Note 3 — UNA’NG PANAGKITA
Reading edition
Gabii, ika 8 ug tunga ang takna, sa balangay sa Sambag misulod ang pilá ka mga manggugubut nga sangkap sa pusíl.—Nanagpasalidsid sa dalan ug giuyón lamang sa ila’ng mga lawas ang mga pusíl, apan kay sa kanál, may nanagpahupo man’g mga amerikanhon, ang ma manggugubut walá makabantay, gidasmagan sa mga nanaghupó.—Duha ka manggubut naigo ug nangamatay, ang ubán nanagpakadalagan ug ang sargento nila hidakpan kay gigakus sa toló ka amerikanhon.—Ang hidakpan ginganla’g si Lucas Rivera, giangaa’g Banóg, tungud kay nabantog nga kanunay’ng mamihag sa mga amerikanhon ug polis,3 ug karón anaa sa Kotta.—Ang mga amerikanhon namatya’g usá may toló nga samarán, ug may usá pa gayud nga walá’y labut nga naigo sa bala.