Aipaingit.

Mel. 459. Ill. 1. Kuvê, opigosulerta, Jêsumut tikitaugapta, Atâtab tallerpianit Erningat tikingmattigut! Jâremik saimanartomik ĸaitsingmat, ĸujagilavut: Nakorijaule Gûd, Jehova Zebaot!

Mel. 151 g. Ill. 2. Kanorle pijuksauvîk illaliorlutit, erdligijatuara, tikidlaleravit? Tarnima tuksiarmut nakoridlarlitit; ungagitsainarlagit uvlut nungulugit.

Mel. 22 b. Ill. 3. Kuvê inugasaksuit, Nâlekab tikilerpagit! Omatingit illũnaita nachogingilait tâpsoma. 4. Illũnaita takunârpait, kênarminut ĸaumarlugit. Nertudlarlavut õmamut Nâlegavut, Attanivut!

Mel. 184 a. Ill. 5. Okpertose tamapse, mãna ĸuviasudlaleritse, Gûdipta angijomik illa piniarvigingmattigut! Illâle ĸuvianadlarmêk, ĸatangutigigaptigo Kristus, agvairtoĸ kiksarnartunik, ĸaumaksaijoĸ tarniptingnik. Mel. 459. 6. Upkoat angmalersigik, attanivut tikilermat, ajugaujoĸ sâlaĸartoĸ, tamainik piuliklertoĸ, ĸaitsivlune inôtsemik. Illũnase nertorsiuk: Nakorijaule Gûd, Jehova Zebaot.

Mel. 22 b. Ill. 7. Kappianarmêk inuit nachutsainartut illingnik kamangimut Jêsusemik, Gûb ningarijaksaringmagit. 8. Uvlome illalioruk, õmatit tunilerlugo, iterĸovlugo illiugnut nekoĸsijaujutiksarnut! Mel. 459. 9. Kailaurit, piulijiga, õmatiga angmarpara! Kaumaksarlunga ĸailaurit uvamnut, iterviginga! Tessiungalo tamaine atoriaĸarpaktamne! Kuvê, tikigamga, Gûde Nâlegara. Mel. 230. 10. Nertordlerutiksat pângat uvaptingnut illagivâtit, Gûdib inûblo erninga. Uviniĸatigivluta aungnut piulijomavluta pângat aĸarpotit maunga. Kait, ĸatangutivut! Attê, pigitigut! Halleluja! — Halleluja! Nagliktivut, nakoritsainarlaptigit.

Mel. —235. Ill. 1. Passijaksaungitotit Gûdib saugârsunga, ĸilak ĸemakangne inôlerlutillo, Kerubillo Serafillo okpertut illagivlugit nakoridlarpâtit imâk: Nertortaule Gûb sauganga! Amen.

Mel. 22 b. Ill. 2. Uvlome illalioruk, õmatit tunilerlugo, iterĸovlugo illingnut nekoĸsijaujutiksarnut. Mel. 11 d. 3. Kujagivagit tagva, piulijartoramga! Omatiga illingnut iniksautilauruktôĸ! 4. Inôgutetôgavit, amma tikileruvit, ajorungnairlungalo pagrearlagit tagva!

Mel. 22 b. Ill. 5. Tikkerĸârame nunamut, sinaungajuidlalauĸpoĸ. Tikkingmikpat, okpingitunut kappianadlaromârpoĸ.

Mel. 22 a. Ill. 6. Kristub aunga idluartoĸ õmatimne pigigupko, Gûb sânganẽniarpunga, ĸilaugmut pijomâruma. Mel. 151 g. 7. Okpingitut pêrlugit tikidlaromârpoĸ, okpertut saimarlugit, ungagidlarmatsuk. Jêsuse, ĸailaurittôĸ! Aitilaungmitigut illingnut takpaungale ĸuviasugvingmut!

Mel. 119. Ill. 8. Kaumajoĸ, — kaumajoĸ mãna saĸĸijâlerpoĸ. Hallelujâleritsetôĸ! Kaumajub ĸitorngangit, Engelit illagivlugit, Jêsus nipliavigisiuk! Kaumajoĸ, — ĸaumajoĸ.

Mel. 83. Ill. 9. Kajungidlalerpunga Jêsus takojomavlugo, taimaktauĸ ĸilangmiut nangiarungnaimariktut illaginiarlugit nertoromadlarpara. Mel 58. 10. Anerneĸ illagêllo oĸarput: Kailaurit, Nâlegaĸ Jêsuse! Tussartut oĸarlit: attê ĸailaurit! Nerriugivaptigit tamapta; ĸait, ĸailaurit! Mel. 184 a. 11. Kuvianaĸ, allianarmêk! Kaumaneĸ ussornadlartoĸ! Kilait illũnatik seĸĸiningat ĸaumaksaromârpattigut, piguptigo imgerusertâĸ, Gûd takuksaulertillugo, nertoruptigolo saugârsuk toĸotaulauĸtoĸ pivluta.

Mel. 22 b. Ill. 1. Gûde, nakorivaptigit, ĸujalimut nertorlutit, Ernît nagligosungnermut tunigangne uvaptingnut. 2. Jêsuse, ĸatangutivit ĸuviagivât tikinît. Gûb pinginik ĸaitsigavit takpângat salutipâtit. Mel. 172. 3. Nutaraĸ nelleĸangitoĸ nunaptingne saĸĸertoĸ! Kinauvâ tâmna aklujoĸ? Okoĸsê, Nâlegauvoĸ! Tâmnale opigidlarpât Engelit kênatigle mattuvlugit. Nâlegaviksôjorlo ĸaumajome, Gûdib ânanauningane. Mel. 61. 4. Sulle Engeligasaksuit imgerutingit akkimuksidlarput ĸilangmelo nunamelo. Jêsusible — illannâĸadlarlune tikipait ĸatangutine. Mel. 172. 5. Sillaĸsoaĸ pingortipâ. Oĸarmat: saĸĸijârle! ĸilaglo nunalo tagva saĸĸijâtainarpugle. Okoĸsê, maunga kiksarnartovingmut tâmna aĸarpoĸ ĸilangmit. Tattamnaĸ! Gûb erningata ajortut ĸatangutigidlarmagit. Mel. 61. 6. Kamatitse, piulijipse nellipsarmasse, ajortoerutivluse nekoĸsitipâse; inôtsemik — tarnit ajortoĸsuit illangiutitilerpait. Mel. 132 d. 7. Taimak inûb ĸitornganga ivlerijaksaurĸôrĸâ, Gûb taimak erdligingmago, inôĸatigivluta? Nâpkigosumut aĸarpoĸ pângat kattaksimajunut, piulijaurĸovluta. Mel. 61. 8. Asserorsaijomut ĸellaĸsorsimalauĸtose, ĸanimadlartose, ajortub kivgaringmasse, tussaritse — tussarnidlartomigle: Jêsusib piulivâse. Mel. 172. 9. Tussartaule illũnâne, erniangojoĸarmat nutaramik, Gûb ernine inungnut tuningmago. „Tattamnadlartomik kajusijomik, Gûmik pitsartudlartomik, ullapirsaijomik Nâlegavingmik, Atâtamik“ atteĸarpoĸ. Mel. 61. 10. Ullapirsauteĸarlit okpertut nellâgôrtut, nâpkigosuktomik sungertutituaĸartut! Jêsusivut, — ĸellujigigaptigit, sivorajuksaungitogut. Mel. 132 d. 11. Attê, illũnânemiut Jêsus opigilitsuk! Serafit illagivlugit okpertut nertorlitsuk! Gûde nakorijaudlarle inuillo nunamẽtut ullapirsauteĸarlit!

Mel. 132 d. Kor. 1. Pakkoa nakoridlarpât Engelit pitsartujut, mãne ĸujagidlarivât okpertut nunamẽtut. Ill. Tamapta nakorilavut! anernigillo inôjut attinga nertorlitsuk!

Mel. 151 g. Kor. 2. Nerchevik najorsiuk, Gûb erninga tagva ullernaigidlarsiuk itsaĸ oĸautaujoĸ! Ill. Erniangojoĸ mãna Engelit nertorpât. Assiojuksaujogut ĸuviasulerta! Kor. 3. Jêsus piulijise ĸenidlarĸisiûk? Tamânẽpoĸ pivluse Jêsus nutarârsuk. Ill. Tâmna nakorilavut opigosukluta; piulingmagit kattaktut, ĸuviasulerta!

Mel. 50. Ill. 4. Opinarpoĸ uvloĸ tâmna, piulijaumagapta! Gûdib illagivâtigut, attingmago uvinivut. Halleluja!

Mel. 50. Ill. 5. Kuviasuĸatigitigut, Engelit ĸilangmiut, Nâlegase Jêsuse Krist ĸatangutigigaptigo! Halleluja!

Mel. 50. Ill. 6. Gûb Mariablo erninga, nertutsainalaptigit! Katangutivut, kissivit nâlegarijomavaptigit. Halleluja!

Mel. 83. Ill. 7. Manigorvigilavut, Jêsusib ĸatangutime aklunerpângallõnêt nachogingimago mãna; inôlertub adsine inungne nutautipâ. Mel. 185. Kor. 8. Mikseĸârnerub tussarnidlartub kiblikpâ õmatiga. Ill. Gûde pivlunga inôlilaungmat toĸomut ailunelo, illuga onarsititaulerpoĸ, inûlijaudlarama nutâmik; anernera, tarniga opigosuktitauvuk. Mel. 167 g. 9. Atâtâk, ernît tunigangne, nakoridlarpaptigit. Jêsuse, tikinaptigut, ĸujagidlarpaptigit. Gûdivut, saimarsainernut tessiutsainartigut, anernivit ĸaumarningat takpaungartilitigut!

Mel. 14 b. Kor. 1. Uvloĸsiuĸatigêkta inûlervianik, Nâlekab ânanauningat nuilervianik. Mel. 172. Ang. 2. Jêsus, salutitaulerit inungorsimanerne! Arn. Nutaraĸ, salutitaugit, illagileraptigut! Ill. Ullapirsaumik ĸaitsilertotit, ĸait! inuĸotitit saimakkit! tussunivut nãmaksitidlalaukkit! Kait, salutidlarpaptigit.

Mel. 39. Ill. 3. Illalioromavaptigit õmamut. Omativut illingnut onarsidlarput; tiglerningallo nakorẽnadlarlitit, anerterinipta nertutsainarlitit! Mel. 230. 4. Nippe ĸuvianadlartoĸ uvlome illa tussartaule: Oĸauseĸ uviniovoĸ. Ang. Nuivingmit nippivingmut inôĸatigêne tamaine Arn. nertordlertoĸarle imâk: Ill. Imânuel tagga! Hallelujârsiuk! Saimnine — ĸailermago illũnainut, — ĸuviasûtigilavut!

Mel. 168. Kor. 5. Tussarnertunut nippinut tuksiatsainalerta: nergjutit nerchevianne Gûde inangalaungmat. Ill. Opinadlartoĸ tamanna erĸaumajautsiarĸovlugo, niplertoĸatsainarle: Ahâk, nutaraĸ una! Mel. 520. 6. Jêsus nutaraĸ nerchevingmẽtotit, ĸilaub ânanauningit iperalerĸigît? Ang. Niaĸôtemik pâne ĸemailauĸêt? Piloringniksavullo nikanautigiviûk? Ill. Nertortaudlartub Engelinut sânganut sêrĸortorivogut. Kênavut pulugit pâmangavigilavut ĸujagidlarlugo.

Mel. 215. Arn. 7. Serafit aĸarput pângat ânanauvaksôvlutik. Ang. „Gûd saĸĸerpoĸ uviningme“ nertordleruteĸarput. Kor. Kilak angmartitaumangmat, nertordlerĸatigêgitse, ĸuviagidlarsiuk! Oĸauseĸ issoĸangitoĸ uviniovoĸ pivluse, piloriktilerluse. Mel. 22 b. Ill. 8. Kuviagijomavavut nutarâĸ Gûde aĸartoĸ, ullapirsaumik ĸaitsingmat piloriktingmatigullo.

Mel. 225. Kor. 1. Nâlegaĸ — nertornaĸ Tamapse nertorsiuk! Pitoĸaĸ itsungnairmat nutaunerlo pimangmat, nutânik issumaggit imgerlutiglo pilit! Nertornautâ attorlugo illũnatik pitsainarlit illũnâne inôjut! Mel. 132 a. Ill. 2. „Angerautjauniarnivut ĸaninersauvoĸ amma!“ Kuvê! Anigusârmatta uvluvut, ârlorpogut: Igvit inôgutaujotit, saimanelijadlartotit, ĸillanârivaptigit. Mel. 151 g. Kor. 3. Gûmik saimarsaijomik tettetuaĸartoĸ ungamullo nâlektoĸ, tâmna pilorikpoĸ; nangmineridlarlugo nekoĸsinarnerpâĸ. Tarninga sâlaungilaĸ kapianartunut.

Mel. 84. Arn. 4. Gûde, saimartilaukkit anninivut iternivut! Ang. Nerĸiksavut saimakkit saimakkillo sullinivut! Ill. Toĸomullo pijaukupta, angerartitigut paunga!

Mel. 97. Ill. 5. Tamânêrĸojomagamga, ilingnik kivgartorlunga, ajaupiarilaulagit! Uvluksakka kittinangne, arvertarnera aulatilauruk, idluarijarnut perĸovlunga. Mel. 83. Ang. 6. Jêsusib attingane uvluksavut nâmalavut! Arn. Jêsus aiparivlugo sutaitsiarniarpogut. Ill. Saimaningata illa inuk piloriktipâ.

Mel. 146. Ill. 7. „Imânuel tagga!“ taimak ĸaiblartigêkta, jâre nutâĸ amma attulermigaptigo! Manigornadlarmêk! imaimat: Gûdipta illagivâtigut. „Imânuel tagga!“ Mel. 14. Kor. 8. Jêsusible attingane piniartuksauvogut; aungminut inuĸotine pairilaungmiligit!

Mel. 79. Ill. 9. Kenuvogut õmamut: Gûde, saĸĸertilaungmît illagêngniptingne! Perĸojarnik tamainik nâlektilaungmitigut; ivsornaitilaungmitigut!

Mel. 106. Ill. 10. Jêsub attingane uvlome nutâmik pigiarpunga. Nertornartôngmat, tâpsomunga okpernikut ungavunga, Jêsub attinga kissiat pilorigutigivara. Mel. 9. 11. Amen Hallelujale! Jêsusib attinga nakorijaule mâne pânelo ĸilangme!

Mel. 22 f. Ill. 1. Najortigut, Jêsusivut! Anernît tillilauruktôĸ! Oma tessiorlitigut apĸutiksame illingnut!

Mel. —519. 2. Hailig Nâlegaĸ Gûd! Pitsartudlartoĸ Gûd! Saimarsaijoĸ piulijivut! Nâksaungitoĸ Gûd, sapkutsitailititigut toĸovit ĸaitanginik! Nâpkigitigut!

