Note 11 — II.—VIOLA.[1] (Versione raccolta in Pomigliano d'Arco)

Ecco, come il Basile narra questo tratto.—«A lo stesso tiempo trasette l'Uorco, pe' pigliarese 'na vista de lo ciardino. Avenno pigliato granne omedetà de lo terreno, sse lassaje scappare 'no vernacchio, cossì spotestato e co' tanto remmore e strepeto, che Viola pe' la paura strillaje: O mamma mmia, ajutame. E votatose l'Uorco, e vistose dereto 'na bella figliola, allecordatose d'avere 'ntiso 'na vota da cierte stodiante, che le cavalle de Spagna sse 'mprenano co' lo viento, sse penzaje, che lo sciàuro de lo pideto, avesse 'ngravetato quarche arvolo, e ne fosse 'sciuta 'sta penta criatura. Perzò, abbracciatala co'grann'ammore, decette: Figlia mmia, parte de 'sto cuorpo, sciato de lo spireto mmio, chi mme l'avesse ditto mai, che co' 'na ventositate avesse dato forma a 'ssa bella facce? chi mme l'avesse ditto, ca 'n effetto de freddezza avesse 'ngnetato 'sto fuoco d'ammore?»—