amen illa! — Amen illa! Taimak manigorpogut, harfit nipliarĸârtinagit imgerusertâmiglo imgerĸataurĸârtinata: Saugârsuk, toĸotaulauravit, tamaunga — pivogut.
Lit.
Nâlekab pitsartutilitit saputilitillo!
Nâlekab kênarminut ĸaumaksarlitit saimartilitillo!
Nâlekab kênarminut ĸollangiarlitit ullapirsautiminiglo tunitjivigilitit!
Kor.
Jêsub attingane
Ill.
Amen!
3. Litanaiit Sontagesiutit pingajungit
atoraksat oĸâlavingme.
Mel. 195. Ill. Gûd uvaptingnẽpoĸ; ĸenuvigilavut, opigukta sajungnermut! Akkonaptingnêngmat, nekoĸsitiluta, nellopĸotimut pâmakta! Tâpsoma — tamapta ĸenilaungmatigut, nakoridlarlavut!
(Illagêt nikkoviput.)
Lit.
Nâlegaĸ, Nâlegaĸ Gûde, nâpkigosuktotit saimavlutillo, kamangitsertortotit nagligosuktoĸsôvlutillo nellâgôrtoĸsôlarpillo, naglingnermik soĸosertailitsijotit tausendeoĸattartunut, idluinerniglo tappatonerniglo ajornerniglo issumagijungnairniktotit, pidlartailitsingitotille ĸaĸialerneĸangitunik — siutîkik manikiktôĸ tussarlutalo, ĸenuniptingnik ĸaitsigapta sângnut, idluarnivut pivlugoungitoĸ nâpkigosungnille angijoĸsoaĸ malliklugo.
Ill.
Amen.
Mel. —132a. Nâlegaĸ, Gûb saugârsunga, ĸenunivut tussalaukkit! Nâpkoaritiguttôĸ!
Lit.
Nâlegaĸ Gûde, atâtavut ĸilangme,
Ill.
attît nertortaule; nâlegaunît ĸailaule; pijomajat piniartaule nuname sôrlo ĸilangme; uvlome piksaptingnik tunitjivigitigut; idluinivut issumagijungnaikkit, sôrlo uvagut idluitullivigijivut issumagijungnairvigigaptigik; ôktortaulungnermut pitinata; piulitigulle ajortomit; Nâlegauneĸ pitsartunerlo ânanaunerlo pigigangne issoĸangi omut. Amen.
Lit.
Nâlegaĸ Gûd, Erneĸ, sillaĸsoarmiut piulijingat,
Ill.
illagẽnartigut!
Lit.
Nâlegaĸ Gûd, Anerneĸ ajungineĸ,
Ill.
issoĸangitomut najortigut!
Mel. —249. Hailig pingasôlijotit, nakorẽnadlarpaptigit. Amen Halleluja! Halleluja! Amen Halleluja!
(Illagêt ingiput.)
Lit.
Kristuse, Gûdib saugârsunga,
Ill.
tussartigut!
Lit.
Kamanginermit akkiliutiksarsênernik toĸungniglo,
ajoĸertûtsinit tamarnartunit tamainit,
ajortunit tamainit,
toĸub aipanganit
Ill.
saputitigut, nagliktotit Nâlegaĸ Gûdelo!
Lit.
Erniangonivit inuktut,
nâlengnivit toĸo tikidlugo,
ânianivit, ikkivit toĸovillo kassilinartub,
makkinivit ĸilaliarnivillo,
iksivalernivit Gûdib tallerpiata tungâne,
oĸautsivit sakramenteĸotivillo,
tikitsomârnivit uvaptingnut ânanaunerme
Ill.
manigorlitigut, nagliktotit Nâlegaĸ Gûdelo!
Ajortokullôjogut tuksiarvigivaptigit: tussalaungmitigut, nagliktotit Nâlegaĸ Gûdelo!
Lit.
Illagêktitatit ivsornaitut okpertut attaniotivigivlugillo tessiukkit!
Oĸautsit kikiaktortaunernik oĸâlajut illũnaine atternut taijaumajune atortautsainartilaukkit; senajuksanik nellâgôrtunik tilliklilaurit kattersoivingnut!
Ajoĸertuijersuit ajoĸertuijullo kivgartortillo illũnaita oĸautsinik âĸênartunik inôtsemiglo ivsornaitomik tunitjivigikit najorteĸainartillugillo; oĸausingit illaĸartikit anernerniglo pitsartunerniglo!
Oĸautsit ullapirsauteĸȧrtomik oĸâlajut uvlut naggatiksangannut uvaptingnêtsainartilaukkit; Gûdib ĸitorngangit tamaita anernermut attautsemut illagêktilaukkit, nagliktigêtsiarlutik issumaĸaĸatigêtsiarĸovlugit!
Inuĸotitit kattimaviksanik upkoaniglo angmajunik oĸautsinut tussarnertunut tunitjivigikit; sinaungasarnerit tamaita agviakkit uiveriklertullo tamaita ungasiktikit illagêktoĸotingnit!
Kaumakkit manigorlugillo kivgatit tamaita okpertunelo nellojunelo; apĸutiksangit âĸiksulaukkit sullivingillo nerrotutilaukkit, nellojut unurningit nãmaksisarailerĸovlugit!
Illagêngoĸativut nellojunit pijut saputilaukkit; inôĸatigêt Israêlitit piulilaukkit takpẽninginit; ĸanoĸtôĸ Ismaêlib kinguvângittauĸ inôlaurlit sângne!
Ill.
Tussalaungmitigut, nagliktotit Nâlegaĸ Gûdelo!
Lit.
Inôĸatigêt attaningit tamaita saimanernut saputikit, issumanik ullapirsautelinguik illanârêngnermiglo tunitjivigivlugit; tuksiarnivullo illũnaita pivlugit tussalaukkit!
Nunapta attanertanga George illangillo ikajortingillo tessiulaukkit aulatillugillo saputivlugillo, ullapitaunangitomik terlingnartomiglo inôseĸarungnarĸovluta Gûdemik nâlengnerme illusitsiaringnermelo!
Inungnut illusiorĸojaujunik tamainik nâlektitigut pivlutit!
Pikkablarnerit tamaita unatarnerlo aungmiglo kovisineĸ tamât agvialaukkit; saputitigut ikomab imablo kapianarninginit, sillarnerluvaksoarmillo, nusilingnartomit nelliutomillo kângnartolingmit; nunangne ullapirsauteĸartitigut pinasuartullo tamaita sullitikit!
Piniarniptingne tamaine nellâgôrtitigut omaringneĸ piniaraksaptingne pinasuarniptingnelo pitsartutilauruk!
Kanoĸtôĸ ĸunujuitsainarta, naglingneĸ attorlugo tamainut avagosungnerlo aitortuinerlo puigortailivlugik!
Ill.
Tussalaungmitigut, nagliktotit Nâlegaĸ Gûdelo!
Lit.
Igluvut ittervigilaukkit inigivlugillo; nulliarêt saimalaukkit ivsornaitillugillo; sorusivut inertertaunerme nâlektitaunermelo illingnik inugoijaulit; nullẽtullo uigasuillo pidlaraksausuertomik arvertartikit oĸautsitit malliklugit!
Illũnata aglivalliatitigut saimarsautingne illitarĸsinermelo illingnik; anernît ajungineĸ kovilauruk kivgarnut tamainut!
Ill.
Tussalaungmitigut, nagliktotit Nâlegaĸ Gûdelo!
Lit.
Inungnik naglingniktotit, illũnaita siorniortut nangianartomẽtullo ikajukkit!
Imarbiksiortut umiaĸsoakut tatamnartullinernik tukkisitilaukkit; illavut ingergajut nunakut imakullo ikajukkit saputivlugillo; [erĸaumalaungmikit umiaĸsoavut inungillo!]
Kiksartut ôktortaujullo tamaita manigukkit; nullêrnerit uigarnerillo ĸuviasungnerilitit nerriungnerilitillo piloringnartomik; inutoĸaujut illilertukkit; atâtaulerit illiarsungnut ajoĸsartullo pattangaitilaukkit!
Kanimajuttauĸ pairikit ikpigitillugillo naglingnernik; inuillo toĸolerĸogungne, erĸailaurit, ajornivut kissêtaungitoĸ, sillaĸsoarmiulle illũnatik ajorningit toĸojutigilaurangne!
Illa igvit Gûdeojotit tamainut, nertortaujotit issoĸangitomut, inungnut illũnainut piuliklerteolilaurit, pingortitatit tamaita nâpkigikit, tamaita illikut ullapĸosilaurangne nangminernut nunamêtullo ĸilangmẽtullo!
Ill.
Tussalaungmitigut, nagliktotit Nâlegaĸ Gûdelo!
Lit.
Ajoĸertortigut issumaksarsiornermik toĸojuksauniptingnik âĸiksortigullo, angerarviksarserĸovluta piloringnartomik; illagêktunut pijarêrsimajunut illũnainut illagêngnermêtsainartitigut issoĸangitomut; sukutsianelo piniarniptingnit merngoerserĸatigêktitigut ikkingne!
Ill.
Tussalaungmitigut, nagliktotit Nâlegaĸ Gûdelo!
