The Sovereignty of the Sea

APPENDIX A. (P. 45.) THE LIBEL REGARDING REYNER GRIMBALD. De Superioritate Maris Angliæ et Jure officii Admirallatus in eodem. (Chancery Rolls, Miscellaneous. Treaties and Diplomatic. Bundle 14, No. 15, Mem. 12.)

Reading edition

APPENDIX A. (P. 45.) THE LIBEL REGARDING REYNER GRIMBALD. De Superioritate Maris Angliæ et Jure officii Admirallatus in eodem. (Chancery Rolls, Miscellaneous. Treaties and Diplomatic. Bundle 14, No. 15, Mem. 12.)

A vous Seignurs Auditours Deputez par les Roys Dengleterre et de Fraunce a redresser les damages faitz as gentz de lour Roialmes et des autres terres subgiz a lour seignuries par meer et par terre en temps de pees et de Trewes monstrent les Procureurs1349 des Prelatz et Nobles et del Admiral de la meer Dengleterre et des Comunaltes des Citees et des Villes et des Marchanz Mariners Messagers et Pillerins et de tous autres1350 du dit Roialme Dengleterre et des autres terres subgies a la seignurie du dit Roy Dengleterre et daillours sicome de la Marine de Genne Cateloigne Espaigne Alemaigne Selaunde Heylande Frese Denemarch et Norweye et de pluseurs autres leux del empyre qe come les Roys Dengleterre par raisoun du dit Roialme du temps dount il na1351 memoyre du contraire eussent este1352 en paisible possession de la souereigne seignurie de la meer Dengleterre et des Isles esteans en ycele1353 par ordinance et establicement des lois estatuz et deffenses darmes et des vesseaux autrement garniz qe vesseaux de Marchandise et de seurte prendre et sauuegarde doner en tous cas qe mestier serra et par ordinance de tous autres faitz necessaires a la garde des pees droiture et equite entre toute1354 manere des genz taunt dautri seignurie come leur propre1355 par illeqes passanz et1356 par souereigne garde et1357 tote manere de conisance et Justice haute et basse sur les dites loys estatuz ordinances et deffenses et par tous autres faitz queux a le gouernement1358 de souereigne seignurie appartenir purront es leux auantdiz. Et A. de B. Admiral de la dite meer deputez par le Roy1359 Dengleterre et tous les autres Admirals par meisme celui Roy Dengleterre1360 et ses Ancestres iadiz Roys Dengleterre eussent este1361 en paisible possession de la dite souereigne garde1362 oue la conisance et Justice et tous les autres appurtenances auantdites horspris1363 en cas dappel et de querele faite de eux a lour souereignes Roys Dengleterre de deffalte de droit ou de mauueis iuggement et especialment par empeschement mettre et Justice faire1364 seurte prendre de la pees de tote manere des genz vsanz armes en la dite meer ou menanz Nefs autrement apparaillees ou garnies qe nappartenoit au1365 Neef Marchande et en tous autres pointz en queux homme poet auoir resonable cause de suspecion vers eux de roberie ou des autres mesfaitz.1366 Et come les Meistres des Neefs du dit Roialme Dengleterre en absence des diz Admirals eussent este en paisible possession de conustre et juggier de tous faitz en la dite meer entre tote manere des gentz solonc les loys estatus et les deffenses franchises et Coustumes.1367 Et come en le primer article de lalliaunce nadguers faite entre les diz Roys en les traitiz sur la darraine pees de Paris soient comprises les paroles qe sensuient en vne cedule anexe ayceste.1368 Primerement il est traite et acorde entre nous et les messages et les procureurs desurdiz en nonn des diz Roys qe yceux Roys serrount lun a lautre desores en auant bons verays et loiaux amys et eydanz countre tout homme sauue lesglise de Rome en tiele manere que si ascun ou pluseurs quicunques ils fuissent voloient deponticer [sic] empescher ou troubler les diz Roys es franchises es libertez priuileges es droiz es droitures ou es custumes de eux et de lour Roialmes qils serront bons et loiaux amys et aydanz countre tout homme qi puisse viure et morir a defendre gardir et mainterer1369 les franchises les