Mel. 106. Ill. 3. Kanoĸtôĸ inuit attunit õmamiutarilitsuk, ĸanoĸ ogguanarmat, sulle uvlome torângimatsuk; Jêsub pissiaringmagit aungminut, kôngmat pivlugit. Mel. 132 l. Kor. 4. Nellojose illũnase, Nâlegaĸ nertorsiuk! Inôjose illũnase, Gûde nakorisiuk! illipse aneringmasse, illipse nâpkigingmasse Jêsuse Kristusekut. Mel. 221. Ill. 5. Gûb ânanauninga saĸĸijârtitauvoĸ nunamẽtunut tamainut; kivgartoĸatigêt Gûdib sânganẽtut mallikpât ĸuviasumut; nellojunut sunatuinarnut aivlutik oĸâlavigidlarpait, Gûdib sangẽtut pitsartutidlarmagit, Jêsumik nellojut kigligiutivait.

Mel. 225. Ill. 6. Gûdivut Jehova imgerutigisiuk! Taimaitsungnartoselo, aunga âniangillo inungnut illũnainut sorairase taisigik! Nellojullo illũnaita angijomik ĸairĸungmagit, nellojungnairtisigik!

Mel. 95. Ill. 7. Aggane putoggit Jêsub sorairane tamartunut issakpait illũnainut. Nellojut sunatuinait piulijaujomadlartut aitipait iglominut.

Mel. 22 b. Ill. 8. Illagêt pigialerput, unuktulle tâĸsiorput sulle; ĸaumaksalaungmikit tamaita, ĸaumaksaigavit.

Mel. 107. 9. Illũnatik tussartitaulit, piulijaumaringmatta, oĸautsinik illaliortut Gûmut inuĸutaungmatta, illâle angervigingmagit, ĸitorngarijomadlarlugit.

Mel. 121. Ill. 10. Mãna nagliktavut illavut taunane Jêsusib Kristusib ullapirsautâne salutidlarpavut. Jêsub tamapse takunârlise, — takunârlise! Mel. 205. 11. Amen illa, — Halleluja! Jêsus Nâlegaviksôjoĸ õmamut — nertorlavut, tamaita piulingmagit! Gûb inuĸotingita ĸaujijatuarivât, pitsartutitigivât, nertordlerutigivât. Mel. 22 f. 12. Pakkoa illagivlugit takpâne nertoruptigit, taututsainalerpaptigit ĸuviagitsainarlutit.

Mel. 152. Kor. 1. Jêsusib ânianga, aulaumajârninga mãna ĸemergolavut illa nertorlugo! Erĸaumatsialauĸta piniarninginik, toĸolerĸârtinago piulilerluta! Mel. 151 a. Ill. 2. Aiparijomavagit Getsemanemelo pivlunga kiksarlutit tautuĸôlerpagit, ĸanoĸ tagvane timît merngortortoĸ pâmangmat, aungmik kiagukavit ullapirsautimnut.

Mel. 14. Ill. 3. Tautualo takominaĸ tarningat ânia, aulaumajârtitauvlune sêrĸortulaungmalle. Mel. 184 b. 4. Illungertudlartoĸ toĸomut, illuengartoĸ âniaĸ, Engelit iliangata tikitub nekoĸsitipâ takpângat. „Ermgusiarsuk ânialik, ajornangipat, pêrlugo“ atâtaminut tuksiartub kiblikpânga, tussarapko. Mel. 99 b. Kor. 5. Jêsusiga tautukapkit perorsêvingme âniatit, õmatipkut kibliktauvunga, toĸomut aglât tarnikut siornioravit pivlunga. Kanoĸtôĸ mãna pigilaunga! Mel. 124. Ill. 6. Omatimne toĸonit najorlago tamât siorniornit, ĸaut tamâllo missigilakka, aungnut âĸiklunga, toĸotigigamga, Mel. —151a. Kor. 7. Aungmik kiagungningat, tarniblo kiksartub ĸaujitipânga illa, ôma naglingmanga. Mel. 146. Ill. 8. Kujagidlarpara, kibliktaudlalerpunga, tautukapko illa ĸeadlartoĸ pivlunga orĸsub ĸaĸĸangane, allaromairpara, inôtillungale ungagẽnarpara. Mel. 243. Kor. 9. Jêsuse aulik, erĸitsomavagit, aggut kutersuit immerlugit, pivlunga igvit aunârtôgavit :,: 10. Kiaptiĸarnit aullo kussilerle tarnivullo saimarlugit mãna. ubvarlugit õmativut, ubvakit aungnut kovimajomut. Mel. 240. Ill. 11. Pingortitigale, nertorpagit mãna, aungnut piuligamga. Pissiarivlunga toĸotigigamga, ĸujagidlarpagit. Kikiaktornernik taimaktauĸ ikkingnik erĸaitsainarlanga inôtillunga, nagligidlaramga. Mel. 79. 12. Aungmik ĸugvioravit, annersadlarmigavit âniadlarlutit, aijomârpat tarniga aggangnut, Jêsusiga, angerarviksara pikpat.

Mel. 124. Ill. 1. Amma takunâlaunga perorsêvingmit! Tagvunga tautukama, taimaitunik pijoĸalautsengilaĸ, inukulluk piulivlugole. Mel. 152. Kor. 2. Kristus piulijivut ajortoĸangitoĸ unuarme tiguvât sôrlo inuartoĸ. Inuit sullinatik tâmna passidlarpât, mittautikumavlugo kikiaktortaurĸovât. Mel. —79. Ill. 3. Toĸotaujoĸ ĸejungme âniadlartauvlune Gûde Nâlegaujotuaĸ. Mel. 36. Kor. 4. Nagliktoĸ Jêsuse, sumik pilauĸêt, taimak pidlaraksangortilaungmattit? Illa sôg toĸotaksangortillutit passilauĸpatît? Mel. —151a. Ill. 5. Ajornipta sunaubva âtipât Gûdivut nellojut agganginut, erĸartuivingmut. Attorpait ânernartut attorajartavut. Mel. 168. 6. Annaujaujomalauĸpotit âniatailivlunga, passijaujomalauĸpotit passijautailivlunga, ominartitaulauĸpotit ominarungnairtillunga, illa opigivlutit, Jêsus, ĸujagivagit. Mel. 216. Kor. 7. Saugârsuk nangmalerame sillaĸsûb inungita ajorninginik, tarnikut siorniorutigivait; nukingerutijauvlune pivluta toĸotaugame inôseĸ tunivlugo; mittautigijaudlartorlo kikiaktormatsuk, oĸarpoĸ: „âniajomavunga“. Mel. —165. Ill. 8. Pivluta pititauvoĸ ajortut agganginut, ajornivullo tamaita âniajutigivait ôma.

Mel. 36. Ill. 9. Naglingningnit tukisijomavlugo ajorpunga illa. Kanorlo, Jêsus, akkilêvigivlutit pijuksauvîk piniarnipkut? Mel. 216. 10. Naglingnit uvlut unuat imgerutigivara, tunivunga tamainigle illingnut illũnarma; õmatima opigomut ĸujalimut nakorimut nertutsainadlarlitit! Ajungivigẽnaramga, õmatimnut nênerpara, puigorungnairlagit!

Mel. 165. Ill. 1. Aniavinginut tamainut, tarnîgle, aipariuk; tamât siorniorninga õmamut erĸariuk; niaĸôsertauninga, mittautigijauninga, tamaita ikkingit auggit inôvituarilikkit!

Mel. 124. Ill. 2. Takolaulanga, ĸanoĸ omigijivit âniatilaungmattit, Jêsusiga, mittautigidlarlutit angijomik, niaĸôserlutit. Mel. 185. 3. Pivlunga taimak tigluktaulauĸpoĸ, oĸautaujungnangimat; õmatiga ônarsidlalerpoĸ, tauturĸôjarangapko. Ahâgle ĸollêngata killingit! Takosiuk ĸaunga ônadlartoĸ! Niaĸub âniangata kiblikpâ illũnara. Mel. 151 a. Kor. 4. Niaĸoĸ ikkilẽnaĸ mittautigijaujoĸ, niaĸôsertaumajoĸ kakkilautilingnik! Gûb ânanâuningane takuksaurĸâlautoĸ, mãnale ĸataktitoĸ, opigidlarpagit. Mel. —168. Ill. 5. Anertaujoĸ illũnane ungagijaksaringilagit? Aukak, erdligilagit takunâtsainarlutit. Ang. 6. Tussarnertunut nippinut tuksiaritse imâk, Arn. tailugolo sorairase: Ahâgle, inuk una! Ill. Sumigle pilauĸtoĸ una? Ullernaigituarapko, âniaĸ tautuklugo sorairniangilanga. Mel. 79 b. Kor. 7. Nachonartitaudlartoĸ mittautigijaujorlo ungagidlarpara; aunârtitaĸ kênanga kakkilautiâlungnut opigijomadlarpara. Mel. 149. Ill. 8. Kanoĸtôĸ, Jêsusiga, nagligẽnarlagit, nâksaungitomut illa ĸêmitigivlutit; Kor. assingnik — illale kângnangale mâne missigilagittôĸ! Ill. 9. Aniajungnairpunga, Jêsus âniangmat, pidlartaujungnairpunga, Jêsus pidlartaungmat; ajorneĸ — toĸolo sâlagijaudlarpuk Jêsusib aunganut. Mel. —151a. 10. Opigidlarlagillo, sujungaitinamga; ajutsainaramale, ikkingnut pairinga!

Mel. 151 a. Ill. 1. Aiparijomavagit Golgatamut mãna; takolago pivlunga mâne pijaulernit. Arn. Tussunermut õmame malligomavagit; Ang. ijîkka ĸugviorpuk, erdligidlarapkit.

Mel. 184 b. Ang. 2. Erĸsuklugo senningajolik aivoĸ mãna kiksarlune, Arn. õmame ikpigijarêrpoĸ âniajuksaunerminik. Ill. Taimak ĸannilâlaurapkolo tikilunga Golgatamut tautugvimnut nivingartamik, tagva illuga ĸeavoĸ. Mel. 126. 3. Mâne igloliorta! tagga tussunera, tautuinarlugolo ânanaugijara. Illannâma toĸunganut illuma issumangit torâtsainarlittôĸ! Mel. —151a. Kor. 4. Timâ tautulersiuk nukkingertaumajoĸ, kikiaktulermatsuk senningajolingmut. Mel. 167. Arn. 5. Naglingnit asseĸangitoĸ opigijomavara, Ang. passijaujutiksaĸarnak pivlunga toĸogavit. Ill. Tukkisitsiarlangatôĸ naglingningnersoarnik õmatipkut, Jêsus, tagva inûlijaudlarpunga. Mel. 184 a. 6. Omatipkut manigorpunga, Gûd, âniat tautukupko. Illuma ĸuviasutinga imaipoĸ: ĸorlorvigigungne aungnut õmatiga, Jêsuse, kiagukpit kiblikpanga, okpernermut erĸilerupkit, tautuvillo saimarpanga. Mel. 185. Kor. 7. Kujanaĸ nagliktivut Jêsuse; akkisartoraptigut âniarnut kappianartunut, opigidlarpaptigit; mãna tautungigalloarpaptigit ungagẽnaromavaptigille. tagva aivigivlutit tautugomârpaptigit. Mel. 79. Ill. 8. Allagaigilauĸpakka erĸaumajaujungnartut tamaita tarnipkut, kibliktaulaunguangale tikilerĸârtinanga Golgatamut. Opinarmêk!

Mel. 79. Kor. I. 1. Illagêktut okoĸse! takujartulersiuk inôtigijase! Kor. II. Toĸotaujoĸ ĸejungme âniadlartauvlune Gûde Nâlegaujotuaĸ. Kor. I. 2. Nautsertutsiarsiuk timinga aunâdlartoĸ ikkilertaudlartoĸ; Kor. II. õmamigut âniamut, serleĸititaulimut angijomik annersârtoĸ. Mel. 82. Ill. 3. Pinarnadlartotôjoĸ illa piulijivut tautukaptigo sajuktoĸ, kapiasumut ĸeajoĸ aunârtorlo toĸomut pivluta naglingnermut. 4. Illa taimaitsainarpoĸ, ajortut serridlarput, piuliklerteĸaramik toĸolauĸtomik pivlugit, pinaridlatsainarpât kikiaktorsimajoĸ. Mel. 185. 5. Toĸovit manigoidlarninga nekoĸsitigilago, tarnipkut kikiaktortauvingne najutsainarlagillo. Piulijiga, nellungilarma, toĸungnik nellojungnairtinamga, manigortaumagama, taimaitsainartiminga! Mel. 232. Ang. 6. Piviksara tikilerpat, takotilaunga toĸungnik, manigortaurĸovlunga! Arn. Kapiaktoadlarnima kingorlerpânganne, Jêsus, ikkingnut pullatinga! Ill. Anerneĸarungnairuma, pivlunga toĸotaujotit, saĸervigilaungmingatôĸ tarnigalo neksarlugo! Nâlegaĸ Krist, ĸenuvunga: toĸognma, uvamnêtsainalaurittôĸ!

Mel. 151 a. Ill. 7. Ikajunga, Jêsuse, illingnẽtillunga! Okperneĸartilaunga illingnut toĸunme! Pitsartutilaungminga sâlaĸartillunga, nipliarĸârtinanga: nãmaksivoĸ illa. Mel. 151 Aria. Kor. 8. Illingnut okperpunga erĸidlarlutillo, toĸogavit pivlunga illuvertauvlutit. Jêsusele, âniat tettigivara kissiat, angeraleruma, illingnẽlârpunga. Mel. 83. Ill. 9. Aniatigingrmanga, aunârtoĸsôngmat pivlunga; takpâne sorairnanga hallelujâromârpunga; tussarnidlarpoĸ tagva ĸujalidlarniksara.

Mel. 109. Kor. 1. Aulajeĸatautigilakka Jêsub ânia toĸoalo taimaktauĸ ikkingit auggit illutorsimajuglo ijîk õmatâlo angmartitaungmat pivlungale tarningermat. Mel. 151 a. Ill. 2. Aniadlarĸârvingnit siornioravit ĸallugiaĸsoarmut kappijautillutit tautuĸôtsainarlagit inôsimne tamât. âniatit tamaita inôtigivlugit. Mel. 152. Kor. 3. Seĸineĸ nippilermat unulertillugo, ĸejungmit aĸartipât Jêsusib timinga, illuvermullo tagva illijartortauvoĸ; uvlunik pingasunik udsertortaurĸovât. Mel. 240. Ill. 4. Pingasôlijotit, tamapta uvlome Jêsub illuviane ullapirsautelingme nakorivaptigit, kajusimanernik saĸertitsigavit piulijauniptingnut Jêsub toĸunganut. Puigungilavut soraingitomut. Mel. 184 a. 5. Jêsuse, pigiluarminga akkiliutigivlunga! Erĸaumajaksaĸarlangatôĸ õmatimne naglingnernik, pititigijarnik toĸomut, piulijaudlarĸovlunga! Kanoĸtôĸ ungagẽnarlagit! Tussaramga ĸaujivunga. Mel. 14. 6. Nuname inôtillunga toĸonît ĸejungme, âniatit ikkitillo ullernaigilakka! 7. Uvlut nelliutikpatta, angeraleruma, tarniga aijomârivat, illingnêrĸovlunga.