(Tamâne illusingatut tuksiarutsit oĸâlauserlo tuksiarutsillo sorairsiutit attulerput; kingorngatigut, illagêt nikkovitillugit, tuksiartoĸarannerpoĸ imak:)
Lit.
Gûdib saugârsunga, sillaĸsoarmiut ajorninginik nangmartotit,
Ill.
nâpkigitigut!
Lit.
Gûdib saugârsunga, sillaĸsoarmiut ajorninginik nangmartotit,
Ill.
illagitigut!
Lit.
Gûdib saugârsunga, sillaĸsoarmiut ajorninginik nangmartotit,
Ill.
ullapirsautingnik uvaptingnẽtitsilaurit!
Lit.
Saugârsuk toĸotaujoĸ pissiarijivullo inôĸatigênit nunamẽtunit tamainit, Nâlegaĸ tarniptingnik piniarutjilauĸtoĸ, illannâĸ nagligilauĸtivut ubvartivullo ajorniptingnit aungminut, toĸolauĸtoĸ pivluta attausiardlune uvagut toĸorĸovluta ajortunit, makkilauĸtoĸ pivluta uvaguttauĸ makkerĸovluta, ĸilalialauĸtoĸ pivluta iniksamik pijarêrsijomavlune uvaptingnut, nâlektaujorlo Engelinut sôngojunullo pitsartudlartunullo — tâmna nertortautsainarle soraingitomik illagêktune utaĸĸijingine najorninganêtunelo,
Ill.
issoĸangitomit issoĸangitomut. Amen.
Lit.
Kitorngârsuit, tâpsomanêtsainaritse, saĸĸijâlerpat ĸuviasûteĸarĸovluta kangusugatalo tâpsoma sângane tikiviane.
Mel. —36. Ill. Tâmnale tettigitsainadlarpavut, asseĸangimat.
Lit.
Nâlekab pitsartutilitit saputilitillo!
Nâlekab kênarminut ĸaumaksarlitit saimartilitillo!
Nâlekab kênarminut ĸollangiarlitit ullapirsautiminiglo tunitjivigilitit!
Ill.
Jêsub attingane Amen.
4. Litanaiit Jêsusib inôsinganik ânianginiglo toĸunganiglo
Mel. 164. Ill. Jêsuse, Gûb saugârsunga opigidlarlavuttôĸ nakorilugo, ômunga piulijaumagapta! Nâpkigingmattigut, nertutsainarlavut! Nunamiut, ĸilangmiut anerniggit nertorlitsuk!
(Illagêt nikkoviput.)
Lit.
Nertortaule Jêsuse Kristuse! Tâmna Gûdetut — ikalloarame, nertornautigilaungilâ Gûde adsigivlugo, ingminigle nikkanarsâlauĸpoĸ kivgatun — ilerdlune; inutuinaĸ adsigililauĸpâ inutuinaujotullo illinganinga naipitaulauĸpoĸ. Ingminik miklilerdlune nâlainalauĸtoĸ toĸomut, toĸomut senningajolingme aglât. Tamanna pivlugo Gûdib nâlegaviksoangortilauĸpâ atteĸartilâllo atternit tamainit anginerpângojomik, Jêsusib attingane sêrĸut illũnatik sêrĸortortuksaungmatta nâlengnermut ĸilangmẽtullo nunamẽtullo nunab attânẽtullo, oĸallo illũnatik nellonaijaijuksaungmatta Jêsuse Kristusemik Nâlegaujomik, Gûdib Atâtab nertornautinganut.
Mel. 9. Ill. Piviojuksaudlarpoĸ, illũnainut illa ĸilangme nunamelo nertortaurĸovlugo.
Lit.
Nâlegaĸ Gûde, Atâta, ĸilangmẽtotit, imâk sillaĸsoarmiut nagligivattit, ernituat tunivlugo, illũnatik okpertut tâpsomunga assiorĸonagit nungusuitomigle inôguteĸarĸovlugit.
Nâlegaĸ Gûde, Erneĸ, sillaĸsoarmiut piulijingat, sôrlo sorutsit uvineĸarlutiglo auĸarmatta, ukkutitunaĸ igvit tamakkoninga illangiusimavotit.
Nâlegaĸ Gûde, Anerneĸ ajungineĸ, igvit aĸĸarvigilauĸpat ĸânganẽvigivlugolo. Gûdioneĸ illũnane tâpsomanẽmarikpoĸ timeĸarlune.
Mel. —249. Ill. Hailig pingasôlijotit, nakorẽnadlarpaptigit saugârsuk pivlugo. Halleluja! Amen Halleluja!
(Illagêt ingiput.)
Lit.
Kristuse, uvinikut inungnit tikisimajoĸ, tâmna tamainut Gûdeovoĸ, nertortaujoĸ issoĸangitomut. Igsagaksamik ĸemailauĸpoĸ uvaptingnut, tâpsoma tuminginik mallerĸovluta. Katangutine illũnâne adsigijariaĸalauĸpait, nâpkigosulerdlune nellâgôrtomiglo ajoĸertuinerôlerdlune Gûdib sângane, illũnânelo ôktortaumavoĸ uvaptitut ajorneĸaranele. Siorniulaurlune nangmineĸ ôktortaumagame, ikajorungnarpait ôktortaulertut.
Mel. —132a. Ill. Nâlegaĸ Gûb saugârsunga, ĸenunivut tussalaukit! Nâpkoaritiguttôĸ!
Lit.
Okpinginermit illingnut ajorniojomit, ivsornartitsinermit uviningmik tarnemiglo.
idluarasuginermit nangminiptingnik, õmatib nippunganinganit pannersininganillo.
ikkingnik toĸungniglo kamanginermit
Ill.
saputitigut, nagliktotit Nâlegaĸ Gûdelo!
Mel. 23. Illũnâne ajortogut; õmateĸartilauĸtigut aungnut ônarsimajomik toĸungnullo aumajomik!
Lit.
Immanuele, sillaĸsoarmiut piulijingat,
Ill.
illagẽnartigut!
Lit.
Inûlernivit erniangonivillo ivsornaitub
Ill.
inônivut ivlernartilikko uvaptingnut!
Lit.
Aklulernivit kivgatullo illinganivit
Ill.
nikanasârtilitigut tamâne nuname!
Lit.
Pattanganivit sangẽnivillo
Ill.
sangênivut idluarijautilikko uvaptingnut!
Lit.
Sorusionivit ĸuvianartub
Ill.
ĸuviasuktilitigut sorutsititut!
Lit.
Aglangnik tukkisitsiarnivit
Ill.
soĸosijuitilitigut mikseĸârnerub oĸausertangine!
Lit.
Issumalingasuinivit
Ill.
issumalingasuitiligit õmativut issumavullo!
Lit.
Nâletsiarnivit mallingnivillo
Ill.
õmateĸartilitigut nâlektunik!
Mel. —230. Sorusiarsutut — nâletsiartotut itilaunga! — Jêsusiga, ikajunga, iliktut nâlainarlanga!
Lit.
Arvertarnivit ivsornaitub nuname
Ill.
arvertartilitigut pidlaraksausuertomik!
Lit.
Sullinivit ataruilinivillo
Ill.
sullijaksavut tamaita oĸiglitiligit uvaptingnut!
Lit.
Nellâgôrnivit sulliaĸarnerne
Ill.
nellâgôrtilitigut sulliaĸarniptingne!
Lit.
Ingergaĸattariaĸarnivit nuname
Ill.
tujormitailitilitigut nanẽtarangaptalõnêt!
Lit.
Pigârnivit tuksiarngnivillo
Ill.
pigârtilitigut tuksiartilutalo!
Lit.
Piojorijuinivit kamangitsertornivillo ĸenuenivillo
Ill.
pitilitigut nangmautarnik uvaptingnut!
Lit.
Nagligosungnivit nâpkigosungnivillo
Ill.
nâpkigosuktilitigut!
Lit.
Illungertornivit atâtavit iglunga pivlugo
Ill.
illungertortilitigut nâlegauvît pivlugo!
Mel. 70 Jêsuse, tagga! pikit õmativut! Ajudlarapta, sullivigitigut adsiuvalliatilluta illũnaptigut ilingnut illa!
Lit.
Kristuse, Gûdib saugârsunga, sillaĸsoarmiut ajorninginik nangmartotit,
Ill.
ullapirsautingnik tunitjivigitigut!
Lit.
Pijaralutit tuninivit toĸomut
Ill.
ĸaujitsiartilitigut nellonartomik naglingnernik!
Lit.
Baptitaunivit ivsornaitub toĸomut ânianartomut
Ill.
inuit illũnamatsiatik õmatingit ikkitiligit!
Lit.
Kugviornivit nipliadlarnivillo siorniornermut
Ill.
manigorlitigut, kapiasugaigupta aulaumajâraiguptalo!
Mel. 36. Aut, kuttit tamaita timingnit kôktut, ĸugvit tamaita ijingnit ĸorlortut nipliavlutik tuksiupâtigut ĸilangme Gûmut.
Lit.
Niaĸovit kakkilautinik niaĸôsertaumajub
Ill.
ĸaujitilitigut nâlegauvivit illinganinganik!
Lit.
