IN Explicatum à doctissimo sagacissimoq; Viro Domino De GARENCIERES FAMOSI Nostradami Vaticinium.
Theophilus Garencières translation
Abdita qui medici legit præsagia Vatis, Non valet hoc quisquam pandere carmen, ait. Falleris, en Medicus merito quoque nomine Vates, Invia luminibus permeat antra novis. Sed minus ingenio tantum mirere laborem Id succisivo tempore fecit opus. Petrus Cottereau.
Aliud.
Præteritos in vate tuo cognoscere casus Vix licet; ast etiam nota futura tibi. Si potes è mediis lucem proferre tenebris; Ipsa metallorum semina te-ne latent? Nulla tuum fugiunt naturæ arcana cerebrum, Per quem Nostradami Pythica verba patent. Idem.