Mel. 75 Ill. 8. Ijîgik, ĸaninga, timinga ikkelik sungertutigijavut takunâromârpavut, tamaitalo ikkingit ĸemergutsainarlugit.

Mel. 51. Kor. 1. Jêsus kikiaktortaungmat, timinga ikkilertaungmat âniataudlarlune, kingorlît Jêsub oĸausingit erĸaumadlarlavulle! Mel. 151 a. Ill. 2. Nekoĸsinarput illa Jêsub âniangit. Opigosudlarpogut, tautuĸôruptigit Jêsus anerniptigut, ĸunutuidlutit toĸovingnut aigavit kissipta pivluta.

Mel. 106. Ill. 3. Tagga nâpkigosudlarninga ipaksijungnangitavut! Tagga aggangit issangajut manijub idluitunut, illapsugosutsainartub tikikupta, ĸaingikupta. Mel. 221. 4. Gûdib naglingninga ittijovaksôvoĸ Kristusekut saĸĸijârtoĸ. Ikomatun itoĸ kajungersaininga ipaksijaujungnangilaĸ. Kanoĸ, naglikangne ajortuggit, nâpkigigange omigijitit? Illa, igvit illannâĸadlartotille ajortoliksuit annerilaurangne. Mel. 106. 5. Assiorĸonginamitigut, Gûdib ikajorpâtigut, tamanna pivlugo nunamut erningat tikipâtigut; taimaimallo õmativut pattaktorpait tupaklugit. Mel. 217. Kor. 6. Oĸarniarminak: sulle tuavitsariaĸangilaĸ, nunab allianarningit attoromarĸârpakka sulle, uvlome nâpkiningnine Gûb sorairniangimago. Arn. Aukak, nipliangmat uvlome piulijomavlugo tarnit, Ang. tussaruk, assiorĸonago. Jêsusib nâpkigingmago. Mel. 182. Ill. 7. Piulijiga, pâmakpunga ittigangnut, nâpkiginga, ikkitit kunitsainalakka, pêjakillo ajornikka, tâpkoa unudlarningit kittiksaungitôgalloarput; ivjôjunga ajaktornanga, ajortut piulijingat.

Mel. 106. 8. Naglingniub nelleĸangitub ajornivut pêjarmagit, Kristusib aunganut illuvut nellâgut inûlijauvut; Kristub aunga nipliangmat: nâpkinermik! nâpkinermik!

Mel. 51. Kor. 1. Jêsus kikiaktortaungmat, timinga ikkilertaungmat âniataudlarlune, kingorlît Jêsub oĸausingit erĸaumadlarlavulle! Mel. 127. Ill. 2. Passijaksaungitotit toĸojotit ĸejungme, sinaungaitsainartotit nachogijaujotille, pêjangikungne ajornivut, assionajalauĸtogut; nâpkigitigut, Jêsuse, Jêsuse!

Mel. 217. Ill. 3. Jêsusima nâpkigivait ajornernik sanikterijut, inûblo Engeliblõnêt ajortangit manigorlugit, Arn. tarnikut saksârtut aglât, mamaitut Gûmut ingmingnullo, Ang. perĸojanut erĸartortaujut, pijuksat ânianartomut, Ill. tâpkoa ĸellarudjârpait, Jêsusima nâpkigivait. Mel. —151a. Kor. 4. Ahâk, ovanẽpunga ningarijaksauvlunga; Jêsuse nagliktiga, nâpkigilaungminga! Mel. 75. Ill. 5. Namut sâniarpîk, nênertaudlarama ajortovaksoarnut? Kia piulivânga? Inungne kiksarnimnik pêjaijoĸatsengilaĸ. Mel. —151a. Kor. 6. Inuartoĸ saimarpat pilloriktillugo, taimak nerriukpunga pilloriktitaunimnik. Mel. 155. Ill. 7. Saimaneĸ angidlarpoĸ ajortolingnut tamainut Jêsumullo manigortaumajunut, tâmnalo aiviginiarunitsuk, illaliortautsainarput, Jêsub nâpkigingmagit. Mel. 22 a. Kor. 8. Tikkikupko Jêsusiga, imâk oĸarniarpunga: ajutsainarama illa, aut pivlugo itterlanga! Mel. —165. Ill. 9. Illa Paradîsemut ajortub aivianut, Jêsus, ittertilârparma pinarnarsitilungalo.

Mel. 164. Ill. 10. Aungagut, ikkingitigut ĸilangmut itterpogut; taimailertingmattigulle amuluta ingminut, pakkoa illagêt imâk tuksiarput: Gûd saugangalo nertornaĸ, aungat idluarsarmattigut.

Mel. 51. Kor. 1. Jêsus kikiaktortaungmat, timinga ikkilertaungmat âniataudlarlune, kingorlît Jêsub oĸausingit erĸaumadlarlavulle! Mel. 114. Ill. 2. Tarnîk, illa nekoĸsijaudlarpotit, toĸotauviane nangertotit; õmatinganik takunârpotit anersaumivigidlarĸattartarnik. Tagvangat aularnak inôserne, takunârĸattarmattit naglimut.

Mel. 58. Ill. 3. Jêsus naglingnikpoĸ inungnik inuktut nagligosuktotut; Lazarus, Johannese, Marta, Maria nellâgut pilloriktitaulauĸput, naglingmagit. Ang. 4. Taimak, Jesuse nagliktara, Johannesetut nagliginga! Arn. Magdalenatulle salutipagit erĸilerlugillo ittikatit naglingnermut. Mel. 22 a. Kor. 5. Anernipkut uvlometauĸ nivingajoĸ tautukpara, sôrlo takunâlaumakko Johannesib Mariablo. Mel. 23. Ang. 6. Omatille tettedlarmat naglingnermik uvaptingnik, Arn. mattomunga aumavogut, õmame kiblikaptigut. Mel. 124. Ill. 7. Takunâlaunga, Jêsus, ĸejungmille, sôrlo takunârangne Johannese; kajungersartaulanga mattomunga erdligidlarlutit. Mel. 167. 8. Naglingnersoarnut, Jêsus, pissiarivaptigut, perĸutigijaurĸovluta illingnut illũnata. Omatimnit pêlauruktôĸ kapiasudlarnera, naglingniktotit Jêsuse, âĸilunga piginga! Mel. 184 b. Kor. 9. Toĸojutigijomavlunga nuname inôlauĸtotit, õmatima tussugivâtit, Jêsuse erdligijara! Aungnut pissiarilauramga, okpernikut erĸilagit! Ikajoriartulaungatôĸ, ĸattangutiga Jêsuse! Mel. 14 a. Ill. 10. Ije, tautuktoĸ Golgatame toĸolervingmine Mariamik, Johannesemik, sinisitsengilaĸ. Mel. 45. 11. Saimanermut tautungmanga, pilloriktitauvunga, kiksaleraigumalo manigulerpanga.

Mel. 51. Kor. 1. Jêsus kikiaktortaungmat, timinga ikkilertaungmat âniataudlarlune, kingorlît Jêsub oĸausingit erĸaumadlarlavulle! Mel. 79. Ill. 2. Kanoĸ Gûd ajungitoĸ illungertûtingmatsuk ajortullinipta, erningat ânianga issaĸajauningalo nautsertudlaromavakka.

Mel. 519. Ill. 3. Hailig Nâlegak Gûd, pitsartudlartoĸ Gûd, saimarsaijoĸ piulijivut, nâksaungitoĸ Gûd, saputidlalauĸtigut kapianarto vingmit! Nâpkigitigut! Mel. 175. Kor. 4. Kina tettigilârpigô kapiaktoadlarnima kingorlerpânganne nuname? Kina tarnininik pairĸsivâ, uvanga sangẽtojunga toĸomut tikitaulâruma? Tagva tungavigivagit Gûdiga, piulijiga. Mel. 22 a. Ill. 5. Kemaktaulauĸtotit Gûmut Jêsus, ĸemangniarnanga! Imerungnit erĸarlago kapiaktoadlarnimne! Kor. 6. Omamigut âniamut serleĸititaulimut angijomik anersartoĸ.

Mel. —165. Ill. 7. Inuit nelliata ipaksijungnarĸagîk imerungnît, ĸêmitingnît inuit piulivlugit? Mel. 167. 8. Omatit angmatsainarle uvaranut! Pullalanga sennerangnut, sangêkuma, nekoĸsijaurĸovlunga. Sôrlo tukto imeruktoĸ imerviksiudlarmat, tarniga torâtsainarle ikkingnut aunârtunut. Mel. 151 a. 9. Kapiasudlaruma toĸolerviksamne, manigortaulangatôĸ kapiasungnernut! Aukpit, piulijiga, nekoĸsitilinga! Aungerutileruma, ullerriairtorlagit!

Mel. 51. Kor. 1. Jêsus kikiaktortaungmat, timinga ikkilertaungmat âniataudlarlune, kingorlît Jêsub oĸausingit erĸaumadlarlavulle!

Mel. 166. Ill. 2. Nâmaksivoĸ! oĸarpogut piulijaumajogut; tungalijaungikuptalo ĸairtome mattomane, toĸub pitsartuninganut, tâĸtoĸsoarmiunut, kassêngmatta uvaptingnut, sâlagijaunajarpogut. Ang. 3. Nãmaksivoĸ! piulijaunît nangmineĸ sapperangne, piniarnernut ajornitit pêjarungnanginangne. Arn. Nãmaksivoĸ! kamagiuk. akkilêrĸungilâtit, okpernermẽtuaruvit tamât inôtillutit. Mel. 58. Ill. 4. Jêsub tunergutauninganik õmamut tetteĸatsainartoĸ tunganilijauvoĸ ĸairtummaringmut, sillaĸsoaĸ nungulerpallõnêt, pêngitomut. Kor. 5. Opinaĸ ikkiliojotit saugârsugle, toĸungnut ĸassilinartomut Gûmut ullapĸoseraptigut. Mângat avigomârupta, hailigeojoĸ toĸut, âniavit pitsartuninga sungertûtigivavut. Mel. 71. Ill. 6. Nãmaksitinangne piulijaunera, tettigivagit inôtillungalo toĸolertillungalo ĸaut tamât illa. Mel. —151a. 7. Kanoĸtôĸ õmatimne nakorẽnalagit! Opigidlalagillo sujungaitinamga, ajutsainaramale ikkingnut pairinga! Mel. 234. 7. Saugârsugle toĸotitaĸ, ĸujanadlarpoĸ nâpkiningnît; naglingnartotit Jêsuse, tarnipta ĸuviagivâtit. Arn. Pivluta kapiasuktotit timîllo âniatitaujoĸ, Ang. pivluta tarningertotit, sennerĸakut kapijauvotit. Ill. Torârtimitigut, Jêsuse, toĸungnut! Tarnipta sânginêtsainalaungmît! allarnagolõnêt, Kristus Gûdeongmat pidlautiksaptingnik pêjaijoĸ.

Mel. 51. Kor. 1. Jêsus kikiaktortaungmat, timinga ikkilertaungmat âniataudlarlune, kingorlît Jêsub oĸausingit erĸaumadlarlavulle! Mel. 244. Ill. 2. Nâlegaĸ ânialik, najoromagapkit, ĸemergoluarlagit, ĸuviagigapkit! Ittikattit mãna erĸiniarlakka, ijîkik illutortuk ullernaigilâkka!

Mel. 22a. Ill. 3. Oĸautsivit kingorlingat, toĸokuma, atorpara; akkitudlartoĸ tarniga aggangnut perĸolârpara. 4. Sennerakkut angmartokut tarniga angerartiuk; oĸautsivit kingorlingata toĸumne manigorlinga! Mel. 232 Ang. 5. Najuinaromavagit, najormigamgatauĸ igvit, tagga ĸuviasutiga; Arn. ĸairtotun itôgavillo, tamanna tettigigapko, tungavigẽnarpara. Ill. Tettigivâtit tarnima ungagivlutit, Jêsuse, takkûterĸaranuk aglât piviksara nelliupat, Nâlegara Jêsuse, neriukpunga, illingnut angerartinga! Mel. —83. Kor. 6. Avatigigaminga, allaromangilânga. Ill. 7. Allaromangimanga, ĸuviasuktoĸ tarniga, tettituarigapko; toĸolerpallo timiga, manigortigivara, adsigijomârapko. Mel. 151 Aria. Kor. 8. Illingnut okperpunga erĸidlarlutillo, toĸogavit pivlunga illuvertauvlutit; Jêsusele âniat tettigivara kissiat, angeraleruma, illingnẽlârpunga. Mel. 126. Ill. 9. Taimak sorailerpunga, aggait tigujima sapkuniangilânga, takûterĸâranuk. Tautugungnairĸârtinanga, õmat tigliktillugo puigungilara. Mel. 119. 10. Amen illa, — Amen illa! Taimak manigorpogut, harfit nipliarĸârtinagit imgerusertâmiglo imgerĸataurĸârtinata: Saugârsuk, toĸotaulauravit, tamaunga — pivogut.

Mel. 235. Ill. 1. Nertornaĸ illingnut, Gûdib saugârsunga! sennerait kappijaulaungmat, timit ikkilertaulaungmat. Engelit tukisijomavât inuit piulijauningat, ĸaumajorle inortatik opigosumut nertorpât. Illagêt angerutaujut, sennerânit pingortitaujut ikkingita ĸaumaningat sajugatik ĸemergovât. Nakoridlartaule, opigidlartaule Jêsusib õmatâ, kappijaĸ pivluta. Mel. 54. Kor. 2. Auk kôktoĸ seneranganit, Jêsus ĸallugiartaungmat, nipliavoĸ sorairane: ajortuggit nâpkigikit! Ill. nâpkigikit! Mel. 22 a. 3. Okperpunga, Jêsub aunga nãmagijaulermat mãna Gûb sângane, pêjarmagit illũnaita ajornivut. 4. Taitmaimat tâpsoma aunga manigortiksarivara, inônimne toĸumnelo tettigẽnaromavara, 5. Okperpunga, Gûb erningat aungminullo toĸominut piuligamga tâĸtomit ajortunillo tamainit. Mel. 249. Kor. 6. Engelivaksuit nertordlertoĸsuit, ĸaumainartoĸsuit. Ivsornaitose, kênase mattulugit imgertose: Hailig, hailig Gûde, hailig, Gûde, Nâlegaĸ Zebaot! Ill. 7. Jêsub illagêngita, timeĸatingita imgiĸatigivait ĸilangmiut tuksiartut: Illagêt piulijingat, Gûdib saugârsunga toĸotitaĸ — Gûdivut ôpinaĸ! Mel. 22 f. 8. Niplialerĸartinata: Hailig, hailig, hailigeovoĸ Nâlegaĸ Gûde! takpâne Engelit illagivlugit.