Tallîkpit issaktitaujûk ĸejungmut
Ill.
pigitsainarlitigut!
Lit.
Aggavit putoggit
Ill.
unertutilitigut attipta aglaksimavianik!
Lit.
Puttorsimajut ittigavit
Ill.
tamartailitilitigut arvertarniptingne!
Lit.
Aungerutilertub ĸanerpit
Ill.
oĸautilitigut manigorniksaptingnik ullapirsautiksaptingniglo!
Lit.
Ijîkpit illutorsilertûk
Ill.
malliktilitigut atâtavit agganginut!
Mel. 519.
Hailig Nâlegaĸ Gûd! Pitsartudlartoĸ Gûd! Saimarsaijoĸ piulijivut! Nâksaungitoĸ Gûd! Sapkutsitailititigut, toĸovit ĸaitanginik! Nâpkigitigut!
Lit.
Timivit ânilakteradlartub toĸolertublo tautua
Ill.
ijipta sânginẽtsainarlaurle!
Lit.
Anernangernivivit kibliktaunarninga
Ill.
takuksautsainarle uvaptingne!
Lit.
Timivit âniatitaujub aukpillo
Ill.
nekoĸsitilitigut inôtsemut nâksaungitomut!
Lit.
Perĸojat toĸungnut soĸosijuitilauĸtat
Ill.
inuĸotivit malligaksarilitsuk!
Lit.
Oĸautsit kikiaktortaunernik oĸâlajut
Ill.
oĸautigilavut, okperniptingnik appertsortaugupta!
Mel. 179. Ikkingnêtsomavogut âniallo inungnut oĸautigijomavavut.
(Illagêt nikkoviput.)
Lit.
Saugârsuk toĸotaujoĸ nellopĸotijuksaungitoviksôvoĸ pigivlugit pitsartunerlo akluinerlo sillatunerlo sôngonerlo nâlengnarnerlo nertornarnerlo nakorijaunerlo
Ill.
issoĸangitomit issoĸangitomut. Amen.
Mel. 185. Taimaimat, õmat nelleĸangitotit, tautuit toĸotillutit nipaĸtuksaungilaĸ ijiptingnut, taututsainarĸârtinak. Jêsuse, toĸotigigaptigut, merngortorniangilat torĸluvut nakorijomavlutit, paunga perĸârtinata.
5. Litanaiit Jêsusib makkiviane.
Lit.
Nâlegaĸ makkisimavoĸ!
Ill.
Illa makkisimavoĸ!
Mel. 185. Salutitaulerit, Jêsusiga! Illuvernit ĸaigavit, toĸo sâlagigangne pivlunga, saluterĸâlaulagit! Timingne ikkilersimagavit, ânanaujotit, erĸilaulagit; ĸugvinut ungagigapkit, najutsainalaulagit!
Lit.
Okperpunga Gûdetôjomut, Atâtamut, Ernermullo Anernermullo ajunginermut. Tâpsomangat tâpsomûnalo tâpsomungalo illũnamatsiatiĸ iput. Tâmna nertortaudlarle issoĸangitomut!
Ill.
Amen.
Lit.
Okperpunga Gûdemut, Nâlegapta Jêsusib Kristusib atâtanganut. Tâpsomûna annerilauĸpâtigut sillaĸsoaĸ tunganilijaurĸârtinago. Piulilauĸpâtigut tâĸtub pitsartuninganit nuktertilutalo ernerme erdligijame nâlegauvinganut. Saimausilauĸpâtigut anernelingnut saimanartunut sunatuinarnut, ĸilaub pinginik illangiutitiluta Kristuseme. Pijungnartilauĸpâtigut, ivsornaitut kingormgujiĸatigivlugit ĸaumajome, issumasimagame ĸitorngautitsomavluta ingminut Jêsuse Kristusekut, taimak ĸuviagijaminut pijomagame, saimarsautine ânanaujoĸ nertortaurĸovlugo, tamattomunga ĸuviagijautingmattigut erdlingnartome.
Ill.
Ahammarik, tamanna mikseĸârtôvoĸ.
Atatâk, ĸilaublo nunablo Nâlegangak, nakorivaptigit, illisimajunut sillatujunullo tamanna angigutjutigigangne, nutaĸĸatitun-itunullo nellojungnairtijutigigangne. Illa, Atâtâk taimak sângne idluarĸolaurangne.
Lit.
Atâtâk, attît ânanausilauruk!
Ill.
Nâlegaĸ Gûde, atâtavut ĸilangme, attît nertortaule; nâlegaunît ĸailaule; pijomajat piniartaule nuname sôrlo ĸilangme; uvlome piksaptingnik tunitjivigitigut; idluinivut issumagijungnaikkit, sôrlo uvagut idluitullivigijivut issumagijungnairvigigaptigik; ôktortaulungnermut pitinata; piulitigulle ajortomit! Nâlegauneĸ pitsartunerlo ânanaunerlo pigigangne issoĸangitomut. Amen.
Atâtâk, nagligitigut, ernît nagligigaptigo illingnillo annijoĸ okperigaptigo.
Lit.
Okpêrpunga Gûdib ernituangata attinganut. Tamaitaĸsuit pingortitauvut tâpsomunga, uvagullo pingortipâtigut.
Okperpunga, uviniolilaungmat inôĸatigivlutalo kivgatullo ilerdlune.
Uigasûb Mariab pilauĸpâ Anernermit ajunginermit; sôrlo nutaĸĸat uvineĸarlutigo auĸarmatta, taimailaurivoĸ, arnab erniaringmago; illinganinga inuktut naipitaulauĸpoĸ, illũnâne ôktortaumajoĸ uvaptitut, ajorneĸaranele.
Nâlekab Anerningatalo tillilauĸpâk, oĸâlarĸovlugo Nâlekab jâringanik tussarominartomik.
Kaujimajaminik oĸalauĸpoĸ takolauktaminiglo kigligiutjivlune. Tâpsominga illaliortut pitsartunermik tunitjivigivait, ĸitorngaulerĸovlugit Gûdemut. Ahâk, tagga Gûdib saugârsunga sillaĸsoarmiut ajorninginik nangmartoĸ; Pontiuse Pilatuse attanerusiotillugo âniatitaujoĸ, ĸejungmut senningajolingmut kikiaktortaujoĸ, toĸovlunelo illijartortaujoĸ. Anernermigut ajoĸertuijartortoĸ anernernik parngnanairsimavingnẽtunik. Uvlut pingajuanne toĸungajunit makkitoĸ ĸilaliarlunelo Atâtab tallerpiane iksivajoĸ. Takpângat tikitsomârivoĸ, sôrlo takojaulaurame ĸongmuartillugoĸilangmut.
Mel. 58. Kor. Anerneĸ illagêllo oĸarput: Kailaurit, Nâlegaĸ Jesuse! Ill. Tussartut oĸarlit: attê ĸailaurit! Nerriugivaptigit tamapta; ĸait, ĸailaurit!
Lit.
Aĸĸaromârpoĸ ĸilangmit nippersoarmut kajungersarnartomut, Engelit attaningata nippinganut Gûdiblo tiptulautinganut, inôjullo toĸungajullo erĸartoriartorlugit.
Tâmna Nâlegarivara, piulingmanga assiojuksaujunga pidlaraksaularmalo inôjunga ajortunit tamainit toĸomillo Sâtanasiblo pitsartuninganit, goldemut silberemullõnêt pinane, aungminulle hailigemut akkitudlartomullo âniaminullo passijaksaungitomut toĸominullo; perĸutigijomagaminga nâlegauvinganelo nâleklugo inôniarĸovlunga kivgartorlugolo idluarnerme passijaksaunginermelo piloringnermelo nâksaungitome, sôrlo toĸungajunit makkingmat inôvlunelo Nâlegaungmat issoĸarniangitomut.
Ill.
Ahammarik, tamanna miĸseĸârtovoĸ.
Lit.
Okperpunga Anernermut ajunginermut, Atâtamit anijomut. Tâmna Nâlegapta Jsêusib Kristusib tillivâ uvaptingnut, Atâtamut ailaurĸardlune, uvaptingnêtsainarĸovlugo issoĸangitomut, tamainiglo piniartitserĸovlugo tamaine issumaminiglo illangiutititserĸovlugo tamainik.
Tâmna nertortaule illagêktunut Jêsuse Kristusemẽtunut: okpertôĸatigêksoarnut tamainut ivsonaititaumajunullo angerarsimajunut issoĸangitomit issoĸangitomut.
Ill.
Amen.
Lit.
Okperpunga, issumamniglõnêt pitsartunimnullõnêt Jêsuse Kristusemut Nâlekamnut okperlunga tikilugolõnêt ajoĸsarama. Anerneruble ajunginerub ĸairĸovânga oĸautsinut tussarnertunut, tunergutiminullo ĸaumaksarpânga, okpernerme mikseĸârtome ivsornaitilungalo soĸosijuitilungalo pivânga; sôrlo okpertut illũnaita sillaĸsoarmẽtut ĸairĸungmingmagit kattitillugillo ĸaumaksarlugillo ivsornaitillugillo Jêsuse Kristusemêtsainartingmagit okpernerme mikseĸârtome. Illagêt tâpkoa akkornganne ajornikka okpertullo illũnatik ajorningit uvlut tamaita nãmaktomik issumagijungnairpait.
