Note 71 — Chapter III · Demons and Familiars

Auoir esté au Sabbat; ne sçait comme elle y fut transportée ... qu’au Sabbat le Diable cogneust charnellement toutes les femmes qui y estoient, & elle aussi la marqua en deux endroicts.... Que le Diable la cogneu vne autrefois, & qu’il a le membre faict comme un cheual, en entrant est froid comme glace, iette la semence fort froide, & en sortant la brusse comme si c’estoit du feu. Qu’elle receut tout mescontentement que lors qu’il eut habité auec elle au Sabbat, vn autre homme qu’elle ne cognoist fit le semblable en presence de tous, que son mary s’appercut quand le Diable eut affaire auec elle, & que le Diable se vint coucher auprez d’elle fort froid, luy mit la main sur le bas du ventre, dont elle effrayée en ayant aduerty son mary, il luy dict ces mots, Taise-toy folle, taise-toy. Que son mary vit quand le Diable la cogneust au Sabbat, ensemble cet autre qui la cogneust après.