Note 63 — Chapter IV · The Sabbat
Reading edition
Ad quam congregationem seu ludum præfatæ pestiferæ personæ uadunt corporaliter & uigilantes ac in propriis earū sensibus & quando uadunt ad loca propinqua uadunt pedestres mutuo se inuicem inuitantes. Si aute̅ habent congregari in aliquo loco distanti tunc deferuntur a diabolo, & quomodocunque uadant ad dictum locum siue pedibus suis siue adferantur a diabolo uerū est quod realiter et ueraciter & no̅ pha̅tastice, neque illusorii abnegant fide̅ catholicam, adorant diabolum, conculcant crucem, & plura nefandissima opprobria committunt contra sacratissimum Corpus Christi, ac alia plura spurcissima perpetrant cum ipso diabolo eis in specie humana apparenti, & se uiris succubum, mulieribus autem incubum exhibenti.