Ill.
Amen.
Lit.
Okperpunga, baptijutikut hailigikut — tagva erniangupsârnerub ubvautâgut Anernerublo ajunginerub nutângortitsiningagut — Jêsusib Kristusib illagêktoĸotinginut illaliortaulaurama. Illagêt tâpkoa Jêsusib nagligilauĸpait ingminiglo tunivlune tâpkoa pivlugit ajorungnairtitsomavlugit; epĸêjalauĸpait ubvaumut imiojomut oĸautsemik illalingmut.
Ill.
Amen.
Lit.
Okpertôĸatigêt tâpkoa illagêngningita akkornganêdlunga nagliktiga Nâlegara piulijigalo Jêsuse Kristuse manigorvigivara, toĸolaungmat pivlunga aungminiglo kovisilaungmat pivlunga ĸejungme ajornerit issumagijaujungnairutiksangannut, aitortorlungalo timiminik aungminiglo sakramentekut nellunaikutaksamut. Taimaimat uvamnẽpoĸ uvangalo tâpsomanêdlunga. Nungusuitomik inôsêĸarpunga tâpsomalo ômartitsomârpânga uvlut naggatiksanganne.
Ill.
Amen.
Mel. 79. Kor. Gûb avatigijangit, ôma udsertorlise, ullapirsarlise! Ill. Nelliutikpat, Jêsus pivluse toĸolauĸtoĸ illa takojomârpasse. (Gûdib perorsêviane.) Mel. 83. Ill. Jêsus tettigijara ĸellujigalo ômarpoĸ. Tamanna ĸaujigapko, sattômajuksaungilanga? Toĸub illusingata ĸoaĸsârtigalloarmanga.
Lit.
Kajungilârpunga avilunga tamângat Kristuse najoromavlugo, tamanna illa angijomik ajunginersaungmat. Toĸo ôngniangilara issoĸangitomut, pagrearniarlungalo toĸungajut makkiviksangannut, timima ĸemaktama asserortub attiniarmago asserojuitoĸ. Uvinik nerriuklune merngoerserpoĸ; igvittauĸ, toĸojuksaujotit, Gûdib ômartitsomârpâtit, tâpsoma anerningata inigilaungmatit.
Ill.
Amen.
Lit.
Okperpunga, ĸatangutivut illavullo, Nâlekame sinisimalerunik, illagêktunut takpânẽtunut aisimangmatta ittersimavlutiglo Nâlekamik ĸuvianarninganut; timingit nuname illuversimajut.
Mel. —58. Ill. Omalermikpatta, Jêsub Kristusib adsiutilerpait timiminut. Halleluja!
Lit.
Mãna sinisimajut illagêne ovanẽtune jâreme ĸângertome makkivianit erĸaumavavut, attingit taivlugit N. N.
Ill.
Ajortokullôjogut tuksiarvigivaptigit: tussalaungmitigut, nagliktotit Nâlegaĸ Gûdelo!
Lit.
Uvagullo illagêktunut pijarêrsimajunut illũnainut illagêngnermêtsainartitigut issoĸangitomut, sukutsianelo piniarniptingnit merngoersiĸatigêktitigut ikkingne!
Ill.
Amen.
Mel. 75. Kaninga, ijigik. timinga ikkilik takojomârpavulle, tettigẽnaraptigik, tamaitalo ikkingit ĸemergojomârlugit. Mel. 14. Kor. Salutiĸatigêkpogut, ĸitorngaulorapta Gûdiptingnut, manẽtogut. najugânẽtullo. Mel. 151 a. Ill. Timiga toĸolerpat, najulaungmingale, tarniga neksarlugo ĸuvianartovingmut! Anernivit timiga inigilaungmago, uvlulle naggatâne ômartilârparma.
Lit.
Nertornarpoĸ makkitjutauvlunelo inôgutaujoĸ. Tâpsomunga okpertoĸ, toĸogalloarune, inôjonmârpoĸ. Tamna nertortautsainarle soraingitomik illagêktune utanĸĸijingine najorninganẽtunelo,
Ill.
issoĸangitomit issoĸangitomut. Amen.
Nâlegapta Jesusib Kristusib saimaningat
Gûdiblo naglingningat
Anernerublo illagêngningat
illagilitigut, illagilitigut! Amen.
6. Baptisiutit sorusermik baptitaksaĸartillugo.
(Oĸâlagalâktoĸarĸârtillugo baptitaksab angajoĸâgik aperijauvuk:)
Lit.
Illiptik N. N. aperivaptik Jêsusib sângane: Una ĸitorngatik, Jêsusib aungminut pissiarilauĸtanga, tâpsoma pingatut pairijomavitikkô? saputillugolo idluitunit Gûdiblo oĸausinginik ĸaujitiniarlugo idluarijanganullo inugoijomavitikkô?
Ang.
Ahaila.
Mel. 23. Ill. Jêsuse, kattimavogut tuksiarluta ilingnut: Omativut anernernut aungnullo najulaungmigit! Imeĸ tamna takkovavut, aggulle missigivavut. Senerarnit puilajub ubvarligit õmativut!
(Tuksiarutsit attortautilugit imeĸ aijauvoĸ.)
Lit.
Kristuse, Gûdib saugârsunga, sillaĸsoarmiut ajorninginik nangmartotit,
Ill.
ullapirsautingnik tunitjivigilaungmitigut!
Lit.
Sakramenteĸotîngnut ivsornaitoĸsôjûngnut
Ill.
pitsartutilaungmitigut, nagliktotit Nâlegaĸ Gûdelo!
Lit.
Baptijut kinamit pigivitigô?
Sor.
Nâlegaptingnit Jêsuse Kristusemit oĸalauĸtomit: Aileritse inôĸatigêksuillo tamaita ajoĸertorsigik baptillugillo Atâtab Ernerublo Anernerublo ajunginerub attinganut; ajoĸertorsigiglo mallerĸovlugit tamainik perĸojamnik illipsingnut.
Lit.
Baptijut sunauvâ?
Sor.
Angerĸatigêngniovoĸ issumame passijaksaungitome Gûdemelo erniangupsârnerublo ubvautâ Anernerublo ajunginerub nutângortitsininga, Gûdib kovilauĸtangata uvaptingnut amigangitomit Jêsuse Kristusekut piulijiptigut.
Lit.
Suna Nâlekab angerutigivaûk baptijut pivlugo?
Sor.
Okpertoĸ baptitaujorlo piulijaujomârpoĸ.
Lit.
Sorutsittauĸ saimanartoĸ tamanna illangiutivigijunarpatsûk?
Sor.
Ahaila.
Lit.
Nerriungneĸ tamanna sunamut tungatitaumavâ?
Sor.
Kristusib oĸausinginut imaitunut: Nutaĸĸat uvamnut pilit inerterasigiglo, tâpkoa Gûdib nâlegauvinga pigingmatsuk.
(Baptitaksaĸ ĸaitautillugo mãna sâmut tuksiarutijauvoĸ imâk:)
Mel. 14. Ill. Kejungme toĸotaugavit unatauĸ pivlugo, piuk mãna, ajortunit aungnut ubvarlugo!
Lit.
Jêsuse Kristusemut baptisimajose, ĸanoĸ baptitauvisê?
Ill.
Jêsusib toĸunganut.
Lit.
N. N. igvittauĸ mâna Jêsusib toĸunganut baptipagit Atâtab Ernerublo Anernerublo ajunginerub attinganut.
(Baptitaujoĸ pattingmijautillugo.)
Mãna Jesuse aiparivlugo baptijutekut illijartortauvotit toĸunganut.
Ill.
Jêsusib attingane. Amen.
Mel. —79. Mãna inôtillutit erĸaumatsainadlakkik ânianga toĸungalo.
Lit.
Inôniarit mãna, igviungitorle, Kristusele inôle illungne. Mãnale uviningme inônernik tamattominga inôniarit okpernerme Gûdib erninganut nagliktingnut ingminiglo tunijomut pivlutit.
Mel. —4. Ill. Taimaitiliuk Atâtab Ernerub Anernerublo.
Lit.
Nâlekab pitsartutilitit saputilitillo!
Nâlekab kênarminut ĸaumaksarlitit saimartilitillo!
Nâlekab kênarminut ĸollangiarlitit ullapirsautiminiglo tunitjivigilitit!
Ill.
Jêsub attingane. Amen.
Mel. 9. Amen Hallelujale! Jêsusib attinga nakorijaule mâne panelo ĸilangme.
7. Baptisiutit inumaringmik baptitaksaĸartilugo.
(Oĸâlajoĸarĸârtillugo tuksiartoĸarĸârtillugolo ajoĸertuijoĸ baptitaksab sânganut nangeriartorpoĸ oĸarlunelo:)
Lit.
Najornernut nekoĸsinartomut sakramenteĸotîngnullo ivsornaitoĸsôjûngnut
Ill.
pitsartutitigut, nagliktotit Nâlegak Gûdelo!
Lit.
Okperĸêt Gûdetôjomut, Atâtamut Ernermullo Anernermullo ajunginermut, ĸilaublo nunablo pingortitingangnût?