libertez les priuileges les droiz les droitures et les coustumes desusdites Excepte1370 le dit Roy Dengleterre Monsieur Johan Duc de Braban en Brabant et ses heirs dessenduz de lui et de la fille le Roy1371 Dengleterre et excepte pur le dit nostre seigneur le Roy de Fraunce excellent Prince Monsieur Aubert Roy Dalemaigne [et] ses heirs Roys Dalemaigne et Monsieur Johan Counte de Henau en Henau. Et que lun ne serra en consail ne en ayde ou lautre perde vie membre estat ne honur temporel [Mem. 12d] Monsieur Reymer Grymbaltz Meistre de la Nauie du dit Roy de Fraunce qi se dit estre Admiral de la dite Meer deputez per soun seignur auantdit pur sa guerre countre les Flamaings apres la dite alliaunce faite et affirmee et1372 contre la fourme et la fource de meisme lalliance et lentencion de ceux qi la firent loffice deladmiralte en la dite Meer Dengleterre1373 par commission du Roy1374 de France torsenousement enprist et usa un an et plus en parnant les gentz et1375 marchantz du Roialme Dengleterre et daillours par la dite meer passanz euesque leur biens1376 et les gentz ansi prises liuera a la prison de soun dit Seignur le Roy de Fraunce et lour biens et1377 Marchandises a les Receiuours par meisme celui Roy de Fraunce1378 a ce1379 deputez en les Portz de soun dit Roialme come a lui forfaites et acquises fist amener par soun iuggement et agard1380 et la prise et detenue des dites gentz oue1381 lour diz biens et marchandises et soun dit iuggement et agard sur la forfaiture de eaux et acqueste1382 ait Justice deuant vous Seignurs Auditours en escript par my lautorite de la1383 dite commission sur ladmiralte auantdite par lui ansi vsurpee et par my vne deffense communement faite par le Roy1384 Dengleterre par my soun poer solonc la forme du1385 tiers article de lalliaunce auant dite qi contient les paroles desouzescriptes en requerant que de ce il en fuisse quitz et assouz en grant damage et preiudice du dit Roy Dengleterre et des Prelatz et Nobles et autres desusnomez par quoy les diz procureurs en les nouns de lour diz Seignurs1386 Auditours auantdiz prient que deliuerance dewe et hastiue des dites gentz ouesqe leur biens et marchandises ansi prises et detenues facez estre faite al Admiral du dit Roy Dengleterre a qi la conisance de ce appartient de droit sicome desus est dit ansi qe1387 sans destorbance de vous et dautri1388 puisse de ce conustre et faire ce qe appartient a soun office auant dit et qe le dit Monsieur Reyner soit condampne et destreint affaire dewe satisfaction a tous les diz damagez si auant come etc.1389 Item vous requirent les diz procureurs que come solone les anxnienes1390 loys franchises et coustumes du Roialme Dengleterre a la garde des queles vostre dit seignur le Roy et ses auncestres Roys Dengleterre soloient estre liez par lour sermentz Lour Admirals de la Meer Dengleterre oue1391 les Maistres et Mariners nefs1392 des Portz de la Marine Dengleterre esteans en les1393 armees des diz Admirals ne deuoient1394 respondre deuant nuls Justices des Roys auantdiz1395 sur fais en la Meer susdite durans lours1396 guerres countre lour enemis et le dit Admiral vostre dit seignur le Roy et plusours des Maistres et Mariners des Portz auantdiz ore esteans en sa Armee countre les1397 enemis Descoce et lour aydans et alliez par expres mandement de vostre dit seignur le Roy soiient accusez deuant vous par gentz de Normandie et de Bretaigne et daillours sur ascuns faitz en la dite Meer en temps de trewes et puis la pees afferme entre les diz Roys Dengleterre et de Fraunce et auant la guerre comencee entre eaux a ce qest dit. Vous plaise surseer es proces countre eux ia comencee et deporter de comencer nouel durant la guerre susdite ansi qils naient mestier de se1398 complaindre a vostre dit seignur et as Prelatz et Nobles de soun dit Roialme par leur serment liez a les dites loys franchises et coustumes garder et maintenir.