Mel. 151 a. Ill. 1. Salutitauleritse Jêsub illuvingane ikpigitsainartose asserornipsingnik! Jêsusipta toĸunga ullernairtorlugo pijungnairniarase, inûlingmattigut. Mel. 240 2. Pingasôlijotit, tamapta uvlome Jêsub illuviane ullapirsautelingme nakorivaptigit, kajusimanernik saĸertitsigavit piulijauniptingnut Jêsub toĸunganut. Puigungilavut soraingitomut. Mel. —151a. 3. Jêsus sâlaĸartôvoĸ aniagêrlune ikkinginullo Gûmut ullapirsartauvogut. Kor. 4. Opinaĸ ikkiliojotit saugârsugle, toĸungnut ĸassilinartomut Gûmut ullapĸoseraptigut. Mângat avigomârupta, hailigeojoĸ toĸut, âniavit pitsartuninga sungertûtigivavut. Mel. 208. Ill. 5. Aniatitaugavit, salutitaulerit piulijarnut! Opigivaptigit, Jêsus, ajornivut nangmalaurangne. Saugârsuk toĸotaujoĸ toĸojutigigaptigut, pigitigut mãna! Mel. 124. 6. Akkilêvigivlutit, Jêsusiga, âniagavit, piuk inôsera illuvimnit timiga adsigivlutit ômartaurĸârtinago. Mel. 232. Ang. 7. Piviksara tikilerpat, Engelit âtserĸolaukit tarnimnik sângnut, Jêsus! Arn. Timiga merngoerserle inangavigijamine tikitsomârĸârtinak. Ill. Tagvale makkitilaunga, ijîkka takorĸovlugik illingnik, piulijiga, ullapirsartiga Jêsus! Nâlegaĸ Krist, tussalaunga, tussalaunga! Nakorẽnaromârpagit.

Mel. 228. 8. Jêsuse, toĸoleruma ningititaulârumalo, ivjomut, najulaunga! Adsiotillunga illingnut makkilaunga illuvermit, ĸilangmut tessiunga! Tagvanele najortigivlutit inôjomârpunga ĸuviasutsainarlunga.

Mel. 151 a. Ill. 1. Aniatitauvingme sorsudlalauravit. merngoersilerpotit illuverme mãna. Senningne pâmakluta ĸugviorlutalo salutidlarpaptigit, anernangertotit.

2. Tagva ovanẽpunga illannârijamne, ĸugviorutigivlugo ĸujalidlarnermut. Kanoĸtôĸ ijîngmale sângangnêtsainarle! Tagva nãmaksivunga illa sorairnanga.

Mel. 240. Ill. 3. Itsainalârtotit, itsainalauĸtotit, inôgutaujotit, ĸujagidlarpagit mãna, toĸovlutit pivlunga, aigavit merngoerservingmut! Sinitsialerit! Kairtub illuane merngoerserlutit nekoĸsilerit! Mel. 71. 4. Nãmaksitinangne piulijaunera, tettigivagit inôtillungalo toĸolertillungalo ĸaut tamât illa.

Mel. 151 Aria. Ill. 5. Illuvermut pivlunga ningititaujotit, illingnut okperpunga õmamut tamânut. Merngoerservingnele ĸuviasudlarlunga niplerungnairpunga, ullernairtorlutit. Mel. 185. 6. Nâlekamalo illuvinganut sinigiartorpunga; tarnimnullo erĸaumalerapko, nekoĸsivoĸ illuga. Unugangat, Jêsub inningane timingat merngoerserviane tuksiarvigigapko, sinitsiarpungalo. Mel. 23 Aria. 7. Tagvanêtsomavungale Jêsusib illuvingane, aungerutijoĸ timinga ullernaigijomavara.

Mel. 151 a. Ill. 8. Opigijomavara õmamut ĸaut tamât; anernangilâruma toĸolerlungalo, merngoerservigijara nunab illuane ivsornaititaudlarpoĸ Jêsub illuvinganut. Mel. 119. 9. Jêsusib — Jêsusib merngoerserviata Josefib illuviane timivut saimalârpait illuvermẽlârtillugit, makkitaurĸârtinagit nunamit Jêsumut — Jésumut.

Mel. 230. Kor. 1. Halleluja, imgeritse! Kristusemik nertordleritse: toĸungalauĸtoĸ inôvoĸ. Nâlegaĸ makisimavoĸ asserornermik takungitoĸ. toĸomik nukkêrutjijoĸ. Nâlegaviksoaĸ — ajugaĸangilaĸ. Halleluja! Sôngojome — sorsungnerme sâlaĸartoĸ nertortaule! Mel. 214. Ill. 2. Inuĸotivit ajortut nertorpâtit, Jêsuse, toĸomik sâlaĸartotit, nâlegaviksôjotit. Toĸolauralloarpotit, ahâgle inovotit. Toĸomik erĸsijogut makiĸatigivaptigut. Kujagitsainarlutit tagva nertorpaptigit.

Aria. Kor. 3. Halleluja! Hallelujâlerta! Nâlegaĸ amma tagva! Toĸo pêrtauvoĸ inôserlo ĸaitauvoĸ. Imgilerta: — Halleluja! Mel. 83. Ill. 4. Kristus inôngmat, attê opigisiuk tamapse! Ullapirsartaujose Gûdemut, nakorisiuk! toĸo issoĸangitoĸ ôma sâlagingmago. Mel. 214. 5. Kaumajoĸ idluarsêjoĸ, akisulaungmitigut, tarnivut ĸaumaksarlugit, makiĸataulerluta illingnut, inôsertâme arvertalerĸovluta. Siningmut pijaukupta, tupaktilauĸtigut, tagva. Unuaĸ nângmat mãna ĸaulerpoĸ. Halleluja! Aria. Kor. 6. Halleluja! kiksarungnailerta! Toĸojoĸ pivluta ômarmat amma; pivlutillo pivlunga inôgivoĸ, — inôgivoĸ. Mel. 83. Ill. 7. Okperivlugo manna manigorutigivara, inuĸotigingmanga, inôgutigidlarpara. Illa, Jêsus inôngmat, toĸoniangilanga. Mel. 214. 8. Nertornaĸ, inôlârapta, toĸomit makinavit, illuvernit annivluta; nertornaĸ Jêsuse Krist! Niakorigaptigille illiktut inôvogut, tamaita amuvattit illingnut, sivorliojotit! Nertornaĸ, inôgapta mâne pânelo sângne. Aria. Kor. 9. Halleluja! sinitsialerit, time toĸungajoĸ! Tupaktillutit Gûb annerĸolârpâtit illuvermit — makilutit. Mel. 83. Ill. 10. Toĸo nukêrutivoĸ, manigornarmêk, sâlauvoĸ. Toĸuksairutijipta makititsomârpâtigut, time pinarnaidlartoĸ asseroralloarpat. Mel. 214. 11. Timiga asseroraksaĸ, ivjungortuksauvlune ômartitaulârpoĸ amma asserojuidlune; ânanausijaujomârtoĸ sumik takuksaujomik mâne nelleĸangilaĸ. Jêsuse, ĸujagivagit, adsigijomârlutit tautudlaromârapkit.

Mel. 230. Ill. 12. Jêsuse, inuĸotitit saimarlugit takunâlaukit siorniornartutigut arvertartuksaujut sulle! Pagreartorlugit takpângat ĸilaub ânanauninganik tautuktilaukkittôĸ! Pilloriugmêk illa makigêrtut okpernikut. Jêsusivut, nellâgut okpertitigut!

Mel. 235. Ill. 1. Gûd inôlauĸtotit, toĸomut ailutit, ômalaungmijotit, Nâlegatôjotit! Opinaĸ, toĸungnut Gûmut ullapĸosertinaptigut; aut kovijat neksarlugo ĸilangmut ittilauravit; tunergutiksarsigavit inuĸotitit pivlugit; tuksiarutsijôvlutit Gûb tallerpianẽpotit. Kilangmiut nertorlutit pâmaktervigidlarpâtit. Nertordlernivuttauĸ pikit, mãna opigigaptigit. Amen. Mel. 54. 2. Jêsus, ĸujagivaptigit, ĸilangmut ĸongmuaravit. Gûde, nekoĸsitilaukit timivullo tarnivullo! Halleluja! Mel. —58 3. Aigalloaravit ĸilangmut paunga, sulle saĸĸerungnailungilatit uvaptingne. Mel. 22 b. 4. Jêsus, ĸellarutjârluta tamainit âĸiksortigut, kigligiutsitilluta tatamnartullidlarnernik!

Mel. 26. 5. Manigorneĸ soraingitoĸ ĸilangmiunut nertortaujoĸ, pivluta ĸilalialauĸtoĸ sivorlerigaptigole. Mel. 132 a. 6. Inub Erninga, saugârsuk takpâne iksivavoĸ iksivautaĸsoarmine Gûdib tallerpiane, tamaita ômigijingit tâpsoma ikkovranganut illijaurĸârtinagit. Mel. —58. 7. Takpâne Kilangme ânanauvingme ĸilangmiut illũnarsoatik opigivât. Mel. 147. 8. Angajoĸâĸsuit, saukab illumajingit sânganut pâmakterput niaĸôtairlutik, Taimaktauĸ opigomut pâmaktervigivavut, imâk oĸarpogut: pituarivavut.

Mel. 149 Ill. 9. Omamut najorsiuk! Jêsusib najugâ kajungervigisiuk najutsainarlugo; ĸaumajoĸ — pânẽtoĸ allarungnairsiuk ĸeajungnairviksaĸ! Mel. 132 a. 10. Illingnut amuartigut, arvertalerĸovluta takpaungaromajutitut, nunamik allaivluta! Pânêngmat toĸaviksavut, illannâtuarijavut, torârtitigut paunga! Mel. 155. 11. Illannâĸ, amuartigut õmatingnut nagliktomut, kajungersainit tessiortigilavut nunakut; perĸutautsainarĸovluta illingnut okperlutalo takpaungarĸârtinata. Mel. 249. 12. Takpâne ĸilangme ivsornaitovingme tussarnidlartomik nakorijomârpaptigit, piulijigigaptigit. Amen Halleluja! Halleluja! Amen Halleluja!

Mel. 132 d. Ill. 1. Nertordlerutigilavut uvloĸ tâmna õmamut! Sâlaĸartoĸ nertorlavut, ullapirsarmattigut! Atâtab saimarsaivlune tillingmago anernine inuĸotiminulle.

Mel. 199. Ill. 2. Gûb Erninga nertortaule, atâtamut ailaungmat, uvaptingnullo ĸilangme nekoĸsitiksarsingmat. Nâpkigijaunipta nellunaikutanga Gûdib anerninga tillikliutivâ inôseĸartitsijoĸ.

Mel. 151 g. Ill. 3. Pivluta toĸogavit, takunâlauĸtigut! Takpângat Anernivit tupvigilitigut, õmativut pannertut saĸĸêlerĸovlugit mãna idluarnerub perortitanginik.

Mel. 132 d. Ill. 4. Nertoritse, Anernerub uvinik sâlagivâ, piniarnersoarminut pitsartutingmattigut, mãna okpertôĸatigêt timingit inigingmagit ivsornaitillugillo. Mel. 199. 5. Anerneĸ pitsartudlartoĸ, inôseĸartitigut, Satanas kassẽtoĸsoaĸ sunaĸutiginago nertulerĸovluta illerasugata: piulijaugapta, Gûdib atâtapta ĸitorngarivâtigut.

Mel. 151 g. Ill. 6. Oĸâlajut inungnut Jêsusib aulapait, Nâlekab anerningat illagitsainarpait, Kristusib naglingninga nellunairtaulerpoĸ, nane oĸarangatta, nakorijaulerpoĸ. Mel. 132 d. 7. Nertorsiuk Gûd Anerneĸ! inuit, nertorsiuk! Davidib imgerutingit, Apostelit oĸausingit inungnut illagingmagit, õmatingit kibliklugit. Oma kibliklitigut!

Mel. 199. Ill. 8. Omisuktut unudlartut illagênik kassẽmullo pinasuartut, Gûb kivgangit anusingortillugit; sullitsengilalle, Gûb Nâlegangata pitsartutingmagit. Illũnainut aivut sâgiarĸojivlutik.

Mel. 208 d. Ill. 9. Mãnakut illale nunat illũnatik ullutjaulârput sôrlo kôksoarnut inûlinartunut: tussarnertunut Jêsub oĸausinginut. Uvluksanga tikilerpoĸ nerriugijavut.

Mel. —249. Ill. 10. Jêsus, ĸailaurittôĸ, ĸailaurittôĸ! Amen, ĸailaurittôĸ.

Mel. 235. Ill. 1. Nâlegaĸ Gûdivut, opigivaptigit. Nâksaungitoĸ Atâta Gûd, nakorivâtit sillaĸsûb. Kor. Kilangmiugasaksuit takpâne unuktoĸsuit Serafillo nertorpâtit, naggateĸatsengitotit. Ill. Hailig Gûd Jehôva, Gûdivut Jehôva; hailig Gûd Jehôva. Jehôva Zebaot. Okpertullo illũnatik nuname nakorivâtit, Atâta ĸilangmẽtotit ernituallo anernît tessiorte uvaptingnik apĸomut mikseĸârtomut. Amen. Mel. —208d. Kor. 2. Gûdele, ajortogut takunârtigut, naglimut ĸitorngarivluta.

Mel. 97. Ill. 3. Jêsusipta Atâtanga, atâtagigaptigittauĸ, ernit toĸongmat pivluta, aungmut pissiarivluta ĸitorngautingmattigut illingnut; ĸujagivaptigit opigomut. Mel. 125. 4. Illagêt atâtangat ĸotsiktomẽtotit, ĸailaule nâlegaunît, inugasaksuit akkiksaulerĸovlugit toĸotigilaungmagit nagliktub ernerpit. Mel. 110. 5. Atâtâk, amuanga ernernut, ernivit pitilinga illingnut, anernît illumnẽnarlaurle, issumamnik aulatsitsainarle, ullapirsaumik Gûmit pijomik õmatimne peĸainarĸovlunga! Mel. —208d. Kor. 6. Unuktut amuakkit uvaptitut, Jêsusemut perĸutautillugit.

Mel. 97. Ill. 7. Gûb saugârsunga toĸotaĸ. inuit tamaitaĸsuit piksarivattit kissivit uvagullo, toĸogavit, toĸungnut pilloriktinaptigut, pigivluta saputingmitigut! Mel. 125. 8. Tarnimnit annitikit uvingub issumangit, annerosuktillunga illingnik, Jêsuse, inôniarĸovlunga nakorijarnut mâne, piulijaugama. Mel. —208d. Kor. 9. Kissivit nâleklutit inôniaromavogut, Jêsuse, illingnut.

Mel. 97. Ill. 10. Gûd Anerneĸ, opigomut tamapta nertorpaptigit, pitiluta Jêsusemut okpertungortinaptigut. Tâpsoma ĸuviagijanganut inôrĸovluta, âĸingmitigut! Mel. 125. 11. Kajungertitsinernut Jêsub naglingninga pititsuk tarniptingnut! Tagva naglikpavut mâne inôtilluta, arvertatsainarluta idluarijarnut. Mel. —208d. Kor. 12. Kissiat pitsartunit âĸigutigivavulle tettigẽnarlutit.

Mel. —235. Ill. 13. Tamapta Amenẽrpogut. Gûdib illagivâtigut. Gûde Atâta Ernerlo Anernerlo nertortaule! Amen!