Bapt.
Ahaila, okperpunga.
Lit.
Kigligiutjivêt, Gûdib ivsornaitoĸsôjub sângane nangerlutit sappidlaravit, ajortoliksôvlutille pidlaraksatuinaugavit tâpsomunga?
Bapt.
Ahaila, taimailinganimnik kigligiutjivunga.
Lit.
Okperĸêt, Gûdib, Nâlegapta Jêsusib Kristusib Atâtangata anerilaungmattit, sillaĸsoaĸ tunganilijaurĸârtinago, piulilaungmattit tâĸtub pitsartuninganit nuktertillutillo Ernerme erdligijame nâlegauvinganût?
Bapt.
Ahaila, okperivara.
Lit.
Okperĸêt, Jêsuse Kristuse, Gûdib Ernituanga Nâlegaungmat ilingnut, assiojuksaujotit pidlaraksaularpillo inôjotit, piulingmattit ajortunit tamainit toĸomillo Sâtanasiblo pitsartuninganit, goldemut silberemullõnêt pinane, aungminulle hailigemut akkitudlartomullo âniaminullo passijaksaungitomut toĸominullo?
Bapt.
Ahaila, okperivara.
Lit.
Okperĸêt, Anernerub ajunginerub ĸairĸungmattit oĸautsinut tussarnertunut, tunergutiminullo ĸaumaksarmattit, okpernerme mikseĸârtome ivsornaitillutillo soĸosijuitillutillo pingmattit?
Bapt.
Ahaila, okperivara.
Lit.
Killanâdlarĸêt, baptijutikut ubvautaujokut ajornernit tamainit ubvartaujomavlutit Jêsusib Kristusiblo illagêktoĸotinginut illaliortaujomavlutit?
Bapt.
Ahaila, ĸillanârivara õmamut tamânut.
Lit.
Angidlarĸêt, kivgartorneĸ ajornermik ipperaromavlugo mânanillo, illagêngoĸatauleravit Jêsusib illagêktoĸotinginut, inõjomavlutit tâpsomunga toĸolauĸtomut makkilauĸtomullo pivlutit?
Bapt.
Ahaila, angerutigivara, Nâlegara Jêsuse Kristuse pitsartutitsijoĸ sungertutigivlugo.
Mel. 106. Ill. Nâlegaĸ, inôseĸartiuk (kik, kit) tarninga (îgik, ingit) amuaruglo (kiglo, killo) illingnut: tunidlalauĸpotit pivlugo (gik, git) illa toĸomut, ilingnut perĸutauvlune (tik) ivsornaitsainarĸovlugo (gik. git.)
(Taimak tuksiartoĸartillugo baptitaksaĸ sêrĸortulerpoĸ, baptitsijub sêrĸortortoĸ tuksiarutivâ kingorngagullo pigannerpoĸ imâk:)
Lit.
Jêsuse Kristusemut baptisimajose, ĸanoĸ baptitauvisê?
Ill.
Jêsusib toĸunganut.
Lit.
N. N. igvittauĸ mãna Jêsusib toĸunganut baptipagit Atâtab Ernerublo Anernerublo ajunginerub attinganut.
(Baptitaksaĸ pattingmijautillugo.)
Kemergulerit, ĸanoĸ angijomik naglingnermik Atâta saĸĸijârtitsingmat illingnut, Gûdib ĸitornganganik taijaurĸogamitit. Ivsornaitut tagva kinguvângoĸatigivâtit Gûdiblo iglungane iglomiôĸatauvotit. Taimaimat inôniairit, igviungitorle, Kristusele inôle illungne. Mãnale uviningme inônernik tamattominga inôniarit okpernerme Gûdib Erninganut nagliktingnut ingminiglo tunijomut pivlutit.
Mel. —4. Ill. Taimaitiliuk Atâtab Ernerub Anernerublo!
(Taimak tuksiartoĸartilugo baptitaujoĸ nikkovilerivoĸ.)
Lit.
Kristusekut tamapta apĸutiksaĸarpogut Atâtamut anernerme attautseme. Taimaimat tuksiaĸatigêlauĸta imâk:
Ill.
Nâlegaĸ Gûde, Atâtavut ĸilangme, attît nertortaule; nâlegaunît ĸailaule; pijomajat piniartaule nuname sôrlo ĸilangme; uvlome piksaptingnik tunitjivigitigut; idluinivut issumagijungnaikkit, sôrlo uvagut idluitullivigijivut issumagijungnairvigigaptigik; ôktortaulungnermut pitinata; piulitigulle ajortomit. Nâlegauneĸ pitsartunerlo ânanaunerlo pigigangne issoĸangitomut. Amen.
Lit.
Nâlekab pitsartutilitit saputilitillo! Nâlekab kênarminut ĸaumaksarlitit saimartilitillo! Nâlekab kênarminut ĸollangiarlitit ullapirsautiminiglo tunitjivigilitit!
Ill.
Jêsub attingane. Amen.
8. Sivorliarutsiutit kommunionemut.
Mel. 14. Ill. 1. Gûd, Gudivut saimartigut Jêsub testamentânut, aunganut toĸunganullo, kommunionemut! Lit. 2. Jêsusib takunârlise saimarsainerminut; Ill. ikkiminut âĸikluta ĸanimaniptingnit! Mel. 149. 3. Illupkut ĸeavakpunga sanikterivlunga, issumagama, Jêsuse kiksarpoĸ pivlunga. Omunga pairijauvlunga sulle inôlunginama ôma ĸuviagijanganut, kangusudlarpunga. 4. Jêsus, Nâlegatôjotit illagêktitarnut, nekoĸsititsainarpattit akkeĸangitomik ingminik nellopĸotijut, tagva ajoĸsadlarama illumnelo kiksarama, nâpkigilaungminga! (Oĸâlajoĸ.) Mel. 14. 5. Salutiĸatigêkpogut, ĸitorngaulerapta Gûdiptingnut, mânẽtogut najuganẽtullo. 6. Mânẽtilluta tautua pivluta toĸojoĸ, takpaunga perĸârtinata, allarungnairpavut. Mel. 205. 7. Takpâne, — Gûb sângane nangertut piulijaumajut ĸaĸortau — simavlutik saugârsungmik nertordlerput. Amen, Amen imgerput nippitsiariktunut: Toĸotigigaptigut, Jêsuse, mânẽpogut.
9. Illaliortausiutit illagênut.
Mel. 22 d. Kor. 1. Okpertut Nâlegangata Jêsub Kristub attingane illagêt: ĸatangutigêt illaliorpâse (tik, tit) mãna, 2. piniaĸatigivluta katsungaidlalerĸovluse, (tik, tit) Jêsus malligomavlugo sumullõnêt allarnago! 3. Jêsub illitarijipse (tik, vit) arvertatsainartilise (tik, tit) mãnanit illagêktune Gûb idluarijanganut!
10. Kattititsiutit aipaingit.
(Oĸãlajoĸarĸãrtillugo illagêt nikkovilerput ajoĸertuijorlo nangeriartorpoĸ kattititaksâk sângangnut oĸarlunelo:)
Lit.
Najornernut nekoĸsinartomut
Ill.
pitsartutitigut, nagliktotit Nâlegaĸ Gûdelo!
Lit.
Nagliktâkka, Gûdib kênangata sângane kaiblarpaptik, nellâgut kigligiutjerĸovlutik mãna, illiptingne sunamik kattititautailiutaurĸojaujomik aiparêngnermut ĸaujimangâptik.
(Ajoĸertuijoĸ oĸarĸârtoĸ itjuarlugo uiksaĸ oĸarpoĸ tagva:)
Uiksaĸ.
Nellâgut kigligiutjivunga, kattititautailiutaurĸojaujomik uvamnullo ômungalo senimnẽtomut N. N. ĸaujinginama.
(Taimaktauĸ nulliaksaĸ ajoĸertuijoĸ itjuarlugo oĸarpoĸ:)
Nulliaksaĸ.
Nellâgut kigligiutjivunga, kattititautailiutaurĸojaujomik uvamnullo ômungalo senimnẽtonmt N. N. ĸaujinginama.
Lit.
Tagva, nagliktara N. N. aperivagit: Arnaĸ una tigujomaviuk aiparijomavlugo, sôrlo Gûdib oĸausingita perĸungmattit? nagligivlugo pattangaitillugolo opigivlugolo pairivlugolo ĸanimatillugo ĸanoengitsiartillugolo? ungagijatuarivlugolo toĸomut avititaurĸâratîk?
Uiksak.
Ahaila.
Lit.
Tagva igvittauĸ, nagliktara N. N. aperivagit: Angut una tigujomaviûk aiparijomavlugo, sôrlo Gûdib oĸausingita perĸungmattit? nâleklugo kivgartorlugolo nagligivlugolo opigivlugolo manigorlugolo ĸanimatillugo ĸanoengitsiartillugolo? ungagijatuarivlugolo, toĸomut avititaurĸâratîk?
Nulliaksaĸ.
Ahaila.
(Ketterdlemik pitillugo arnab mikileranganut saumianut agganelo tagvanẽtillusit angut oĸarpoĸ ajoĸertuijoĸ itjuarmivlugo:)
Uiksaĸ.
