MI ANONDA AIAWANGIN JESUS OD IKITOWINAN.

Abinodjiidig, gwanwadjiig genaweniminegog, minik eji gagikiminegwa pisindamog, winawa ma ki ganawendamagowag wa iji pagidinamaweg Kije Manito ki tchibamiwan, winawa o ga gagwedjimigowan Kije Maniton, ge gi ijiwebisiieg aking, Awi neshkimassiwind aianwenimindji, mi awi meno inadisid, awi dash jangitang gagikindiwin, mi awi metchi inadisid, awi pesindang Kije Manito od ikitowin, mi awi ge nodjimoad o tchibaman, awi dash jangitang anamie gagikwewin, mi awi ge banadjiad, Ninidjanisidig, pisindawig nebwakad eji gagikimineg, Apitchi gaie minadenimig gegadjig, Awi wasokawad meno ijiwebisinidjin, gaie win mino ijiwebisi, awi dash wasokawad metchi ijiwebisinidjin, mi go gaie win eni ijiwebisid, Memeshkwat jawenindig, eji jaweniminang Debeniminang Kije Manito, Kego wisokawakego metchi inadisidjig, ojindamog osamidonowin, kego gaie awiia dajimakego, Baiata didjig kawi o sagiigossiwan Kije Maniton, ojindamog maianadak, odapinamog wenijishing, amamie gagikindig memeshkwat, Neta bata didjig manisiwinisin o dibenimigowan, awi dash Kije Maniton saiagiad kawi nita bata dissi, Keko awiia jingenimakego, mojag dash mino sagiidig, kishpin awiia ashpendang wiiaw, ta tabasentagosi, awiia dash tebasenintisodji, ta ashpendagosi, Abinodji ga mino nitawigid, mi go eni mino enadisid ketchi anishinabewidji, makwendamog iwi, Kije Manito tchi gagwedjimineg gi ashkwa bimadisiieg, aking ge gi iji inadisiieg, win ma Debendjiged Jesus ki gi iji windamagona iwi, enigokodeeieg ki ga sagiawa Kije Manito nesobejigod, kidji bimadisiwag dash ki ga iji sagiawag eji sagiidisoieg, ki ga iji mino dodawawag gaie eji minwendameg tchi mino dodagoieg, Apeingi.