ANAMIEWIN WENDJI IKITONG BEMADISIDJIG, NEBODJIG GAIE.
Reading edition
Kije Manito nosina, ki pagoseniminimi, tchi jawenimadwa naganisidjig, nin mekateogwanaieminanig, kakina gaie debenimiiamindjig, jawenim gaie saiagiiamindjig, kakina gaie jangenimiiamindjig, jawenim gaie baiata ijiwebisidjig tchi anwenindisowad, gwaiak tchi inadisiwad, mi dash wakwing kagini tchi jawendagosiwad, ki pagoseniminimi gaie, tchi jawenimadwa aiakosidjig, weweni tchi wi odapinamowad od akosiwiniwan, kakina gaie nongo ge nibodjig aking, tchi mino nibowad wakwing tchi ijawad, jawenim gaie, kakina gasiiakisowining ebidjig, waiba odapin wakwing, kagini wadibi tchi wabamikwa kid ogimawiwining, kitimagenim gaie enamiassigog, mij mino inendamowin, tchi odapinamowad Catholik ijitwawin, tchi mino inabadjito wad, mi dash tchi jawendagosiwad, Debenimiiang, apegish na jawenimadwa kakina agiwi geganodamawangidjig, Apeingi.