Ketterdlermik una tunivara illingnut, nellunaikutaksautillugo aiparêngnîptingnut ukkoalo najûtijut kigligiutjijeorĸovakka, uvanga N. N. igvit N. N. tigugapkit aiparijomavlutit.
(Arnarle ajoĸertuijoĸ itjuarlugo oĸarpoĸ:)
Nulliaksaĸ.
Ketterdlermik una tiguvara, nellunaikutaksautillugo aiparêngnîptingnut ukkoalo najûtijut kigligiutjijeorĸovakka, uvanga N. N. igvit N. N. tigugapkit aiparijomavlutit.
(Aiparêlertuk tallerpingit tigutitillugit ajoĸertuijoĸ oĸarpoĸ:)
Lit.
Katangutivut N. N. ĸatangutivullo N. N. angiĸatigêngmanik aiparêngnermut tamannalo sagvartingmakko Gûdib sângane illagêllo takkoanne tigûtinermut tunitjinermullo tigusinermullo ĸetterdlermingmik, tagva aiparêktôrĸovakka mãna Atâtab Ernerublo Arnernerublo ajunginerub attingane. Gûdib kattititâgigle inûb avititaksaringilak. Amen.
(Kattititautainartûk sêrĸortulerpuk.)
Lit.
Nâlegaĸ, Nâlegaĸ Gûde, nangmineĸ nulliarêngnermik illijilauĸtotit saimaivlutillo, tuksiarvigivaptigit ukkoa kattititautainartûk pivlugik: Nulliarêngningak ivsornaitilauruk saimanartillugolo! Ajoĸertulaukik, nagliktigêlerĸovlugik naglingnermut Kristusib naglingnerijanganut uvaptingnik. Omatîgik iglungaglo inigijartulaukit, uvlut tamaita ajoĸsatailitikik piksanginik aggangitalo piniarningit sullitilaukit. Serngnigijauviksautsainalaurittôĸ attuinaujoĸ tâpkungnunga. Ikajulaukik, siorniornartokullo kiksarnartokullo arvertartuksaugalloarlutik sungertûteĸarungnailerĸonagik naglingnernik. Kairĸojaumanîgik anerijaumanîgiglo aulajuitikit tâpkungnunga saimanernut. Nulliarêngnermingne kivgartortilaukik ilingnut tessiortigêtsiartillugiglo apĸome inôtsemut nâksaungitomut. Taimak illagêt akkornganne arvertartilaukik pivalliatillugiglo, issumatillo tamaita idluarĸutiksanginut nellautsitikit piloringnartomik, ĸairĸojijutitit aiparêrĸojijutitillo tâpkungninga nãmakserĸârtinagit. Amen.
(Kattititaujûk pattingmijautillugik)
Lit.
Nâlekab pitsartutilitit saputilitillo!
Nâlekab kênarminut ĸaumaksarlitit saimartilitillo!
Nâlekab kênarminut ĸollangiarlitit ullapirsautiminiglo tunitjivigilitit!
Ill.
Jêsub attingane. Amen.
11. Kivganut illijisiutit.
(Oĸâlajoĸarĸârtillugo ajoĸertuijoĸ nangeriartorpoĸ illijaujuksat sângannut oĸarlunelo:)
Lit.
Tagva mãna aperivapse, Nagliktakka: angilaurapse, kivgartoĸataujomavluse illagêt akkornganne, tussugalloarĸisê, nangmineĸ ubvartaurĸâromavluse ajornipsingnit nãmanginipsingnillo tamainit ĸaut tamât Jêsusib aunganut, taimaglo naglingnermut Jêsusemik kivgartoromavluse illagêt akkornganne merngortorlugase, ĸatangutigijapse idluarĸutiksangannik pinasuarluse oĸausipsingnullo piniarnipsingnullo? Nâlekamut perĸojaunipsingnik piniaromavisê, nangminipsingnik tettiginase, Jêsusemulle kissiane aulataujomavluse tâmnalo ikajortituarijomavlugo? Taimak mãna Gûdib illagêllo sânganne angeromavisê?
Kivg.
Ahaila.
Lit.
Angerivisê, ajoĸertuijersuit ajoĸertuijullo, Nâlekab illilauĸtangit illagêt pairijauniksangannut, ikajoromavlugit pijungnarnipsingnut, nâlegomavlugillo sõrlo Grûdib oĸausingit perĸojingmatta, illusiorĸojaujullo illagêt akkornganne nangmineĸ malligomavlugit malliktautinasuarlugillo inôĸatipsingnût?
Kivg.
Ahaila.
Lit.
Nâlekab saimarsainerminut pitsartutilise, angernise malliklugit piniarungnarĸovluse! Angernisele tamanna illagêt sânganne aulajuititsomavlugo mãna tigulertorniarpapsinga, sôrlo pernojaugapta.
(Illagêt nikkoviput.)
Mel. 70. Ill. Inôvogulle, — perĸojaumagapta Nâlegavulle — oĸautigivlugo. Angerpogut taimaitsomamut tâpsomalo aneringmatigut.
(Taimak tuksiartoĸartillugo ajoĸertuijub kivgat tigulertorpait. Kingorngane tuksiartoĸarpoĸ sulle sêrĸortortunik.)
12. Illuversiutit.
(Kattimajoĸarĸârtillugo kattimavingme viasit ukkoa illangit attortauvut sillame, toĸungajub senniane.)
Mel. 14. a) Piloridlarpotit mãna, piulijaugavit; Jêsub ĸenermattit ila, merngoerserpotit. Mel. 14. b) Nuname inôniptingne inôtigivavut, angerarsimaguptalo pigẽnalârpavut. Mel. —151 a. c) Ilingnut, Jêsusiga, katsungaitiminga, angerarniaruma seningnêrĸovlunga. Mel. 45. d) Jêsusiga — manigortiga, ĸenuvigidlarpagit: ĸilanârvigilagit, angerarĸârnanga! Mel. 151 a. e) Angerarĸarnangale, Jêsub ânianga toĸungalo pivlunga nekoĸsitigivakka. Tauturĸôromavara, pituarigapko; taimak anernangertoĸ toĸotsialerpoĸ Mel. 79. f) Ila soruseĸ igvit; ĸuvianartovingmut aisâdlaleravit, ĸuviagivaptigit, Gûdib ĸitornganginut ĸilangme illauleravit.
(Gûdib perorsêviane.)
Lit.
Nertornarpoĸ makkitjutauvlunelo inôgutaujoĸ! Toĸungalauĸpoĸ, ahâglo inôvoĸ issoĸangitomit issoĸangitomut. Tâpsomunga okpertoĸ, toĸogalloarune, inôjomârpoĸ. Tâmna nertortautsainarle soraingitomik illagêktune utaĸĸijingine najorninganẽtunelo.
Ill.
Issoĸangitomit issoĸangitomut. Amen.
Mel. 83. a) Allaromangimanga, ĸuviasukpoĸ tarniga; tettituarigapko, timima manigortauneĸ illuvermut neksarpâ:* adsigijomârapko. b) Kugvit allarterpait pairivlutalo, merngoerservingmut* illìjaurĸârata; timit sutairtuksat ivjome aglât tatteĸartilerpait, adsigivlugo. Mel. 208. c) Avatit tâpkoa illilavut mãna* merngoerservingmut. Nelliutilerpat, ânanausivlutik Gûb makkitipait. Jêsus, piuliklernikut illuvermẽlauravillo, makkitsomârivut. Mel. 79. d) Time toĸungajotit, merngoerserviksarnut* illilerpaptigit. Nelliutijomârpat, Gûb ikkingit pivlugit ômaĸatigijomârpat. Mel. 14. e) Gûdib perorsêvianut illilerpaptigit;* ânanausivlune timît makkitsomârivoĸ.
Lit.
Nâlegavut Jêsuse Kristuse.
Ill.
nâpkigitigut!
Lit.
Erniarigonivit inuktut,
arvertarnivit nuname
inôtsivit siorniorningita tamaita,
sangẽnivit âniadlarnivillo
tarnivit siadlerningat kapiasungningallo tamât,
aulaumajârtitaunivit toĸomut,
aungmik kitjijârnivit,
ĸellaksortaunivit, anaulertaunivit mitautigijaunivillo,
issaĸajaunivit niaĸôsertaunivillo kakkilautilingnik.
kikiaktortaunivit nachonartub seningajolingmut,
ikkivit hailigit,
aukpit akkitojub,
toĸovit ivlernartub,
tikitsomârnivit uvaptingnut angerarĸojauniptalõnêt ilingnut
Ill.
manigorlitigut, nagliktotit Nâlegaĸ Gûdelo!
Lit.
Inôtsivit âniavillo toĸovillo akkiliutiksarsêninginut tamainut
Ill.
pitsartutitigut, nagliktotit Nâlegaĸ Gûdelo!
Lit.
Merngoersernernut, illuverme,
sâlaĸarlutit makkinernut,
ĸilaliarnernut ânanaudlartomut,
iksivalernernut Gûdib tallerpiata tungâne,
najorneruut nekoĸsinartomut
Ill.
pitsartutitigut, nagliktotit Nâlegaĸ Gûdelo!