Mel. 132 d. Kor. 1. Nakorijartudlarsiuk Nâlegaĸ Gûd õmamut! Oĸautigijartorsiuk nertornartoĸ! Tamainut pitsiarninga attorpoĸ, pingortitaujut pairivait tarnivullo saimarpait.

Mel. 228. Ill. 2. Halleluja, nâleklugo nertoriartulavulle Gûde pingortitsijoĸ issoĸangitoĸsoarmut! Kujalivigidlarlavut avagosuktotôjoĸ! Attê, Gûde Nâlegaujoĸ ivsornaitoĸ opigilavut, õmamut ĸujagilavut! Mel. 14. Ang. 3. Omatimnik ĸaitsivunga illingnut, Gûdiga, Arn. ikpigitinamga igvit, tâmna tunivlugo. Ill. 4. Illa ivsornartoĸsôjoĸ mamaitoĸsôjorlo, igvit âĸiksulauruktôĸ idluarijarnut!

Mel. 228. Kor. 5. Halleluja, nakudlartub Gûb erningat toĸotaujub annerilaungmattigut; aungmut pissiaringmattigut, serparsarlugit tarnivut, ĸitorngaringmattigut. Ill. Tagva illa inôviksaĸ pilloringneĸ pigijavut, illagêkapta aunganut. Mel. 14. 6. Jêsuse, tagva piginga ubvarlunga aungnut, toĸogavillo pivlunga inuillo pivlugit. 7. Okpernekitub tarnima tiguliuk aggut! Nekoĸsiuk, ajornikka pêjarangne aungnut!

Mel. 228. Kor. 8. Halleluja, Gûd Anerneĸ. mãna soraijuitomik nertudlarlaptigille, erniangotinaptigut pitiluta Jêsusemut anneridlartiptingnut. Ill. Illa tagva ĸuvianaĸ pilloringnaĸ, tarniptingnut piksarivavut nellâgut. Mel. 14. Arn. 9. Gûd Anerneĸ, uvangatauĸ innigilaungminga, Ang. Jêsusib naglingningata kibliktautilinga! Ill. 10. Illa õmatiga piuk, nâlekvigilitit; innigitsainadlarmiuk issoĸangitomut!

Mel. 146. Ill. 11. Nâlegaĸ ômajoĸ, Gûdiga nertortaule nakorẽnartaujoĸ pingortisimajunut! Ivsornaitoĸsôjoĸ: Gûde Atâtaujoĸ, Gûd Erneĸ, Anerneĸ opigijaudlarle! Mel. 228. Kor. 12. Halleluja, nâleklugo Gûdivut nertorlavulle attingalo õmamut! Ill. Kilangmiut illagivlugit imgertatôĸ nertornaumik ĸuviagilavullo: Hailig, hailig, hailig Gûde Nâlegavut, Gûd Zebaot nakoritsainadlalavut!

Mel. 132 d. Ill. 1. Gûde nakoridlarlavut, atâta saimarsaijoĸ, tatamnartullitsainartoĸ, Gûd ullapirsartivut! Manigutsainarmattigut, pêjarmagit kiksarnivut, Gûdivut nertorlavut!

Mel. 132 d. Ill. 2. Pakkoa nakoridlarpât Engelit pitsartujut, mâne ĸujagidlarivât okpertut nunamẽtut. Tamapta nakorilavut! Anerniggillo inôjut attinga nertorlitsuk! Mel. 11. Ang. 3. Kilak, nuna imarlo nertordlerput illingnik, taimak tarnima, Gûde, nertutsainarlitille! Arn. 4. Gûde, mallungnartomik tarnima missigivâtit, kinaunernik kinaunimnik erĸaititsainarminga! Mel. 214. Ill. 5. Atâtâk, tunitjijotit ernernik naglingnermut, Kristus, toĸotaumajotit pivluta, Gûb sauganga, Anerneĸ, tarnekullungnik manigornidlartotit, illa, ivsornaitotit, õmamut nertorpaptigit. Gûb nagligosungninga nungusuipoĸ illa. Mel. 416. 6. Tattamnartitsijub Gûb attinga inôjose, nertorsiuk! Attê, tamapse nertornautinga unipkautigẽnarsiuk! Atâta, Erneĸ, Anerneĸ opigijartudlarsiuk! Halleluja, Halleluja! Mel. 106 c. 7. Opigivaptigit, Atâtâk, tarniptigut timiptigut ĸitorngarivluta, ĸujanaĸ! kingormgujerĸogaptigut, nertortaugit uvaptingnut mãna issoĸangitomut!

Mel. 106 c. Ill. 8. Jêsusiga, nakorivagit, ikajoriartoramga, naglimut âniadlaravit pivlunga, piuligamga Satanasib agganginit, perĸutigigamga igvit.

Mel. 106 c. Ill. 9. Anerneĸ Gûd, manigoramga, nakorijaudlarit mãna, taimaktauĸ ĸaujimatinamga, inôtsemut nukterama. Kuvianartut kissivit uvamne pingortipattit.

Mel. 101. Ill. 10. Gûde, nakorivaptigit. Nertorlugo attit angijoĸ imgervigidlarpaptigit, Atâta, Erneĸ Anernerlo, Gûdetôjoĸ ivsornaitoĸsoaĸ uvaguttauĸ Gûdigigaptigo. Mel. 10. 11. Atâta ĸotsiktome, Erneĸtauĸ nertortaule! Anerneĸ uvaptingne inneĸainarle! Amen.

Mel. 235. Ill. 1. Gûd, nertorpaptigit, Abbamik taivlutit; atâtagidlaraptigit, ĸitorngavit nâlekpâtit. Kor. Engelillo ĸilangmiut ĸujalẽnartut ernernik Kerubillo Serafillo nippersoarmut nertorpâtit: Ill. Hailig Atâta Gûd, Nâlegaĸ Zebaot! Abba, Gûd, Gûdivut Jêsub toĸunganut! Kilangmut ittersimajut ittigangnut pâmakterput; illagivlugit, Jehova, sângne sêrĸortorpogulle. Nakoridlarivaptigit, ĸitorngaugapta illingnut. Amen.

Mel. 214. Ill. 2. Ernine ivlerinago Gûb tunivâ pivlunga, aunganut piulivlunga pidlartaujutiksamnit. Nellâgulle saimaninga ipaksinatsengitoĸ, uvamnut inornartoĸ ĸujalijutigivara. Gûb nagligivâtigut issoĸatsengitomut. Mel. 106 c. 3. Opinaĸ Gûdib saimaninga, itsarnit aneringmanga, âĸiktaungmat nâlegauvinga tagvungalo pitimanga, aglangmanga naglingnermut aglangnut ômanartunut.

Mel. 214. Ill. 4. Mãna ĸuviasungnermut atâtaptingnut pita! Najorninganẽtutitut ôlavut naglingninga! Nertorsiuk, Halleluja! Gûdib piulijipta naglingniktoĸsôninga nertordlerutigilavut, inuĸotiksaminut annerilaungmattigut. Mel. 70. Kor. 5. Attê, tamapse Gûdib saimaninga ĸujalivluse nertorsiuk illa! Saimaneruiut ĸairĸudlarmasse ingminut, ĸuviasudlaritse! Mel. 151 g. Ill. 6. Saimaneĸ inornarmêk! Kujalimut tagva uvamnik, pigijamnik tunidjilerpunga Gûdemut; aulatsile illingalârnimnik, idluarijaminut tessiulârmanga.

Mel. 151 g. Kor. 7. Manakasakut illa angerarviksavut atâtamut takpaunga nelliutilârpoĸ; pânẽtut idluartut illagilârpavut merngoerserviptingne. Kuvianadlarmêk! Mel. 214. Ill. 8. Gûdib naglingninga taimak nungusuitotôngmat, tuksiarpagit, Atâtâk: tunidjiviolanga, pitsartunimnut tamainut erĸitsomadlarapkit, uvluksamne tamaine inôjungnairĸârtinanga. Pâne ungagivlutit nakorẽnalârpagit.

Mel. 61. Kor. 1. Nâlegaĸ nâlengnartoĸsoaĸ nertulauruktôĸ, tarnîk, tamanna õmamut tussugidlarpara. Ill. Kailaurittôĸ, ĸujalidlarlutillo sagvairit opigungnernik! Mel. 14. 2. Omamut nellâgôrtomut nakorivaptigit, Gûde. Nertordlerutivut sillab tussarligit! 3. Inuk sunauvâ, Gûd, sângne, taimak erĸarangne? sumiglo piksaĸarĸitâ, pillingikuptigut? Mel. 132 d. 4. Pitsartunit, sillatunit, aulatsijoĸ tamainik, naglingnit erĸaumagapkit, pairĸsidlartoĸ tamainik, illingnik nertordlerlunga nãmaktomik ajorpunga, Atâtaga, Gûdiga!

Mel. 61 Kor. 5. Nertortaule Gûd sillaĸsoarmik aulatsijoĸ nagligosungnerminullo tamainik pairĸsijoĸ, illũnainik pijariaĸartunik pillitsivigẽnarlutit. Mel. 14. Arn. 6. Kilangmik issivitsijoĸ ĸolliptingne kina? Ang. sillalungmik aulatsijoĸ, seĸinermik kina? Ill. 7. Piksaptingnik tunitjijoĸ uvaptingnut kina? sillarnerluksiorupta sernârtorle kina? Mel. 132 d. 8. Illũnâne takovakka tatamnartullinitit, ĸilait unipkautigivât, Nâlegaĸ, opinarnit; nuvujanut ĸotsiktunut tôrpoĸ, Gûdeviksoavut, angijoĸ pitsiarnit.

Mel. 61. Kor. 9. Nertortaule Gûd pingortitsijok uvaptingnik, pitsartutingmattigut tessiungmattigullo, ullikluta serngnigidlarmattigut ĸanoetitaurĸôrupta. Mel. 14. Arn. 10. Ajungitunik tamainik illingnit pivogut; Ang. serngnigijigigaptigit sivôrangilagut. Ill. 11. Pattangaitẽnarpaptigut nunamẽtilluta, ikajutsainarpaptigut nangiartilluta.

Mel. 61. Kor. 12. Nâlegaĸ nertoruk mãna, pitsartutingmattit piksaĸartilutillo ĸilangmit naglingnermik; erĸariuk, ajugaĸangitôjub issumagitsainarmattit. Mel. 14. Ang. 13. Gûde aulatsinermine tamarungnangilaĸ, Arn. piniarningit illũnatik nertornatsainarput. Ill. 14. Taimaimat tettigileruk nunamẽtillutit, ôma nãmatsainartomik pairitsainarmattit.

Mel. 61. Ill. 15. Nâpkigosuktub attinga nakoridlarlavut, illũnata tâpsomunga nekoĸsijaujogut, nertorlavut! Gûde ĸujagilavut issoĸangitomut! Amen.

Mel. 151 g. Ill. 1. Tarnîk, imgitsiarit, Nâlegaviksoaĸ aulatsijoĸ tamainik imgervigivlugo! Kotsiktoĸ nertorpara tamâne nuname, nakorijomavara anerneĸarnimne. Mel. 195. 2. Gûdeviksôjotit inornadlartotit, nertordlernivut pigikit! Nâpkigigaptigut, tammaĸattarnivut kamagingitsertorlugit, uvagut — õmamut nakorilaptigit nertutsainarlutit. Mel. 416. Kor. 3. Tarnîk, Nâlegaĸ opigidlaruk! Opigẽnaromavara. Nuname sulle arvertarama, nakorivara Gûdiga. Tarnemiglo timemiglo tunitjijoĸ nertortaule! Halleluja! — Halleluja!

Mel. 151 g. Ang. 4. Gûb piniarningita tatamnatsainartut Arn. ajugaĸangininga oĸâlautigivât. Ill. Sutairtut sappingilait piulisârlugit. Opigivara tagva inôsimne tamât. Mel. 195. 5. Nertortaudlalaurit, akkilêngitotit ajornivut malliklugit; nâpkigosungnermik attutsainartotit, tamainik aulatsivlutit. Gûdele, — ĸaijome ĸenuersârnermut nâpkigingmitigut! Mel. 416. Kor. 6. Ijit tautungitut tautuktipait, nikanartut inûlivait, ikpigijut pattanganermingnik naglingnermut erĸilerpait. Nelleĸangitub Gûdivit issumagitsainarpâtit. Halleluja! — Halleluja! Mel. 151 g. Ill. 7. Pitit nagligigangne, issumagivattit idluarĸutiksangit, saimaromavlugit. Tikiaĸitillugit idluarijattit ĸitorngarnut, Atâtâk, sappitsengilattit. Mel. 195 Kor. 8. Ajortokullungmik aijoĸalerangat illingnut, nâpkoarivat. Sângne ĸugviortut ajortoĸsôningit issumagijungnairpattit. Naglimut — ajortut kapiasudlartut nâpkoarivattit. Mel. 416. Ill. 9. Pilloringmêk illa Gûdiptingne piulijauviksarsijoĸ, okpertoĸ õmamut illũnânut, Kristusemik tetteĸartoĸ. Pijariaĸalerangat, ikajortaudlarpoĸ tamât. Halleluja! — Halleluja!

Mel. 151 g. Ang. 10. Oĸâlautigivara illerasungnanga, Arn. ajungitoĸ Nâlegaĸ atâtagigapko. Ill. Illagitsainarpânga, nanẽtarangama, aĸtornartut tamaita oĸiglitillugit. Mel. 195. Kor. 11. Hallelujârmilit illũnatik Gûmik atâtauneraijungnartut! Hallelujârmilit Gûmik naglingniktut tâpsomungalo tunijut! Ill. Gûdivut — Zebaot nertorlavut mâne pânelo ĸilangme! Mel. 9. 12. Amen, Abba Jehova, attit nertortaule! Nakorivaptigille issoĸangitomut.

Mel. 101. Kor. 1. Nellopĸotimut ĸaititse, illagêt, Jêsusib inungit, ittiganginut pititse, tarnipsigut nakorivlugo! Sunginapse illiniaritse, tâpsomale tamainik pingmasse. Ill. 2. Iksivautavit sângane pâmangavluta ĸenuvogut: Jêsuse Gûdeojotit, ijivut tautuktilaungmikit, saimanermik tautulerĸovluta, nertorlutit tagva perĸovluta.

Mel. 7. Ill. 3. Jêsus pinarnartoĸ, ivsornaitoĸsôjoĸ nertorpât sorairatik Engelit illũnatik. Mel. 101. Kor. 4. Toĸotaĸ Gûb saugârsunga, inoĸotivit nertorpâtit, aungnut pissiarivluta ĸennilauraptigut inungnit, kiglinganit erĸaumagaptigut, perĸovluta pilorigviksamut.