Notes in this chapter

Note 1 · On Mem. 1 the words “le dit Roi Dengleterre et” follow “Procurors.”Note 2 · Mem. 1 and 8, “de touz autres de son Roialme.”Note 3 · Mems. 1, 14, and 15, “il ny ad.” Mem. 8, “du temps qil ny ad.”Note 4 · Mem. 8, “aueroient este.”Note 5 · Mem. 1, “oue touz les Isles et les apportenaunces.”Note 6 · Mem. 1, the words are “estatuitz et defenses comunes et priuees” and the rest is omitted to “sur toute manere des gentz taunt,” &c. Mem. 8, Note 7 · Mems. 1, 8, 14, 15, “come de lour propre.”Note 8 · Mem. 1, “oue.”Note 9 · Mems. 1, 8, and 15, “oue.”Note 10 · Mem. 1, instead of gouernement, “a la generalte”; Mem. 8, “a la garde.”Note 11 · Mems. 1, 8, and 15, “le dit Roi.”Note 12 · Mem. 1 omits “Dengleterre.”Note 13 · Mems. 1 and 8, “Rois Dengleterre deputez eient este.”Note 14 · Mem. 8, “de la dite seignurie et garde.”Note 15 · Mems. 1, 8, 14, and 15, “forspris.”Note 16 · Mems. 1, 8, and 15 insert “et.”Note 17 · Mem. 15, “a.”Note 18 · Mem. 1, “ou mesfaitz”; Mem. 8, “ou de mesfaitz.”Note 19 · The sentence from “Et come” to “Coustumes” is omitted on Mems. 1, 8, and 15.Note 20 · Mems. 1 and 8 omit “en vne cedule anexe ayceste,” and Mems. 1, 14, and 15 omit the whole of the next paragraph, recommencing “Monsieur Reyme Note 21 · Mem. 8, “et a maintener.”Note 22 · Mem. 8, “excepte pur le dit Roy.”Note 23 · Mem. 8, “le dit Roy.”Note 24 · Mem. 14 omits “et.”Note 25 · Mems. 1 and 8 omit “Dengleterre.”Note 26 · Mems. 1, 14, and 15, “du dit Roi.”Note 27 · Mems. 8 and 15 insert “les.”Note 28 · Mems. 1, 8, and 15 insert “et marchandises.”Note 29 · Mem. 1 omits “et.”Note 30 · Mem. 1 omits “de Fraunce.”Note 31 · Mems. 1, 14, and 15 read (here and elsewhere) “ceo.”Note 32 · Mem. 8 omits “et la prise,” &c., recommencing, “sur la forfaiture,” &c.Note 33 · Mem. 14, “ou.”Note 34 · Mem. 8 inserts “et.”Note 35 · Mems. 1, 14, and 15, “sa.”Note 36 · Mems. 1 and 8, “de par le dit Roi.”Note 37 · Mem. 1, “de la”; Mems. 8, 14, and 15, “de le.”Note 38 · Mems. 1, 8, 14, and 15 insert “a vous Seigneurs.”Note 39 · Mems. 8 and 14, “qil.”Note 40 · Mem. 8 inserts “il.”Note 41 · Mems. 1, 14d, and 15 complete the passage as follows: “Come il purra suffire et en sa deffaute son dit seignur le Roi de Fraunce par qi il e Note 42 · Mem. 1, “aunciens”; Mem. 14, “auncienes.”Note 43 · Mems. 1, 8, and 14, “ne.”Note 44 · Mems. 1, 8, and 14 omit “nefs.”Note 45 · Mem. 8, “leurs.”Note 46 · Mem. 8, “doiuent.”Note 47 · Mem. 8. “deuantdiz.”Note 48 · Mems. 1 and 8, “les.”Note 49 · Mems. 1 and 8, “ses.”Note 50 · Mem. 8, “soy.”