Ajortokullôjogut tuksiarvigivaptigit: tussalaungmitigut, nagliktotit Nâlegaĸ Gûdelo!
Lit.
Idluarigangnelo, ĸatangutivut (illavut, soruseĸ) N. N. ĸairĸovlugo issoĸangitomut, tagva tuksiarvigivaptigit: uvaptingniktauĸ ajoĸertuilaurit issumaksarsiornermik toĸojuĸsauniptingnik; anerimanivut aulajuititsuk saimanernut; illagêktunut pijarêrsimajunut tamainut illagêngnermêtsainartitigut issoĸangitomut; sukutsianelo uvaguttauĸ piniarniptingnit merngoersiĸatigêktitigut ikkingne!
Ill.
Tussalaungmitigut, nagliktotit Nâlegaĸ Gûdelo!
Lit.
Nâlekab pitsartutilitit saputilitillo!
Nâlekab kênarminut ĸaumaksarlitit saimartilitillo!
Nâlekab kênarminut ĸollangiarlitit ullapirsautiminiglo tunitjivigilitit!
Ill.
Jêsub attingane. Amen.
Mel. 168. a) Ilingnulle okpernermut ungatsainalaulanga! Timigalo tarnigalo idluarsalaungmigik! Angerarĸolârumgalo nunamêtsungnairĸovlunga, ĸugviorungnairpunga, najornerne ikuma. Mel. 83. b) Mâne ĸugviorpaktut pâne pinarnaromârput, mâne ivjungolertut ânanâmik makkilârput. Oĸumaitullo tagva tamât pêjarpait ôma. Mel. 83. c) Timiga, manigorit, unêt toĸojuksaujotit; Jêsub timigingmattit, ômartitsomârivâtit, tussartaukpat nippinga illuverne tamaine Mel. 164. d) Tamapta âĸiksortigut mâne inôtilluta nakorivlutit õmamut, paunga perĸârtinata kênavit sânganut; timivut, tarnivut ivsornaititautsainarlit, pâne illaurĸârtinata. e) Okpertut illũnatik ĸuviagidlarlitsuk, takpâne sorairata Nâlekamẽlârapta. Mel. 14. f) Kenertiga Jêsusiga, tessiulaungminga! Illautilauruk attera ĸitorngarnut mãna!
13. Litanai Sontagesiut Sorutsinut
(illagêt nikkoviput)
Lit.
Nakorijaule Nâlegaĸ pitsiarnine tattamnartoĸ saĸĸertilaungmago uvamnut,
Ill.
Nâlegak nakorijomavara nelliutunne tamaine, nertortauninga ĸannimnêtsainartuksauvoĸ sorairane.
Lit.
Illagilunga Nâlegak nakorissiuk,
Ill.
Illagêklutalo attinga angijorortilavut!
Mel. —22 a. Nâlegak ikkajortigut, Illitariluarlutit, Tamât illiniarluta Perĸojatit nâleklugit
Lit.
Tuksiarta: Gûde Atâtavut Kilangme, perĸovaptigut opigosurĸovluta illingnik naglingnerme; ikajulauktigut erĸaumarĸovluta iglungnêgapta. Tunitjivigilauktigut ikajortaunermik Anernernut, tuksiarungnarĸovluta Illingnut, nertordlerungnarĸovluta illingnik ômatiptingnut illûnânut, illiniarungnarĸovlutalo illiniartuksauniptingnik Oĸausernit pivianartunit; taimak tuksiarpogut Jêsuse Kristusekut Nâlegaptigut.
Ill.
Amen
Lit.
Gûde oĸalauĸpoĸ oĸautsinik ukkuninga oĸarlunelo: Uvanga Nâlegauvunga Gûdît, sennipkut assimnik Gûdeĸartuksaungilatit.
Inungoarmik adsingoarmiglônêt senajuksaungilatit pivlutit.
Nâlekab Gûdivit attinganik attornerluktuksaungilatit. Uvloĸ sabbateojoĸ erĸaruk, ivlerijaurĸovlugo ilingnut.
Atâtangnik anânangniglo nâlektuksauvotit. Inuartuksaungilatit.
Nulliarêngnermik asseroijuksaungilatit
Tiglihtuksaungilatit
Inôĸatitit saeglutigivlugit oĸartuksaungilatit.
Inôĸativit perĸutingit pijomajuksaungilatit
Ill.
Nâlegak nâpkigitigut, ikajorlutalo ômatiptigut nâlerĸovluta perĸojarnik.
(illaget ingiput)
# (Gudib oĸausingit atuartauvut tuksiarutsiĸarporlo) #
(illagêt nikkoviput)
Lit.
Jêsuse nunamut pivoĸ oĸâlavlune oĸautsinik tussarnertunik Gûdib nalegauvinganik, illiniartingillo ajoĸertolaukpait, oĸarlune:
Piloridlarput aklujut anernerme:
Ill.
Nâlegauvik Kilangmêtoĸ pigileramitsuk
Lit.
Piloridlarput kiksartut;
Ill.
Manigortaujomârmatta
Lit.
Piloridlarput Kenuêtut;
Ill.
Nuna pigileramitsuk
Lit.
Piloridlarput kâktut imeruktullo idluarnermik;
Ill.
Illumertaujomârmatta
Lit.
Piloridlarput nâpkiniktut;
Ill.
Nâpkigijaujomârmatta.
Lit.
Piloridlarput ivjornaitanik ômatilit
Ill.
Gûde takkojomâramitsuk
Lit.
Piloridlarput ullapirsaijut;
Ill.
Gûdib Kitornganginik taijaujomârmatta
Lit.
Piloridlarput unangmijaudlartut idluarneĸ pitjutigilugo;
Ill.
Nâlegauvik Kilangmêtoĸ pigileramitsuk.
Mel. 185 Jêsuse Kristuse Nâlegavut Naglingniktoĸsôgavit, Pissiarigaptigut tamapta Kejungme toĸĸogavit: Omativut pigilaukit mâna Anianivit akkiksangannut Perĸutigilutalo Mâne inôtilluta.
(illagêt ingiput)
Lit.
Tuksiarta:
Ill.
Nâlegak Gûde Atâtavut Kilangme; attît nertortaule; nâlegaunît Kailaule; pijomajat piniartaule nuname sôrlo Kilangme, uvlome piksaptingnik tunitjivigitigut; idluinivut issumagijungnaikit, sôrlo uvagut idluitullivigijivut issumagijungnairvigivaptigik; ôktortaulungnermut pitinata; piulitigullo ajortomit! Nâlegauneĸ pitsartunerlo ânanaunerlo pigigangne issoĸangitomut Amen.
Lit.
Gûde Ivsornaitotit Nâpkigosuktotillo, ajoĸertorlauraptigut Kaĸĸialerupta ômamut tamânut issumagijungnairvigigaptigut Kuviasudlarlutit. Kaĸĸialerpogut mâna kiksartitauvluta piniarlungnivut pivlugit idluarnermiglo piniarlaunginivut pivlugit; ivsornaititigut nangminênarasuarniptingnit issumalungniptingnillo kiksartitsijunik assipta inôsinginik agviartitsijuniglo Nâlegauvivit tikkitsungnarninganik.
Ill.
Piniarnikka kamaginiarpakka, ajornikkalo kiksarutiginiarpakka
Lit.
Gûde, Atâtavut Kilangme, pitsiartotsainartotit uvaptingnut; tunitjivigivaptigut inôtsemik atsuilernermiglo illûnainiglo piojunik Kuviasutigijaptingnik. Erĸaumatitiguttôĸ silaksoaĸ tâmna perĸutigigange, erĸaumavluta nunamêgavittauĸ sôrlo Kilangmêgavit. Senniptingnêgavit pairivluta erĸsijuilaukta kissianele kiksartikuptigit assivullo aĸsârlugit inôtsib Kuvianarninginik.
Ill.
Ajorĸertorlaunga apĸutingnik, Nâlegak: arvertarungnarĸovlunga mikseĸârnerne
Lit.
Nâlegaĸ, Aulatsijotit sillaksoarmik, Anernit kovilauruktôĸ inungnut illûnainut, inôĸattigêksuit inôĸattigêgungnarĸovlugit ullapirsaume nâlegauvivit perĸojangit malliklugit. Kennuvigivaptigit nunaĸotivut saimalauruk, attanivut inuĸotingillo saimalaukit, tamaita aulatsijut kivgartortullo. Nâlegauvingmioĸattivullo pitsartutikit maksuatikillo arvertarĸovlugit nâlengnarnerme, naglitilauktigut ullipirsautib ivsornainerublo apĸutinginik
Ill.
Apĸosinît illitarititaulit nuname, nellojullo akkorngane piuliklernît.
Lit.
Gûde, Piuliklerteojotit illûnainik tetteĸartunik illingnut; tuksiarpogut Kristusib illagêktoĸotingit sillaksoarme illûnâne pivlugit. Ilumalaukit Anernernut angijororungnarĸovlugit okpernerme naglingnermelo saĸĸêrĸovluta iduarnerub paunganginik nâlegauvivit nertortauninganut inuit akkorngane.
Ill.