Mel. 7. Ill. 5. Jésus issungitoĸ puilaviovoĸ epĸêjartauviksoaĸ ajortunit tamainit. Mel. 173. 6. Gûmut nellopĸotijunga tettituarivagit, Jêsuse, pillorikpunga, pivlunga auktogavit, ĸejungmẽtillutit pêjaivigivarma pidlautiksamnigle, toĸotigigamga; piuliklernit illa okpernermut tettigidlarpara nâksaungitomut. Mel. 155. 7. Nâlegaĸ, nertorpagit, nukkeĸangitoĸ uvanga, ajulertoĸ, ullapirsalauramga; taimaktauĸ Gûdib inuĸotinginut illaliortilauramga, piulijigigapkit. Mel. 101. Kor. 8. Kattimajoĸsuit pâne anernerillo pilloriktut, Gûb erninga opigomut nakorisiuk Nâlegavut! Illagivlutalo nâleksiuk! Nertortaule attinga tamainut!

Mel. 7. Ill. 9. Pinarnartut ĸilait Jêsub mikkigivait, inneĸaromavlune õmatekulluptingne. Mel. 183. 10. Omatiga tagga ĸaipara! Iniksautiuk illingnut, anernikut kajungertitsuk ĸuviasuktillugolo; naglingnivit aĸĸartitivit taipsomane uvaptingnut, naglingnivit soraingitub õmatiga innigiliuk! Mel. 101. Kor. 11. Nâksaungitomut ômartoĸ Gûd nertorpât Engelingita, mâne oĸautigigivât illa okpertoĸotingita. Pânẽtose, nakoridlarsiuk, illũnase pingortitaujose!

Mel. 7. Ill. 12. Attê, illũnata imgervigilavut Engelit pânẽtut serritigijangat.

Mel. Schoenster Herr Jesu. Kor. 1. Nâlegaĸ Jêsus, Gûdeviksôjotit, inungorsimajotit, nagligivlutit nertorlaptigit, ânanaunerpaujotit.

Mel. 228. Ill. 2. Kausiut ĸaumaridlartoĸ, ullapirsaumik ĸaitsijoĸ. ĸuvianarmêk illa! Igvit, Davidib erninga, tarnima anerijanga inuĸotigivarma, illũnainik saimanartunik pitaĸalloriktotit, annernarnerpângojotit. Mel. 83. Ang. 3. Jêsusigale illa ĸemagomatsengilara. Arn. Nanele pitaĸarĸâ serrinartomik ôtunaĸ? Ill. Pillorikpunga illa, Jêsusib naglingmanga. Mel. 11. 4. Ullapĸutigijara, ĸuviasuktitiga Jêsusiga, tamainit pituarẽnarpagit. 5. Allianartut illa aktarlukkogivakka, toĸomut tunilauĸtoĸ unganarnersaudlarpoĸ. Mel. Schoenster Herr Jesu. Kor. 6. Pinarnartunit takovaktaptingnit pinarnarnerpaujotit, igvit tamainit annerivlutit nagligẽnalaptigit.

Mel. 228. Ill. 7. Manigornadlarpoĸ illa, Jêsuse, nellunginama, toĸungnut piuligamga! Missigigapko tamanna, tagva nunab pingit illa nachogitsainarpakka. Illa tagva pilloringnaĸ ĸuvianaĸ, Jêsusiga, pigigamga pairivlunga. Mel. 83. Ang. 8. Sunamut assianut ĸillanângilaĸ tarniga. Arn. Jêsusele kissiat ullapirsartiga Gûmut, Ill. assiotailitiga tussugituinarpâ. Mel. 11. 9. Passigalloarmanga idluitullinima, pitsartuerutivâ Satanas Jêsusima. 10. Tarnikut sukôvlunga ĸanimalerangama, tamât piulijiga inûlijigivara. Mel. Schoenster Herr Jesu. Kor. 11. Nertortaudlarit, nakorijaudlarit, Jêsuse, uvaptingnut! Uvlut tamaita nâpkigivluta takunâtsainartigut!

Mel. 228. Ill. 12. Tarnipkut serridlarpunga, Jêsusemut okperama, ajorungnairtimanga, tâpsomalo nagliktima angerautijomârmanga ĸuvianartovingmut. Kuvianaĸ! Omamut tamânut kajungidlarpunga, paunga iteromavlunga.

Mel. 80. Kor. 1. Nertordlerutiksara, illisimautiksara, piksatuarijara, oĸâlautigijara ĸaujijomavisiûk? Ill. Kikiaktorsimajoĸ.

Mel. 68. Ill. 2. Gûb saugârsunga, piulijiga, õmamut ĸujagivagit, amugamga ajornimnit, Jêsuse, aungnut nagligosumut. Mel. 132 a. 3. Sungertutiksatôvotit, assingnik nellovunga. Piuliklertetôvotit, toĸungnut ĸelluvarma aungnullo inûlivarma ajornimnit, Gûb sângane saĸĸerungnarĸovlunga. Mel. 80. Kor. 4. Okpernimnut tungavik, Gûdemut saimartauvik, ajornimnik pêjaijoĸ ĸanimniglo aitaijoĸ kinauvâ? Kaujisiuk: Ill. Kikiaktorsimajoĸ.

Mel. 68. Ill. 5. Jêsuse, igvit erĸilerpagit mãna õmamut tamânut. Inôtsima naggatânut tettigivlutit pigẽnarlagit! Mel. 132 a. 6. Inôtigigapkit illa, pitsartutilaungminga, âĸiklugolo illuga, illingalerĸovlunga ajungitunut tamainut; õmatipkut anernernut tessiortaurĸovlunga. Mel. 80. Kor. 7. Manigorvigijara, saputjauvigijara, õmatimnik âĸêjoĸ, uvamnik inûlẽjoĸ kinauva? Kaujisiuk: Ill. Kikiaktorsimajoĸ.

Mel. 68. Ill. 8. Kugvioruma, manigorminga, pivlunga ĸugvioravit, ĸugvikka allarterlugit ĸugviornera pijungnairlugo. Mel. 132. 9. Pitsartutigivagillo sapulutarivlutit manigortigilarpillo kiksarnimne tamaine. Umiaĸtorumalõnêt aĸĸunaĸsoaĸarningane saputjauvigivagit. Mel. 80. Kor. 10. Toĸuksairutijiga, kapiasuktailijiga, ĸilangmut nukterijoĸ, ĸaumajungortitsijoĸ kinauvâ? Kaujisiuk: Ill. Kikiaktorsimajoĸ.

Mel. 68. Ill. 11. Ajuleruma, najulaungminga ĸeavingmit nukterlunga ânanaunermut takpaunga, illingnik tagva takotillunga. Mel. 132 l. 12. Mãna avatigigamga, manigorvigivagit, avitauniangilanga illingnittauĸ toĸome. Toĸungnulle inôtsemik illa nungusuitomik piksaĸartilauĸparma.

Mel. 7. Ill. 13. Inôjomavunga, toĸojomavunga kissingnut, Jêsusiga. Perĸutigẽnalaunga!

Mel. 235. Ill. 1. Nâlegaĸ Gûd illa, Gûdib Anerninga! Manigoijotôgavit, okpertut nakorivâtit, Engelit ĸilangmiullo ĸujagitsainadlarpâtit. Kor. Gûd issoĸangitoĸ, Atâtamit pijoĸ, Jêsub ânianganik ĸaujititsijotit. Ill. Toĸojut ĸaningitigut oĸalauĸtotit inungnut, Jêsub toĸunganik igvit oĸartidlarivaptigut. Nâleklutit õmatipta nakoridlarpâtit illa. Amen. Mel. 22 b. Arn. 2. Anerneĸ pingortitsijoĸ, tamainik ômartitsijoĸ, Ang. oĸautsivit pitsartujut kiblikpait kittiksaungitut. Ill. 3. Ajoĸertorpaptigullo, Jêsus illitarivlugo, taimaktauĸ Atâtaptingnut tuksiartinivaptigut.

Mel. 151 g. Ill. 4. Anerneĸ, illũnâne sulliviĸalaungmît: Oĸautsit tussarnertut kiblingnartillugit, õmatit angmarlugit piulijiptingnut, oĸalloriktillugit kivgait oĸâlajut. Mel. 167. 5. Pitsartutilaungmitigut, sangêdlarapta illa, okpernerme nangerluta illungertortilluta! Nâlegaĸ kivgartorlugo sorsuktilaungmitigut, sâlagivlugit tamaita agviaromadlartut! Aria. Kor. 6. Halleluja! Gûdib Anerninga, pitsartunit ĸanipoĸ, pairĸsinernullo ullapirsainernullo najorpaptigut. Halleluja! Mel. 97. Ill. 7. Gûd Anerneĸ, opigomut tamapta nertorpaptigit, pitilluta Jêsusemut okpertungortinaptigut. Tâpsoma ĸuviagijanganut inôrĸovluta, âĸingmitigut! Mel. 151 g. Ang. 8. Kiglisiniartotit Gûde õmatinik, illitarsititigut illiorniptingnik! Arn. Uvaptingne ajortut sulle takojattit, erĸagilungitavut igvit saĸĸertikit! Mel. 155. Ill. 9. Gûd Anerneĸ, piginga tarnigalo pairivlugo, torĸorlugo, sapperapko nangmineĸ pairineĸ. Igville tessiorumga pitsartutilerumgalo, âĸilârpoĸ inôseĸ. Mel. 58. Kor. 10. Kenuevigilaungmitigut, ĸikarniarnak kaiblainernik, ajoĸertorluta saimarsainernut, ullapirsautingnik illumikkit õmativut! Mel. 235. Ill. 11. Ilikut arvertarnivut ĸujalijutigilavut Gûmut! Pitsartuniville illagitsainarlitigut inôsipta nâninganut, pilerpat toĸoviksavut; pânẽtut illagivlugit nertordlernivut pigikit! Amen.

Mel. 230. Ill. 1. Gûb illagêktoĸotingit ĸaĸamut tungatitaumavut nuktitaujungnangitomut. Sâlaginasuarlugit sullingilat omigijingit, pitsartujoĸ tagvanêngmat, serngnigẽnartingat Nâlegaĸ Zebaot. Halleluja! — Oĸarpogut: pillorikput tagvane toĸaveĸartut. Mel. 520. Kor. 2. Gûd nertorlavut; nâpkinersoarmut âĸisulaungmattigut illagêktilluta; tamapta ingminut amulaungmattigut Zionib ĸaĸĸangane ernikut Kristusekut, kiksamut sâlagijaunata, perorluta saĸĸerĸovluta. Serrinaĸ angijoĸ! nagliktigẽkaptatauĸ piulijauvluta. Mel. 230. Arn. 3. Oĸautautsainarniarput illagêt kattititaumajut, pairijaujut ĸotsiktomut. Ang. Nunaĸatigêt tamaita oĸarviorĸovait Gûdipta, ĸaisârĸovlugit tagvunga, Ill. piulijaunermik nerriudlarlutik, ivsornaitub — anernerub ajortolit Jêsumut tessiormagit.

Mel. 164. Ill. 4. Gûb anerningat kissime piloriktipâtigut, inôtilluta nuname tessioramitigut Jêsusemut illa, illagêt tamaita Kristusib naglingninganik illumertẽnaramigit. Mel. 228. Ang. 5. Halleluja, Gûd Anerneĸ, mãna soraijuitomik nertudlarlaptigille, Arn. erniangotinaptigut pitiluta Jêsusemut anneridlartiptingnut. Ill. Illa tagva ĸuvianaĸ, piloringnaĸ, tarniptingnut piksarivavut nellâgut. Mel. —132a. Kor. 6. Anernerub pângat pijub illagêktut iglugivait ivsornaitillugillo. Mel. 199. Ill. 7. Omatiggit kiblidlarpait oĸautsit tussarnertut, ajortut ĸêlervigivait nekoĸsitiksarsivullo; epĸêjartaugamik, arvertadlalerput Jêsus malliklugo, erniangogamik anernerub baptijutânut.

Mel. 199. Kor. 8. Maungaritse illũnase, aungmut pissiangojose! Anernermut baptitsijoĸ mâne igloĸaromavoĸ. Ill. Taimaimat illagêt nunguniangilat, unêt aĸunaĸsûb ullitornersûblo pikpagit, ochutsengilat.

Mel. 132 d. Ill. 9. Nâlegaĸ, taimak pivlugo ĸujagẽnarpaptigit, illagêktilauraptigut epĸêjarluta aungnut. Kenuvogut naglingnernut illumertilaungmitigut, ungagapta illingnut!

Mel. —249. Ill. 10. Amen Halleluja! Halleluja! Amen Halleluja!

Mel. 195. Kor. 1. Gûd uvaptingnẽpoĸ, ĸenuvigilavut, opigukta sajungnermut! Ill. Akkonaptingnêngmat nekoĸsitiluta, nellopĸotimut pâmakta! tâpsoma — tamapta ĸennilaungmattigut, nakoridlarlavut! Mel. 90. 2. Gûb nagligosuktotôjub sângane pâmagitse! Saimarsaijoĸ najorsiuk, Nâlegaĸ opinartoĸ! Tautungigalloarpasse mâne okpervigijase. Mel. 14. Kor. 3. Kotsingnerub ĸitorngane erdligitsainarpaít, nikkanartut illumingne ĸuviagẽnarpait. Mel. 195. Ang. 4. Gûd uvaptingnẽpoĸ, tâmnalo Serafit kivgartorpât sorairatik. Arn. Hailig, hailig, hailig! Engelit imgerput tamât nertornautinganut. Ill. Taimaktauĸ nippivut Gûd, tussalaungmikit, ĸujagigaptigit.

Mel. 14. Kor. 5. Nelleĸangitub tâpsoma naglikamitignt, tuksiarnivut tussâvait, piksarserĸovluta. Mel. 195. Ill. 6. Gûdeviksôjotit, ĸanoĸtôĸ uvagut nertorlaptigit õmamut! Sôrlo Engelivit naipertudlarmattit kênarniglo takovaktut, taimak, Gûd, tamainut idluarijarnut inôtimitigut! Mel. 90. 7. Kivgartorlutit, Gûdiga, angerpunga õmamut, illũnarma âĸingminga timipkut tarnipkullo. Kaujilit ĸaujijomajut, inuĸutaugama Gûmut. Mel. 14. Kor. 8. Tarnipta, Jêsuse, tarnit najutsainarlitsuk, õmativut serparsakit aungnut kovijomut!

Mel. 195. Ang. 9. Issumatunata Gûd, taimaititigut, ullapirsalaungmitigut! Arn. sôrlo perorsiat, seĸinerarnermut perorsitsiartutitut, Ill. illume, Jêsuse. perortimitigut napkigosungnernut! Mel. 90. 10. Tagga illa, õmatiga âniajutigigangne, illingnut tunilerpara inûlijaurĸovlugo, âniarnut ikkingnullo ikkomatiniarlugo. Mel. 14. Kor. 11. Jêsub timivut tarnivut aĸitsainarligit inigitsainarlugillo nertornautiminut. Mel. 195. Ill. 12. Nâlegaĸ illuvut, innigilaungmikit, nuname ivsornaitikit! Kailaurit, Jêsuse, ĸaumaksarmitigut, nâleklutit naglingnermut, õmamut — illingnut ĸêmitẽnarluta illingnêrĸovluta.

