Volume 18 — No. I.
Reading edition
Dryden’s Degree as Master of Arts, granted by the Archbishop of Canterbury, preserved in the Faculty Book, (Book 6. p. 236. b.)
“Dispensatio Joanni Dryden, pro gradu Artium Magistri.
“Gilbertus providentiâ divinâ Cantuariensis Archiepiscopus, &c. dilecto nobis in Christo Joanni Dryden, in Artibus Baccalaureo, perantiquâ Dreydenorum familiâ in agro Northamptoniensi oriundo, salutem et gratiam. Quum in scholis rite constitutis mos laudabilis et consuetudo invaluerit, approbatione tam ecclesiarum bene reformatarum, quam hominum doctissimorum, à multis retrò annis, ut quicunque in aliqua artium liberalium scientia cum laude desudaverint, insigni aliquo dignitatis gradu decorarentur. Quum etiam, publicâ legum auctoritate muniti, Cantuarienses Archiepiscopi gradus prædictos et honoris titulos in homines bene merentes conferendi potestate gaudeant et jamdudum gavisi sint, prout ex libro authentico de Facultatibus taxandis Parlamenti auctoritate confirmato pleniùs apparet; Nos igitur prædictà auctoritate freti, et antecessorum nostrorum exemplum imitati, te Joannem prædictum, cujus vitæ probitas, bonarum literarum scientiá, morumque integritas, vel ipsius domini Regis testimonio, perspectæ sunt, MAGISTRI IN ARTIBUS titulo et gradu insigniri decrevimus, et tenore presentium in Artibus Magistrum actualem creamus, pariterque in numerum Magistrorum in Artibus hujusce regni aggregamus; juramento infra scripto priùs per nos de te exacto, et a te jurato:—Ego Joannes Dryden, ad gradum et titulum Magistri in Artibus, per Reverendissimum in Christo patron ac dominum, Gilbertum divinâ providentiâ Cantuariensem Archiepiscopum, totius Angliæ Primatem et Metropolitanum, admittendus, teste mihi conscientiâ testificor serenissimum nostrum regem Carolum Secundum esse unicum et supremum gubernatorem hujusce regni Angliæ, &c. sicut me Deus adjuvet, per sacra Dei evangelia.—Proviso semper quod hæ literæ tibi non proficiant, nisi registrentur et subscribantur per Clericum Regiæ Majestatis ad Facultates in Cancellaria.
“Dat. sub sigillo de Facultatibus, decimo septimo die mensis Junii, Anno Domini 1668, et nostræ translationis anno quinto.”