Ajokertortigut kivgartorĸovluta, Nâlegaĸ, illingnik idluarnitit malliklugit, tunitjivluta issumaksarsiorlugata kivgartornipta akkinga pivlugo, sorsutsiarĸovlutalo erĸsilugata, sullitsiarĸovlutalo merngoêrnersiorlugata akkiliksarsiorlugata kissianele Kaujimatitauvluta piniarapta pijomajarnik. Amen
Lit.
Nâlegaĸ Gûde, Kairĸojileraiguvit kivgarnik ôktorĸovlugit angijoĸsoarnik, Kaujimatitiguttôĸ nertortaunersigapta pigiarnermu-ungitoĸ, pijarêrsimanermulle, Tâpsomuna pijarêrsimajokut piniartauĸojangnik tunitjivlune inôserminik, Piuliklertivut Jesuse Kristuse. Amen.
(Oĸâlaneĸ)
Lit.
Tuksiarta Kujagivaptigit, Nâlegak, inôtsib saimartitsininginut tamainut; atsuilinermut, nukkeĸarnermullo, Ahaila Kujagivaptigit Kuviasungnermut illanâĸarnikkut, kivgartornermullo. Kujagivaptigit sillaksub ânanauninganut, angajoĸâllo naglingninganut, naglingernullo nellonaijartaujunut uvaptingnut sorusiôtiluta. Ikajulauktiguttôĸ akkiniarĸovluta akkiliksapta illanginik ikajorluta inuĸatiptingnik pijariaĸartnigine; Jêsuse Kristuse pivlugo. Amen
Gûde, perĸojilauktotit nâlerĸovluta angajoĸâptingnik, ernikkullo, Piulijivut, saimartitsilauktotit angerarvit inôsingannik, Kennuvigivaptigit nagligijavut illavullo illunaita sapputilaukit; illa sapputilaukit nangianartunit timekut tarnekullo, ikajorlauktigullo piniarĸovluta piniaraksaptingnik taipkununga; attausiotitigullo nagliktigêngnerme opigosungnermelo illing- * Amen
Nagliktotit nâpkigosuktotillo Atâta, saimanikkut Kittorngaulertitauvogut illingnut, tunitjivigivlutalo sulliaksaptingnik kivgartoromarĸovluta illingnik inuĸatiptingniglo; tunitjivigitigut ômatinik nagligosuktunik inoĸattigêgungnarĸovluta ullapirsaume nellâgortome, nagliktigêngnermelo attausionermelo Kuviagijangnut, Jêsuse Kristuse Nâeegavut pivlugo. Amen
Atâtaujotit illunainut, atsuiliniptingne Kuviasungniptingnelo inuit illûnaita siorniortut kiksartullo erĸaumavavut. Tuksiarvigivaptigit sorutsit Kanimajut pivlugit, sorutsillo peĸangitut angajoĸât naglingninganik, inuillo illunaita oĸumaineĸartut pivlugit. Pitsiartoĸsônerne mannigukkit ikajorlugillo Kaujimatsiarnernut Jêsuse Kristuse Nâlegavut pivlugo Amen
Lit.
(uvlârmut) Ikajulauktigut, Gûde, uvlome piniatsiarĸovluta piniaraksaptingnik Kuviasungnerme katsungainGermelo ômatiptigut. Ikajulauktigut piniarĸovluta idluarnermik erĸsilugata sunamiglônêt. Soĸĸosijuititiguttôĸ nangminênarasuarlugatalo pitsartutitigut; tikkititaulaukta uvlub nâninganut kangusulugata ullapirsauteĸarlutale issumaptigut; Jêsuse Kristusekut, Nâlegaptigut. Amen
(unnungmut) Tunitjivigilauktigut, Kristuse, ullapirsautingnik unnuarme tamattomane, sapputilutalo uvlâb nuininga. tikidlugo Taipsomanelo tunitjiviolaukta nukkemik timiptingnut, pitsartunermiglo anernikkut, nâletsiarungnarĸovluta nellâgut illingnik. attît pivlugo Amen.
Ill. Gûde niaĸumnêlaurit tukkisinimnelo; Gûde ijimnêlaurit takkonimnelo; Gûde Kanimnêlaurit oĸarnimnelo; Gûde ômatimnêlaurit issumaksarsiornimnelo; Gûde nângmimnêlaurit; aularnimnelo.
14. Kommunione Hailige
Lit.
Piulijivut oĸarpoĸ, Kaititse uvamnut tamapse ajúlertose kappiasuktoselo naĸoĸsititsom avapse. Nangmautara illipsingnut pisiuk illiniarvigivlungalo; Kenuenama piojorijuilarmelo ômatimne; tagva merngoerserviksarsiniarpose tarnipsingnut Nangmautara idluarmat nangmagaralo oĸipoĸ. Uvanga Kaĸĸojauvunga inogutilik. Uvamnut Kaijoĸ kângniarungnairpoĸ; uvamnullo okpertoĸ imerosungniarungnairpoĸ
Nellopĸotimarigalloarapta Kaivogut sângnut ômunga tetteĸarluta idluarniptingnik-ungitoĸ nâpkigosungnernulle angijoksoarmik. Igville Nâlegauvotit taimaitomik, nâpkigitsainartomik. Ikajulauĸ-tigut, Nâlegak saimarsaijoĸ, nerrirĸovluta Kaĸĸojamik ominga imerĸovlutalo ermgusearsungmit ômangat ivsornaitaurĸovluta illagêngniptigut illingnut ajorniptingnit, inôtsainarĸovlutalo illingne igvillo uvapingnêtsainarĸovlutit.
Amen.
Tuĸsiarneĸ
Nâlegaĸ Jêsuse Kristuse, nertorpaptigit Kujagivlutillo inungorlauravit toĸĸovlutillo Kejungme Senningajolingme piulijauniptingnut; Taipsomanelo tunilauravit tunnergutiksatut Oĸautsine Hailigine illijilauravit Kommunionemik erĸaumatsainarĸovluta toĸĸungnik pivianartomik Tamanna pivlugo erĸaumavisiorpogut nerrimâraksangnik kingorlermik illiniartivit akkorngane, Erĸaumavlutalo piniarnernik siorniornerniglo toĸĸungniglo, makkinerniglo toĸĸungajunit Kilaliarnerniglo, uvagut kivgatit erĸaumaviksiorpogut toĸĸungnik pijomajat malliklugo; Kujagivaptigillo nellopĸotilunginasugigaptigut nangerĸovluta sângnut.
Nikkanarsârluta Kennuvigivaptigit saimartitaurĸovluta Anernernut Ajungnermut Omartitsijomut illijitiluta tunnergutinik ukkuninga Kaĸĸojamik wainemiglo una ikajorungnarĸovlugo taimatauĸ Taimak uvagut illagêktoĸotingillo illûnaita illaliorluta timingnik aungniglo okpernikkut taĸuaksarsijungnarapta tarnipta angijorortitauningannut saimanerme.
Tamanelo tunitjivogut illingnut, Nâlegak, nangminiptingnik, timiptingnik tarniptingniglo tunergutiksatut ivjornaitotut ômajotut Kennuvigivlutit uvagut illûnata Kommunionesiortogut illumajaurĸovluta saimanernut Kilaublo ullapirsautinganut.
Nellopĸotigalloaraptalo, idluitulliĸartarniptigut, tunitjigapta tunnergutiksanik, sullele Kennuvigivaptigit illaliorlauktiguttôĸ kivgartorniptingniglo ôktorlugatit nellopĸotmaringimangâpta, issumagijungnairvigivlutale ajorniptingnit. Illagêngneĸarlutalo Soĸĸosijuitunut nunamêtunut Kilangmêtullo tuksiarvigivaptigit uvagut inuillo illûnaita piulilauktiguttôĸ, Illingnullo Atâtanullo Anernernullo Ajunginernut nertortauleĸarle nakorijauneĸarlelo issoĸangitomut Amen.
Nâlegapta Jêsunuarme taipsomane, pititaugame, Kaĸĸojaĸ tiguvâ Kujalivlunelo avgorpâ, illiniartiminullo tunivâ oĸarllunelo, “Tigulugo nerrisiuk tagva timiga tunijauniartoĸ pivluse; taimailioritse erĸaumajauniksamnut
***
Nerrisiuk, tagva Nâlegapta Jêsusib Kristusib timinga toĸĸomut tunijaumajoĸ pivluta
***
Taimaktauĸ ermgusiarsuk tigugivâ nerrijarêramik Kujalivlunelo tapkonunga tamna tunivâ, oĸarlunelo “Illûnase tagvangat imeritse, tagva auga, testamentitâb aunga, kovijauniartoĸ illipse pivluse, unuktullo pivlugit ajornerit issumagijaujungnairutiksanginut. Taimailioritse imerlerangapsiuk erĸaumajauniksamnut.
***
Imerisiuk tagva Nâlegapta Jêsusib Kristusib aunga kovijaumajoĸ pivluta, Kujalivluselo
***
Nâlekab pitsartutilitit saputilitillo
Nâlekab kênarminut Kaumaksarlittit saimartilitillo
Nâlekab kênarminut Kollangiarlittit
ullapirsautiminiglo tunitsivigilittit.
Jêsusib attingane Amen.