Mel. 110. Ill. 1. Jehova, imgervigivagit! Nanele illiktut Gûdeĸarĸâ? Nertordlernikka ĸailerlugit pitsartutilaunga Anernernut, perĸovlunga Jêsub attingane, tâpsomûna ĸuviagigangne. Mel. 79. 2. Nertoromagaptigit, igvit nertordlernermik âĸiksoijotit nutaĸĸat ĸaningine, oĸausivut âĸikit takpaungartilaungmikillo! Mel. 22 Kor. 3. Atâtâk ĸilangmẽtotit, ernivit ikkingit aulît issumagivlugit illa, nâpkigitigut tamapta! Mel. 110. Ill. 4. Atâtâk, amuanga Ernernut, Ernivit pitilinga illingnut, Anernît illumnẽnalaurle, issumamnik aulatsitsainarle, ullapirsaumik Gûmit pijomik õmatimne peĸainarĸovlunga!

Mel. 79. 5. Takunâlaungmitigut, tatamnartullinernik nertordlerangapta. Ittikavit sânganne ĸujagidlalaptigit, pairẽnaraptigut illa. Mel. 22. Kor. 6. Atâtâk, tillilauruktoĸ anerneĸ ânanausêjoĸ Gûdipta saugârsunganik, saimarsaijoĸ illuptingnik! Mel. 110. Ill. 7. Anernivit tuksiulinga oĸauserijaujungnangitomik! Tâpsomalo ĸaujitipânga, ĸitorngarigamga Jêsuseme; tâpsomane atâtagigapkit, tagva Abbamik tailerivagit. Mel. 79. 8. Okpertungortitigut, illa nutaĸĸatitut illingatitigut! Attê, tetteĸanivut illingnik, unganivut sôngolit pitsartunernut!

Mel. 22. Kor. 9. Okperneĸ nekoĸsititsuk, Oĸausernik tetteĸartoĸ, sungertuteĸarĸovluta illingnik nellâgut illa! Mel. 110. Ill. 10. Anernivit tuksiartitima issumangnik nellautsitipânga tussarpattillo ĸenunikka, Jêsub attingane ĸenugama; tuksiarnimnit anginersamik pititsivigitsainadlarparma. 11. Jêsub attingane ĸenuvunga, akkisartortima, Gûd, illingne. Tâpsomane ahailangovut pângat ĸenunikka okpernerme. Pitsainalaurit ĸujalinermik, pilloriktigamga angijomik!

Mel. 149. Kor. 1. Gûdivut ĸaglilavut ĸenuvigivlugo! tussâvait ĸenunivut, tettigigaptigo. Ill. Arlorta tamapta! Kenuarijavut piginiarpavut.

Mel. 79. Kor. 2. Kenugapta illingnut, pairĸsijotit illagênik, kajungersartigut tuksiatsainarnermut; naglingnernut illuvut ônartikit saimanernut! Mel. 161. Ill. 3. Nâlegaĸ nagligijavut, mikiluartomigle; issumavut aulatikit ĸellaklugit illingnut; kajungerti- laungmitigut, ĸitorngaumarerĸovluta ĸattimajoĸotingnulle. Mel. 155. 4. Kitorngaritsianga, ivsornaitiuk inôseĸ, ikliguneĸ nellâgut toĸolugo, aungnullo asserorsimanimnille illupkut ubvartauvlunga. Nutautinga, Gûdiga!

Mel. 79. Kor. 5. Kaumaneĸartilaunga inûlidlarmingalo illupkut tamapkut; ikpigitillungalo asserorsimanimnik, saputinga ajortomit! Mel. 161. Ill. 6. Tuksiarnivut, Jêsuse, tussakit saimarluta! Saimarsainit pigannerle okpingineĸ pêrlugo, uvaptingnik ikajorit, mâne arvertartilluta okperneĸ sôngotillugo. Mel. 155. 7. Illannâĸ, õmatiga perĸovara naglingnernut unganermut, ivsornarĸonagole nuname, kamaginagit assitit, ônarsile naglingnernut saĸĸijârtilauĸtarnut.

Mel. 79. Kor. 8. Jêsus, nertornautingnut âĸiksulaungmitigut, naglerĸâraptigut; najulerangaptigit, erĸitsainaraptigut, torârvigẽnalaptigit. Mel. 161. Ill. 9. Nâlegaĸ Gûd, anernivit kajungersaininganik illangiutitiguttôĸ ônarsitilutalo, ungatsainar-ĸovlutale Jêsusib naglingninganut, tâmna najutsainalavut. Mel. 155. 10. Gûd Anerneĸ, piginga tarnigalo pairivlugo, torĸorlugo, sapperapko nangmineĸ pairineĸ. Igville tessiorumga pitsartutilerumgalo, âĸilârpoĸ inôseĸ.

Mel. 218. Ill. 11. Tuksialerupta illingnut, tussartigut saimarluta! Ullapirsautingnik tarnivut illumertikit, Jêsusîk! Ungagijivit illũnatik mãna õmamigigamitit, erĸaumatsainarpâtittauĸ; malungnarsiluta tamapta Jêsusib arvertaĸatipta avatine pairingmagit.

Mel. 228. Kor. 1. Sillaĸsoaĸ angmarletôĸ! Tagga, saimanelijartoĸ attaneĸ ittilerpoĸ. Ajornernit sâgiartut tâpsomunga ôksilerput ânanaudlarninganik. Tautuksiuk ânanaujoĸ, ĸaumaksaijoĸ, saimarsaijok, ullapirsaumik ĸaitsijoĸ! Mel. 189. Ill. 2. Erĸaumagupko Gûb nâlegauvinga, ĸuviasukpunga, Jêsub aungminut âĸingmagole, perĸutaurĸovluta Gûdemut; âniadlalaungmallo, sulle unuktut pititaksauvut illagêktunut nunamẽtut. Mel. 107. 3. Illũnatik ĸairĸojaumavut. Kênangillo tautungillo sunaugalloarpattalõnêt, adsigêngitoĸangilaĸ. Nellojoĸsuit tâĸsiortut tamaita ĸairĸovait naglimut.

Mel. 184 a. Ill. 4. Ikomamik, Jêsus, nuname ikitsijartulauravit, ĸanoĸtôĸ ikoaladlarle! Nâlegatuarivlutit, Gûdigivlutit serĸortorlit sângnut sillaĸsoarmiut! Kaumaksarlugit illautikit tamaita saugaĸotingnut! Mel. 119. Kor. 5. Attille, — attille sillaĸsoarmiunut tamainut oĸâlautaule! Illa pitsartunernut ânanaunit saĸĸijârle, tikkerĸârnaĸ Nâlegaujotit tamainut, — tamainut. Mel. 30. Ill. 6. Nerriukluta utaĸivogut: Nellojut õmatingit illingnut sagvarsimajut akkiksautisâkit âniarnut!

Mel. 107. Ill. 7. Unudlartunik Jêsusemut sâlertoĸarniarmangât, okpernekimut ĸollarpogut. Gûdible saimaningata kittiksaungitut tessiorpait ĸaumajomut tâĸtoĸsoarmit. Mel. 151 g. 8. Kikkarveĸatsengilaĸ, nunaĸsoaĸ illa nãmalerĸârtinago Jêsub attinganik, nâlengnermut inungit Jêsusib sânganut pâmakterĸârtinagit opigidlarlugo.

Mel. 79. Kor. 9. Kigligiutsijose, oĸariartoritse inungnut tamainut: Jêsuse âniangmat, ĸejungme tarningermat, piulivait toĸominut. Mel. 58. Ill. 10. Illagêt illũnânemiut illagivlugillo inungnut oĸaromavogut: Jêsub aunganut kivgaujungnairtitaujuksaudlarput ajortunut. Mel. 249. 11. Gûb uvlunga ĸaile! Inuit tamapse imgervigisiuk! Tuksiaĸatigivapse. Tussartaule illũnâne: Gûb nâlegauvinga ĸaivoĸ tagva. Amen Halleluja!

Mel. 119. Kor. 1. Nâlekab, — Nâlekab nâlegauvinga ĸaile! ĸaumaningat tâĸsiortut ĸaumaksalerligille! Okpingitoĸarungnaile! Nâlegauvikpit ĸaumaninga ĸailaule tamainut! Mel. 95. Ill. 2. Aggane putoggit Jêsub sorairane tamartunut issakpait illũnainut. Nellojut sunatuinait piulijaujomadlartut iglominut aitipait. Mel. 151 u. Arn. 3. Kaumaksartaujogulle takpângat ĸilangmit, nellojut tâĸsiortut nâpkigidlarlavut! Ang. Piulijautiksamik. tussarnidlartomik inuit illũnaita oĸarvigilavut! Mel. 58. Ill. 4. Erĸeasujuititigut, kajungersarlugit tarnivut taimaktauĸ timivut, perĸojatille nâniatsainaromadlarlugit ĸuviasumut. Mel. 119. Kor. 5. Gûdipta pijaksanga angidlarmat nuname, attê, karngasoijose, illũnainut pititse! Inertunik kattersijut Gûdib ĸuviagijanganut unuksi tilaukit! Mel. 29. Arn. 6. Tamainik pingortitsijotit Jêsus, nachogitsengilattit nellit sillaĸsoarmiut, tamaita nâpkigivattit. Ang. 7. Taimaimat tussumarikpogut, sulle nellojut unudlartut oĸautivlugit illingnik, piuliklerteojotit. Mel. 151 u. Ill. 8. Karâlit ĸaĸĸanginit India tikidlugo, Afrikab nunangine kiaĸtaĸartune, nellojune tamaine niplertoĸadlarpoĸ: ĸaititse, pêrsititse ĸelaumgujapsingnik! Mel. 58. 9. Jêsuse, illagêktitatit unuksivalliatilaukit nertornadlarnernut, aukpit inuit okpingitut sâgiartiligit illingnuttôĸ! Mel. 119. Kor. 10. Naglingneĸ, — naglingneĸ illungertûtigivat; inungnêtsomavlutillo ĸuviagitsainarpat. Taimaimalle inuksuit illũnaita perĸutautikit! Pigikit, — pigikit! Mel. 151 u. Ill. 11. Nunanut illũnainut Jêsusib attinga nertornartoĸ âtaule annorinut sôrlo! Siamartitaulaurle opigijauninga, nâlegaumariklune utterĸârtinago. Mel. 58. 12. Gûb nâpkigijomatsengilait inuit ĸaijomalungitut Gûb saugârsunganut, toĸolauĸtomut ajornivut pivlugit ĸejungme, piulivluta. Mel. 225. 13. Jêsusib — Kristusib, Gûdib annerijangat inuit illũnaita saĸĸertitsomârmagit, idluartotuamik erĸartorniarlugit. Okpertulle illũnaita ittertipait iglominut, Hosianamik pita!

Mel. 119. Ill. 1. Gûdivut, — Gûdivut ĸujagitsainarlavut, oĸautsine tuningmagit uvaptingnut oĸautjivut, Gûde nangmineĸ pivluta ajornivut pêjaromavlugit toĸomut ailaungmat.

Mel. 58. Kor. 2. Inungnut oĸarĸojaujose, oĸauseĸatsainalauritse, Kristusib tamaita pingortingmagit, inuit assiolauĸtut amma piulivait. Mel. 22 a. Ill. 3. Omatipta tungavingat, illagêktut tettevingat, tagva, Gûde, oĸautsitit tungavigitsainarlavut. 4. Jêsuse Krist, najortigut! Tâĸsiorĸonata sumut, oĸausernut illuptingne ĸaumaksatsainartigulle! Mel. 167. 5. Nâlegara, oĸautsitit piksaritsainarlakka, angnerpâĸutigigapkit nunab pinginit illa. Oĸautsitit pingikupkit, tettiksara nanẽĸâ? Okpernermut oĸautsitit tettituarivakka.

Mel. 8. Kor. 6. Attê, tillijaujose, sivumuaritse maksoatsainarluse, noĸarniarase! 7. Gûdipta saimaninga ĸaujijautillugo nunaĸsoaĸ illũnât aivigidlarsiuk! Mel. 221. Ill. 8. Kilait Gûb nertornarninga oĸautigivât, nunablo saĸĸijârtipâ. Piulijaujulle, pissiarijaujut ômunga nippangertuksauvât? Aukak, Gûde oĸautigisiuk õmamut, piulilaungmattigut. Nangminipsingnik pititse Nâlekamut, oĸautigijaurĸovlugo illipsingnut! Mel. 151 g. 9. Illa, Gûd, oĸautsitit pilit illũnainut, nâpkigosungnivillo inuit kiblikligit! Pijungnartimitigut oĸautigivlutit! Sorairpatta nippivut, ujarĸat niplerlit!

Mel. 68. Ill. 10. Taimailungipat, Gûb kivgangita oĸumaitiginajarpât, inuit sagiarĸovlugit, Gûb oĸausinga kiblêjoĸ illa. Mel. 11. Kor. 11. Oĸautsit kiblingnartut, pigijominadlarlut nuname siamarlit, inuit ĸaumarlugit. Ill. 12. Jêsuse, kênarnut illannârnartomut ĸaumaksakit illagêktut, inungillo tamaita ingmikôrlugit naglimut nekoĸsitikit; kivgatit tunidsivigilaukit ikkivit aungat pitsartutânik, ajoĸertuijunik nertornartunik kingomaklerĸonagille illagêktut.

Mel. 155. Ill. 13. Amen, tunganadlarput Jêsusipta oĸausingit; angernine nellautsitiniarpait. Taimaimat ikajoĸataulaungmita, nuname nâlegauvinga anginersautillugo!

Mel. 26. Ill. 1. Nâlegapsingnut sâtitse pâmakterluse unganermut nellopĸotimut, opigomut, aungmut pissiaringmasse! 2. Atausiotẽnartigut, attautsemut tungatitigut, ikkingnillo imertitigut, taimak illagêktitigut!

Mel. 115 b. Ill. 3. Pillorikpoĸ illa ullapirsaumik nagvârsimajoĸ, Atâtamullo agviartaunane najutsungnartoĸ, ominautaijarsimajoĸ Jêsub ikkinginut; tâmna illa alliajuteĸarpoĸ nungusuitomik. Mel. 155. 4. Okpertut pilorikput, Gûmit erniangomavut, ungagivât, ônartisimavullo tâpsoma anerninganut Jêsublo aunga pinarsitigivât tautuĸôtsainarpâllo. Mel. 161. 5. Piulijaumajosele Jêsub Kristub aunganut, ĸitorngaujutitut Gûmut ullapirsartaujose, oĸalauĸta, nippeĸarta pijariaĸarniptitut Jêsub pitsartuninganut. Mel. 39. 6. Anernermut erniangomalerapta, Kristusekut ĸatangutigêlerpogut, ĸilangmullo ingergaĸatigêkluta illũnata aĸpangerĸatautivogut.

Mel. 166. Ill. 7. Anerneĸ, pângat pijotit, nagligosuktitigut! Tamât tamaĸattarnivut kiksautigilerpavut. Ajortôgalloarluta, Jêsuse, pigaptigut, taimaimallo attit mãna nertoromadlarpavut. Ang. 8. Naglingneĸartimitigut ullapirsarnartomik, Arn. õmativullo illingnut attausẽnangortikit. Ill. Illagêkluta õmatit aivigigangaptigo, idluinivut pêjakit aungnut ubvarlutalo.

Mel. 141. Ill. 9. Nagliktigêgitse, perĸutaujose ikkiliksoarmut, ĸununaselo attausiotitse! Jêsusib aungat õmativut illa õnartiligit! 10. Saugârsuk ikkilik illũnaptingnut nertortaurĸovlugo, ikkomanivut ĸaumarĸovlugolo õmatiptingne Jêsusib ikkingit ĸaumaimangmatta. Mel. 167. 11. Atausingortitiguttôĸ inôsiptingne mâne, sôrlo igvit atâtallo attausiudlaraptik! Ikkoalanernit illa ĸaumasivut ĸaumaile! Tagva takuksauniarpoĸ, perĸutigigaptigut.

Mel. 205. Ill. 1. Illagêt pairijingat õmamut nakorisiuk! Sânganut ĸuviasumut nertordlerneĸ tunisiuk! Inungitatauĸ itsaĸ nakôrivât Nâlegaĸ. Illa nâlegauvinga pitôngmat, opigukta!

Mel. 151 g. Ill. 2. Kuvê, ôktortaumajoĸ âniakut pivluta, nagliktivut toĸomut aulatsijotôvoĸ. Unersiorviovoĸ tettigijiminut, tikitaupatta sumut. Nellâgôtsainarpoĸ. Mel. 114. 3. Uvamnigle pairsigavit, Gûdiga, pêrpattit tarnib oĸumainingit illũnaita, torârvigigupkit, anernerublo ullapirsarmanga, nekoĸsivunga saimarsainernut, erĸsijungnairtinamga illupkut.

Mel. 7. Ill. 4. Oĸumaigijattit oĸautigisâkit ômunga, tussarmattit ikajorniarlutit. Mel. 205. 5. Amen illa, Halleluja! Tamapta nertorlaptigit! tessiornit uvaptingnik tukisiĸattalauĸpavut. Takunâtsainarmikit illagêktoĸotitit; illũnatik attunit illingnut perĸutaulit! Mel. 151 g. 6. Saimarluta õmatit ittervigilavut! Ajortut nâpkigikit, taimaktauĸ âniajut! Tarnimikut kiksartut manigutsainakit, ungajullo illingnik illannârẽnakit! Mel. 114. Ang. 7. Gûd, pairikit tamât kattititatit inôgutiksaĸartilugillo; Arn. tamartut ĸeneriartulaukit ĸairĸovlugillo uttertilaungmikit; Ill. ĸanimajut inûlilaungmikit illũnaita issumagivlugit.

Mel. 7. Ill. 8. Kenuvigijitit ĸipilungilattit, mikijut angijullo igvit sappingilattit. Mel. 205. Ang. 9. Kissivit niaĸôgit! illiniarteovogut. Arn. Apĸomut idluartomut, Nâlegaĸ, tessiortigut! Ill. Pitit illagilaukit, nâlegomagaptigit, ungamut angernitit ivleritsainarlugit. Mel. 151 g. 10. Kuviagidlarluta pairitsainartigut! Nanẽmangâptalõnêt ikajormitigut! Aulatsijotôgavit, tessiutsainakit illingnik oĸâlajut ĸaumaksadlarlugit. Mel. 114. 11. Jêsusiga, illagêt Nâlegangat, attit uvaptingne nertornarpoĸ. Kinguvâvut pilloriktikittauĸ illingnullo ĸitorngautilaukit, saimanernut illangiutitikit, sôrlo uvaptingnut pilauravit!

Mel. 7. Ill. 12. Illagêt sangẽtut sâlaĸartungorput, ajugaĸatsengitoĸ pitsartunerivlugo. Mel. 205. 13. Nâlegaĸ, attaviksaĸ, okpervigẽnarpaptigit, illingnik takonata saimanit tungagivavut. Okpertoĸotivillo pitsartutigidlarpât saimarsainit ĸaut tamât sungertutigivlugo.

Mel. 205. Kor. 1. Illagêt Nâlegangat ânanaujoĸ nertorsiuk! Nâlengneĸ nãmagivâ, nertutsiarangaptigo. Inuĸotingitalo õmamut nâlengningat nertornautigidlarpâ, toĸotigigamigit. Mel. 184 a. Ill. 2. Nâlegavut nakorivavut, illagêt pissiaringmagit, piulivlugit kattitingmagit, inônialerĸovlugit ôma idluarijanganut, issuanit ĸenermagit, taimaimallo nagligosumut najorpait pairivlugillo.

Mel. 69. Ill. 3. Kuvianadlarmêk Nâlekab iglungit, illagêktut kattimaviksangit, mâne nertortaurĸovlugo. Kor. 4. Gûmik nellâgut opigosudlarput pititaujut illagêktitarnut, nâle- gauvit pigilerpât. Mel. 107. Arn. 5. Ovanemiut sivorlivut tâĸtoĸsiulauĸput illa, Ang. ajorneĸ kivgartorlugolo Jêsus illitaringilât, Ill. nerriungneĸatsenatiglo inôtsemik nâksaungitomik. Arn. 6. Erĸarsautinik aulatsijub kivgarne kajungertipait, Ang. ikajoriartorĸovlugit mâne ĸellaksimajunik. Ill. Ullapirsaumik oĸâlajut illapsumut mâne niuvut. Mel. 520. 7. Uvlome sulle saimauserpâtigut; oĸâlaviovogut Gûb oĸausinginik, sulle ajortut ĸairĸovait ingminut nâpkigijomavlugit inuĸotinelo nekoĸsitidlarpait piminut, tarningit nãmaksitillugit. Tamapta ĸaut tamât pitsiarvigivâtigut; ĸujagidlarlavut!

Mel. 141. Kor. 8. Illagêt tamapse, Jêsub aunganut kibliktaumavisê takuksaujomik? Ill. Kangusudlarpogut sângne, Nâlegaĸ, kiksartipâtigut sunaunginipta. Mel. 56. 9. Nâlegarle :,: najudlartigut! Kenuvogut :,: saimarsaigavit, õmativullo aungnut tamaita epĸêjakit, sorairata :,: nagligivlutit. 10. Ajornivut :,: pêjalaukittôĸ! Ikkingnullo :,: auliksoarnut ijertortigut mãna, tagva inôtilluta nâletsainar :,:- omavaptigit.

Mel. 205. Kor. 11. Illagêt ĸemangnagit najutsainalaukillotôĸ! Piulikler tetôgavit, tettituarivaptigit. Ill. Tamaita allarpavut, ikajortetôgavit, tamât pingortitavit nâlegaksarivâtit. Mel. 164. 12. Kanoĸtôĸ nertornautingnut illũnata nuname illingatitsainartigut! Takpaungartuksatitut itsainarĸovluta, anernivut illa tarnivullo timivullo pidlaraksaulerĸonagit.

Mel. 61. Ill. 1. Nâlegaĸ nâlengnartoĸsoaĸ nertulauruktôĸ, tarnîk, tamanna õmamut tussugidlarpara. Kailaurittôĸ, ĸujalidlarlutillo sagvairit opigungnernik!

Mel. 132 d. Ill. 2. Nakorijartudlarsiuk Nâlegaĸ Gûd õmamut! Oĸautigijartorssiuk nertornartoĸ! Tamainut pitsiarninga attorpoĸ, pingortitaujut pairivait, tarnivullo saimarpait. Mel. 14. Kor. 3. Piksaptingnik tunitjijoĸ uvaptingnut kina? sillarnerluksiorupta sernârtorle kina? Ill. 4. Ajungitunik tamainik illingnit pivogut; serngnigijigigaptigit, sivôrangilagut.

Mel. 106. Ill. 5. Nâlegaĸ takunâlauruktôĸ attanivut ĸotsiktomit; saimanernut tessiulauruk illangillo pairivlugit! Tamaita ĸaumaksalaukit ĸuviagijautillugit! Mel. 151 g. 6. Attaneĸ saimalauruk saputivlugolo, pitsiarvigẽnaruk nekoĸsivlugolo! Tunidjivigingmiuk sillatudlarnermik, attaniotillugo idluarijarnut.

Mel. 132 d. Ill. 7. Gûde, nâletsiartomik õmateĸartilaunga, ĸitorngatit perĸogangne attaneĸ nâleklugo. Illingnut tillijaumavut attanit, kamarĸovlugit inuit illusinginik. Mel. 95. Kor. 8. Nâlegaviksôjotille, inuit piuligangne, tamaita õmatingit, Jêsuse Krist, amuakit illingnut, tamarsimajut tessiukit apĸutingnut! Mel. 96. Ill. 9. Gûd, iglomioĸatigêt attaruiliningillo saimalaukit; aklujullo sangẽtullo ikajukkit! Ajortut idluiningit issumagijungnailaukit!

Mel. 8. Kor. 10. Nâpkiningnernut, Jêsus, najutsainartigut, aĸĸonartaurĸonata omigijiptingnut. Ill. 11. Saimanernut, Nâlegaĸ, pitsartutitigut, ajungitut tamaita agliserĸovlugit! 12. Nertornarnit, Gûdivut saĸĸijâtsainarle; ajortunit tamainit piulilauĸtigut!

Mel. 208. Ill. 1. Nekoĸsinartôjoĸ nerriugijavut soĸosingitoĸ! Jêsub najugânut itteromârtogut, takolerlugo pânẽtoĸ serrinartoĸ, mânelo inôtilluta ungagẽnarlugo. Mel. 149. Kor. 2. Omamut najorsiuk Jêsusib najugâ; kajungervigisiuk najuinarlugo. Kaumajoĸ pânẽtoĸ allarungnairsiuk ĸeajungnairviksaĸ. Mel. 205. Ill. 3. Illagêt Nâlekame pâne kattimganiartut, serrijut, nertordlertut piloridlarnerarpavut. Gûdib saugârsungata, toĸotaujub pivluta ijinginit tamaita ĸugvit allarterivait. Mel. 168. 4. Igloĸsuit ĸilangmẽtut ĸeblerlutik ĸaumavut; nippinik tussarnertunik nâlegit ĸotsiktomit! Kuvianarmêk, seĸĸineĸ nuilerpoĸ ĸaumaivlune; uvloĸ nâniangitoĸ nelliusinnalerpoĸ. Mel. —58. Ang. 5. Kanoelârĸitâ, takoguptigo illinganinga ĸemergolugo ĸannitomit? Arn. 6. Pinanartotôjoĸ Gûdeviojoĸ tellimaniglo ikkeliksôjoĸ, opinartoĸ. Mel. 149. Kor. 7. Nertordlẽnartoĸsuit pâne Gûb sangane najorpât Nâlegatik, Gûb inûblo erninga; soraijunatigle pigitsainadlarpât nerriugijavut. Mel. 205. Ill. 8. Ahâgle illagêlle kapianartomit pijut iterput Jêsusemut, ĸilaub ânanauninganut! Kor. Kanoĸ ikpigivisê, sulle utaĸijose? Ill. Kuvianarmêk illa, iterĸojaulârupta. Mel. 168. 9. Iglomioĸatigêkput pâne kittiksaungitut, Abrahakkut, nellautaijut, itsaĸ oĸâlalauĸtut, Apostelit nertornartut okpertullo sivorlivut; nippemut attautsemut Gûmut Hallelujârput. Mel. —58. Ang. 10. Timivut sangẽtut tâpkoatauĸ Jêsub adseĸartilerpait timiminut pinarnartomut. Arn. 11. Tarnipta tamanna nelliutuksaĸ, takoleramitsuk ikkilertaĸ, opigivât. Mel. 149. Kor. 12. Nerriugijaksarle sangẽtut tamaita nekoĸsijutigivât nunamẽnermingne. Opinartoĸsôvoĸ ajorneĸarata pâne nertorlugo. Mel. 205. Ill. 13. Kujanaĸ, ĸuvianaĸ! Jêsuse, nertorpaptigit, illingne najugarne iniksaĸarĸogaptigut. Illũnatik okpertut ĸuviagidlarlitsuk, takpâne sorairata Nâlekamẽlârapta. Mel. 230. 14. Tarnipta annerijangat; ĸuvê, pingitoĸatsenata tamapta illingnẽkupta; atsuilijut akkornganne ikkingnut inûlimajunut ĸuviasuĸataugupta! Tagva uvaguttauĸ pitinajarluta atâtavit perĸutinginut; tautukpavut mâne issumanangitut.

Mel. 90. Ill. 1. Iglutit pâne ĸilangme ârlorvigidlarpavut; okpertoĸsuit tagvane nertorpâtit õmamut, ĸuvianadlarningillo sangẽluta takunârpavut. 2. Agviartaujungnairupta pâne kiksarniptingnut, ĸujalidlarungnarpogut ôminga ĸuviasumut; ĸanoenata najorpavut, ôma illagingmattigut.

Mel. 228. Ill. 3. Kuvianartovaksoaĸ tâmna inornarpoĸ illa, tussarnidlartoĸarpoĸ! Unudlartut Gûb inungit, Gûb pinanarsititangit tautugominadlarput; ânanâmik attimajut, sâlaĸartut, nertordlertut Gûmik allagaigivavut. 4. Taipkoa illagivlugit angerartut uvaptingnit nagvâromârpavulle. Okpernermut illagêktut pâne illagêlârivut nertordlerĸatigêllo Gûmik; ĸugvit, sangẽnerit illũnatik pêrsimavut, ĸuvianartulle pidlarput.

Mel. 90. Ill. 5. Gûdib ivsornaitoĸsôjub Nâlegaviksôjublo sângane, opigosumut tuksiarvigikpatsuk, imgerusertâĸ pidlarpoĸ: Nertorsiuk toĸotaujoĸ!

Mel. 147. Ill. 6. Imgerusertâble takpâne attortaujub nertorlugo Saugârsuk ĸilangmiojullo opigosungningita kajungertipâtigut, nunamẽtilluta paungaromavluta.

Mel. 164. Ill. 7. Kugvivut mâne nuname sorairomârput tagva. Kajungervigidlarlavut satornartoĸ takpâne. Piviksavut pikpat, inniksaĸarpogut ĸaumajome, takovavut sâlugolo Jêsusivut. 8. Arvertarnimne nuname pitsartutilaungminga, okpernera sôngotitsuk, idluarsitiminga! sivôratsananga torâlerĸovlunga takpaunga, Jêsus, ilingnut, sâlaĸartut illagivlugit.

Mel. 37. Ill. 9. Jêsus malliklugo piniarpunga, nãmagijanganut illingavlunga. Taimailiorlunga ũtaĸivara, illaurĸârtinanga takpânẽtunut.

O Canada, nunagivaptigit Inungnit naglingnersiorpotit Omativut tettedlarput Tautuĸoruptigit Nunatsiavut! pivlutit Pigâtsainarpogut O Canada! Nunatsiaĸ pigârpogut, inôjogut illa, Pigârpogut pivlutit Canada

Gûdib saimarliuk Attanerijavut, Nâlengnartoĸ! Piloridlarlune, Nertornadlarlune, Attaniutile Uvaptingnut.